شىركەت ئېچىپ باي بولۇش خىيالىغا غەرق بولغىلىمۇ مانا ھەش -پەش دېگۈچە يېرىم يىل بولاي دەپ قاپتۇ. نۇرغۇن بۇرادەر، ئۇرۇق-تۇغقان، قوشنا خۇلۇملاردىنمۇ بۇ ئىش توغۇرلۇق كۆپ مەسلىھەتلەرنى ئالدىم. ئاخىرى قەتئىي قارارغا كېلىپ، بۇ شېرىن ئارزۇ-ئارمانلىرىممۇ ئەمەلگە ئاشۇرۇش ئۈچۈن ئىشنى تەۋەككۇل قىلىپ باشلىدىم . 60 مىڭ يۈەننى راسلاپ دۇكانغا لازىملىق بولغان كۆپەيتىش ماشىنىسى، ئىككى دانە ئىلغار كومپيۇتېر پېرىنتېر...ۋاھاكازالارنىڭ ئۈجۇر -بۈجۈرلىرىنى ئۇقۇشۇپ تەق قىلىپ قويدۇم مانا، پۇلنى قارشى تەرەپنىڭ كارتىغا سالساملا سەرەمجانلارنى ئەۋەتىپ بېرىدۇ. دۇكاننىمۇ خېلى ئوبدان جايدىن ئېلىۋالدىم، ئىجارىسىمۇ ئانچە يۇقۇرى ئەمەس. ئەمدىكى گەپ شىركەتكە ( ئەمەلىيەتتە شىركەتمۇ ئەمەس، خەت بېسىش، كارتوچكا ياساش، ئانچە-مۇنچە ۋېۋىسكا لايىھىلەش ئىشلىرىنى قىلىدىغان ئورۇن) كېتىدىغان رەسمىيەتلەرنى بېجىرىش ئىشىلا قالدى.

خوش، كونىلاردا <<كېڭەشلىك ئىش بۇزۇلماس>> دەيدىغان گەپ بار كۆڭلۈمدە يەنىلا يېقىن دوستلىرىمنى چاقىرىپ بۇ ئىشقا مەسلىھەت سالغۇم كەلدى، تازا تامىقى ئوخشايدىغان رېستۇرانغا تۆت ئاغىنەمنى چاقىرىپ ئۇلارغا شىركەت قۇرۇش توغرىسىدا ئويلىغانلىرىمنى بىر-بىرلەپ قايتا دېدىم.( ئەمەلىيەتتە بۇ ئىشنى نۇرغۇن ئادەملەر بىلىپ بولدى، چۇنكى بىزنىڭ شەنىڭ دائىرسى ئالقانچىلىك كېلىدۇ)

مەمەت: -ئاداش، بۇنداق شىركەت قۇرۇش سەن ئويلىغاندەك ئۇنچىلىك ئاددىي ئىش ئەمەس، بىرمۇنچە دەسمىي سالغانغا تۇشلۇق خېرىدار بولسا بولىدۇ.

سەمەت: - سىڭگەن موماڭنى يەپ يۈرسەڭ بولمامدۇ ئادىشىم، ئىدارىدىكى مۇئاشىڭمۇ يەيدىغان ئىچىدىغىنىڭغا يېتىپ-ئېشىۋاتىغۇ سېنىڭ يەنە نېمەڭ كەمتى؟

ئەمەت( خېلى ئوقۇمۇشلۇق): -سەنمۇ كەسىپتە خېلى پىشىپ يېتىلىپ قالدىڭ، ئۇنىڭدىن كۆرە بالىلارنى تەربىيىلەيدىغان كۇرۇسلا ئاچمامسەن، دۇكىنىڭغا ئون-20 كومپيۇتېرنى قويىسەن، ئېلاندىن بىرنى بېرىسەن، ھەر بىر ئوقۇغۇچىدىن ئايلىقىغا تۆت-بەشيۈز يۈەندىن پۇل ئالىسەن...ئوقەت دېگەن مانا...دەرس ئۆتۈپ يېتىشەلمىسەڭ، ئوقۇتقۇچى تەكلىپ قىلساڭلا ئىشلىرىڭ ئۇزاققا بارمايلا يۈرۈشۈپ كېتىدۇ ئەمەسمۇ....

مەست بوپ قالغان دوستۇم: ھەي ئاغىنىلەر بىزنىڭ شەدە نەدە ئۇنچىۋالا كۆپ ئوقۇغۇچى بولسۇن، بىرىنچى قاراردىغۇ ئادەم توشسۇن، ئىككىنچى قارارنىمۇ توشتى دەيلى، ئۈچۈنچى قاراردا ئوقۇيدىغان ئادەم بولمىسا دۇكاننى ۋاڭباغا ئۆزگەرتەمدۇ بۇ دوستىمىز...ۋەييتتت.....

ئەمەتنىڭ پىكرى مېنى سەل گاڭگىرتىپ قويدى، دېمىسىمۇ تەربىيىلەش مەركىزى قۇرساممۇ بولغۇدەك دېگەن خيالدا ئىككىلىنىپ تۇرسام، ماۋۇ مەست ئاغانەمنىڭ گېپى مېنى تېخىمۇ گاڭگىرتىپ قويدى.

رېستۇراندىن ئۆيۈمگە، ئۆيۈمدىن ئورنۇمغا كىرىپ ياتقىنىمنى ئەسلىيەلەمەيمەن، يول بويى خىيال سۈرۈپ كەپتىمەن. بۇرۇن قىلىدىغان شېرىن خياللىرىم ئەمدىلىكتە داۋامى يوق يېڭى خىياللار بىلەن لىق تولدى.

پالانى شىركەت ئاچامدىكەن، كۇرۇس؟ ....پالانى ئۇنداق قىلسا قىپ-قىزىل زىيان تارتىدۇ...پالانى كومپيۇتېر ئۆگىنىش كۇرسى ئاچامدىكەن، ئۇ كۇرۇسنى ئاچمىسىمۇ بالىلىرىمىز كومپيۇتېر دېگەننى تىتىۋېتىدۇ ھازىر................

بۇ گەپلەرنى كوچا-كويلاردىن ئاڭلىغىلى بىر-ئىككى ئاي بولاپ قالدى.

مانا ئامدىلىكتە ھەممە نەرسىنىڭ ئىگىسى چىققىلى تۇردى، دۇكاننىڭ ئىگىسى ئىنتايىن خىجىلچىلىق بىلەن ماڭا تېلېفون ئۇرۇپتۇ، -كەچۈرۈڭ!،...دۇكاننى باشقا بىرى ئالىدىغان بولدى، سىز مېنى بەك ساقلىتىۋەتتىڭىز....

خوتۇنۇم: - 60 مىڭ يۈەننى بۇنداق بۇزۇۋەتكىچە يېڭى ئۆيگە زاكالەت پۇلى بېرەيلى، زىمىن دېگەن زىمىندە...دەپ پېشىنى قېقىپ كايىغىلى تۇردى...

ئۈرۈمچىدىكى كومپيۇتېر دۇكىنىنىڭ خوجايىنى: - زې مې خۇي شې.... داۋ دى ياۋ بۇ ياۋ......شاۋ زى!!! دەپ تۇرۇپكىنى قويىۋەتتى.

مەن غىڭشىپ تۇرۇپ ناخشا ئېيتتىم:

تېكىستى مۇنداق:

شىركەت ئېچىپ باي بولدىم،

خىيال سۈرۈپ لاي بولدۇم.

سۇنى كۆرمەي شىمنى سەپ.

پۇشايماندا زار بولدۇم.



30 كەتمەن مەسلىھەت،

خۇرجۇنۇمدا تۇرۇپتۇ.

بادى يوقى يىغقىنىم،

ئەمدىلىكتە قۇرۇپتۇ.

.....ناي ...ناي...ناي...ناينايناي...........ناي ...ناي...ناي...ناينايناي.....................

ھا.......ھا......نىمە دىگەن كۇلكىلك بۇ
ئەمدى قاندا قىلاي دەيسىز؟نىمە ئاچىسىز؟

مەن تېخى قايسى مىليۇنېرنىڭ يازمىسدۇ بۇ دەپ كىرسەم ...

قاملىشىپتۇ  

كونىلار كىڭەشلىك ئىش بۇزۇلماس دەپ قۇيىدىكەن. لىكىن ھازىرقى رىقابەت دەۋرىدە باشقىچە ئىش قىلىپ باقسا بولامدۇ كىشى.

Quote:

引用第1楼baribir于2008-09-07 12:34发表的  :
ھا.......ھا......نىمە دىگەن كۇلكىلك بۇ
ئەمدى قاندا قىلاي دەيسىز؟نىمە ئاچىسىز؟

ئەمدى قانداق قىلىتىم شۇ، ئىككى قۇلۇمنى بۇرنۇمغا تىقىپ يۈرىمەن شۇ

ئادەم بىر ئىشنى قىلاي دەپ تۇرغاندا، ئەلۋەتتە باشقىلارنىڭ قوللىشىغا ۋە ياردىمىگە موھتاج بولىدۇ.

كۆمسەم پىشارمۇ ياپساممۇ دەپ ئولتۇرسا زادىلا پىشۇرغىلى بولمايدۇ .غەنىلا شۇ تەۋەككۇۈل!!!!!  دىگەنگە يەتمەيدۇ