جۇڭگو بانكىسى كارخانىلارنىڭ چېگرا سىرتىغا مەبلەغ سېلىشىغا مۇلاز...

shanal

جۇڭگو بانكىسى ئوتتۇرا-كىچىك كارخانىلارنىڭ چېگرا سىرتىغا مەبلەغ سېلىشىغا مۇلازىمەت قىلىش لايىھەسى

جۇڭگو بانكىسى پاي ھەسسىدارلىق چەكلىك مەسئۇلىيەت شىركىتى شىنجاڭ تارمىقى

شانئال مەكتىپىدىن كامران تەرجىمىسى

2016-يىلى2-ئاي

كىرىش سۆز:
ھازىر ئوتتۇرا-كىچىك كارخانىلارنىڭ مەبلەغ توپلىشى قىيىن بۇلۇش، مەبلەغ توپلاش تەننەرخى يۇقىرى بولۇش مەسىلىسى ئېغىر، بانكىمىز بۇ مەسىلىنى تەتقىق قىلىش ئارقىلىق بۇخىل ھادىسىنى ئوتتۇرا-كىچىك كارخانىلارنىڭ كەسىپ زەنجىرىنىڭ ئاخىرقى ئۇچىدا بولۇشى، تېخنىكا سەۋىيەسىنىڭ تۆۋەنلىكى، مۇھىت بۇلغىشىنىڭ ئېغىرلىقى، ئېنېرگىيە سەرپىياتىنىڭ يۇقىرىلىقى، رىقابەت كۈچىنىڭ ئاجىز بولۇشى قاتارلىقلارنىڭ كەلتۈرۈپ چىقىرىدىغانلىقىنى بايقىدۇق.
ناۋادا ئوتتۇرا-كىچىك كارخانىلارنىڭ چېگرا سىرتىغا مەبلەغ سېلىشىغا ياردەم قىلالىساق، ۋەرەقى قىلغان دۆلەتلەرنىڭ تېخنىكا مونوپوللىقىنى بۇزۇپ تاشلاشقا پايدىلىق بولۇپ، ئوتتۇرا-كىچىك كارخانىلارنىڭ خەلقئارالىق ئىلغار تېخنىكىلارنى كىرگۈزۈشى، زامانىۋى باشقۇرۇش ئۇسۇللىرىنى ئۆرنەك قىلىشىغا، چەتئەل مەبلىغىدىن پايدىلىنىشقا پايدىلىق. بۇنىڭدا ئوتتۇرا-كىچىك كارخانىلارنىڭ مەبلەغ توپلاش يوللىرى كېڭىيىپ، كەسىپ ئۆزگەرتىش ۋە مەھسۇلاتنى يېڭىلاشقا پايدىلىق بولۇپ بازار رىقابەت كۈچىنى ئاشۇرىدۇ، ۋە بانكىنىڭ قەرز بېرىش خېيىم-خەتىرىنى تۆۋەنلىتىدۇ. ئوتتۇرا-كىچىك كارخانىلارنىڭ پاي ھوقۇقىغا، قەرز ھوقۇقىغا ياكى تېخنىكىغا مەبلەغ سېلىش قاتارلىق شەكىللەر ئارقىلىق چەتئەل كارخانىلىرى بىلەن ھەمكارلىشىشىنى قوللايمىز. بۇ تۈرلەردە بانكىمىز ئېتىبار قەرزى بېرىش، قەرز ئېلىشىغا كېپىللىك قىلغۇچى بۇلۇش ئارقىلىق ئوتتۇرا-كىچىك كارخانىلارنىڭ مەبلەغ توپلاش يوللىرىنى كېڭەيتىپ، مەبلەغ توپلاش تەننەرخىنى تۆۋەنلىتىمىز.
جۇڭگو بانكىسى «ئىجتىمائىي مەسئۇلىيەتنى ئۆز ئۈستىگە ئېلىپ، ئەڭ ياخشى بانكا بۇلۇش» تەك بۇرچنى چۆرىدەپ، بانكا گۇرۇھىنىڭ ئەۋزەللىكىدىن پايدىلىنىپ،« جۇڭگو بانكىسى ئوتتۇرا-كىچىك كارخانىلار چېگرا سىرتىغا مەبلەغ سېلىشقا مۇلازىمەت قىلىش» كەسپىنى يېڭىدىن ئاچتۇق.

1-بۆلەك كەسىپ چۈشەندۈرۈلىشى
  يېقىنقى يىللاردىن بۇيان ئېلىمىز ئىقتىسادى تەرەققىياتىدا كەسىپ قۇرۇلمىسى، رايون قۇرۇلمىسى، كىرىم قۇرۇلمىسىدا ئۆزگىرىشلەر بولدى، پۇقراۋى ئىگىلىك دۆلەت ئىگىلىكىگە قارىغاندا تېز ۋەرەقى قىلدى، ئوتتۇرا قىسىم شەرقىي قىسىمدىن تېز ۋەرەقى قىلدى، دېھقانلارنىڭ كىرىمىنىڭ ئېشىشى شەھەرلىكلەرنىڭكىدىن  تېز بولدى.« بىر يول، بىر بەلباغ» ئىستراتېگىيەسىنىڭ يولغا قۇيۇلۇشىغا ئەگىشىپ، شىنجاڭ «يىپەك يولى ئىقتىساد بەلبېغى» دىكى مەركىزى رايون بۇلۇش سۈپىتى بىلەن رايون ئەۋزەللىكى يۇقىرى، شىنجاڭدىكى كارخانىلارنىڭ چېگرا سىرتىغا ۋەرەقى قىلىش ئىستىكى زورايدى.
مەملىكىتىمىز ئوتتۇرا-كىچىك كارخانىلارنىڭ «چېگرا سىرتىغا ۋەرەقى قىلىشى» دا نىشاننى تاللىيالماسلىق، ھەمكارلاشقۇچىنى تاللىيالماسلىق، سىياسەت-قانۇن نىزاملارغا پىششىق بولماسلىق، ئۇچۇر مۇكەممەل بولماسلىق، مۇلازىمەت چولتا بۇلۇش، تەننەرخى يۇقىرى بۇلۇش، بانكا مۇلازىمىتى كەمچىل بۇلۇش قاتارلىق قىيىنچىلىقلار سەۋەبىدىن ئوتتۇرا-كىچىك كارخانىلارنىڭ چېگرا سىرتىغا ۋەرەقى قىلىشى بەك ئاستا بولۇۋاتىدۇ.
   جۇڭگودىكى ئەڭ خەلقئارالاشقان، ئۇنىۋېرسال مۇلازىمىتى ئەڭ مۇكەممەل بانكا بۇلۇش سۈپىتى بىلەن جۇڭگو بانكىسى شياڭگاڭ، ئاۋمېن، تەيۋەن ۋە 37 دۆلەتكە تارقىلىشتەك ئەۋزەللىكىدىن پايدىلىنىپ، خېرىدارلارنىڭ ئېھتىياجىنى ئەتراپلىق ئويلىشىپ، مەبلەغ ۋە گۇرۇھ بايلىقى ئارقىلىق ئوتتۇرا-كىچىك كارخانىلار چېگرا سىرتىغا مەبلەغ سېلىشقا مۇلازىمەت قىلىش لايىھەسىنى تۈزۈپ چىقىپ «چېگرا سىرتىغا ۋەرەقى قىلىش» مۇلازىمىتى بىلەن تەمىنلەشنى پىلانلىدى.
   جۇڭگو بانكىسى ئوتتۇرا-كىچىك كارخانىلار چېگرا سىرتىغا مەبلەغ سېلىشقا مۇلازىمەت قىلىش لايىھەسى بۇرۇنقى مۇتەخەسسىسلەر سەھنىدە سۆزلەيدىغان، كارخانىچىلار پەستە ئاڭلايدىغان ئەنئەنىۋى تەربىيەلەش شەكلىنى ئۆزگەرتىپ، بىرمۇ-بىر ماسلاشتۇرۇش، باشتىن-ئاخىر پۇل-مۇئامىلە مۇلازىمىتى بىلەن تەمىنلەشتەك سودا ئالاقە شەكلى بىلەن ئاكتىپ پۇل مۇئامىلە مۇلازىمىتىنى بىرلەشتۈرۈپ، جۇڭگو بانكىسىنى ئوتتۇرا-كىچىك كارخانىلارنىڭ چېگرا سىرتىغا مەبلەغ سېلىش خىزمىتىدىكى مەسلىھەتچىسى، يېتەكچىسى، ئەگەشكۈچىسىگە ئايلاندۇرۇپ، كارخانا، ھۆكۈمەت، ۋاسىتىچىلار ئارىسىدا ئالاقە سەھنىسى ھازىرلاپ، جۇڭگو بانكىسىنىڭ قەرز پۇل بىلەن تەمىنلەشتىن كېيىنكى يېڭى مۇلازىمەت سەھىپىسىنى ئاچتۇق.

مۇلازىمەت تەرتىپى:

جۇڭگو بانكىسى «بىر يول بىر بەلباغ» دىكى دۆلەتلەرنىڭ بانكىلىرى، ھۆكۈمەت ئورۇنلىرى، سودا ئۇيۇشمىلىرى بىلەن زىچ ئالاقە باغلاپ، خېرىدار ئۇچۇرلىرىدىن ئورتاق پايدىلىنىش، كارخانىچىلارنى ئۆز-ئارا ئۇچراشتۇرۇش، تېلېۋىزىيەلىك-تېلېفون يىغىنى ئېچىش، بىرگە-بىر ئۇچراشتۇرۇش، نەق مەيداندا تەكشۈرۈپ تەتقىق قىلىش پائالىيەتلىرىنى ئېلىپ بېرىپ خەلقئارادىكى كارخانىچىلارنى ئۆز-ئارا تونۇشۇش، ھەمكارلىشىش پۇرسىتى بىلەن تەمىنلەيدۇ. ئوتتۇرا-كىچىك كارخانىلار بۇ جەرياندا ئۆزلىرىنى تونۇشتۇرۇپ، مەبلەغ سېلىش، مەبلەغ قوبۇل قىلىش مۇددىئاسىنى ئوتتۇرىغا قويالايدۇ. بۇ سەھنىدە ئۈچىنچى تەرەپ ۋاسىتىچىلار مۇلازىمىتى مەسىلەن: قانۇن مۇلازىمىتى، تەرجىمانلىق، بوغالتىرلىق قاتارلىق مۇلازىمەتلەر تەمىنلىنىدۇ. جۇڭگو بانكىسىنىڭ ھەرقايسى دۆلەتلەردىكى تارماق بانكىلىرى جۇڭگو-چەتئەل كارخانىلىرىنىڭ ئۆز-ئارا مەبلەغ سېلىش جەريانىدىكى، سۇغۇرتا، مەبلەغ، ئاكسىيە، پۇل-مۇئامىلە مۇلازىمىتىنى ئاددىيلاشتۇرۇپ قولايلاشتۇرىدۇ .

2-بۆلەك بۇ تۈر ھەل قىلالايدىغان مەسىلىلەر
جۇڭگو بانكىسى ئوتتۇرا-كىچىك كارخانىلار چېگرا سىرتىغا مەبلەغ سېلىشقا مۇلازىمەت قىلىش تۈرىدە، جۇڭگو بانكىسى «قوش موتوردا ھەرىكەتلىنىش» شەكلى بىلەن، ماددىي ئالاقە ۋاسىتىلىرىدىن پايدىلىنىپ، ئالدى بىلەن دۆلەت ئىچى-سىرتىدىكى ھۆكۈمەت ئورۇنلىرى بىلەن ئالاقە باغلاپ، بۇ تۈرنىڭ ھۆكۈمەت كاپالىتىنى قولغا كەلتۈرىدۇ. شۇنىڭ بىلەن بىرگە، ئىنتېرنېت تورى مۇلازىمەت سۇپىسىنى يولغا قۇيۇپ ئىنتېرنېت تورى مۇلازىمەت سۇپىسى ئارقىلىق كارخانىچىلارغا ئېچىۋېتىلىدۇ .
جۇڭگو بانكىسىنىڭ بۇ تۈرى ئوتتۇرا-كىچىك كارخانىچىلارنىڭ تۆۋەندىكى مەسىلىلىرىنى ھەل قىلىدۇ:
   بىرىنچىدىن، ئوتتۇرا-كىچىك كارخانىلارنىڭ «مەبلەغ توپلىشى قېيىن بۇلۇش، تەننەرخى يۇقىرى بۇلۇش» مەسىلىسىنى ھەل قىلىدۇ.
ئېلىمىز ئوتتۇرا-كىچىك كارخانىلىرىنىڭ بازىرى چوڭ بولغىنى بىلەن، تېخنىكىسى تۆۋەن، مۇھىتنى ئېغىر بۇلغايدۇ، ئېنېرگىيە تىجىمەيدۇ، مەھسۇلاتىنىڭ رىقابەت كۈچى ئاجىز. ئەمەلىيەتتە دۆلەت ئىچى-سىرتىدىكى كارخانىلارنىڭ ئۆز-ئارا تولۇقلاش بوشلۇقى ئىنتايىن كەڭ. دۆلەت ئىچى-سىرتىدىكى كارخانىلارنى ئۆز-ئارا تونۇشتۇرۇش، ھەمكارلاشتۇرۇش تېخنىكا يېڭىلاشقا، مەبلەغدىن يۇقىرى ئۈنۈملۈك پايدىلىنىشقا، بانكىنىڭ قەرز تارقىتىش خېيىم-خەتىرىنى كىچىكلىتىشكە پايدىلىق بولۇپ، ئوتتۇرا-كىچىك كارخانىلارنىڭ مەبلەغ توپلىشى قىيىن بۇلۇش، تەننەرخى يۇقىرى بۇلۇش مەسىلىسىنى ھەل قىلىدۇ.
ئىككىنچىدىن دۆلەت ئىچىدىكى كارخانىلارنىڭ تېخنىكا كىرگۈزۈشىگە پايدىلىق
    جۇڭگو بانكىسى ئوتتۇرا-كىچىك كارخانىلارنىڭ چېگرا سىرتىغا مەبلەغ سېلىشقا مۇلازىمەت قىلىش تۈرى، ئوتتۇرا-كىچىك كارخانىلارنىڭ چېگرا سىرتىغا مەبلەغ سېلىشنىڭ ئالاھىدىلىكىگە ئاساسەن ئۇچۇر ئامبىرى قۇرۇش، بىرمۇ-بىر ئۇچراشتۇرۇش، توردا تونۇشۇش، يۈز-تۇرانە كۆرۈشۈش، نەق مەيداندا ئېكسكۇرسىيە قىلىش قاتارلىق مۇلازىمەتلەر بىلەن تەمىنلەپ، ھەمكارلىقنىڭ ئىشقا ئېشىشىنى ئىلگىرى سۈرۈپ، جۇڭگو-چەتئەل كارخانىلىرى ئوتتۇرىسىدا تېخنىكا ئۆتۈنۈپ بېرىش، ھەمكارلىشىش سەھنىسى ھازىرلايدۇ.
   ئۈچىنچىدىن، دۆلەت-ئىچى سىرتىدىكى بازارلارنىڭ ئالاقىسىنى كۈچەيتىش جۇڭگو تاۋارلىرىنى ئېكسپورت قىلىش چەتئەل تاۋارلىرىنى ئىمپورت قىلىشقا پايدىلىق.
   جۇڭگو-چەتئەل مەھسۇلاتلىرىنىڭ ئۆز-ئارا تۇلۇقلاش بوشلۇقى ئىنتايىن چوڭ، ئىقتىساد خەلقئارالاشقان چوڭ ۋەزىيەتتە، ئوتتۇرا-كىچىك كارخانىلارنىڭ چېگرا سىرتىغا مەبلەغ سېلىشىغا مۇلازىمەت قىلىش تۈرى جۇڭگو مەھسۇلاتلىرىنى ئېكسپورت قىلىشقا، چەتئەل مەھسۇلاتلىرىنى ئىمپورت قىلىشقا تېخىمۇ ياخشى ئاساس سالىدۇ.  
                                          
3-بۆلەك جۇڭگو بانكىسى ئوتتۇرا-كىچىك كارخانىلارنىڭ چېگرا سىرتىغا مەبلەغ سېلىش تۈرىنىڭ ئىلگىرىكى نەتىجىلىرى
   بۇلتۇردىن بۇيان، جۇڭگو بانكىسى ئىلگىرى-ئاخىر بولۇپ، فىرانسىيە، گېرمانىيە، ئىتالىيە، ئىسرائىلىيە، شەرقىي ياۋروپا، شەرقىي-جەنۇبى ئاسىيا قاتارلىق دۆلەت ۋە رايونلاردا 10 مەيداندىن ئارتۇق جۇڭگو-چەتئەل كارخانىلىرى مەبلەغ سېلىش ۋە ئۇچرىشىش يەرمەنكىسى ئۇيۇشتۇرۇپ، جۇڭگو كارخانىلىرىنىڭ چەتئەللەرگە چىقىپ ۋەرەقى قىلىشىغا ياردەم قىلدۇق. 2014-يىلى جۇڭگو بانكىسى سىچۈەن ئۆلكىلىك ھۆكۈمەت ۋە فىرانسىيە ھۆكۈمىتى بىلەن بىللە «جۇڭگو فىرانسىيە ئوتتۇرا-كىچىك كارخانىلار تەرەققىيات مۇنبىرى» ئۇيۇشتۇردۇق، مۇنبەرگە ئىككى دۆلەتتىكى دورىگەرلىك، بىيولوگىيە، ئۇچۇر، يېمەكلىك قاتارلىق ساھەلەردىكى 600دىن ئارتۇق كارخانىلاردىكى 1000دىن ئارتۇق كارخانىچى قاتنىشىپ ئوخشاش تۈردىكى مۇنبەرلەر ئىچىدە قاتناشقان ئادەم سانى ئەڭ كۆپ مۇنبەر بولۇپ قالدى. مۇنبەردە ئىككى دۆلەت كارخانىلىرى 5000 قېتىمدىن ئارتۇق بىۋاسىتە ئۇچرىشىش، پىكىرلىشىش ئېلىپ بېرىپ ياخشى ئۈنۈمگە ئېرىشتى. نەتىجىدە %80 كارخانىنىڭ داۋاملىق ئالاقىلىشىش ئويىنىڭ بارلىقى، %40كارخانىنىڭ ھەمكارلىشىش توختامى ئىمزالاش ئويىنىڭ بارلىقى ئېنىقلاندى. 2015-يىلى5-ئايدا، جۇڭگو بانكىسى خېبېي ئۆلكىلىك ھۆكۈمەت ۋە شەرقىي ياۋروپا دۆلەتلىرى ھۆكۈمەتلىرى بىلەن ئالاقىلىشىپ «جۇڭگو، شەرقىي ياۋروپا كارخانىلىرى ھەمكارلىق تەرەققىيات مۇنبىرى» ئۇيۇشتۇردۇق. مۇنبەرگە 200دىن ئارتۇق شەرقىي ياۋروپا كارخانىسى، 400دىن ئارتۇق جۇڭگو كارخانىسى قاتناشتى، بۇ كارخانىلار ئۇچۇر تېخنىكىسى، يېزا-ئىگىلىك، زامانىۋى ياسىمىچىلىق، مۇھىت ئاسراش، ساغلاملىق قاتارلىق ساھەلەرگە چېتىلىدۇ. مۇنبەردە 1000قېتىمدىن ئارتۇق يۈزتۇرانە ئۇچرىشىش، پىكىرلىشىش ئېلىپ بېرىلدى، 221كارخانا ھەمكارلىق ئەسلەتنامىسى ئىمزالاشتى، 66 كارخانا رەسىمى ھەمكارلىق كېلىشىمنامىسى ئىمزالاشقا پۈتۈشتى، 24كارخانا رەسىمى ھەمكارلىق كېلىشىمنامىسى ئىمزالىدى. ھەمكارلىق كېلىشىمنامىسى ئىمزالاشقا پۈتۈشۈش نىسبىتى%48. 98كە يېتىپ، خېبېي ئۆلكىسىنىڭ يېقىنقى يىللاردىن بۇيانقى ئەڭ زور سودا توختامى ئىمزالىشى بولۇپ قالدى. بۇلاردىن سىرت جۇڭگو بانكىسى يەنە ئايرىم-ئايرىم ھالدا گېرمانىيە، مالايشىيا قاتارلىق دۆلەتلەردە جۇڭگو، گېرمانىيە، مالايشىيا كارخانىلىرى پۇل-مۇئامىلە ھەمكارلىقىدا يېڭىلىق يارىتىش تەرەققىيات مۇنبىرى ئۆتكۈزدى، مۇنبەرگە جۇڭگو، گېرمانىيە، مالايشىيادىكى ئۇچۇر تېخنىكىسى، يېزا-ئىگىلىك، زامانىۋى ياسىمىچىلىق، مۇھىت ئاسراش، ساغلاملىق، دورىگەرلىك، بىيولوگىيە، يېمەكلىك ساھەلىرىدىكى كارخانىلار قاتناشتى. 2015-يىلى7-ئايدا جۇڭگو بانكىسى يەنە فىرانسىيە، گوللاندىيە كارخانىلىرى بىلەن ئايرىم، ئايرىم جۇڭگو، فىرانسىيە، گوللاندىيە كارخانىلىرى ھەمكارلىق تەرەققىيات مۇنبىرى ئۆتكۈزۈپ بۇ دۆلەتلەر ئارا ھەمكارلىقنى كۈچەيتتى. شۇنىڭ بىلەن بىرگە جۇڭگو بانكىسى ئاۋسترالىيە، موڭغۇلىيە، ئىتالىيە ھۆكۈمەتلىرى بىلەن ئالاقىلىشىپ، بۇ دۆلەتلەر بىلەن بولغان سودا ئالاقە ھەمكارلىق مۇنبەرلىرى ئۆتكۈزۈش تەييارلىقىنى قىلدى. بۇنىڭ ئىچىدە جۇڭگو-ئاۋسترالىيە يېزائىگىلىك ھەمكارلىق يەرمەنكىسى باشلىنىش ئالدىدا تۇرماقتا، يەرمەنكىگە قاتنىشىدىغان كارخانىلارنى تىزىملاش ئېلىپ بېرىلىۋاتىدۇ، بۇ يەرمەنكە 2016-يىلى4-ئايدا ئاۋسترالىيەنىڭ سىدنىيدا ئېلىپ بېرىلىدۇ.

4-بۆلەك شىنجاڭ رايونىدىكى كارخانىلارنىڭ چېگرا سىرتىغا ۋەرەقى قىلىش پۇرسىتى
  جۇڭگو بانكىسى مەركىزى بانكىسىنىڭ 16-چېسلادىكى ئۇقتۇرۇشىغا ئاساسەن، مەركىزى بانكا 2016-يىلى 4-ئايدا سىدنىيدا «جۇڭگو ئاۋسترالىيە يېزائىگىلىك كارخانىلىرى ھەمكارلىق مۇنبىرى» ئۆتكۈزۈشنى دەسلەپكى قەدەمدە پىلانلىغان بولۇپ، جۇڭگو ئاۋسترالىيە يېزائىگىلىك كارخانىلىرى ئۇچرىشىپ ھەمكارلىشىدىغان سەھنە ھازىرلىماقچى. شۇڭا شىنجاڭنىڭ يېزائىگىلىك چوڭ ئاپتونوم رايونى بۇلۇش ئەۋزەللىكىگە ئاساسەن ھەمدە «بىر بەلباغ بىر يول» دىكى يادرولۇق رايون بۇلۇش سۈپىتى بىلەن مەركىزى بانكا شىنجاڭ تارماق بانكىسىنى 10دىن ئارتۇق شىنجاڭ كارخانىسىنى ئاۋسترالىيەگە بېرىپ يەرمەنكىگە قاتنىشىشقا تەكلىپ قىلىشقا ئورۇنلاشتۇردى. بۇ كارخانىلار چوقۇم يېزائىگىلىك كەسپى بىلەن شۇغۇللىنىشى تەلەپ قىلىنمايدۇ. ( دېھقانچىلىق، چارۋىچىلىق، ئورمانچىلىق، بېلىقچىلىق، ھاراق ئېچىتىش، يېزائىگىلىك ماشىنا سايمانلىرى، يېزائىگىلىك مەھسۇلاتلىرىنى توپ پارچە سېتىش)
    تىجارىتىڭىزنىڭ ياخشى ئېلىپ بېرىلىشى، ئۆز ئورنىڭىزدىكى ئەۋزەللىكىڭىزنىڭ تېخىمۇ يۇقىرى كۆتۈرۈلىشى ئۈچۈن، «كارخانىڭىزنىڭ بۇ قېتىمقى مۇنبەرگە قاتنىشىش مۇددىئايىڭىزنى يېزىپ تاپشۇرۇشىڭىزنى ئۈمىد قىلىمىز، شۇنىڭدا بىز سىز ئۈچۈن تېخىمۇ ياخشى مۇلازىمەت قىلالايمىز.
مۇنبەرگە قاتنىشىش ھەققى، ۋاقتى، مېھمان سانى قاتارلىق تەپسىلاتلار داۋاملىق مۇزاكىرىلىشىش ئارقىلىق بېكىتىلىدۇ.

ablimitt

ياخشى ئىشكەنغۇ، چەتكە چىقىپ تەرەققى قىلمايمۇ بولمايدۇ مۇشۇ كۈنلەردە بازاردا سودا بولمىغاندىكىن. بىر يېرى مۇشۇنداق بولسا ھۈنەر-كەسىپ ئۈگىنىدىغانلار كۈپىيىدۇ...

پۇل-مۇئامىلە ۋاقىت گېزىتى تورىنىڭ 1-مارت خەۋىرى، باغداش تورىدىن ئەكبەر تەرجىمىسى:

2-ئايدا، جۇڭگونىڭ ياسىمىچىلىق كەسپى سېتىۋېلىش دېرىكتورلىرى كۆرسەتكۈچى (PMI) مۆلچەردىكىگە يەتمىگەن بولۇپ، ياسىمىچىلىق كەسپىنىڭ ئۇدا 7 ئاي كاسات ھالەتتە تۇرۇۋاتقانلىقىنى كۆرسىتىپ بەردى.

2-ئايدىكى ئورگان ياسىمىچىلىق كەسپى PMI كۆرسەتكۈچى 49 بولۇپ، ئىقتىسادشۇناسلارنىڭ مۆلچەرىدىكى 49.4دىن تۆۋەن بولدى. 1-ئايدىكى ياسىمىچىلىق كەسپى PMI كۆرسەتكۈچى 49.4 بولدى.

بۇ سان جۇڭگونىڭ ياسىمىچىلىق كەسپىنىڭ ئۆتكەن 7-ئايدا ئىزچىل تارىيىش ھالىتىدە تۇرۇۋاتقانلىقىدىن دېرەك بېرىدۇ. بۇ سان 2011-يىلى 11-ئايدىن بۇيان ئەڭ تۆۋەن نۇقتا ھېسابلىنىدۇ، ئەينى چاغدىمۇ كۆرسەتكۈچ 49 ئىدى.

بۇلتۇر جۇڭگو ئىقتىسادىنىڭ ئېشىش نىسبىتى %6.9 بولۇپ، 25 يىلدىن بۇيانقى ئەڭ تۆۋەن سەۋىيەدە بولدى.

2-ئاينىڭ 29-كۈنى، جۇڭگو مەركىزىي بانكىسى پۇل سىياسىتىنى يەنىمۇ قويۇپ بېرىشنى قارار قىلىپ، سودا بانكىسىنىڭ ئامانەت زاپاس پۇل نىسبىتىنى تۆۋەنلىتىپ، ئىستېمالچىلار ۋە كارخانىلارنىڭ تېخىمۇ ئاسان ھالدا ئەرزان كرېدىتقا ئېرىشىشىگە قولايلىق ياراتتى. باشقا خەۋەرلەردە دېيىلىشىچە، ھۆكۈمەت سىياسەت چىقىرىپ ئىشلەپچىقىرىش ئېشىنچىلىقىنى يوقاتماقچى بولغاچقا، 2 مىليونغا يېقىن كۆمۈر ۋە پولات-تۆمۈر ئىشچىسى خىزمىتىدىن ئايرىلىپ قالىدىكەن، بۇنىڭدا كۆپ قىسىم ئادەم دۆلەت كارخانىسىدىكى ئىشچىلار بولۇشى مۇمكىن.

2-ئايدا، سەيشىن جۇڭگو ياسىمىچىلىق PMI كۆرسەتكۈچى 48 بولۇپ، مۆلچەردىكى 48.4 دىن تۆۋەن بولغان، 1-ئايدىكى كۆرسەتكۈچ قىممىتى 48.4 بولغان.