باي ناھىيىسى ياقئېرىق يېزىسىدىكى ئابلا ئاكا بىلەن تۇنساخان ھەدىنىڭ 26 ياشلىق ئوغلى پەرھاتجان ئابلا باشقىلارنىڭ ئاپتوموبىلىنى كۈنلۈك ھەق ئېلىپ ھەيدەپ بېرەتتى. ئۇ بۇلتۇر 12 – ئاينىڭ 6 – كۈنى كۈتۈلمىگەندە ئېغىر قاتناش ھادىسىسىگە ئۇچراپ، ئىككى قولى ۋە بېلىنىڭ تۆۋەن قىسمى پۈتۈنلەي كۆيۈپ كەتتى. ئاقسۇ ۋىلايەتلىك خەلق دوختۇرخانىسىدىكى دوختۇرلار ئۇنىڭ كېسىلىنىڭ ھەقىقەتەن ئېغىر ئىكەنلىكىنى، تېرە كۆچۈرۈش ئوپېراتسىيىسى قىلدۇرمىسا بولمايدىغانلىقىنى، داۋالاشقا كۆپ پۇل كېتىدىغانلىقىنى ئېيتتى. پۈتۈن بەدىنىنى كۆيۈك يارىسى بېسىپ، ھەممە يېرىدىن قان تەپچىپ تۇرغان ئوغلىنىڭ ئەھۋالىغا چىداپ تۇرالمىغان ئابلا ئاكا بىلەن تۇنساخان ھەدە تاپقان – تەرگىنىنىڭ ھەممىسىنى ئوغلىنى داۋالىتىشقا ئىشلەتتى. يەتمىگەننى ئۇرۇق – تۇغقان، تونۇش – بىلىشلەردىن قەرز ئېلىپ ئوغلىنى ئۈچ ئاي دوختۇرخانىدا ياتقۇزۇپ، ئۈچ قېتىم تېرە كۆچۈرۈش ئوپېراتسىيىسى قىلدۇرۇشقا جەمئىي 73 مىڭ يۈەندىن ئارتۇق چىقىم قىلدى. پەرھاتجاننىڭ ئەھۋالىدا خېلى ياخشىلىنىش بولغان بولسىمۇ، مۇشۇ كۈنلەردە پەرھاتجان ئىقتىساد يېتىشمەسلىك تۈپەيلىدىن ئەڭ ياخشى داۋالىنىش پۇرسىتىدىن مەھرۇم قېلىش خەۋپىگە دۇچ كېلىۋاتاتتى. دوختۇرلار داۋالاشنى توختىتىپ قويۇشقا بولمايدىغانلىقىنى ئېنىق ئېيتتى. لېكىن بىر مائاشقا قاراشلىق يەتتە جانلىق بۇ ئائىلىدە پەرھاتجاننى داۋالاتقۇدەك ئازراقمۇ پۇل قالمىغانىدى. ئۇلار ئامالسىز ئوغلىنى ئۆيگە ياندۇرۇپ چىقتى. داۋالاش ئۈزۈلۈپ قالغاچقا، ئۇنىڭ ئەھۋالى تېخىمۇ ئېغىرلىشىپ كەتتى. پۇتىدىن قان ئېقىپ توختىمىدى. تېنى بارغانچە ئاجىزلىشىپ كەتتى. كېسەل ئازابى تارتىۋاتقان ئوغلىغا قاراپ يۈرىكى ئېزىلىپ كېتىۋاتقان ئابلا ئاكا بىلەن تۇنساخان ھەدە ئۇ يەر – بۇ يەردىن 5000 يۈەن جۇغلاپ، 4 – ئاينىڭ 10 – كۈنى پەرھاتجاننى شىنجاڭ تېببىي ئۇنىۋېرسىتېتى قارىمىقىدىكى 1 – دوختۇرخانىغا ئېلىپ كەلدى. دوختۇرلار پەرھاتجاننىڭ ئەھۋالىنى كۆرگەندىن كېيىن، ئۇنىڭ ئەھۋالىنىڭ ھەقىقەتەن ئېغىرلىقىنى بۇنى داۋالاشقا  100 مىڭ يۈەنگە يېقىن پۇل كېتىدىغانلىقىنى ئېيتتى. ئۇلار ئامالسىز ئۆزلىرى ئولتۇرۇۋاتقان ئۆيىنى ۋە يېرىنى سېتىپ 34 مىڭ يۈەننى تەييارلىدى. پەرھاتجاننىڭ ئەھۋالى ھەقىقەتەن ئېغىر بولۇپ، قايتا – قايتا تېرە كۆچۈرۈش، سۆڭەڭ قويۇش ئوپېراتسىيىسى قىلمىسا بولمايدىكەن. ھازىر ئۇلار ئېلىپ كەلگەن پۇلمۇ تۈگەپ قالدى. ئابلا ئاكىنىڭ يېشى 60 تىن ئاشقان بولغاچقا بانكىدىن قەرز ئېلىشقىمۇ ئامال بولمىدى. ياش بىر يىگىتنىڭ سالامەتلىكى، يوقسۇزلۇق، موھتاجلىقتىن تېنەپ – تەمتىرەپ قىلىۋاتقان ئاشۇ ئاجىز كىشلەر ئۈچۈن ئازدۇر – كۆپتۇر ياردەم قولىمىزنى سۇنۇپ، كېسەل ئازابى تارتىۋاتقان ياش يىگىتنى قۇتۇلدۇرۇۋالايلى!

ئالاقىلىشىش تېلېفون نومۇرى: 5329501 – 0991، 8795136 – 0997

مەنزىل : شىنجاڭ گېزىتى

        كارتا نومۇرۇى يوقمىكەن؟شىنجاڭ گېزىتىگە بۇ مۇراجەتنامىنى ئاتايىن يازغاندىكىن،تەپسىلىرەك يېزىپ،كارتا نومۇرىنىمۇ قالدۇرۇپ قويسىچۇ.......

ئاڭلىسام سىچۈۋەنگە ياردەم قىلىۋاتقاندا باشقا مۇراجەتنامە چىقىرىشقا رۇخسەت قىلمايدىكەنغۇ؟

كۆڭلىمىز بولسلا چوقۇم  يارىدەم قولىمىزنى سۇنالايمىز ھەم سۇنىمىز .
بىر مەسىلە ئويلاندۇرۇپ قويدى ، ئىلتىجا مەزمۇنىدىن قارىغاندا پەرھاتجان ئابلا باشقىلارنىڭ ئاپتوموبىلىنى كۈنلۈكچى بولۇپ ھەيدەش جەريانىدا يۈز بەرگەن قاتناش ھادىسىسىدە يارىلىنىپتۇ ، بۇ يەردە ئىككى ئامىل ئېنىق ، بىرى ، ئۇ باشقىلارغا ئىشلەۋاتقان ، ئىشلەتكۈچى بار ، ئۇلار ئوتتۇرىسىدا ھەق - تەلەپ مۇناسىۋىتى بولىدۇ ، يەنە بىرى ، قاتناش ئاۋارىيىسى (ئاۋارىيىدە قاتناش ئىستىراخۇانىيىسى بولىشى كېرەك) .
دىمەكچىمەنكى ، مۇشۇنداق ئامىللار  مەۋجۇت ئەھۋالدا نىمە دەپ بارىلىق  مەسئۇلىيەت(چىقىم) بىرلا پەرھاتجان ئابلا (ئاتا - ئانىسى)نىڭ شىللىسىگە يۈكلىنىپ قالىدۇ ؟!
ئۇلار ئۆزىنىڭ تېگىشلىك قانۇنىي ھوقۇقىدىن بەھرىلىنىشنى بىلمىدىمۇ قانداق ؟

Quote:

بۇ مەزمون3قەۋەتتىكىberdemنىڭ2008-06-04 13:52دە يوللىغان يازمىسى  :
كۆڭلىمىز بولسلا چوقۇم  يارىدەم قولىمىزنى سۇنالايمىز ھەم سۇنىمىز .
بىر مەسىلە ئويلاندۇرۇپ قويدى ، ئىلتىجا مەزمۇنىدىن قارىغاندا پەرھاتجان ئابلا باشقىلارنىڭ ئاپتوموبىلىنى كۈنلۈكچى بولۇپ ھەيدەش جەريانىدا يۈز بەرگەن قاتناش ھادىسىسىدە يارىلىنىپتۇ ، بۇ يەردە ئىككى ئامىل ئېنىق ، بىرى ، ئۇ باشقىلارغا ئىشلەۋاتقان ، ئىشلەتكۈچى بار ، ئۇلار ئوتتۇرىسىدا ھەق - تەلەپ مۇناسىۋىتى بولىدۇ ، يەنە بىرى ، قاتناش ئاۋارىيىسى (ئاۋارىيىدە قاتناش ئىستىراخۇانىيىسى بولىشى كېرەك) .
دىمەكچىمەنكى ، مۇشۇنداق ئامىللار  مەۋجۇت ئەھۋالدا نىمە دەپ بارىلىق  مەسئۇلىيەت(چىقىم) بىرلا پەرھاتجان ئابلا (ئاتا - ئانىسى)نىڭ شىللىسىگە يۈكلىنىپ قالىدۇ ؟!
ئۇلار ئۆزىنىڭ تېگىشلىك قانۇنىي ھوقۇقىدىن بەھرىلىنىشنى بىلمىدىمۇ قانداق ؟

دىگىنىڭىز ئورۇنلۇق ،ئۇلار نىمىشقا ئۆزىنىڭ قانۇنىي ھوقۇقىنى قوغدىمايدىغاندۇ؟

توۋا !،،،، مۇشۇنداق تىمىلارنىڭ كورۇش سانىنىڭ ئازلىقىغا ئېچىنىۋاتىمەن ! ،،،،،،شۇ سىچۇۋەندىكى بىز تۇنۇمىغانلارغىمۇ تۈمەنلەپ ئىئانە قىلغانلار مۇشۇنداق كوز ئالدىمىزدا يۈز بېرىۋاتقان مۇشۇنداق مۇراجەتنامىلەرنى كورمەمدىغاندۇ ؟،،،،،،، دۇنيادا ھەممىدىن يوقسۇزلۇق بەكمۇ يامان !
بولسا كارتا نۇمۇرىنى قالدۇرۇپ قويسىڭىز ؟ 

كوڭلۇم يېرىم بولدى!
شىنجاڭ تېببىي ئۇنىۋېرسىتېتى قارىمىقىدىكى 1 – دوختۇرخانىڭ قايسى بىنا قايسى ياتاقلىقىنى ئېنىق يازغان بولساڭلار،خۇدايىم بۇيرىسا بېرىپ يوقلاپ كېلەي!

شۇنداق بولسا كارتا نۇمىرىنى قالدۇرۇپ قۇيۇڭ؟قۇلۇمىزدىن كىلىشىچە ياردەمدە بولايلى...

اللەدىن ئۇئاكىمىزنىڭ تىزرەك ساقىيىپ كىتىشنى تىلەيمەن . اللە شىپالىق بەرسۇن امىن .

      مەن  ئۇلارغا  ئامانلىق  تىلەيمەن .  اللە    ئاسان قىلغاي!