ئەپسۇس!مەشرىپىڭىزگە بىز قاتنىشالماي قاپتۇق! ئاشنى كۆرگەندە ئىمان قېچىپتۇ  دېگەن شۇمۇيا!

گۈزەل3.8 سىز ئادەتتە ئۆچكە يېغىنى كۆپ ئىستىمال قىلامسز؟

گۈزەل 3.8سىزنىڭ بۇ ئەسىرىڭىزنى ئۇقۇپ،غۇلجىنىڭ ئىسىل چاقچاقلىرىنى نەخ مەيداندا ئاڭلىغاندەك بولدۇم.سىزگە خۇشاللىق يار بولسۇن.
داۋامىنى تىزراق يازارسىز

ھاي ! مەشىرەپ ئەھلى . بۇندىن كېينكى مەشىرەپلىرىڭلارغا  مېنىمۇ قېتۋىلىڭلار ، مەنمۇ ئوتتۇز ئوغۇلنىڭ قاتارىدىن ئورۇن ئېلىپ قالاي ،
توققۇز قىزنىڭ گۈل تاجى بولاي،
كۆكسۈمگە قولۇمنى قوياي ،
گاچىچىدە بىر قوينى سوياي ،
مەشىرەپنىڭ  مەكتىپىدە ئوقاي ،
كەلسە كەلمىسە قوشاقمۇ توقاي ،
خالىغان بىرىڭلارنى چاقچاقتا سوقاي،
توققۇز قىزدىن بىرىنى ئەمىرىمگە ئالاي ،
بويتاقلىقىمنى قىلىپ سۈرتوقاي،
يەتكۈزۈڭلار  يىگىت بېشىغا  ،
بۇ كۆڭۈلنى قوبۇل قىلغاي.

كەمىنە پۇقرادىن.

مەنمۇ  قاتنىشالماي  قاپتىمەن ،

شــــــــــــــــــۈ....................
تېچ تۇرۇڭلار، ۋاراڭ چۇرۇڭ قىلماي!
گەپنىڭ داۋامى با تېخى.
قېنى گۈزەلقىز!!!

گۈزەل ھەدە سىزگە قىسقا ئۇچۇر يوللىسام نىمىگە ماڭمايدۇ؟

يەنىلام ناخشا ئۇسۇل..............

Quote:

引用第7楼جانان于2008-10-18 09:35发表的 :
گۈزەل ھەدە سىزگە قىسقا ئۇچۇر يوللىسام نىمىگە ماڭمايدۇ؟

نىمىشقا ماڭمايدىغاندۇ؟ ئۇچۇرىڭىزنى ساقلاپ كۆزلىرىم تۆت بوپكەتتى

Quote:

引用第9楼gvzal3.8于2008-10-18 10:07发表的  :


نىمىشقا ماڭمايدىغاندۇ؟ ئۇچۇرىڭىزنى ساقلاپ كۆزلىرىم تۆت بوپكەتتى

شۇنىڭغا قارىغاندا كۆزئەينەك تاقاپ ساقلىۋاتقان ئوخشىمامسىز(چاقچاق)

داۋامى

      ئۇسۇلچىلار توختىشى بىلەن يەنە يىگىت بېشىنىڭ ئاۋازى چىقتى:
      _ئەمدى ناۋا ئەپەندىنى بىر ناخشا ئېيتىپ بېرىشكە تەكلىپ قىلايلى مەشرەپ ئەھلى.
ناۋا دىگەن مۇشۇ يىگىتكەندە؟ دىيىشتۇق ھەيرانلىقتا.
      _ئىسمىنى بىكاردىنلا ناۋا دەپ قويماپتىكەن بۇ ئۇكام،_دىدى ئاقلاچىن خانىم .
      _ھەجەپ تونۇشقۇ بۇ يىگىت،_دەپ ئويلانغان قىياپەتتە سورىدى قۇندۇزئاي.
      _ھە،بولدى قىلىڭلار،ناخشىسىنى بىر ئاڭلايلى،شۇ چاغدا كىم ئىكەنلىكىنى بىلىمىز،_ياۋاگۈل شۇنداق دەپ پەخىرلىنىپ ئولتۇرغان ساباغا قاراپ كۈلۈپ قويدى.

     ناۋانىڭ ناخشىسى ھەقىقەتەن يېقىملىقكەن.ناخشا تۈگىشى بىلەن يىگىت بېشى چىقتى-دە: 
     _ئەمدى بىزنىڭ دارا بېگى قانداقراق سوۋغا بىلەن كەلدىكىن؟،_قۇشبېگنى مەيدانغا تەكلىپ قىلدى.
     دارا بېگى(قۇشبېگ)ئوتتۇرىغا چىقتى-دە:
    _ئەسسالامۇ ئەلەيكۇم ئوتتۇز ئوغۇل.مەن سىلەرگە باشقا سوۋغات بېرەلمىسەممۇ،ئۆزۈم ياخشى كۆرىدىغان گىتتار مۇزىكىسىغا ئۇسۇل ئويناپ بېرەي.
    _خا،خا،خا......،_بىراقلا كۈلۈشۈپ كەتتۇق.
    _قۇشبېگ ئاكامنىڭ مۇنداقمۇ ھۈنىرى باركەن ھە؟،_دىدى جانان كۈلۈپ تېلىقىپ.
قارىسام قۇشبېگ قوللىرىنى قۇشتەك كېرىپ،غۇلاچ تاشلاپ،بەزىدە ئاسماندا ئۇچىۋاتقاندەك ھەرىكەتلەرنى قىلىپ مۇڭلۇق گىتتار ناخشىسىغا بىردەم «ئۇسۇل»ئويناپ بەردى.
    _مانداقمۇ ئۇسۇل باركەن ھە؟ بۇنى بىر سەنئەت دىسەك بولغىدەك،_دەپ كۆزىدىكى تولا كۈلۈپ توختىمايۋاتقان يېشىنى ئېيتتى تۈركىناز.
    _بولىدىكەنغۇ،سىلەرگە يارىمىدىما،ماڭا شۇنداق يارىدى بۇ ئۇسۇل، بۇنى دىگەنچۇ ئۇسلۇپ دەيمىز _دىدى تارتىنچاق بىزگە ئالىيىپ.

    يەنە يىگىت بېشىنىڭ ئاۋازى چىقتى.
    _ئەمدى ئوتتۇز ئوغۇلدىن ئۆزۈڭلار خالىغان بىرىڭلار چىقىپ،ئەكەلگەن نومۇرلىرىڭلارنى كۆرسەتكەيسىلەر.
    شۇ ئارىدا بىر قاملاشقان يىگىتتىن بىرسى چىقتى-دە:
     _ئەسسالامۇ ئەلەيكۇم ئوتتۇز ئوغۇل،مەن چاقچاقچىلار يۇرتىدىن <يۇرت>بولىمەن.سىلەرگە ئالغاچ كەلگەن بىر يۇمۇرۇمنى سۆزلەپ بېرەي. بىر كۈنى ماۋۇ <تاپسام تاپتىم>دىگەن ئاداش ئاپتۇۋۇزدا كېتىۋىتىپ چىرايلىق بىر ئايال بىلەن بىر ئورۇندا ئولتۇرۇپ قاپتۇ،ئۇ ھېلىقى ئايالغا قانداق سۆز ئېچىشنى بىلمەي، <خانىم،پايپىقىڭىز ھەجەپ چىرايلىقكەن،قەيەردىن ئالدىڭىز،مەنمۇ ئايالىمغا ئەپبېرەي دىگەن>دەپتىكەن،ھېلىقى ئايال بۇ ئاداشقا سوغۇق بىر قارىۋىتىپ<بولدى،ئەپبەرمەيلا قويۇڭ،بۇنى ئەپبەرسىڭىز،نەدىكى قاملاشمىغان ئادەملەر پايپاقنى باھانە قىلىپ،ئايالىڭىزغا لاۋزىلىق قىلىدۇ>دەپتۇ.
     سورۇندا پاراققىدە كۈلكە كۆتۈرۈلدى. بىزمۇ شۇنداق بەك كۈلۈپ كەتتۇق
     يىگىت بېشىنىڭ ئورۇنلاشتۇرۇشىدا بۇ قېتىمقى نۆۋەت شەيخكە كەلگەن ئىدى. ئۇ ئۆزىنىڭ ئىجادىي ناخشىسى بولغان <يۈرەك>دىگەن ناخشىسىنى ئورۇنلاپ بەردى. ئەپسۇس،بۇنى لېنتىغا ئالالمىدىم
     شەيخنىڭ ناخشىسىغا مەس بولۇپ ئولتۇرۇپ قاپتىمەن. بىر چاغ بولغاندا مىرشاپ بېگى ئۆتكۈر ۋە پاششاپ ، دوغىلار بىر ئادەمنىڭ يەلكىسىدىن باسقانچە سورۇنغا ھازىر قىلدى ۋە مەشرەپ بېگى ئاتامانغا:
     _ھۆرمەتلىك مەشرەپ بېگى، مانا بۇ ئاشىقجان بايا قارىسام ئاۋۇ ئۆينىڭ دەرىزىسى ئالدىغا بېرىۋىلىپ ھېلى كۈنقىزغا،ھېلى تارتىنچاققا ، ھېلى نىگارغا مۇنداق قوشاق توقۇپ قاش ئاتقىلى تۇرۇپتۇ.
    

تارتىنچاققا:
    دەرت ئازاپ ئىچىمگە پاتمايۋاتىدۇ،
كېچىسى تاڭ تېخى ئاتمايۋاتىدۇ
ئىچ ئاغرىت تارتىنچاق مېنىڭ ھالىمغا
يۈرىكىمنى تۆت مۈشۈك تاتلاۋاتىدۇ

كۈنقىزغا:
سېنى دەپ بۇ جاندىن كېچەيلا دىدىم
تاماقتىن،ئۇيقۇدىن قالايلا دىدىم
كۈنقىزمۇ ياكى سەن ئاينىڭ قىزىمۇ
سىرىڭنى بىلەلمەي ئۆلەيلا دىدىم

نىگار:
كۆزلىرىڭنى بۇلاق دەپلا سۇ ئالايمۇ؟
ئەشۇ سۇدا يۈز يۇيايمۇ ياكى قولنى
كۆڭلۈمنى چۈشەنگىنە ئەي نىگارىم،
سەن ئۈچۈن باسىمەن تىكەنلىك يولنى

شۇ سەۋەپلىك جازا بېرىش ئۈچۈن سورۇنغا ھازىر قىلدۇق. قانداق جازا بەرسەك بولاركىن؟
   مەشرەپ بېگى:
   _ئاشىقجاننىڭ قىززىپ كەتكەن يۈرىكىگە سامسا ياقامدۇق ياكى سوۋۇتۇپ قويامدۇق؟ ئۆزىدىن سوراڭلار.
    ئاشىقجان:
    _بولدى سوۋۇتۇپ قويۇدىغان جازانى تاللاي،مەن ئىككىنچى ئۇنداق قىلمايمەن. گۇناھىمدىن ئۆتۈڭلار،_دەپ تازا يالۋۇرىۋىدى،ئەتراپىمغا قارىسام،كۆپلىگەن خانىم-قىزلارنىڭ كۆزلىرىدىكى لىققىدە ياشنى كۆرۈپ ،ئۆزۈمنىڭمۇ كۆزىگە ياش كەلگىنى سېزىپ قالدىم.
ھەممىمىز ئىختىيارسىزلا ھېلىقى يوشۇرۇنغان ئۆيىمىزدىن چىقىپ شۇ مەيدانغا توپلاشتۇق،مەيداندىكى مەشرەپچى ئەرلەر بىزنى كۆرۈپ ھاڭ-تاڭ قالدى. شۇ ئارىدا مەشرەپ بېگىنىڭ ئاۋازى ئاڭلاندى:
    _ھە، خانىم-قىزلار ، قەدەملەر قەيەردىن؟ ھەجەپ ئاسماندىن چۈشكەندەكلا پەيدا بوپقالدۇققۇ؟
    ئەتراپىمغا قارىسام،ھىچكىمدىن سادا چىقىدىغاندەك ئەمەس،ئاشىقجان تېخىچە يەنە ئاشۇنداق يەلكىسىدىن بېسىلغانچە يەرگە قاراپ تۇراتتى. ئۇنىڭغا ئىچىم شۇنداق سەت ئاغرىپ كەتتىكى،ئىختىيارسىزلا:
    _ئو...ۇش،دىلشات ئاتامان مەشرەپ بېگى ئۇكام،بىزنى بۇ مەشرىپىڭلارغا تېخى قاتناشتۇرمايسىلەر؟!ئەمدى بىچارە ئاشىقجاننى تېخى جازالايمىز دەيسىلەر!نىمە قىلىق بۇ؟!،_دەۋەتتىم. شۇ ئارىدا كۈسەن قولۇمدىن تارتىپ قويدى.
    مەشرەپ بېگى ھەممىمىزگە بىر قارىۋىتىپ:
    _ ھۆرمەتلىك ئاچا-سىڭىل تورداشلىرىم، ھەممىڭلاردىن مۇشۇ يىغىلىش مۇناسىۋىتى بىلەن ھال سورايمەن.
ئەمدى بۈگۈنكى بۇ ئىشلارغا كەلسەك:
ھۆرمەتلىك قېرىنداشلىرىم.ئەمىلىيەتتە سىلەرنى چاقىرىپ ھەممەيلەن بىرلىكتە بۇ مەشرەپنى ئۆتكۈزسەك بولاتتى. لېكىن،مەشرەپنىڭ بەزى مەزمۇنلىرى سىلەرگە ماس كەلمەيدۇ.شۇڭا سىلەرنى قوشمىدۇق. قارىمامسىلەر ئەنە،ئاشۇ ئۆيدە يوشۇرۇن ئولتۇرساڭلارمۇ بەزى كۆزى ئىتتىك «ئوۋچى»لار كۆرۈپ ، جازاغىمۇ تەييار بوپبولدى،_ئۇ شۇنداق دەپ ئاشىقجانغا قاراپ قويدى.ئارقىدىنلا:
    _جازا ئىجرا قىلىنسۇن!،_دەپ بۇيرىدى. نەچچىمىز تەڭلا:
     _ياق،ئۇنداق قىلماڭلار،_دەۋەتكىنىمىزنى تۇيمايلا قالدۇق. لېكىن،ئايچىۋەر خانىم:
     _ئۇيغۇر مەشرەپلىرىنىڭ كىشىنى ئەڭ جەلپ قىلىدىغان بىر قىسمى «مەشرەپ جازالىرى » بولۇپ ،مەشرەپنىڭ مۇكەممەل ھالەتتە ساقلىنىپ قېلىپ تاكى زامانىمىزغىچە داۋاملىشىپ كېلىشىنىڭ مۇھىم بىر سەۋەبى مەشرەپ سورۇنىدا ئوينىلىدىغان ،قويۇق دىرامما تۈسىنى ئالغان «مەشرەپ جازالىرى»نىڭ بولغانلىقى سەۋەبىدىندۇر. مەشرەپ جازالىرىنىڭ ئاساسلىق مەقسىتى سورۇندا كۈلكە قوزغاپ مەشرەپ كەيپىياتىنى يۇقىرى كۆتۈرۈش شۇ ئارقىلىق ياشلارنى تەربىيىلەش ،مىللىتىمىزنىڭ ئېسىل ئەخلاق پەزىلەتلىرىنى ياشلارغا ئۆگىتىشتىن ئىبارەت.
مەشرەپ ئىنتىزامى ناھايىتى چىڭ .مەشرەپ جەريانىدا ھەرقانداق كىشىنىڭ مەشرەپ ئىنتىزامىغا شەرتسىز بويسۇنۇشى تەلەپ قىلىنىدۇ ،ئەگەر كىمدە-كىم مەشرەپ قائىدىسىنى بۇزىدىكەن ئۇ كىشى قىلچە يۈز -خاتىرە قىلىنماي جازاغا تارتىلىدۇ،شۇڭا بىز ئارىلاشساق بولمايدۇ،_دەپ چۈشەندۈردى ۋە بىزنى باشلاپ سورۇننىڭ بىر چېتىگە ئۆتتى.
    ئاشىقجانغا بېرىلگەن جازا باشلاندى. ئۇنى يېرىم يالىڭاچ قىلىپ، تامغا قارىتىپ قولىنى كېرىپ تامغا چاپلاشقان ھالەتتە تۇرغۇزۇپ قويدى-دە ، دوغا (ئاشكار) ئاغزىغا سۇ ئېلىپ ئۇنىڭ ئەتراپىدىن پۈركەش ئارقىلىق ئۇنىڭ شۇ تۇرقىنى تامغا چۈشۈرۇۋالدى. بىز ئۇنىڭ تامدىكى«سۈرىتى»نى كۆرۈپ ، ھارغۇچە كۈلدۇق.......

_ئاپا،سۈت،ئاپا سۈت!،_ئوغلۇمنىڭ ئاۋازى بىلەن چۆچۈپ ئەسلىمگە كېلىپ قارىسام،ئوغلۇمنىڭ قېشىدا يېتىپ خىيالغا چۆكۈپ كېتىپتىمەن.سائەتكە قارىسام كېچە سائەت ئىككىدىن ئېشىپتۇ. ۋاي،خۇدا،بايىدىن بېرى ئۇيقۇمنى ئۇخلىماي ھەجەپ كۆپ خىيال سۈرۈپ كېتىپتىمىنا،دىدىم ئۆز-ئۆزۈمگە پىچىرلاپ.

تۈگىدى.

پاھ  !،،،،،،،دىيارىمدا مەشرەپ  تازا قىزىۋېتىپتۇ-دە،،،،،،،،،،،،،،خېلى  قاملاشتۇرۇپ يېزىپسىز جانىم ،،،،،،،،،،،،،ئەتتىگەندە تازا قانغۇچە كۇلىۋاپتىمن ،،،،،،،،،،،،،

    ئەسسالامۇ ئەلەيكۇم تورداشلار:
    بۇ خىلدىكى ئونىۋىرسال تېمىنى بۇندىن كېيىن داۋاملىق يوللاپ تۇرساق دىگەن ئۈمىدتىمەن.شۇنداق بولغاندا ھەر قايسى تورداشلار ئۆز ئالدىغا مەشرەپنى ھەر خىل ئورۇنلاشتۇرۇپ يازالايدۇ ھەم ئالدى-كەينى بولۇپ كۆپلىگەن تورداشلىرىمىز مەشرەپتىكى ئوتتۇز ئوغۇل توققۇز قىز قاتارىدىن ئورۇن ئالالايدۇ.مۇنبەر كەيپىياتىمۇ كۆتۈرۈلۈپ قالىدۇ. شۇنداقلا شۇ تېمىلاردىكى ئىنكاسچىلارمۇ ئۆزلىرى ياقتۇرغان ناخشا،قوشاق،مەسەل،لەتىپە-يۇمۇر،رەسىم،ئۇسۇل.....قاتارلىقلارنى ئىنكاس سۈپىتىدە يوللىسا،خۇددى مەشرەپ سورۇنىدا نومۇر كۆرسەتكەندەك بولىدۇ دەپ قارايمەن.

ۋاي .......ۋۇي گۇزەلخان شۇنداقمۇ ياخشى چۈشلەرنى كۆرۈپسىز ، قوزام  ئاپا  سۈت  سۈت .......دەپ ئويغىتۋەتمىگەن  بولسا چۈشلىرىڭىزنىڭ داۋامنى يەنە  كۆرەركەنسىز  .  دىيارىمدىكى بۇ مەشرەپ راستىنلا بەك ياخشى باشلىنىپتۇ  قىنى  مەشرەپنى داۋاملاشتۇردىغان ئەزىزلەرگە شۇنداق ياخشى سورۇننى  قولدىن بەرمەيلى . ما خىتاپ ئەپەندى بىلەن توتېملا ئاڭلاشلارغا قارغاندا ناخشا - مۇزىكىلارغا بەمۇ  ھىرىسمەن يىگىتلەرمىش . ئۇلارنىڭ نەچچە سورۇنلاردا ناخشىلىرنى ئاڭلاپ قالغان  بەزى قىزلار  ئۇلارنى ئىزدەپ شەمۇ -شە يۈرۇپ ئۇلارنىڭ  ئىز دېرگىنى قىلۋىتىپتۇ ، ئاڭلاشلارغا قارغاندا شۇ خاپچىلىقتىن قىچىپ   خىتاپ ئەپەندى ئىچكىر ئۆلكىلەردە   سەرگەردان بولۇپ يۈرۈپ ئەمدىدىلا قايتىپ كىلىپ ئۆيدىن سىرتلارغا چىقالماپتۇ دەپ ئاڭلىدىم . ئۇلارمۇ ناۋا ئەپەندىگە قوشلۇپ مەشرەپ كەيپىياتىنى  كۆتۈرسە ياخشى بولاتتى .