ھېكايىڭىزنى ياخشى باشلاپسىز ، ھەم نەتىجىلىك ئاياغلىشىغا ئىشىنىمەن .
ھېكايىڭىزنىڭ ئارقىسىنى كۈتىمەن !

بەلەن ھىكايىكەن داۋامى قاچان يوللىنىدۇ

ئەسسالامۇ ئەلەيكۇم مىھرىگىياھ،بۇ ھېكايىنى تولىمۇ ئوبدان باشلاپسىز.داۋامىغا ئىنتىزارمىز.

ئاپتور ئۆزىڭىزمۇ؟ مەن داۋامىنى ئوقۇپ بولۇپ بىر نىمە دېسەم قانداق؟

بەك ياخشىكەن ،ئاخىرىنى تىزراق يوللىسىڭىز ،بەكلا ئوقۇغۇم كىلىپ كەتتى ،ئاخىرى قانداق بولار ؟.......

ھېكايىڭىزنى ياخشى باشلاپسىز ، ھەم نەتىجىلىك ئاياغلىشىغا ئىشىنىمەن . رەخمەت سىزگە

(داۋامى )
مانا ھازىر سالام تازلىق ئەترىتىنىڭ غوللۇق ئىشچىسى ، ھەر يىلى ئىلغار تازلىق ئىشچىسى بولۇپ مۇكاپاتلىنىدۇ.رەھبەرلەرمۇ ، خىزمەتداشلارمۇ ئورتا بوي ، بۇغداي ئۆڭ ، كەڭ پىشانىلىك ، مۇسكۇللىرى بۆرتۆپ چىققان ، مىجەزى ئېغىر - بېسىق بۇ يىگىتنى ياخشى كۆرىدۇ. پەقەت ئۇنىڭدىن ئىلگىرىكى ئىككى خوتونلا رازى ئەمەس.
كۈنلەر ئۆتىۋەردى . قەھرىتان قىش پۈتۈن جاھاننى ئاق لىباسقا ئورىدى. ئۇلارنىڭ ۋەزىپىسى ياز ئايلىرىدىكىدىن بىر ئاز يىنىك بولسىمۇ، ھەر كۈنى ئەتىگىنى كونا ماشىنىلارنى قوزغاپ مېڭىش بىر مۇشكۇل ئىش ئىدى. ئەخلەت باسقۇچىمۇ قول -پۈتلىرى توڭلاپ ، ئۇيۇشۇپ كىتەتتى . مېڭ قېتىملاپ تەشۋىق -تەربىيە قىلىنغان بولسىمۇ ، بۆشۆكىدىنلا تەلىم - تەربىيە بىلەن چوڭ بولغان ، ئامما مەنىۋى ئەمگەكلەرنىڭ ئەللەيلىشىدە ، پۇت - قوللىرى ھورونلىشىپ جىسمانىي ئەمگەكنىڭ گۈزەللىكى ، قەدىر - قىممىتى ، تونوشى ، يېزا -سەھرالاردىكى شۇنچە كۆپ غەلدە - غەشلەر ئارىسىدىمۇ ، ئائىلە ، ھويلا - ئاراملىرىنى چىنىدەك پارقىتىۋىتىدىغان بوۋاي - مومايلىرىمىزنىڭكىدىن بەسى تۆۋەن ئىدى. ...
ئەنە سالام ئەخلىتىنى بىر كۈن كەچكىچە توشۇپمۇ ، تازىلىتىپمۇ تۈگىتەلمەيدىغان ئىگىز بىنالاردا ئولتورىدىغان بۇ شەھەردىكى ئەڭ نوچى كاتتا باشلاردۇر . تېخى نەمۇنىچى ئىشچى - خىزمەتچىلەر .....ئەجىبا كۆپ - كۆك چىملىقلاردا ، دەل -دەرەخلەرنىڭ ئۇچىلىرىدا ، ئېلىكتىر سىملىرىدا لەپەڭلشىپ ، سولياۋ خالتىلاردىن چېچىلىپ تۇرغان نەرسىلەر غەلدە - غەشلا ئەمەس ....سىز بۇ ھەقتە ئوبدان پىكىر - تەلەپلەرنى باستۇرۇپ ئاھالە - كومىتىت خادىملىرىنىڭ ئۆيمۇ - ئۆي كىرىپ تارقىتىۋاتقانلىقىنى كۆرۆپ تۇرىسىز . بىراق كىشىلەر ئۆز ئېڭىدا :<مەن تازلىق پۇلى تۆلەۋاتىمەن ، مەن تاشلىسام بەرىبىر باشقىلار تاشلاۋىرىدۇ. ..>دېگەن ئويلاردا بولىشىدۇ.
سالام زەردە بىلەن جوتونى مۇزغا كۈچەپ ئۇراتتى . مۇز پارچىلىرى يۈزلىرىگە چاچراپ ، سېسىق يۈندا بولۇپ ئاقاتتى. ...
بىر چاغدا جوتونىڭ ؛ئۇچىغا بىر نەرسە ئىلىنىپ چىقتى . سەپسىلىپ قارىۋىدى . يوغان بىر قارا مۇشۇكنىڭ چىرىپ كەتكەن ئۆلۇكى بولۇپ، جوتۇ ئۇنىڭ قورسىقىنى چۇۋۇۋەتكەن ئىدى....
بۇنداق ئىشلار ئەخلەتچى بالىلارغا پات -پات ئۇچراپ تۇرىدۇ. ھەتتا بەزى ئىنسان قىلىپىدىن چىققانلار يېڭىلا تۇغۇلغان قىز بۇۋاقنى چاناپ ، سۇلياۋ خالتىغا قاچىلاپ ئەخلەتخانىغا تاشلىۋىتىدۇ . بۇ ئىشلاردىن كۆڭلىنىڭ يېرىم بولغانلىقى ، قانداق ئويلارغا كەلگەنلىكىنى بىرسىگە سۆزلەپ تۈگىتىپ بولغىلى بولامدۇ . توغرىسى ئۇلار بۇنداق ئىشلار توغرىسىدا دەرقەمدە سۆزلەپ ئولتوروشنىمۇ خالىمايدۇ.
باھار كەلدى . ئۇ ئۆز رەنالىقى بىلەن كۆڭۆللەرگە شادىيانىلىق ، تەبىئەتكە ناۋا ئاتا قىلماقتا ئىدى.
ياشلىق قۇۋۋىتى ئۇرغۇپ تۇرغان سالام ئۆز تەۋەسىدىكى قېزىلكۆرۇك ئاھالە كومىتىتىنىڭ ئەخلەتخانىسىغا باردى. ئەخلەت مەيدانىنى پاكىز تازىلاپ ، ئەخلەتلەرنى قورودىن چىقارماسلىق ھەققىدە كۆپ تەشۋىقات يۈرگۈزۈلگەن بولسىمۇ بۇ جايدا يەنىلا ئەگىز ئايلىرىدىكى پاتقاقچىلىق ۋە مەينەتچىلىكلەر تۈپەيلى پۇت - قويغىدەك پاكىز يەر تېپىلمايتتى .
سالام چۈشكىچە بۇ يەردە ئەخلەت باستى . بەللىرى ، قوللىرى تالدى. چارچىدى. قايتاشىدا ئۇسسۇزلۇق ئېچىۋىلىش ئۈچۈن ئاھالە كومىتىتىغا كىرىدى . ئىشخانا ئاددى ئەمما رەتلىك ، پاكىز ئىدى.
ئىشخانىغا ئىككى خىزمەت ئۈستىلى ، ئىشكاپ ، كىتاپ جازىسى ، بىر يۈرۈش كىرسلو ، گېزىت تاختىسى قاتارلىقلار قويۇلغان بولۇپ تاملارغا تۈرلۈك كۆرسەتكۈچلەر ، تەقدىرنامىلەر، لەۋھە ۋە ھۆكىمەت ئىشىدا ئاشكارا بولۇش جەدىۋىلى قاتارلىقلار چاپلانغان ئىدى.
ئاھالە كومىتىت مۇدىرى ۋە كاتىپى ياش ئاياللار بولۇپ، سالامنى كۆرۈپ ، ئۇنى ئولتۇرۇشقا تەكلىپ قىلدى ۋە ئۇسسۇزلۇق قۇيۇپ بەردى. شۇ ئەسنادا 21-22ياشلار چامىسىدىكى ئوماققىنە بىر قىز كىرىپ كەلدى . قىزنىڭ قولىدا بىر دەستە كىتاب تۇراتتى.
-گۈلنىھالدە ،-دېدى قىز كۈلۇمسىرەپ ،-تۈنۈگۇن مەدەنىيەت ئۆيۇڭلارغا كىتاب ئىئانە قىلىشنى تەشۋىق قىلغان ئىدىڭلار . سىلەر كەتكەندىن كىيىن ئۆزەمنىڭ ئوقۇۋاتقان چاغلىرىمدا يىغقان بىر قىسىم ياخشى كىتابلىرىمنى ئىئانە قىلىشنى توغرا تاپتىم . ئاز بولسىمۇ قوبۇل قىلارسىلەر ....
-رەھمەت سىڭىلم ، بەك ياخشى قىلدىڭىز ....
ئاھالە كومېتىت مۇدىرى ۋە باشقىلارمۇ ھاياجانلاندى .قىز كۈلۇمسىرەپ قويۇپ چىقىپ كەتتى. بىراق قىزنىڭ بۇغداي ئۆڭ چىرايىغا ئالاھىدە ھۆسىن قوشۇپ تۇرغان چولپان كۆزلىرى ، يەلكىسىدە يىيىلىپ تۇرغان قاپقارا چاچلىرى ، بولۇپمۇ ئاشۇ ئۇنتۇلغۇسىز تەبەسسۇمى سالامنىڭ يۈرىكىگە ئورناپ قالدى.
مەن كىم، ئۇ كىم ؟ ئۇ - تىخى بىر ئېچىلمىغان غۇنچە . بىراق ئۇنىڭدا يەنىلا ئۆزىگە بويسۇنمىغان ھالدا ئۆزگۇرۇش يۈز بېرىۋەردى . ساقال -بۇرۇتىنى بۇرۇنقىدىن پاكىز ئېلىپ ، رەتلىك يۈرىدىغان ، ھېچكىم ئەخلىتىنى ئېلىشنى خالىمايدىغان بۇ كوچىلارغا ئۆزى تەلەپ قىلىپ كېلىدىغان ، بۇ كوچىنى ئۇيغۇر خەلقىنىڭ ئەڭ گۈزەل ناخشىلىرى بىلەن كۈيلەيدىغان بولۇپ قالدى. نېمىشقىدۇر شۇ سىرلىق تەبەسسۇمنى كۆرۆش ئۈچۈن ئاھالە كومىتىتى ئىشخانىسىغا كۆپ كىرىدىغان بولدى.
قىز بۇ قتېىم باشقا جايدا يەنى ئەخلەت بېسىۋاتقان مەيداندا ئۇچراپ قالدى. قىز بىر قۇچاق پاخالنى كۆتۇرۇپ ماشىنىغا تاشلىدى. سالام قىزغا كۈلۇمسىرەپ قارىدى . قىزمۇ ئۇنىڭغا جاۋابەن كۈلۈپ قويدى. بۇ قاراش ۋە كۈلكىلەر شۇ قەدەر تەبىئى ۋە يېقىملىق ئىدىكى خۇددى ئۆز ئاكىسىدىن قېرىندىشىدىن زوقلىنىۋاتقاندەك مۇھەببەت تېمىپ تۇراتتى . سالام سەل جۈرئەتلىنىپ سورىدى.
- سىڭلىم ، ئۆيۇڭلار مۇشۇ ئەتراپتىمۇ ؟
- ھەئە ، ئاۋۇ قىزىل دەرۋازىلىق ھويلا .
قىز ئەخلەت مەيدانىدىن يۈز مېتىرچە يىراقتىكى كىچىك بىر دەرۋازىنى كۆرسەتتى . سالام دەم ئىلىش بانىسىدا قىز بىلەن خېلى پاراڭلىشىۋالدى.
-ئىسمىڭىز نېمىكىن ؟
- مېھرىگۇل ، ئۆزىڭىزنىڭچۇ ؟
- ئابدۇسالام ، بىراق خەقلەر سالام دەپ چاقىرىدۇ .
قىز كۈلدى .
-مەن سىزنى قانداق ئاتىسام بولار ؟
-سالام دەۋىرىڭ . ئۆزەممۇ كۆنۈپ قاپتىمەن .
- سالامكا ، ئىشڭىز جاپالىقكەن . ئەگەر بۇ يەرگىمۇ چوڭ كوچىلاردەك يوغان ئەخلەت تۇڭلىرىنى قويىۋەتكەن بولسا ، ئەخلەت توشۇش ئىشلىرىمۇ ماشىنلىشىپ كەتكەن بولسا قانداق ياخشى بولاتتى -ھە ؟
- ئۇغۇ شۇنداق بولاتتى ، بىراق بىزدەك قارا قورساقلار ئىشسىز قالىدىغان گەپ -تە ،
- قىزىق گەپ قىلىدىكەنسىز ئاكا ، مېنىڭچە سىزدەك بېجىرىم ئادەملەر باشقا ئىشلارنىمۇ قىلالايدۇ .
-رەھمەت ، مېھرىگۇل . شۈنچىلىك دەپ كۆڭلۇمنى كۆتۇرۇپ قويدىڭىز .
سالامكا ، سىز ئوقۇغانمۇ ؟
- تولۇقسىز ئوتتورىدا توختاپ قالغان .....سىزچۇ ؟
-مەن تولۇق ئوتتورىنى پۈتتۈرۇپ ، ئالىي مەكتەپكە ئۆتەلمىدىم . مانا ئۈچ يىل بولاي دېدى . ئۆينىڭ ئىشىنى قىلىپ بىكار يۈرىمەن .....
سالام ھەر قېتىم ئەخلەت باسقىلى كەلگەندە قىزنىڭ يولىغا تەلمۈرەتتى . ئۇزۇن ئۆتمەي قىزمۇ سالامنىڭ ئەخلەت ماشىنىسى ئەتراپىدا پەيدا بولاتتى . سالامنىڭ قەلبى ھاياجان ۋە تەرەپبال ھودوقۇشتىن لەرزىگە كېلەتتى . بىراق ئۇلارنىڭ سۆھبەتلىرى يەنىلا شۇنچىلىك راۋان ، كۈلكە - چاقچاقلىرى يەنىلا شۇنچىلىك ئەركىن ۋە شادىيانە ئىدى.
ئاجايىپ كامالەت ۋە سۆيگۇ سېھرىگە تولغان كۈز كۈنلىرىنىڭ بىرىدە ئۇلارنىڭ سۆھبىتى تولىمۇ نازۇك ۋە يۈكسەك پەللىگە چىقتى .
-مېھرىگۇل بىر ئىشنى سورىسام رەنجىپ قالماسسىز -ھە !
-ياق ، سوراۋىرىڭ ،-دېدى قىز پەرۋاسىز كۈلۈپ ،
-يۈرگەن يېگىتىڭىز يوقتو - ھە ؟
قىز بىردىنلا ھۆپپىدە قىزىرىپ ، ئۈنى ئىچىگە چۈشۈپ خېلىدىن كېيىن تەمكىن ھالدا جاۋاب بەردى.
- بۇرۇن بار ئىدى، ھازىر يوق .
سالام بىردىنلا قىزنىڭ يىگىتىدىن ئايرىلىپ قالغانلىقىنى پەملىدى . نېمىشقىدۇر قەلبىنى زەھەرخەندە خۇشلۇق لەرزىگە سالدى.
-مېھرىگۇل ،ئىككىمىز ئارىلىشىپ ئۆتسەك قانداق ؟
بۇ سۆز قىزغا تۇلۇمدىن توقماق چىققاندەك قىزىقارلىق تۇيۇلدى. قىز پىخىلداپ كۈلدى. كېيىن چاڭىلداپ قاقاقلاپ كۈلۈپ كەتتى . سالام خىجىل بولۇپ، قاياققا قارىۋىلىشىنى بىلمەي ، قىزغا چەكچىيىپلا تۇرۇپ قالدى. بىراق قىزنىڭ بۇ شوخ كۈلكىسىگە بىر تۈرلۈك ئىلاجسىزلىق ۋە چىنلىقنىڭ ئارىلىشىپ كەتكەنلىكىنى سېزەلىدى.
-قىزىق جۇمۇ سىز سالامكا ، نەچچە ئۆيلەنگەن تۇرۇپ دەۋاتقان گېپىڭىزنى . تولا چاقچاق قىلماڭە .
ئەمما بۇ سۆزلەر سالامنى خىجىللىقتىن ئازات قىلدى. ناۋادا قىز ئۇنىڭغا <ۋىيەي نىمە دەيدىغانسىز ؟مەن ئەمدى ئەخلەتچى بىلەن توي قىلىمەنمۇ ؟>دېگەن بولسا ، ئۇ راستىنلا ئالدى - ئارقىسىغا قارىماي كىتىپ قالغان بولاتتى .
-چاقچاق قىلمىدىم مېھرىگۇل ،-دېدى سالام ئېسىگە كەلگەندەك بولۇپ ھەم دۇدۇقلىغان ھەم كەسكىن ھالەتتە ،-سىزگە كۆڭلۇمدىكى گەپنى قىلىۋاتىمەن .
قىز ئۈندىمىدى .شۇ تۇرقىدا ئۇنىڭ ۋۇجۇدىدا قانداق ھېس تۇيغۇلارنىڭ ئويغۇنۇپ ، قانداق ئىچكى توقونۇشلارنىڭ يۈز بېرىۋاتقانلىقىنى پەملىمەك قېيىن ئىدى. بەلكى بۇرۇنقى تەجرىبە - ساۋاقلار يادىدىن كەچكەندۇ ....
سالامكا ،-دېدى قىز يەنە بىر كۈنى سالامنىڭ ئىلتىجالىق سۆزلىرىگە ئېغىر - بېسىقلىق بىلەن ، -ئەمدى بۇ ھەقتە سۆزلىمىسىڭىز ، بالىڭىز بارئىكەن . ئەڭ ياخشىسى ئايالىڭىز بىلەن يارىشىۋالغىنىڭىز تۈزۈك .
مېھرىگۇل ، مەن ئۆزەمنى چاغلىمايۋاتقانلىقىم ئېنىق . شۇنداقتىمۇ گېپىمگە بىر قۇلاق سالسىڭىز . سىزگە مۇشۇ كۈنلەرگىچە كۆرگەن كۈنلىرىم - تۇرمۇشۇم ھەققىدە سۆزلەپ بەرگۇم بار ئىدى. خالىسىڭىز ئاڭلاپ بولۇپ ئاندىن بىر نېمە دېسىڭىزمۇ بولىدۇ .ئىشقىلىپ نىكاھ بىلەن مۇھەببەت باشقا - باشقا گەپكەن ....
بەلكىم شۇ كۈنى سالامنىڭ ئۆزى توغرىسىدا ئەڭ كۆپ سۆزلىگەن ، تاساددىپى ھاياجانلانغان ، دەردى ، بارلىق ئازابلىرىنى ئېيتىپ بۆلەكچىلا يەڭگىللەپ قالغان ، ئۆزىنىڭ باشقىچىلا بىر ئادەمگە ئايلىنىپ قالغانلىقىنى ھېس قىلغان كۈنى بولسا كېرەك .
ئۇ ئايالى ئۈستىدىن ئارتوقچە دادلىمىدى . ئۇلارغا كۆپ گۇناھمۇ يۈكلىمىدى . پەقەت ھەممىنى پىشانىسىدىن كۆرىدىغانلىقىنى ئېيتتتى .
ئۇ بېشىنى كۆتۇرۇپ قىزنىڭ چولپاندەك كۆزلىرىدە شەبنەمدەك يالتىرىغان ياش تامچىسىنى كۆردى. قىزنىڭ ئۆز تەسەۋۋۇرىدكىدىنمۇ بەكرەك باغرى يۇمشاقلىقىنى تونۇپ يېتىپ :«بۇ قىز ماڭا تاسادىبى ماقۇل دىگەن ھالەتتىمۇ ، مەندەك بىر ئەخلەتچىگە زايە كېتىدىكەن . بولدى سىڭگەن نېنىمنى يەي » دەپ ئويلىدى ھەم لاسسىدە بولۇپ قالدى .قەلبىنى ئېيتقۇسىز ئازاپ ۋە ئۆكۈنۈش تۇيغۇلىرى بۇرۇختۇرما قىلدى .
( داۋامى بار )

(داۋامى )
پەقەت قەلبىنىڭ ئىچىكىرىسىدە زادىلا ئۆچمەيۋاتقان بىر تال چوغنىڭ تەپتى بىلەن قىزغا ئاخىرقى قېتىم ئىلتىجالىق تەلمۇردى:
-مېھرىگۇل ، بىز توي قىلساق ، سىزنى ھەرگىز رەنجتىمەسلىككە ۋەدە بىرىمەن . چوقۇم بەختىلىك قىلىمەن. ...
قىز ئوڭايسىزلىنىپ يەرگە قارىدى . كېيىن ئېيتقۇسىز ئىلاجلىق ئىلكىدە شېۋىرلاشقا باشلىدى.
-سالامكا ، راستىمنى ئېيتىسام مېنىڭ توي قىلغۇم يوق .....
بىز تۆت قىز ، ئىككى ھەدەم ، بىر سىڭلىم بار. دادام كېسەلچان . ئازغىنە پىنسىيە پۇلى ئالىدۇ . ئەمما ئاپام بەك تىرىشچان . ئۆزى ئۇستا ماشىنىچى . شۇڭا بىز تۆت بالىنى چىرايلىق قاتارغا قاتتى . ئىككى ھەدەممۇ ياخشى ئوقۇپ خىزمەتكە چىقتى ....بىراق ، ئۇلار ئىشقا ئورونلىشىپلا توي قىلىشقا ئالدىرىدى . ئۆزلىرى مۇھەببەتلەشكەن ، ياخشى كۆرگەن يىگىتلىرىگە تەگدى . بىراق ، ئەرلىرىچۇ ؟ ئۇلارنى قەدىرلىمىدى. بەلكى ھەدىلىرىمنىڭ ئۆزلىرىنى ياخشى كۆرىدىغانلىقىدىن ئوبدان پايدىلاندى ....ئۆيلىرىگە بېرىپ قالسام بەكمۇ ئىچىم سىقىلىدۇ .كەتكىچە ئالدىراپ كېتىمەن . ئائىلىدە ھەدەم خۇددى ئېرىنى كۈتۈشكىلا يارالغاندەك تۇيۇلىدۇ. ئۇلارنىڭ بۇيرۇقۋازلىقى، كەچلىرى ئۆيگە قايتمايدىغىنىچۇ تېخى ؟....ھەدىلىرىمگە بەك ئىچىم ئاغرىيدۇ . ئۇلارنىڭ ئاتا -ئانامنى ئاياپ ئۈن - تۈنسىز يۈرۈشلىرىنى ئەمما ئېغىر تېنىشلىرىنى ، كۆزلىرىدە ئەكس ئەتكەن ھارغىنلىق ، چارىسىزلىق ، بەختسىزلىك ئىزنالىرىنى كۆرۇپ يۈرىكىم پىچاق بىلەن پىچاق تىلغاندەك ئېچىشىپ كېتىدۇ. تېخى ئۇلارنىڭ سەرگۈزەشتىلىرىنىڭ ئوخشاپ كەتكىنىچۇ ؟....
قىز بىردىنلا ئېسەدەپ يىغلىۋەتتى . كېيىن سۆزلىرىدىن خۇلاسە چىقارغاندەك دادلىنىپ سۆزلەشكە باشلىدى:
-سالامكا ، كۆڭلىڭىزگە كەلسىمۇ دەۋىرەي ...ماڭا ئەرلەر بەكمۇ كۆرەڭ ، رەھىمسىز ، شەخسىيەتچى كۆرىنىدىغۇ -تاڭ ؟سىزدىن يوشورمايمەن :تولۇق ئوتتورا مەكتەپنىڭ 3-يىللىقىدا ئوقوۋاتقان چاغلاردا بىر ساۋاقدىشىمنى ياخشى كۆرەتتىم . كېيىن ئۇ كۆڭلۈمدىكىنى سېزىپ قالدىمۇ مۇھەببىتىنى ئىزھار قىلدى. ئۇنىڭ بىلەن نەچچە ئاي ئارىلىشىپلا قاتتىق پۇشايمان قىلدىم .چۈنكى ئۇ مېنىڭ ئاجىزلىقىمنى بىلگەچكە ، نېمە دىسەم گېپىمدىن چىقمايدۇ . دەپ ئويلاپتۇ . بۇنداق ئادەم بىلەن ئارىلىشىش بەكمۇ ئازابلىق بولىدىكەن . ئۇنى رەنجىتىپ قويارمەنمۇ ؟ئۇ مېنى تاشلاپ كېتەرمۇ ؟دەپ بىسەرەمجانلىق ، تەشۋىشتە يۈرىدىكەن كىشى ...
كېيىن ئۇنىڭ ھەددىدىن ئاشقان يولسىز تەلەپلىرىنى رەت قىلماي بولمىدى. ....كاللامنى سەگەك تۈتۇپ ئۇنىڭدىن ۋاقتىدا ئايرىلىپ كەتتىم . بىراق قەلبىمدە ئۆچمەس جاراھەت قالدى. ئەمما شۇ چاغدا ئايرىلىپ كەتكىنىم ئۇنىڭ ھەممە يولسىزلىقلىرىغا ھەدەپ بىر ئۆمۈر ياشىغاندىن تامامەن ئەۋزەل ئىكەنلىكىنى ئەمدىلىكتە چوڭقۇر ھېس قىلدىم . چۈنكى ....
قىز سۆزىنىڭ ئاخىرىنى قىلالماي ، بېشىنى كۆتۆرۇپ يىراقلارغا نەزەر تاشلىدى. مەيىن شامال ئۇنىڭ يۇمران مايسىدەك قويۇق ، يۇمشاق چاچلىرىنى لەرزان يەلپۇيتتى.سۇس گىرىم قىلغان تەبىئىي ، سۈزۇك يۈزلىرىنى لەززەتلىك سۆيۇپ ئۆتەتتى. چوڭ - چوڭ كۆزلىرىدىن ئېيتىقۇسىز گۈزەللىك چاقناپ تۇراتتى. ئىلپتەك قاڭشىرى ، سەل قېلىن ، تولىمۇ تارتىمىلىق لالە لەۋلىرىدىن ياشلىق جىلۋىسى ئەكس ئېتەتتى. ...
گەرچە مېھرىگۇلنىڭ سۆزلىرى سالامنى ئۈمىدسىزلەندۇرگەن بولسىمۇ ، ئۇنىڭ شۇ تاپتىكى جەزبىدار تۇرقى ، سالامنىڭ قەلبىدىكى خۇپىيانە ئىشىق ئوتلىرىنى يەنىلا يالقۇنجىتىپ ، دىلىغا پەقەتلا ئارام بەرمەيتتى. قەلبى توختىماي :<مېھرىگۇل ، مەيلى سىز نېمىلا دېمەڭ ، سىزنى ئەمرىمگە ئالماي قويمايمەن ،>دەپ سۆزلەپ تۇراتتى.
ئۇلارنىڭ بۇ قەدەر دەتالاشلىرى قىش كىرىپ ، تا باش باھار يېتىپ كەلگىچە داۋاملاشتى .ئۇ (سالام ) ئاخىرى دېگىنىنى قىلىپ ، قىزنىڭ ئۆيىگە ئارقا - ئارقىدىن بەش قېتىم ئەلچى كىرگۈزدى . قىزنىڭ ئاتا -ئانىسى بۇ ئىشنى قىزىنىڭ ئىختىيارىغا قويدى .ئاخىرى ھەقىقىي جاۋابنى يەنىلا مېھرىگۇل بەردى.
-سالامكا ،سىز مەڭگۇ مېنىلا سۆيۈشكە ، قەدىرلەشكە ۋەدە بېرەلەمسىز ....
-نېمىشقا ۋەدە بىرەلمىگۇدەكمەن ،-سالام ھاياجانلىنىپ مېھرىگۇلنىڭ سۆزلىرىنى تارتىۋالدى،-سىزگە خىيانەت قىلغىنىم ، بىزنى ياراتقان تەڭرىمىزگە خىيانەت قىلغانلىق بولۇپ كەتمەمدۇ؟
-بولدى ئاكا ، قەسەم ئىچمەڭ .
ھايات سالام ئۇچۇن تولىمۇ قىممەتلىك ۋە گۈزەل تۇيۇلدى. قىز ئۇنىڭ ئىسسىق قۇچىقىدا ئىللىق ، تاتلىق سىزىمگە چۆمۈپ ، شەلپەردەك قىزىرىپ شېرىن ھېسلارغا تولدى.
تەڭرىنىڭ ئىلتىپاتى بىلەن ئۇلار ئاخىرى توي قىلىشقا مۇيەسسەر بولدى. ..
سالام ھالال مېھنىتى بىلەن ئانىسىنى ھەم يارىنى خۇش قىلىشنى ئىستەيتتى. قىز بولسا ئۇنىڭ ئويلىغىنىدىنمۇ بەكرەك كۆيۇمچان ، پاكىز ، چىۋەر ئىدى. ئۆزى شەھەردە ئۆسكەن تۇرۇقلۇق ئۇلارنىڭ تۇرمۇشىغا ، ئائىلىۋى مۇھىتقا سىڭىپ كەتتى. ئەسلىدە نۇرىمانمۇ چىۋەرلىكتە مېھرىگۇلدىن قېلىشمايتتى. ئەمما پەرقى شۇكى مىننەتلىك ئىش قىلاتتى. ئېغىزى يۈگۇرۇك ئىدى . مېھرىگۇل ئوچوق - يوروق سىپايە ئىدى. ھەرقاچان قولى ئىشتا ، ئېغىزى ناخشىدا بولۇپ تۇرمۇشقا بولغان ھېسياتى قايناپ تۇراتتى. ئەلۋەتتە ، ئانىمۇ بۇنىڭدىن قەۋەتلا رازى ئىدى . پەقەت مېھرىگۇلنى ئاسرىغۇسى ، پەپىلگۇسى كېلىپلا تۇراتتى.
-مېھرى ، ئۆيدە زېرىكىپ قلىۋاتمايدىغانسەن -ھە!،-سورايتتى سالام كەچلىرى ماشىنىدا ئولتۇرپ ئۇنى - بۇنى تىكىۋاتقان ئايالىنىڭ تىنىمسىز ، تېتىك ھالىتىدىن زوقلۇنۇپ ،
-نېمىشقا زېرىكىمەن سالام ،-دەيتتى مېھرىگۇل كىيىم تىكىش ماشىنىسىنى كۆڭۇللۇك تاراقشىتىپ ، -كۈندۇزلىرى ئاپام بىلەن مۇڭدۇشۇپ ئولتورىمىز . ئاپام ماڭا بېشىدىن ئۆتكەن ئىشلارنى ، تارتقان ئازاب - ئوقۇبەتلىرىنى سۆزلەپ بەردى. يۈرىكىم شۇنچىلىك ئېزىلىپ كەتتى. ...ئاپام يېزا ئايالى بولغان بىلەن ئوڭلۇق ، دىتى بار ئايال ئىكەن . ...يەنە ئانچە - مۇنچە ئىش تىكىمەن . قولۇم - قوشنىلار ماشىنچىكەنسىز دېيىشىپ ، ئىش بۇيرۇتۇپ كېتىۋاتىدۇ. بازاردىكىدىن ئەرزان تىكىپ بەرسەم خۇش بولۇپ كېتىدىكەن ...كەچكە يېقىن سىزنىڭ كېلىشىڭىزگە ئۈلگۇرتۇپ تاماق ئېتىمەن شۇ .
ئايالىنىڭ سۆزلىرىنى ئاڭلاپ سالامنىڭ يۈرىكىگە يىغا ياماشتى . ئاللانىڭ ئۆزىگە شۇنداق پاك ، ياخشى ئايال ئاتا قىلغىنىدىن ھېساپسىز رازىمەنلىككە تولاتتى....
قىز سالامغا ، ئانىغا كۆيەتتى . تاماققىمۇ ئۇستا ئىدى. گۈل ئۆستۇرۇشكىمۇ ، ئوسما قويۇشقا، ناخشا ئېيتىشقا ئىشقى بار ئىدى. ئورما ۋاقتىدا ئېتىزغا چىقىۋالاتتى. . بۇغداي ئورۇپ باقمىغان تۇرۇقلۇق ئورويمەن دەپ تۇرىۋالاتتى. سالام ئۇنىڭغا كايىتتى.
-مېھرى ، سەن ئورىما ، قولۇڭنى كېسىۋالىسەن .
-ياق ، بۇ ئادەم قىلالمايدىغان ئىش ئەمەس
-ئۇغۇ راسىت ....توغرا مەن بەك ئۇسساپ كەتتىم ، چاي ئەكىلىپ بەرگىنە .
مىھرىگۇل دەرھال سوغۇق چاي ئەكىلىپ ئۇنىڭغا سۇناتتى . سالام ئۇنىڭ چاي ئۇزاتقان قولىنى ئەپچىللىك بىلەن تۇتىۋىلىپ :<ئەمدى گەپ ئاڭلامسەن ،-يوق؟بولمىسا قولۇڭنى قايرىۋىتىمەن >دەپ ئوينىشىشقا باشلايتتى . قىز ئەتراپقا ئەلەڭ - سەلەڭ قاراپ ، دەرھال قولىنى تارتىۋالاتتى.
سالام بۇغداينى تېز، تەكشى ئورويتتى . قىز سايىدا ئۇنىڭغا زوقلىنىپ قاراپ ئولتوراتتى.
توي قىلىپ ئىككىنچى يىلى مېھرىگۇل ھامىلدار بولدى. باھار ئاپتىپىدەك نۇرانە چېھرىدە ئانىلارغا خاس بەخىت ۋە يۈكسەكلىك پارلىدى.
سالام قىزنى بىر مىنۇتمۇ خىيالىدىن چىقارمايتتى . ئۇزۇندىن - ئۇزۇن تولىمۇ كۆڭۇللۇك پىلانلارنى كۆڭلىدىن تەكرا - تەكرار ئۆتكۇزۇۋەتتى . ھەر دائىم قانداق قىلىپ ئايالىنىڭ كۆڭلىنى ئېلىشنىلا ئويلايتتى . خىزمەتتىنمۇ بۇرۇنقىدىن جىق ئاكتىپ بولۇپ كەتكەنىدى،
كۈنلەر جىددى ئەمما قىزغىن ئۆتمەكتە
مېھرىگۇلنىڭ يەڭگىشىگە يەنە بىر ئايچە ۋاقىت قالدى.
- قىزىم ، ھاردۇق چېيىنى تېزرەك قىلىۋىتەيلى . قايسى كۈنىكى سالام چايدا ئاپىڭىز سىزنى تىلەپ ئېلىپ كېتىشىنى ئيېيقانىدى،- دېدى ئانا تەييارلىق قىلىشقا ئالدىراپ ،
- تېخى بالدۇرغۇ ئاپا ، يەنە قىلىدىغان بىر مۇنچە ئىشلىرىم بار .
مېھرىگۇل ئاپىسىنىڭ توسقىنىغا قارىماي ئۆيلەرنى ، ھويلا - ئارامنى پاكىزە تازىلاپ ئاقارتىپ چىقتى . يوتقان - كۆرپىلەرنى تىكتى .
ئانا ھەدېسە مېھرىگۇلدىن ئەندىشە قىلىپلا يۈرەتتى :- بالام ، ئەجەپ تازىلاپ كەتتىڭىزا ، ئۆينىڭ ئىشى دېگەن تۈگىمەيدۇ . بالا قوزغىلىپ كەتمىسۇن .
ئانىنىڭ ئاۋازىدا يېلىنىشمۇ ، ئۆتۇنۇشىمۇ بار ئىدى.
مېھرىگۇل كۈلۇپ قويۇپ ئۇندىمىدى. ئەمما ئەنسىرىگەن ئىش كېچىسى يۈز بەردى . قىزنىڭ قورسىقى تۇيۇقسىز ئاغرىپ كەتتى . قىز خېلى بىر كەمگىچە چىداپ ئۈنىنى چىقارماي يېتىۋەردى . ئاغرىق - كۈچىيىشكە باشلىدى. قىز چىدىماي ئۇياق - بۇياق ئۆرۇلۇپ ياتالمىدى . - مېھرى ، بىئارام بولىۋاتقان ئوخشايسەن -ھە ، جۈر ، ھازىرلا دوختورغا ئاپىرايلى .
- بولدىلا ، ھېلىغىچە ئوڭشۇلۇپ قالارمەن .
- ياق ، ئۇنداق سۇ س قارىما ، تۇغۇت دىگەن ئوينىشىدىغان ئىش ئەمەس .
- ئەجەپ تۇغۇپ باققاندەك گەپ قىلىسىزغۇ ؟....
قىز شۇ ھالەتتە يېتىپمۇ ئۇنىڭغا چاقچاق قىلىۋاتاتتى . سالام ئىختىيارسىز كۈلدى. بىراق جىدىيلىك بېسقمىدى.
-مېھرى ، بول تېز ، ئاپامنى چاقىرايلى ...
سالام ئايالىنىڭ توسقىنىغا قارىماي ، چىقىپ ئاپىسىنى ئويغاتتى .
-مەن دېمىدىممۇ قىزىم . مانا ئەمدى بالا قوزغىلىپ قالغاندەك قىلىدۇ . مەن ھازىر جەننەتبۇۋىنى چاقىراي . تەكشۇرۇپ باقسۇن .
ئانا چىقىپ كېتىپ ، ئۇزۇن ئۆتمەي تۇغۇت ئانىسىنى باشلاپ كىردى،
سالام سىرىتتا تىت - تىت بولغىنىچە ئۇياقتىن - بۇياققا ماڭاتتى . ئۇ بەكمۇ ئەنسىرەپ كېتىۋاتاتتى . سەلدىن كېيىن جەننەت ھەدە ئالدىراپ چىقىپ كەلدى.
ئۇكام تېز بول ، ماشىنا تاپ ، شەھەرگە ئەكىرىڭلار . سالام نېمېنىدۇر سورىماقچى بولىۋىدى . ئانا ئۇنى ئالدىرىتىپ ماڭغۇزدى . سالام چوڭ يولغا چىقىپ ، ماشىنا ئىزدىدى. ئېسىت شەھەر كوچىلىرى بولسا كېچە - كۈندۇز تاكسى ئۈزۇلمەي ئۆتۇپ تۇراتتى.
يولنىڭ يىراقلىقىدىن كۆرە كاتاڭ ۋە ئەسكىلىك تۈپەيلى كۈندۇزلىرى ئانچە - مۇنچە ئۆتۇپ قالغىنىنى ھېسابقا ئالمىغاندا بۇ مەھەللىلەرگە كېچىسى تاكسى يولىمايتتى .
ئاخىرى سالام ئۇدۇل خوشنىسى قۇناخۇن ئاكىنى ئويغۇتۇپ ئۆزلىرىنى خادىك ھارۋىسىدا شەھەرگە ئاپىرىپ قويۇشنى ئۆتۇندى.
- مەن ئاپىرىپ قويسامغۇ ياخشى بولاتتى ئۇكام . بىراق نەچچە كۈن بولدى. چورتلا مىجەزىم يوق . كىرامۇ قىلمىدىم . شۇڭا خاپا بولما . ئەنە خادىك تۇرۇپتۇ . ئۆزەڭ ئاپىرالارسەنمۇ ؟
-رەخمەت ئاكا ، خادىكنى بېرىپ تۇرغىنىڭىزنىڭ ئۆزى چوڭ ياردەم بولدى. ئۆزەم ئاپىرالايمەن .
سالام ئاپىسى بىلەن بىللە مېھرىگۇلنى مىڭ بالالىقتا ھارۋىغا جايلاشتۇردى.
(داۋامى بار )

( داۋامى )
شاش ئات باشقۇرۇشقا بوي سۇنماي تاراقشتىىپ كېتىۋاتاتتى.
سالام قىزنىڭ ھەربىر تولغىقى تۇتقاندا يۈرىكى چايان چاققاندەك قىينىلاتتى.كۆزنى يۇمۇپ ئاچقىچە دوختورخانىغا يېتىپ بېرىشنى توختىماي تىلەيتتى.
مېھرىگۇل بارا- بارا ھالسىراپ، ئۈنى ئىچىگە چۈشۇپ ، ئاغرىق دەستىدىن بوش ، ئەمما ئۇزۇندىن - ئۇزۇن ئڭرايتتى. پىشانىسىدىن ، چېكە چاچلىرىدىن توختىماي تەر قۇيۇلاتتى. لەۋلىرىنى چىشلەپ قانىتىۋەتكەن ئىدى.
تۈن يىرىمدا بەش كېلومىتىرلىق يول. ئۇلار ئۈچۇن 500كىلومىتىردىنمۇ ئۇزۇن تۇيۇلۇپ كەتتى . سالام ئۆزىنى شۇ چاغ توىمۇ يارىماس ھېس قىلىپ چەكسىز ئازاپلاندى .
قىز ئاچچىق چىرقىراپ جىمىپ قالدى.
سالام ھودۇققىنىدىن نېمە قىلارىنى بىلمىدى.
<بالا تۇغۇلۇپ كەتكەنمدۇ -ھە ! قانداق قىلارمەن ؟ئۇلۇغ خۇدا ! .... ئاپام بىللە باراي دەپ شۇنچە يالۋۇرسا نېمشقا ئۇنىمغاندىمەن !
-مېھىرى ، نېمە بولدۇڭ ، كۆزۇڭنى تېزرەك ئاچساڭچۇ ؟مېنى قورقاتمىغىن جېنىم ...
قىزدىن جاۋاب كەلمىدى. ئەتراپتا كېچە جىمجتىلىقى دەھشەتلىك ھۆكۇم سۈرەتتى .
ئۇ قىزنىڭ كۆكسىگە بېشىنى قويۇپ تىڭشاپ بېقىۋىدى. يۈرىكىنىڭ سۇس سوقوۋاتقانلىقىنى ئاڭلىدى.
ئۇ مىڭ بالالىقتا شەھەرلىك دوختورخانىغا يېتىپ كەلدى.
ئۇ مېھرىگۇلنى كۆتۇرۇپ ئالغاندا ، دوختورخانا چىرىقى يوروقىدا كۆردىكى :قىزنىڭ ئاياغ تەرىپى كۆرپە - يوتقانلار پۈتۇنلەي قان بىلەن بۇلغانغان ، قىزنىڭ چىرايى تامدەك تاتىرىپ چۇۋۇلغان چاچلىرى چېكىسىگە ، بويۇنلىرىغا چاپلىشىپ قالغان ئىدى.
ئۇ ئېسى - يادىنى يوقاتقان ھالدا دوختورخانىنىڭ تۇغۇت بۆلىمىگە يۈگۈردى.
ئۇ بۇ جەرياندا قانداق رەسمىيەت ئۆتىگەنلىكىنى ، سىرىتتا قانچىلىك ساقلىغانلىقىنى ، ئاللاغا يالۋۇرۇپ قانداق نىدالارنى قىلىپ كەتكەنلىكىنى بىلىپ بولمايتتى. ئېسىدە قالغنىنى دوختورنىڭ ئېچىنىش ۋە نارازىلىق بىلەن تولغان تاشتەك ئېغىر سۆزلىرى بولدى :
- نېمە ئانچە بىپەرۋالىق قىلدىڭلار ؟ بىچار ەبەك قېينلىپ كېتىپتۇ . بالىنىڭ ئوقى يۆگۇشۇپ ھەم بالا تۇنجۇقۇپ قاپتو .
ئايالىڭىزدىن بەك كۆپ قان چىقىپ كەتكەنلىكى ئۈچۈن ، پەقەت ئامال بولمىدى. ....
ئاھ، مېھىرى ، ئاھ، مېنىڭ بارلىقىم !....
- دوختور ، دوختور ، مېھرى ئۆلۇپ كەتسە بولمايدۇ . ئۆتۇنۇپ قالاي ، ئۇنىڭغا بىر ئامال قىلىڭلار ......
ئۇنىڭ ئاۋازى سىرىتقا چىققاندەك قىلمايتتى . بەلكىم دوختورلار ئۇنىڭ ئاۋازىنى ئاڭلاشقا قادىر بولالمىغان بولسا كېرەك.
دوختور ، سېستىرالار سالام بىلەن مېھرىگۇلنى كېسەل كارۋىتىدا يالغۇز قالدۇرۇپ قويۇپ چىقىپ كېتىشتى .
ئۇ كۆزلىرى يېرىم يۇمۇلغىنىچە ئۈن - تىنسىز ياتقان مېھرىگۇلگە نۇرغۇن - نۇرغۇن گەپلەرنى قىلدى. بارلىق كۆڭۇللۇك كۈنلەرنى ئەسلەپ چىقتى . بۇندىن كېيىن تېخىمۇ تىرىشىپ ئىشلەيدىغانلىقىنى ، ئوماق ئوغلىغا دۇنيادىكى ئەڭ گۈزەل ئىسىمنى قويىدىغانلىقى كېيىن تېخىمۇ بەختىلىك ياشايدىغانلىقىنى ...ھېلىلا مېھرىگۇلنىڭ ساق - سالامەت تۇققانلىقىدىن خەۋەر تاپقان ئاتا - ئانىلىرى ئالدىراپ يېتىپ كېلىشىدىغانلىقىنى ، ئاجايىپ كۆڭۇللۇك بەزمىلەرنى قۇرۇق گۇزەل ئائىلىسىنى شات - خورام ھالدا تەبرىكلەيدىغانلىقىنى ، بەئەينى چۈشتەك گۈزەل ، قوۋناق كۈنلەردە ئۇ بەرپا قىلغان ، پەقەت مېھرىگۇل ئۈچۈنلا بەرپا قىلغان ئالما ، ئۈرۈكلەر مەي بولۇپ كەتكەن چوڭ باغدا خوشال يايرىشىدىغانلىقىنى ، دەل - دەرەخلەر سايىسىدا ئولتورۇپ ئۇزۇندىن - ئۇزۇن سىردىشىدىغانلىقىنى ، ئۇ قۇندۇزدەك قاپقارا ، يۇمشاق چاچلىرىنى ئۇنىڭ مەيدىسىگە يېيىپ ، يىراقلارغا نەزەر سالىدىغانلىقىنى ، كۆڭۇللۇك ئاھاڭغا غىڭشىپ ناخشا ئېيتىدىغانلىقىنى .....
مېھرىبان ئاپىسىنىڭ ئۇلارنىڭ ئوماق بالىلىرىنى پەپىلەپ ئۆستۇرىدىغانلىقىنى ، يۇلتۇزلار چاراقلاپ تۇرغان تۈن كېچىلىرى ئۇلارنىڭ بەختىنى تىلەپ دۇئا قىلىدىغانلىقىنى سۆزلىدى.
مېھرىگۇل ئۇنىڭ كۆڭۇللۇك ئارزۇ - ئارمانلىرىدىن مەسىت بولغاندەك جىمجىت ياتاتتى. ئەمما كۆزلىرىنى پاللىدە ئېچىپ ئۇنىڭغا جاۋاب بىرەلمەيتتى .
بالنىست دېرىزىدىن ماراپ تۇرغان ئون تۆت كۈنلۇك تولۇن ئاي مۇھەببەتنىڭ ئۆلمەس شاھىدى بولۇپ بۇ ئىككى ئاشىق - مەشۇققا ئاداققى نۇرلىرىنى سېپىۋاتاتتى. .....
(تۈگىدى )
ئاپتورى :مېھرىگىيا
ئىلى دەرياسى ژورنىلى 2000-يىلى 5-سان

مانا ھازىر سالام تازلىق ئەترىتىنىڭ غوللۇق ئىشچىسى ، ھەر يىلى ئىلغار تازلىق ئىشچىسى بولۇپ مۇكاپاتلىنىدۇ.رەھبەرلەرمۇ ، خىزمەتداشلارمۇ ئورتا بوي ، بۇغداي ئۆڭ ، كەڭ پىشانىلىك ، مۇسكۇللىرى بۆرتۆپ چىققان ، مىجەزى ئېغىر - بېسىق بۇ يىگىتنى ياخشى كۆرىدۇ. پەقەت ئۇنىڭدىن ئىلگىرىكى ئىككى خوتونلا رازى ئەمەس.

بۇ ھېكايىڭىزدىن مۇشۇ سۇزلا ماڭا تەسىر قىلدى،
ئاخرىنى ئوقۇمىسام بوپتىكەن ئىچىمنى ئاچچىق قىلىپ

ھەي !!! تولىمۇ ئوبدان يىزىلىپتىكەن  .كۆپ رەھمەت !

بۇ ئەسەرنى ئوڭۈشلۇق رويابقا چىقارغانلىقىڭىزنى تەبرىكلەيمەن ، بىراق كۆڭلۈم شۈنداق يېرىم بولدى .  بۇنى مېھرىگۈلنىڭ كۆڭۈلچەكلىكىتىن دىققەت قىلمىغانلىقى دەيمۇ ياكى ، سالامنى لاياقەتسىز ئەر دەيمۇ ؟  !! يېتىمنىڭ ئاغزى ئاشقا تەغسە ، بۇرنى تاشقا تېگىپتۇ  دەيلا بولدى ...

بەك ياخشى چىققان ئەسەركەن بۇ. راستىنى دىسەم بۇگۇن بىسمىللا دەپ ئۇرۇمچىگە چۇشۇپ ئۆيگە كىرىپ قىلغان ئىشىم بىرى چاي ئىچىش بىلەن كومپىيوتۇرنى ئېچىپ سىزنىڭ بۇ ئەسىرىڭىزنى ئوقۇش بولدى. ئادەمنى بىر قىسمىلا قىلىپ قويدى ،ياخشىغا كۇن يوق دىگەن راس ئوخشايدۇ جۇمۇ. ئەتتىگەندە چاي مىنى ئىچتىمۇ ياكى مەن چاينى ئىچتىممۇ تاڭ ئىشقىلىپ ئوقۇپ ئارانلا تۇگەتتىم. مۇشۇنچىلىك ياخشى ئەسەرنى ئوقۇشقا مۇشتىرەك قىلغىنىڭىزغا رەھمەت ئېيتىمەن!

ئىجادىيەتلىرىڭىزگە بەركەت تىلەيمەن.

كۆرلىرىمگە ياش ئولاشتى.يىتىمنىڭ ئاغزى ئاشقا تەگسە ،بۇرنى قاناپتۇ دىگەن شۇدە.

قىممەتلىك ۋاقتىنى چىقىرىپ ئەسىرىمنى كۆرگەن ۋە ياقتۇرغان قېرىنداشلىرىمغا رەھمەت .

بۇ ئەسىرىڭىز بەكمۇ تەسىرلىك چىقىپتۇ، مەن ئوقۇپ بولغۇچە ئاخىرى قانداق چىقارقىن دەپ يۈرەكلىرىم تېزلىكتە سۇقۇپ ئوقۇپ بولدۇم، ئەسىرىڭىزنى ئوقۇپ بولغۇچە تەسىرلەنگىنىمدىن كۆزلىرىمدىن تاراملاپ ياش تۈكۈلۈشكە باشلىدى.
ئاللا سىزگە بەخت ئاتا قىلسۇن
ياخشىغا كۈن يامانغا ئۆلۈم يوق دېگەن مانا شۇدە.
سىزگە خۇشاللىق، بەخت ئامەت يار بولسۇن.

يۇقۇرىدىكى ئىككى تورداشنىڭ ئەسەرگە مۇناسىۋەتسىز نەرسىلەرنى ئىنكاس سۈپىتىدە يوللىماسلىغىنى ، ئەسەر ياقمىغان بولسا ئوچۇق - ئاشكارە تەنقىدىي پىكىر بېرىشىنى ،كىشىنىڭ ئەجرىگە ھۆرمەت قىلىشىنى ئۈمۈد قىلىمەن .

ھەي مۇخەببەتنىڭ  قەدىرگە  يېتىدىغان  بىر جۈپ  يۈرەك  پارە پارە  بوپتۇ  ئەمەسمۇ  ؟؟؟
بۇ  جاھان زادى  تەڭسىز  جاھان  ...



تېما  ئىگىسىگە  رەخمەت ....

ھەقىقەتەن ياخشى يېزىلغان ئەسەر ئىكەن ئەسەرنىڭ ئىچىگە كىرىپلا كىتىپتىمەن لىكىن ئاخىرى راسلا       

بىردەمدىلا ئىككى ھىكايە ئوقۇدۇم ،ئككىلىسى تىراگىدىيە بىلەن ئاخىرلىشىپتۇ، ئچىم ھەجەپ بىر خىل بۇلۇپ قالدى.

بەك ياخشى يېزىلغان ھېكايە ئىكەن، كۆڭلۈم ئەجەب بىر قىسمىلا بولۇپ قالدى دىسە. ھەي بۇ ھاياتقا نېمە دەيمىز ئەمدى...............

تىراگىدىيە بەلەن ئاخىرلىشىدىغىنىنى بىلسەم ئوقىمسام بوپتىكەن،راسلا...ياخشى يېزىلغانكەن....

تەقدىر نىمە ئۈچۈن دائىما ئادەمنىڭ يۈرىكىنى خۇن قىلىدىغاندۇ؟

ئىچىم بەكمۇ ئاغرىدى،سالامنىڭ بەخىتلىك بولۇشىنى ئۈمۈت بىلەن كۈتۈپ بۇ ھىلايىنى ئوقۇغان،بىراق بۇنداق بولۇشىنى ئويىلىماپتىمەن.

دۇنيادا ئالتە نەرسىنىڭ قەدىر-قىممىتى بولمايدۇ؛بۇلۇتنىڭ سايىسى،ئەخمەقنىڭ دوستلىقى،ۋاپاسىزنىڭ مۇھەببىتى،ئۆتۇپ كەتكەن بايلق،مۇستەبىت ھاكىم،ساختاشان-شەرەپ...

ئككى يېرىم مىنۇت ئۆمۇر كۆرەر ئنسان؛    بىر مىنۇتى كۇلكە بىلەن،      بىر مىنۇتى ھەسرەت بىلەن،  يېرىم مىنۇتى كېتەر سۆيگۇ بىلەن............