چەتئەل تىللىرىنى ئۆگۈنۈشنىڭ ياخشى ئۇسۇللىرى

ghalqa

ئەسسالامۇ ئەلەيكۇم قېرىنداشلار، ھازىر ئۇيغۇرلار ئارىسىدا چەتئەل تىللىرىنى ئۆگىنىدىغانلار ناھايىتى كۆپەيمەكتە، مەنمۇ شۇلارنىڭ بىرى، ئۆزۈم ئىنگلىز تىلىغا، قازاق تىلىغا، تۈرك تىلىغا ناھايىتى قىزىقىمەن، ھەم تىل ئۆگىنىشنى ئالدى بىلەن ئىنگلىز تىلىدىن باشلىماقچى بولۇۋاتىمەن، شۇنىڭ ئۈچۈن ئۆزۈمنىڭ ئۇ يەر بۇيەرلەردىن كۆرىۋالغان تىل ئۆگىنىشتىكى ياخشى ئۇسۇللارنى سىلەر بىلەن ئورتاقلاشماقچى بولۇۋاتىمەن، مەن تېخى بۇ تىللارغا قىزىققۇچى خالاس، مەن بۇ ئۇسۇللارنى تېخى ئۆز بېشىمدىن ئۆتكۈزۈپ باققىنىم يوق، بۇنى مىنىڭ تىل ئۆگىنىشتىكى پىلانلىرىم دېسەممۇ بولىدۇ، كەمىنىنىڭ باشقىلارغا بۇ جەھەتتە باشقىلارغا دەرس بېرىشكە سالاھىيىتىم توشمايدۇ. كۆپچىلىكنىڭ بۇنى مىنىڭ تىل ئۆگۈنۈشتىكى پىلانلىرىنى بىز بىلەن ئورتاقلىشىۋىتىپتۇ دەپ چۈشىنىشىنى ئۈمىد قىلىمەن، ھەم مۇنبەردىكى ئۇستازلارنىڭ ياخشى چارىلىرى بولسا تولۇقلاپ قويۇشىنى ئۈمىد قىلىمەن، بۇنىڭ ماڭا ئوخشاش تىل ئۆگىنىشكە قىززىققۇچىلارغا پايدىسى تولىمۇ زور بولاتتى، مەنمۇ سىلەردىن كۆپ مەمنۇن بولغان بولاتتىم.

    كۆپ كىشىلەرنىڭ مۇنداق بىر سوئالنى سورىغۇسى كېلىدۇ، يەنى قانداق قىلغاندا چەتئەل تىللىرىنى تـــېز  ئۆگەنگىلى بولىدۇ؟

    نېمىشقا يـــــــــاخشى دېمەي تــــــېز دەيدىغاندۇ، چۈنكى تىلنى ئۆگەنگۈسى بار كىشىنىڭ ھەممىدىن بۇرۇنراق ئالدىرايدىغىنى چاققانراق شۇ تىلنى ئۆگىنىپ بولۇپ شۇ تىلدا شۇ تىلدىكى كىشىلەر بىلەن پاراڭلاشقاندىكى ئاشۇ لەززەتكە بالدۇرراق ئېرىشىشىنى ئۈمىد قىلىدۇ، مەنمۇ ئوخشاش.

    يۇقىرىدىكى سوئالنىڭ جاۋابى تولىمۇ ئاددىي سىز شۇ تىلغا موھتاج بولغاندا، ئۇنى ئەڭ تىز ئۆگەنگىلى بولىدۇ، ھەممىمىزگە مەلۇم بەزى تىللارغا بىز ۋاقتىنچە موھتاج ئەمەس، يەنى ئەتراپىمىزدا ئۇنى ئىشلەتكىدەك ئورۇن يوق، بۇ چاغدا بىز قانداق بىلىمىز، مانا بۇ بىز ھەل قىلماقچى بولغان مەسىلە.

    1. چەتئەل تىللىرىنى ئۆگەنگەندە كۆپ ۋاقىت سەرپ قىلىشىمىز لازىم. دىققەتنى مەركەزلەشتۈرۈپ بىر يىل ياكى ئىككى يىل ئۆگىنىشىمىز كېرەك. دىققەت مەركەزلەشمىگەندە ۋاقىت ئۇزۇنغا سوزۇلۇپ كېتىپ، كۆزلىگەن نىشانغا يەتكىلى بولمايدۇ، (ئۆزۈمنى مىسال ئالسام ئىنگلىز تىلى ئۆگەنگىلى 8 يىل بوپتۇ، مۇشۇ كۈنگىچە ئىنگلىز تىلىدىن رۇسلاپ ئىككى جۈملە گەپ قىلالمايمەن، چۈنكى مىنىڭ نىشانىم پەقەت ئىمتىھاندى ئۆتۈش ئىدى).

    2. تىل ئۆگىنىش ئۈچۈن ئاۋۋال نىشان مەقسەت ئېنىق بولۇشى لازىم، ھەم بۇنىڭ ئۈچۈن تتەرتىپلىك پىلان تۈزۈش كېرەكتۇر.

    3. چوقۇم شارائىت بولۇشى كېرەك (بۇنىڭغا باھانە كۆرسەتمەسلىك لازىمدۇ چۈنكى شارائىتنى بىز ئۆزىمىز بەرپا قىلالايمىز، ھەممىمىز شېرىن چۈشتە چىققان ھېلىقى ئاقسۇلۇق دېھقاننىڭ ئىنگلىز تىلىنى قانداق ئۆگەنگىننى ئىسىمىزگە ئالايلى، مەن ۆزۈمدىن بەك نومۇس قىلدىم. ئۇ كىشى پەقەت يېرىم يىل ئۆزى ئۆگىنىپ شۇ سەۋېيەگە يېتىپتۇ).

    4. خىجىل بولماسلىق كېرەك، خىجىلچانلىق تىل ئۆگىنىشنىڭ ئەڭ چوڭ دۈشسمىنى.

    5. ھەم قارىغۇلارچە، ھەم چۈشۈنۈپ يادلاش كېرەك، يادلىغان نەرسىنى خاتا بولسىمۇ ئەمەلىيەتتە ئىشلىتىش كېرەك ،ھەممىدىن مۇھىمى رەىقابەت روھى بولۇشى كېرەك.

    ھەم قارىغۇلارچە دېگەن بۇ يېرىنى مەن تازا چۈشۈنەلمىدىن چۈشەنگەن كىشىلەرنىڭ دەپ بېرىشىنى ئۈمىد قىلىمەن.

    پايدىلانغان مەنبە ئابدۇقادىر جالالىدىن ئاكىنىڭ <ئۆزىنى ئىزدەش بوسۇغىسىدا > دېگەن كىتابىنىڭ 435،436 نچى بەتلىرى.

    ئاڭلاپ ئۆگىنىشمۇ ناھايىتى ياخشى بىر ئۇسۇل، چۈنكى ھەممە كىشىگە مەلۇم بولغىنىدەك كىچىك بىر بالا تىلى چىقىشتىن بۇرۇن ئەتراپىدىكى كىشىلەرنىڭ قايسى تىلدا پاراڭلىشىۋاتقانلىقىنى ئاڭلايدۇ، يەنى ئاۋۋال ئاڭلاپ ئاندىن كىييىن دوراپ ئاخىرىدا شۇ تىلدىن تىلىنى چىقىرىدۇ، شۇنىڭ ئۈچۈن كۆپ ۋاقتىمىزنى ئالدى بىلەن ئاڭلاشقا سەرپ قىلىشىمىز لازىم، ئاڭلىغاندىمۇ دىققەت بىلەن ئاڭلىماق لازىم.

    تىل ئۆگىنىش ئۈچۈن ئاۋۋال ھەرپ ئۆگىنىش لازىمدۇر، چۈنكى سىز ئېغىزىڭىزدىن چىقار 5 ماقچى بولغان شۇ جۈملە سۆزدىن تۈزىلىدۇ، سۆز ھىرىپتىن تۈزىلىدۇ شۇنىڭ ئۈچۈن ھەممىدىن ئاساس بولغان ھەرپنى ئۆگىنىش لازىمدۇر، بۇ خۇددى كىۋادرات سىزماقچى بولساڭ ئاۋۋال سىزىق سىزىش، سىزىقىنى چېكىتتىن باشلىغانغا ئوخشاش ئىش، ھەرپ شۇ چېكىت، شۇڭا تىل ئۆگىنىش ئۈچۈن ئالدى بىلەن ھەرپنى ئۆگىنىش كېرەك.

    بەزىلەر ئاتا بوۋىمىز ئىلگىرى يېزىق يوق ۋاقىتتا تىلنى نېمىدىن ئۆگىنىپتىكەن، مەن سۆزلەشنىلا بىلسەم بولدى، خەت ئوقۇشنى بىلمىسەممۇ مەيلى، ھەم مەن شۇ خەنزۇتىلى ھەرپىنى ئۆگەنمەي تۇرۇپمۇ ئۆگەنگەنغۇ دېيىشى مۇمكىن.

    ئەپسۇس خاتالاشتىڭىز سىز خەنزۇ تىلىنى سۆزلەشنى بىلگەن ھەم ئۆز ئانا تىلىڭىزدا قارا ساۋات كىشى بولغان تەغدىرىڭىزدىمۇ، سىز ھەرپتىن پايدىلاندىڭىز، چۈنكى سىزنىڭ ئېغىزىڭىزدىن چىققان تىلدىن ھەرپلەر مانا مەن دەپ تۆكۈلۈپ تۇرىدۇ، بەلكىم سىز ھەرپنىڭ مەنىسىنىمۇ بىلمىگەن بولسىڭىز بۇنىڭغا مەندە ئامال يوق.

    لېكىن سىزگە تاشلايدىغان سوئال ئەگەر سىزنىڭ ئانا تىلىڭىزدىكى 32 ھەرپنىڭ باشقا تىللارنىمۇ ئىپادىلەش كۈچى يوق بولغان بولسا، سىز شۇ تىلنى قانداق ئۆگىنەتتىڭىز.
خۇلاسە سىز باشقا تىلنى ئۆگىنىش ئۈچۈن ئانا تىلىڭىزدىكى 32 ھەرپنى ئارىيەت ئالدىڭىز.

    مېنىڭچە ئەڭ ياخشىسى سىز ئالدى بىلەن شۇ ئۆگەنمەكچى بولغان تىلنىڭ ھەرپىنى ئۆگىنىشتىن باشلاڭ، بۇنداق بولسا يېزىش، كۆرۈش، ئاڭلاش، ئوقۇش، سۆزلەش ھەممە جەھەتتىن تەڭلا تاڭلا ئىلگىرىلەيسىز دە تىلنىمۇ تىز ئۆگۈنىسىز، بولمىسا سىز پەقەت شۇ سۆزلەش بىلەن ئاڭلاشتىلا قالىسىز دە ئۈنۈمى ئاستا بولىدۇ.

    مەنبە: شۇ ئىككى بەتتىن ئالغان ئىلھاملىرىم.

    ئىلاۋە: كۆپچىلىكىنى خاتا سۆزلەپ قويغان يەرلىرىمنى تۈزىتىپ قويۇشىنى ئۈمىد قىلىمەن، مەن كىتابتىن سەل قالايمىقان ئىلھام ئالىدىغان كىشى، كۆپچىلىكنىڭ توغرا چۈشىنىشىنى ئۈمىد قىلىمەن، يېزىقچىلىقتىن تۈزۈك خەۋىرىم يوق، باشقۇرغۇچىلارنىڭ بۇ ئەسەرنى تولىمۇ ناچار ئىكەن دەپ رەت قىلماسلىقىنى ئۈمىد قىلىمەن.

ozuyghur

تىل ئۆگىنىش ئۈچۈن ئاۋۋال ھەرپ ئۆگىنىش لازىمدۇر،  ئەمما  ھەرپ دىگەن تاۋۇشلارنىڭ يېزىقتىكى بەلگىسى، تامغىسى، شۇڭا ئەڭ ئاۋال تاۋۇشنى چىقىرىشنى ئۆگۈنۈش مۇھىم. يېزىق تونىمايمۇ تىل ئۆگۈنۈپ قالغانلارمۇ كۆپ.  بەزى تىللاردا قىسمەن ھەرىپلەر ئوخشاپ قالسىمۇ ئۇنىڭ تاۋۇشىدا پەرق بولىدۇ. ە، ج  ھەرپى ئۇيغۇرچە، قازاقچە، قىرغىزچىدىكى تاۋۇشى بەك ئوخشاپ كەتمەيدۇ.

mahdi99ug

ئۈگۈنۈشتىن  ئاۋال  ئوتتەك قىزقىش ،زۇق شوخ  ئىشتياق بولۇشى ،بەخىت تۇيغۇسى شۇ ئۈگۈنۈش بىلەن ھىس قىلىنغاندا  ئاندىن مۇۋاپقىيەتلىك  ئۈگەنگىلى بولىدۇ

aurora

(ئۆزۈمنى مىسال ئالسام ئىنگلىز تىلى ئۆگەنگىلى 8 يىل بوپتۇ، مۇشۇ كۈنگىچە ئىنگلىز تىلىدىن رۇسلاپ ئىككى جۈملە گەپ قىلالمايمەن، چۈنكى مىنىڭ نىشانىم پەقەت ئىمتىھاندى ئۆتۈش ئىدى).
------------------------
ئۇكام ماۋۇ جۈملىڭىزنى ئوقۇپ بەك ئەپسۇسلاندىم . سىز ئېنگىلىز تىلىنى پۈتۈنلەي خاتا ئۈگىنىۋاپسىز ھەم  سىزگە يۇقماپتۇ . سىزنىڭ ئۈگىنىش ئۇسۇلىڭىزدا چوقۇم مەسىلە بار .
مەن 2002 - يىلىدىن باشلاپ ئېنگىلىز تىلى ئۈگىنىشكە باشلىغان ، ھېچقانداق ئۇستازىم بولمىغان ئەھۋال ئاستىدا ، كىتاپ ۋە ئۈنئالغۇ لېنتىسىغا ئاساسەن بىر چەتتىن ئاڭلاپ ، بىر چەتتىن دوراپ تەلەپپۇزۇمنى توغرىلاپ ، كۈچەپ خام سۆزلەرنى ئۈگىنىپ .
نۆلدىن باشلاپ ئۈگىنىپ 2 يىلدىن كېيىن 4 - دەرىجە ئىمتىھانىدىن ئۆتكەندىم .
مەن ئۈگىنىپ 2 يىل بولغاندا خېلىلا راۋان سۆزلەيتتىم .
5 يىللار بولغاندا ئايلتىس ئىمتىھانغا قاتنىشىپ 6.5 نومۇر ئالغان . كېيىن ئىزچىل كۇرسلاردا دەرس بەردىم .
تىل دىگەنگە تەبىئى تۇيغۇ ، ۋە كۈچلۈك مۇھەببەت بولمىسا ئۈگەنگىلى بولمايدۇ . ماڭىمۇ بىر نەچچە ئوقۇغۇچى ئۇچرىغان . شاڭخەي چەتئەل تىلى ئۇنۋېرسىتىتى ئېنگىلىز تىلى فاكۇلتېتىنى پۈتتۈرگەن ۋە شىنجاڭ ئۇنۋېرسىتىتى ئېنگىلىز تىلى فاكۇلتېتىنى پۈتتۈرگەن . ئىككى ئېغىز ئوڭلاپ گەپ قىلالمايتتى . ئۆزىنى ۋە ئائىلىسىنى يۈزەكى تونۇشتۇرشۇتىمۇ دۇدۇقلاپ سۆزلەپ ، ئىشلەتمەكچى بولغان مۇۋاپىق سۆزنى تاپالمايتتى .

aurora

بۇلار ھەممىسى قارىغۇلارچە ئۈگىنىش ئۇسۇلى . مەلۇم جەھەتتىن شۇلارنىڭ ئوقۇتقۇچىلىرىنى سەۋەنلىكى بار . يەنى بالىلارنى ئېنگىلىز تىلى ئۈگىنىشكە چوڭقۇر قىزىقتۇرالمىغان .

ghalqa

ozuyghur يوللىغان ۋاقتى  2016-9-21 00:51
تىل ئۆگىنىش ئۈچۈن ئاۋۋال ھەرپ ئۆگىنىش لازىمدۇر،  ئەمما ...

ھەپبەللى ،مەنمۇ مۇشۇنداق دىمەكچى ئىدىم ،ئۇيغۇرچىنى ئاز ئۆگەنگەچكە كۆڭلۈمدىكىنى ئىپادىلىيىلمىگەن ئىدىم سىزگە كۆپ رەھمەت

ghalqa

aurora يوللىغان ۋاقتى  2016-9-21 10:51
(ئۆزۈمنى مىسال ئالسام ئىنگلىز تىلى ئۆگەنگىلى 8 يىل بوپت ...

ئەسسالامۇئەلەيكۇم ئاكا ،مەن ئىلگىرى پۈتۈن نىشانىمنى قانداق قىلغاندا ئىمتىھاننى ياخشى بىرەلەيمەن دەپ ئويلاپ ،زىھنىمنى مۇشۇ تەرەپكىلا قارىتىۋالغان ئىدىم ،سۆزلۈكلەرنى بشۇنداق كۆپ يادلىدىم ،لىكىن ئىشلىتىشنى بىلمەيتىم .ھازىر ئالىي مەكتەپكە چىقىپ سۆزلۈك يادلاپ باقمىدىم ،لىكىن بىر يىلنىڭ يازىسى بىر چەتئەللىك دوستۇم بىلەن دائىم تىلىفۇندا ياكى يۈزتۇرانە ئۇچرۇشۇپ دىگەندەك پاراڭلىشىپ ،خىلى چۈشىنەلەيدىغان بولدۇم ،لىكىن يەنىلا دۇدۇقلاپ سۆزلەيمەن ،ئەمما ئۆزۈمدە بىرخىل ئىلگىرلەشنى ھىس قىلدىم ،ئىنگىلىستىلىنى يەنە ئۈچ يىل توشقۇچە ئىنگىلىسچە پاراڭلىشىپ ،ئازرراق بولسىمۇ توردىن ماتىريال ئىزدەپ چۈشىنىلىگىدەك دەرىجىگە يىتىشىمگە ئىشەنچىم بار بولدى ،بايان تۆتىنچى دەرىجىگە تىزىملىتىپ قويدۇم ،ما قىتىم ئىمتىھانغا ئوبدان تەييارلىق قىلىمەن ،راست سىز دىگەندەك ئۆگۈنۈش ئۇسۇلۇمدا مەسلە بارلىقىنى ھىس قىلدىم ،ھازىر ئاز دىگگندە كۈندە 1سائەت ۋاقىتنى ئىنگىلىستچە ئۈگۈنۈشكە ۋاقىت چىقىرىۋاتىمەن،ياخشى تەكلىپ ،ئۇسۇللۇرىڭىز بولسا ئايىماسلىقىڭىزنى ئۈمد قىلىمەن

aurora

ghalqa يوللىغان ۋاقتى  2016-9-21 14:18
ئەسسالامۇئەلەيكۇم ئاكا ،مەن ئىلگىرى پۈتۈن نىشانىمنى  ...

ۋەئەلەيكۈم - ئەسسالام .
مەن سىزگە تەۋسىيە قىلىدىغان بىر نەچچە خىل تىل ئۈگىنىش ئۇسۇلى بار .
ھازىر تېلىفونلارمۇ ئىلغارلىشىپ كەتتى . سىزنىڭ ئەگەر خەنزۇ تىلى سەۋىيەڭىز ياخشى بولسا . تېلىفونغا ئېنگىلىزچە دىئالوگ ئەپپ لىرىنى چۈشۈرۈپ ئاندىن كۈندە نائۇشنىك بىلەن قولىڭىزغا سېلىپ ئاڭلاپ بەرسىڭىز ، تەلەپپۇزىڭىزدا زور دەرىجىدە ئۆزگىرىش بولىدۇ .
مەن ئۈگەنگەن 10 يىل ئالدىدىكى ۋاقىتلاردا نەدە بۇنداق قولايلىقلار بولسۇن دەيسىز ، شۇ كىتاپخانىدىن خەنزۇچە - ئېنگىلىزچە كۈندىلىك تۇرمۇش دىئالوگ كىتاپلىرىنى ئالاتتىم ، ئۇلارنىڭ ئۈنئالغۇ لېنتىسى بولاتتى . شۇ فۇدۇجى ( ئۇيغۇرچە ئۈنئالغۇ دەۋىرەمدۇق ؟ ) غا دەينى سېلىپ قولۇمدىكى كىتاپقا قاراپ دىئالوگلارنى يادلايتتىم . چۈنكى بىزنىڭ ئەتراپىمىزدا كۈندە ئېنگىلىزچە سۆزلىشىدىغان پۈرسەت يوق . شۇڭا بۇ ئۇسسۇل ئەسقاتىدۇ .
ئىككىنچى ئەھۋالدا ، مەخسۇس سۆزلۈك كىتاپلىرى بار شۇلارنى يادلىسىڭز بولىدۇ . سۆزلۈكلەر سۆز تومۇرىنى ئاساس قىلىپ تۈزۈلگەن سۆزلۈك كىتاپلىرىنى يادلاش تەس . ئەمما قالايمىغان تۈزۈلگەن سۆزلۈك كىتاپىنى يادلاش بىر ئاز ئاسان .
ئەگەر سۆزلۈك كىتاپىنى يادلاش بەك تەس كەلسە ، قىسقا ئېنگىلىزچە ھېكايىلەرنى ئوقۇپ بىلمىگەن خام سۆزلىرىڭىزنىڭ ئاستىغا سىزىپ بىر خاتىرە دەپتەرگە يېزىڭ . ۋە كۈندە ئەتىگەن سەھەردە ئورنىڭىزدىن تۇرۇپ 10 قېتىمدەك يېزىڭ . چۈشتە دەم ئېلىشتا 1 سائەت يېزىڭ . كەچتە يەنە بىر سائەتتەك 10 قېتىمدىن يېزىڭ . ئاندىن بۇ سۆزلەر سىزدە 60 پىرسەنت ئەستە قالىدۇ . ئارىدىن بىر ھەپتە ئۆتكەندە يەنە 3 كۈن قايتىلاپ يېزىڭ . شۇنىڭدىن كېيىن ئاساسەن ئۇنتۇپ قالمايسىز .
مەسىلەن :  quest , requst , require ,  ياكى  intention , conversation , sensation , introduction .  مۇنداق شەكىلدە تىزىلغان سۆزلۈك كىتاپىنى يادلىماق تەس . شۇڭا سۆزلەر قالايمىقان تۈزۈلگەن سۆزلۈك كىتاپى ئېلىڭ :
مەسىلەن : contact ,fascinating  , learn , study , research  
مەن سىزگە بىر ئېسىل كىتاپنى تەۋسىيە قىلاي . ( Vocabulary 5000 ) لىيۇيى تۈزگەن كىتاپ .  خەنزۇچە - ئېنگىلىزچە سۆزلۈك كىتاپى بۇنىڭ 10 مىڭ سۆزلۈكى ، 22 مىڭ سۆزلۈكىمۇ بار . سىز ئاۋۇ تىرناق ئىچىدىكى سۆزنى تاۋباۋ تورىنىڭ ئىزدەش كۆزنىكىگە يازسىڭىز چىقىدۇ. تاۋبادىن ئىزدىگەندە ساغۇچ كەلگەن يانتۇ قىلىپ 5000 دىگەن سان يېزىلغان كونا نۇسخسىنى ئېلىڭ . 28 يۈەن ، 23 يۈەن ئىككى خىل باھادا ئىكەن .د ۋ د لېنتىسى بىلەن چىقارغان  يېڭى نۇسخىسىنى ئالماڭ ، پۇل زىيان قىلىشنىڭ ھاجىتى يوق .
网易有道词典 نى تېلىفونىڭىزغا چۈشۈرېۋلىڭ . بۇ بەك ياخشى لۇغەت . ئېنگىلىزچە- خەنزۇچە ، خەنزۇچە سۆز كىرگۈزسىڭىزمۇ ئېنگىلىزچە سۆزلۈكنى ئىزدەپ تېپىپ بېرىدۇ .
ئېنگىلىزچە لېكسىيەلەر بار ، كۈندە يېڭىلىنىپ تۇرىدۇ . نۇرئەلى ئابلىز مۇئەللىمنىڭ چەتئەللىك ئوقۇتقۇچىلار بىلەن قىزىقارلىق پاراڭلاشقان قىسقا فىلىملەر بار . بۇ لۇغەتنىڭ ئېنگىلىز تىلى ئۈگىنىۋاتقان ۋە ئىمتىھان ئۈچۈن تەييارلىق قىلىۋاتقانلار ئارىسىدا چۈشۈرۈلۈش نىسبىتى ئەڭ يۇقۇرى .