ئىسلامى مۇھەببەت مەكتوبى
ئەسسلامۇ ئەلەيكۇم ، تورداشلار!
مەن بىر كۈنى بازار ئايلىنىپ كىتىۋىتىپ دۇختۇرخانىغا ئايىنلىدىغان دۇقمۇشتىن بىر پارچە شىنجاڭ مەدەنىيىتى ژۇرنىلىنى تېپىۋالدىم، ئىشلىرىمنى تۈگۈتۈپ ئۆيگە كىلىپ قارىسام مەن ئۇقۇپ بولغان ژۇرنال ئىكەن لىكىن ئىچىدىن بىر كۇنۋېرت چىقتى ئاغزى ئۇچۇق ، ئىچىدە بىرنەچچە بەت خەت بار ئىكەن ، قانداقتۇ بىر خىل قىزىقىشنىڭ تۆرتكىسىدە خەتنى بىر قىتىم ئۇقۇپ چىقىپ قارىسام بۇ بىر يىگىتنىڭ مۇھەببەت تەلەپ خىتى ئىكەن، بۇ مەن كىتاپ-ژۇرنال-گىزىتلەردە كۆرگەن ۋە ئۆزەم يېزىپ باققان مۇھەببەت تەلەپ خەتلىرىگە پەقەت ئۇخشىمايۋاتاتتى شۇڭا يەنە بىرنەچچە قىتىم ئۇقۇپ چىقتىم ، ژۇرنالدا كۇنۋېرتتا ۋە ياكى بۇ خەتتە ئادرىس يوق يىگىت بىلەن قىزنىڭ ئىسمىنىلا بىلگىلى بۇلاتتى ، مەن ژۇرنال بىلەن خەتنى ئىگىسىگە تاپشۇرۇپ بېرەي دەپ سۈرۈشتۈرگەن بولساممۇ تاپالمىدىم بۇخەتنى ئىسىمسىز ھالەتتە يېزىپ تورغا يوللىسام خەت بىلەن ئىگىسى تىپىشىپ قالار دىگەن ئۈمىتتە تىما يازدىم (ھىلقى يىگىت تور غا چىقىپ قالسا ئەجەپ ئەمەس ) خەت ئەسلى نۇسخىسى تۈۋەندىكىچە :
ناھايتى شەپقەتلىك ۋە مېھرىبان اللە نىڭ ئىسمى بىلەن باشلايمەن .
ئەسسالامۇ ئەلەيكۇم @@@@@ :
ياخشىمۇسىز ؟ قانداق ئەھۋالىڭىز ؟ ئوبدان تۇرىۋاتقانسىز ؟ ئۆي ئىچى تېنچلىقتۇ ؟
مەن سىز بىلەن بىر قانچە تۈرلۈك ئىشلار تۇغرىسىدا سۆزلىشىپ باقماقچى ئىدىم ، يۈزمۇ-يۈز تۇرۇپ سۆزلەشسەكمۇ بولماقچىتى شۇنداقتىمۇ خەت ئارقىلىق سۆزلىشىشنى يەنىلا مۇۋاپىق كۆردۈم يۈز كۆرۈشكەندە دىمەكچى بولغان بەزى بىر ئىشلار ئادەمنىڭ كاللىسىدىن چىقىپ كىتىدىكەن ، خىتىمنى تەپسىلى كۆرسىڭىز مىنىڭ قايسى ئىشلارنى دىمەكچى ئىكەنلىگىمنى تۇلۇق بىلىسىز ،
مەن ئاغىنىلىرىمنىڭ كۈچلۈك دەۋىتى ۋە ئۆزەمنىڭ قۇرئاننىڭ تەرجىمىسىنى ۋە باشقا ماتىرىياللارنى كۆرۈش ،ئۆزىمىزدىكى ۋە ئەتراپى ئالەمدىكى شەيئى –ھادىسىلەرنى كۈزىتىش تەپەككۈر قىلىش ئارقىلىق اللە نىڭ رەھمىتى بىلەن ئىسلام ھەقىقىتىنى تۇنۇپ ھەقىقى بىر مۇسۇلماننىڭ يۇلىغا ماڭغان ئىدىم ، مەن شۇ جەرياندا ئۆزەمگە تۈۋەندىكىدەك سۇئاللارنى قويدۇم 1. مەن قەيەردىن كەلدىم ؟ 2. نىمە ئۈچۈن ياشايمەن ؟ 3. ئاخىرى قەيەرگە كىتىمەن ؟ 4. كائىنات قانداق پەيدا بولغان ؟ 5. اللە راستتىنلا بارمۇ ؟ ......دىگەندەك بىر قاتار سۇئاللار تۇغرىسىدا كۆپ ئىزدىنىپ جاۋاپ تاپتىم ۋە شۇ ئاساستا ھەقىقەتنى تۇنۇدۇم .
مەن شۇنداق قارايمەنكى ، اللە ھەقىقەتەن بىر ۋە بار ، بۇنىڭغا پاكىت – دەلىل سۆزلەش ھاجەتسىز چۈنكى بىز ئۆزىمىزگە ۋە ئەتراپىمىزدىكى جانلىق – جانسىز شەيئىلەرگە دىققەت بىلەن قارىساق ۋە ئۇلارنىڭ پەيدا بۇلۇش ، مەۋجوت بۇلۇپ تۇرۇش ، تەرەققى قىلىش ، يۇقىلىش جەريانى تۇغرىسىدا ئوبدان ئويلانساق اللە نىڭ بىر ۋە بارلىغىنى ھەقىقەتەن تۇنۇيالايمىز ، ئەمما جەمئىيىتىمىزدە نۇرغۇنلىغان كىشىلەر اللە نى ئىنكار قىلماقتا شۇڭا شۇنداقلارغا ئۆزى ئىتراپ قىلىدىغان ئىلىم-پەن نۇقتىسىدا تۇرۇپ اللە نىڭ بىر ۋە بارلىغىنى ئىسپاتلاپ بېرىشكە تۇغرا كىلىۋاتىدۇ .
فىزىكىدىكى نىيوتون ھەركەت قانونىدا شۇنداق دىيىلگەن < جىسىم سېرتقى كۈچنىڭ تەسىرىگە ئۇچرىغاندا ئاندىن ھەركەت قىلىدۇ ، سېرتقى كۈچنىڭ تەسىرىگە ئۇچرىمىسا جىملىق ھالىتىنى ساقلايدۇ > بۇنى دۇنيا ئلىم-پەن ساھەسى ئىتراپ قىلىدۇ ، شۇنىڭغا ئۇخشىغان سامانيۇلى سېستىمىسىدىكى جىمى سەييا رىلەر ۋە يەر شارىمۇ ئۆز ئۇقىدا ۋە ئوربىتىسىدا تۇختىماي ئايلىنىپ تۇرىدۇ ، ئۇنداقتا ئۇلارنى ھەركەتلەندۈرۈۋاتقان كۈچ نەدىن كەلگەن ؟ نىيوتون ھەركەت قانونىغا ئاساسلىنىپ تۇرۇپ بۇنىڭدىن شۇنى كۆرىۋېلىشقا بۇلىدۇكى ئاشۇ سەييارىلەرنى تەرتىپلىك ، رىتىملىق ئايلاندۇرىۋاتقان غايەت زور كۈچنىڭ مەۋجوتلىغىنى بۇ كۈچنىڭ چەكسىز قۇدرەت ئىگىسى اللە تەرەپىدىن كەلگەنلىگىنى ، شۇڭا اللە نىڭ ھەقىقەتەن بىر ۋە بارلىغىنى كۆرىۋىلىشقا بۇلىدۇ .
يەنە بىر ئاددى مىسال ئالساق ، چايدان ھەرقانداق بىر ئائىلىدىن تېپىلىدۇ ، ئەقلى – ھۇشى جايىدا بولغان ھەرقانداق بىر ئادەم ئاشۇ چايداننى چۇقۇم بىر چايدان زاۋۇدى ياسىغان دەپ ئىشىنىدۇ ، ئۆزلىگىدىن پەيدا بۇلۇپ قالدى دىسە قەتئى ئىشەنمەيدۇ ، ئاددى بىر چايداننىڭ ياسىغۇچىسى بارلىقىغا ئىشەنگەن يەردە چايداندىن نەچچە يۈز مىليون ھەسسە مۇرەككەپ بولغان قۇياش ، يەرشارى ، ئاي ۋە باشقا سەييارىلەر ، جانلىق – جانسىز شەيئىلەرنىڭ ياسىغۇچىسى بارلىقىغا نىمشقا ئىشەنمىگۈدەكمىز ، نەتىجە شۇكى ؛ پۈتۈن كائىناتنى جانلىق – جانسىز شەيئىلەرنى يارتقان ۋە باشقۇرۇپ تۇرىۋاتقان چەكسىز قۇدرەتكە ئىگە بىر ئىلاھ يەنى اللە ھەقىقەتەن بار .
بۇتۇغرىسىدا مەن مۇشۇنچىلىك سۆزلەي ، دەپ كەلسەك ئىلىم- پەن قانچە تەرەققى قىلغانسىرى اللە نىڭ بىر ۋە بارلىغىنىڭ دەلىللىرى شۇنچە روشەنلىشپ بارىدۇ ، پاكىت بەك كۆپ ، بۇنىڭغا سىزمۇ پاكىت ، مەنمۇ پاكىت ، يەرمۇ ، ئاسمانمۇ ، سۇمۇ ، ئوتمۇ ، تاش- تۇپراقمۇ ..... جىمى جانلىق – جانسىز شەيئىلەر ھەممىسى پاكىت ، دىمەك اللە ھەقىقەتەن بىر ۋە بار .
ئىماننىڭ ئاساسى اللە نىڭ بىر ۋە بارلىغىدىن يەنى اللە نىڭ بىر ۋە بارلىغىغا ئىشىنىشتىن باشلىنىدۇ ، اللە نىڭ بىر ۋە بارلىغىغا چىن يۈرىگىدىن ئىشەنگەن ئادەم اللە نىڭ بىزگە بۇيرىغانلىرىنى بىرىنىمۇ قويماي ھېچنىمىگە پەرۋا قىلماي ئورۇندايدۇ ، اللە نىڭ تۇسىغانلىرىدىن بولسا ھەم شۇنداق كەسكىن يانىدۇ .
شۇنىڭغا ھەممە ئادەم ئىشىنىدۇكى ، ئادەمنى ئادەمدىكى روھ باشقۇرىدۇ ، بۇ تۇغرىسىدا شىنجاڭ ياشلىرى 2001-يىللىق 3-سان ژۇرنالدىكى بىر ماقالىدە شۇنداق دىيىلگەن <ئادەمدە ساغلام روھ بولمىسا بولمايدۇ ، ساغلام روھ بولمىسا ساغلام تەنمۇ بولمايدۇ ، ساغلام دۇرۇس ئەقىدىدىن ، ساغلام روھتىن مەھروم قالغان تەن گەرچە پۇت-قۇلى قانچىلىك چاققان ، ئاۋازى قانچىلىك يۇقىرى بۇلىشىدىن قەتئىنەزەر ، ئۇنىڭ نەتىجىسى ھامان بىر دەملىك ، نىسپى بۇلىدۇ .> دىمەك ساغلام روھى ھالەت ئىنسان ئۈچۈن ئىنتايىن مۇھىم ، ئەڭ تۇغرا ، ئەڭ ساغلام ، ئەڭ مۇكەممەل بولغان روھى ھالەت ئىسلام يەنى قۇرئان روھى ، ئىسلام ئەقىدىسىدىن ئىبارەتتور .
قۇرئاننىڭ روھى ئاستىدىكى ھايات ، تىتىمىغان ئادەم بىلمەيدىغان زور نىئمەت ، ئۇ ئۈمۈرنى يۈكسەكلىككە ئىگە قىلىپ ئۇنى پاكلايدۇ ۋە ئۇنىڭغا بەركەت بېرىدۇ .
دىئالىكتىك قانونىيەت نۇقتىسىدىن قارىغاندىمۇ ئىسلام دۇنيا قارىشى ھەقىقەتنى ئۆزىدە دائىم نامايەن قىلىپ تۇرىدۇ ، مەن بۇيەردە مىسال كەلتۈرۈپ ئولتۇرمىساممۇ ئىسلام پىرىنسىپلىرى ئىنسانلارنى ئەمەل قىلىشقا بۇيرىغان ئۇششاق كۆزگە كۆرۈنمەس ئىشلارنىڭمۇ ھەقىقەتەن تۇغرا ، ئىنسانلارنىڭ دۇنيا ۋە ئاخىرەتلىك مەنپەئەتىگە ئۇيغۇن ئكەنلىگى ئىلىم-پەن ساھەسى تەرەپىدىن ئارقا – ئارقىدىن ئىسپاتلانماقتا .
شۇڭا بىز ھاياتى دۇنيادا ئايەت-ھەدىسلەرنىڭ روھى بۇيىچە ياشىساق ھەرگىز زىيان تارتمايمىز دۇنيا ۋە ئاخىرەتتە بەخت-سائادەتكە ئېرىشىمىز ، ئايەت-ھەدىسلەرنىڭ روھىغا ئەمەل قىلغانلارغا دۇنيا ۋە ئاخىرەتتە بەخت-سائادەت ئاتا قىلىدىغانلىغى تۇغرىسىدا اللە نىڭ قۇرئان –كەرىمدە ئۇچۇق ۋەدىلىرى بار .
مەن 2000-يىلى يازدا ئۈرۈمچىدە سىز بىلەن تاسادىپى ئۇچرىشىپ قىلىپ سۆھبەتلىشىش جەريانىدا ئىسلام دىنىمىز تۇغرىسىدا بىردەك پىكىردە ئىكەنلىگىمىزدىن ناھايتى خۇشال بولغان ئىدىم چۈنكى مىنىڭ ساۋاقداشلىرىم ئىچىدىن ھەقىقەتنى كۆرىدىغان قەلىبكە ئىگە بىرسى يەنى (بىر قىز بالا تۇرۇپ ) سىز چىققانلىغىڭىز مىنى تىل بىلەن تەسۋېرلىگۈسىز ھاياجانلاندۇرغان ئىدى چۈنكى ھازىرقى شارائىتتا بىزنىڭ مۇسۇلمانلار جەمئىيىتىمىز سىزگە ئۇخشاش سانائەت كەسپىدە ئۇقىغان ئىنگىلىز تىلى ۋە كومپىيوتىر بىلىدىغان كۆپ ئىقتىدارلىق ئالى مەلوماتقا ئىگە بىلىم ئىگىلىرىگە قاتتىق تەشنا ، بۇلۇپمۇ قىزلارنىڭ ئويغىنىشىغا تېخىمۇ شۇنداق ، بۈگۈنكى قىزلار ئەتىكى ئانىلاردىن ئبارەت ، بۇ ھەممىگە ئىنىق، < ئىسلا مى جەمئىيەتنىڭ ئىستىقبالى ئانا بولغۇچىلارنىڭ قۇلىدا >، < قىزلار مېھرىبان ،سەمىمى ، ئاق كۈڭۈل ، رەھىمدىل ، كىشىگە ئىللىقلىق ۋە خۇشاللىق تەغدىم قىلىدىغان خانىملار ، شۇنداقلا ۋوجودىدىن ياخشىلىق يېغىپ تۇرىدىغان ئانىلاردور ، يەنە ئۇلار ياراملىق ئەۋلاتلارنى تەربىيلەپ چىقىشتىكى ھەقىقى مەكتەپتور .> .
يەنە بىر ئىش ، بەلكىم سىزمۇ سەزگەن بۇلىشىڭىز مۇمكىن ، تۇلۇقتا ئۇقىۋاتقان ۋاقىتلاردىن باشلاپلا مەن سىزگە قىزىقاتتىم ۋە ھۆرمەت قىلاتتىم ، تۇلۇقنى پۈتتۈرۈپ سىز ئالى مەكتەپكە چىققاندىن كىيىن مىنىڭ سىزگە بولغان قىزىقىشىم ۋە ھۆرمىتىم تېخىمۇ كۈچەيدى ، مۇشۇ <قىزىقىش ۋە ھۆرمەت قىلىش > ھېسياتىمنىڭ بۈگۈنكى كۈنگە كەلگەندە <ياخشى كۆرۈپ قىلىش >ھېسياتىغا ئالماشقانلىغىنى ئىتراپ قىلماي تۇرالمىدىم ، بۇلۇپمۇ ئىسلام دىنىمىز تۇغرىسىدىكى قاراشلىرىمىزنىڭ بىر يەردىن چىقىپ قىلىشى مىنىڭ <ياخشى كۆرۈپ قىلىش > ھېسياتىمنى تېخىمۇ كۈچەيتتى ، ئىسلام دىنىمىزدا توي قىلغۇچىنىڭ جۆرىسىدىن ئىزدەيدىغان ئەڭ ئاۋۋالقى نەرسىسى ئمان يەنى ئىنساپ-دىيانەت ، تەۋپىق-ھىدايەت بۇلىشى لازىملىغى كۆرسىتىلگەن ، يەنە ئەر-ئاياللار ئۇتتۇرسىدىكى بەخت-سائادەتنىڭ مۇھىم ئاساسلىرىدىن بىرى ئەر-ئايال ئىككىسىنىڭ ئىدىيە – ئىستەك بىرلىگىدىن ئىبارەتتور .
بۇنىڭدىن كىيىنكى ھاياتىمدا ئىسلامىيەتنىڭ تۇرمۇش شەكلى بۇيىچە ياشايمەن دىگىنىڭىز –تۇرمۇشۇمدىكى ھەر قانداق بىر ئىشتا ئايەت-ھەدىسنىڭ ھۈكۈمى بۇيىچە ھۈكۈم قىلىمەن ۋە شۇ بۇيىچە ئىش بىجىرىمەن دىگەندىن ئىبارەت بۇلىدۇ ، ئەڭ ئالى ئىستىگىڭىز مۇشۇ دۇنيادا اللە رازى بۇلىدىغان ئىش-ئەمەللەر بىلەن شوغۇللۇنۇپ اللە رازىلىقىغا ئېرىشىپ دۇنيا ۋە ئاخىرەتتە اللە نىڭ رەھمەت قىلىشىغا مۇيەسسەر بۇلۇشتىن ئىبارەت بۇلىدۇ ، روھىڭىز ، ئىدىيە – ئىستىكىڭىز شۇنداق بولسا مىنىڭ كۈڭلۈمدىكىدەك يەنى ئەقلى ، ئەخلاقى ، جىسمانى ، گۈزەللىك ۋە ئىتىقاد جەھەتلەردە ماڭا ماس كەلگەن ، بۇنىڭدىن كىيىنكى اللە نىڭ رازىلىقىغا ئېرىشىش يۇلىدىكى جاپا- مۇشەققەت ، ھوزور – ھالاۋەتتە مۈرىنى-مۈرىگە تىرەپ ئىلگىرىلەشتە بىر-بىرىمىزگە ئەڭ ياخشى ھەمرا بولغۇدەكمىز دىگەن ئۈمىتتە بۇ تەلىپىمنى سىزگە قويدۇم .
مەن سىزنىڭ ، مەن ئۇتتۇرغا قويغان ئمان ، ئىسلام ، ئائىلە- نىكاھ ئىشلىرى تۇغرىسىدىكى چۈشەنچە ۋە قارارلىرىڭىزنىڭ قانداق ئىكەنلىگىنى ، بۇنىڭدىن كىيىنكى تۇرمۇشىڭىزنى قانداق ئورۇنلاشتۇرۇش پىلانىڭىز ۋە لايىق تاللاشتىكى شەرتلىرىڭىزنى تازا دىگەندەك بىلىپ كەتمىسەممۇ تەۋەككۈلچىلىك قەدىمىنى يۈرەكلىك ھالدا تاشلىدىم ، يۇقارقى مەسلىلەر تۇغرىسىدىكى ئوي-پىكرىڭىزنى بىر ئاڭلاپ باققۇم بار ئىدى ، شۇڭا يۈرەك باغرىمنى ئالدىڭىزغا تۈكۈپلىۋەتتىم ، مەندىكى يۈرەكنىڭ اللە رازىلىغى ئۈچۈن سوقىدىغان يۈرەك ئىكەنلىگىنى كۆرۈپ يەتكەنسىز بەلكىم ، ھازىر مەن سىزنىڭ يۈرىكىڭىزنىڭ زادى نىمە ئۈچۈن سوقىدىغانلىغىنى تاقەتسىزلىك بىلەن بىلگۈم بار ۋە مىنىڭ تەلىۋىمگە قانداق قارايدىغانلىغىڭىزنى ھەم بىلگۈم بار .
دەپ ، ھۆرمەت بىلەن :
#######
خەيرىخوش ، اللە ھەممىمىزنى ئامان قىلسۇن !
[ بۇ يازما totem تەرپىدىن2008-11-24 02:40 AMدە قايتا ]
يېڭى يازمىلىق سەھىپە 
ئادەتتىكى سەھىپە 
مەخپىي سەھىپە 
