مەن ئۇلارنى چىن كۆڭلۈمدىن ياخشى كۆردۈم

                                    مەن ئۇلارنى چىن كۆڭلۈمدىن ياخشى كۆردۈم
                                                     (تەرجىمە ئەسەر)
  
    بىر پىراپپىسور سىنىپىدىكى ئوقۇغۇچىلارنى baltimore شەھرىنىڭ ئەڭ چېتىدىكى پەقەتلا تەرەققى قىلمىغان بىر يېزىغا ئوقۇغۇچىلارنىڭ ئەھۋالىنى ئىگەللەپ كېلىش ۋە ئۇ يەردىكى ھەر بىر ئوقۇغۇچىنىڭ ئەھۋالىنى ئىگەللەپ ئۇلارنىڭ كەلگۈسى ئىستىقپالى توغۇرلۇق تەخمىنەن پەرەزلىرىنى يېزىپ كېلىش ئۈچۈن  ئەۋەتتى.
    پىراپپىسورنىڭ سىنىپىدىكى ئوقۇغۇچىلار ئۇ يېزىغا بارغاندىن كېيىن يەرلىك ئوقۇغۇچى بالىلارنىڭ ئەھۋالىنى بىرەرقۇر ئىگەللىدى ۋە ئەتراپلىق تەكشۈرۈشلەر ئېلىپ بارغاندىن كېيىن ئۇ يەردىكى ئوقۇغۇچىلارنىڭ بىرەرسىنىڭمۇ كەلگۈسىدە ھىچقانداق بىر نەتىجىگە ئېرىشەلمەيدىغانلىغى توغۇرلۇق پەرەزلىرىنى ئوتتۇرغا قويۇشتى.
    ئارىدىن دەل 25 يىل ئۆتكەندىن كېيىن باشقا بىر  پىراپپىسور ئۇ ۋاقىتتىكى ئوقۇغۇچىلارنىڭ يازغان تەخمىنەن پەرەزلىرىنى ئۇچرۇتۇپ قالدى ۋە ئوقۇغۇچىلىرىدىن ئاشۇ ۋاقىتتىكى ئۇ يېزىدا ياشايدىغان ئوقۇغۇچىلارنى تەكشۈرۈپ كېلىشىنى تەلەپ قىلدى.
    ئوقۇغۇچىلار ئۇ بۆلگىگە بېرىپ تەكشۈرۈش ئارقىلىق ئۆلگەن ياكى باشقا جايلارغا كۆچۈپ كەتكەن 20 ئوقۇغۇچىدىن باشقا 180 ئوقۇغۇچىدىن 176 سىنىڭ ياخشى ئوقۇپ، ئالاھىدە مۇۋەپپەقىيەتلىك نەتىجىلەرگە ئېرىشىپ ئادۇۋكات، دوكتۇر ۋە مىليونىرلاردىن بولۇپ يېتىشىپ چىققانلىغىنى ئېنىقلاپ چىقتى.
    پىراپپىسور قاتتىق تەسىرلەندى ۋە بۇ ئەھۋالنى ئېنىقلاپ چىقىش قارارىغا كەلدى. ئۇ ئوقۇغۇچىلارنىڭ ھەممىسى ئوتتۇرا ياشلىق كىشىلەر بولۇپ، ئائىلە باشلىقلىرىغا ئايلانغان ئىدى. ھەممىسى بىر بۆلگىدە ياشىغانلىغى ئۈچۈن پىراپپىسورنىڭ ئۇلارنىڭ ھەممىسى بىلەن كۆرۈشۈش پۇرسىتى بولدى.
    پىراپپىسورنىڭ ئوقۇغۇچىلاردىن:- ئاشۇنداق قالاق ۋە ناچار مۇھىت ئىچىدە قانداق قىلىپ ياخشى ئوقۇپ، مۇۋەپپەقىيەت قازاندىڭلار دىگەن سۇئالىغا ئوقۇغۇچىلارنىڭ ھەممىسى ئوخشاشلا بىر ئېغىزدىن:- يېزىمىزدا بىر ئوقۇتقۇچىمىز بار ئىدى بىز ئاشۇ ئوقۇتقۇچىمىزنىڭ سايىسىدا مۇۋەپپەقىيەت قازاندۇق دەپ جاۋاپ بىرىشتى.
    پىراپپىسور ئۇ ئوقۇتقۇچىغا بەكلا قىزىقىپ قالدى. ئوقۇتقۇچىنىڭ ھازىرمۇ ھايات ئىكەنلىكىنى بىلدى ۋە ئانچە قىينالمايلا ئۇ ئوقۇتقۇچىنى ئىزدەپ تاپتى. پىراپپىسورنى يىللارنىڭ ئۆتۈشى بىلەن يۈزىنى قۇرۇق بېسىپ كەتكەن بولسىمۇ ھازىرمۇ تىتىك تۇرغان قېرى بىر ئايال چىقىپ كۈتۈۋالدى. پىراپپىسور ئوقۇتقۇچىدىن، ئاشۇنداق چەت، قالاق بىر يېزىدا، ناچار مۇھىت ۋە ئىمكانلار ئىچىدە بالىلارنى قانداقلارچە تەربىيلەپ مۇۋەپپەقىيەتكە ئېرىشتۈرگەنلىكىنىڭ سىھىرلىك پورمۇلاسىنى ئېيتىپ بىرىشنى ئۆتۈندى.
    ياشىنىپ قالغان ئوقۇتقۇچىنىڭ كۆزلىرىدە يېقىملىق بىر نۇر پەيدا بولدى ۋە ئاغزىدىن بىر خىل كۆلۈمسىرەشنىڭ ئىپادىسى كۆرۈلدى. "بەكمۇ ئاددى،" دېدى ئوقۇتقۇچى "مەن ئۇلارنى چىن كۆڭلۈمدىن ياخشى كۆردۈم" دەپ جاۋاپ بەردى.