بىر جۈپ ئەر -خوتۇن يېڭى مەھەللىگە كۆچۈپ كەپتۇ . بىر كۈنى سەھەردە ئىككىيلەن ناشتا قىلىۋېتىپ ، ياش ئايال دېرىزىدىن قوشنىسىنىڭ سىرتتا كىر يېيىۋاتقانلىقىنى كۆرۈپ قاپتۇ . ئۇ خۇددى زور بىر ئىشنى بايقىۋالغاندەك ئېرىغا : << قاراڭ ، ئۇ كىيىملەرنى پاكىز يۇيالماپتۇ ، ئۇ توغرا كىر يۇيۇش ئۇسۇلىنى بىلمەيدۇ ياكى كىرنى تېخىمۇ پاكىز چىقىرالايدىغان پاراشوك ئىشلەتمىگەن >> دەپتۇ . ئېرى سىرتقا قاراپ قويۇپلا ، ئارتۇقچە گەپ قىلماپتۇ . شۇنىڭدىن باشلاپ ياش ئايال قوشنىسى كىر يايغاندا شۇنداق خۇرسىنىپ يۈرۈپتۇ .
            ئارىدىن بىر ئاي ئۆتۈپ ، مەلۇم بىر ئەتتىگەنلىك ناشتىدا ئايال تۇيۇقسىز قوشنىسىنىڭ يايغان كىرلىرىنىڭ بىردىنلا ناھايىتى پاكىزلىنىپ قالغانلىقىنى كۆرۈپتۇ . ئۇ ھەيرانلىق ئىچىدە ئېرىغا : << قاراڭ ، قوشنىمىز كىرنى پاكىز يۇيۇشنى ئۆگىنىۋاپتۇ ! >> دەپتۇ . ئېرى بېشىنى كۆتۈرۈپ ، پەرۋاسىزلىق بىلەن : << مەن سەھەردە ئورنۇمدىن تۇرۇپ دېرىزىنى سۈرتۈپ قويغان ئىدىم >> دەپتۇ .
             دېمەك ، باشقىلارنىڭ ھەرىكىتىنىڭ ( قىلغىنىنىڭ ) توغرا ياكى ئەمەسلىكىنى بىلىشتە ئاۋۋال ئۆزىمىزنىڭ پىكرىمىزنىڭ بىر تەرەپلىمە ياكى ئەمەسلىكىنى بىلىشىمىز كېرەك .

                                    ( پۇچىنئاي مۇختەر تەرجىمىسى )

بىتەر خوتۇن. ئۆزىنى تاختا پەننىڭ ئۈستىگە ئېلىپ قويۇپتۇدە!

كونىلارنىڭ «باشقىلارنى بىرنىمە دىيىشتىن ئاۋۋال پىشانەڭنى سىلاپ باق »دىگىنى بىكار ئەمەستە ...

بەزى ئاياللار ئۆزىنى بىلمەي تۇرۇپ < ۋىيەي، نىمدا سەت...> دەپ قويۇشلىرى بارغۇ؟! ئەلۋەتتە ئەرلەرمۇ بار...
ئاۋۋال ئۆزۈڭنى بىل، ئاندىن ئۆزگىلەر ئۈستىدە ئويلان.

مەن قوڭۇمنى ياراتمايمەن بۇسۇرۇپ ،قوڭۇم مىنى ياراتمايدۇ ئۇسۇرۇپ (كەچۈرۈڭلار )  دىگەندەك ، ھىلىقى قوشنىسى  بۇ خۇتۇننىڭ  دېرىزىسىنى كۆرۈپ نىمە دىدى تېخى  ...

  ئۆزىنىڭ كەمچىلىكلىرىنى ئېتىراپ قىلمىغان ۋە  تۈزەتمىگەن ئادەم مەڭگۈ  تەرەققىي قىلالمايدۇ.