ھەسەتتىن قاينىغاچ ئىچىڭ پۇرۇقلاپ،
توختىماي ئاغرىمدۇ بېشىڭ لۇقۇلداپ.
ئۇيقۇسىز يۈرگەچكە ھەر كۇنى تىنماي،
 ئىسكىلىت بوپقاپسەن ئىتتەك ئورۇقلاپ.

ئوت كېتەر ئىچىڭگە بىرى تاپسا پۇل،
تۈگەپلا كېتىسەن تاپسا بىرى يول.
قاتىراپ ياتمايدۇ ئىچىڭدە توڭگۇز،
شۇڭا سەن ئەرزىمەس بىچارەبىر قۇل.

ئاتقۇزدۇڭ قانچىنى تەخىتتىن موللاق،
قاتىراپ يوقۇرغا سويۇپ قوي،ئوغلاق.
ئۆزەڭدىن باشقىنى چاقىسەن تىنماي،
يېتىشىپ ھەمىگە قۇرۇيسەن قىلتاق.

ئەتىدىن كەشكىچەڭ تاپىسەن چاتاق،
كۆزلىرىڭ قىزىرىپ قاينايدۇ چاپاق.
ئىنسابىڭ،ئىمانىڭ بولمىغاچ سېنىڭ،
جۈپتىڭمۇ تىللەيدۇ سېنى دەپ شاپاق

يۇقۇردىن چۈشسە گەر غوجاڭدىن بىرى،
سالىسەن داستىخان تارتتىسەن بېرى.
ھەل بولماي ھەسرىتىڭ قالسا شۇ كېچە،
بۇ غوجاڭ بولىدۇ جۇپتۈڭنىڭ ئېرى.

سولۇپتۇ جۈپتۈڭمۇ ئالدىراش بولغاچ،
چوڭ بوپتۇ قىزلىرىڭ بارماقتا تۇرغاچ.
قالسا كەپ غوجاڭدىن ئەمدى بىرلىرى،
قارىماس ئىنەككە موزايلار تۇرغاچ.

ھەيرانمەن مەن ساڭا پالاقلاپ يۈرسەڭ،
ھەرقانچە قىلىپمۇ ئۆرلىيەلمىسەڭ.
قايغۇدا تەڭ تۇرۇپ دوستلۇرۇڭ بىلەن،
شاتلىقتا بىرلىشىپ كۈلىشەلمىسەڭ.

ھەسرىتىم بار مېنىڭ سېنىڭغا ئوخشاش،
ئەمەستۇر ئارزويۇم ئۆزگىنى پۇتلاش. 
ياشايمەن ئەل ئۈچۈن كۆيۈپ غېمىدە،
شاتلانسا باشقىلار يايرايمەن ئوخشاش.

ئىشقىلىپ خۇدا ساقلىسۇن شۇنداق كېسەلدىن!!!!!!!!!

  بۇ شئېر ناھايىتىمۇ ياخشى يېزىلىپتۇ، بولسا مەتبۇئاتقا بەرسە تېخىمۇ كۆپ كىشىلەر كۆرسە،بۇيامان <<كىسەل>>نى ئۆزىگە يۇقتۇرۋالمىسا -دەيمەن. چۈنكى بۇكېسەل ناھيىتىمۇ يامان، يۇقتىمۇ بولدى خورىتىپ جاننى ئالمۇغۇچە توختىمايدىكەن.باشقىلارغىمۇ پۇتلىكاشاڭ بولۇپ،خاتىرجەملىكىنى بۇزىدىكەن.

ئۆزىنى كۆرۈشنى خالىمايدىغان ئۇيغۇر يالاقچىلارنىڭ ناكاھ روھى قىياپىتى ۋە ئۇلارنىڭ ھەسەت بىلەن كىشەنلەنگەن يىرگىنىشلىك قەلىب جاراھىتى جانلىق ،ئوبرازلىق تىل ۋاستىسى بىلەن چىن ئەكىس ئەتكەن.بىز بۇ شېئىردىن جىگىرى بىلەن ئەسەر يازىدىغان ساغلام تەبىئەتكە ئىگە شائىر قەلبىدىن مەمنۇنىيەت بىلەن زوقلانساق،ئىپلاسلىق بىلەن جان باقىدىغران ،قەلبى يالاققا ئۆگەنگەن زامانىمىزنىڭ ئادەم سىياق تەلۋە كۈچۈكلىرىدىن چەكسىز غەزەپلىنىمىز.
             ئىنسانى تەبىئەت ،غورور ياشىسۇن!.شائىرىم ياز!!!.
             ئەتىمىز ساڭا مەنسۈپ بولسۇن!!!!. 

يارايسەن نېرىنكېر ئوغلانى  تۇرغۇن.  ئەسلىدىمۇ يېزىقچىلىك قابىلىيىتىڭ كارامەت ياخشى ئىدى ،تۇرمۇشتىكى بىر قىسىم  ئىللەتلەنى  سارال كامچاڭ بىلەن تازا كامچىلاپسەن ، تېخىمۇ تىرىشكايسەن.