بۇ يازمىنى ئاخىرىدا musapir911 تەھرىرلىگەن. ۋاقتى 2014-2-19 19:28
كۆرگەنلىرىمدە، سىلەرنىڭمۇ ھەققىڭلار بار!
مەن خىزمەت ،تۇرمۇش ھەلەكچىلىگى بىلەن تۆت ئاي شىنجىندا مۇساپىر بولۇپ تۇرۇپ قالدىم. بۇ جەياندا ھەرخىل كىشىلەر بىلەن ئۇچراشتىم ،تۈلۈك ئىشلارغا شاھىت بولدۇم، خۇلاسەم شۇ بولدىكى، يۇرىت مىھرىنى يۇرىتتىن ئۇزاقراق ئايرىلغاندا بىلىدىكەنمىز ،ئۇيغۇرنىڭ قەدىرى ئۇيغۇر بىلەن بولدىكەن ...مۇساپىر بولمىغىچە مۇسۇلمان بولماپتۇ دىگەن سۆز ھەقىقەتەن توغرا ئېيتىلغان سۆز ئىكەن . قىسقىىسى مەندەك يۇرىت ئاتلىمىغان بولۇپمۇ ئىچكى ئۆلكىلەرگە ئەسلا كەپ باقمىغان ،خىزمەت ،تۇرمۇش ،ئائىلە دەپ پالاقلاپ يۈرگەن كىشىگە نىسبەتەن بۇ قىتىمىقى مۇساپىرچىلىقىنىڭ ھىس قىلدۇرغىنى كۆپ بولدى . يالغۇزچىلىقتا ئۆزىمىز بىلەن ئۆزگىلەرنى سېلىشتۇرپ قالدىم .......... ئسىل ئۆرىپ ئادەتلىرىمىز ،يىمەك -ئىچمەكتىكى پەرھىزلەر ....بولۇپمۇ ئۇيغۇرنىڭ ئۇيغۇرغا بولغان ئاجايىپ ساددا مىھرى -مۇھەببىتى مىنى ئۇيغۇر بولۇپ يارىلىپ قالغانلىقىمغىن پەخىرلەندۈرسە ...توردىن ئىبارەت بۇ سۆيۈملۈك مەۋھۇم دۇنيا تۇرمۇشۇمنىڭ بىر قىسمىغا ئايلاندى.
ئىزدىنىش،باغداش قاتارلىق تولاردا ئېلان قىلىنغان توردىشىمىز غاپپارنىڭ " خوشنىمز قازاقىستان"ناملىق يازمىسى مىنى قازاقىستاننىڭ گۈزەل تاغ دالالىرىدا كەزدۈرسە ، تىرشچان بىئولوگىيە پەنلىرى دوكتۇرى بىلگەجاننىڭ "ئامرىكىدىكى ھاياتىمدىن تەمەچلەر "ناملىق يازمىسى ئۇيغۇر ئالىمىمىز شۆھرەت مۇتەللىپنىڭ تەتقىقات جەريانى ،تاشپولات ئاكىمىز بىلەن ئۇلارنىڭ دوسىتلۇق مۇناسىۋىتى مەسلىگىمنى كەلتۇردى ، بۇرۇن يازمىلىرىنى ئوقۇپ باقمىغان لىكىن مۇشۇ بىر قېتىملىق يازمىسى ئارقىلىق كۆپلگەن قېرنداشلىرىمىزنى ئۆزىگە مەھلىيا قىلىۋالغان ئابدۇراخمان ئوغلىنىڭ "ۋاشىنگوتۇندا بېشىمدىن ئۆتكەنلەر " ناملىق ئۇستىلىق بىلەن يېزىلغان تېتىملىق يازمىسى، ئامرىكىىدىكى قېرىنداشلىرىمىزنىڭ مەۋجۇتلىقىنى ساقلاپ قېلىشتىكى تىرىشچانلىقى ۋە ئىگلىك تىكلەپ ئۆزىنى قۇدرەت تاپقۇزۇشتىكى تۇرمۇش كارتىنلىرى ،ئۆزى ئامرىكىدا بولسىمۇ ئۇيغۇر ئۈچۈن يۈرىگى لاۋۇلداپ كۆيۈپ تۇردىغان قەيسەر مىجىتنىڭ ئىسىل يازمىللىرى مىنىڭ يۇرىتقا ،مەھەللەمگە بولغان سېغىنىش ئوتلىرىنى گاھىدا ئۇلغايتىپ ،گاھىداپەسەيتىپ ئازاپلىرىمغا مەلھەم بولسا، شاھتۇر تۇردىكى بوز قىرنىڭ ئىسىل تەرجىمىلىرى ۋە تىمىغا چۈشكەن ئاجايىپ ئۆتكۈر ، ھەزىل ئىنكاسلار قەلبىمنى ئاجايىپ تاتلىق ھىس تۇيغۇلارغا چۈمدۈرەتتى .مانا يۇقىرىقى بىر كۈچنىڭ ئىلھامى شۇنداقلا مىنى ئىچكى ئۆلكىدە ئادەم ئەتكەن ،ھەم ئۆز قەدىر قىممىتى بىلەن ياشاش يولىدا مۇساپىرلىقنىڭ ،يالغۇزلىقىنىڭ ئازاپلىرىنى يېڭىپ تىرمىشىۋاتقان قېرىنداشلىرىمنىڭ ھۆرمىتىگە، تورداشلار بىلەن دىڭىز بويىدا كۆرگەنلىرىم ۋە ھىس قىلغانلىرىمنى ئورتاقلىشىش مەخسىدىدە بۇ ئاددى يازمىنى يېزىپ چىقىتىم .
(1)
ماڭا سەپەر چىقىپ قالدى
مەندەك شىڭشىڭشىيانىڭ ئۇ تەرپىگە ئۆتەپ باقمىغان ئادەمگە نىسبەتەن ئۆكتەبىردىن، كىيىنكى يىل فىۋىرالغىچە تۆت ئاي شىنجىندا خىزمەت ،تۇرمۇش،ئۈگىنىش پۇرسىتى بىلەن تۇرۇپ قېلىشنىڭ ئۆزى مىنى بىردە خوش قىلسا بىردە سەل ئەنسىرەتتى.ئەنسىرىشىم مۇساپىرچىلىقنىڭ ئازاۋىنى قانداق يېڭىش... ... ... ... خوشلۇقۇم بولسا سەپەرنىڭ ئۆزى پۇرسەت ئىدى .ئۆزەمنىڭ سەپەرگە چىقىشقا ئالاھىدە قىزىقىشىم بارن ئىدى ... بۇ خەۋەرنى دەسلەپ ئانامغا دىدىم ؛
- ئانا ماڭا سەپەر چىقىپ قالدى.
-نەگە باردىكەنسىز؟
-شىنجىنغا؟
ياندۇرۇپ سورىدى ئانام.
- شۇنداق شىنجىنغا باردىكەنمەن تۆت ئاي تۇرۇپ قالىغۇدەكمەن ئانا .
-ئەسىر نامىزىدىن يانغان دادام كىرىپ كەلدى...نمە دىدىڭ ھازىر؟
سەپەرگە چىقىدىغانلىقىمنى دادامغا دەپ بەردىم.دادام خېلى ئۇزۇن سۈكۈتتىن كىيىن؛
-خېلى ئۇزاق تۇرۇپ قالغۇدەكسەن ...قاچان ماڭدىكەنسەن ؟...... -ئاللاھنىڭ ئورۇنلاشتۇرىشى شۇنداق ئىكەندە ئەسلى ئاخشام تېخى چۈشەپ قاپتىكەنمەن ئۇنداقتا ئۆيەڭگە بېرىپ تەييارلىقىڭنى قىل !
بۇ خەۋەرنى ئۆيگە بىرىپ ئالدى بىلەن بالىلىرىمنىڭ ئانىسىغا دىدىم .ئىشەنمىدى...قىزىمغا دىدىم ...چاخچاق قىلما دەپ كۈلۈپ كەتتى... ئوغلۇمغا دىدىم باشتا ھەيران بولدى كىيىن بۇ گېپىڭ راسىتمۇ يا ؟بىز قانداق قىلىمىز دەپ ياندۇرۇپ سورىدى........
يېقىن ئۆتىدىغان دوسىت بۇرادەرلىرىمدىن بىر نەچچىسىگە دىدىم. ئۇلار لايىقىدە كۆڭلىنى بىلدۈرۈپ ماڭا ئاق تىلىدى......
بىر كۈنلۈك تەييارلىقىنى پۈتتۈرۈپ ئاتا -ئانامنىڭ دۇئاسىنى ،مىھرىبان ئايالىم ۋە سۆيۈملۈك بالىلىرىمنىڭ مۇھەببەتلىك كۆڭلىنى ،دوسىت بۇرادەرلەرنىڭ سەمىمى ئۈمىدنى ئېلىپ ئەزىزانە يۇرتۇمدىن شىنجىنغا قاراپ يول ئالدىم .
( 2)
يىشىل شەھەر -شىنجىن
مەندەك قەلىمى چولتا ،تورغا چىقسمۇ ئىنكاسنى جايلاپ يازالمايدىغان ، ھازىرىقى زامانىۋى دەۋرىمىزگە نىسبەتەن چالا ساۋات ھىساپلىنىدىغان ، يېزىقچىلىق ئىشلىرىغا ئەمدىلەتتىن كىرىشكەن «سويمى» غانىسبەتەن شىنجىن توغرىلىق قەلەم تەۋرىتىش ئۇنچىلىك ئاسانغا توختىمىدى.شۇڭا شىنجىنغا كىلىپ ھىس قىلغىنىمنى تۆۋەندىكى بەش نۇقتىغا يىغىنچاقلىدىم:
شىنجىن ------ياپ يىشىل شەھەر.
.
شىنجىن------ئادەم ئەڭ كۆپ شەھەر.
شىنجىن ------ئادەملىرى ئەڭ باي شەھەر.
شىنجىن -----خىلمۇ -خىل قىسمەتلەرگە تولغان شەھەر.
شىنجىن----- ئۇيغۇرلار ئاز، لىكىن مۇھەببەتلىك ئۇيغۇرلار توپلاشقان شەھەر.
داۋامى بار | 
يوللىغان ۋاقتى 2014-2-19 12:56:54
يوللىغان ۋاقتى 2014-2-19 14:03:51
