ئىلاۋە:تۆۋەندىكى ھادىسە شىنجاڭنىڭ باشقا جايلىرىدىمۇ كۆرىلىۋاتقان بولغاچقا قومۇل رايونى مىسال قىلىپ سۆزلەندى .كۆپچىلىك قومۇلنىلا سۆزلەپ كەتتى دىيىشمىگەيلا.



ئەسسالامۇ ئەلەيكۇم كۆپچىلىك
پارتىيەنىڭ دانا رەھبەرلىكىدە ،قومۇلدا ئىشسىزلىق مەسىلىسى ھەل قىلىنىپ،پەقەت ئىشلەيمەنلا دەيدىغان ئادەم بولسا ئىش بولۇش كەيپىياتى شەكىللەندى .قومۇلدا توشمۇ توشتىن قۇرۇلىۋاتقان ئېغىر سانائەت كارخانىلىرى ھەدەپ يەرلىكتىن ئادەم قوبۇل قىلىۋاتىدۇ .بۇ يەرلىكنىڭ ئىقتىسادىنى كۆتۈرۈشكە پايدىلىق ئەلۋاتتە .پارتىيە ھۆكۈمەت قومۇلدىكى كان بايلىقلىرىنى تېخىمۇ ياخشى ئېچىپ ،بايلىق ئەۋزەللىكىنى ئىقتىسادىي ئەۋزەللىككە ئايلاندۇرۇش ئۈچۈن دىھقانچىلىققا ئىشلىتىدىغان يەرلەرنى قىسقارتىۋاتىدۇ .دىھقانچىلىققا بىرىلىدىغان سۇلارنى ئازلىتىۋاتىدۇ .ئەنئەنىۋى زىرائەتلەرنىڭ كۆلىمىنى قىسقارتىپ ،باغۋەنچىلىككە ۋە تېمىتىپ سۇغۇرۇشقا ئۆزگەرتىۋاتىدۇ .بۇ تەدبىرلەر ياخشى ئۈنۈم بىرىپ، تېخىمۇ كۆپ كارخانىلارنىڭ قومۇلغا ئورۇنلۇشۇپ كان بايلىقلارنى ئېچىشقا تۈرتكىلىك بولىۋاتىدۇ .يەنە بىر ياخشى سىياسەت شۇكى ئىلگىرى شەھەر ئەتراپىدىكى يەرلىك ئاھالىلەر توپلىشىپ ئولتۇراقلاشقان كەپىلىكلەر رايونى ئاساسىي ئېچىش ئوبىكتى قىلىنىپ ،شەھەر قۇرۇلۇش پىلانى بويىچە ئۆزگەرتىپ قۇرۇلىۋاتقان ئىدى . دۆلەتنىڭ قۇرلۇشقا يەر ئېشلىتىش قانون نىزاملىرىنىڭ تېخىمۇ مۇكەممەللىشىگە ئەگىشىپ كەپىلىك رايونلىرىنى ئۆزگەرتىش بىر ئاز تەسلەشتى . لېكىنقومۇلنى سانائەت رايونىغا ئۆزگەرتىش  ،ئەڭ موھىمى قومۇلنى ئوتتۇرا دەرىجىلىك شەھەرگە ئايلاندۇرۇش ئۈچۈن كۆپلەپ نوپوسقا مۇھتاجمىز .سانائەتكە ئىھتىياجلىق بولغان مەلىكىلىك ئىشچىلارنىڭ كەمچىل بولىشى قومۇلنىڭ ھالقىما تەرەقىياتىدىكى بىر ھەل قىلىشقا تىگىشلىك بىر مەسىلە .قانداق قىلىش كىرەك ؟دانا پارتىيە ھۆكۈمەت يەنىلا ئادىل قارار چىقىرىدۇ .تەننەرخىنى تېخىمۇ تىجەش ،يەرلىك مەدەنىيىتىنى قوغداپ قېلىش ،يەرلىكنى تېخىمۇ بېيىتىش ئۈچۈن نىشاننى شەھەرگە يېقىن بولغان ئاقار رايونىغا قارىتىش ئەڭ ئاقىلانىلىق .ھازىر ئاقار رايونىنى يېڭى شەھەر رايونى قىلىش سىتراتىگىيەسى بىكىتىلىپ ،دەسلەپكى خىزمەتلەر ۋە پىلانلار ئورۇندۇلۇپ بولىندى .ئاقاردىكى نەچچە تۈمەن مو زىرائەت ئېتىزلىرى يېپيېڭى شەھەر قۇرۇشقا بوشۇتۇلۇپ بىرىلدى .نەچچە يۈزلىگەن ئاھالىلەر بىر كىچىدىلا بېيىپ كەتتى .گەرچە بۇ ئورۇنلاشتۇرۇش دۆلەتنىڭ دېھقانچىلىق رايونلىرىنى قوغداش سىياسىتىگە مەلۇم دەرىجىدە خىلاپ بولسىمۇ لېكىن قومۇلنىڭ پارلاق كەلگۈسى ئۈچۈن بۇنچىلىك قۇربانلىق بىرىش ھەقىقەتەن ئەرزىيدىغان بىر ئورۇنلاشتۇرۇش ئەلۋەتتە .كەلگۈسىدە بۇ رايوندا يېپيېڭى بىر شەھەر قۇرۇلۇپ ،ئون تۈمەنلىگەن مەلىكىلىك ئىشچىلار بۇ رايونغا ئورۇنلىشىدۇ -دە قومۇل سانائىتىگە ئادەم يىتىشمەسلىك مەسىلىسى ھەل قىلىنىدۇ .شۇ ۋەجىدىن ئاقاردىكى تېرىلغۇ يەرلەرگە بىرىلىدىغان سۇنى تىجەپ ئىشلىتىش ۋە سۇ ئىشلىتىش ئەسلىھەلىرىنى ئۆزگەرتىش قۇرۇلۇشلىرى ماس قەدەمدە ئېلىپ بېرىلماقتا .
پارتىيەنىڭ دانا رەھبەرلىكىدىكى بۇ پىلانلار ئاساسىدا كەلگۈسىگە نەزەر سالىدىغان بولساق ،كەلگۈسىدە قومۇل بۇرۇنقى قالاق دېھقانچىلىققا تايىنىدىغان ھالەتتىن ،كۆككە تاقاشقان بىنالار قەد كۆتەرگەن ،ئاۋاتلاشقان ۋە يەرلىك خەلىقلەر ھاللىق سەۋىيەگە يەتكەن ھالەت كۆز ئالدىمىزغا كىلىدۇ .
لېكىن بەزى سەلبى ھالەتلەرگە قانداق تاقابىل تۇرۇش بىزنىڭ ئويلىنىشىمىزغا ئەرزىيدۇ .
1.ئېكلوگىيەلىك تەڭپۇڭلۇقنىڭ بۇزۇلىشى ،مۇھىتنىڭ ناچارلىشىشى بۇنىڭ بىلەن دېھقانچىلىق مەھسۇلاتلىرىنىڭ سۈپىتىنىڭ تۆۋەنلىشى .كىشىلەرنىڭ سالامەتلىكىنىڭ ناچارلىشىشى . 
2.سۇ قىسچىلىقى تۈپەيلىدىن مەيدانغا كېلىدىغان يەرلىك بىلەن كارخانىلار ئوتتۇرسىدىكى زىددىيەت .
3.كۆچمە نوپوسنىڭ كۆپىيىشى  بىلەن يەرلىك مەدەنىيەتنىڭ سۇسلىشىشى ،مىللى رايونلارنىڭ تەبىئىي شەكىللەنگەن مەدەنىيىتى يوقىلىشقا قاراپ مېڭىشى.
4.دېھقانچىلىق رايونلىرىنىڭ قىسقىرىش بىلەن يەرلىكنىڭ ئاشلىق ،كۆكتات قاتارلىق زۆرۆر يىمەكلىكلەرنى تەمىنلەشتە بىڭتۈەن،ئاقار زامانىۋى دېھقانچىلىق رايونىغا ھەددىدىن زىيادە تايىنىۋېلىش ،ئۆز ئۆزىنى قامدىيالماسلىق .
5.شەھەر نوپوسىغا ئۆزگەرتىلگەن دىېھقانلارنىڭ تۇرمۇش ۋە ياكى باشقا ئامىللار سەۋەپلىك  بىردىن ئارتۇق  پەرزەنتلىك بولالماسلىق .بۇنىڭ بىلەن نوپوس تەڭپۇڭلىقىنىڭ بۇزۇلىشى قاتارلىقلار.
6.ئېغىر سانائەت كارخانىلىرىدا ئىشلەۋاتقان يەرلىك كىشىلەرنىڭ سالامەتلىك جەھەتتە چىكىنىشى .
كۆپچىلىك ئومومىي ۋەزىيەتكە ئېتىبار قىلغان ئاساستا ئۆزىمىزنىڭ بۇ ھەقتىكى قاراشلىرىمىزنى ئوتتۇرغا قويۇپ باقساق .كۆپنىڭ ئەقلى كۆپچە بولغىنىدەك تەرەققىيات جەريانىدا مەيدانغا كېلىدىغان مەسىلەرنى ھەل قىلىش ئوسوللىرىنى تېپىپ قېلىشىمىز مۇمكىن .
مەنبە:مەن

ھەقققەتەن بۇنداق زاۋۇتلاردا خىمىيىلىك ماددىلار ئاساس قىلىنغاچقا چىقىرىدىغان ئىس -تۈتەك ۋە كېرەكسىزسۇلار دېھقانچىلىق ۋەمۇھىتقا ئادەم بەدىنىگە بولغان تەسىرى ئىنتايىن كۆپ

ئىشسىزلىق مەسىلسىنىڭ ھەل قىلىنىشمۇ ياخشى ئەھۋال بوپتۇ. ھەر ھالدا ئۇيەر بۇيەردىن ئاقما نوپۇسلارنى ئالماي ئۆز رايۇندىكىلەرگە خىزمەت پۇرسىتى يارتىپ بىرىشمۇ خۇشاللنارلىق ئىش. لىكىن مۇھىت بۇلغىنىشىغا سەل قاراپ، ئىناق جەميىئەت ، ھالقىما تەرەقىيات، ئىلمى كۆز قاراش دېگەن دانا تەدبىرلەر ئاخىرقى ھېسابتا بىر ئاتنى يەم بەرمەي مېنىۋېرىپ كۆزلىگەن نىشانغا يېىتىمەن دېگەن خام خىيال بۇلۇپ قالارمىكى.

مۇھىتنى مۇھىم قارىماي ئالدى بىلەن بۇزۇپ ئاندىن كىيىن تۆزەشنىڭ ئالدىنى ئېلىش كىرەك. بۇ سۆزىنى جاڭ چۈنشىيەن ئەپەندى دىگەنغۇ دەيمەن. مۇھىت مەسىلىسىدە سۇ ئىنتايىن مۇھىم ئورۇندا تۇرىدۇ. كان ئاچتۇق دەپ ئۆسۈملۈك يېپىنچىلىرىنى يوقىتىۋېتىشقا بولمايدۇ. ئورمان بىنا قىلىپ ھاۋانىڭ تازلىنىشىنى تىزلىتىش كىرەك. زاۋۇت كانلارنىڭ بولغۇلىمارنى قويۇپ بىرىشىنى قاتتىق كونتىرول قىلىش كىرەك. يەرلىك كىشىلەرنىڭ بەخىت تۇيغۇسىنى شەكىللەندۈرۈش كىرەك.

يېقىندىن بېرى مۇھىتنى ئېغىر دەرىجىدە بۇلغايدىغان سانائەت تۈرلىرى شىنجاڭنى ئېچىش باھانىسى بىلەن ئىچكىرىدىن يۆتكلىشكە باشلىدى. ئەسلىدىلا ئىكلوگىيىسى ئىنتايىن ئاجىز بۇ ۋەتىنىمىز ئەمدى نىمە قىسمەتلەرنى بېشىدىن كەچكۈزەر؟؟؟؟ بۇنىڭغا ئۇيغۇر ئاپتونۇم رايونلۇق ھۆكىمەت چەك قويىشى. مۇھىتنى بۇلغايدىغان كارخانىلارنىڭ يۆتكىلىشىگە ۋە قۇرۇلىشىغا قارشى تۇرىشى كېرەك. بۇ زىمىن ئەۋلادلىرىمىزغا كېرەك.

ئەتراپنى خېلى ئەتراپلىق كۈزەتكەن ئوخشايسىز.ئەمما مەيلى كىملەر قۇرغان زاۋۇت -كارخانا بولسۇن بەرىبىر ئۆزلىرىنىڭ مەنپەتى ئۈچۈن باشقىسى بىلەن كارى يوق.بو نوقتا ئىسىڭىزدە بولسۇن.....

شىنجاڭدا يىمەكلىك زاۋۇتلىرىدىن باشقا يەرلىكنىڭ ئىھتىياجىدىن چىققۇچىلىك ھەر قايسى تۈردىكى زاۋۇتلاردىن 10 دىن كۆپ  بولۇشنىڭ ئالدىنى  ئالسا  بولغىدەك.  بولمىسا يەر يوق، ئاش يوق، خەقنىڭ قولىغا قاراپ قالسا ئىش چاتاق بولمامدۇ؟


100 مىليۇن نوپوس يۆتكەشنىڭ ئارقا كۆرۆنىشى بولسا كىرەك؟

بۇ تېمىغا قاراپ قويۇپ ئىنكاس يازمىغان يۈرەكنى نىمە دىيىش كىرەك ؟ئىنكاس يېزىشقىمۇ جۈئەت قىلالمىغان ئادەم يۇرتىنى قانداق سۆيسۈن؟بۇ تېما قانونلۇق تېما ..زىيارەت قىلغۇچى يۈرىكىڭىز پوك پوك بولمىسۇن .ئىككى ئېغىز گەپ قىلىپ قويۇڭ .
يۇرتىنى سۆيمەيدىغان ،كىندىك قېنى ئاققان ۋەتەن تۇپرىقىنى سۆيمەيدىغان كىم بار دەيسز؟بىزگە پۇل بولمىسا بولمىسۇنكى سۇلۇق باغلىرىمىز ،ئېقىن سۇلىرىمىز ،ياپ يېشىل يايلاقلىرىمىز ،ئۆيلەردە ياڭراۋاتقان مۇقاملىرىمىز كىرەك ..بىزگە پۇل كىرەك ئەمەس ....بۇزۇپ بولۇپ مۇشۇلارنى كىم بىزگە تۆلەپ بىرىدۇ ؟

بىزنىڭ تەرەپتىكىلەر نىمىشقا پۇل تىپىشنىلا ئويلايدۇ؟ چەت ئەللەردىكى دۆلەتلەردىكىدەك مۇھىت مەسىلىسىگە كۈڭۈل بۆلەلمەيدۇ؟

سانائەتلىشىش بىزگە ناھايتى ياخشى پۇرسەت ھەم خىرىسلانى ئېلىپ كىلىشى مۇمكىن.
ئىشقا ئۇرۇنلىشىش پۇرسىتى كۆپ بولسىمۇ،ئەمما شۇ سانائەت رايونىدىكى تېخنىكىلىق،يەڭگىل ئىشلا بىزگە تەگمەيدۇ. شۇڭا بىز كۆپرەك بىلىم ئىگەللشمىز كېرەك.
دېھقانچىلىق يەرلىرىمىزدىن ئايرىلىپ ،زاۋۇت-كان،كارخانىلىرىدا ئىشلەي دىسەك، تېخنىكا سەۋىيىسى يوق دەپلا  تازلىق ئىشچىلىققىلا بىزگە تىكىدۇ.
بىر كۈنلەدە، قومۇلنىڭ زۇركى تېغىنىڭ بېشىغا چىقىپ قومۇلغا قارىساق ،تۇمان ئاستىدىكى تەرەققىي قىلغان قومۇلنى كۆرىمىز !!!!

ئېغىر سانائەت = مۇھىتنىڭ ئېغىر بولغىنىشى ...