ئىختىيارىي مۇخبىرلىرىمىز ئابدۇشۈكۈر راشىدىن، قەمەردىللا دولقۇنلار خەۋىرى، فوتوسى: 5–سېنتەبردىن 10–سېنتەبرگىچە ، كونىشەھەر ناھىيىسىدىكى ئوتتۇرا–باشلانغۇچ مەكتەپلەر ئوقۇتقۇچى–ئوقۇغۇچىلار ئارىسىدا مەزمۇنى مول ، شەكلى خىلمۇ خىل بولغان ئەدەبىيات–سەنئەت پائالىيەتلىرى ۋە تەنتەربىيە  مۇسابىقىلىرىنى ئۆتكۈزۈپ ، 24–قېتىملىق ئوقۇتقۇچىلار  بايرىمىنى تەبرىكلىدى.




ئىختىيارىي مۇخبىرلىرىمىز ھۆسىيىن مەمىتىمىن ، ئەسقەرجان تۇرسۇنلار خەۋىرى، فوتوسى: 10–سېنتەبر چۇشتىن بۇرۇن ، يېڭىسار ناھىيىسى ناھىيىلىك مەدەنىيەت مەركىزىدە 24–قېتىملىق ئوقۇتقۇچىلار بايرىمىنى تەبرىكلەش مۇناسىۋىتى بىلەن مائارىپ سىىستېمىسىدىكى مۇنەۋۋەر ئوقۇتقۇچىلار ۋە 30 يىلدىن ئارتۇق مائارىپ سېپىدە ئىشلىگەن پېشقەدەم باغۋەنلەرنى مۇكاپاتلاش چوڭ يىغىنى ئاچتى. بۇ يىغىنغا ناھىيە رەھبەرلىرى ، ھەر قايسى يېزا ، بازارلارنىڭ رەھبەرلىرى ، ناھىيىگە بىۋاستە قاراشلىق ئىدارە–جەمئىيەتلەرنىڭ مەسئۇللىرى ، ئوتتۇرا ، باشلانغۇچ مەكتەپلەرنىڭ مۇدىرلىرى ۋە ئوقۇتقۇچىلار ۋەكىللىرى بولۇپ ، 1000 غا يېقىن كىشى قاتناشتى. يىغىندا ئالدىنقى ئوقۇش يىلىدىكى ئوقۇتۇش تەلىم–تەربىيە خىزمەتلىرىدىن خۇلاسە قىلىنىپ ، 2008– ، 2009–ئوقۇش يىلىدا ئىشلەشكە تېگىشلىك خىزمەتلەر ئەتراپلىق ئورۇنلاشتۇرۇلدى ھەمدە قاسىمجان ئۆمەر ، ئازاتگۈل ئىمىن قاتارلىق 31 نەپەر مۇنەۋۋەر ئوقۇتقۇچى ، زۇلپىيە ھاشىم ، خەيرىنىسا ساتتار قاتارلىق 32 نەپەر ئەخلاق تەربىيە ئۈلگىسى، گۈلنىسا ئابلا، يەھيا ھوشۇر قاتارلىق مائارىپ سېپىدە 30 يىلدىن ئارتۇق ئوقۇتقۇچىلىق خىزمىتى بىلەن شۇغۇللانغان 30 نەپەر پىشقەدەم ئوقۇتقۇچى تەقدىرلىدى ۋە مۇكاپاتلىدى.








ئىختىيارىي مۇخبىرىمىز ئابدۇشۈكۈر راشىدىن خەۋىرى، فوتوسى: 9–سېنتەبر ، كونىشەھەر ناھىيە ئوغۇساق يېزىلىق ئوتتۇرا مەكتەپ ئوقۇتقۇچىسى تالىپجان تۇرسۇن 24–قېتىملىق ئوقۇتقۇچىلار بايرىمىنى تەبرىكلەش مۇناسىۋىتى بىلەن رەسىم كۆرگەزمىسى ئۆتكۈزۈپ ، مەكتەپتىكى ئوقۇتقۇچى–ئوقۇغۇچىلارنىڭ قىزغىن ئالقىشىغا ئېرىشتى.



تالىپجان تۇرسۇن ئوقۇغۇچىلىرىغا ئەسەرلىرىنى تونوشتۇرماقتا


ئىختىيارىي مۇخبىرلىرىمىز ئابدۇشۈكۈر راشىدىن ، قەمەردىللا دولقۇنلار خەۋىرى ، فوتوسى: 9–سېنتەبر، قەشقەر شەھەرلىك بالىلار پاراۋانلىق ئورنىدىكى بالىلار  24–قېتىملىق ئوقۇتقۇچىلار بايرىمىنى تەبرىكلەش مۇناسىۋىتى بىلەن،‹‹ ئۇستاز ئەجرى ئۆلمەيدۇ، ئۇستاز ئەجرى گۈللەيدۇ›› تېمىسىدىكى  بىرلەشمە كۆڭۇل ئېچىش پائالىيىتى ئېلىپ باردى.
     بۇ كۈندىكى پائالىيەتكە پاراۋانلىق ئورنىدىكى تەربىيىچىلەر ، قەشقەر شەھەرلىك 10–ئوتتۇرا مەكتەپ ، 7–باشلانغۇچ مەكتەپ ۋە بۇ يەردىكى بالىلارغا يېقىندىن ياردەمدە بولۇپ كېلىۋاتقان قەشقەر ۋىلايەتلىك ئەمگەك ئىشقا ئورۇنلاشتۇرۇش سۇغۇرتا باشقۇرۇش ئىدارىسى كەسپىي تەربىيلەش مەركىزى ، كامالەت ئۇنىۋېرسال كەسىپلەردە تېخنىكىلىق تەربىيىلەش مەركىزىدىكى ئوقۇتقۇچىلار ھەمدە جەمئىيەتتىكى بىر قىسىم ساخاۋەتچى تىجارەتچىلەر بىرلىكتە قاتنىشىپ ، ئوقۇتقۇچىلار بايرىمىنى بىرلىكتە تەبرىكلەشتى. پائالىيەت داۋامىدا پاراۋانلىق ئورنىدىكى بالىلار ئۆزلىرى تەييارلىغان سەنئەت نومۇرلىرىنى ئورۇنداپ ، پائالىيەتنى يۇقىرى دولقۇنغا كۆتۈردى ھەمدە ئوقۇتقۇچى–ئۇستازلىرىغا گۈل تاقاپ ، ئۇلارغا بولغان ھۆرمىتىنى بىلدۈرۈشتى. پائالىيەت ئاخىرىدا ھەر قايسى مەكتەپلەردىن كەلگەن ئوقۇتقۇچىلارمۇ بۇ يەردە بېقىلىۋاتقان ئوقۇغۇچىلارغا ئۆزلىرى ئېلىپ كەلگەن كىيىم–كېچەك ، نەق پۇل ۋە ئوقۇش ماتېرىياللىرىنى تارقىتىپ بېرىپ ، بايرام شادلىقىغا شادلىق قوشۇپ ، ئۇلارنىڭ قەلبىنى ئىللىتتى.



[





مەنبە : تەڭرىتاغ تورى

مۇخبىر دېگەن مۇشۇنداق چاققان بولۇش كېرەك.

Quote:

引用第1楼mazargojam于2008-09-10 18:29发表的  :
مۇخبىر دېگەن مۇشۇنداق چاققان بولۇش كېرەك.

بازار چاققاننىڭ دىگەن گەپ بارغۇ . رەخمەت. ئوقۇتقۇچىلارنىڭ تىنىگە سالامەتلىك تىلەيمەن .

بۇنى كۆرۈپ پەقەت بىزنىڭ رايۇندىلا ئوقۇتقۇچلار بايرىمىنى تەبىركلمگەنلىكددىن خەۋەر تاپتىم .

Quote:

引用第3楼kalkvn117117于2008-09-10 19:05发表的  :
بۇنى كۆرۈپ پەقەت بىزنىڭ رايۇندىلا ئوقۇتقۇچلار بايرىمىنى تەبىركلمگەنلىكددىن خەۋەر تاپتىم .

ھەرگىز كۆڭلىڭىزنى يېرىم قىلماڭ.مەن شەخسى نامىمدىن بايرىمىڭىزنى تەبىرىكلەيمەن.مەڭگۈ خوشال ۋە بەختلىك ئۆتۈڭ.