ئەركىم: فوتو-سۈرەت ۋە شئېر

arkim

فوتوسۈرەت ۋە شئېر

مۇجىبۇل راخمان ئەركىم

ئاقچۇقتۇر

رەھىمسىز يىللارنى قېرىتقان مەغرور،

بىر يۈتمەس تارىختۇر ئاقچۇق دېگەن تۇر.

تەڭرىتاغ باغرىدا تىكلەنگەن مەڭگۈ،

يېزىقسىز مەڭگۈتاش، ئەجدات ئىزىدۇر.

2015/7/13 قومۇل

ئۆتكۈر ئەپەندىمنىڭ « ئىز »، « ئۇيغانغان زىمىن » قاتارلىق رومانلىرىنى ئوقۇغانلارغا بۇ ئاقچۇقتۇر ھەرگىزمۇ ناتونۇش ئەمەس. چۈنكى 1912-يىلى ۋە 1931-يىلىدىكى ئىككى قېتىملىق ئىنقىلابتا ياۋۇز جاللات جىن شۇرىن، شىڭ شىسەي قوشۇنىغا ئەڭ ئەجەللىك زەربە بەرگەن ئىككى قېتىملىق غەلبىلىك ئۇرۇش دەل ئۇشبۇ ماكاندا يۈز بەرگەن ئىدى.

تەڭرىتاغ

تاغ دېسەڭ تاغۇ-تاش باشىنى ئىگەر،

تاغ دېسەڭ باغ-ئورمان تەۋرىنىپ كېتەر،

كىم ئەگەر تاغلارنىڭ شاھى كىم دېسە،

جاۋابىم شۇ بۈيۈك تەڭرىتاغ يېتەر.

ئۇ بولغاچ داۋامدۇر شانلىق مەدەنيەت،

ئۇ بولغاچ ئۈزۈلمەي كەلدى سەلتەنەت.

ئۇ ئۇيغۇر پەخرى ھەم ئىپتىخارى ھەم،

ئۇ پۈتمەس بىر داستان تەڭرىتاغ ئەبەت.

تەرىپلەپ كېتىشكە تىللىرىم ئىزگۈ،

يەتمەس ئاھ،ھاياتىم يەتسىمۇ سۆيگۈ.

نەسەۋەپ كۈن پاتار، كۈن چىقار سەندىن،

قۇياشىم ئوردىسى تەڭرىتاغ مەڭگۈ!...

2012-يىلى10-ئاينىڭ12-كۈنى قومۇل

مۇجىبۇل راخمان ئەركىم شئېرى، فوتو-سۈرەتلىرى

akisu11

جانلىق فۇتۇ شىئ‍ىرلار .........فۇتۇ شېئ‍ىرچىلقىنى ئ‍ۇگىنىشتىكى بىر ئ‍ەينەك تىما .

jan-

ئاستا ئاستا، ئىسمىڭىزنى ئىزدەيدىغان بولاۋاتىمەن جۇماڭ. خۇما قىلىۋاتامدۇ قايداق. تەبى مەنزىرىگە ئىزاھات بەرگەن شېئرىڭىز ئاجايىپ مەزمۇنلۇق، قايىل بولماسقا ئامال يوق، دەيمەن.

Weliyop

شئىرڭىز ياخشى چىقىپتۇ ،بولسافۇتۇ سۈرەت مەنزىرنىڭ بىر تەرپىگگە ياكى ئۈستىگە يىزۋەتسىڭىز تىخىمۇ ياخشى بولاتتى.

arkim

Weliyop يوللىغان ۋاقتى  2015-7-15 10:45
شئىرڭىز ياخشى چىقىپتۇ ،بولسافۇتۇ سۈرەت مەنزىرنىڭ بىر  ...

سۈرەتنىڭ سۈپىتىگە تەسىر يېتىپ قالىدىكەن.

yagurqak

arkim يوللىغان ۋاقتى  2015-7-15 11:05
سۈرەتنىڭ سۈپىتىگە تەسىر يېتىپ قالىدىكەن.

ئەركىم ئاكا شۇنچە ياخشى فوتو سۈرەت ئەسرلىرى ھەم شۇنىڭغا كىرىشتۈرۈلگەن شېئىر نام - ئاتاقلار ئالتۇن ئۈزۈككە ياقۇت كۆز قۇيغاندەكلا ماسلىشىپ بىردەكلىكتە گىرەلىشىپ بارچە ھەممىمىزنىڭ قەلب تۆرىدىن شۇنچە يوقۇرى ئورۇن ئېلىۋاتىدۇ ، ھەم يەنە بىزنى ئۆزلۈك ۋە كىملىك توغرىسىدا شۇنچە كۈچلۈك ئىنتىزارلىق ھېسىياتى بىلەن قايتا يېڭىۋاشتىن بىر ئويلىنىپ چىقىشقا ئۈندەۋاتىدۇ ، ھەم يۇرت - ماكان ، ۋەتەن ۋە گۆتەنگە قەۋمى قېرىنداشقا ، كېيىنكى ۋارىسلىق ئەۋلاتقا بولغان كۈچلۈك مۇھەببەت ئىشتىياقىنى يالقۇندەك قوزغاۋاتىدۇ ، بوپمۇ تاشلىنىپ كەتكەن كېتىۋاتقان تاشلىنىپ كېتىش ئالدىدىكى مەھەللىلەر ، ئەجدات تارىخ تىلسېماتلىرىنىڭ جانلىق بۈيۈك ئابىدىلىرى ، ئاتا - بوۋىلىرىمىز جان تىكىپ قان تەر بىلەن كۆكەرتىپ ياشارتىپ يەنە ئاخىرىدا ئۆز كىندىك قېنى تۆكۈلگەن تۇپراقتا باش قويۇپ مەغرۇر ياتقان مازارى - قەبرىستانلىقلار ئەمەلىيەتتە كىمنىڭلا بولسا كۆزىگە گۈل كۆرۈنمەي قالمايدۇ ، ھەر بىر تېمىلىرى بىر ھېكمەت ، دېمىسىمۇ ھەر ئىشتا بىر ھېكمەت بولىدۇ ئەمەسمۇ ، شۇڭا يوللىغان ھەر بىر تېمىلىرى ھەم مەزمۇنلىرى ئوقۇغانلىكى ئادەمنىڭ گۆشتىن تۆرەلگەن يۈرەك باغرىنى يېرىپ چوڭقۇر ھاياجانغا سالماي قالمايدۇ ، چۈنكى بۇ بىر ئاددى خاتىرىلەپ قويۇشلا بولماستىن بەلكى مىللەتكە ۋەتەنگە ئانا يۇرتقا ، تارىخ ۋە تەرققىيات ئېتىقادقا بولغان ۋىجدانىي مەسئۇلىيەت ، ئەمەلىيەتتە بىزنى ئەڭ جەلب قىلارلىقى مانا مۇشۇ روھ ، بولسا ھەممىمىز بۇنى ئۆزۈمىزگە ئۈلگە قىلساق بۇ بىز ئۈچۈن ئەڭ مۇقەددەس . شۇڭا مېنىڭ دېمەكچى بولغىنىم مۇشۇ فوتو سۈرەت ئەسەرلىرى بىلەن يازمىلارنى تېمىلارنى ، كونكرېت مەسىلە ۋە شەيئىيگە قارىتا يېڭى قويۇلغان سۈپەتلەش ۋە نام - ئاتاقلارنى قوشۇپ قومۇل تەۋەسى بولسا ئاپتونۇم رايون ھەتتا دۆلەت دەرىجىلىك فوتو - سۈرەت ئەسەرلىرى كۆرگەزمىسىگە داۋاملىق تۈردە قاتناشتۇرۇپ تۇرۇلغان بولسا ، مېنىڭچە بۇ ئەڭ ئالدى بىلەن يۇرتىمىزنىڭ تۈرلۈك كونكرېت ئالاھىدىكلىرىنى ئاساس قىىلىپ تۇرۇپ دۆلەت ئىچى ۋە سىرتىغا كەڭ كۆلەمدە ساياھەتچىلىكنى كۈچەپ تەشۋىق قىلىپ ساياھەتچىلىك ئىشلىرىنىڭ تەرققىياتىغا مىسلىسىز زور پۇرسەتلەرنى ئېلىپ كېلىشى مۇمكىن ، يەنە بىر جەھەتتىن بىزدە ساقلىنىۋاتقان ھەل قىلىشتا باش قېتىقچىلىقى بولغان بىر قاتار مەسىلىلەردە ھەل قىلىش چارىسى ياخشى يۈكسېلىشى مۇمكىن دەيمەنغۇ ، مەسىلەن : ئارتام ، تۆمۈرتى ، ئاقتاش قاتارلىق تەبىئى مەنزىرە بىلەن تارىخىي مەدەنىيەت ئىزنالار گىرەلىشىپ ھەممىمىزنىڭ كۆزىدە ئوت يېنىۋاتقان يۇرت مەھەللىلىرىمىزنىڭ مۇھىت ئاھالىلەر ھەم شۇ ئاھالىلەرنىڭ تۇرمۇشى كىرىم - چىقىم مەسىلىلىرى ھەر تەرەپلەرنىڭ قايىللىقىدا ياخشى ھەل بولۇشىمۇ مۇمكىن ، شۇنداق بولسىلا ئەجداتلىرىمىز ياراتقان شۇ شانلىق تارىخ - مەدەنىيەتكە ، ئەجداتلىرىمىز قان تەر بىلەن قەدىمدىن تارتىپ كۆكەرتىپ ياشنىتىپ ئۆز ئەمگەكچان قولى بىلەن قوغداپ ئاسراپ كەلگەن ھەم يەنە ئۆز ئانا زۇۋانى بىلەن تولۇق بۈيۈك ناملارنى بەرگەن ، ھاياتلىق ھەم ياشاشتىكى مەڭگۈلۈك ئۆچمەس ئابىدە ھەم ھېكمەتلەرنى بىز دېمەتلىك ۋارىسى ئەۋلاتلارغا ئۇدۇم قالدۇرغان ئەجداتلىرىمىزنىڭ زەپەر قۇچقان شان - شەرەپلىرىگە ھەرگىز تۇزكورلۇق قىلغان بولمايمىز ، شۇڭا خاتىرجەم بولۇڭلار ، ھەممىمىز ئىككى قوللاپ قۇۋەتلەيمىز قوللايمىز ، تىرىشىڭلار بوشاشماڭلار غەلىبە سىلەرگە ھەم ئەزىز خەلقىڭلەرگە ئۇلۇغ ۋەتەنگە مەنسۇپ !

arkim

yagurqak يوللىغان ۋاقتى  2015-7-18 23:19
ئەركىم ئاكا شۇنچە ياخشى فوتو سۈرەت ئەسرلىرى ھەم شۇنىڭ ...

رەھمەت بوغۇم، ھەممىمىز ئۆز چامىمىز يەتكەن يەردە تىرىشساق پارلاق كەلگۈسىگە ئۇلىشىمىز.