تارىخىمىزدىكى ئۈچ ساتقىن ھەققىدە ئويلىغانلىرىم

                (مۇلاھىزە )

ساتقىنلىق -دۇنيادىكى ھەرقانداق ئەلدە ۋە ھەرقانداق ئىرىقتا مەۋجۇت بولۇپ ،شەخسىيەت ،ھوقۇق -مەنپەئەت ئۈچۈن ئۆزىنىڭ قان -قېرىنداش ھەتتا پۈتۈن مىللىتىنى ياكى دۆلىتىنى سېتىۋېتىش ھەم مۇنقەرز قىلىش بەدىلىگەئۆزى پايدا -مەنپەت ،ھوزۇر -ھالاۋەت ۋە ھوقوققا ئېرىشىشنى  كۆرسىتىدۇ.
تارىخىمىزدىكى ئەڭ چوڭ مۇناپىق ئاپپاق خوجا غالدانغا سېتىلىپ بۇتقا باش قويۇپ چېرىك باشلاپ كېلىپ ،سەلتەنىتىمىزنىڭ ئالتۇن دەۋرى -سەئىدىيە خانلىقىنىڭ ئاخىرقى شاھى ئىسمائىلخاننى ئۆلتۈرۈپ،سەئىدىيە خانلىقىنى ئاغدۇرۇپ تاشلاپ،مەنىۋىيىتىمىزنىڭ ئۇمرۇتقىسى بولغان ئەدەپ -ئەخلاق ۋە ئەقلى تەپەككۈرنىڭ جۇغلانمىسى بولغان دەستۇر -كالاملارنى پايخان قىلىپ كۈلگەئايلاندۇرۇپ،ئىنسانىيەت مەدەنىيەت غەزىنىسىگەئورنىنى تولدۇرىۋالغۇسىز زور زىيانلارنى سالدى .
مەنىۋىيىتىمىزنىڭ يادروسى بولغان ئېسىل قوليازما ،بىناكارلىق ،نەققاشلىق،رەسساملىق،ئەدەبىيات ،تەبئى پەن ئاستىرونومىيە ،تىبابەت ،ۋە باشقا ساھەلەرگەچېتىلىدىغان نۇرغۇن ئەقىل دۇردانىلىرىنى يوقىتىۋەتتى .ئاۋام ئىچىدە ئېتىقات قەھەتچىلىكى يۈز بېرىپ ،پۈتمەس -تۈگىمەس نىزا -تەپرىق ئۇرۇقلىرى چېچىلىپ بىگۇنا خەلق ئاق تاغلىق -قارا تاغلىق قۇتۇپلىرىغا بۆلۈنۈپ،يۇرتۋازلىقنىڭ مۇستەھكەم ئاساسى تىكلەندى.ئاچكۆز شەخسىيەتچى ئېتىقادسىز بىر توپ بەدىۋىلەر يېتىشىپ چىقىپ ئاپپاق خوجىنىڭ سەنىمىگەماسلاشقان قەۋىملەر مەيدانغا كەلدى .ئۆزارا قىرغىنچىلىق مەڭگۈ ساقايماس جاراھەتلەر پەيدا بولدى.
ئەنە شۇ كۆيدۈرىۋېتىلگەن بىباھا گۆھەرلەر ئىچىدە «تۈركى تىللار دىۋانى»«قۇتاتغۇ بىلىگ»دەك قانچىلىغان شاھانە ئەسەرلەرھەم بۈگۈنكى زامان تىبابەت ئىلمى ئامالسىز قېلىۋاتقان تالاي كېسەللەرنىڭ شىپاسى تېپىلىپ جاھان ئەھلىنىڭ قايىللىقى ۋە ھۆرمىتىگە نائىل بۇلۇپ قەددىمىزنى
كېرىپ يۈرگىدەك يول خېتىمىز بار بۇلار ئىدى.بۇ مەشھۇر ئىككى يۈزلىمىچى رىياكار خوجا ئۆز زامانىسىدا يىلىغا نەچچە مىڭلاپ مەسۇم قىزلىرىمىزنى غالدان ۋە ئۇنىڭ چېرىكلىرىگە سولاپ بەرسە نەچچە مىڭ بەردەم يىگىتلىرىمىزنى كىشەنلەپ قۇل قىلىپ بەرگەن خەلقتىن شۈلىۋالغان ئالتۇن -كۆمۈش قاتارلىق بايلىقلارنى  ئۇلپان (تۆلەم -سېلىق)تاپشۇرغاننىڭ ھەددى -ھىساۋى يوق .ىدى .......

قىسقىسى پۇتىنىڭ ئۇچىدىن چوققىسىگىچە قان قەرز -لەنەتكە پاتقان بۇ مۇناپىق ئاخىرقى ئۆمرىنى ئىت ئۆلۈمىدە تۈرمىدە پىت بېسىپ ئۆتكۈزىپ  يېڭى شۇملۇق پىلانلاپ تۈرمىدىن قاچقاندا ئەزىمەت پولات شەقاۋۇ ل تەرپىدىن بوغۇزلاپ تاشلىنىدۇ .
پۈتكۈل ئۇيغۇر ئېلىنى بىرلىككە كەلتۈرۈپ ياتلارنى تازىلاپ ،مۇناپىق خوجىلارنىڭ خەلقىمىزگە سالغان زۇلۇم -سىتەملىرىدىن جاق تويۇپ ،نەپەسمۇ ئالالماس ھالەتكە كېلىپ قالغان ئاۋامنى قايتىدىن قەددىنى رۇسلاش ۋە سەئىدىيە سۇلتانلىقىنىڭ  سەلتەنىتىنى ئەسلىگە كەلتۈرۈشكە  بەل باغلىغان  ياقۇپ بەگنى(بە دەۋلەت)زەھەرلەپ ئۆلتۈرگەن ساتقىن تۈن بالىسى نىياز ھېكىمبەگمۇ تارىخىمىزدىكى تالاي پاجىئەلەرنىڭ سەۋەپچىسىدۇر .
مىسال ئۈچۈن تۆۋەندىكى قۇرلارغا نەزەر سالايلى :
-ساڭا زادى نىمە كېرەك ؟قانداق تەلىپىڭ بار ؟-دېدى زۇڭتۈڭ دارىن نىياز ھېكىم بەەدىن

-رۇخسەت قىلسا خانغا يەنە خىزمەت قىلسام !

ئىچكىرىدە مېنىڭ سىلىگە كېرىكىم يوقتۇر بەلكىم ،بىراق بۇ چەنتۇلارنىڭ يېرىدە ،مېنىڭ سىلىگە،خانغا كەلتۈرىدىغان پايدام ناھايىتى كۆپ ،.ماڭا رەھىم قىلسىلا ،مېنى قەشقەرگە ھاكىمبەگ قىلىپ بەلگىلىسىلە ،ھەرقانچە بولسىمۇ مەن سىلەر ئۈچۈن ،خان ئۈچۈن كۆپ تۆھپە كۆرسەتكەن ئادەمغۇ 
دىدى نىياز ھېكىمبەگ.
-ئۆز پادىشاھىغا خائىنلىق قىلغان ئادەمنى ياخشى ئادەم دىگىلى بولمايدۇ .ئۇنداق ئادەم بىزنىڭ خانغىمۇ ۋاپاسىزلىق قىلىدۇ  ئۇنى سېتىۋېتىشتىن يانمايدۇ . دىدى زوڭتۇڭ دارىن .
- زوڭتۇڭ دارىن بۇ لەنىتى يۇندىخور بەدەۋلەتكە خائىنلىق قىلدى .بەدەۋلەت بۇ كۈپرانى نىمەت ئككى يۈزلىمىچى تۇزكورنىڭ ئززەت ئىكرامىنى ھەددىدىن زىيادە ئاشۇرىۋەتكەن ھۆكمىرانلىق ،يۇرتدارچىلىق ئشىدا ،ئۇنى بارچىمىزدىن يۇقىرى تۇتقان ئۇ بەدەۋلەتكە خىيانەت قىلىپ دورىسىغا ئوغا سېلىپ زەھەرلەپ ئۆلتۈردى .ىككى .وغلىنى بىر -بىرىگە قارشى قىلىپ جېنىنى .الدى .

شۇندىن ئېتىۋارەن نىياز ھېكىمبەگزىنداندا  سۇنىڭ ئورىنىدا ھاراق ئىچىشكە .ئوزۇقنىڭ ئورنىدا ئۆزىنىڭ تېنىدىن شىلىۋېلىنغان گۆشتىن قورۇلغان  قورۇمىنى يىيىشكە مەجبۇر بولدى .
شۇنداق قىلىپ 25كۈن بولدى دىگەندە ئۇنىڭ جېنى كۆپ يەرلىرىنىڭ گۆشى شىلىۋېلىنغان ،زەي زىنداندا سېسىپ ،يىرىڭلاپ ،قۇرتلاپ ،بەدبۇي ھىد تارقىتىۋاتقان تېنىدىن جۇدا بولدى .بەشاڭ ئۇنىڭ ئۈلۈكىنى مەھبۇسلارغا بورىغا يۆگەتكۈزۈپ ،كۈتەرتىپ يېڭىشەرنىڭ كۈنچىقىش تەرىپىدىكى بارىن قەبرىستانلىقىغا ئېلىپ بېرىپ ،شۇ پېتى كۆمدۈرىۋەتتى .
(يۇقارقى بايانلار ئابدۇۋەلى ئەلى ئەپەندى يازغان «بەدەۋلەت -ئۆركەشلەپ ئاققان قايدۇ دەرياسى »ناملىق رومانىنىڭ `11-بابىدىن ئېلىندى )
ۋەتەنپەرۋەر ئوت يۈرەك شائىر ل. مۇتەللىپ شائىر بىلال ئەزىزى ،تارىخچى پىداگوك ئابدۇللا روزى قاتارلىق مەشھۇر زىيالىلاردىن تەشكىللەنگەن «ئۇچقۇنلار ئىتتىپاقىنى سېتىپ ئۇلارنىڭ بىئەجەل ئۆلۈمىگە سەۋەپچى بولغان ھېكىم نۇرمۇ ئاخىرى شەرمەندىلەرچە باستۇرىۋېتىلگەن ئۇ ئۆلگەندىن كېيىن بىگۇنا پەرزەنتلىرىگە ئاۋام قىز بەرمىگن ياكى كېلىن قىلىشنى خالىمىغا ن پاتماس قۇياش بولمىغىنىدەك ساتقىنلارنىڭ تاغدەك ئىشەنگەن ئاكىلىرىنىڭ زاۋاللىقى بىلەن ئۇلارنىڭ ئەپتى بەشىرىسى خەلقى -ئالەمگە ئاشكارە بولدى .

پايدىلانمىلار.؛

ئابدۇۋەلى ئەلى »بەدەۋلەت تىرىلوگىيىسى

مەرھۇم ئابدۇللا تالىپنىڭ «قاينام ئۆركىشى »رومانى

ياخشى تىمىكەن ، يوللۇغۇچىغا تەشەككۈر .
باشقۇرغۇچىلار تىمىدىكى ئىملا خاتالىقىنى تەھرىرلەپ قويغان بولساڭلار .

نىمە دىسەم بۇلار بۇنداقلارغا؟

ساتقىنلىق-------غورورسىز ئنساننىڭ روھىدىكى رەزىللىك.

ياخشى يوللاپسىز،بەزىلەر داڭلىق شەخىسلەر دەپ يۇرەتتى بۇ ئىپلاس مۇناپىقلارنى،

بولدى قىلاي مەن گەپ قىلسام بەك قايناپ كىتىمەن  . . . !

  داڭلىق شەخىس دىگەن كىم..؟

مەنمۇ بولدى قىلاي ، بۇخائېنلارنىڭ قىلمىشدىن بىخەۋەر يولداشلىرمىز ئالايىتەن بىرىپ ئاشۇ مەلئۇننىڭ قەبرىسېىنى زىيارەت قىلدۇ ئەمەسمۇ .

جاللات خېنىم رۇمانىدا خېلى ياخشى ئەپتى بەشىرىسى ئېچلىپتۇ بولمىسا

مۇناپىق ئىپلاسلارغا بۇنىڭدىن ئارتۇق <<ئىنئام>> يوق، بۇ ئىپلاسلارغا بۇ جازالارمۇ يىنىك بولۇپ قاپتۇ!

<<خەپ>> لىرىمدىن سۈكۈتلىرىم يىمەكتە تولغاق................

يەنە چوڭ مۇناپىق ئابدۇغۇپۇر شاپتۇل داموللىمۇ بار. ئۇ ئازغۇن- مۇناپىقلىقتا چېكىگە يىتىپ« .....ئەگەر يەنە پەيغەمبەر كېلىدىغان بولسا ،شىڭ دۇبەن جاناپلىرى پەيغەمبەر بۇلغان بۇلاتتى......................»  دىگەن ئىكەن. كىيىن ئۇمۇ ئىت ئۈلىمىدە ئۆلگەن ئىكەن.

تېما ئېگىسىنىڭ ئەجرىگە كۆپ رەھمەت  . . . . .  @@@~~~~~~!!!
بۇ ئافاق غوجا بىز ئۇيغۇرلارغا تارتىپ ئالغۇسىز مەينەتچىلىك ، بىلىمسىزلىك ، ئىتىقادسىزلىق ،  . ..  كۆپ جاپالارنىڭ كىلىش مەنبەسى بولۇپ قالغان .  بۇ ئالدامچى كاززاپ( ئافاق غوجا ) نىڭ ئەپتى بەشىرىسى كۆپ كىتاپلاردا سۆزلەنگەن : مەخدۇم ئەزەم ۋە ئۇنىڭ ئەۋلاتلىرى < جەمئىي 6پارچە كىتاپ ) . بەخىتسىز سەئىدىيە .، سەئىدخان .، جاللات خېنىم  . ،    . . . . .  قاتارلىق كىتاپلاردا بۇ كاززاپنىڭ ئەپتى بەشىرىسى ئېنىق تەپسىلىي سۆزلەنگەن  . . .  ~~~~~~!!!

ياخشى تىمىكەن ، يوللۇغۇچىغا تەشەككۈر

    تېما ئېگىسىنىڭ ئەجرىگە كۆپ رەھمەت

ساتقىنلارھازىرقى جەميىتىمىزدە ھەرخىل تۇستە ئالدىڭىزغا ئۇچراپ تۇرىدۇ. مەنسەپ تاماسىدا بىربىرىگە ئورا كولاپ ئاخىردا يەنىلا  شۇ چوشقىلارنىڭ  مۇئاۋىنى بولۇپ  قول ئاستىدىكى بىچارىلەرنى زار-زار قاخشىتىدۇ. دىسەم گەپ تولا ........................

ئۇنداق ئادەملەر دۇنيا ۋە ئاخىرەتتە خار زەبۇن بولۇدۇ .يا دۇنيا لقى يۇق يا ئاخىرەتلىكى ھەي ئىست ئۇلارنىڭ ھالىغا ۋاي .بۇ تۆگمىنى دەپ تۆگىدىن قۇرۇق قالغان لىق دە!!!!!!!

بۇندق مۇناپق قاچانمۇ تۇگە

ئاپپاق غوجىنىڭ جىنايىتى ھەقىقەتەن ھەددى ھىسابسىز ، نىياز ھېكىمبەگنىڭ ساتقىنلىقىمۇ ھەقىقەت ، ساتقىن ھېكىم نۇر توغرىسىدا جېق نەرسىلەرنى بىلىپ كەتمەيمەن .
لىكىن مىنىڭ بىلىشىمچە ياقۇپبەگ ( ئۆز زامانىسىدىكى بەدۆۋلەت) ھەرگىزمۇ ياخشى ئادەم ئەمەس ، ئۇ بىر تاجاۋۇزچى ، ئۇ بىگۇناھ قىرىۋەتكەن ئۇيغۇرلارنىڭ سانى خۇيزۇلاردىن چىققان ئىپلاس ماجۇڭيىڭ ئۆلتۈرىۋەتكەندىن نەچچە ھەسسە كۆپ ، مۇڭغۇل شاھى غالدان ئۇيغۇر ئېلىغا تاجاۋۇز قىلىپ ئۆلتۈرىۋەتكەندىن ئاز چىقمايدۇ ، ئۇ ھەرگىزمۇ ئۇيغۇرلار ئېلىنى بىرلىككە كەلتۈرۈشنى مەقسەت قىلغانمۇ ئەمەس ، ئۇيغۇرلارنىڭ تېرىقتەك چېچىلىپ يۇرتۋازلىقىنىڭ تېخىمۇ يۇقىرى باسقۇچقا چىقىشىغا( ئۆز ۋاقتىدىكى ئۇيغۇر خانلىرىنىڭ زىمىنلىرىنى يەنى ھازىرقى شىنجاڭنى 6 شەھەر دەپ ئايرىۋەتكەن ، بۇ خىل ھالەت تا ھازىرغىچە خەلقىمىزنىڭ پىسخىكىسىدا ساقلىنىۋاتىدۇ) دەل ئاشۇ بەدۆۋلەت سەۋەبچى ، مانجۇ خانلىرىنىڭ ئۇيغۇر ئەللىرىنى بېسىۋېلىپ زوراۋانلىق قىلىشى ۋە ئۇلارنىڭ بۇ يەرگە بېسىپ كىرىش باناسىنى دەل شۇ ئەبلەخ پەيدا قىلغان .ئۇ ئەبلەخ پەقەت ئاق تەنلىكلەرنىڭ ئىتى ئىدى ، شىنجاڭغا كىرگەندىن كىيىن ( ئۇ چاغدا شىنجاڭنىڭ بىر قانچە رايۇنلىرىدا ئۆز ئالدىغا ئۇيغۇر خانلىقى بار ئىدى ) بۇ يەردىكى يەرلىك خانلارنىڭ ئۆز ئارا بىرلەشمەسلىكى ، ھەرقايسى رايۇنلاردا تېرىقتەك چېچىلغان خان ۋە ئەمىرلەرنىڭ زەئىپلەشكەنلىكى ، دۆتلىكى ، خەلقىمىزنىڭ نادان ، قويدەك يۇۋاشلىقىدىن پايدىلىنىپ ئۇيغۇر ئېلىنىڭ كۆپ قىسمىنى بېسىۋېلىشتەك << شان - شەرەپ >> لەرگە مۇشەررەپ بولغان ۋە دەل شۇ چاغدىلا ئۆز ئالدىغا خانلىق تىكلەش ، ئۇيغۇرلارنى قۇل قىلىش مەقسىدىدە بولغان ھەم ئۆز خوجايىنلىرىغا ساتقىنلىق قىلغان ( ئەمىلىيەتتە پەرەڭلەرنىڭ يارلىقى بىلەن بۇ يەرگە بېسىپ كەلگەن )، تورداش دوستلارنىڭ ئۆز ھىسياتىغا تايىنىپلا بىر تاجاۋۇزچىنى خەلقىمىزنىڭ باتۇرى ۋە ياكى قانداقتۇر ئۇيغۇر سۇلالىسى قۇرماقچى بولغان قەھرىمان ، پادىشاھ دەپ چۈشىنىۋالماسلىقىنى ئۈمىد قىلىمەن .

Quote:

بۇ مەزمون 7 - قەۋەتتىكى xirlhbala نىڭ 2007-11-23 20:07 دە يوللىغان يازمىسى“”:
   داڭلىق شەخىس دىگەن كىم..؟

مەشھۇر شەخس سەھىپىسىگە كىرىپ ئاپپاق غۇجا تۇغرىسىدا يېزىلغان ماقالىنى كۆۇرۇپ بېقىڭ.

بۇ ئىپلاسلارغا بۇ جازالارمۇ يىنىك بولۇپ قاپتۇ!

داۋامى :( ئىزاھات : ئەسلىدە بىراقلا يوللىماقچى ئىدىم ، تور كاشلىسى سەۋەبىدىن ئىككىگە بۈلۈنۈپ كەتتى ، توغرا چۈشەنگەيسىلەر !)
نىياز ھېكىمبەگ دىگەن ئىپلاسقا كەلسەك ئۆز ۋاقتىدا ئۇيغۇر خانلىرى ۋە ئۇيغۇر خەلقىنى ياقۇپبەگ دىگەن تاجاۋۇزچىغا تۇتۇپ بەرگەن ، كىيىن ياقۇپبەگدىن پايدا ئالالماي ، ياقۇپبەگنىڭ قۇشۇنلىرىنى مانجۇ خانىغا سېتىۋەتكەن ، شۇ چاغدا ئۇ ئىپلاس خائىن بىرەر شەھەرنىڭ ھاكىمبەگلىك ھۇقۇقىنى قولغا كىرگۈزۈش ئۈچۈن 2 دۆلەتنىڭ تاجاۋۇزچىلىرىغا خىزمەت قىلغان ، ئۇنىڭ تارىخىنى ئېنىق بىلگەن مانجۇ سەركەردىسى ( زۇ زوڭتاڭ ) كۈنلەرنىڭ بىرىدە ئۈزىگىمۇ قارشى چىقىشىدىن ئەنسىرەپ ئۇ ئەبلەخكە ھىچقانداق نەپ بەرمىگەن .
شۇ دەۋرلەردە ئاتالمىش بەدۆۋلەت ئۆلتۈرىۋەتكەن ئادەملەرنىڭ جېقلىقى ، خەلققە سالغان زۇلۇمنىڭ ئېغىرلىقى دەستىدىن ھازىرقى شىنجاڭ زىمىنىدا ياشىغان خەلقلەر مانجۇ سەركەردىسىگە ياقۇپبەگ توغرىسىدا تۈرلۈك مەلۇماتلار بىلەن تەمىنىلىگەن ، ھەتتا مانجۇ چىرىكلىرى بىلەن بىرلىشىپ ياقۇپبەگكە قارشى تۇرغان ،  ( بۇ ھەرگىزمۇ ھازىرقى تارىخ كىتابلاردىن ئۈزۈپ ئېلىنغان گەپلەر ئەمەس)
يەرلىك خەلقنىڭ ياردىمى بولمىغان بولسا مانجۇلارنىڭ ياقۇپبەگنى شىنجاڭدىن ئۇنداق تىز قوغلاپ چىقىرىشى مۇمكىن ئەمەستى .
خەلق 2 ئەسىرگە يېقىن ۋاقىتتىكى چېچىلىش ، تاجاۋۇزچىلارنىڭ ئىزىشىدىن جاق تويغان ، شۇ چاغدا شىنجاڭغا كىرگەن مانجۇ قۇشۇنلىرى بىر قەدەر تەرتىپلىك ، تۈزۈملىرى مۇكەممەل بولغان ھەربى قۇشۇن بۇلۇپ ، شىنجاڭنى ئۆز چىگراسىغا كىرگۈزىۋېلىشنى مەقسەت قىلغان ھەمدە خەلقنىڭ قەلبىنى مايىل قىلىشنىمۇ قولدىن بەرمىگەن بولغاچقا ياقۇپبەگ << ھاكىمىيىتى >> ئۇزاققا بارمايلا ئاغدۇرۇلغان ، كىين مانجۇلار يەرلىك خەلقلەرنى قوغداشنى قالپاق قىلىپ ، ھەربىر شەھەرگە ئۆزىگە خىزمەت قىلىشنى خالايدىغان ، خەلقنى ھەرخىل ئاماللار بىلەن ئالداپ باشقۇرۇشنى بىلىدىغان ، باج - سېلىقنى يىغىشقا كاپالەتلىك قىلالايدىغان ئۇيغۇرلاردىن ھاكىمبەگلەرنى تەيىنلىگەن  ، شۇنىڭغا قۇشۇپ ھەر بىر شەھەردە يەنە  بىردىن مانجۇ سەركەردىنى خان مۇپەتتىشى قىلىپ بەلگىلىگەن ، بۇ خان مۇپەتتىشلىرىنىڭ ئۆز ئالدىغا مۇنتىزىم ھەربى  قۇشۇنلىرى تۇرغۇزۇلغان ( پۈتۈنلەي مانجۇ ، خەنزۇ لاردىن تەركىب تاپقان دىيىشكە بولىدۇ ) ، ھاكىمبەگلەرنىڭ ۋەزىپىسى شۇ رايۇندىكى خەلقتىن مانجۇ خانلىرىغا ۋە ئۆزلىرىگە باج - سېلىق يىغىش ، خەلق ئىچىدىكى مانجۇلارغا چېتىلىپ كەتمەيدىغان ماجرالارنى بىر تەرەپ قىلىش دىگەندەك ئىشلار بولغان ، خان مۇپەتتىشلىرى بولسا ھاكىمبەگلەرنىڭ خىزمىتىنى نازارەت قىلىش ، خەلقنىڭ كىيىنكى توپىلاڭلىرىنى باستۇرۇش بۇلۇپ خۇددى ھازىرقى جۇمھۇرىيەتتىن بۇرۇن شەرقى شىمالدا قۇرۇلغان مانجۇرىيە دۆلىتىدىكى ياپۇن ژاندارمىلىرىغا ئوخشىتىشقا بۇلىدۇ .
بىر قانچە يىللاردىن كىيىن  زىمىنىمىز شىنجاڭ ( مەنىسى : يېڭى چىگرا ياكى يېڭىدىن قۇشۇلغان زىمىن) دەپ ئاتالغان ، ھازىرمۇ ھەم شۇنداق ئاتىلىۋاتىدۇ .

ياقۇپبەگ دىگىنى ئۇيغۇر ئەمەس ئۆزبىكقۇ دەيمەن....

ياخشى تىما ئىكەن رەھمەت.

ياخشى تىمىكەن ، يوللۇغۇچىغا تەشەككۈر .
سالامەت بولۇڭ

ھازىرقى جەميتىمىزدە تېخىمۇ كۆپقۇ ئۇنداق كىشىلىرىمىز بۇلار بەلكىم ئاشۇ ساتقۇنلارنىڭ ئەۋلادلىرى بولسا كېرەك .

بىزدە ساتقىن بەك كۆپ. ئەمما سىز ئەڭ ۋەكىلىلىك ئۈچۈنى تاللاپ تىللاپسىز. بۇنداق مۇناپىقلارنى كوچىدىن ئۆتكەن چاشقان ئۇر-ئۇرغا قالغاندەك ھالەتكە كەلتۈرمىگىچە ھازىرقى مۇناپىقلار تىنچىمايدۇ.

ھەممىدىن يامان بولغىنى ئاپپاق خوجا دىگەن مۇناپىقنىڭ ئىسلام دىگەن نامغا ئورۇنۋېلىپ ، خائىنلىق قىلغىنى بولدى . ئۇنىڭ شۇ مۇناپىقلىقى سەۋەبىدىن ، ھازىر كۈرمىڭلىغان ئۇيغۇر مىللىتى شۇنى بانا قىلىپ ئىسلامنى دۈشمەن كۆرىدۇ .

تەسەۋۋۇر دوستۇم،سالامەتلىكىڭىز ياخشىمۇ ؟سوغۇق ئۈتۈپ قالمىغاندۇ؟
بۇ يەردە ھىچقانداق بىر ئۇيغۇرنىڭ ئىسلامنى ئۆچ كۈرۈپ قالغىنى يوققۇ ؟سىز نىمىدەپ جۈيلىۋاتىسىز؟
ئافاق خوجا دەل خەلقىمىزنىڭ دىنىمزغا بولغان سادىقلىقى ۋە ساددىلىقىدىن پايدىلىنىپ بىزلەرنى موشۇ كۈنگە قويغان .ھىچقانداق بىر ئۇيغۇر ئىسلامغا ئۆچ بولۇپ كەتكىنى يوق .بىز مەڭگۈ ئىسلام دىنىمىزنى سۆيىمىز. ھېلىمۇ ئۇيغۇر لار دىنسىزلاشتۇرۇش سىياسىتىنىڭ تەسىرىدە دىنىنى يوقاتماي،ئەمەلدە كۆرسەتمىسىمۇ ،دىلىدا بولسىمۇ ئىسلامغا سادىقلىقىنى بىلدۈرۈپ قەيسەرلىك بىلەن ياشاپ كېلىۋاتمامدۇ؟
بىز ئىسلامغا ئۆچ ئەمەس،بۇندىن كىيىنمۇ شۇنداقلا مەڭگۈ ئۆچ بولمايمىز.
سىز نىڭ كاللىڭىزنى سىلكىۋېتىپ گەپ قىلىشىڭىزنى ئۈمىد قىلىمەن قېرىندىشىم.