ئىلىم پەن ھەممىگە قادىرمۇ ؟

izbasar375

ئىلىم پەن ھەممىگە قادىرمۇ ؟

ئىلىم-پەن دىگەن دۇنيالىق نەرسىلەرنىڭ مۇناسىۋېتىنى تەتقىق قىلىدىغان ئىنسانىي بىلىم  ، شۇڭا ئۇنىڭ كۈچ قۇۋۋىتى بەزىلەر تەسەۋۋۇر قىلغاندەك دەرىجىدىن تاشقىرى ئەمەس ، پەقەت ۋە پەقەتلا مەلۇم چەكلىك مەسىلىلەرنى ھەل قىلالايدۇ . ئۇنداقتا ئىلىم پەندىن ئىبارەت بۇ قۇدرەتلىك كۈچنىڭ ھەل قىلالمايدىغان قىيىنچىلىقى زادى نېمە ؟ بۇ قىيىن مەسىلە دەل پۈتۈن كائىناتنى ياراتقان زاتنىڭ سىرلىرىدۇر . تارىختىن بۇيان بۇ توغرىسىدا سانسىز ئالىملار ئىزدەنگەن بولسىمۇ ئاخىرى قەدىمىنى توختىتىشقا مەجبۇر بولدى ھەم ئاخىرىدا پۈتۈن كائىناتنىڭ بىر ياراتقۇچىسى ھەم كونترول قىلغۇچىسى باركەن دىگەن يەكۈننى چىقاردى .
ئىلىم-پەندىن ئىبارەت بۇ يول ئارقىلىق ياراتقۇچىمىزغا قەدەممۇ-قەدەم يېقىنلىشالايمىز ھەم ياراتقۇچىنىڭ كائىناتتىكى ئىگىدارچىلىقىنى ۋە قۇدرەتلىرىنى  قەدەممۇ-قەدەم چۈشىنىشكە باشلايمىز ، ئەمما ياراتقۇچىنىڭ سىرلىرىنى پۈتۈنلەي يىشىشكە ئىلىم پەننىڭ كۈچى يەتمەيدۇ . ئىنسانلار دۇنيالىق بىلىمى بىلەن  ياراتقۇچىنىڭ ئەمەس ، يارىلىشتىن بۇرۇنقى بىلەن ئۆلگەندىن كىيىنكى سىرلارنىمۇ ئاچالمايدۇ .
ياراتقۇچىنىڭ سىرىنى ئېچىش راسىتتىنلا مۇشۇنداق قىيىنمۇ ؟ جاۋابى ھەممەيلەنگە تونۇش بولغان بىر ئېغىز سۆز ، ياق . ياراتقۇچىنىڭ سىرىنى ئېچىش دىگەن بۇ سۆز بەك چوڭ سۆز بولۇپ ئەينى زاماندىكى ۋە ھازىرقى دەۋردىكى ئىلىم پەندە كامالەتكە يىتىپ دۇنياغا داڭق چىقارغان نۇرغۇن ئىلىم-پەنچىلەر ۋە پەيلاسوپلار بۇ سۆزنىڭ ھۆددىسىدىن چىقالمىغاچقا ، ياراتقۇچىنى ئىنكار قىلىپ قىسقا يول بىلەن نىشانىغا يەتكەن . چۇنكى ئېلىم- پەن ئۇچالايدىغان ،ماڭالايدىغان، ئۈزەلەيدىغان نەرسىلەرنى ياسىيالىغان بولسىمۇ ، ئۇلارغا جان ئاتا قىلالمىدى . پەلسەپە ۋەھىي بىلەن ئۈزەڭگە سوقۇشتۇرغان بىلەن ، ئەقلىي خۇلاسە بىلەن ئورۇنسىز ئۇرۇشلارنى توسىيالمىدى . چۈنكى  ئىلىم-پەن دىگەن دۇنيالىق نەرسىلەرنىڭ مۇناسىۋېتىنى تەتقىق قىلىدىغان ئىنسانىي بىلىم ئىدى . پەلسەپە بولسا ئادەملەرنىڭ ئادەملەر قوبۇل قىلالايدىغان ھادىسىلەر ئۇستىدىن چىقىرىلغان تەجىربىلەر ئاساسىدا يەكۇنلەنگەن ئەقلىي خۇلاسە چىقىرىش ئۇسۇلى ئىدى . بۇ خىل ئەقلىي خۇلاسە چىقىرىش ئۇسۇلى يەنىلا ئىنسانغا مەنسۇپ بولغاچقا ئىنساندىن ھالقىغان ياراتقۇچى بىلەن يارالغۇچى مۇناسىۋېتىنى ۋەھىينى ئىنكار قىلغان ئاساستا خۇلاسىلەپ بېرەلمەيدۇ.
ئۇنداقتا ياراتقۇچىنى ھەقىقىي تونۇشنىڭ يولى بارمۇ ، قانداق قىلغاندا ئىلىم پەننى ياراتقۇچىنى تونۇش ئۈچۈن خىزمەت قىلدۇرغىلى بولىدۇ ؟ ياراتقۇچىنى تونۇشنىڭ ئاساسى بولسا ئۇنىڭ ئۆزىنى سۈپەتلىگەن سۈپەتلىرى بولۇپ ، ئىلىم پەننىڭ تەتقىق قىلىش دائىرىسى بۇ ئاساسىي مەنبەدىن چىقىپ كەتمەسلىكى لازىم ، ئىلىم پەننى مۇشۇ ئاساسنىڭ ئىچىدە ئىشلىتىپ ئىزدىنىش ئارقىلىق كائىناتنى ياراتقۇچىنى تونۇغىلى بولىدۇ ھەم قاراڭغۇلۇقتىن يورۇقلۇققا چىققىلى بولىدۇ .
قۇرئاننىڭ نۇرغۇن بايانلىرىدا ‹ ...سۆز ۋادىسىدا ئېزىپ يۇرگۇچىلەر › دەيدىغان بىر ئىنسانى سۈپەت بار . بۇ دەل يورۇق يولنى تاشلاپ قويۇپ قاراڭغۇلۇققا يول ئېلىپ ماڭغان كىشىلەرنىڭ بىر تەسۋىرى بولۇپ ، بىر نەرسىنى ئۇنىڭ ئىشلىتىلىش دائىرىسىدىن قەستەن باشقا بىر دائىرىگە چىقىرىۋېتىپ شۇنىڭ بىلەن مەشغۇل بولىدىغانلارغا  ، دەۋرىمىزدىكى ئۆزىنىڭ قەيەردىن پەيدا بولۇپ ئۆلگىنىدىن كىيىن قەيەرغە بارىدىغانلىقىنى ئۆزلىرىنى شۇنچە يۇقىرى پەن تېخنىكىسى بىلەنمۇ ھەقىقىي ھېس قىلالمىغان كۆزى ئوچۇق بولسىمۇ قەلبى قارىغۇ بولۇپ ھەقىقەتنى كۆرەلمەيدىغان كىشىلەرگە تەمسىل قىلىنغان  .  چۇنكى سۆزلىگۈچىنىڭ ۋەزىپىسى چۇشىنىشلىك چۈشەندۈرۈش . سۆز ئويۇنى ئويناپ ئالاھىدە ئىمتىياز تەلەپ قىلىش ئەمەس ...

BozEr

ئىزدىنىش ئارقىلىق كائىناتنى ياراتقۇچىنى تونۇغىلى بولىدۇ ھەم قاراڭغۇلۇقتىن يورۇقلۇققا چىققىلى بولىدۇ .
_________________

بۇ مەسىلە جەھەتتە ئىبارىلەر قايسى ئۇسلۇپ، قانداق رەۋىشتە بايان قىلىنسۇن، ئۇنىڭ ئىپادىلىگەن مەنا– مەزمۇنلىرى ئەقىل ۋە ئىمان ئىگىلىرى ئۈچۈن ھەرگىز مۈجمەل تۇيۇلمايدۇ ياكى قېلچە خاتا چۈشەنچە بەرمەيدۇ . ئاللاھ تائالا پۈتۈن مەۋجۇدىيەتنىڭ ياراتقۇچىسى بولۇش سۈپىتى بىلەن مۇتلەق ئىرادە ئەلۋەتتە ئاللاھ تائالاغا مەنسۇپتۇر . بىز ئىنسانىيەتكە جۇزئى ئىختىيارلىقنى بەرگەنلىكى ئاللاھ تائالانىڭ بىزگە قىلغان چوڭ مەرھەمىتىدۇر .

Abduhalim75

ىلىم-پەندىن ئىبارەت بۇ يولئارقىلىق ياراتقۇچىمىزغا قەدەممۇ-قەدەم يېقىنلىشالايمىز ھەم ياراتقۇچىنىڭ كائىناتتىكى ئىگىدارچىلىقىنى ۋە قۇدرەتلىرىنى  قەدەممۇ-قەدەم چۈشىنىشكە باشلايمىز
ئىلىم پەننىڭ تەتقىق قىلىش دائىرىسى بۇ ئاساسىي مەنبەدىن چىقىپ كەتمەسلىكى لازىم ، ئىلىم پەننى مۇشۇ ئاساسنىڭ ئىچىدە ئىشلىتىپ ئىزدىنىش ئارقىلىق كائىناتنى ياراتقۇچىنى تونۇغىلى بولىدۇ ھەم قاراڭغۇلۇقتىن يورۇقلۇققا چىققىلى بولىدۇ .

ياراتقۇچىغا ۋەھىي كۆرسەتمىسى بىلەن يېقىنلىشالايمىز. ياراتقۇچىنى ۋەھىيدىكى ئۇچۇرلار ئارقىلىق چۈشىنىمىز .ياراتقۇچىنى تونۇش ئۇچۇن پەقەت ۋەھىيگىلا مۇراجەت قىلىش كېرەك.ئىلىم-پەن بىلەن پەلسەپە ۋەھىينىڭ ئورنىنى باسىمەن دىسە ، دىننى ئىلىم-پەن بىلەن پەلسەپە چۇشەندۈرسە ، بۇ ئىككى بىلىش ئۇسۇلىنىڭ ئىقتىدارى چەكلىك بولغاچقا دىننى مۇجمەل قىلىپ قويىدۇ. ھازىرقى جەمىيەتتىكى خۇراپاتلىق دىن خۇراپاتلىقى ئەمەس ئېلىم-پەن،پەلسەپە خۇراپاتلىقى بولۇپ قالدى ....
ياخشىسى ئۇلار ئۆز بىلىدىغان ساھەدە خىزمەت قىلغىنى ياخشى .

dikkat

ئىلىم-پەندىن دۇنيا ئىنسانلىرى سۈپىتىدە ئالقانچىلىك نېسىۋە ئىزدەپ ئىزتىراپ چېكىش ھارپىسىدا ئىنسانلىق ئاجىزلىقىدە ئالغا قاراپ يۈزلىنىۋاتقان بىر قەۋىم ئىچىدىن-‹‹ئىلىم-پەن ھەممىگە قادىرمۇ؟›› دەپ سۆز باشلاش-‹‹قولى يەتمىگەن شاخنىڭ مىۋىسى ئاچچىق!!››پەلسەپىسىنىڭ يەنە بىر ۋاريانتى جۇلالاندۇرۇشتىن بىشارەت بېرىدۇ خالاس.

تىما ئىگىسى بۇ خىل شۇئارۋازلىقىدا-ئىلىم-پەننى دىنسىزلىقنىڭ يۇقۇرى پەللىسى دىگەن مەزمۇننى ئىلگىرى سۈرمەكچىمىدۇ؟

ئىلىم-پەن ئىلىم ئوقىدا ھەممىگە قادىر، ئۇ ئازغۇنلارنىڭ قولىدا   ئىنسانلارنى ھالاك قىلسا، ئوخشاشلا ئۆز نۆۋىتىدە ئىنسانپەرۋەرلەرنىڭ قولىدا ئىنسانلارنى ھالاكەتتىن قۇتقۇزالايدۇ.

ئۇنداقتا بىز يەنىلا ئىلىم-پەن ھەممىگە قادىرمۇ؟ دىيىشىمىزنىڭ زۆرۈرىيىتى بار-يوقلىقى ھەققىدە ئويلىنىشىتىن باش تارتىپ يۈرەمدۇق؟

بۇ تىمىدا قويۇلغان ماۋزۇغا لايىق مەزمۇن. چىن ئېتىقاد قا خاس قايىل قىلارلىق دەلىللەر كەمچىل بولىشى ئاقىۋەتتە ئىسلەمىيەتكە بولغان تۈمەنلىگەن خاتا قاراشلارغا سەۋەپ بولىدۇ ئاقىۋەتتە ئۆزى، ئۆزى ئىلگىرى سۈرمەكچى بولغان ئېتىقادقا ھاقارەت قىلىدۇ.

<<مەن سىلەرنىڭ پايدىلىنىشىڭلار ئۈچۈن تاغلارغا كان-مەدەنلەرنى ياراتمىدىممۇ؟>>نى ئىنكار قىلغانلىق.

ياراتقۇچى ئاسماندىن بۇلۇتسىز يامغۇر ياغدۇرۇشقا قادىر، لېكىن قەيت قىلىپ شۇنداق دەيدۇكى-<<يامغۇر ياغدۇرغۇچى بۇلۇتلار بىلەن قەسەمكى......بۇلۇتلارنى سۈرگۈچى شاماللار بىلەن قەسەمكى....>>> دىمەك بۇ يەردە ياراتقۇچى ئاۋۋال ئۆزى ھەرقانداق ئىشنى قانۇنى تەرتىپلىك ئورۇنلاشتۇرغانلىقىنى بىز ئىنسانلارغا ئىشارە قىلىۋاتىدۇ.....
دىمەك ئىلىم-پەن ئەشۇ ئىشارە ۋەجىدىن ئىنسانلارنىڭ تەرتىپلىك قانۇنىيەتلىك تىرىشچانلىقىدا ئىنسانى بىلىش دائىرسىدە  ھەممىگە قادىردۇر-دىسەك تامامەن خاتالشقان ھىساپلانمايمىز.

Paziwatliq

تىما ماۋزۇسى بەك چوڭ قويۇلۇپ قاپتۇ ھەم بۇخىل تىمىنى پەقەت ئىلىم پەن ساھەسىدە بىر قەدەر مۇۋاپپىقىيەت قازانغان شەخىسلەرلا يازسا ئاندىن ئوقۇغۇدەك بىر نەرسە چىقىدۇ. ئىلىم پەن بۇلىقىنىڭ سۈيىنى ئىچىپ تەمىنى تېتتىپ باقماي تۇرۇپ پەقەت باغداشتىلا ئىلىم دەۋاسى قىلدىغان بىزلەرنىڭ ئىلىم پەننى ئۇنىڭ بۇنىڭغا سېلىشتۇرۇپ بېقىشى ۋاقىت ئىسراپچىلىقىدىن باشقا نەرسە ئەمەس.

bilimhumar2

تىما ئىگىسىگە كۆپ رەھمەت
ياراتقۇچىنىڭ سىرىنى ئېچىش بۇ مۇمكىن ئەمەس ،بىزنىڭ قىلالايدىغىنىمىز پۈتۈن كۈچىمىز بىلەن ياراتقۇچىنى تونۇش ،مەسلەن سىز ئالما 6نىڭ سىرىنى ئىچىۋەتتىڭىز دەيلى ،بۇدىگەن سىز ئالما ئالتىنىڭ بارلىق ياسىلىش ئۇسۇللۇرىنى ،ئۇنىڭ مەخپىيەتلىكىنى بىلىپ يەتتىڭىز دىگەن گەپ ،سىز ياراتقۇچىنىڭ سىرىنى ئىچىۋەتسىڭىز ،سز ئۇنىڭدىن ئۈستۈن بولمامسىز،ئەسلى تىما ئىگىسى سىز ياراتقۇچىنىڭ ئۆزىڭىزنى يارتىشتىكى سرىنى ،ھىكىمىتىنى بىلەلەيسىز ،دىمەكچى دەپ ئويلۇدۇم شۇ جۈملىدىكى خاتالىق ئىكەن
دۇنيادا ھەر نەرسىنىڭ يارېتىلىشتىكى بىر ھىكىمىتى بولغاندەك ،بۇ يەردىكى ھەممەيلەننىىڭمۇ ئوخشاش ،ئاللا سىزنى مەلۇم مەقسەت بىلەن ،يەنى سىزگە مەلۇم يوشۇرۇن ئىقتىداربىرىپ ياراتقان ،سىزنىڭ قىلالايدىغىنىڭىز شۇ يوشۇرۇن ئىقتىدارىڭىزنى بايقاپ ،ئۆزلۈكسىز تىرىشىش ئارقىلىق ئاللانىڭ سىزنى يارىتىشتىكى مەقسىتىنى بايقاش ھەم ئاللا رىزالىقى ئۈچۈن ياشاش ،شۇنداق قىلسىڭىز بەخت سائادەتكە ئىرىشىسىز ،سىز ئۆزىڭىزنى تونۇش ئارقىلىق يەنى سىزنى يارتىشتىكى سىرنى ئىچىش ئارقىلىق ئاللانى تونۇيالايسىز  

bilimhumar2

تىما ئىگىسىگە كۆپ رەھمەت
ياراتقۇچىنىڭ سىرىنى ئېچىش بۇ مۇمكىن ئەمەس ،بىزنىڭ قىلالايدىغىنىمىز پۈتۈن كۈچىمىز بىلەن ياراتقۇچىنى تونۇش ،مەسلەن سىز ئالما 6نىڭ سىرىنى ئىچىۋەتتىڭىز دەيلى ،بۇدىگەن سىز ئالما ئالتىنىڭ بارلىق ياسىلىش ئۇسۇللۇرىنى ،ئۇنىڭ مەخپىيەتلىكىنى بىلىپ يەتتىڭىز دىگەن گەپ ،سىز ياراتقۇچىنىڭ سىرىنى ئىچىۋەتسىڭىز ،سز ئۇنىڭدىن ئۈستۈن بولمامسىز،ئەسلى تىما ئىگىسى سىز ياراتقۇچىنىڭ ئۆزىڭىزنى يارتىشتىكى سرىنى ،ھىكىمىتىنى بىلەلەيسىز ،دىمەكچى دەپ ئويلۇدۇم شۇ جۈملىدىكى خاتالىق ئىكەن
دۇنيادا ھەر نەرسىنىڭ يارېتىلىشتىكى بىر ھىكىمىتى بولغاندەك ،بۇ يەردىكى ھەممەيلەننىىڭمۇ ئوخشاش ،ئاللا سىزنى مەلۇم مەقسەت بىلەن ،يەنى سىزگە مەلۇم يوشۇرۇن ئىقتىداربىرىپ ياراتقان ،سىزنىڭ قىلالايدىغىنىڭىز شۇ يوشۇرۇن ئىقتىدارىڭىزنى بايقاپ ،ئۆزلۈكسىز تىرىشىش ئارقىلىق ئاللانىڭ سىزنى يارىتىشتىكى مەقسىتىنى بايقاش ھەم ئاللا رىزالىقى ئۈچۈن ياشاش ،شۇنداق قىلسىڭىز بەخت سائادەتكە ئىرىشىسىز ،سىز ئۆزىڭىزنى تونۇش ئارقىلىق يەنى سىزنى يارتىشتىكى سىرنى ئىچىش ئارقىلىق ئاللانى تونۇيالايسىز  

bilimhumar2

dikkat يوللىغان ۋاقتى  2016-4-25 16:14
ئىلىم-پەندىن دۇنيا ئىنسانلىرى سۈپىتىدە ئالقانچىلىك نې ...

سىز كۆپ ئويلاپ كىتىپسىز قىرىندىشىم تىما ئىگىسى ئۇنداق دىمەكچى ئەمەس ،شۇ ماۋزۇ شۇنداق مەنا بىلدۈرۈپ قويىدىكەن لىكىن تىما ئۇنداق ئەمەس