» ئەسسالامۇ ئەلەيكۇم !　كىرىش  تىزىملىتىش | تەۋسىيە | ئىزدەش | مۇلازىمەتلەر |

مۇلازىمەتلەر
مۇنبەر بانكىسى
دوستلۇق توپى
مېدال مەركىزى

ئۇسلۇپ
wind

قىسقا ئۇچۇر
قۇبۇل ساندۇقى
يوللاش ساندۇقى
ئىز قوغلاش
يېڭى ئۇچۇر يېزىش

تىزگىن تاختا
باش بەت
ماتىرىيال تەھرىرلەش
ماتىرىيال كۆرۈش
دوستلار قاتارى
ھوقوق كۆرۈش
交易币 باشقۇرۇش
نۇمۇر ئالماشتۇرۇش
ئەزا گۇرۇپىسى سېتىۋېلىش
ساقلىغۇچ
تېمىلىرىم

سىتاتىستىكا
ئاساسىي سىتاتىستىكا
IP سىتاتىستىكىسى
باشقۇرغۇچىلار
باشقۇرۇش ئەھۋالى
توردىكىلەر
ئەزا دەرىجىسى
سەھىپە دەرىجىسى
يازما دەرىجىسى

دىيارىم مۇنبىرى » ﭘﻪﺭﺯﻩﻧﺖ ﺗﻪﺭﺑﯩﻴﺴﻰ ﯞﻩ ﺋﻪﺧﻼﻕ » دوستلۇق  ،ئاغىنىدارچىلىق  ئەخلاقى

• سودا تېما
• راي سىناش

بۇ بەتتىكى تېما: دوستلۇق  ،ئاغىنىدارچىلىق  ئەخلاقى	تېما ساقلىغۇچتا ساقلاش | ئالدىنقى تېما | كېيىنكى تېما

بۇ تېما 441 قېتىم كۆرۈلدى

Hush_Puraq دەرىجىسى : دىيارىم باشقۇرغۇچىسى UID نۇمۇرى : 30 نادىر تېما : 6 يازما سانى : 3391 ئۇنۋان:16 دەرىجە شۆھرەت: 2296 نۇمۇر پۇل: 9012 دىيارىم تەڭگىسى تۆھپە: 6 نۇمۇر باھا: 0 نومۇر توردىكى ۋاقتى :483(سائەت) تىزىملاتقان ۋاقىت:2005-10-11 ئاخىرقى كىرگىنى:2008-06-14

چوڭ كىچىكلىكى :كىچىك نورمال چوڭ  دوستلۇق  ،ئاغىنىدارچىلىق  ئەخلاقى باشقۇرۇش ئەسكەرىتمىسى : بۇ يازما turkinaz تەرپىدىن نادىرلاندى(2008-06-11) دوستلۇق ،ئاغىنىدارچىلىق ئەخلاقى كىشى ئۆز دوستىنىڭ دىيانىتىگە ماسلىشىپ كېتىدۇ ، شۇڭا ، كىم بىلەن دوستلىشىۋاتقانلىقىنى ئويلاپ ئىش كۆرسۈن . تەپەككۇر گۈلشىنىدىن گۈلدەستىلەر تىزغۇچىلاردىن بىرى بولغان پ . بۇئاست « يالغۇزلۇقتا ياشىغان ئادەم چالا ئۆمۈر كۆرگەن بولىدۇ » دېگەنىكەن . شۇنداق ! يالغۇزلۇق ئادىمىيلىك ئەمەس ، يالغۇز ياشاش ئىنسانغا خاس خۇسۇسىيەت ئەمەس ، بەلكى ياۋايىلىقنىڭ بەلگىسى . ياۋايى ئادەمدىن كىشىلەرگە ھېچقانداق ياخشىلىق كەلمەيدۇ . يالغۇزلۇق بىپايان چۆل - جەزىرىدىكى قۇرۇپ كەتكەن يالغۇز دەرەخكە ئوخشايدۇ. قۇرۇق دەرەخ باشقىلارغا سايە بېرەلمىگەنگە ئوخشاش ، ئىنسانمۇ بۇ ئۆمرىدە دوست ، ئاغىنىسىز ئۆتسە ، چالا ئۆمۈر كۆرگەن ھېسابلىنىدۇ . چالا ئۆمۈرنىڭ ئىنسان نېمە مەنىسى ۋە ئەھمىيىتى بولسۇن ! شۇڭا سىز ئۆمرىڭىزدە خۇشال - خۇرام ، بەختلىك ياشاپ ، ئەلگە پايدىلىق ئىشلارنى قىلىپ ئۆتىمەن دەيدىكەنسىز ، ئەلۋەتتە سىزنىڭ دوستلۇق ،ئاغىنىدارچىلىقنى ئەلا بىلىدىغان ، ئىشەنچلىك ، ئەقىللىق ، بېشىڭىزغا كۈن چۈشكەندە سىزگە مەدەتكار بولىدىغان ، خۇشاللىقىڭىزغا جور بولۇپ سىز قايغۇرغاندا بىللە قايغۇرىدىغان ، تەمە- تەمەنناسىز دوست - ئاغىنىڭىز بولۇشى كېرەك . تېستېرون « بىز بىلەن باشقىلار بىرلىكتە خۇشال بولمىسا ، بەختىمىزغۇ ئۆز كۈچىنى يوقاتقان بولىدۇ ، بىز ئۈچۈن بىزدىن ئارتۇقراق قايغۇرغۇچى بولمىغاندا، قانچىلىك ئېغىر كۈلپەتلەرگە قالارمىز - ھە ! » دەپ توغرا ئېيتقان . ئەنگلىيىلىك مۇتەپەككۇر بىكونمۇ : « دوستلۇقنىڭ مۇنداق بىر ئالاھىدە رولى بار، سىز خۇشاللىقىڭىزنى دوستىڭىزغا ئېيتسىڭىز ، قوش خۇشاللىققا ئىگە بولىسىز ، دەرد - ئەلەملىرىڭىزنى دوستىڭىزغا تۆكسىڭىز، ئۇ چاغدا سىز يېرىم غەمدىن خالا بولىسىز » دېگەن . ياخشى دوست- ئاغىنە بىباھادۇركى ، ئۇنىڭ باھاسىنى ھېچنىمە بىلەن تەڭلەشتۈرۈپ بولمايدۇ ، ئۇ سىزگە چەكسىز خۇشاللىق ۋە بەخت - سائادەت ئېلىپ كېلىدۇ . ياخشى دوستىڭىز ياخشى پەرزىلەتلىرىڭىزنى ئەلگە تارقىتىدۇ . قۇسۇر - نۇقسانلىرىڭىزنى كۆرسە ، چاۋىڭىزنى چىتقا يايمايدۇ ، بەلكى ياخشى پەند- نەسىھەتلىرى بىلەن سىزگە نەسىھەت ۋە مەسلىھەت بېرىدۇ . جاپا - مۇشەققەتتە بىرگە بولۇپ ، سېخىيلىق بىلەن سىزدىن ئۆز ياردىمىنى ئايىمايدۇ . خۇشاللىق ۋە قايغۇڭىزغا تەڭ ئورتاق بولىدۇ. مال- مۈلىكىڭىزگە ، شان- شەرەپ ھۆرمىتىڭىزگە ، خوتۇن- قىزلىرڭىزغا يامان كۆزدە قارىمايدۇ. سىرىڭىزنى ساقلايدۇ . دېمەك ، دوستلۇق، ئاغىنىدارچىلىقنىڭ ئادەمگە نىسبەتەن يۇقىرىدا زىكرى قىلىنغان پايدىلىق جايلىرىدىن باشقا يەنە نۇرغۇن جەھەتلەردە پايدىسى بار، بۇنى ساناپ تۈگەتكىلى بولمايدۇ . مۇشۇنداق پايدىلىق ئىشتىمۇ دىققەت قىلىشقا ئەرزىيدىغان بەزى تەرەپلەر بار. بۇنىڭ بىرى دوست تاللاش . ھالىھ كىشىلەردىن بىرى دوست - ئاغىنە تاللاش توغرۇلۇق ئۆزىنىڭ ئوغلىغا مۇنداق دەپ تەۋسىيە قىلغان :« ئى ئوغلۇم ، كىشىلەر بىلەن دوست بولۇشقا توغرا كەلسە، خىزمىتىدە بولساڭ سېنى ئاستىغان ، ھەمراھ بولساڭ ساڭىمۇقىلغان، ياخشى ئىشلىرىڭنى ئېسىدە ساقلىغان ، يامان ئىشلىرىڭنى توسىغان ، سورىساڭ بەرگەن ، توختىساڭ ئۆزى باشلامچى بولغان ، مۇسىبەت كەلسە ھېسداشلىق قىلغان، گەپ قىلساڭ ئىشەنگەن ، بىر ئىشقا تۇتۇش قىلساڭ سېنى يېتەكچى قىلغان ، تالاش - تارتىش قىلساڭلار سېنىڭكىنى قوللىغان كىشى بىلەن دوست بولغىن ». يەنە شۇنى ئەستىن ساقىت قىلماسلىق كېرەككى ، دوستلۇق ، ئاغىنىدارچىلىق باراۋەرلىك ئاساسىغا قۇرۇلۇشى لازىم . باراۋەرلىك ئاساسىغا قۇرۇلمىغان دوستلۇقنىڭ ئۇلى مۇستەھكەم بولمايدۇ . بۇ دېگەنلىك ئۆزۈڭگە مۇناسىپ كېلىدىغان ئادەمنى دوستلۇق ، ئاغىنىدارچىلىققا تاللا دېگەنلىك بولۇپ، ئەمەل- مەنسىپى، ئىقتىسادىي ئەھۋالى سىزدىن يۇقىرىلارنى دوست - ئاغىنە تۇتىمەن دېسىڭىز ، سىزنى كۆزگە ئىلماي رەنجىتىپ قويۇشىدىن خالىي بولالمايسىز ،يەنە بىرى، ئۇنىڭغا يېتىشىپ بولالماي مۇشەققەت تارتىپ قالىسىز ، ئۇسىزگە ئاسماندىن قارىسا، سىز ئۇنىڭغا يەر تېگىدىن قارىسىڭىز ، بۇنى دوستلۇق ، ئاغىنىدارچىلىق دېگىلى بولمايدۇ . مۇتەپەككۇر ئە . بوئېسى « دوستلۇقنىڭ ھەقىقىي زېمىنى تەڭلىكتۇر . دوستلۇق ھېچقاچاق ئوتتۇرىغا مەنسەپنى ئارىلاشتۇرمايدۇ . ھەممە ۋاقىت تەڭلىكتۇر . دوستلۇق ھېچقاچان ئوتتۇرىغا مەنسەپنى ئارىلاشتۇرمايدۇ . ھەممە ۋاقىت تەڭلىكنى تەلەپ قىلىدۇ » دېگەن. يەنە بىرى ، دوستلۇق - ئاغىنىدارچىلىق ئەخلاقىغا رىئايە قىلىش. مۇبادا سىز دوستلۇق ئاغىنىدارچىلىق ئەخلاقىغا رىئايە قىلىمەن دەيدىكەنسىز ، ئالدى بىلەن دوستىڭىز ، ئاغىنىڭىزگەۋاپادار بولۇڭ ، يەنى دوست، ئاغىنىڭىز جاپا - مۇشەققەتتە قالغاندا، يار- يۆلەك ، بولۇڭ ، يىراقنى يېقىن . قىيىننى ئاسان قىلىشغا ياردەملىشىڭ . ۋەدىگە ۋاپا قىلىڭ، پۇل - مالنى دەپ دوستىڭىزغا خىيانەت قىلماڭ . دوست - ئاغىنىڭىز غەمكىن بولۇپ قالسا ، غەمداش بولۇڭ ، كېسەل بولۇپ قالغاندا شىپاكار بۇلۇڭ ، بېشىغا كۈن چۈشكەندە، جانغا جان قوشقۇچى بولۇڭ ، ئۆلۈم خەۋپى كەلگەندە، ئۆزىڭىزنى قۇربان قىلىشقا تەييار تۇرغۇچى ئادەم بولۇڭ ، چۈنكى ئۆز ۋۇجۇدىنى كىشىگە تەقدىم قىلىش ئەڭ چوڭ سېخيلىقتۇر . دوست -ئاغىنىڭىز دۈشمىنىڭىزگە بويسۇنسا ،ئۇ دۈشمەنلىككە شېرىكلەشكەن بولىدۇ . ئەگەر سىز دوست - ئاغىنىڭىزگە ۋاپادارمەن دېسىڭىز ، تۆۋەندىكى « ئىككى ۋاپاردار دوستىنىڭ ھېكايىسى گە سېلىشتۈرۈپ كۆرۈڭ . ئاڭلاشلارغا قارىغاندا تۆت ئۇلۇغ خانى قۇدرەتلىك شاھ ئەمىر تېمۇر كوراگال ئەتراپىتىكى جايلارغا ھەربىىي يۈرۈش قىلغاندا ، ھىندى دىيارىدا قاتتىق جەڭ بوپتۇ ، دەۋران غەلىبە نۇسرەتنى ئۇنىڭغا يار قىلىپ دۈشمەنلىرىڭ باغرىنى تىلىپتۇ . شاھ : » قەتلىئام قىلىنسۈن »دەپ يارلىق قىپتۇ . ھەر كىشى ئۆز ئالدىغا قىرغىنغا ئاتلىنىپ، كېسىلگەن باشلار ساينىڭ تېشىدەك يېتىپتۇ . پۈتكۈل دەشتنى جەسەت قاپلاپ ، قانلار دەريا بولۇپ ئېقىپتۇ. ھەممە تەرەپتە ئۆتكۈز قىلىچلار يالتىراپ گويا قىيامەت قايىم بولغاندەك بوپتۇ. جەڭ بولۇۋاتقان ئاشۇ مەھەلدە ئىككى بىچارە دوست قىرغىنغا دۇچ كەپتۇ - دەپ ، بىر نۆكەر ئۇلارنىڭ بىرىنى چاپماق ئۈچۈن قىلىچىنى قېنىدىن سۇغۇرۇپتۇ. ئۆز دوستىنى قىلىچ ئاستىدا كۆرگەن ئۇنىڭ دوستى بېىشنى قىلىچ ئاستىغا سۇنۇپ: - ئەگەر ساڭا باش كېرەك بولسا ، ئۇنى چاپما ، مانا بۇ باش ئۇنىڭ ئەرزىيدۇ ، دەپ نۆكەرگە ئىلتىماس قىپتۇ . نۆكەر بۇنى چاچماق بولۇپ يۈزلەنىكەن ، ئۇنىڭ دوستىمۇ ئاشۇ سۆزنى تەكرارلاپتۇ . قايسىسىنى چاپاي دېسە ئۇلارنىڭ يەنە بىر قاتىلنىڭ ئايىغىغا باش قويۇپتۇ. نۆكەر غەزەپلىنىپ ئىككىلىسىنى چاپماق بوپتۇ . ئۇ بۇ ئىككىيلەننىڭ قايسىسىغا يۈزلەنسە، يەنە بىرى تاقەتسىزلىنىپ يالۋۇرۇپتۇ : - ئاۋۋال مېنى چاپ ، مەن كۆزۈمنى يۈمغۇچە ئۇتىرىك تۇرسۇن ! شۇ يوسۇندائۇلار ئۆز دوستىنىڭ بىردەملىك ھاياتى ئۈچۈن بېشىدىن كېچىپ ، ئۆز بوينىغا چۈشىدىغان قىلىچنى تالىشىپتۇ . ئارىدا خلى بىر زامان تالاش - تاتىش بوپتۇ . بۇنى كۆرگەنلەر ئارىسىدا غوۋغا كۆتۈرۈلۈپتۇ. ئىككى دوستنىڭ بىر - بىرى ئۈچۈن ئۆز جېنىدىن كەچكەنلىكىدىن خەۋەر تاپقان شاھ تەسىرلىنىپ ئۇلارنىڭ قېنىدىن كېچىپتۇ . شۇنداق قىلىپ ۋاپا ۋە ساداقەتنىڭ خاسىيىتىدىن ھەم ئيلار ئۆلۈمدىن قۇتۇلۇپتۇ. ھەم خەلق قىرغىندىن خالاس بوپتۇ . بۇمىسالنى كەلتۈرۈشتىكى مەقسەت ، ئەگەر دست - ئاغىنە تۇتىمەن دېسىڭىز ، ۋاپادار بولۇڭ ، ئەگەر دوست - ئاغىنە بولىمەن دېسىڭىزمۇ ۋاپادار بولۇڭ . دوست - ئاغىنىڭىزگە سەمىمىي ، ساداقەتمەن بولۇڭ ، دوستلۇقنى قەدىرلەڭ ، دوستىڭىزنىڭ سىزگە ئىشىنىپ ئېيتقان سىر - ئەسرارىنى ساقلاڭ . ئارقىسىدىن غەيۋەت - شىكايەت قىلماڭ . ئىچكى سىرىنى بىلىشكە ئۇرۇنماڭ . كەينىدىن ياخشى ئىشلىرىنى تىلغا ئېلىڭ . تەشۋىق قىلىڭ . يامان گېپىنى قىلغۇچىلارغا سۈكۈت قىلماڭ . دوست - ئاغىنىڭىزگە يالغان سۆزلىمەڭ ، دوست - ئاغىنىڭىزنىڭ سەۋەنلىكلىرىنى ئەپۇ قىلىڭ . ئەيىبلىرىنى يۆگەڭ ، كەمچىلىكلىرىنى باشقىلارنىڭ ئالدىدا نەسىھەت قىلىپ رەسۋا قىلماڭ ، ئادەم يوق جايدا نەسىھەت قىلىڭ . دوستىڭىزنىڭ ئاتا- ئانىسىغا ۋە ئائىلە ئەزالىرىغا مېھىرىبان ۋە شەپقەتلىك بولۇڭ . دوست - ئاغىنىگە ساداقەتمەن بولۇش ھەققىدە بىر ھەكىم مۇنداق دېگەن :« ھەقىقىي دوستلار بىر - بىرىنى ھۆرمەتلەيدۇ ، دوستىنىڭ ياخشى گېپىنى قىلىدۇ ، يامان گېپىنى قىلغانلارنى كۆرگەندە دەرھال رەددىيە بېرىدۇ . دۇنيادا ئىنسانغا ئەڭ مۇھىم نەرسە ئىخلاسمەن دوستتىن ئىبارەت ». كېرەكلىك نەرسىڭىزنى دوستڭىزدىن ئايىماڭ . دوستىڭىز ئېھتىياج تۈپەيلىدىن سىزدىن بىرەر نەرسە تەلەپ قىلسا ، جان دەپ بېرىڭ . ئەگەر ئۇنداق قىلمىسىڭىز ، دوستلۇققا يارىمىغان بولىسىز . دوست - ئاغىنىڭىزنىڭ ماقل دۇنياسىدىن پايدىلىنىشقا ئۇرۇنماڭ . دوستلۇق - ئاغىنىدارچىلىقتا پايدىغا ئېرىشىش كۆزدە تۇتۇلسا ، بۇنداق دوستلۇق ھەقىقىي دوستلۇق ، ئاغىنىدارچىلىق بولماي قالىدۇ . بۇرۇنقى زاماندا بىر دانىشمەننىڭ بىر دوستى بار ئىكەن ، بىر كېچىسى دوستى ئۇنىڭ ئۆيىنىڭ ئالدىغا كېلىپ ئىشىكىنى قېقىپتۇ ، ئۇ دانىشمەن ئۆز دوستى ئىكەنلىكىنى بىلىپ :« بۇنىڭغا نېمە بولغاندۇ ؟ ئەجەپ تۈن يېرىمىدا كېلىپ قاپتىغۇ ! » دەپ ئويلاپتۇ - دە دەرھال ئورنىدىن تۇرۇپ بىر ھەميانىدا پۇل ۋە بىر قىلىچ ئېلىپ كېنىزىكىگە چىراغ كۆتەرتىپ ، ئالدىغا چىقىپ دوستى بىلەن كۆرۈشۈپتۇ ۋە :« بۇرادەر ، سېنىڭ بۇ ۋاقىتتا كېلىدىغىنىىڭنى : بىرى ، بىرەر ھادىسە يۈز بېرىپ ، ماڭا خەج - خىراجەت ئېھتىياجى چۈشتى بولغان ، ئىككىنچىسى ، بىرەر دۈشمەن ساڭا قەست قىلىپ ، ئۇنىڭدىن قۇتۇلۇش ئۈچۈن يار - مەدەتكار كېرەك بولدى بولغاي ، ئۈچىنچىسى ، يالغۇزلۇقتىن مالال بولۇپ ، ئۆزىگە ئۈلپەت ئىزدەپ كەلدى بولغاي ، دەپ پەرەز قىلىپ ، ساڭا شۇ ئۈچ ئىشنىڭ لازىمەتلىكلىرىنى تەييار قىلىپ چىقتىم . ئەگەر مال كېرەك بولسا ، مانا ھەمياندا پۇل ، ئەگەر مەدەت تىلىسەڭ ، مانا مەن قىلىچ ئېسىپ تۇرۇپتىمەن ، ئەگەر خىزمەتكار كېرەك بولسا ، مانا بۇ كېنىزەك خىزمىتىڭنى قىلسۇن . ھەر قانداق تەلىپىڭ بولسا بىز تەييارمىز » دوستى ئۇنىڭغا ئۆززە ئېيتىپتۇ ۋە ئۇنىڭ سېخىيلىقىنى مېھىرىبالىقىنى كۆرۈپ ئۇنىڭ دوستلۇقىغا بۇرۇنقىدىنمۇ بەكرەك ئەقىدە باغلاپتۇ . دوستلىرىڭ دوست ئىشىڭغا ، يەتسە مېھنەت بىرى كەلمەس قېشىڭغا . بولسا كىم مىھنەتتە دوست ، ئۇ جانغا دوست ، دوست ئەمەس دۆلەتتە دوست ، ئۇ نانغا دوست . ئىككى يۈزلىمىچى ، مۇناپىق ئادەملەر بىلەن دوستلىشىش ، ئاغىنىدارچىلىق قىلىشتىن ساقلىنىڭ . بۇنداق ئادەملەر مەلۇم مەقسەت ، ئېھىتياج تۈپەيلىدىن ئۆزىنى پەردازلاپ كۆرسىتىپ ، سىز بىلەن ھەقىقىي دوستلار قىياپىتىگە كىرىۋالىدۇ . بۇنداقلارنى پەرق ئەتمەك قىيىن . بۇنداقلار ئۆزلىرى تەمە قىلىدىغان مەرتىۋىسىنى ، ئېرىشمەكچى بولغان پايدىسىنى تاقۇچە بولغان ئارىلىقتا دوست - ئاغىنە بولۇپ ، سىز بىلەن بىر نىيەتتە ئىكەنلىكىنى ئىپادىلەيدۇ . ئەمما ، مەقسىتى ھاسىل بولغاندىن كېيىنلا دوستلۇق ، ئاغىنىدارچىلىقنى تاشلاپ ، ئۆز ھالىدىن يۇقىرى مەرتىۋىگە ، مال - دۇنياغا يېتىشنىڭ تەمەنناسىنى قىلىدۇ . ھازىرقى تاۋار ئىگىلىكى شارائىتىدا بۇنداق تىمساللىق كىشىلەردىن كۆپىنى ئاڭلىدۇق ۋە كۆردۇق . بۇنداق كۇپرانى مىجەزلىك ، پاسىق تەبىئەتلىك كىشىلەردىن ئاللاتائالا ئۆز پاناھىدا ساقلىغاي . ئۇ سېنىڭ مۈلكۈڭنى قەستلەپ كۆزىنى قىلغان قىزىل ، يۈزى سارغايدى ئاخىر ، ئالەم ئاڭا بولدى قارا . بىلىڭكى ، نادان كىشىلەر بىلەن دوستلۇق ، ئاغىنىدارچىلىق قىلىشتىن ساقلىنىڭ . گەرچە ئۇ سىزگە ساداقەتمەن بولىسمۇ ، دوستلۇق ، ئاغىنىدارچىلىقتا يەتكۈزىدىغان پايدىسىدىن سىزگە كەلتۈرىدىغان زىيىنى كۆپ بولىدۇ . ئۇ ھالدا سىز پۇشايماننى ئالىدىغان قاچا تاپالماي قالىسىز ، ئىشەنمىسىڭىز تۆۋەندىكى « باغۋەن بىلەن ئېيىقنىڭ ھېكايىسى » گە قۇلاق سېلىڭ . بىر باغۋەن بار ئىكەن ، ئۇ پۈتۈن ئۆمرىنى باغۇ بوستانلارنى ياساش ئۈچۈن سەرپ قىلغانىكەن . ئۇ بېغىدىكى ھەر بىر دەرەخكە شۇنداق كۆڭۈل بەرگەن ئىكەنكى ، ئاتا - ئانا ، بالا - قاچا پىكرىدىن غېمى يوق ھالدا تەنھالىق بىلەن كۈن كەچۈرىدىكەن . بىر كۈنى ئۇ يالغۇزلۇقتىن كۆڭلى مالال بولۇپ ، دەشت تەرەپكە چىقىپ كەڭرى بىر تاغ باغرىدا ھەر تەرەپكە قاراپ تۇرسا ، تاسادىپىي كۆرۈنۈشى قوپال ، سۈرىتى قەبىھ ، چىرايى ناتونۇش بىر پاسكىنا ئېيىق ئۇنىڭغا ئۇچراپ قاپتۇ . ئۇمۇ تەنھالىق رەنجى بىلەن ھالى پەرىشان بولۇپ تاغ بېشىدىن چۈشكەنىكەن . باغۋەن بىلەن ئېيىقنىڭ ھەر ئىككىلىسى يالغۇزلۇق دەردىنى تارتىپ ئۆزىگە ھەمنەپەس ئىزدەپ يۈرگۈچكە ، بىر - بىرىنى كۆرمەك بىلەنلا مۇھەببەت زەنجىرلىرى ھەرىكەتكە كېلىپ ، باغۋەننىڭ كۆڭلى ئېيىقنىڭ ئاشنالىقىغا مايىل بوپتۇ . باغۋەن ھەر قاچاق ئىستىراھەت سايىسىدە پاراغەت بېشىنى راھەت ياستۇقىغا قويۇپ ياتسا ، ئېيىق غەمخورلۇق ۋە تەرەپدارلىق يۈزىسىدىن باغۋەننىڭ بېشىدا ئولتۇرپ ئۇنىڭ يۈزىدىن چىۋىنلارنى قورۇيدىكەن . بىر كۈنى باغۋەن ئادىتى بويىچە ئۇخلاۋاتقانىكەن ، نۇرغۇن چىۋىن ئۇنىڭ يۈزىگە قونۇۋاپتۇ . ئېيىق چىۋىنلەرنى بىر ياقتىن ھەيدىسە يەنە بىر ياقتىن قونۇپ تۇرۇۋاپتۇ . ئاخىر ئېيىقنىڭ غەزىپى تېشىپتۇ - دە يېنىدا تۇغان 20 تاپمان ئېغىرلىقتىكى بىر تاشنى كۆتۈرۈپ كېلىپ چىۋىننى ئۆلتۈرۈش ئۈچۈن باغۋەننىڭ يۈزىگە ئۇرۇپتۇ . چىۋىنگە زىيان يەتمەي ئۈچۇپ كېتىپتۇ . باغۋەننىڭ بېشى يەر بىلەن يەكسان بوپتۇ . شۇ سەۋەبتىن چىۋىنلەر « ھەر ھالدا نادان دوستتىن دانا دۈشمەن ياخشىراق » دەپ ئېيتىشقانىكەن . دېمەك ، يۇقىرىقى مىسالدىن شۇنى چۈشەنمەك تەس ئەمەسكى ، نادان دوست - ئاغىنىدىن دانا دۈشمەن ياخشىراق ، چۈنكى دۈشمەن ئەقىللىق بولسا يىراقنى كۆزلەپ ئويلاپ ئىش قىلىدۇ . پۇرسەت كەلمىگۈچە زىيان يەتكۈزمەيدۇ . شۇنىڭ ئۈچۈن ئۇنىڭ خۇي - پەيلىدىن شۇم نىيىتىنى بىلىۋېلىپ مۇداپىئەلىنىشكە بولىدۇ . ئەمما نادان ، بىلىمسىز دوست - ئاغىنە كىشىگە ھەر قانچە يېقىن ، ساداقەتمەن بولىسمۇ ، ئۇنىڭدىن ھېچقانداق پايدا كەلمەيدۇ ، بەلكى ئۇ ئۆزىنىڭ كەم ئەقلى بىلەن كىشىنى خەتەرگە گىرىپتار قىلىدۇ . مەيلى زىنداندا بول ئاقىل بىلەن ، بولمىغىن گۈلشەندە جاھىل بىلەن . ھەر زامان دانانى تۇتقىن ئاشنا ، بولمىغىن ئەلۋەتتە يار نادان بىلەن . « كەلىمە ۋە دېمىنە » دىن شۇ ئېسىڭىزدە بولسۇنكى ، يۇقىرىقىدەك شەرتلەرگە چۈشىدىغان دوست - ئاغىنىلەرنى تېپىش ئۇنچىۋالا ئوڭاي ئەمەس ، يەنە كېلىپ دوست - ئاغىنىلەر ئادەتتە ئۆز ئارا يول قويۇشۇپ ئۆتۈشىدۇ . باشقىلارغا ياقمايدىغان تەرەپلىرىنى ئىلاج بار يوشۇرىدۇ . گەرچە سىز بىلەن نەچچە يىل ئارىلاشقان دوست - ئاغىنىلەردىن بولىسڭىزمۇ ، ئاراڭلاردىكى ھېسسىياتنى تامامەن ، مەڭگۈ چۈشىنىپ كېتەلمەيسىز ، چۈنكى ئادەم بارلىق جانلىقلار ئىچىدىكى ئەڭ مۇرەككەپ جانلىق . پەيغەمبەر ئەلەيھىسسالاممۇ :« ئادەمنىڭ قەلبى قايناپ تۇرغان قازاندىنمۇ ئۆزگىرىشچاندۇر » دېگەنىدى . دوست -ئاغىنىڭىز سىزگە : « مەن سىزنىڭ غۇرۇرلۇق ئىكەنلىكىڭىزنى ياقتۇرىمەن » ، « سىزنىڭ ساقال - بۇرتىڭىزنى پاكىز ئېلىپ يۈرۈشلىرىڭىزگە ھەۋەس قىلىمەن » ، « مەن سىز بىلەن قىيامەتلىك ئاغىنە ، ئۆلۈمدىمۇ ، كۆرۈمدىمۇ بىللە بولىمەن » دېيىشى مۇمكىن . بۇ بەلكىم دوست - ئاغىنىڭىزنىڭ يۈرەك سۆزىدۇر ، ئەمما كۆپىنچە ۋاقىتلاردا ئەھۋال باشقىچە بولىدۇ . ئىشەنمىسىڭىز تۆۋەندىكى مەسەلگە قاراڭ . قىيىن ۋاقىتلاردا بىر - بىرىگە ياردەم بېرىشكە ۋەدىلەشكەن ئىككى ئاغىنە سەپەردە كېتىۋاتقىنىدا ، ئۇلارنىڭ ئالدىدا بىر ئېيىق پەيدا بوپتۇ ، بۇنى كۆرگەن بىرى دەرھال دەرەخ ئۈستىگە چىقىپ مۆكۈۋاپتۇ . يەنە بىرەيلەن بولسا دەرەخ ئۈستىگە چىقىشقا ئۈلگۈرەلمەي ، يەرگە ئۆلگەن بولۇپ يېتىۋاپتۇ . ئېيىق ئۇنىڭ قېشىغا كېلىپ بۇرنىنى تەگكۈزۈپ پۇراپ بېقىپتۇ ، ئۇ ئادەم چىداشلىق بېرىپ دېمىنى چىقارماي يېتىۋېرىپتۇ ( ئېيتىشلارغا قارىغاندا ئېيىق ئۆلۈككە چېقىلمايدىكەن ) ئېيىق ئۇنى ئۆلۈك ئوخشايدۇ دەپ كېتىپ قاپتۇ . دەرەخ ئۈستىگە چىقىۋالغان يەنە بىر دوستى پەسكە چۈشۈپ ھەمراھىدىن : «ئېيىق ساڭا نېمىلەرنى دېدى ؟» دەپ جاۋاب بېرىپتۇ . يەنە بىرى ، دوست - ئاغىنىڭىز بىلەن مەلۇم ئارىلىق ساقلىغىنىڭىز ياخشى ، شۇندا سىز بەزى پېشكەللىكلەردىن خالىي بولالايسىز . بۇ خۇددى تۆۋەندە سۆزلەنگەن يولۋاس بىلەن مۇشۈكنىڭ ھېكايىسىگە ئوخشايدۇ . ئەسلىدە مۈشۈك يولۋاسنىڭ ئۈستازى ئىكەن ، مۈشۈك يولۋاسقا ئوۋ ئوۋلاشنىڭ ھۈنەرلىرىنى ، ئۆزىنى مۇداپىئە قىلىشنىڭ ئۇسۇللىرىنىڭ ھەممىسىنى ئۆگىتىپتۇ . كۈنلەردىن بىر كۈنى يولۋاسنىڭ قورسىقى ئېچىپ نىيىتى بۇزۇلۇپتۇ - دە ، مۈشۈكنى يېمەكچى بولۇپتۇ . يولۋاسنىڭ نىيىتىنى بىلىۋالغان مۈشۈك يولۋاسنى ئۇ يەردە دەم ئالايلى ، بۇ يەردە ھاردۇق ئالايلى ، دەپ ئەگەشتۈرۈپ چوڭ بىر تۈپ دەرەخنىڭ ئاستىدا توختاپتۇ - دە ، مۈگدەشكە باشلاپتۇ . پەيتنىڭ يېتىپ كەلگەنلىكىنى ھېس قىلغان يولۋاس مۈشۈككە ئېتىپتۇ . كۆزىنى يۇمۇپ يولۋاسنى كۆزىتىپ ئولتۇرغان مۇشۈك چاققانلىق بىلەن دەرەخ ئۈستىگە چىقىۋاپتۇ - دە ، ئەجەل چاڭگىلىدىن ئامان قاپتۇ . ئەسلىدە مۈشۈك يولۋاسقا دەرەخكە قانداق چىقىش ھۇنىرىنى ئۆگەتمىگەنىكەن ، مۇشۈكنىڭ دەرەخ ئۈستىگە چىقىۋالغانغانلىقىنى كۆرگەن يولۋاس : - ئۇستازىم ، نېمە ئۈچۈن ماڭا دەرەخكە چىقىشنى ئۆگەتمىگەندىڭىز ؟ - دەپ سوراپتۇ . مۈشۈك : - سىزگە دەرەخكە چىقىشنى ئۆگەتكەن بولسام ، بۇ جېنىم ئامان قالارمىدى ، - دەپتۇ دېمەك ، دوستلۇقتا مەلۇم ئارىلىق قالدۇرماي ، ھەممە سىرىڭىزنى تۆكۈۋەتسىڭىز ، ئۆزىڭىزنى پالاكەتتىن ساقلىيالمايسىز ، چۈنكى كۈنلەردىن بىر كۈنى دوست - ئاغىنىڭىزنىڭ بەزىسى سىزگە دۈشمەن بولۇپ قېلىشى مۇمكىن ، بۇ جاھان شۇنداق جاھان . كەلسە كەلمەس سىر ئېيتمىغىن دوستۇڭغا ، ھامان بىر كۈن سامان تىقار پوستۇڭغا . دەپ توغرا ئېيتقان . مەنبە : ئەدەب- ئەخلاقتىن تەۋسىيلەر

بۇ يازمىنىڭ يېقىنقى باھالىنىش ئەھۋالى : شۆھرەت:+5(manggutax) شۆھرەت:+10(ajrim) yaHxi شۆھرەت:+10(saba7911) ئۆزىگە خاس م .. بۇ يوللانما دىيارىم مۇنبىرىگە تەۋە، خالىغانچە باشقا مۇنبەرگە كۆچۈرۈپ چاپلىماڭ. << باشقىلارنىڭ ئەمگىكىنى ھۆرمەت قىلىش ئەڭ ئۇلۇغ شەرەپ!>> | ۋاقتى : 2008-06-11 13:48 [باش يازما]

akula414 دەرىجىسى : تەجىرىبىلىك ئەزا UID نۇمۇرى : 29177 نادىر تېما : 0 يازما سانى : 358 ئۇنۋان:5 دەرىجە شۆھرەت: 373 نۇمۇر پۇل: 286 دىيارىم تەڭگىسى تۆھپە: 0 نۇمۇر باھا: 0 نومۇر توردىكى ۋاقتى :41(سائەت) تىزىملاتقان ۋاقىت:2008-04-20 ئاخىرقى كىرگىنى:2008-06-13	چوڭ كىچىكلىكى :كىچىك نورمال چوڭ   مۇشۇكنىڭ ئۇگەتكەن  تەدبىرى ئاجايىپ ياخشى بوپتۇ!!    ئاللا قولىڭىزغا دەرت بەرمىسۇن!!!
	ئويغان !!  ئۇيغۇر!! | ۋاقتى : 2008-06-11 13:58 1 -قەۋەت

sahib دەرىجىسى : دىيارىم ئەزاسى UID نۇمۇرى : 28618 نادىر تېما : 0 يازما سانى : 49 ئۇنۋان:2 دەرىجە شۆھرەت: 59 نۇمۇر پۇل: 247 دىيارىم تەڭگىسى تۆھپە: 0 نۇمۇر باھا: 0 نومۇر توردىكى ۋاقتى :63(سائەت) تىزىملاتقان ۋاقىت:2008-04-11 ئاخىرقى كىرگىنى:2008-06-11	چوڭ كىچىكلىكى :كىچىك نورمال چوڭ   نادان دوست - ئاغىنىدىن دانا دۈشمەن ياخشىراق .     پاساھەتلىك سوزلەركەن.
	| ۋاقتى : 2008-06-11 14:07 2 -قەۋەت

Chuxay دەرىجىسى : يىتەكچى ئەزا UID نۇمۇرى : 17954 نادىر تېما : 0 يازما سانى : 952 ئۇنۋان:11 دەرىجە شۆھرەت: 952 نۇمۇر پۇل: 2892 دىيارىم تەڭگىسى تۆھپە: 6 نۇمۇر باھا: 0 نومۇر توردىكى ۋاقتى :28(سائەت) تىزىملاتقان ۋاقىت:2007-07-11 ئاخىرقى كىرگىنى:2008-06-13	چوڭ كىچىكلىكى :كىچىك نورمال چوڭ   ھەر بىر ئادەم بىلىشكە تىگىشلىك مەسۇلىيەت ئىكەن..
	ئادەم ئادەمگە لايىق ياشىشى كېرەك...... | ۋاقتى : 2008-06-11 14:25 3 -قەۋەت

turkinaz دەرىجىسى : دىيارىم باشقۇرغۇچىسى UID نۇمۇرى : 20648 نادىر تېما : 0 يازما سانى : 1295 ئۇنۋان:12 دەرىجە شۆھرەت: 1364 نۇمۇر پۇل: 4071 دىيارىم تەڭگىسى تۆھپە: 0 نۇمۇر باھا: 0 نومۇر توردىكى ۋاقتى :325(سائەت) تىزىملاتقان ۋاقىت:2007-11-01 ئاخىرقى كىرگىنى:2008-06-13	چوڭ كىچىكلىكى :كىچىك نورمال چوڭ   ئىبرەتلىك ماقالىكەن. ئۆزىمىزگە ئۆرنەك قىلساق بولغىدەك. لىكىن ھازىرقى ۋاقىتتا بۇنداق ئۆلچەم، شەرتلەرگە چۈشكىدەك دوست، ئاغىنىلەرنى تاپماق دېڭىزدىن يىڭنە كولىغاندەكلا بەك تەس.
	| ۋاقتى : 2008-06-11 14:50 4 -قەۋەت

arqayaprihi دەرىجىسى : تەجىرىبىلىك ئەزا UID نۇمۇرى : 25543 نادىر تېما : 0 يازما سانى : 268 ئۇنۋان:4 دەرىجە شۆھرەت: 268 نۇمۇر پۇل: 941 دىيارىم تەڭگىسى تۆھپە: 0 نۇمۇر باھا: 0 نومۇر توردىكى ۋاقتى :71(سائەت) تىزىملاتقان ۋاقىت:2008-02-21 ئاخىرقى كىرگىنى:2008-06-12	چوڭ كىچىكلىكى :كىچىك نورمال چوڭ   دوست دېسەڭ،دوست دەيمەن،دوستۇڭ بۇلىمەن، غەم باسقان زىق چاغدا<<خۇشتۇڭ>> بۇلىمەن: يۈز ئۆرۈپ كەتسەڭمۇ غەمدىن قۇتۇلۇپ، كېلەر دەپ بىر كۈنى جۇشقۇن تۇرىمەن.
	| ۋاقتى : 2008-06-11 16:05 5 -قەۋەت

zibala دەرىجىسى : تىرىشچان ئەزا UID نۇمۇرى : 29807 نادىر تېما : 0 يازما سانى : 160 ئۇنۋان:3 دەرىجە شۆھرەت: 160 نۇمۇر پۇل: 173 دىيارىم تەڭگىسى تۆھپە: 0 نۇمۇر باھا: 0 نومۇر توردىكى ۋاقتى :78(سائەت) تىزىملاتقان ۋاقىت:2008-04-30 ئاخىرقى كىرگىنى:2008-06-13	چوڭ كىچىكلىكى :كىچىك نورمال چوڭ   بىلىۋىلىشقا تىگىشلىك
	| ۋاقتى : 2008-06-11 16:33 6 -قەۋەت

sadakat88 دەرىجىسى : يېڭى ئەزا UID نۇمۇرى : 31747 نادىر تېما : 0 يازما سانى : 11 ئۇنۋان:2 دەرىجە شۆھرەت: 11 نۇمۇر پۇل: 133 دىيارىم تەڭگىسى تۆھپە: 0 نۇمۇر باھا: 0 نومۇر توردىكى ۋاقتى :41(سائەت) تىزىملاتقان ۋاقىت:2008-05-31 ئاخىرقى كىرگىنى:2008-06-13	چوڭ كىچىكلىكى :كىچىك نورمال چوڭ   بۇ كۈنلەردە ياخشى دوسىتلارنى تاپماقمۇ تەس بوپ كەتتى جىمۇ؟
	img: http://p2.dipan.com/pp_bb/2007/12/30/p_25085806_20071230120443_2992.jpg | ۋاقتى : 2008-06-11 18:10 7 -قەۋەت

manggutax ئىنكاس شاھى دەرىجىسى : دىيارىم باشقۇرغۇچىسى UID نۇمۇرى : 9 نادىر تېما : 5 يازما سانى : 6023 ئۇنۋان:22 دەرىجە شۆھرەت: 4266 نۇمۇر پۇل: 16429 دىيارىم تەڭگىسى تۆھپە: 4 نۇمۇر باھا: 0 نومۇر توردىكى ۋاقتى :591(سائەت) تىزىملاتقان ۋاقىت:2005-10-14 ئاخىرقى كىرگىنى:2008-06-13	چوڭ كىچىكلىكى :كىچىك نورمال چوڭ   بىلىڭكى ، نادان كىشىلەر بىلەن دوستلۇق ، ئاغىنىدارچىلىق قىلىشتىن ساقلىنىڭ. گەرچە ئۇ سىزگە ساداقەتمەن بولىسمۇ ، دوستلۇق ، ئاغىنىدارچىلىقتا يەتكۈزىدىغان پايدىسىدىن سىزگە كەلتۈرىدىغان زىيىنى كۆپ بولىدۇ. ئىنتايىن ئورۇنلۇق ئىيتىلغان سۆزلەر ئىكەن، بىلىۋالدىم، رەھمەت~!
	يىلتىزىمىز «دىيارىم» دا، ئۈمىدىمىز «دىيارىم» دا. | ۋاقتى : 2008-06-11 18:14 8 -قەۋەت

lakqin دەرىجىسى : يىتەكچى ئەزا UID نۇمۇرى : 23132 نادىر تېما : 0 يازما سانى : 848 ئۇنۋان:مەشقاۋۇل شۆھرەت: 908 نۇمۇر پۇل: 2851 دىيارىم تەڭگىسى تۆھپە: 0 نۇمۇر باھا: 0 نومۇر توردىكى ۋاقتى :110(سائەت) تىزىملاتقان ۋاقىت:2008-01-04 ئاخىرقى كىرگىنى:2008-06-12	چوڭ كىچىكلىكى :كىچىك نورمال چوڭ   ”دەرھال ئورنىدىن تۇرۇپ بىر ھەميانىدا پۇل ۋە بىر قىلىچ ئېلىپ كېنىزىكىگە چىراغ كۆتەرتىپ ، ئالدىغا چىقىپ دوستى بىلەن كۆرۈشۈپتۇ“ دوست دىگەن مۇشۇنداق بۇلىدۇ-دە .
	| ۋاقتى : 2008-06-11 20:35 9 -قەۋەت

90uygur دەرىجىسى : دىيارىم ئەزاسى UID نۇمۇرى : 31208 نادىر تېما : 0 يازما سانى : 79 ئۇنۋان:2 دەرىجە شۆھرەت: 79 نۇمۇر پۇل: 337 دىيارىم تەڭگىسى تۆھپە: 0 نۇمۇر باھا: 0 نومۇر توردىكى ۋاقتى :33(سائەت) تىزىملاتقان ۋاقىت:2008-05-22 ئاخىرقى كىرگىنى:2008-06-14	چوڭ كىچىكلىكى :كىچىك نورمال چوڭ   يىمە نامەرت ئاشىنى، ئاچلىق سېنى ئۆلتۇرسىمۇ. ئۆتمە نامەرت كۆۋرىكىدىن، سۇ سېنى ئېقىتسىمۇ.
	مەن ھاياتنى سۈيىمەن . | ۋاقتى : 2008-06-11 22:24 10 -قەۋەت

pariay دەرىجىسى : تىرىشچان ئەزا UID نۇمۇرى : 25481 نادىر تېما : 0 يازما سانى : 235 ئۇنۋان:4 دەرىجە شۆھرەت: 235 نۇمۇر پۇل: 857 دىيارىم تەڭگىسى تۆھپە: 0 نۇمۇر باھا: 0 نومۇر توردىكى ۋاقتى :49(سائەت) تىزىملاتقان ۋاقىت:2008-02-20 ئاخىرقى كىرگىنى:2008-06-14	چوڭ كىچىكلىكى :كىچىك نورمال چوڭ   تەربىيەۋى ئەھمىيىتى چوڭقۇركەن ؟ ،،،،،،،،،رەخمەت سىزگە ؟ ،،،،،،،نادىر تىمىلىرىڭىزغا داۋاملىق تەشنامىز ؟ ،،،،،،،،،قولىڭىزغا دەرت بەرمىسۇن ؟
	كۆڭۇلدىن سۇ ئىچكەندە كۆڭۇل ، باياۋاندىن قىياق ئۈنىدۇ ! | ۋاقتى : 2008-06-12 00:21 11 -قەۋەت

11111 دەرىجىسى : يېڭى ئەزا UID نۇمۇرى : 32530 نادىر تېما : 0 يازما سانى : 1 ئۇنۋان:1 دەرىجە شۆھرەت: 1 نۇمۇر پۇل: 103 دىيارىم تەڭگىسى تۆھپە: 0 نۇمۇر باھا: 0 نومۇر توردىكى ۋاقتى :0(سائەت) تىزىملاتقان ۋاقىت:2008-06-12 ئاخىرقى كىرگىنى:2008-06-12	چوڭ كىچىكلىكى :كىچىك نورمال چوڭ   مانا بۇ ئالىجاناپ ، شەخسىيەتسىز دوستلۇق.
	| ۋاقتى : 2008-06-12 10:31 12 -قەۋەت

tulpar1978 دەرىجىسى : دىيارىم ئەزاسى UID نۇمۇرى : 2967 نادىر تېما : 0 يازما سانى : 157 ئۇنۋان:3 دەرىجە شۆھرەت: 101 نۇمۇر پۇل: 466 دىيارىم تەڭگىسى تۆھپە: 0 نۇمۇر باھا: 0 نومۇر توردىكى ۋاقتى :25(سائەت) تىزىملاتقان ۋاقىت:2006-03-27 ئاخىرقى كىرگىنى:2008-06-13	چوڭ كىچىكلىكى :كىچىك نورمال چوڭ   ھەقىقەتەن دوستلۇقنىڭ قىممىتىنى چۈشۈنۋالغانئىدىم . ھازىرقى جەمىيەتتە ھەقىقى يوقۇرقى شەرتلەردىكىدەك دوستلارنى تېپىش دېڭىزدىن يىڭنە ئىزدىگەندەك بىر ئىش .
	| ۋاقتى : 2008-06-12 11:16 13 -قەۋەت

tulpar1978 دەرىجىسى : دىيارىم ئەزاسى UID نۇمۇرى : 2967 نادىر تېما : 0 يازما سانى : 157 ئۇنۋان:3 دەرىجە شۆھرەت: 101 نۇمۇر پۇل: 466 دىيارىم تەڭگىسى تۆھپە: 0 نۇمۇر باھا: 0 نومۇر توردىكى ۋاقتى :25(سائەت) تىزىملاتقان ۋاقىت:2006-03-27 ئاخىرقى كىرگىنى:2008-06-13	چوڭ كىچىكلىكى :كىچىك نورمال چوڭ   ھەقىقەتەن نادىر تېما ئىكەن .
	| ۋاقتى : 2008-06-12 11:18 14 -قەۋەت

sabdash دەرىجىسى : يېڭى ئەزا UID نۇمۇرى : 32545 نادىر تېما : 0 يازما سانى : 24 ئۇنۋان:2 دەرىجە شۆھرەت: 24 نۇمۇر پۇل: 172 دىيارىم تەڭگىسى تۆھپە: 0 نۇمۇر باھا: 0 نومۇر توردىكى ۋاقتى :2(سائەت) تىزىملاتقان ۋاقىت:2008-06-12 ئاخىرقى كىرگىنى:2008-06-14	چوڭ كىچىكلىكى :كىچىك نورمال چوڭ   كۆپتىن-كۆپ رەخمەت دوستۇم يوللىغان تىمىڭىز ھەقىقەتەن ياخشكەن؟
	| ۋاقتى : 2008-06-12 13:20 15 -قەۋەت

ly520 دەرىجىسى : يېڭى ئەزا UID نۇمۇرى : 31305 نادىر تېما : 0 يازما سانى : 4 ئۇنۋان:1 دەرىجە شۆھرەت: 4 نۇمۇر پۇل: 112 دىيارىم تەڭگىسى تۆھپە: 0 نۇمۇر باھا: 0 نومۇر توردىكى ۋاقتى :0(سائەت) تىزىملاتقان ۋاقىت:2008-05-24 ئاخىرقى كىرگىنى:2008-06-12	چوڭ كىچىكلىكى :كىچىك نورمال چوڭ   ياخشى يېزىپسىز  .....مۇشۇنداق دوستلۇقنىڭ يەنىمۇ كۆپلەپ بارلىققا كېلىشىنى ئۈمۈد قىلىمەن!!!!!
	| ۋاقتى : 2008-06-12 13:53 16 -قەۋەت

كۆرۈلگەن تېما خاتىرىسى كۆرۈلگەن سەھىپە خاتىرىسى سەھىپە يۆتكەش>> ﮔﯜﺯﻩﻝ - ﺳﻪﻧﺌﻪﺕ ﺳﺎﻟﻮﻧﻰ  |- ﺭﻩﺳﺴﺎﻣﻠﯩﻖ  |- ﻛﻮﻣﭙﯩﻴﻮﺗﯩﺮ ﻻﮬﯩﻴﻪ ﺋﻪﺳﻪﺭﻟﯩﺮﻯ  |- ﺋﯘﻳﻐﯘﺭ ﺧﻪﺗﺘﺎﺗﻠﯩﻘﻰ>> ﺟﺎﮬﺎﻧﺪﯨﻜﻰ ﺋﯩﺸﻼﺭ  |- ﺋﯚﻱ - ﻣﯚﻟﯜﻙ ﺋﯘﭼﯘﺭﻟﯩﺮﻯ  |- ﺋﻮﻧﯩﯟﯦﺮﺳﺎﻝ ﺋﯘﭼﯘﺭﻻﺭ  |- ﺋﺎﺟﺎﻳﯩﺒﺎﺗﻼﺭ  |- ﺋﯚﺯﯨﻤﯩﺰﮔﻪ ﻧﻪﺯﻩﺭ  |- ﺧﻪﯞﻩﺭﻟﻪﺭ  |- ﺧﺎﻧﯩﻢ - ﻗﯩﺰﻻﺭ ﺳﺎﻟﻮﻧﻰ  |- ﺗﯘﺭﻣﯘﺵ ﻣﻪﺳﻠﯩﮭﻪﺗﭽﯩﺴﻰ  |- ﻣﻪﺩﻩﻧﯩﻴﻪﺕ ﺋﯘﭼﯘﺭﻟﯩﺮﻯ  |- ﺧﯩﺰﻣﻪﺕ ﺋﯘﭼﯘﺭﻟﯩﺮﻯ  |- ﺳﺎﻳﺎﮬﻪﺕ ﯞﻩ ﺩﯗﻧﻴﺎ  |- ﻛﯚﯕﻠﯜﻣﺪﯨﻜﻰ ﺳﯚﺯﻟﻪﺭ  |- ﻗﯩﺰﺯﯨﻖ ﻧﻮﻗﺘﺎ>> ﻛﻮﻣﭙﯩﻴﯘﺗﯧﺮ ، ﺋﯧﻨﺘﯩﺮﻧﯩﺖ ﯞﻩ ﺋﯘﭼﯘﺭ ﺩﯗﻧﻴﺎﺳﻰ  |- ﮬﻪﻗﺴﯩﺰ ﻣﺎﺗﯩﺮﻳﺎﻟﻼﺭ  |- ﻛﻮﻣﭙﯩﻴﯘﺗﯧﺮ ﺑﯩﻠﯩﻤﻠﯩﺮﯨﺪﯨﻦ ﺳﯘﺋﺎﻝ - ﺟﺎﯞﺍﭖ  |- ﭘﺮﻭﮔﯩﺮﺍﻣﻤﺎ ﻻﮬﯩﻴﻠﻪﺵ  |- ﺗﻮﺭ ﺑﯧﻠﯩﻤﻠﯩﺮﻯ  |- ﻣﻪﺷﻐﯘﻻﺕ ﺳﯧﺴﺘﯩﻤﯩﺴﻰ  |- ﻳﯘﻣﺸﺎﻕ ﺩﯦﺘﺎﻟﻼﺭ ﺩﯗﻧﻴﺎﺳﻰ  |- ﻗﺎﺗﺘﯩﻖ ﺩﯦﺘﺎﻝ ﯞﻩ ﻳﯘﻣﺸﺎﻕ ﺩﯦﺘﺎﻝ  |- ﺋﯧﻠﯩﻜﺘﯩﺮﻭﻥ ﺑﺎﺯﯨﺮﻯ>> ﺩﯨﻴﺎﺭﯨﻢ ﻣﻪﺭﯨﭙﻪﺕ ﮔﯜﻟﺰﺍﺭﻯ  |- ﺩﯗﻧﻴﺎ ﺗﺎﺭﯨﺨﯩﺪﯨﻜﻰ ﻣﻪﺷﻬﯘﺭ ﺷﻪﺧﺴﻠﻪﺭ  |- ﻳﻪﺭ - ﺟﺎﻱ ﻧﺎﻣﻠﯩﺮﻯ  |- ﺋﯚﺭﭖ - ﺋﺎﺩﻩﺗﻠﻪﺭ  |- ﺗﺎﺭﯨﺨﻘﺎ ﻧﻪﺯﻩﺭ  |- ﻣﻪﺷﮭﯘﺭﻟﯩﺮﯨﻤﯩﺰ  |- ﺋﯩﻘﺘﯩﺴﺎﺩ ﺑﯩﻠﯩﻤﻠﯩﺮﻯ ﯞﻩ ﺋﯩﻘﺘﯩﺴﺎﺩﯨﻲ ﺋﯘﭼﯘﺭﻻﺭ  |- ﻗﺎﻧﯘﻧﺪﯨﻦ ﻣﻪﺳﻠﯩﮭﻪﺕ  |- ﭘﻪﻟﯩﺴﻪﭘﻪ ﯞﻩ ﺋﯘﻳﻐﯘﺭ ﻣﻪﺩﻩﻧﯩﻴﺘﻰ  |- ﺋﺎﻧﺎ ﺗﯩﻠﯩﻢ - ﺟﺎﻥ ﺗﯩﻠﯩﻢ  |- ﺗﻪﺑﺌﯩﻲ ﭘﻪﻧﻠﻪﺭ  |- ﺗﻪﺗﻘﯩﻘﺎﺗﻼﺭ ﯞﻩ ﺋﯩﺰﺩﯨﻨﯩﺸﻠﻪﺭ  |- ﺗﯩﻞ ﺋﯜﮔﯩﻨﯩﺶ ﺳﺎﻟﻮﻧﻰ>> ﺩﯨﻴﺎﺭﯨﻢ ﺗﻮﺭ ﺋﻪﺩﻩﺑﯩﻴﺎﺗﻰ  |- ئاۋازلىق ئەسەرلەر  |- ﻗﻪﻟﻪﻣﺪﺍﺷﻼﺭ ﺳﻮﺭﻭﻧﻰ  |- ﭼﻪﺗﺌﻪﻝ ﻧﺎﺩﯨﺮ ﺋﻪﺳﻪﺭﻟﯩﺮﯨﺪﯨﻦ ﺗﺎﻟﻼﻧﻤﺎ  |- ﺗﻪﺭﺟﯩﻤﻪ ﺋﻪﺳﻪﺭﻟﻪﺭ  |- ﺗﻪﺭﻣﯩﻠﻪﺭ  |- ﺋﻮﺑﺰﻭﺭ - ﺗﻪﻧﻘﯩﺖ  |- ﺷﯧﺌﯩﺮﯨﻴﻪﺕ ﺳﺎﻟﻮﻧﻰ  |- ﻧﻪﺳﯩﺮﻯ ﺋﻪﺳﻪﺭﻟﻪﺭ  |- ﺋﯘﻳﻐﯘﺭ ﻛﯩﻼﺳﺴﯩﻚ ﺋﻪﺩﻩﺑﯩﻴﺎﺗﯩﺪﯨﻦ ﺟﻪﯞﮬﻪﺭﻟﻪﺭ>> ﺧﻪﻟﻖ ﺋﯧﻐﯩﺰ ﺋﻪﺩﻩﺑﯩﻴﺎﺗﻰ  |- ﻣﺎﻗﺎﻝ - ﺗﻪﻣﺴﯩﻠﻠﻪﺭ  |- ﻟﻪﺗﯩﭙﻪ - ﭼﺎﻗﭽﺎﻗﻼﺭ  |- ﺗﯧﭙﯩﺸﻤﺎﻗﻼﺭ  |- ﭼﯚﭼﻪﻙ - ﺭﯨﯟﺍﻳﻪﺗﻠﻪﺭ>> ﻣﺎﺋﺎﺭﯨﭗ ﯞﻩ ﺑﯩﺰ  |- ﺋﯩﻤﺘﯧﮭﺎﻥ ﺭﺍﻳﯘﻧﻰ  |- ﻧﯩﻜﺎﮬ ﯞﻩ ﺋﺎﺋﯩﻠﻪ  |- ﺗﻪﻧﺘﻪﺭﺑﯩﻴﻪ  |- ﭘﻪﺭﺯﻩﻧﺖ ﺗﻪﺭﺑﯩﻴﺴﻰ ﯞﻩ ﺋﻪﺧﻼﻕ  |- ﻣﺎﺋﺎﺭﯨﭗ  |- ﭘﯩﺴﺨﯩﻚ ﻣﻪﺳﻠﯩﮭﻪﺕ>> ﺳﺎﻏﻼﻣﻠﯩﻖ ﻳﺎﺭﺩﻩﻣﭽﯩﺴﻰ  |- ﺋﯘﻳﻐﯘﺭ ﺗﯧﺒﺎﺑﯩﺘﻰ ﯞﻩ ﺗﯩﺒﺒﯩﻲ ﻣﻪﺳﻠﯩﮭﻪﺕ  |- ﺗﻪﻥ ﺳﺎﻗﻠﯩﻖ - ﺯﻭﺭ ﺑﺎﻳﻠﯩﻖ  |- ﺋﯘﻳﻐﯘﺭ ﺗﺎﺋﺎﻣﻠﯩﺮﻯ ﯞﻩ ﻳﯩﻤﻪﻙ - ﺋﯩﭽﻤﻪﻙ>> ﺩﯨﻴﺎﺭﯨﻢ ﺋﯜﻥ - ﺳﯩﻦ ﺩﯗﻧﻴﺎﺳﻰ  |- 12ﻣﯘﻗﺎﻡ ﯞﻩ ﺧﻪﻟﻖ ﺋﺎﮬﺎﯕﻠﯩﺮﻯ  |- ﻧﺎﺧﺸﺎ - ﻣﯘﺯﯨﻜﺎ ﯞﻩ ﺗﺎﻟﻼﻧﻤﺎ MTV  |- ﻛﯧﻨﻮ ﯞﻩ ﻛﺎﺭﺗﻮﻥ ﺳﺎﻟﻮﻧﻰ  |- ﻗﯩﺰﯨﻘﺎﺭﻟﯩﻖ ﺋﻮﻳﯘﻧﻼﺭ>> ﺩﯨﻴﺎﺭﯨﻢ ﻳﯧﯖﯩﻠﯩﻘﻠﯩﺮﻯ  |- ﻣﯘﻧﺒﻪﺭ ﺋﯩﺸﺨﺎﻧﯩﺴﻰ  |- ﺩﯨﻴﺎﺭﯨﻢ ﭼﺎﻳﺨﺎﻧﯩﺴﯩﺪﺍ  |- ﭘﯩﻜﯩﺮ - ﺗﻪﻛﻠﯩﭙﻠﻪﺭ

دىيارىم مۇنبىرى » ﭘﻪﺭﺯﻩﻧﺖ ﺗﻪﺭﺑﯩﻴﺴﻰ ﯞﻩ ﺋﻪﺧﻼﻕ



  يېڭى يازمىلىق سەھىپە   ئادەتتىكى سەھىپە   مەخپىي سەھىپە  



ﺋﻪﺳﻜﻪﺭﺗﯩﺶ : ﺗﻮﺭ ﺑﯧﻜﯩﺘﯩﻤﯩﺰﺩﻩ ﯞﻩﻣﯘﻧﺒﯩﺮﯨﻤﯩﺰﺩﻩ ﺩﯙﻟﻪﺗﻨﯩﯔ ﺗﯜﺭﻟﯜﻙ ﻗﺎﻧﯘﻥ - ﺳﯩﻴﺎﺳﻪﺕ ﭘﻪﺭﻣﺎﻧﻠﯩﺮﯨﻐﺎ ﺧﯩﻼﭖ ﻣﺎﻗﺎﻟﯩﻠﻪﺭ ﯞﻩ ﻳﻮﻟﻼﻧﻤﯩﻼﺭﻧﻰ ، ﺳﯜﺭﻩﺗﻠﻪﺭﻧﻰ ﻳﻮﻟﻼﺷﻘﺎ ﺑﻮﻟﻤﺎﻳﺪﯗ.
ﺑﯚﻟﮕﯜﻧﭽﯩﻠﯩﻚ ، ﻗﯘﺗﺮﺍﺗﻘﯘﻟﯘﻕ ﺧﺎﺭﺍﻛﺘﺮﯨﺪﯨﻜﻰ ﻣﺎﻗﺎﻟﯩﻠﻪﺭﻧﻰ ﻳﻮﻟﻠﯩﻐﺎﻥ ﺋﺎﭘﺘﻮﺭﻻﺭ ﺋﺎﻗﯩﯟﯨﺘﯩﮕﻪ ﺋﯚﺯﻯ ﻣﻪﺳﺌﯘﻝ ﺑﻮﻟﯩﺪﯗ . ﺗﻮﺭ ﭘﻮﻧﻜﯩﺘﯩﻤﯩﺰ ﮬﯧﭽﻘﺎﻧﺪﺍﻕ ﻣﻪﺳﺌﯘﻟﯩﻴﻪﺗﻨﻰ ﺋﯜﺳﺘﯩﮕﻪ ﺋﺎﻟﻤﺎﻳﺪﯗ . ﺋﯚﺯ ﺗﻮﺭ ﻣﻪﺩﻩﻧﯩﻴﺘﯩﻤﯩﺰﻧﯩﯔ ﺳﺎﻏﻼﻡ ﺗﻪﺭﻩﻗﻘﯩﻲ ﻗﯩﻠﯩﺸﻰ ﯞﻩ ﺗﻮﺳﺎﻟﻐﯘﺳﯩﺰ ﺋﯩﻠﮕﯩﺮﻟﯩﺸﻰ ﺋﯜﭼﯜﻥ ﺑﯘ ﻣﯘﻧﺒﻪﺭﻧﻰ ﺋﯚﺯ ﻛﯚﺯ ﻗﺎﺭﭼﯘﻗﯩﯖﯩﺰﺩﻩﻙ ﺋﺎﺳﺮﯨﺸﯩﯖﯩﺰﻧﻰﺋﯜﻣﯩﺪ ﻗﯩﻠﯩﻤﯩﺰ.
ﻛﯧﻴﯩﻨﻜﻰ ﭘﯘﺷﺎﻳﻤﺎﻥ ، ﺋﯚﺯﯛﯕﮕﻪ ﺩﯛﺷﻤﻪﻥ . ﻣﯩﻠﻠﻪﺗﻨﻰﺳﯚﻳﮕﯜﭼﯩﻠﻪﺭ ﺋﯚﺯ ﻧﻪﺭﺳﯩﺴﯩﻨﻰ ﻗﻪﺩﯨﺮﻟﻪﻳﺪﯗ .