داڭلىق قاشتېشى ماكانى —خوتەن
قاشتېشى شىنجاڭ خوتەننىڭ داڭلىق مەھسۇلاتى . بۇ يەر قاشتېشى چىقىدىغانلىقى بىلەن داڭلىق . ھەر يىلى بۇ يەرنىڭ داڭقىنى ئاڭلىغان نەچچە ئونمىڭلىغان شىنجاڭنىڭ ئىچى ۋە سىرتىدىكى دوستلار بۇ يەرگە كېلىپ ، قاشتېشى ئىزدەيدۇ . جېجياڭ ئۆلكىسىدىن كەلگەن چېڭ خۇي ئۇلارنىڭ ئىچىدىكى بىرى . قاشتېشى ئىزدەپ خوتەنگە كەلگەن چېڭ خۇينى خوتەننىڭ قاشتېشى شۇنداقلا خوتەننىڭ ئۇزاق تارىخقا ئىگە يىپەك يولى مەدەنىيىتى ئۆزىگە مەپتۇن قىلىۋالغان . بۇنىڭ بىلەن ئەسلىدە خوتەنگە قاشتېشى ئىزدەش ئارزۇسىنى ئەمەلگە ئاشۇرۇش ئۈچۈن كەلگەن چېڭ خۇي خوتەندە قاشتېشىدىن باشقا يەنە نۇرغۇنلىغان قىممەتلىك بۇيۇملارنى بايقىغان ، مەسلەن ، قولدا توقۇلغان قوي يۇڭى گىلىمى ، يۇلغۇن ، توشقان زەدىكى ، قىزىلگۈل مېيى ، ياڭاق قاتارلىقلار . ئۇ مۇنداق دېدى : شىنجاڭنىڭ بۇ يەرلىك مەھسۇلاتلىرىنىڭ ئىچكىرى ئۆلكىلەردىكى بازىرىنىڭ يۇشۇرۇن كۈچى ئىنتايىن زور . مەن خوتەنگە كېلىپ ھەمكارلاشقۇچى ئىزدەپ ، بۇ ئۆزگىچە ئالاھىدىلىككە ئىگە يەرلىك مەھسۇلاتلارنى ئىچكىرى ئۆلكە ھەتتا چەت ئەل بازارلىرىغا ئاپىرىپ سېتىپ ، ئۇ يەرلەردىكى بازارلارنى ئېچىشنى ئۇمىد قىلىمەن .
شىنجاڭنىڭ جەنۇبىغا جايلاشقان خوتەن ۋىلايىتىنىڭ ئومۇمىي كۆلىمى 247 مىڭ 800 كۋادرات كىلومېتىر بولۇپ ، بۇ يەردە ئۇيغۇر ، خەنزۇ قاتارلىق 22 مىللەت بار .خوتەن 2000 يىل ئىلگىرىكى جۇڭگو يىپەك يولىنىڭ جەنۇبىي يولىدىكى مۇھىم جايى . نەچچە مىڭ يىللىق تەرەققىيات ۋە ئۆزگىرىش ئارقىلىق ، خوتەن بوستانلىقىنىڭ ئۆزگىچە مەنزىرىسى شەكىللەنگەن . خوتەن قۇملۇق مەدەنىيىتى ، قاشتېشى مەدەنىيىتى ، قەدىمىي يىپەك يولى مەدەنىيىتى ، بۇددىزم مەدەنىيىتى ، ئىسلام مەدەنىيىتى ھەمدە تەرىقەتچىلىك مەدەنىيىتى توپلانغان جاي بولۇپ ، ئۇنىڭ ‹‹ قاشتاش شەھىرى ، يىپەك يولى ، گىلەم يۇرتى ، مېۋە ماكانى ، ناخشا – ئۇسسۇل ماكانى››دېگەنگە ئوخشاش چىرايلىق ناملىرى بار . بۇ گۈزەل زېمىندا ، ئەمگەكچان ، ئاقكۆڭۈل ھەر مىللەت خەلقى تۇرمۇش كەچۈرۈپلا قالماستىن ، يەنە ئۇزاق تارىخقا ئىگە شانلىق مەدەنىيەت ۋە سەنئەت بۇ يەردە بارلىققا كەلگەن .
مەنبە : تەڭرىتاغ تورى
يېڭى يازمىلىق سەھىپە 
ئادەتتىكى سەھىپە 
مەخپىي سەھىپە
