مۇكەممەل ئەرنى كۈتۈش

salun520

مۇكەممەل ئەرنى كۈتۈش

جۇ  دامىڭ

    15 يىل بۇرۇن، ئايگۈل ئىسىملىك گۈزەل بىر قىز، ئىچكىرىدىكى داڭلىق ئالىي مەكتەپنى پۈتتۈرۈپ، «ت ر گ» تەرجىمە شىركىتىدە ئىشلىگەن ئىدى. ئۇ قىز ئۆزىگە تولىمۇ ئىشىنەتتى، ھەر قاچان ئۆزىگە پەقەت ئەڭ مۇكەممەل ئەرلەرنى مۇناسىپ دەپ قارايتتى. شۇڭلاشقىمۇ مەن چوقۇم قىلچە نۇقسانسىز ئەركەككە ياتلىق بولىمەن، ئۇنىڭ جەزمەن ئۆيى، ماشىنىسى، پۇلى بولۇشى، يەنە تېخى قامەتلىك، شوخ-تېتىك، كۆيۈنۈشنى بىلىدىغان بولۇشى كېرەك، بولمىسا ھېچكىمگە تەگمەيمەن دەپ ئويلايتتى. شۇنداق قىلىپ، ئۇ كۆڭۈلدىكىدەك ھەمراھىنى ئىزدەش سەپىرىنى باشلىۋەتتى.
    كۈنلەر، ئايلار بىر-بىرىنى قوغلىشىپ ئۆتۈۋەردى. ئىلگىرىكى نازىنىننى ھەش-پەش دېگۈچە بىلىنەر-بىلىنمەس قورۇق بېسىپ ئوتتۇرا ياشقا ئۇلاشتى، ۋاقىت ئاتقان ئوق. لېكىن ھازىرغىچە ئۇ يەنىلا يالغۇز.

    ئۇ قۇربان ھېيتتا ئاتا-ئانىسى بىلەن جەم بولۇش ئۈچۈن يۇرتىغا قايتقىنىدا، 12 ياشلىق ئوغلى بىلەن 8 ياشلىق قىزىنى يېتىلىۋالغان ئىلگىرىكى يېقىن ھەمشىرىسى بىلەن تاسادىپىي ئۇچرىشىپ قالدى، شۇندىلا يالغۇزلۇقنىڭ ھېچقاچان بىلىنمىگەن دەرتلىرى ئۇنىڭ قەلبىنى چۇلغىدى.
    ئۇلار ئۆزئارا ئەسرالىشىپ، قىزغىن پاراڭغا چۈشتى، بالىلىقتىكى ئەسلىمىلەرگە غەرق بولۇشتى. ئوماق بالىلار ئۇلارنىڭ ئەتراپىدا چۆرگىلەپ قوغلاشماق ئوينىشىۋاتاتتى، دوستىنىڭ چېھرىدە ئانىلارغا خاس بەخت تۇيغۇسىدىن باشقا ھېچنەرسە يوق ئىدى.

    ــ ئايگۈل، شۇنچە يىلدىن بىرى كۈتكىنىڭدەك بىرەرسىمۇ ئۇچرىمىدىمۇ؟ ـ سورىدى دوستى.
    ــ بىرسى ئۇچرىدى - دېدى ئايگۈل.
    ــ شۇنداقمۇ؟ قانداقراق يىگىت ئىدى؟ دەپ باقمامسەن؟-دوستى قىزىقىپ بىلىشكە ئالدىرىدى.
    ــ ئۇ دەل مەن كۈتكەندەك مۇكەممەل ئەركەك ئىدى، تىرىشچان، كېلىشكەن، بەستلىك، باشلىقنىڭ بالىسى تېخى، ئۆي، ماشىنا ھەممىسى تەل، ئىشقىلىپ مېنىڭ تەلىپىمنىڭ ھەممىسىگە دەل چۈشەتتى! - بۇ سۆزلەرنى دەپ بولۇپ، ئايگۈلنىڭ يۈزىگە توساتتىن قىزىللىق ئولاشتى، خۇددى تۇنجى سۆيگۈنى يادىغا يەتكەندەك.
    ــ ئۇنداق بولسا، نېمىشقا ئۇنى چىڭ تۇتمايسەن؟- دوستى قاتتىق ھەيران بولۇپ سورىدى.
    بۇ ۋاقىتتا، ئايگۈل ئېغىر ئۇھسىنىپ، ئەپسۇسلۇق ئىچىدە «ئامال يوق، ئۇمۇ بىر مۇكەممەل قىزنى ئىزدەۋېتىپتۇ» دېدى.
......
    تۇرمۇشتا، كىمىكى مۇكەممەللىك ئىستىسە، ئېرىشكىنى تەنھالىق بولىدۇ. ھەتتا ھېكايىلەردىكى «مۇكەممەل ئەركەك» مۇ ھەم شۇنداق.

izbasar375

تەسىرلىك

qim-qim

سۈيى بار يەرنىڭ ئ‍وتى يوق، ئ‍وتى بار يەرنىڭ سۈيى يوق دىگەن شۇ.......

nijatkurban

بۇ يازمىنىڭ ئاپتورى ت ر گ شىركىتىنىڭ خوجايىنىما؟ جۇ دامىڭ؟ ئالدىنقى قېتىممۇ مۇشۇ ئىمزادىكى بىر يازمىنى ئوقۇغاندەك قىلغان، قىرغىزىستانغا بېرىپ سودا قىلىش جەريانىدىكى كەچۈرمىشلەرنى يازغاندەك قىپتىكەن.

Qisas

تۈنۈگۈن ئىنكاس يازسام يوقيا ئەجەپ.

بۇ ئەسەرنىڭ مەزمۇنى ھەقىقەتەن ياخشى ئىكەن.بۇ ئەسەرنى مۇنبەرگە يوللىغۇچىنىڭ ئەجرىگە كۆپ تەشەككۈر .

emmar

مەنمۇ مۇكەممەل قىز ئىزدىمەي تىزدىن ئۆيلىنۋالسام بولغۇدەك جۇمۇ...
ئالغا سۈرۈلگەن قاراش ھەقىقەتەن ئورۇنلۇق ....ئۆزىمىزگىمۇ بىر قاراپ بېقىپ دىيانىتى بولسىلا لايىقىدا بىرى بىلەن ئۆيلەنگۈلۈك...قىزلار كورىيەنىڭ ھىندىستاننىڭ كىنولىرىنى بەك كۆرەپ ئەر تاللاپ بولالماي قېرىپ كېتەر بولدى بۇ زاماندا.....

tumaris0

emmar يوللىغان ۋاقتى  2016-4-22 13:59
مەنمۇ مۇكەممەل قىز ئىزدىمەي تىزدىن ئۆيلىنۋالسام بولغۇ ...

ئەخلاقى ، دىيانىتى بولسا ، سىزنى ، ئاتا - ئانا ، قېرىنداشلىرىڭىزنى چىن دىلىدىن ھۆرمەتلىسە ، ئالدى - كەينىڭىزگە قانداق قىلسام بولاركىن دەپ قارىماستىن ، ئىككىلەنمەستىن توي قىلىۋېرىڭ ..........

ئۆستەڭ يارىشىقى تال ،
قىزنىڭ يارىشىقى خال .
ئالدىراپ كۆيدۈم دېمەي ،
ياخشى قىزنى تاللاپ ئال .

ئانا كۆرۈپ قىز ئال،
دېگەندەكچۇ ............

ھەممدىن ئانا بولغۇچىنىڭ ئەخلاقى ، دىيانىتى مۇھىم ، ئۇندىن قالسا قىزلارنىڭ ............

rawrus

مەنمۇ مۇكەممەل قىز ئىزدىمەي تىزدىن ئۆيلىنۋالسام بولغۇدەك جۇمۇ...

شۇنداق قىلىڭ ! ياشلىقىڭىزنىڭ ،كۈچۈڭىزنىڭ بارىدا  مۇكەممەل قىز ئېزدەپ يۈرسىڭىز
شۇ مۇكەممەل قىزنى تېپىپ بولغۇچە ماغدۇردىن كېتىپ ،مۇكەممەل تېۋىپ ئىزدەيدىغان كۈنگە قالماڭ يەنە