يۈي  شاۋيۈن

         لىن بياۋ بىلەن يې چۈننىڭ ئوغلى لىن لىگوغا ساھىپجامال قىزلار ئىچىدىن " كىچىك خانىش" تاللىغان رەسۋاچىلىقى خېلى بۇرۇنلا جەمئىيەتتە تارقىلىپ ، شاۋقۇن - سۈرەن پەيدا قىلغان ۋە گېزىت - ژۇرناللاردا كۆپ قېتىم ئاشكارىلانغان بولسىمۇ ، لېكىن بۇلارنىڭ خېلى كۆپ قىسمى ئەپقاچتى گەپلەر ، بەزىلىرى ھەتتا خالىغانچە توقۇلغان توقۇلمىدىن ئىبارەت ، ئاپتۇر ئەينى يىللاردىكى مۇناسىۋەتلىك كىشىلەردىن لىن لىگونىڭ شاڭخەيدە « ساھىپجامال تاللىغان» لىقىغا دائىر بىرىنچى قول ماتېرىياللارنى ئىگىلەپ ،كىتاپخانلارنىڭ دىققىتىگە سۇندى .



                   
                       يې چۈننىڭ ئادەم ئەۋەتىپ سىناپ كۆرۈشى

       لىن لىگو شاڭخەيدە « ساھىپجامال تاللاش» نى باشلىغاندا ، پەقەت كىچىك دائىرىدە ئوغرىلىقچە ئىش كۆرۈشكىلا جۈئەت قىلالىغان . 1969 - يىلى "9 قۇرۇلتاي"دىن كېيىن ، يې چۈن ئۆز كونتىروللىقىدىكى مەركىزى ھەربىي ئىشلار كومىتېتى ئىش بېجىرىش گۇرۇپپىسى ئىشخانىسى ئارقىلىق دېڭىز ئارمىيىسىدىكى لى زوفىڭنىڭ بىر پارچە تونۇشتۇرۇشى بىلەن بېيجىڭدىن بىر نەپەر كادىرنى ئوغلىنىڭ « ساھىپجامال تاللىشى» غا ياردەملىشىش ئۈچۈن شاڭخەيگە ئەۋەتىدۇ . بۇ كادىر شاڭخەيگە بارغاندىن كېيىن شەرقى دېڭىز جەندۈيىنىڭ مۇئاۋىن قۇماندانى گاۋ بىلەن كۆرۈشۈپ ، دېڭىز ئارمىيە سېستىمىسىدىكى يوقىرى دەرىجىلىك كادىرلار مېھمانخانىسىنىڭ كۈتكۈچىلىكىگە شاڭخەيدىن بىر نەچچە كۈتكۈچى قوبۇل قىلماقچى ئىكەنلىكىنى ئېيتىدۇ . ئەينى ۋاقىتتا يەنە شاڭخەي شەھەرلىك ئىنقىلابى كومىتېتنىڭ مۇئاۋىن مۇدىرى بولغان گاۋ شەھەرلىك ئىنقىلابى كومىتېت قارمىقىدىكى مەلۇم بۆلۈم نامىدىن تونۇشتۇرۇش ئېلىپ بېرىپ ، ئۇنىڭ قىزلارنى ئاساسى قاتلامدىن بىۋاستە تاللىشى ئۈچۈن ئىمكانىيەت يارىتىپ بېرىدۇ .بۇ كادىرنىڭ ھەىكىتى ناھايىتى سىرلىق بولۇپ ،بىردەم دېڭىز ئارمىيىسى فورمىسىنى كىيسە ، ،بىردەم قۇرۇقلۇق ئارمىيىسى فورمىسىنى كىيىۋالىدۇ ، بۈگۈنى مەكتەپكە بارسا ، ئەتىسى زاۋۇتقا بارىدۇ ، ھەم تىڭتىڭلاپ ھەم بىۋاستە كۆزدىن كۆچۈرۈپ مەخسۇس چىرايلىق ۋە ياش قىزلارنى تاللايدۇ . بۇ ئىش ئاممىغا گۇمان تۇغدۇرۇپ ، بەزىلەر يوقىرى دەرىجىلىك ئورۇنغا ئىنكاس قىلىدۇ ، نەتىجىدە يوقىرىدىن ئادەم كېلىپ تەكشۈرۈش ئېلىپ بارىدۇ . شۇنىڭدىن كېيىن ، ھېلىقى كادىر ئەھۋالنىڭ چاتاقلىقىنى ھېس قىلىپ بېيجىڭگە غىپپىدە تىكىۋېتىدۇ .






                        لىن لىگونىڭ "ئادەم ئىزدەش گۇرۇپپىسى" قۇرۇشى

        شۇنىڭدىن كېيىن ، لىن لىگو ئۆزى بىۋاستە ئوتتۇرىغا چىقىدۇ . 1970 -يىلى 5 - ئايدا لىن لىگو شاڭخەيدە ھاۋا ئارمىيىسىنىڭ 4 - كورپۇسىدىن ئادەم تاللاپ ،مەخسۇس ئوبيېكت تاپىدىغان "ئادەم ئىزدەش گۇرۇپپىسى" قۇرىدۇ . ئۇ بىرىنچى قەدەمدە ئەڭ ئىشەنچلىك دەپ قارىغان سەككىز كىشىنى تاللىغانلىقى ئۈچۈن ، بۇ گۇرۇپپا دەسلەپتە "سەككىز كىشىلىك گۇرۇپپا " دەپ ئاتالغان ، ئەزالىرى كۆپەيتىلگەندىن كېيىن ،لىن لىگو ئۇنىڭغا "شاڭخەي گۇرۇپپىسى" دەپ نام بېرىدۇ . « ساھىپجامال تاللاش» تىن ئىبارەت بۇ ئىش توغرىسىدا ئەينى ۋاقىتتىكى ھاۋا ئارمىيە 4 -كورپۇسىنىڭ بىرىنچى سىياسى كومىسسارى ۋاڭ ۋېيگو ( لىن بياۋ ئەكسىلئىنقىلابى گۇرۇھىنىڭ غوللۇق ئەزاسى) ئۆزىنىڭ يېقىن ئاداملىرىگە مۇنداق دەيدۇ : " تالانت ئىگىسىگە ياردەمچى تاللايدىغان ئۇلۇغ ۋە چوڭقۇر ئەھمىيەتكە ئىگە ئىش" .
        لىن لىگونىڭ ئەينى ۋاقىتتىكى سالاھىيىتى گەرچە ھاۋا ئارمىيە ئۇرۇش قىلىش بۆلۈمىنىڭ مۇئاۋىن باشلىقى بولسىمۇ ، لېكىن ھاۋا ئارمىيىسىدە "ھەممىگە قۇماندانلىق قىلىپ ، ھەممىنى ھەرىكەتلەندۈرەلەيتتى" . ئۇ "شاڭخەي گۇرۇپپىسى" غا  بېغىشلىما يېزىپ بەرگەن ، گۇرۇپپا بەلگىسىنى ناھايىتى نەپىس ئىشلەتكۈزگەن ، يەنە  "شاڭخەي گۇرۇپپىسى" نىڭ قۇرال تاپشۈرىۋېلىش مۇراسىمىغا رىياسەتچىلىك قىلىپ ، گۇرۇپپا ئەزالىرىغا ئۆز قولى بىلەن قۇرال تارقىتىپ بەرگەن . "شاڭخەي گۇرۇپپىسى" غا قاتناشقان كىشىلەر "گۇرۇپپىدا قەسەم بېرىش" كە قاتناشتۇرۇلغان . قەسەمنىڭ مەزمۇنىدا : "رەئىس ماۋزېدۇڭغا سادىق بولىمىز ، مۇئاۋىن رەئىس لىن بياۋغا سادىق بولىمىز" دېگەنلەردىن تاشقىرى يەنە : "لىن مۇئاۋىن بۇجاڭ ئۈچۈن ھېچ نەرسىدىن قوقمايمىز " ، " لىن مۇئاۋىن بۇجاڭنىڭ مەخپىيەتلىكىنى قەتئىي ساقلايمىز " دېگەنلەرمۇ بار ئىدى . يەنە كېلىپ كېيىنكىسى قەسەمنىڭ يادرولۇق قىسمى ئىدى . "شاڭخەي گۇرۇپپىسى" نىڭ ئەزالىرى يەنە "گۇرۇپپىغا كېرىشتە بىلىشكە تىگىشلىك ئىشلار" نى ئەستايىدىل ئۆگىنىشى لازىم ئىكەن . "بىلىشكە تىگىشلىك ئىشلار" دا گۇرۇپپىنىڭ ۋەزىپىسى _ پرولتارىيات سىلىڭبوسى بىۋاستە تاپشۇرغان كۆپ خىل ۋەزىپىلەرنى ئورۇنداش ، "بولۇپمۇ گۇرۇپپىمىزنىڭ ئەڭ ئالىي رەھبىرى _ لىن مۇئاۋىن بۇجاڭنىڭ يوليۇرۇقىنى ھېچقانداق كىشىگە ئاشكارىلاشقا بولمايدۇ" دەپ كۆرسىتىلگەن .



 
        "شاڭخەي گۇرۇپپىسى" نىڭ ئەزالىرى كېيىن يىگىرمىگە يەتكەن بولۇپ ، ھەممىسى قۇرال ئىشلىتەلەيدىغان ، رەسىم تارتالايدىغان ، ماشىنا ھەيدىيەلەيدىغان كىشىلەر ئىكەن . ئۇلارنىڭ ھەر بىرىگە بىردىن سوۋېتتە ئىشلەنگەن "ۋولگا" ماركىلىق ماشىنا بېرىلگەن . "شاڭخەي گۇرۇپپىسى' نىڭ رەھبەرلىكىگە ۋاڭ ۋېيگومۇ قاتناشقان ، ئۇ "گۇرۇپپىنىڭ ھەر بىر ھەرىكىتى چوڭ ۋەزىيەتكە پايدىلىق بولۇشى لازىم ، مۇئاۋىن بۇجاڭنىڭ ئۆزى چوڭ ۋەزىيەت" دەپ بۇيرۇق چۈشۈرگەن . "شاڭخەي گۇرۇپپىسى" نىڭ لىن لىگو ئۈچۈن  « ساھىپجامال تاللاش» ئىشى سرتقا قارىتا قەتئىي مەخپىي بولۇپ ، قەتئىي ئاشكارىلاشقا بولمايدىغانلىقى ئۈچۈن ،ھاۋا ئارمىيە 4 -كورپۇسىدىكى بەزى رەھبەرلەرمۇ بۇ گۇرۇپپىنىڭ ئىچكى ئەھۋالىدىن بىخەۋەر ئىكەن .لىن بياۋ كۈيۈپ ئۆلگەندىن كېيىن ، جۇزۇڭلىنىڭ يويۇرۇقىغا ئاساسەن  "شاڭخەي گۇرۇپپىسى" نىڭ ئەزالىرىغا قارىتا ئايرىپ تەكشۈرۈش تەدبىرى قوللىنىلىدۇ . شۇنىڭ بىلەن بىرگە ، " "شاڭخەي گۇرۇپپىسىنىڭ گۇرۇپپىغا كېرىشتە بىلىشكە تىگىشلىك ئىشلار " ، " قەسەمنامە" . لىن لىگو يېزىپ بەرگەن بېغىشلىما ، گۇرۇپپا بەلگىسى ، « ساھىپجامال تاللاش» تا ئىشلىتىلگەن فۇتۇ ئاپپارات ، ئەلبوم ۋە باشقا سايمانلار قولغا چۈشۈرۈلۈپ ئىشەنچلىك ئىسپاتقا ئېرىشىلىدۇ .بۇنىڭ ئىچىدە  "شاڭخەي گۇرۇپپىسى" نىڭ ئەزاسى تاۋ ئەينى ۋاقىتتا بىر مۆجىزە يارىتىشنى كۆڭلىگە پۈكۈپ ، لىن لىگونىڭ شاڭخەيدىكى ھەر بىر ھەرىكىتىنى ۋاقىتنىڭ ئىلگىرى - كېيىنلىك تەرتىپى بويىچە تەپسىلى خاتىرلەپ ماڭغان . لىن لىگو بىلەن لىن بياۋ براقلا تۈگەشكەندىن كېيىن ، بۇ خاتىرە لىن لىگونىڭ رەزىل قىلمىشلىرى توغرىسىدىكى مۇھىم جىناتى پاكىتقا ئايلىنىپ ،  لىن لىگونىڭ شاڭخەيدە « ساھىپجامال تاللاش» جەريانىدىكى تۈرلۈك پەسكەچلىكلىرىدىن ھەقىقى ھەم تەپسىلى خەۋەردار بولىشىمىزغا ئىمكانىيەت يارىتىلدى .

                 « ساھىپجامال تاللاش» تا جۈلۇ يولىدىكى ، ھاۋا ئارمىيە 4 -كورپۇسىنىڭ مېھمانخانىسى بازا بولغان
      
       شاڭخەي جۈلۇ يولىدىكى ھاۋا ئارمىيە 4 -كورپۇسىنىڭ مېھمانخانىسىنىڭ قۇرۇسى ئىچىدە چەت ئەلچە گۈلزارلىق ھويلا بەرپا قىلغان بولۇپ ، لىن لىگو ھەر قېتىم شاڭخەيگە كېلىپ ھەرىكەت ئېلىپ بارغاندا شۇ يەردە تۇرغان . بۇ جاي ئەسلىدە شاڭخەي ئىجتىمائىي پەنلەر ئاكادېمىيىسىنىڭ خەلقارا مەسىللەر تەتقىقات ئورنىغا تەۋە بولۇپ ، "مەدەنىيەت ئىنقىلابى" باشلانغاندىن كېيىن مېھمانخانا ئىگەللەپ ئىشلەتكەن . چەت ئەلچە گۈلزارلىق ھويلا ئىگىز قورۇق تام بىلەن قورشالغان . بۇ يەرگە كېرىدىغان ماشىنىلار جۈلۇ يولىدىن قايرىلىپ ئۇزۇن تار كوچا بىلەن مېڭىپ تۆمۈر دەرۋازىدىن كېرىدىكەن - دە ، مېھمان كۈتۈش ئۆيىنىڭ ئالدىدىكى چۆپلۈكنىڭ يېنىدا توختايدىكەن ؛ بۇ ھويلىنىڭ يەنە بىر تۆمۈر ئىشىكى ئارقىلىق  ھاۋا ئارمىيە 4 - كورپۇسىنىڭ مېھمانخانىسىنىڭ چوڭ ھويلىسىغا چىققىلى بولىدىكەن ، بۇ جاي ھەم خىلۋەت ھەم قۇلايلىق بولغاچقا ، لىن لىگو "شاڭخەي گۇرۇپپىسى" نىڭ  "ساھىپجامال تاللىشىى" غا مۇشۇ يەردە تۇرۇپ بىۋاستە قۇماندانلىق قىلغان .
           ( داۋامى بار )              
  
     

ئىشلىتىش

بۇ مەزمۇن 1قەۋەتتىكى taratiدە2012-02-18 20:17يوللىغان يازمىسىغا نەقىل :
سىز بۇنى يېڭى تەرجىمە قىلدىڭىزمۇ يە بۇرۇنقى ئەدەبىي تەرجىمىلەردىن كۆچۈردىڭىزمۇ؟

بۇرۇنقى ئەدەبىي تەرجىمىلەردىن كۆچۈردۈم . تەلىم بەرگەيسىز ! بېيجىڭدا خەلق تورىنىڭ زىيارىتىدىن كېيىنلا توردا كەم دىدار بولۇپ كەتتىڭىز جۇمۇ !

       شۇنداق . ( ئەدەبىي تەرجىمىلەر) دىن كۆچۈرۋاتىمەن . يېقىندا چىققان ژۇرناللاردا بۇنداق مەزمۇنلارنى ئۇچىراتمىدىم . تورداشلار قىزىقسا ، يەنە (كونا ژۇرناللاردىن) ئىزدەپ داۋاملىق يوللايمەن .

ئىشلىتىش

بۇ مەزمۇن 5قەۋەتتىكى taratiدە2012-02-18 23:44يوللىغان يازمىسىغا نەقىل :
ۋاي ماقۇل، مەن قاتتىق قوللايمەن.   ياخشى تېمىلارنى يوللاۋاتىسىز.

ئىلھام بەرگىنىڭىزگە رەخمەت . ئەمما سىزنىڭ نادىر ئەسەرلىرىڭىز ئۈزۈلۈپ قالمىغاي .

خەلق تورىنىڭ 1-دىكابېر بېيجىڭدىن بەرگەن تېلېگراممىسى. 2011-يىلى 12-ئاينىڭ 30-كۈنى، لۈشۈن ئەدەبىيات ئىسنىتىتۇتىنىڭ 16-قارارلىق ياش يازغۇچىلار يۇقىرى دەرىجىلىك مۇھاكىمە سىنىپى شىنجاڭ ئاز سانلىق مىللەتلەر ئالىي دەرىجىلىك تەرجىمانلار سىنىپىنىڭ ئوقۇش پۈتتۈرۈش مۇراسىمى لۈشۈن ئىنىستىتۇتىدا ئۆتكۈزۈلدى.مۇراسىمدىن كېيىن، بۇ قېتىملىق سىنىپنىڭ كۇرسانتى رىسالەت مەردان زىيارىتىمىزنى قوبۇل قىلدى.

　　رىسالەت خانىم ئۆزىنىڭ بۇ قېتىملىق كۇرس جەريانىدا ئېرىشكەنلىرىنىڭ ناھايىتى كۆپ بولغانلىقىنى ھەمدە كەسىپكە ئۆزىنى بېغىشلاش روھىنىڭ تېخىمۇ كۈچەيگەنلىكىنى ئېيتتى. ئۇ مۇنداق دېدى:« مىللەتلەر نەشىرىياتىنىڭ پىشقەدەم تەرجىمانى ۋاڭ يىجى ئەپەندىمنىڭ ئۆزىنى بېغىشلاش روھىدىن ناھايىتى تەسىرلەندىم، شۇنى تونۇپ يەتتىمكى، ئەگەر سىز بىر كەسىپكە ئۆزىڭىزنى بېغىشلىسڭىز، چوقۇم ئۇنىڭ قەدىرىگە يېتىدىغانلار، بىلىدىغانلار چىقىدىكەن.»

　　رىسالەت خانىم مۇخبىرىمىزغا يەنە خەلق تورىنىڭ ئۇيغۇرچە، خەنزۇچە، ئىنگىلىزچە بەتلىرىنى دائىم كۆرۈپ تۇرىدىغانلىقىنى، ھەمدە ئۇيغۇرچە قانىلىنىڭ ئەدەبىيات سەھىپىسگە ئىزچىل دىققەت قىلىپ كېلىۋاتقانلىقىنى ئېيتتى. رىسالەت خانىم خەلق تورىنىڭ ئۇيغۇرچە قانىلىنىڭ ئەسەرلەرنى ئېلان قىلىش ئۆلچىمىنىڭ يۇقىرى ئىكەنلىكىنى ھىس قىلغانلىقىنى، ئەمما مەزمۇنلارنى بېيىتىش ئۈچۈن، ئەسەر يىغىش بىلەنلا چەكلىنىپ قالماي، يەنە باشقا ھەرخىل شەكىللەر بىلەن ئەسەر قوبۇل قىلىپ، رەڭدارلىقنى ئاشۇرۇپ، تورداشلارنىڭ ئېھتىياجىنى قاندۇرۇشنىڭ ناھايىتى مۇھىملىقىنى تەكىتلىدى.

　　رىسالەت مەرداننىڭ «ئۆيدىن چىقىپ كېتىش»، «يەتتە قىزلىرىم» قاتارلىق شىئېرلىرى ئوقۇرمەنلەرنىڭ ياقتۇرۇشىغا ئېرىشكەن.

      « شاڭخەي گۇرۇپپىسى» نىڭ ئادەم ئىزدەش ئۇسۇلى ھەرخىل ئىكەن

         مېھمانخانىغا توپلانغان گۇرۇپپا ئەزالىرى ئىككى - ئىككىدىن بولۇپ ، بىرلىكتە مەشغۇلات ئېلىپ بارىدىكەن ، لىن لىگومۇ يەنە بىر كىشى بىلەن بىرگە ھەرىكەت قىلىدىكەن .
        « شاڭخەي گۇرۇپپىسى» نىڭ ئادەم ئىزدەش ئۇسۇلى كۆپ خىل ئىكەن . بىرىنچى خىلى « پايلاقچىلىق قىلىش » . بۇ كونا جەمئىيەتتە شاڭخەيدىكى لۈلچەك ، قۇلاق كەستىلەرنىڭ ئىشلىتىپ ئادەتلەنگەن نەيرەڭۋازلىقى بولۇپ ، چىرايلىق ئاياللارنى كۆرگەندە قېلىنلىق قىلىپ
ئارقىسىغا كىرېۋىلىپ ، ئۇلارنى پاتقاققا ئىتتىرمىگىچە بولدى قىلماسلىقتىن ئىبارەت . ئەمما لىن لىگو بۇ ئىشتا زامانىۋى پايلاقچىلىق قىلىش ئۇسۇلىنى قوللانغان . ئۇنىڭغا سېلىشتۇرغاندا ، ئۆتمۈشتىكى شاڭخەي ساھىلىدىكى قۇلاق كەستى ، جىدەلخۇر لۈكچەكلەرنىڭ ئۇسۇلى بەك ئارقىدا تۇرىدۇ .
       مۇبادا لىن لىگو قاتناشقان ئىككى كىشىلىك گۇرۇپپا ماشىنا بىلەن يولغا چىقسا ، « شاڭخەي گۇرۇپپىسى» نىڭ بىر نەپەر ئەزاسى سول تەرەپتە ئولتۇرۇپ رول تۇتۇدىكەن ،ھەربىي كىيىم كىيگەن لىن لىگو ئوڭ تەرەپ ئالدىنقى ئورۇندا ئولتۇرىدىكەن .ماشىنا پىيادىلەر يولىغا يېقىن يەردەئاستا ماڭىدىكەن . لىن لىگو ماشىنىنىڭ ئەينىكىدىن بېشىنى چىقىرىپ قويۇق ھەم قارا قاشلىرى تۈرۈلگەن ھالدا يرتقۇچنىڭكىدەك كۆزلىرىنى ئەتىراپقا تىكىپ ئولجا ئىزدەيدىكەن .
       ئۇلار كىشىلەرنى پايلاشتا زاۋۇت ، ئىدارە - ئورگان  ۋە ماەىزىنلاردىكى ئىشچى - خىزمەتچىلارنىڭ ئىشقا چىقىدىغان ، ئوقۇتقۇچى - ئوقۇغۇچىلارنىڭ دەرسكە ئالدىرايدىغان ، ئىشقىلىپ ،يولدا كېلىپ - كېتىۋاتقان كىشىلەرنىڭ ئۈزۈلمەيدىغان ۋاقتىنى تاللايدىكەن . مۇبادا لىن لىگو بىرەر چىرايلىق قىزنى كۆرۈپ قالغىدەك بولسا ،شۇ ھامان شوپۇرغا ئاشۇ قىزغا يېقىن ئەگىشىپ مېڭىشنى بۇيرۇيدىكەن . شۇنىڭ بىلەن ماشىنا « كۆزىتىلىۋاتقان قىزغا ئەگىشىپ ئاستا سۈرئەتتە ماڭىدىكەن . بەزى كىشىلەر ئارىسىدا كېلىشكەن بىرەر قىزنىڭ ئۆزلىرىگە قارشى كېلىۋاتقانلىقى كۆزىگە چېلىقسا ، لىن لىگو ماشىنىنى دەرھال كەينىگە قايتۇرۇپ شۇ قىزغا يېتىشىۋېلىش ھەققىدە بۇيرۇق چۈشۈرىدىكەن . بۇ خىل ماشىنىغا ئولتۇرۇپ ئىزىغا چۈشۈش تاكى « كۆزىتىلىۋاتقان » قىز بىرەر زاۋۇت ياكى مەكتەپكە كېرىپ كەتكەنگە قەدەر داۋام قىلىدىكەن - دە ، لىن لىگومۇ دەرھال ماشىنىدىن چۈشۈپ دەرۋازىدىن كېرىپ ، ھېلىقى قىزنىڭ قايسى تەرەپكە ماڭغانلىقىنى تەپسىلى كۆرىۋالىدىكەن ، ئاندىن شۇ ئۇرۇننىڭ كادىرلار خىزمىتى تارماقلىرىغا بېرىپ ، قىسىمنىڭ ئىسپاتى ۋە تونۇشتۇرۇشىنى كۆرسىتىپ ، ئۆزلىرىنىڭ ئالاھىدە قىسىمغا ئەسكەر ياكى قىسىمنىڭ سەنئەت ئۆمىكىگە ئارتىس ياكى سەھىيە خادىمى تاللايدىغانلىقى قاتارلىق يالغان سۆزلەرنى قىلىدىكەن ، ھېلىقى قىزنىڭ ئارخىپىنى كۆرۈپ ، ئۇنىڭ ئىسمى ، يېشى ، توي قىلغان - قىلمىغانلىقى ۋە ئائىلە ئەھۋالى قاتارلىقلارنى ئىگىلىمەكچى ئىكەنلىكىنى بىلدۈرىدىكەن . كادىرلار خىزمىتى تارماقلىرىدىكى خادىملار ئازاتلىق ئارمىيىگە ئىشىنىش ۋە قىزغىن سۆيۈش ھېسياتى ، شۇنداقلا ئۇلارنىڭ ئىسپات رەسمىيەتلىرىنىڭ تۇلۇق بولغانلىقى سەۋەبىدىن ئۇلارنىڭ تەلىپىنى رەت قىلمايدىكەن .لىن لىگو قاتارلىقلار ئارخىپتىن ئۆزلىرىگە كېرەكلىك نۇقتىلارنى كۆچۈرىۋالغاندىن كېيىن  يەنە شۇ يەردىلا تاللىغان ئوبېكىت بىلەن بىر قېتىم سۆزلىشىش تەلىپىنى قويىدىكەن .شۇنىڭ بىلەن ھېلىقى قىز ئىدارىنىڭ كادىرلار بۆلۈمىگە چاقىرتىلىدىكەن . ئىككى ھەربىينىڭ بىرسى ئۇ قىز بىلەن ئىختىيارى پاراڭلىشىدىكەن ، ئالدى بىلەن ئۆزلىرىنىڭ كېلىش مەقسىدىنى ئېيتىدىكەن ، ئۇنىڭدىن كېيىن قىزدىن ئارتىس ياكى دوختۇر بولۇشنى خالايدىغان - خالىمايدىغانلىقى ، نېمە كەسىپكە قىزىقىدىغانلىقى ۋە قانداق ئارتۇقچىلىقى بارلىقى قاتارلىقلارنى سۇرايدىكەن . ھەربىي كىيىم كىيگەن يەنە بىر كىشى بولسا ئاندا - ساندا بىرەر ئېغىز گەپ قىستۇرۇپ قويۇپ ، بىر يېشىل رەڭلىك سومكا بىلەن ھەپىلىشىدىكەن . بۇ بىر ھەربىيچە نىمىكەش سومكا بولۇپ ، ئادەتتىكى جەڭچىلەر ئىشلىتىدىغا سومكىدىن ھېچقانداق پەرق قىلمايدىكەن ، ئۇنى شىرەنىڭ ئۈستىگە قويۇپ قويسىمۇ ھېچكىمنىڭ دىققىتىنى قوزغىمايدىكەن . لېكىن كىشىلەر كۆز قىرىنى سالمايدىغان بۇ سومكىنىڭ ئىچىگە بىر دانە ئالى دەرىجىلىك فۇتا ئاپپارات يوشۇرۇنغانلىقىنى خىيالىغىمۇ كەلتۈرۈپ باقمايدىكەن . يەرگە قويغاندا پۇرلۇشۇپ قالماسلىقى ئۈچۈن ھېلىقى سومكىنىڭ ئىچىگە بىر قەۋەت ئەستەر تۇتۇلغان بولۇپ ، بىر تەرىپىدىن بىر كىچىك تۆشۈك ئېچىپ قويۇلغان ئىكەن ، ئىچىگە ئورۇنلاشتۇرۇلغان كىچىك ئاپپاراتنىڭ سۈرەت چۈشۈرۈش ئەينىكى دەل ئاشۇ توشۈككە توغرىلاپ قويۇلىدىكەن -دە ، نىشاننى بىمالال سۈرەتكە ئالالايدىكەن . سومكىنىڭ يەنە بىر تەرىپىدىن بىر تال يىپ چىقىپ تۇرىدىكەن ، بۇ ئەمەلىيەتتە سۈرەت تارتىش كونۇپكىسىنىڭ رولىنى ئۆتەيدىكەن . نىشان قىلىنغان قىز ئۆزىنىڭ ئۆيگە كىرگەن ، ئولتۇرغان ، سۆزلەشكەندىن تارتىپ ، چىقىپ كەتكۈچە بولغان ئارىلىقتىكى تۇلۇق سۈرىتى ، سۆز قىلىۋاتقان ( چىشى كۆرۈنگەن ) چاغدىكى سۈرىتى ، تەبەسسۈم قىلغاندىكى سۈرىتى . . . قاتارلىقلارنىڭ تۇلۇق تارتىلىپ بولغانلىقىنى خىيالىغىمۇ كەلتۈرۈپ باقمايدىكەن .
       لىن لىگو قاتارلىقلارنىڭ  « ساھىپجامال تاللاش » تىكى ئىككىنچى خىل ئۇسۇلى « چىرايىغا قاراپ تاللاش » ئىكەن .بۇ بىرىنچى خىل ئۇسۇلنىڭ رىۋاجى ئىكەن . چۈنكى « پايلاش » ئۈنۈم بەرگەن بولسىمۇ ، لېكىن ئۇنىڭغا ۋاقىت كۆپ كېتىدىكەن . بۇنىڭ قۇلايسىز تەرەپلىرىمۇ بار ئىكەن . ئۇلار بىر قېتىم چوڭ ۋاقە سادىر قىلغىلى تاس قاپتۇ . يەنى شۇ قېتىم لىن لىگوغا ھەمرا بولۇپ ماشىنا ھەيدىگەن بىر گۇرۇپپا ئەزاسى يولدا كېتىپ بارغان قىزغا قاراپ رول بىلەن كارى بولمىغانلىقتىن ، ماشىنا يول بويىدىكى سىتولبىغا سوقۇلۇپ كېتىپتۇ ، ئۇلارنىڭ تەلىيىگە يارىشا ، سۈرئەت ئاستا بولغانلىقتىن لىن لىگو يارىلانماپتۇ . شۇنداقتىمۇ قاتتىق غەزەپلىنىپ ھېلىقى ئادەمنى تىللاپ ھاقارەتلەپتۇ . شۇ ئىشتىن كېيىن  « ساھىپجامال تاللاش » ئۇسۇلى ئۆزگەرتىلىپ ، كۆپرەك  « چرايىغا قاراپ تاللاش » چارىسىنى قوللىنىدىغان بولۇپتۇ . « شاڭخەي گۇرۇپپىسى» نىڭ يىگىرمە نەچچە ئەزاسى ئىككى ئادەم بىرگە ئىشلەيدىغان ئون نەچچە كىچىك گۇرۇپپىغا بۆلۈنۈپ ، ئوچاستىكىلار بويىچە ھوددىگە ئېلىپ ئىشلەيدىكەن  . ئۇلار زاۋۇت ، مەكتەپ . . . لەرگە ئۈسۈپ كېرىپ ، ھەر قايسى ئورۇنلارنىڭ باشلىقلىرى ئارقىلىق ھەر بىر سېخ ، ھەر بىر سىنىپقىچە ئالا قويماي كۆرۈپ چىقىدىكەن . دىرامما ئۆمىكى قاتارلىق « نۇقتىلىق » ئورۇنلارغا لىن لىگو بىۋاستە بېرىپ ، رېپېتىتسىيە قىلىۋاتقان ئارتىسلارنى بىر بىرلەپ كۆرۈپ تاللايدىكەن . ئىشلەۋاتقان ، دەرس ئوقۇۋاتقان ،  رېپېتىتسىيە قىلىۋاتقان قىزلار ئەينى ۋاقىتتا ئۆزلىرىنىڭ « چرايىغا قاراپ تاللاش » ئوبيېكىتىغا ئايلىنىپ قالغانلىقىنى خىيالىغىمۇ كەلتۈرمەيدىكەن . « ساھىپجامال تاللاش » گۇرۇپپىسى تەرىپىدىن تاللانغانلار بىرىنچى خىل ئۇسۇلدا بايان قىلىنغىنىدەك ئۆزلىرى ئىشلەۋاتقان ئورۇننىڭ ئىشخانىسىگە چاقىرتىلىپ سۆزلىشىدىكەن ھەم پۈتۈن جەريان ئوغرىلىقچە سۈرەتكە تارتىۋېلىنىدىكەن .


داۋامى بار ......................

           لىن لىگو قاتارلىقلار سۈرەتلەرنى يۇيۇپ ، ئۆز ئارا سېلىشتۇرۇش ئارقىلىق قايتا تاللاش ئېلىپ بارىدىكەن . قايتا تاللاشتىن ئۆتكەنلەرنىڭ سۈرىتىنى رەت نومىرى بويىچە ئەلبۇمغا سالىدىكەن .ھەر بىر ئەلبۇمغا 70 - 80 نەپەر قىزنىڭ سۈرىتى سېلىندىكەن . ھەر بىر قىزنىڭ سۈرىتى بىر بەتكە قويۇلۇپ رەت نومۇرى ، ئىسىم فامىلىسى ، يېشى ، خىزمەت ( ئۆگىنىش ) ئورنى ، ئولتۇرۇشلۇق ئورنى قاتارلىقلار يېزىلىدىكەن . يەنە بويىنىڭ ئېگىزلىكى ئەسكەرتىپ قويۇلىدىكەن . يازما ماتېرىيالنىڭ يېنىغا ھېلىقى قىزنىڭ ئۇدۇلدىن ، يېنىدىن يېرىم ، پۇتۇن تارتىلغان سۈرەتلىرى چاپلىنىدىكەن ، ھەتتا ئارخىپ ماتېرىيالىدىكى سۈرىتىنىمۇ قايتا تارتىپ چاپلايدىكەن . مەسىلەن ، پىگۇرىسى قاملاشقان ئىنتايىن چىرايلىق بىر بالىت ئارتىسىنىڭ سۈرىتى ئەلبۇمنىڭ بىرىنچى بېتىگە چاپلىنىپ ، 201 دەپ نومۇر سېلىنغان ئىكەن .  قىزنىڭ ئۇدۇلدىن ، يېنىدىن تارتىلغان سۈرىتىنى چاپلىغاندىن تاشقىرى ، بەدىنىنى قىسىپ تۇرىدىغان مەشىق كىيىمى كىيىپ مەشىق قىلىۋاتقان چاغدىكى تۇلۇق سۈرىتىنىمۇ چاپلاپ قويغان .
       بۇ ئەلبۇم تەييارلانغاندىن كېيىن ، لىن لىگو يىپ ئۇچى بويىچە ئىزدەپ ئۆزى « ئىسىملىك » تۇرغۇزىدىكەن . شۇنىڭ بىلەن  « شاڭخەي گۇرۇپپىسى» نىڭ ئەزالىرى لىن لىگونىڭ كۆرسەتمىسىگە ئاساسەن تاللاشتىن ئۆتكەن قىزلارغا « خىزمەت ئىشلەپ » ئۇلارنى ھەربىي بولۇشقا سەپەرۋەر قىلىدىكەن . سەبىي قىزلارنىڭ بەزىلىرى قىسىمنىڭ رەھبەرلىك ئورگانلىرىنىڭ شارائىتىنىڭ ياخشىلىقىنى كۆزلىسە ، يەنە بەزىلىرى ھەربىي كىيىم كىيگەندىن كېيىن تاغ ۋە يېزىلارغا بارمايدىغانلىقىنى نەزەردە تۇتۇپ ئۇلارنىڭ تەلىپىگە ماقۇل بولۇشىدىكەن . كولدۇرلىتىلغان بۇ بىر تۈركۈم قىزلار ئاخىرىدا سالامەتلىكىنى تەكشۈرتكەندىن كېيىن ، قىسىمغا قوبۇل قىلىش رەسمىيىتىنى بېجىرىدىكەن .

                  قىسىمغا قوبۇل قىلىنغان « ئولجا » لارغا ئۆگىنىش كورسى ئېچىش ۋە ئايرىم سۆھبەتلىشىش

         قىسىمغا كىرگەندىن كېيىن بىرىنچى قىلىدىغان ئىش ئۆگىنىش كورسى ئېچىپ ، « لىن مۇئاۋىن بۇجاڭ » نىڭ « دوكلادى» نى نۇقتىلىق ئۆگىنىش بولىدىكەن . بۇ خىل ئۆگىنىش كورسى بەكمۇ ئالاھىدە بولۇپ ، بەزىدە بىر ياكى ئىككى ئادەم بولسىمۇ ئېچىلىۋېرىدىكەن . ئۇلار قىسىمنىڭ تۇرمۇشى بىلەن تونۇشقاندىن كېيىن ،  « لىن مۇئاۋىن بۇجاڭ » ئۇلارنى چاقىرىپ ئايرىم « سۆھبەت » قىلىدىكەن .
       « سۆھبەتلىشىش » ئورنى جۈلۇ يولىدىكى لىن لىگو يېتىپ قوپىدىغان گۈلزارلىق ھويلىدىكى ئۆيدە بولىدىكەن . ئۇنىڭ بىرىنچى قەۋىتى مېھمان كۈتۈش ئۈيى ۋە تاماق يەيدىغان زال ئىكەن . مېھمان كۈتۈش ئۈيىنىڭ تاملىرى قەدىمقى ئەنگىلىيە پوسۇنىدىكى ئويما گۈللۈك تاختاي بىلەن بېزەلگەن بولۇپ ، ناھايىتى كۆركەم ، ھەيۋەتلىك ئىكەن . لېكىن بۇ ئۆي ئانچە پىنھان بولمىغاچقا لىن لىگو  « سۆھبەتلىشىش » ئورنى ئۈچۈن ئىككىنچى قەۋەتتىكى ئىچكىرى - تاشقىرى خانىلىق ياتاق ئۆينى تاللىغانىكەن . ئۇنىڭ تاشقىرىدىكى خانىسى قارىماققا بەئەينى مېھمان كۈتىدىغان جايدەك جابدۇلۇپ ، سافا رەڭگى سۇس رەختتە قاپلانغان ، قاپنىڭ ئاستىغا ئاق رەختتىن زىغزىق تۇتۇلغان ، سافانىڭ ئۈستىگە كەشتە بېسىلغان تاۋار يۆلەنگۈچ قۇيۇلغانكەن . خانىنىڭ بىر تەرىپىگە كىچىك شىرە ۋە يۇمشاق ئورۇندۇق قويۇلغان بولۇپ ، شىرەنىڭ ئۈستىگە ئاق داستىخان سېلىنغان ئىكەن . « سۆھبەت » ھېمىشە كەچ سائەت ئون بىرگىچە ئېلىپ بېرىلىدىكەن . مېھمانخانىنىڭ ئاشپىزى تەييارلىغان قورۇما ، ھاراق ، تورتلارنى « شاڭخەي گۇرۇپپىسى» نىڭ دژۇرنىلىق قىلىۋاتقان ئەزاسى ئىككىنچى قەۋەتكە ئەچىقىپ بېرىدىكەن . ئىچكىرىدىكى ئۆي لىن لىگونىڭ ياتىقى بولۇپ ، تامنىڭ يېنىغا ئېسىل كارىۋات قويۇلغان ، كارىۋاتنىڭ ئۈستىگە شۇ ۋاقىتتا ئاز ئۇچىرايدىغان توك ئارقىلىق ئىسىتىلىدىغان ئەدىيال سېلىنغانكەن . كارىۋاتنىڭ ئىككى تەرىپىگە ئىمپورت قىلىنغان كۋادرات شەكىللىك ستورولۇق رادىئولۇق ئۈنئالغۇ ۋە ئەينى ۋاقىتتا ئادەتتىكى كىشىلەر كۆرۈپ باقمىغان نۇرغۇن ئۈنئالغۇ لىنتىسى قويۇلغانىكەن . لىن لىگونىڭ ياتاق بىلەن « سۆھبەتلىشىش » ئورنىنى مۇنداق ئورۇنلاشتۇرۇشىدىن ئۇنىڭ يامان غەرىزىنى كۆرىۋالغىلى بولىدۇ .
       لىن لىگونىڭ شاڭخەيدە قىزلار بىلەن ئايرىم  « سۆھبەت » لەشكەنلىكىنىڭ تەپسىلى ئەھۋالى توغرىسىدا تاۋ  _ نىڭ خاتىرىسىدە ۋە يەنە بەزىلەرنىڭ مەسىلە تاپشۇرغان ماتېرىياللىرىدا يازما ئىسپات بار . لىن لىگو قىسىمغا قوبۇل قىلىنغان قايسى قىزنى ياقتۇرۇپ قالسا  « شاڭخەي گۇرۇپپىسى» نىڭ ئەزالىرى ماشىنا بىلەن بېرىپ ئۇنى ئېلىپ كېلىدىكەن . كېلىدىغان ۋاقتى ئۇمۇمەن كەچ سائەت 7 - 8 دىن كېيىن بولىدىكەن . قىزنى ئېلىپ كەلگۈچى ئۇنى ئىككىنچى قەۋەتتىكى كۈتىۋېلىش ئۈيىگە باشلاپ چىقىپ ، لىن لىگو بىلەن كۆرۈشتۈرگەندىن كېيىن ، بىرىنچى قەۋەتتىكى مېھمان كۈتۈش ئۆيىگە قايتىپ چۈشۈپ ، شۇ يەردە ساقلاپ تۇرىدىكەن . بۇ « نۆۋەتچىلىك قىلىش » دەپ ئاتىلىدىكەن . « نۆۋەتچىلىك قىلىش » تاكى « سۆھبەت » ئاخىرلاشقانغا قەدەر داۋاملىشىدىكەن ، ئارىلىقتا ئورنىدىن ئايرىلىشقا ياكى خالىغانچە ئىككىنچى قەۋەتكە چىقىشقا بولمايدىكەن . ناۋادا لىن لىگو قوڭغۇراقنى بېسىپ چاقىرغۇدەك بولسا ، ئاندىن پەقەت بەلگىلەنگەن ئادەملەر ئىككىنچى قەۋەتكە چىقىدىكەن .
           ( داۋامى بار )

               « مۇئاۋىن بۇجاڭ » نىڭ ئۆتكۈزگەن « سۆھبەت » لىرىگە دائىر مىساللار

          قىزنى باشلاپ كەلگۈچى چۈشۈپ كەتكەندىن كېيىن ،لىن لىگو مېھمان كۈتۈش ئۆيىدىكى ساپادا ئولتۇرۇپ ، مۇنداق سۇئاللار بىلەن « سۆھبەت » نى باشلايدىكەن .
         _ ئولتۇرۇڭ ، ئىسمىڭىز نىمە ؟ ئەسلى قايسى ئورۇندا ئىشلەيتتىڭىز ؟ نىمە ئىشلارنى ياخشى كۆرىسىز ؟ . . . _ شۇنىسى ئېنىقكى بۇلارنىڭ ھەممىسىنى ئۇ بۇرۇنلا بىلىپ بولغان ، لېكىن گەپنى مۇشۇ سۇئاللار بىلەن باشلىغاندا ، كەيپىيات ياخشىلىنىپ ، تەبىئي بولىدىكەن .
         قىزچاقنىڭ تارتىنچاقلىقى ۋە جىددىلىكى تۈگەپ ، « سۆھبەت » بىر قەدەر ئىختىيارى ھالەتكە كۆچكەندىن كېيىن ، لىن لىگو تەدرىجى ھالدا ئاساسي تېمىغا كۆچىدىكەن :
         _ سىز مېنىڭ كىملىكىمنى بىلەمسىز ؟
         _ بايا مېنى باشلاپ كەلگەن يولداش سىزنى لىن مۇئاۋىن بۇجاڭ دەپ تونۇشتۇرغان . . .
         _ ۋەزىپەمنى قوشماي ئىسمىمنى ئاتاۋەرسىڭىزمۇ بولىۋېرىدۇ . ئىسمىمنى بىلەمسىز ؟
        _ بىلىمەن . . . قىسىمغا كىرگەندىن كېيىن سىزنىڭ دوكلاتىڭىزنى ئاڭلىغان . . .
         _ ھە ، ئۇ پەقەت ئۆگىنىش تەسىراتىمدىنلا ئىبارەت ، كۆپرەك پىكىر بېرەرسىز . . . لېكىن بۇ دوكلاتنىڭ ئۈنئالغۇ لىنتىسىنى دادامغا بەرسەم ئۇ ماختىغانتى . . . دادامنىڭ كىملىكىنى بىلەمسىز ؟
         _ بىلمەيمەن . . . قىز ھەقىقەتەن بىلمەيتتى ، چۈنكى ، « « شاڭخەي گۇرۇپپىسى» ئەزالىرىنىڭ تەپسىلى ئەھۋالىنى قىزلارغا ئېيتىشقا بولمايدىغانلىقى بۇرۇنلا بىكىتىپ قويۇلغانىدى .
        _ سىز پەرەز قىلىپ بېقىڭ . . .
        _ قانداقمۇ پەرەز قىلىپ تاپالايمەن ؟
        _ ئالدى بىلەن دادامنىڭ قانداق كادىر ئىكەنلىكىنى پەرەز قىلىپ بېقىڭ ؟
        _ ئۆزلىرىمۇ مۇئاۋىن بۇجاڭكەنلا ، دادىلىرىمۇ چوقۇم ئالىي دەرىجىلىك كادىردۇ . . .
        _ قانداق ئالىي دەرىجىلىك كادىر ؟
        _ گېنېرالدۇ ؟
        _ ھا . . . ھا . . . ھا . . . ئۇنداقتا بەك كىچىك بولۇپ قالىدۇ . . .
        _ شۇنداقمۇ ؟ - قىز _ « گېنېرالمۇ كىچىك بولۇپ قالسا مارشالمىدۇ - يە » دەپ ئويلىغان بولسىمۇ ، لېكىن ئاغزىدىن چىقىرىشقا جۈرئەت قىلالمىدى .
        _ يەنە پەرەز قىلىپ بېقىڭ ؟ دادام مەركەزدە نېمە ۋەزىپە ئۆتىشى مۇمكىن ؟
        _ مەركىزى كومىتېت سىياسى بىيۇروسىنىڭ . . . ئەزاسىمىكىن ؟
        _ ھا . . . ھا . . . ھا . . . يەنە كىچىك بولۇپ قالدى . . .
        شۇنداقمۇ ؟ . . . قىز ئالدىدا ئولتۇرغان كىشىنىڭ « ئىز باسار » نىڭ ئوغلى ئىكەنلىكىنى ئويلاشقا ھەقىقەتەن جۈرئەت قىلالمىغان .
        _ ھا . . . ھا . . . ھا . . . ئويلاپ باقمىغان بولغىيتتىڭىز ؟ . . . قىزچاقنىڭ ھاڭ - تاڭ قېلىپ ئىشىنىشكە جۈرئەت قىلالمايۋاتقانلىقىنى كۆرگەن لىن لىگو نىڭ مەمنۇن بولغىنىدىن كۆزلىرى قىسىلىپ كېتىدىكەن . « سۆھبەت » مۇشۇ يەرگە يەتكەندە ، ئۇ ئەسلىدە كۆڭلىگە پۈككەن ئۇستىلىق بىلەن غەلبە قىلىش مەقسىتىگە يېتىدىكەن .
         ( ئاخىرى بار )

                ھەممە ھىيلە - نەيرەڭلىرى بەربات بولغاندىن كېيىن ھەقىقى قىياپىتىنى ئاشكارىلاش

         مۈشۈكنىڭ چاشقان تۇتقاندىن كېيىنكى بىر ئادىتى بىچارە چاشقاننى تاپىنىنىڭ ئاستىغا بېسىۋېلىپ ، ئۇياقتىن - بۇياققا تارتقۇشلاپ ، ئۇنىڭ لاغىلداپ تېتىرەپ تۇرغىنىنى كۆرۈپ ھوزۇرلىنىدۇ ، لېكىن ئۇ ئاخىرىدا قولىدىكى «ئولجا » نى يەۋېتىدۇ . لىن لىگومۇ « سۆھبەت »  جەريانىدا ، ئەمەلىيەتتە قولغا كىرگەن ئولجىنى « يەۋېتىش » كومدىيىسىنى ئوينايدۇ . لېكىن ئادەم ئەلۋەتتە چاشقان ئەمەس ، قولىدا تۆمۈرنىڭ سۇنۇقىمۇ بولمىغان سەبىي قىزلار ئىچىدە جىگەرلىكلەرمۇ خېلى كۆپ بولۇپ ، ئۇلارنى بوزەك قىلىش ۋە ئاياغ ئاستى قىلىش ئۇنچىلا ئوڭاي ئەمەس . لىن لىگو « سۆھبەت »  نىڭ سىرتىغا چىقىپ « چىشىنىڭ ئېقى » نى چىقارغاندا ، بەزى قىزلار قاتتىق سۆزلەر بىلەن رەت قىلغان ، بەزى قىزلار قەتئىي باش ئەگمىگەن . ھېلىقى تاۋ _  نىڭ خاتىرىسدىن قارىغاندا ، تەخمىنەن يېرىمىدىن كۆپرەك قىزغا لىن لىگو قول تەككۈزەلمىگەن .
       خاتىرىدە ، « --- يىلى --- ئاينىڭ --- كۈنى ، مۇئاۋىن بۇجاڭ --- بىلەن سۆھبەتلەشتى ، سۆھبەت كەچ سائەت توققۇز يېرىمدا ئاخىرلاشتى ، قىز ئاپىرىپ قويۇلدى » ، « --- يىلى --- ئاينىڭ --- كۈنى  مۇئاۋىن بۇجاڭ --- بىلەن سۆھبەتلەشتى ، سۆھبەت كەچ سائەت ئوندا ئاخىرلاشتى ۋە كۆڭۈلدىكىدەك بولمىدى » دەپ يېزىلغان . ئۇمۇمەن بۇ خاتىرىگە بىر مەيدان ئەگرى _ توقاي ۋە ئۆتكۈر كۈرەش يوشۇرۇنغانلىقىنى كۆرىۋېلىشقا بولىدۇ . لېكىن شۇ ئاخشىمى ئاياغ ئاستى قىلىنىشتىن ساقلىنىپ كەتكەن قىزلار يەنە باشقا بىر ئىنتايىن جاپالىق شارائىتقا دۈچ كەلگەن : « شاڭخەي گۇرۇپپىسى » مۇناسىۋەتلىك تارماقلارغا ئۇقتۇرۇش قىلىپ ھېلىقى مەردانە قىزلارنى قىسىم قارمىقىدىكى جاپالىق ۋە چەت جايلارغا بىر نەچچە يىل دۇنيادىن بىخەۋەر تۇرمۇش كەچۈرۈشكە ئورۇنلاشتۇرۇشنى تاپىلايدىكەن . چۈنكى « ئوغرىنىڭ يۈرىكى پوك - پوك » دېگەندەك ئۇ قىزنىڭ باشقىلار ئالدىدا سۆزلەپ « مەخپىيەتلىك » نى ئاشكارىلاپ قويۇشىدىن قورقۇدىكەن .
       تاۋ __ لىن لىگونىڭ ياۋۇز چاڭگىلىدىن قېچىپ قۇتۇلالمىغان قىزلار توغرىسىدىمۇ ئېنىق خاتىرە قالدۇرغان : « --- يىلى --- ئاينىڭ --- كۈنى  مۇئاۋىن بۇجاڭ --- بىلەن --- بىلەن سۆھبەتلەشتى ، كېچە سائەت 11 دا كېچىلىك تاماق يېدى ، تاڭ سەھەر ئۈچتە سۆھبەت ئاخىرلىشىپ قىز ئاپىرىپ قويۇلدى » ، «  --- يىلى --- ئاينىڭ --- كۈنى  مۇئاۋىن بۇجاڭ --- بىلەن --- بىلەن سۆھبەتلەشتى ، كېچە سائەت12 دە كېچىلىك تاماق يېدى ، سۆھبەت تاڭ ئاتقىچە داۋاملاشتى ، مۇئاۋىن بۇجاڭ ئەتىگىنى ( تۆنۈگۈن ئاخشام لۇشيەن خاتالىقى ئۆتكۈزدۈم دېدى . . . » . خاتىرىدىكى « كېچىلىك تاماق يېدى » دېگەن سۆز لىن لىگونىڭ سۆھبەتلەشكەن قىزنى قولغا كەلتۈرىۋالغانلىقىنىڭ بەلگىسى ئىكەن ؛ « لۇشيەن خاتالىقى ئۆتكۈزدۈم » دېگەن سۆز خاتىرىدە خېلى كۆپ ئۇچىرايدۇ . لىن لىگونىڭ ئاتالمىش « لۇشيەن خاتالىقى ئۆتكۈزدۈم » دېگىنى بىر نارسىدە قىزنىڭ دەپسەندە قىلىنغانلىقىدىن دېرەك بېرىدىكەن .
        يوقىرىقىلار لىنلىگودىن ئىبارەت بۇ مەلئوننىڭ ۋەھشىيانە قىلمىشلىرىدىن بىر قىسىم مىساللار . ئۇ « مۇئاۋىن باش قۇمانداننىڭ ئىز باسارى » دېگەن ۋىۋېسكىنى كۆتۈرىۋېلىپ ، قولىدىكى ھوقۇق ۋە ئەڭ زامانىۋى قۇرال - جابدۇقلاردىن پايدىلىنىپ ھەممە يەردە زورلۇق - زۇمبۇلۇق قىلدى . ئۇنىڭ مەخپىي ئوۋىسى شاڭخەيدىلا بولۇپ قالماستىن ، بەلكى بېيجىڭ ، خاڭجۇ ، گۇاڭجۇ قاتارلىق جايلاردىمۇ بار ئىكەن . ئۇ « ساھىپجامال تاللاش » نامى بىلەن كىشىنى چۆچۈتىدىغان ناھايىتى ئېغىر جىنايەتلەرنى ئۆتكۈزگەن .
       مۇشۇ جىنايەتلىرىلا ئۆزىنى « قالتىس تالانت ئىگىسى » دەپ ئاتىۋالغان لىن لىگونىڭ لىن بياۋ بىلەن بىللە ئۇندۇرخاندا بېشىنى يېيىشىگە يېتىپ ئاشىدۇ .

          ( « ئەدەبىي تەرجىمىلەر» دىن ئېلىندى )  « باغداش تورى» غا خاس . رۇخسەتسىز كۆچۈرۇپ ئىشلەتمەڭ .