قۇربانلىقنىڭ تېرىسدىن خاتىرە بويۇم ....

tohotur

بۇ يىلقى قۇربانلىقنى ئۆز قولۇم بىلەن بۇغۇزلىغان ، كىچىك ئاتىلىرىمنىڭ ياردىمى بىلەن تېرىسىنى ئاجىرتىپ گۆشنى پارچىلاپ سەل غۇرۇرلانغان بولساممۇ ، تېرىنىڭ بەش كوي ئون كوي بوپ كەتكىنىنى كۆرۇپ يەنە تېخى ئۆچۆگىسى بىلەن قوشۇپ ئىچىم ئاچچىق بولمايمۇ قالمىدى .  بىر چاغلاردا يۇز كوي يۇز ئەللىك كوي ھەتتا ئىكى يۇز كويغا يارايدىغان تېرىنىڭ مانا ئەمدىلىكتە بەش سوم ئون سومغا چۇشۇپ قالغىنى كاللامدا قۇربانلىقنڭ تېرىسىنى خار قىلماي   ئۆزەم ئىشلىتىش ئويۇمنى قوزغاپ قويدى . قۇربانلىقنىڭ تېرىسىدىن خاتىرە بويۇم ياساپ ئۆزەم بىلەن ھەمرا قىلسام قايداق بولۇركىن دەپ ئويلاپ قالدىم ، ئەمدى بۇ يەردىكى ھالىقىلىق مەسەلە تېرىنى ئاشلاش مەسەلىسى ئىكەن ، بۇرۇن تېرە ئاشلاش بىر كەسىپ ھە باللا ، ئەمما ھازىرمۇ موشۇ كەسىپكە ئىشتىياق باغلايدىغانلار بولسا مەن ئەلۋەتتە قۇربانلىق قويۇمنىڭ تېرىسىنى ئاشلىتىپ تۆۋەندىكىىدەك خاتىرە بويۇملارنى ياسىساق ناھايىتى مەنىلىك بولدىغاندەك تۇيۇلدى.

    1. قۇربانلىق قويىمىزنىڭ تېرىسىنى ئاشلىتىپ ماشىنىمىزنىڭ ئورۇندۇقىغا سېلىنچا قىلىۋالساق ھەم ئەزەن ھەم مەنىلىك بولغۇدەك.

    2. بەل بىقىنلار ئاغرىيدىغان سوغۇقتىن قورقۇدىغان بۇرادەرلەر ئاشلانغان تېرىدىن بىرە يوتقان بىرە كۆرپە ياساپ مونداق قىشتىن بەخۇدەك ئۆتمەمدۇق. پاختا دىگەن سوق نەرسە قوي يۇڭىغا يەتمەيدۇ دەپ يازغانمەن ھىكمەت خاتىرەمگە.

    3. بىرە جىلىتكە، تېرە ئىشتان دىگەندەك كىيىم كىچەك ساھاسىدىمۇ ئاشلانغان قوي تېرىسىنى ئىشلەتكىلى بولغۇدەك .

    4. ئۆيلەردە داچىلاردا تۆر كۆرپىسى، ياكى ھويلىلاردا خالىغان يەرگە سېلىپ ئولتۇرىدىغان سېلىنچا قىلىۋالساقمۇ بولغۇدەك.

    5. بەك چىرايلىق ئاشلىنىپ قالسا بىۋاستە ئۆيىمىزنىڭ بىرەر تېمىغا ئېسىپ قويساقمۇ  بىر ياخشى خاتىرە بويۇم ، گۈزەل سەنئەت ئەسىرى بولۇپ قالغۇدەك

    6. بازار چىكىندى ئاقىلەي كۆكىلەي دەپ ۋايساپ ئولتارغىچە بىرەر تېرە ئاشلاش پىشىشقلاپ ئىشلەش ئورنىدىن بىرنى قۇرۇپ ئۆزىمىز قەدىرلەشكە تىگىشلىك نەرسىلەرنىڭ قەدرىنى ئۆزىمىز قىلساق بۇنىڭمۇ مەنىسى ھەم قەلبىمىزگە بىر خىل ھوزۇرى بولامدىكىن دەپ ئويلۇدۇم.

    7. تورداشلارنىڭ يەنىمۇ ئىزدىنىپ ئۆزىمىز قىلغان قۇربانلىق قوينىڭ تېرىسىدىن يەنە قانداق نەپىس خاتىرە بويۇملارنى ياسىغىلى بولىدىغانلىقىنى ۋە بۇ ئوي خىيالىمىزنى قانداق قىلساق مۇمكىن بولدىغانلىقى ھەقىدە ئىزدىنىپ كۆرۈشىنى سەمىمى ئۈمۇت قىلىمەن.

Abduhalim75

قېنى ئاشلاش ، خاتىرە بويۇم ياساش ئۇسۇلى؟ مەن تاغدا قازاقلارنىڭ تېرىنى تۇزلاپ قۇرۇتۇپ ، سېلىق تاشنى سۇركەپ ئەيلەپ سېلىنچا قىلىپ ئىشلەتكىنىنى كۆرگەن . ئۇ ئۇسۇلنىڭ كەمچىللىكى بارمۇ يوقمۇ بىلەلمىدىم . شۇڭا بىلىدىغانلار ئىنكاستا يوللاپ قويسا ، بۇ خېلى قىممىتى بار تېما بولۇپ قالغىدەك .....
رەسىمدىكىدەك چىرايلىق ئاشلىيالىساقلا ئىشلىتىلىدىغان ئورنى جىقتى ئۇ تېرىلەرنىڭ .....

eliyahun

توخوتۇر ئ‍ۇستازىم  تەپەككۇرلىرىگە ئ‍اپېرىن،،،،باگداشى مۇنبەرىگە  پات  پات كىرىپ تۇرسىلا،،،

jim-jit

   ئەسسالامۇ ئەلەيكۇم توخـۇتور ئەپەندى ، سىز ناھايىتى ياخش تەكلىپتىن بىرنى بىزلەرگە سۇنۇپسىز .  مۇمكىن بولسا تىرە ئاشلاش ئۇسۇلىنى تەپسىلى تونۇشتۇرۇپ قويغان بولسىڭىز ، تىرە ئاشلاش شارائىتىمىز بارلار پايدىلانغان بولساق . بۇرۇنلاردا مەھللىمىزدە تىرە ئاشلاش كەسىپىنى قىلدىغانلار بولدىغان ، ھازىر بەك ئازلاپ كەتتى . قوي تىرىسىدە جۇۋا تىكىپ كىيۋالسىمۇ زىمىستان قىشنىڭ سوغۇقلىرىمۇ ئادەمنى بوزەك قىلالمايتى . ئۆزىمىزدە بار بولغان شارائىتتىن پايدىلىنساق نىمە دىگەن ياخش .

mikraskup

مەنمۇ ئىككى تىرىنى مىۋىلىك دەرەخنىڭ تۈۋىگە كومدۈم.

IGILIK100

ئاشلاش دىگەن نىمە گەپ بۇ ؟

masturam

ئۇنداق ئاسان ئىش يوق باللار. بىزنىڭ غۇلجىدا بۇرۇن كۆن خۇرۇم كەسپىنى قىلىدىغانلار  خېلى بار ئىدى. دادامنىڭ  نەۋرە ئىنىسىنىڭ ئۆيى شەھەر سىرتىدا بولۇپ كىچىك چېغىمىزدا ئۇلارنىڭ ئۆيىگە بارساق دىماقنى ئاچچىق قىلىدىغان بىر پۇراق ئارام بەرمەيتى. ئۇلار يوغان توڭلارغا تىرىلەرنى چىلىۋىلىپ ، كالتەكلەردە ئۇرۇپ بىرنىمىلەرنى قىلاتتى. ھىلىقى توڭلارغا ھاك سۇيۇقلىقىمۇ، كىسلاتامۇ ئىشقىلىپ بىرنىمىلەرنى ئىشلىتەتتى. بىز كۆڭلىمىز ئېلىشىپ كەتتى، سېسىق پۇرايدىكەن دىسەك، -ئۇنداق دىمەڭلار، دىمىقىڭلار سىسىق پۇرايدىغان بولۇپ قالىدۇ ، دەپ قويىدىغان.
غۇلجىنىڭ تاڭشاڭ دىگەن يېرىدە 70-يىللاردا تازا دەۋر سۈرگەن تېرە ئۈچەي پىششىقلاپ ئىشلەش زاۋۇرى بار ئىدى. بىزنىڭ ئاپاملار، ھامماملار مۇشۇ زاۋۇتتا ئىشلەيتى. مەكتەنتىن قويۇپ بەرگەندە ، پۈتكۈل تەتىلدە مۇشۇ زاۋۇتقا كىلىپ ئوينايتۇق. تېرىلەرنى پىششىقلاپ جەريانى بەك مەرەككەپ ئىدى.  زاۋۇت ھويلىسىدا يوغان يوغان كۆلچەكلەر بولۇپ تېرىلەرنى ئاشلايلىدىغان ئىشچىلار تىزىدىن يۇقۇرسىغا كىلىدىغان رىزىنكە  ئۆتۈكلەرنى كىيىپ ھە دەپ چىلەك بىلەن سۇ قويۇپ تىرىلەرنى يۇياتتى. ئاپتاپقا ياياتتى. تۈكلىرىنى بىرتەرەپ قىلىدىغان سىخلار بار ئىدى.
    زاۋۇتنىڭ يۇقارقى تەرىپىدە ئىلى دەرياسىغا تۇتىشىدىغان جىگىتەك كۆيدۈرىدىغان سىخلىرى بار ئىدى.
ئەسلىدە تىرىلەردە پاكىز ئىلىنمىغان ماي، گۆشلەر بولىدىكەن . شۇلارنى شۇلۇپ ئىلىپ يىغىپ  كۆيدۈرەتتى. ئەلۋەتتە زدۋۇت بولغاندىن كېيىن يوغان داش قازانلاردا قىلاتتى. بۇ ئىشلارنى ساپلا ئۇيغۇر ئىشچىلار قىلغاچقا بىز چوڭلارغا ئەگىشىپ بىرىپ جىگىتەك يەيمىز دەپ تۇرۋالاتتۇق. كۆيدۈرۋالغانبۇنچە كۆپ ماينى نىمە قىلىدىكەن دىسەك، سوپون چىقىرىدىكەن دەپ قويۇشاتتى. ئاپاملار ئۈچەي سىېختا ئىشلىگەن بولغاچقا تولاراق مۇشۇ ئەتراپتا ئوينايتۇق. ئاپاملارنىڭ سېخېنىڭ قىشىدا «تاڭسەن سىخ » دەپ بىر سىخ بولىدىغان. ئۇلار ھازىرقى پاختا ئاتىدىغاندەك ئۈسكۈنىلەر بىلەن قۇرغاق تېرىنى ئۈسكۈنىدىن ئۆتكۈزۈپ يۇقارقى رەسىمدىكىدەك تېرىلەرنى چىقىراتتى. بۇنى  بىز تاڭسەن تېرە دەپ قوياتتۇق. ئۇنىڭ  پارچە پۇراتلىرى بەك جىق چىقاتتى. بىز ئەڭ پاكىز، ئەڭ ئاز پۇرايدىغانلىرىدىن ئازراق تىرىۋىلىپ ئوينايتۇق.
ئۇ چاغلاردا ھەممە ئادەمنىڭ تۇرمۇشى بىر خىل نامرات بولغاچقا ھىچكىم بۇ تىرىلەرنى ھازىرقىدەك بىرەر ئىشىمىزغا ئىشلىتەيلى دەپ ئويلىمايتى. بەزى بىر ياشلار - بۇ تېرىلەرنى نىمە قىلىدىكەن دەپ سورىسا- چەتئەللىكلەرگە سېتىپ بىرىدىكەن. ئۇلار ماشىنا ئورۇندۇقلىرىغا ، كىرسلۇ ئۇستىلىرىگە قويىدىكەن. چەتئەللىكنىڭ پۇلى بەك جىق بولغاچقا بىر دانىسىنى نۇرغۇن پۇلغا ئالامىش، لېكىن  ئۆزىمىزگە سىتىپ بەرسە پۇلغا چىقىنىپ بولالمايدۇ- دەپ قويۇشاتتى. ئىشلىقىلىپ بىر تال خام تېرىنىڭ ئەىينىلىپ  يۇقارقىدەك تاڭسەن تىرىگە ئايلىنىشى ئۈچۈن نۇرغۇن جەريان، نۇرغۇن ۋاقىت، نۇرغۇن گۇڭ كېتىدۇ.
ئەگەر بىزنىڭ ھازىرقى ئەھۋالىمىز 70-يىللاردىكى چەتئەللىك بايلارنىڭ ئەھۋالىغا تەڭلىشىپ قالغانبولسا، بىرەر ئىككى تالنى سېتىۋىلىپ ئىشلەتسەك بولىدۇ. لېكىن ئەيلەيمەن دىسەك ھازىرقى مۇھىت ئاسراش ئىدارىسى بۇنىڭغا يول قويماسمىكىن.

ghalqa

مەن بۇ كىشىنىڭ تەپەككۇرىغا قايىل بولدۇم ،ئالدى بىلەن بۇ تىمىنى يوللىغىنىڭىزغا رەھمەت   ،سىزنى باغداشتا كۆرۈپ باقماپتىكەنمەن ،باغداشقا بۇندىنكىيىنمۇ كىرىپ تۇرىشىڭىزنى ئۈمد قىلىمەن ،خام ماتىريال بولسىلا كۇپايە قىلمايدىكەن ،بىز بۇنداق ئاچچىق ھەقىقەتنى قايتا قايتىلاپ ھىس قىلدۇق يەنى بىيىش ئۈچۈن خام ماتىريالدىن مۇھىمراق بولغانى پەنتىخنىكىدىن بەك يىراقتا قاپتىمىز ،بىز بۇ تىرىلەردىن  ئۆزىمىز پايدىلانىغان بولساق ،بۇنى بىۋاستە چەتئەللەرگە ئىكىسپورت قىلالىغان بولساق نەقەدەر ياخشى بولاتتى ،ھىچ بولمىسا بۇخام ماتىرياللارنى بىۋاستە ئىكىسپورت قىلالىغان بولساق نەقەدەر ياخشى بولاتتى