ﻣﻪﻥ 2007-ﻳﯩﻠﻠﯩﻖ ﺩﯙﻟﻪﺗﻠﯩﻚ ﺋﻪﺩﻟﯩﻴﻪ ﺋﯩﻤﺘﯩﻬﺎﻧﯩﻐﺎ ﻗﺎﺗﻨﺸﯩﭗ 340 ﻧﻮﻣﯘﺭ ﺋﺎﻟﺪﯨﻢ، ﺋﯘﻳﻐﯘﺭ ﻳﯧﺰﯨﻘﯩﺪﺍ ﺋﯩﻤﺘﯩﻬﺎﻥ ﺑﻪﺭﮔﯜﭼﯩﻠﻪﺭﻧﯩﯔ ﻧﻮﻣﯘﺭ ﺳﯩﺰﯨﻘﻰ 276 ﺑﻮﻟﺪﻯ.  ﻳﯧﻘﯩﻦ-ﻳﻮﺭﯗﻗﻼﺭﺩﯨﻦ ﺑﯩﺮﻧﻪﭼﭽﯩﺴﻰ ﺷﯘﻧﺪﺍﻕ ﺑﯩﺮ ﺗﻪﺳﯩﺮﺍﺕ ﻳﯧﺰﯨﺸﯩﻤﻨﻰ، ﺑﯘ ﺗﻪﺳﯩﺮﺍﺗﺘﯩﻦ ﺑﻪﺯﻯ ﭘﺎﻳﺪﯨﻠﯩﻖ ﺗﻪﺟﺮﯨﺒﯩﻠﻪﺭﻧﻰ ﻗﻮﺑﯘﻝ ﻗﯩﻠﯩﭗ، 2008- ﻳﯩﻠﻠﯩﻖ ﺋﯩﻤﺘﯩﻬﺎﻧﻐﺎ ﺗﻪﻳﻴﺎﺭﻟﯩﻖ ﻗﯩﻠﯩﺶ ﭘﯩﻼﻧﯩﻨﻰ ﻛﯚﭖ ﻗﯧﺘﯩﻢ ﺋﯧﻴﺘﯩﺸﺘﻰ، ﻧﻪﺗﯩﺠﻪ ﭼﯩﻘﻘﺎﻧﺪﯨﻦ ﻛﯧﻴﯩﻦ ﻣﻪﻧﺪﯨﻦ ﺑﯘ ﻫﻪﻗﺘﻪ ﺳﻮﺭﺍﻳﺪﯨﻐﺎﻥ ﺳﯘﺋﺎﻟﻼﺭ ﺗﯧﺨﯩﻤﯘ ﻛﯚﭘﯩﻴﯩﭗ ﻛﻪﺗﺘﻰ. ﺷﯘﯕﺎ ﺑﯘ ﺗﻪﺳﯩﺮﺍﺗﻨﻰ ﻳﺎﺯﺩﯨﻢ.
ﺋﻪﺩﻟﯩﻴﻪ ﺋﯩﻤﺘﯩﻬﺎﻧﻰ ﻣﻮﺷﯘ ﺋﯩﻤﺘﯩﻬﺎﻧﻨﻰ ﺑﻪﺭﮔﯜﭼﯩﻠﻪﺭﻧﯩﯔ ﻫﺎﻳﺎﺗﯩﺪﯨﻜﻰ ﺋﯩﻨﺘﺎﻳﯩﻦ ﻣﯘﻫﯩﻢ ﺑﯩﺮ ﺩﻩﯞﺭ ﺑﯚﻟﮕﯜﭺ ﺧﺎﺭﺍﻛﺘﯧﺮﻟﯩﻚ ﺋﯩﻤﺘﯩﻬﺎﻥ ﺑﻮﻟﻐﺎﻧﻠﯩﻘﻰ، ﻗﯩﻴﯩﻨﻠﯩﻖ ﺩﻩﺭﯨﺠﯩﺴﻰ ﻳﯘﻗﯩﺮﻯ ﺑﻮﻟﻐﺎﭼﻘﺎ "ﺟﯘﯕﮕﻮﺩﯨﻜﻰ ﺑﯩﺮﯨﻨﭽﻰ ﺋﯩﻤﺘﯩﻬﺎﻥ" ﺩﯦﮕﻪﻥ ﻧﺎﻣﻰ ﺑﻮﻟﻐﺎﻧﻠﯩﻘﻰ، ﺋﯩﻤﺘﯩﻬﺎﻥ ﺑﻪﺭﮔﯜﭼﯩﺪﯨﻦ ﻛﯚﭖ ﺗﻪﺭﻩﭘﻠﯩﻤﻪ ﺗﻪﻳﻴﺎﺭﻟﯩﻖ ﻛﯚﺭﯛﺷﻨﻰ ﺗﻪﻟﻪﭖ ﻗﯩﻠﻐﺎﻧﻠﯩﻘﻰ ﺋﯜﭼﯜﻥ، ﺑﯘ ﺗﻪﺳﯩﺮﺍﺗﺘﺎ ﺑﻪﺯﻯ ﺗﻪﭘﺴﯩﻼﺗﻼﺭ، ﻫﻪﺗﺘﺎ ﺧﯘﺳﯘﺳﯩﻲ ﺭﻭﻫﯩﻲ ﻫﺎﻟﻪﺗﻠﻪﺭﻣﯘ ﻳﯧﺰﯨﻠﯩﺪﯗ، ﺑﯘﻧﺪﺍﻕ ﺋﯩﻨﭽﯩﻜﻪ ﺗﻪﭘﺴﯩﻼﺗﻼﺭﻧﯩﯔ ﺑﯘ ﺋﯩﻤﺘﯩﻬﺎﻥ ﻫﻪﻗﻘﯩﺪﻩ ﭼﯜﺷﻪﻧﭽﯩﺴﻰ ﻳﻮﻗﻼﺭﻏﺎ، ﺗﯘﻧﺠﻰ ﻗﯧﺘﯩﻢ ﺗﻪﻳﻴﺎﺭﻟﯩﻖ ﻛﯚﺭﮔﯜﭼﯩﻠﻪﺭﮔﻪ ﻧﯩﺴﺒﻪﺗﻪﻥ  ﺑﻪﻟﮕﯩﻠﯩﻚ ﺋﻪﻫﻤﯩﻴﯩﺘﻰ ﺑﺎﺭ ﺩﻩﭖ ﻗﺎﺭﺍﻳﻤﻪﻥ. ﻣﯧﻨﯩﯔ ﺋﻪﺳﻠﻰ ﻛﻪﺳﭙﯩﻢ ﺋﯘﻳﻐﯘﺭ ﺗﯩﻞ-ﺋﻪﺩﻩﺑﻴﺎﺗﻰ ﺑﻮﻟﻐﺎﻧﻠﯩﻘﻰ، ﺑﯘ ﺋﯩﻤﺘﯩﻬﺎﻧﻨﻰ ﺗﯘﻧﺠﻰ ﻗﯧﺘﯩﻢ ﺑﻪﺭﮔﻪﻧﻠﯩﻜﯩﻢ ﺋﯜﭼﯜﻥ، "ﺗﻪﺳﯩﺮﺍﺕ" ﭼﻮﻟﺘﯩﻠﯩﻘﺘﯩﻦ ﺧﺎﻟﯩﻲ ﺋﻪﻣﻪﺱ، ﺗﯧﮕﯩﺸﻠﯩﻚ ﻳﯧﺮﯨﻨﯩﻼ ﻗﻮﺑﯘﻝ ﻗﯩﻠﻐﺎﻳﺴﯩﻠﻪﺭ.
ﻫﯚﻛﯜﻣﻪﺕ ﺗﻪﺭﻩﭖ ﺋﯧﻨﯩﻘﻠﯩﻤﯩﺴﻰ ﻣﯘﻧﺪﺍﻕ: ﺩﯙﻟﻪﺗﻠﯩﻚ ﺋﻪﺩﻟﯩﻴﻪ ﺋﯩﻤﺘﯩﻬﺎﻧﻰ - ﺩﯙﻟﻪﺕ ﺑﯩﺮ ﺗﯘﺗﺎﺵ ﺋﻮﺭﯗﻧﻼﺷﺘﯘﺭﻏﺎﻥ ﺋﺎﻻﻫﯩﺪﻩ ﻗﺎﻧﯘﻥ ﻛﻪﺳﭙﻰ ﺑﯩﻠﻪﻥ ﺷﯘﻏﯘﻟﻼﻧﻐﯘﭼﯩﻼﺭﺩﯨﻦ ﺋﯧﻠﯩﻨﯩﺪﯨﻐﺎﻥ ﺳﺎﻻﻫﯩﻴﻪﺕ ﺋﯩﻤﺘﯩﻬﺎﻧﯩﺪﯗﺭ.
ﺑﯘﺭﯗﻥ ﺑﯘ ﺋﯩﻤﺘﯩﻬﺎﻥ ﺳﻮﺗﭽﻰ، ﺗﻪﭘﺘﯩﺶ، ﺋﺎﺩﯞﯗﻛﺎﺗﻼﺭﺩﯨﻦ ﺋﺎﻳﺮﯨﻢ-ﺋﺎﻳﺮﯨﻢ ﺋﯧﻠﯩﻨﻐﺎﻧﯩﻜﻪﻥ، 2002- ﻳﯩﻠﻰ ﻣﻮﺷﯘ ﻧﺎﻣﺪﺍ ﺑﺎﺷﻼﻧﻐﺎﻥ ﺑﻮﻟﯘﭖ، "ﺗﻪﭘﺘﯩﺸﻠﻪﺭ ﻗﺎﻧﯘﻧﻰ"، "ﺳﻮﺗﭽﯩﻼﺭ ﻗﺎﻧﯘﻧﻰ"، "ﺋﺎﺩﯞﯗﻛﺎﺗﻼﺭ ﻗﺎﻧﯘﻧﻰ" ﯞﻩ "ﻫﯚﻛﯜﻣﻪﺕ ﮔﯘﯞﺍﻫﻠﯩﻘﻰ ﻗﺎﻧﯘﻧﻰ" ﺩﯨﻜﻰ ﺑﻪﻟﮕﯩﻠﯩﻤﯩﻠﻪﺭ ﺑﻮﻳﯩﭽﻪ ﺗﯘﻧﺠﻰ ﻗﯧﺘﯩﻢ ﺳﻮﺗﭽﯩﻠﯩﻖ، ﺗﻪﭘﺘﯩﺸﻠﯩﻚ، ﺋﺎﺩﯞﯗﻛﺎﺗﻠﯩﻖ، ﻫﯚﻛﯜﻣﻪﺕ ﮔﯘﯞﺍﻫﻠﯩﻖ ﺳﺎﻻﻫﯩﻴﯩﺘﯩﮕﻪ ﺋﯩﮕﻪ ﺑﻮﻟﯘﺵ ﺋﯜﭼﯜﻥ ﭼﻮﻗﯘﻡ ﺑﯘ ﺋﯩﻤﺘﯩﻬﺎﻧﺪﯨﻦ ﺋﯚﺗﯜﺷﻰ ﻛﯧﺮﻩﻙ. ﺑﯘ ﺋﯩﻤﺘﯩﻬﺎﻧﺪﯨﻦ ﺋﯚﺗﻜﻪﻧﺪﯨﻦ ﻛﯧﻴﯩﻦ ﺋﻪﺩﻟﯩﻴﻪ ﻣﯩﻨﯩﺴﺘﯩﺮﻟﯩﻜﻰ "ﻗﺎﻧﯘﻥ ﻛﻪﺳﭙﻰ ﺳﺎﻻﻫﯩﻴﻪﺕ ﻛﯩﻨﯩﺸﻜﯩﺴﻰ" ﺑﯧﺮﯨﺪﯗ. ﻳﯘﻗﯩﺮﯨﻘﻰ ﺋﯜﭺ ﻛﻪﺳﯩﭙﺘﯩﻜﯩﻠﻪﺭ ﻣﻮﺷﯘ ﻛﯩﻨﯩﺸﻜﯩﮕﻪ ﺋﺎﺳﺎﺳﻪﻥ، ﺋﯚﺯﻟﯩﺮﻯ ﺷﯘﻏﯘﻟﻼﻧﻤﺎﻗﭽﻰ ﺑﻮﻟﻐﺎﻥ ﻛﻪﺳﯩﭙﻨﯩﯔ ﻛﯩﻨﯩﺸﻜﯩﺴﯩﻨﻰ ﺋﯩﻠﺘﯩﻤﺎﺱ ﻗﯩﻠﯩﺪﯗ. ﺋﺎﺩﻩﺗﺘﻪ، ﻣﻪﻣﯘﺭ ﺑﻮﻟﻤﯩﻐﺎﻥ ﻛﯩﺸﯩﻠﻪﺭ ﺳﻮﺗﭽﻰ، ﺗﻪﭘﺘﯩﺶ ﺑﻮﻟﻤﺎﻗﭽﻰ ﺑﻮﻟﺴﺎ، ﻣﻪﻣﯘﺭﻟﯘﻕ ﺋﯩﻤﺘﯩﻬﺎﻧﺪﯨﻦ ﺋﯚﺗﯜﺷﻰ ﻛﯧﺮﻩﻙ، ﻟﯧﻜﯩﻦ ﻣﯧﻨﯩﯔ ﺋﺎﯕﻠﯩﻐﯩﻨﯩﻤﺪﺍ ﻳﯘﻗﯩﺮﯨﻘﻰ ﻛﯩﻨﯩﺸﻜﯩﻨﻰ ﺋﯧﻠﯩﭗ ﺳﻮﺕ، ﺗﻪﭘﺘﯩﺸﻨﯩﯔ ﻣﻪﻣﯘﺭﻟﯘﻕ ﺋﯩﻤﺘﯩﻬﺎﻧﯩﻐﺎ ﻗﺎﺗﻨﺎﺷﻘﺎﻧﻼﺭﻏﺎ ﺯﻭﺭ ﺋﯧﺘﯩﺒﺎﺭ ﺑﯧﺮﯨﻠﯩﺪﯨﻜﻪﻥ. ﺋﺎﺩﯞﯗﻛﺎﺗﻠﯩﻖ ﺳﺎﻻﻫﯩﻴﯩﺘﻰ ﯞﻩ ﻫﯚﻛﯜﻣﻪﺕ ﮔﯘﯞﺍﻫﻠﯩﻖ ﺳﺎﻻﻫﯩﻴﯩﺘﻰ  ﺋﯜﭼﯜﻥ ﺋﯩﻤﺘﯩﻬﺎﻥ ﺑﻪﺭﻣﻪﻱ ﺑﯩﯟﺍﺳﯩﺘﻪ ﺋﯩﻠﺘﯩﻤﺎﺱ ﻗﯩﻠﯩﭗ، ﺑﯩﺮ ﻳﯩﻠﻠﯩﻖ ﭘﺮﺍﻛﺘﯩﻜﺎ ﻣﻪﺯﮔﯩﻠﯩﻨﻰ ﺗﯜﮔﻪﺗﻜﻪﻧﺪﯨﻦ ﻛﯧﻴﯩﻦ ﺋﺎﺩﯞﯗﻛﺎﺗﻠﯩﻖ ﻛﯩﻨﯩﺸﻜﯩﺴﻰ ﺋﺎﻻﻻﻳﺪﯨﻜﻪﻥ. "ﻗﺎﻧﯘﻥ ﻛﻪﺳﭙﻰ ﺳﺎﻻﻫﯩﻴﻪﺕ ﻛﯩﻨﯩﺸﻜﯩﺴﻰ" A, B, C ﺩﻩﭖ ﺋﯜﭺ ﺗﯜﺭﮔﻪ ﺑﯚﻟﯜﻧﯩﺪﯨﻜﻪﻥ. ﻟﯧﻜﯩﻦ ﻣﻪﻥ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺗﯩﻞ-ﻳﯧﺰﯨﻘﯩﺪﺍ ﺋﯩﻤﺘﯩﻬﺎﻥ ﺑﻪﺭﮔﻪﻧﻠﻪﺭﻧﯩﯔ  A, B ﻛﯩﻨﯩﺸﻜﻪ ﺋﯧﻠﯩﺶ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﺑﯩﺮﻩﺭ ﺋﯧﻨﯩﻖ ﺟﺎﯞﺍﺑﻘﺎ ﺋﯧﺮﯨﺸﻪﻟﻤﯩﺪﯨﻢ. ﻗﯩﺴﻘﯩﺴﻰ، ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺗﯩﻞ-ﻳﯧﺰﯨﻘﯩﺪﺍ ﺋﯩﻤﺘﯩﻬﺎﻥ ﺑﻪﺭﮔﻪﻧﻠﻪﺭ C ﻛﯩﻨﯩﺸﻜﻪ ﺑﯩﻠﻪﻧﻼ ﻳﯘﻗﯩﺮﯨﻘﻰ ﻣﻪﻗﺴﻪﺗﻜﻪ ﻳﯧﺘﻪﻟﻪﻳﺪﯨﻜﻪﻥ.  ﺧﻪﻧﺰﯗ ﺗﯩﻞ -ﻳﯧﺰﯨﻘﯩﺪﺍ ﺋﯩﻤﺘﯩﻬﺎﻥ ﺑﻪﺭﮔﯜﭼﯩﻠﻪﺭﮔﻪ ﻗﻮﻳﯘﻟﻐﺎﻥ ﺗﻪﻟﻪﭖ ﺑﯩﺮ ﻗﻪﺩﻩﺭ ﻳﯘﻗﯩﺮﻯ، ﺋﯚﻟﭽﯩﻤﻰ ﺋﻮﺧﺸﯩﻤﺎﻳﺪﯨﻜﻪﻥ، ﺑﯘ ﻫﻪﻗﺘﻪ ﺗﻮﺧﺘﺎﻟﻤﺎﻳﻤﯩﺰ.
ﺋﯩﻤﺘﯩﻬﺎﻧﻐﺎ ﻗﺎﺗﻨﯩﺸﺎﻻﻳﺪﯨﻐﺎﻧﻼﺭ: ﻣﻪﻳﻠﻰ ﻗﺎﻳﺴﯩﻼ ﻛﻪﺳﯩﭙﺘﻪ ﺑﻮﻟﻤﯩﺴﯘﻥ، ﺗﻮﻟﯘﻕ ﻛﯘﺭﺱ ﺋﻮﻗﯘﺵ ﺗﺎﺭﯨﺨﯩﻐﺎ ﺋﯩﮕﻪ ﺑﻮﻟﻐﺎﻥ ﻛﯩﺸﯩﻠﻪﺭ ﻗﺎﺗﻨﺎﺷﺴﺎ ﺑﻮﻟﯩﺪﯗ، ﻟﯧﻜﯩﻦ ﺩﯙﻟﻪﺕ ﻧﺎﻣﺮﺍﺕ ﺭﺍﻳﻮﻧﻼﺭ ﯞﻩ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺭﺍﻳﻮﻧﻠﯩﺮﯨﻐﺎ ﺋﯧﺘﯩﺒﺎﺭ ﺑﯧﺮﯨﺶ ﻧﯘﻗﺘﯩﺴﯩﺪﯨﻦ ﻫﻪﺭ ﻳﯩﻠﻰ (ﻧﺎﻫﯩﻴﯩﻨﻰ ﺑﯩﺮﻟﯩﻚ ﻗﯩﻠﯩﭗ) ﺑﯩﺮ ﺗﯜﺭﻛﯜﻡ ﺭﺍﻳﻮﻧﻼﺭﻧﻰ "ﺋﻮﻗﯘﺵ ﺗﺎﺭﯨﺨﯩﻲ ﭼﻪﻛﻠﯩﻤﯩﺴﻰ ﻗﻮﻳﯘﯞﯦﺘﯩﻠﮕﻪﻥ ﺭﺍﻳﻮﻥ" ﺩﻩﭖ ﺋﯧﻼﻥ ﻗﯩﻠﯩﺪﯗ، ﺑﯘﻧﺪﺍﻕ ﺭﺍﻳﻮﻧﻼﺭﺩﺍ ﻗﺎﻧﯘﻥ ﻣﻪﺧﺴﯘﺱ ﻛﯘﺭﺱ ﺋﻮﻗﯘﺵ ﺗﺎﺭﯨﺨﻐﺎ ﺋﯩﮕﻪ ﻛﯩﺸﯩﻠﻪﺭﻣﯘ ﺋﯩﻤﺘﯩﻬﺎﻧﻐﺎ ﻗﺎﺗﺸﯩﺸﺎﻻﻳﺪﯗ. ﺷﯩﻨﺠﺎﯕﺪﯨﻜﻰ ﭼﻮﯓ ﺷﻪﻫﻪﺭﻟﻪﺭﺩﯨﻦ ﺑﺎﺷﻘﺎ ﺭﺍﻳﻮﻧﻼﺭ ﺋﺎﺳﺎﺳﻪﻥ ﺩﯦﮕﯜﺩﻩﻙ ﻣﻮﺷﯘ ﺩﺍﺋﯩﺮﯨﮕﻪ ﻛﯩﺮﮔﯜﺯﯛﻟﺪﻯ، ﺭﺍﻳﻮﻧﻼﺭ ﺗﻪﭘﺴﯩﻼﺗﻰ:( http://www.legalinfo.gov.cn/misc/2007-05/30/content_627319.htm) ﻳﯘﻗﯩﺮﯨﻘﻰ ﭼﻪﻛﻠﯩﻤﯩﺪﯨﻦ ﺑﺎﺷﻘﺎ، ﺑﯩﺮﻯ، ﻫﯚﻛﯜﻣﻪﺕ ﺧﯩﺰﻣﯩﺘﯩﺪﯨﻦ ﻫﻪﻳﺪﻩﻟﮕﻪﻧﻠﻪﺭ، ﻳﻪﻧﻪ ﺑﯩﺮﻯ، ﻗﻪﺳﺘﻪﻥ ﺟﯩﻨﺎﻳﻪﺕ ﺋﯚﺗﻜﯜﺯﯛﭖ ﺟﯩﻨﺎﻳﻰ ﺟﺎﺯﺍﻏﺎ ﺗﺎﺭﺗﯩﻠﻐﺎﻧﻼﺭ، ﺋﯜﭼﯩﻨﭽﯩﺴﻰ، ﺋﺎﺩﯞﯗﻛﺎﺗﻠﯩﻖ ﻛﯩﻨﯩﺸﻜﯩﺴﻰ ﺑﯩﻜﺎﺭ ﻗﯩﻠﯩﻨﻐﺎﻧﻼﺭﻧﯩﯔ ﺋﯩﻤﺘﯩﻬﺎﻧﻐﺎ ﻗﺎﺗﻨﯩﺸﯩﺶ ﺳﺎﻻﻫﯩﻴﯩﺘﻰ ﺑﻮﻟﻤﺎﻳﺪﯨﻜﻪﻥ. (ﺑﺎﺷﻘﺎ ﺗﻪﭘﺴﯩﻼﺕ: http://www.legalinfo.gov.cn/misc/2007-05/29/content_626527.htm )
ﺑﯘ ﺋﯩﻤﺘﯩﻬﺎﻥ ﺧﻪﻧﺰﯗ، ﺋﯘﻳﻐﯘﺭ، ﻗﺎﺯﺍﻕ، ﺯﺍﯕﺰﯗ ﻳﯧﺰﯨﻘﻠﯩﺮﯨﺪﺍ ﺋﯧﻠﯩﻨﯩﺪﯗ. ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﮔﻪ ﻛﯚﭖ ﺟﻪﻫﻪﺗﺘﯩﻦ ﺋﯧﺘﯩﺒﺎﺭ ﺑﺎﺭ، ﺑﻪﺯﻯ ﺋﯧﺘﯩﺒﺎﺭﻻﺭﻧﯩﯔ (ﻣﻪﺳﯩﻠﻪﻥ ﺋﻮﻗﯘﺵ ﺗﺎﺭﯨﺨﻰ ﭼﻪﻛﻠﯩﻤﯩﺴﯩﻨﻰ ﻗﻮﻳﯘﯞﯦﺘﯩﺶ) 2011- ﻳﯩﻠﯩﻐﯩﭽﻪ ﺑﻮﻟﯩﺪﯨﻐﺎﻧﻠﯩﻘﻰ ﺋﯘﻗﺘﯘﺭﯗﻟﺪﻯ.  ﻳﯘﻗﯩﺮﯨﻘﻰ ﺋﯧﺘﯩﺒﺎﺭﺩﯨﻦ ﺑﺎﺷﻘﺎ ﻣﯘﻧﺪﺍﻕ ﺑﯩﺮ ﭼﻮﯓ ﺋﯧﺘﯩﺒﺎﺭ ﺑﺎﺭ. ﺋﺎﺩﻩﺗﺘﻪ، ﺋﯩﻤﺘﯩﻬﺎﻥ ﻗﻪﻏﯩﺰﻯ ﺗﯚﺕ ﺑﻮﻟﯩﺪﯗ،ﺋﻮﻣﯘﻣﻰ ﻧﻮﻣﯘﺭ 600.  4- ﻗﻪﻏﻪﺯﺩﻩ ﻗﻪﻟﻪﻡ ﺑﯩﻠﻪﻥ ﻳﺎﺯﯨﺪﯨﻐﺎﻥ ﻣﻪﺯﻣﯘﻥ ﺑﻮﻟﯩﺪﯗ، ﺋﯘﻧﯩﯖﺪﺍ 10 ﻏﺎ ﻳﻪﺗﻤﯩﮕﻪﻥ ﺳﯘﺋﺎﻝ ﺑﻮﻟﯩﺪﯗ. ﺋﯘﻳﻐﯘﺭﭼﯩﻨﯩﯔ ﺑﯘ ﻳﯩﻞ ﺑﯩﺮ ﺳﯘﺋﺎﻝ ﻛﻪﻡ ﺑﻮﻟﺪﻯ. ﺑﺎﺷﻘﺎ ﺋﯜﭺ ﻗﻪﻏﻪﺯﻧﯩﯔ ﻫﻪﺭ ﺑﯩﺮﯨﺪﻩ100  ﺩﯨﻦ ﺳﯘﺋﺎﻝ ﺑﻮﻟﯩﺪﯗ، 150 ﻧﻮﻣﯘﺭ ﺑﯧﺮﯨﻠﯩﺪﯗ، ﺑﯘﻻﺭﻧﯩﯔ ﺟﺎﯞﺍﺑﯩﻨﻰ ﻛﺎﺭﺗﯩﻐﺎ ﻗﯧﺮﯨﻨﺪﺍﺵ ﺑﯩﻠﻪﻥ ﺑﻮﻳﺎﻳﺪﯗ، ﻛﻮﻣﭙﻴﯘﺗﯧﺮ ﺗﻪﻛﺸﯜﺭﯨﺪﯗ. ﺑﯘ ﺳﯘﺋﺎﻟﻼﺭﺩﺍ ﺗﺎﻕ ﺗﺎﻟﻼﺵ، ﺟﯜﭖ ﺗﺎﻟﻼﺵ( ﺋﯩﻜﯩﻜﯩﺴﻰ ﺗﻮﻏﺮﺍ)، ﻧﯩﺸﺎﻧﺴﯩﺰ ﺗﺎﻟﻼﺵ ﺑﻮﻟﯘﭖ( ﺑﯩﺮﻯ ﺗﻮﻏﺮﺍ ﺑﻮﻟﯘﺷﯩﻤﯘ، ﺗﯚﺗﻰ ﺗﻮﻏﺮﺍ ﺑﻮﻟﯘﺷﯩﻤﯘ ﻣﯘﻣﻜﯩﻦ)، 2005-ﻳﯩﻠﺪﯨﻦ ﺑﺎﺷﻼﭖ ﺋﯘﻳﻐﯘﺭﭼﻪ ﺋﯩﻤﺘﯩﻬﺎﻥ ﻗﻪﻏﯩﺰﯨﻨﯩﯔ ﻛﻮﻣﭙﻴﯘﺗﯧﺮ ﺗﻪﻛﺸﯜﺭﯨﺪﯨﻐﺎﻥ ﺋﯜﭺ ﻗﻪﻏﯩﺰﯨﻨﯩﯔ ﻫﻪﺭ ﺑﯩﺮﯨﺪﻩ ﺋﯜﭺ ﻧﻮﻣﯘﺭﻟﯘﻗﺘﯩﻦ 50 ﻻ ﺗﺎﻕ ﺗﺎﻟﻼﺵ ﺳﯘﺋﺎﻟﻰ ﭼﯩﻘﯩﯟﯦﺘﯩﭙﺘﯘ. ﺑﯘ ﺑﯩﺮ ﺋﯧﺘﯩﺒﺎﺭ، ﺋﯘﻧﯩﯔ ﺋﯜﺳﺘﯩﮕﻪ ﺑﯘ ﺳﯘﺋﺎﻟﻼﺭﻧﯩﯔ ﺋﯩﭽﯩﺪﯨﻜﻰ ﺷﯩﻨﺠﺎﯕﺪﺍ ﻛﯚﭖ ﺋﯩﺸﻠﯩﺘﻪﻟﻤﻪﻳﺪﯨﻐﺎﻥ ﺑﻪﺯﻯ ﻗﺎﻧﯘﻧﻼﺭﻏﺎ ﺩﺍﺋﯩﺮ ﺳﯘﺋﺎﻟﻼﺭ ﻗﯩﺴﻘﺎﺭﺗﯩﻠﯩﺪﯨﻜﻪﻥ، ﻣﻪﺳﯩﻠﻪﻥ، ﺩﯦﯖﯩﺰ ﺳﻮﺩﯨﺴﻰ ﻗﺎﻧﯘﻧﻰ... ﺩﯦﮕﻪﻧﺪﻩﻙ. ﻟﯧﻜﯩﻦ ﻣﻪﻥ ﺋﻪﺩﻟﯩﻴﻪ ﻧﺎﺯﺍﺭﯨﺘﻰ ﻗﺎﺗﺎﺭﻟﯩﻖ ﺋﻮﺭﯗﻧﻼﺭﺩﯨﻦ ﺳﯜﺭﯛﺷﺘﯜﺭﯛﺷﯩﻤﭽﻪ، ﺷﯘ ﻳﯩﻠﻠﯩﻖ ﺋﯩﻤﺘﯩﻬﺎﻧﺪﺍ ﺯﺍﺩﻯ ﺗﺎﻕ ﺗﺎﻟﻼﺷﻼ ﺑﻮﻻﻣﺪﯗ ﻳﺎﻛﻰ ﻫﻪﻣﻤﯩﺴﻰ؟ ﺑﯘﻧﻰ ﭘﻪﻗﻪﺕ ﺋﯩﻤﺘﯩﻬﺎﻥ ﻗﻪﻏﯩﺰﯨﻨﻰ ﻗﻮﻟﻐﺎ ﺋﺎﻟﻐﺎﻧﺪﯨﻼ ﺑﯩﻠﮕﯩﻠﻰ ﺑﻮﻟﯩﺪﯨﻜﻪﻥ. ﻣﯘﻧﺪﺍﻗﭽﻪ ﻗﯩﻠﯩﭗ ﺋﯧﻴﺘﻘﺎﻧﺪﺍ، ﺑﯘ ﻫﻪﻗﺘﻪ ﺋﺎﺷﻜﺎﺭﻩ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮﻩﺭ ﺑﻪﻟﮕﯩﻠﯩﻤﻪ ﻳﻮﻗﺘﻪﻙ ﻗﯩﻠﯩﺪﯗ.

2007- ﻳﯩﻠﻰ ﺋﻪﺩﻟﯩﻴﻪ ﺋﯩﻤﺘﯩﻬﺎﻧﯩﻐﺎ ﺗﻮﺭﺩﺍ ﺋﺎﻟﺪﯨﻦ ﺗﯩﺰﯨﻤﻼﺵ 6- ﺋﺎﻳﻨﯩﯔ 5-ﻛﯜﻧﯩﺪﯨﻦ 20-ﻛﯜﻧﯩﮕﯩﭽﻪ، ﺭﻩﺳﯩﻤﯩﻲ ﻳﯜﺯ ﺗﯘﺭﺍﻧﻪ ﺑﯧﻜﯩﺘﯩﺶ 7-ﺋﺎﻳﻨﯩﯔ 1- ﻛﯜﻧﯩﺪﯨﻦ 20- ﻛﯜﻧﯩﮕﯩﭽﻪ ﺑﻮﻟﺪﻯ. ﺋﺎﺩﻩﺗﺘﻪ ﻣﯘﺩﻩﺗﺘﯩﻦ ﺑﯘﺭﯗﻥ "ﺷﯩﻨﺠﺎﯓ ﮔﯧﺰﯨﺘﻰ" ﯞﻩ ﻫﻪﺭﻗﺎﻳﺴﻰ ﭼﻮﯓ ﻫﯚﻛﯜﻣﻪﺕ ﺗﻮﺭﻟﯩﺮﯨﺪﺍ ﺋﯧﻼﻥ ﻗﯩﻠﯩﻨﯩﺪﯗ. ﺋﻪﮔﻪﺭ ﺳﯩﺰ ﺗﻮﻟﯘﻕ ﻛﯘﺭﺱ ﺋﻮﻗﯘﺵ ﺗﺎﺭﯨﺨﯩﻐﺎ ﺋﯩﮕﻪ ﺑﻮﻟﺴﯩﯖﯩﺰ ﺩﯨﭙﻠﻮﻡ ﺑﯩﻠﻪﻥ ﻛﯩﻤﻠﯩﻜﻜﻪ ﺋﺎﺳﺎﺳﻪﻥ، ﻗﺎﻧﯘﻥ ﻣﻪﺧﺴﯘﺱ ﻛﯘﺭﺱ ﺋﻮﻗﯘﺵ ﺗﺎﺭﯨﺨﯩﻐﺎ ﺋﯩﮕﻪ ﺑﻮﻟﺴﯩﯖﯩﺰ ﻳﯘﻗﯩﺮﯨﻘﯩﻼﺭﺩﯨﻦ ﺑﺎﺷﻘﺎ ﻧﻮﭘﯘﺱ ﺩﻩﭘﺘﯩﺮﯨﻨﯩﻤﯘ ﻗﻮﺷﯘﭖ ﺋﯧﻠﯩﭗ ﺷﯘ ﯞﯨﻼﻳﻪﺕ (ﯞﯨﻼﻳﻪﺕ ﺩﻩﺭﯨﺠﯩﻠﯩﻚ ﺷﻪﻫﻪﺭ)ﺩﯨﻜﻰ ﺋﻪﺩﻟﯩﻴﻪ ﺋﯩﺪﺍﺭﯨﺴﯩﺪﺍ ﺗﯩﺰﯨﻤﻠﯩﺘﯩﺴﯩﺰ، ﺗﯩﺰﯨﻤﻼﺵ ﻫﻪﻗﻘﻰ 200 ﻧﻪﭼﭽﻪ ﻳﯜﻩﻥ. 2007- ﻳﯩﻠﻠﯩﻖ ﺋﯩﻤﺘﯩﻬﺎﻥ 9-ﺋﺎﻳﻨﯩﯔ 15-ﻛﯜﻧﯩﺪﯨﻦ 16-ﻛﯜﻧﯩﮕﯩﭽﻪ ﺋﯧﻠﯩﻨﺪﻯ.

ﺋﻪﺩﻟﯩﻴﻪ ﺋﯩﻤﺘﯩﻬﺎﻧﯩﺪﺍ ﺗﻪﻟﻪﻱ ﺳﯩﻨﺎﭖ ﺑﯧﻘﯩﺶ ﻗﻪﺗﺌﯩﻲ ﺋﺎﻗﻤﺎﻳﺪﯗ. ﺷﯘﯕﺎ ﭼﻮﻗﯘﻡ ﻣﻪﻗﺴﻪﺕ ﺋﯧﻨﯩﻖ ، ﺋﯩﺮﺍﺩﻩ ﭼﯩﯔ ﺑﻮﻟﯘﺷﻰ ﻛﯧﺮﻩﻙ. ﻣﯘﻧﺪﺍﻗﭽﻪ ﻗﯩﻠﯩﭗ ﺋﯧﻴﺘﻘﺎﻧﺪﺍ، ﺗﻪﻳﻴﺎﺭﻟﯩﻖ ﻗﯩﻠﻐﯘﭼﯩﺪﺍ "ﻣﻪﻥ ﺑﯘ ﺋﯩﻤﺘﯩﻬﺎﻧﻨﻰ ﺑﯧﺮﯨﭗ ﭼﻮﻗﯘﻡ ﺋﯚﺗﯜﺷﯜﻡ ﻛﯧﺮﻩﻙ، ﺋﯚﺗﻜﻪﻧﺪﯨﻦ ﻛﯧﻴﯩﻦ ﻫﺎﻳﺎﺗﯩﻤﺪﯨﻜﻰ ﻣﯘﻧﯘ ﻣﯘﻫﯩﻢ ﻧﯩﺸﺎﻧﯩﻤﻨﻰ ﺋﻪﻣﻪﻟﮕﻪ ﺋﺎﺷﯘﺭﯗﺷﯘﻡ ﻛﯧﺮﻩﻙ، ﺑﯘﻧﯩﯔ ﺋﯜﭼﯜﻥ ﭼﻮﻗﯘﻡ ﻛﯜﻧﯩﮕﻪ ﻣﯘﻧﭽﯩﻠﯩﻚ ﻣﺎﺗﯧﺮﯨﻴﺎﻝ ﻛﯚﺭﯛﭖ، ﺑﯩﺮ ﺋﺎﻱ ﺋﯩﭽﯩﺪﻩ ﻣﺎﯞﯗ ﻗﺎﻧﯘﻧﻨﻰ ﺗﯜﮔﯩﺘﯩﺸﯩﻢ ﻛﯧﺮﻩﻙ!" ﺩﯦﮕﻪﻥ ﻧﯩﻴﻪﺕ ﯞﻩ ﺋﯩﺮﺍﺩﻩ ﺑﻮﻟﯘﺷﻰ ﻛﯧﺮﻩﻙ. ﻣﻪﻥ ﺋﯩﻤﺘﯩﻬﺎﻥ ﺗﻪﻳﻴﺎﺭﻟﯩﻘﻰ ﺟﻪﺭﻳﺎﻧﯩﺪﺍ ﻛﯜﻧﺪﻩ ﺩﯦﮕﯜﺩﻩﻙ ﺋﯚﺯﯛﻣﻨﯩﯔ 29 ﻳﯩﻠﻠﯩﻖ ﻫﺎﻳﺎﺗﯩﻤﻨﻰ ﺋﻪﺳﻠﻪﭖ ﭼﯩﻘﺘﯩﻢ. ﺋﯚﺯﯛﻣﻨﯩﻤﯘ، ﺋﯚﺯﮔﯩﻨﯩﻤﯘ ﺧﯘﺵ ﻗﯩﻼﻻﻳﺪﯨﻐﺎﻥ، ﺋﯚﺯﯛﻣﻨﻰ ﺋﯩﭙﺎﺩﯨﻠﯩﻴﻪﻟﻪﻳﺪﯨﻐﺎﻥ ﺑﯩﺮ ﺋﯩﺶ ﻗﯩﻠﻐﯘﻡ ﻛﻪﻟﺪﻯ، ﺑﯘﻧﻰ ﺋﺎﺩﯞﯗﻛﺎﺗﻠﯩﻖ ﺩﻩﭖ ﺋﻮﻳﻠﯩﺪﯨﻢ، ﺑﯘ ﻧﯩﻴﻪﺕ ﻣﻪﻧﺪﻩ ﭼﯩﯔ ﺋﯩﺮﺍﺩﻩ ﭘﻪﻳﺪﺍ ﻗﯩﻠﺪﻯ. ﻫﻪﺭ ﻗﯧﺘﯩﻢ ﻛﯩﺘﺎﺑﻨﻰ ﻗﻮﻟﯘﻣﺪﯨﻦ ﭼﯜﺷﯜﺭﻣﻪﻛﭽﻰ، ﺋﺎﺭﺍﻡ ﺋﺎﻟﻤﺎﻗﭽﻰ ﺑﻮﻟﻐﺎﻧﺪﺍ، ﺯﯦﺮﯨﻜﻜﻪﻧﺪﻩ، ﯞﺍﻗﯩﺖ ﺑﯩﻬﯘﺩﻩ ﺋﯚﺗﻜﻪﻧﺪﻩ ... ﻣﺎﻧﺎ ﺷﯘﻻﺭﻧﻰ ﺋﻮﻳﻠﯩﺪﯨﻢ، ﺋﯚﺯﯛﻣﭽﻪ ﻳﺎﺳﯩﯟﺍﻟﻐﺎﻥ ﻛﯧﻠﻪﭼﻪﻛﻨﻰ ﻛﯚﺯ ﺋﺎﻟﺪﯨﻤﻐﺎ ﻛﻪﻟﺘﯜﺭﺩﯛﻡ.
ﺑﯘ ﺑﯩﺮ ﺋﯘﺯﯗﻥ ﺟﻪﺭﻳﺎﻥ! ﺋﯘﻧﻰ ﺗﯩﻞ ﺑﯩﻠﻪﻥ ﺗﻪﺳﯟﯨﺮﻟﻪﭖ ﺑﯧﺮﯨﺸﻜﻪ ﺋﺎﺟﯩﺰﻟﯩﻖ ﻗﯩﻠﯩﻤﻪﻥ. ﺋﯘﻧﯩﯔ ﺋﯜﺳﺘﯩﮕﻪ ﻫﻪﺭ ﺷﻪﺧﺴﻨﯩﯔ ﻛﻪﭼﻤﯩﺸﻰ ﻫﻪﺭﺧﯩﻞ ﺑﻮﻟﯩﺪﯗ، ﻫﻪﺭﻛﯩﻤﻨﯩﯔ ﺋﯩﺮﺍﺩﯨﺴﻰ ﺋﯚﺯ ﺋﯩﭽﯩﺪﯨﻦ ﺗﺎﯞﻻﻧﻐﺎﻥ ﺑﻮﻟﯩﺪﯗ. ﻗﯩﺴﻘﯩﺴﻰ، ﻗﺎﺗﺘﯩﻖ ﭼﯩﯔ ﺋﯩﺮﺍﺩﻩ ﺑﻮﻟﻤﯩﻐﺎﻧﺪﺍ ﺗﻪﻳﻴﺎﺭﻟﯩﻘﻨﻰ ﭘﯘﺧﺘﺎ ﻗﯩﻠﻐﯩﻠﻰ ﺑﻮﻟﻤﺎﻳﺪﯗ. ﻟﯧﻜﯩﻦ ﺑﯩﺮﻛﯩﻤﻨﯩﯔ ﺋﯩﺮﺍﺩﯨﺴﯩﻨﻰ ﺗﻪﺳﯩﺮﺍﺕ، ﺗﻪﺟﺮﯨﺒﻪ ﺳﯚﺯﻟﻪﺵ ﺋﺎﺭﻗﯩﻠﯩﻖ ﭘﻪﻳﺪﺍ ﻗﯩﻠﻐﯩﻠﻰ ﺑﻮﻟﻤﺎﻳﺪﯗ. ﺋﺎﻟﻐﺎ ﺋﯩﻨﺘﯩﻠﯩﺪﯨﻐﺎﻥ ﺋﺎﺩﻩﻡ ﺋﯚﺯﯨﻨﯩﯔ ﻛﯧﻠﻪﭼﯩﻜﯩﻨﻰ ﻳﻮﺭﯗﺗﯘﺵ ﻳﻮﻟﯩﺪﺍ ﺋﯘﻧﺪﺍﻕ-ﻣﯘﻧﺪﺍﻕ ﻗﯩﻴﯩﻨﭽﯩﻠﯩﻘﻼﺭﻏﺎ ﺋﯚﺯﯨﻨﻰ ﺋﯘﺭﺍﻻﻳﺪﯗ، ﺑﯘ ﺑﻪﻟﻜﯩﻢ ﺋﺎﺯ-ﺗﻮﻻ ﻏﯩﺪﯨﻘﻼﺷﻨﯩﯔ ﺗﯜﺭﺗﻜﯩﺴﯩﺪﻩ ﺑﻮﻟﯘﺷﯩﻤﯘ ﻣﯘﻣﻜﯩﻦ.
ﺋﯚﮔﯩﻨﯩﺶ ﺋﯘﺳﯘﻟﯩﻨﻰ ﺋﯚﮔﻪﺗﻜﯩﻠﻰ ﺑﻮﻟﯩﺪﯗ، ﻟﯧﻜﯩﻦ ﺗﻪﭘﻪﻛﻜﯘﺭ ﯞﻩ ﺗﻪﺳﻪﯞﯞﯗﺭﻧﻰ ﺋﯚﮔﻪﺗﻜﯩﻠﻰ ﺑﻮﻟﻤﺎﻳﺪﯗ.
ﺋﻪﺩﻟﯩﻴﻪ ﺋﯩﻤﺘﯩﻬﺎﻧﻰ ﺋﯩﻤﺘﯩﻬﺎﻥ ﺑﻪﺭﮔﯜﭼﯩﻨﯩﯔ ﺑﯩﻠﯩﻢ ﺳﻪﯞﯨﻴﯩﺴﻰ ﯞﻩ ﺗﻪﺩﺑﯩﻘﻼﺵ ﺋﯩﻘﺘﯩﺪﺍﺭﯨﻨﻰ ﺳﯩﻨﺎﻳﺪﯗ. ﺗﻪﺩﺑﯩﻘﻼﺵ ﺋﯩﻘﺘﯩﺪﺍﺭﻯ ﺗﻪﭘﻪﻛﻜﯘﺭ ﯞﻩ ﺗﻪﺳﻪﯞﯞﯗﺭﺩﯨﻦ ﻛﯧﻠﯩﺪﯗ، ﺷﯘﻧﺪﺍﻗﻼ ﺋﻪﻣﻪﻟﯩﻲ ﺗﻪﺟﺮﯨﺒﯩﺪﯨﻨﻤﯘ ﻛﯧﻠﯩﺪﯗ، ﻟﯧﻜﯩﻦ ﺋﻪﻣﻪﻟﯩﻲ ﺗﻪﺟﺮﯨﺒﯩﻨﻰ ﺑﯘ ﺋﯩﻤﺘﯩﻬﺎﻧﺪﺍ 30 ﭘﺮﺳﻪﻧﺘﺘﯩﻦ ﺋﺎﺭﺗﯘﻕ ﺭﻭﻝ ﺋﻮﻳﻨﺎﻳﺪﯗ، ﺩﻩﭖ ﻗﺎﺭﯨﻤﺎﻳﻤﻪﻥ، ﻣﻪﻥ ﺋﯚﻣﺮﯛﻣﺪﻩ ﭘﻪﻗﻪﺕ ﺋﯩﻜﻜﯩﻼ ﺳﻮﺗﻨﻰ ﺋﺎﯕﻼﭖ ﺑﺎﻗﻘﺎﻥ، ﻳﻪﻧﻪ ﻛﯧﻠﯩﭗ ﻛﯧﻴﯩﻨﻜﻰ ﺳﻮﺕ 2- ﺳﻮﺕ ﺑﻮﻟﻐﺎﭼﻘﺎ، ﺋﺎﺳﺎﺳﻪﻥ ﺑﯩﺮ ﻧﯧﻤﯩﻨﻰ ﭼﯜﺷﻪﻧﻤﯩﮕﻪﻥ ﺋﯩﺪﯨﻢ. ﻣﯧﻨﯩﯔ ﺳﻮﺗﻨﻰ ﻛﻪﻡ ﺋﺎﯕﻠﯩﻐﯩﻨﯩﻤﻨﯩﯔ ﺯﯨﻴﯩﻨﻰ ﺑﻮﻟﻤﯩﺪﻯ ﺋﻪﻣﻪﺱ، ﺑﻮﻟﺪﻯ، 4- ﻗﻪﻏﻪﺯﺩﯨﻦ ﺋﺎﻟﻐﺎﻥ ﻧﻮﻣﯘﺭﯗﻡ ﺑﺎﺷﻘﯩﻠﯩﺮﯨﻐﺎ ﻗﺎﺭﯨﻐﺎﻧﺪﺍ ﺗﯚﯞﻩﻥ ﺑﻮﻟﺪﻯ.
ﺑﯩﺮ ﻗﯩﺴﯩﻢ ﺳﯘﺋﺎﻟﻼﺭﺩﺍ ﺗﻪﭘﻪﻛﻜﯘﺭ ﯞﻩ ﺗﻪﺳﻪﯞﯞﯗﺭ ﻫﻪﻗﯩﻘﻪﺗﻪﻥ ﻣﯘﻫﯩﻢ ﺋﻮﺭﯗﻧﺪﺍ ﺗﯘﺭﯨﺪﯗ. ﺋﻪﺩﻟﯩﻴﻪ ﺋﯩﻤﺘﯩﻬﺎﻧﯩﺪﺍ ﺳﯩﺰﮔﻪ ﻣﯘﻧﺪﺍﻕ ﺳﯘﺋﺎﻟﻼﺭ ﻗﻮﻳﯘﻟﯩﺪﯗ: ﺳﯩﺰ ﺋﯘ ﺳﯘﺋﺎﻟﻨﻰ ﻛﯚﺭﮔﻪﻧﺪﯨﻦ ﻛﯧﻴﯩﻦ ﺩﻩﺭﻫﺎﻝ ﻣﯘﻧﺎﺳﯩﯟﻩﺗﻠﯩﻚ ﻗﺎﻧﯘﻥ ﻣﺎﺩﺩﯨﻠﯩﺮﯨﻨﻰ ﺋﻪﺳﻠﻪﺷﻜﻪ ﺗﯩﺮﯨﺸﯩﺴﯩﺰ، ﻟﯧﻜﯩﻦ ﻧﻪﻕ ﺑﯩﺮ ﺑﻪﻟﮕﯩﻠﯩﻤﻪ ﺋﯧﺴﯩﯖﯩﺰﮔﻪ ﻛﻪﻟﻤﻪﻳﺪﯗ، ﺋﻪﻣﻤﺎ ﺑﯘ ﺳﯘﺋﺎﻝ ﺳﯩﺰﮔﻪ ﻛﯜﻧﺪﯨﻠﯩﻚ ﺗﯘﺭﻣﯘﺷﺘﺎ ﺋﯘﭼﺮﺍﭖ ﺗﯘﺭﯨﺪﯗ. ﺑﯘ ﻣﻪﺯﻛﻮﺭ ﺳﯘﺋﺎﻟﻨﻰ ﭼﯩﻘﺎﺭﻏﯘﭼﻰ ﻗﺎﻧﯘﻥ ﺋﺎﺳﺎﺳﯩﻨﻰ ﺋﻮﻳﻠﯩﻤﯩﻐﺎﻥ ﺋﻪﻣﻪﺱ، ﺑﻪﻟﻜﻰ ﺋﻮﻳﻠﯩﻐﺎﻥ، ﻟﯧﻜﯩﻦ ﺋﯘﻧﻰ ﺑﺎﻏﻼﺵ ﺑﯩﺮ ﻗﻪﺩﻩﺭ ﻣﯘﺭﻩﻛﻜﻪﭖ ﺑﻮﻟﯩﺪﯗ، ﻣﯘﻧﺪﺍﻗﭽﻪ ﺋﯧﻴﺘﻘﺎﻧﺪﺍ ﺳﯩﺰ ﻧﻪﭼﭽﻪ ﻳﯜﺯ ﻗﺎﻧﯘﻥ، ﻧﻪﭼﭽﻪ ﻳﯜﺯ ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺗﻨﯩﯔ ﻗﺎﻳﺴﯩﻨﯩﯔ ﺑﯘ ﻣﯩﺴﺎﻟﻐﺎ ﻣﺎﺱ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﺷﯘ ﺳﯘﺋﺎﻟﻐﺎ ﻛﯧﺘﻪﺭﻟﯩﻚ ﺑﯩﺮﻧﻪﭼﭽﻪ ﻣﯩﻨﯘﺕ ﺋﯩﭽﯩﺪﻩ ﺋﻮﻳﻼﭖ ﺑﻮﻟﻐﯩﻠﻰ ﺑﻮﻟﻤﺎﻳﺪﯗ، ﻳﻪﻧﻪ ﻛﯧﻠﯩﭗ ﺑﯘ ﻣﯩﺴﺎﻝ ﺑﯩﺮﻧﻪﭼﭽﻪ ﻗﺎﻧﯘﻥ، ﺑﯩﺮﻧﻪﭼﭽﻪ ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺗﻘﺎ ﺗﻪﯕﻼ ﭼﯧﺘﯩﻠﯩﺸﻰ ﻣﯘﻣﻜﯩﻦ. ﻗﺎﻧﺪﺍﻕ ﻗﯩﻠﯩﺶ ﻛﯧﺮﻩﻙ؟ ﻣﯧﻨﯩﯔ ﻗﺎﺭﯨﺸﯩﻤﭽﻪ، ﺋﯩﻤﺘﯩﻬﺎﻥ ﻣﻪﻳﺪﺍﻧﯩﺪﯨﻼ ﺋﻪﻣﻪﺱ، ﺑﻪﻟﻜﻰ ﺋﺎﺩﻩﺗﺘﯩﻜﻰ ﯞﺍﻗﯩﺘﺘﯩﻤﯘ ﺳﯩﺰﻧﯩﯔ ﺋﺎﻟﺪﯨﯖﯩﺰﻏﺎ ﺑﺎﺭﻟﯩﻖ ﻗﺎﻧﯘﻥ ﻛﯩﺘﺎﺑﻠﯩﺮﯨﻨﻰ ﺩﯙﯞﻟﻪﭖ ﻗﻮﻳﯘﭖ، ﺑﯩﺮ-ﺋﯩﻜﻜﻰ ﻛﯜﻥ ﯞﺍﻗﯩﺖ ﺑﻪﺭﺳﯩﻤﯘ ﺋﯘﻧﻰ ﺩﻩﻝ ﻗﺎﻧﯘﻥ ﻣﺎﺩﺩﯨﻠﯩﺮﯨﺪﯨﻦ ﺗﺎﭘﺎﻟﯩﺸﯩﯖﯩﺰ ﻧﺎﺗﺎﻳﯩﻦ. ﺑﯘ ﭼﺎﻏﺪﺍ ﺋﻪﺳﻘﺎﺗﯩﺪﯨﻐﯩﻨﻰ ﻳﻪﻧﯩﻼ ﺗﻪﭘﻪﻛﻜﯘﺭ ﯞﻩ ﺗﻪﺳﻪﯞﯞﯗﺭ.  ﺑﯘ ﻳﯩﻠﻠﯩﻖ ﺋﻪﺩﻟﯩﻴﻪ ﺋﯩﻤﺘﯩﻬﺎﻧﯩﻨﯩﯔ 3- ﻗﻪﻏﻪﺯ 1- ﺳﯘﺋﺎﻟﯩﻐﺎ ﻗﯩﺰﯨﻘﺎﺭﻟﯩﻖ ﺑﯩﺮ ﺳﯘﺋﺎﻝ ﭼﯩﻘﺘﻰ، ﻣﻪﻥ ﺋﯘﻧﻰ ﺋﯩﺸﻠﯩﻤﻪﻱ ﺋﺎﻕ ﻗﻮﻳﺪﯗﻡ،  49 ﺳﯘﺋﺎﻟﻨﻰ ﺋﯩﺸﻠﻪﭖ ﺑﻮﻟﻐﺎﻧﺪﯨﻦ ﻛﯧﻴﯩﻦ 1- ﺳﯘﺋﺎﻝ ﻫﻪﻗﻘﯩﺪﻩ ﺋﻮﻳﻼﻧﺪﯨﻢ، 5 ﻣﯩﻨﯘﺗﻠﯘﻕ ﺋﻮﻳﻠﯩﻨﯩﺸﺘﯩﻦ ﻛﯧﻴﯩﻦ ﻛﻪﺳﻜﯩﻦ ﻫﺎﻟﺪﺍ ﺑﯩﺮﻧﻰ ﺗﺎﻟﻠﯩﺪﯨﻢ، ﻛﯧﻴﯩﻦ ﺋﻪﺩﻟﯩﻴﻪ ﻣﯩﻨﯩﺴﺘﯩﺮﻟﯩﻜﻰ ﺋﯧﻼﻥ ﻗﯩﻠﻐﺎﻥ ﺋﯚﻟﭽﻪﻣﻠﯩﻚ ﺟﺎﯞﺍﺑﻘﺎ ﻗﺎﺭﯨﺴﺎﻡ، ﻣﯧﻨﯩﯔ ﺗﺎﻟﻠﯩﻐﯩﻨﯩﻢ ﺗﻮﻏﺮﺍ ﺑﻮﻟﯘﭖ ﭼﯩﻘﺘﻰ. ﺑﯘ ﺳﯘﺋﺎﻝ ﻣﯘﻧﺪﺍﻕ:
ﻣﻪﻟﯘﻡ ﻳﯘﻟﺘﯘﺯ ﺩﻩﺭﯨﺠﯩﻠﯩﻚ ﻣﯧﻬﻤﺎﻧﺨﺎﻧﯩﻨﯩﯔ ﻳﺎﺗﯩﻘﯩﺪﺍ ﭘﺎﺭﭼﻪ ﻳﯧﻤﻪﻛﻠﯩﻚ، ﺋﯩﭽﯩﻤﻠﯩﻚ ﻗﺎﺗﺎﺭﻟﯩﻖ ﻧﻪﺭﺳﯩﻠﻪﺭ ﺧﯧﺮﯨﺪﺍﺭﻻﺭﻧﯩﯔ ﺗﺎﻟﻼﭖ ﺋﯩﺸﻠﯩﺘﯩﺸﻰ ﺋﯜﭼﯜﻥ ﺗﯩﺰﯨﭗ ﻗﻮﻳﯘﻟﻐﺎﻥ ﺑﻮﻟﯘﭖ، ﺋﯘﻻﺭﻧﯩﯔ ﺑﺎﻫﺎﺳﻰ ﺑﺎﺯﺍﺭﺩﯨﻜﻰ ﺋﻮﺧﺸﺎﺵ ﺗﯜﺭﺩﯨﻜﻰ ﺗﺎﯞﺍﺭﻧﯩﯔ ﺑﺎﻫﺎﺳﯩﺪﯨﻦ ﻛﯚﺭﯛﻧﻪﺭﻟﯩﻚ ﻳﯘﻗﯩﺮﻯ، ﻣﯧﻬﻤﺎﻧﺨﺎﻧﯩﻨﯩﯔ ﺧﯧﺮﯨﺪﺍﺭﻯ ﺗﯘﺭﻏﯘﻧﻨﯩﯔ ﺗﻪﺟﺮﯨﺒﯩﺴﻰ ﻛﻪﻣﭽﯩﻞ، ﺋﯘﻧﯩﯔ ﺋﯜﺳﺘﯩﮕﻪ ﺑﺎﻫﺎ ﻛﺎﺭﺗﻮﭼﻜﯩﺴﯩﻐﺎ ﺗﺎﺯﺍ ﺩﯨﻘﻘﻪﺕ ﻗﯩﻠﻤﯩﻐﺎﭼﻘﺎ، ﺋﯘ ﻧﻪﺭﺳﯩﻠﻪﺭﻧﻰ ﺋﯘﻗﯘﺷﻤﺎﻱ ﻣﯧﻬﻤﺎﻧﺨﺎﻧﺎ ﻣﯧﻬﻤﺎﻧﻼﺭﻧﯩﯔ ﻫﻪﻗﺴﯩﺰ ﺋﯩﺸﻠﯩﺘﯩﺸﻰ ﺋﯜﭼﯜﻥ ﻗﻮﻳﯘﭖ ﻗﻮﻳﻐﺎﻥ ﺋﻮﺧﺸﺎﻳﺪﯗ، ﺩﻩﭖ ﺋﻮﻳﻼﭖ ﺑﯩﺮ ﺑﻮﺗﯘﻟﻜﺎ ﭼﻪﺕ ﺋﻪﻝ ﻫﺎﺭﯨﻘﯩﻨﻰ ﺋﯩﭽﯩﯟﯦﺘﯩﺪﯗ. ﻫﯧﺴﺎﺑﺎﺗﻨﻰ ﺋﯜﺯﯛﺵ ﯞﺍﻗﺘﯩﺪﺍ، ﻣﯧﻬﻤﺎﻧﺨﺎﻧﺎ ﺋﯚﺯﻟﯩﺮﻯ ﺑﻪﻟﮕﯩﻠﯩﮕﻪﻥ ﺑﺎﻫﺎ ﺑﻮﻳﯩﭽﻪ ﻫﻪﻕ ﺋﺎﻟﻤﺎﻗﭽﻰ ﺑﻮﻟﯩﺪﯗ، ﺗﯘﺭﻏﯘﻥ ﭘﯘﻝ ﺗﯚﻟﻪﺷﻨﻰ ﺭﻩﺕ ﻗﯩﻠﯩﺪﯗ. ﺗﯚﯞﻩﻧﺪﯨﻜﯩﻠﻪﺭﻧﯩﯔ ﻗﺎﻳﺴﻰ ﺗﻮﻏﺮﺍ؟
:Aﺗﯘﺭﻏﯘﻥ ﻣﯧﻬﻤﺎﻧﺨﺎﻧﺎ ﺑﻪﻟﮕﯩﻠﯩﮕﻪﻥ ﺑﺎﻫﺎ ﺑﻮﻳﯩﭽﻪ ﭘﯘﻝ ﺗﯚﻟﯩﺸﻰ ﻛﯧﺮﻩﻙ
:Bﺗﯘﺭﻏﯘﻥ ﺑﺎﺯﺍﺭ ﺑﺎﻫﺎﺳﻰ ﺑﻮﻳﯩﭽﻪ ﭘﯘﻝ ﺗﯚﻟﯩﺸﻰ ﻛﯧﺮﻩﻙ
:C ﺗﯘﺭﻏﯘﻥ ﭘﯘﻝ ﺗﯚﻟﯩﻤﻪﺳﻠﯩﻜﻰ ﻛﯧﺮﻩﻙ
D :ﺗﯘﺭﻏﯘﻥ ﻣﯧﻬﻤﺎﻧﺨﺎﻧﺎ ﺑﻪﻟﮕﯩﻠﯩﮕﻪﻥ ﺑﺎﻫﺎﻧﯩﯔ ﻳﯧﺮﯨﻤﻰ ﺑﻮﻳﯩﭽﻪ ﭘﯘﻝ ﺗﯚﻟﯩﺸﻰ ﻛﯧﺮﻩﻙ
ﻳﯘﻗﯩﺮﯨﻘﻰ ﺳﯘﺋﺎﻟﺪﺍ ﻣﻪﻥ ﺩﯨﻘﻘﻪﺕ ﻗﯩﻠﻐﺎﻥ ﺋﯜﭺ ﻧﯘﻗﺘﺎ ﺑﺎﺭ. ﺑﯩﺮﻯ، "ﻳﯘﻟﺘﯘﺯ ﺩﻩﺭﯨﺠﯩﻠﯩﻚ" ﺑﯘ ﻧﯘﻗﺘﺎ ﻣﯧﻨﻰ "ﺑﺎﻫﺎﻧﯩﯔ ﻗﯩﻤﻤﻪﺗﺮﻩﻙ ﺑﻮﻟﯘﺷﯩﻐﺎ ﻳﻮﻝ ﻗﻮﻳﯩﺪﯗ، ﭼﯜﻧﻜﻰ ﺋﯘ ﻳﻪﺭﺩﻩ ﺷﯘﻧﯩﯖﻐﺎ ﻻﻳﯩﻖ ﻣﯘﻻﺯﯨﻤﻪﺗﻤﯘ ﺑﺎﺭ" ﺩﯦﮕﻪﻥ ﺋﻮﻳﻐﺎ ﻛﻪﻟﺘﯜﺭﺩﻯ، ﺋﯩﻜﻜﯩﻨﭽﯩﺴﻰ، " ﺋﯘﻻﺭﻧﯩﯔ ﺑﺎﻫﺎﺳﻰ ﺑﺎﺯﺍﺭﺩﯨﻜﻰ ﺋﻮﺧﺸﺎﺵ ﺗﯜﺭﺩﯨﻜﻰ ﺗﺎﯞﺍﺭﻧﯩﯔ ﺑﺎﻫﺎﺳﯩﺪﯨﻦ ﻛﯚﺭﯛﻧﻪﺭﻟﯩﻚ ﻳﯘﻗﯩﺮﻯ" ﺩﯦﮕﯩﻨﯩﻨﻰ ﻣﻪﻥ "ﺳﯘﺋﺎﻝ ﭼﯩﻘﺎﺭﻏﯘﭼﻰ ﻣﯧﻨﻰ < ﺗﯘﺭﻏﯘﻥ ﺑﺎﺯﺍﺭ ﺑﺎﻫﺎﺳﻰ ﺑﻮﻳﯩﭽﻪ ﭘﯘﻝ ﺗﯚﻟﯩﺸﻰ ﻛﯧﺮﻩﻙ> ﺩﯦﮕﻪﻥ ﺟﺎﯞﺍﺑﻨﻰ ﺗﺎﻟﻼﺷﻘﺎ ﻳﯧﺘﻪﻛﻠﻪﯞﺍﺗﯩﺪﯗ" ﺩﻩﭖ ﺋﻮﻳﻠﯩﺪﯨﻢ، ﺷﯘﻧﺪﺍﻗﻼ ﺑﯘﻧﻰ ﺑﯩﺮ "ﻗﯩﻠﺘﺎﻕ" ﺩﻩﭖ ﻫﯚﻛﯜﻡ ﻗﯩﻠﺪﯨﻢ، ﺋﯜﭼﯩﻨﭽﻰ ﻧﯘﻗﺘﺎ- "ﺑﺎﻫﺎ ﻛﺎﺭﺗﻮﭼﻜﯩﺴﯩﻐﺎ ﺗﺎﺯﺍ ﺩﯨﻘﻘﻪﺕ ﻗﯩﻠﻤﯩﻐﺎﭼﻘﺎ"، ﺩﯦﻤﻪﻙ، ﺑﯘ ﻳﻪﺭﺩﻩ ﺑﯩﺮ ﺑﺎﻫﺎ ﻛﺎﺭﺗﯩﺴﻰ ﺑﺎﺭ، ﺋﯘﻧﻰ ﻛﯚﺭﺳﯘﻥ-ﻛﯚﺭﻣﯩﺴﯘﻥ، ﻣﯧﻬﻤﺎﻧﺨﺎﻧﺎ ﺧﯧﺮﯨﺪﺍﺭﻧﻰ ﻗﺎﻗﺘﺎ-ﺳﻮﻗﺘﻰ ﻗﯩﻠﯩﭗ، ﺑﺎﻫﺎﺳﯩﻨﻰ ﭼﺎﭘﻠﯩﻤﺎﻳﻼ ﻗﻮﻳﯘﭖ ﻗﻮﻳﻤﺎﺳﺘﯩﻦ، ﺑﻪﻟﻜﻰ ﺑﺎﻫﺎ ﻛﺎﺭﺗﯩﺴﻰ ﻗﻮﻳﯘﭖ ﻗﻮﻳﻐﺎﻥ، ﺗﯘﺭﻏﯘﻥ ﺑﯘ "ﺗﻪﻛﻠﯩﭗ" ﻧﻰ ﻗﻮﺑﯘﻝ ﻗﯩﻠﻐﺎﻥ، ﺩﯦﻤﻪﻙ، "ﺗﻮﺧﺘﺎﻡ"ﻧﻰ ﻗﻮﺑﯘﻝ ﻗﯩﻠﻐﺎﻥ. ﺗﯘﺭﻏﯘﻥ ﺑﯩﻠﻪﻥ ﻣﯧﻬﻤﺎﻧﺨﺎﻧﺎ ﺋﻮﺗﺘﯘﺭﯨﺴﯩﺪﺍ ﺳﯧﺘﯩﺶ-ﺳﯧﺘﯩﯟﯦﻠﯩﺶ ﻣﯘﻧﺎﺳﯩﯟﯨﺘﻰ، ﺗﻮﺧﺘﺎﻡ ﻣﯘﻧﺎﺳﯩﯟﯨﺘﻰ ﺷﻪﻛﯩﻠﻠﻪﻧﮕﻪﻥ. ﺑﯘ ﻳﻪﺭﺩﻩ ﺋﯘﻧﯩﯔ ﺩﯨﻘﻘﻪﺕ ﻗﯩﻠﻤﯩﻐﺎﻧﻠﯩﻘﯩﻨﻰ ﻣﯧﻬﻤﺎﻧﺨﺎﻧﯩﺪﯨﻦ ﻛﯚﺭﯨﺸﯩﻤﯩﺰﮔﻪ ﺋﺎﺳﺎﺱ ﻳﻮﻕ. ﺋﻪﮔﻪﺭ ﺑﯘ ﻧﯘﻗﺘﯩﻨﻰ ﺭﯦﺌﺎﻟﻠﯩﻘﺘﯩﻜﻰ ﺑﯩﺮ ﺗﺎﻻﺵ-ﺗﺎﺭﺗﯩﺶ ﺳﯜﭘﯩﺘﯩﺪﻩ ﺋﻮﻳﻠﯩﺴﺎﻕ، ﺋﯘ ﻳﻪﺭﺩﻩ ﺑﺎﻫﺎ ﻛﺎﺭﺗﯩﺴﻰ ﻣﻪﯞﺟﯘﺗﻼ ﺑﻮﻟﯩﺪﯨﻜﻪﻥ، ﺗﯘﺭﻏﯘﻥ ﺋﯚﺯﯨﻨﯩﯔ ﺋﯘﻧﻰ ﻛﯚﺭﻣﯩﮕﻪﻧﻠﯩﻜﯩﻨﻰ ﺋﯩﺴﭙﺎﺗﻼﭖ ﺑﯧﺮﻩﻟﻤﻪﻳﺪﯗ، ﻟﯧﻜﯩﻦ ﻣﯧﻬﻤﺎﻧﺨﺎﻧﺎ ﺋﯚﺯﯨﻨﯩﯔ ﺑﺎﻫﺎﻧﻰ ﺋﯧﻨﯩﻖ ﺋﻪﺳﻜﻪﺭﺗﻜﻪﻧﻠﯩﻜﯩﻨﻰ ﺋﯩﺴﭙﺎﺗﻼﭖ ﺑﯧﺮﻩﻟﻪﻳﺪﯗ. ﺗﯘﺭﻏﯘﻥ ﺋﯘﻧﻰ ﻛﯚﺭﯛﺷﻰ ﻛﯧﺮﻩﻙ. ﻣﯘﻧﺪﺍﻗﭽﻪ ﺋﯧﻴﺘﻘﺎﻧﺪﺍ، ﺳﯩﺰ ﺋﺎﭘﺘﻮﻣﻮﺑﯩﻞ ﻫﻪﻳﺪﯨﮕﻪﻧﺪﻩ ﻳﻮﻟﺪﯨﻜﻰ ﺳﯜﺭﺋﻪﺕ ﭼﻪﻛﻠﻪﺵ ﺗﺎﺧﺘﯩﺴﯩﻐﺎ ﺩﯨﻘﻘﻪﺕ ﻗﯩﻠﻤﺎﻱ، ﺟﻪﺭﯨﻤﺎﻧﻪ ﺗﯚﻟﻪﻳﺪﯨﻐﺎﻥ ﭼﺎﻏﺪﺍ "ﻳﻮﻟﺪﯨﻜﻰ ﺗﺎﺧﺘﯩﻐﺎ ﺩﯨﻘﻘﻪﺕ ﻗﯩﻠﻤﺎﭘﺘﯩﻤﻪﻥ" ﺩﯦﮕﯩﻨﯩﯖﯩﺰﮔﻪ ﺳﺎﻗﭽﻰ ﻫﻪﺭﮔﯩﺰﻣﯘ ﺋﯘﻧﯩﻤﺎﻳﺪﯗ.
ﻳﯘﻗﯩﺮﯨﻘﯩﻼﺭﺩﯨﻦ ﺑﺎﺷﻘﺎ، ﻣﻪﻥ ﺑﯘ ﺳﯘﺋﺎﻝ ﻫﻪﻗﻘﯩﺪﻩ ﻳﻪﻧﻪ ﻣﯘﻧﺪﺍﻕ ﺋﻮﻳﻠﯩﺪﯨﻢ: ﺟﯘﯕﮕﻮﺩﺍ ﺑﯘﻧﺪﺍﻕ ﻗﯩﻤﻤﻪﺕ ﺑﺎﻫﺎﻟﯩﻖ ﻧﻪﺭﺳﯩﻨﻰ ﻳﺎﺗﺎﻗﻘﺎ ﻗﻮﻳﯘﭖ ﻗﻮﻳﯩﺪﯨﻐﺎﻥ ﻧﻪﭼﭽﻪ ﺋﻮﻧﻤﯩﯔ ﻣﯧﻬﻤﺎﻧﺨﺎﻧﺎ ﺑﻮﻟﯘﺷﻰ ﻣﯘﻣﻜﯩﻦ، ﺋﻪﮔﻪﺭ ﺗﯚﻟﯩﻤﻪﺳﻠﯩﻚ، ﻳﯧﺮﯨﻢ ﺑﺎﻫﺎﺩﺍ ﺗﯚﻟﻪﺵ، ﺑﺎﺯﺍﺭ ﺑﺎﻫﺎﺳﯩﺪﺍ ﺗﯚﻟﻪﺷﻨﻰ ﺗﻪﻟﻪﭖ ﻗﯩﻠﯩﺶ (ﺧﺎﺗﺎ ﺋﯜﭺ ﺟﺎﯞﺍﺏ) ﻧﯩﯔ ﺑﯩﺮﻩﺭﺳﻰ ﺗﻮﻏﺮﺍ ﺑﻮﻟﯩﺪﯨﻐﺎﻥ ﺑﻮﻟﺴﺎ، ﺋﯘﻧﺪﺍﻗﺘﺎ ﻧﯧﻤﯩﺸﻘﺎ ﺗﺎ ﻫﺎﺯﯨﺮﻏﯩﭽﻪ ﻧﻰ-ﻧﻰ ﻗﺎﻧﯘﻧﺸﯘﻧﺎﺳﻼﺭ، ﺋﻪﻣﻪﻟﺪﺍﺭﻻﺭ ﯞﻩ ﺑﺎﺷﻘﯩﻼﺭ ﻳﻪﻧﯩﻼ ﻣﯧﻬﻤﺎﻧﺨﺎﻧﺎ ﺑﯧﻜﯩﺘﻜﻪﻥ ﺑﺎﻫﺎﺩﺍ ﺗﯚﻟﻪﻳﺪﯗ؟ ﻧﯧﻤﯩﺸﻘﺎ ﺑﯘﻧﺪﺍﻕ ﻳﯘﻗﯩﺮﻯ ﺑﺎﻫﺎ ﺑﯧﻜﯩﺘﯩﺶ ﺑﯩﻜﺎﺭ ﻗﯩﻠﯩﻨﻤﺎﻳﺪﯗ؟
ﺩﯦﻤﻪﻙ، ﻣﻪﻥ " ﻣﯧﻬﻤﺎﻧﺨﺎﻧﺎ ﺑﻪﻟﮕﯩﻠﯩﮕﻪﻥ ﺑﺎﻫﺎ ﺑﻮﻳﯩﭽﻪ ﭘﯘﻝ ﺗﯚﻟﯩﺸﻰ ﻛﯧﺮﻩﻙ" ﺩﯦﮕﻪﻧﻨﻰ ﺗﺎﻟﻠﯩﺪﯨﻢ.
ﻗﺎﻧﯘﻥ ﺋﯚﮔﻪﻧﻤﯩﮕﻪﻥ ﺩﻭﺳﺘﻼﺭﻏﺎ ﺷﯘﻧﻰ ﺋﻪﺳﻜﻪﺭﺗﯩﭗ ﺋﯚﺗﯜﺵ ﺯﯙﺭﯛﺭﻛﻰ، ﻗﺎﻧﯘﻥ ﺯﯨﻴﺎﺩﻩ ﺳﯩﺮﻟﯩﻖ ﻧﻪﺭﺳﻪ ﺋﻪﻣﻪﺱ، ﻣﯘﻧﺪﺍﻗﭽﻪ ﺩﯦﮕﻪﻧﺪﻩ، ﺳﯩﺰﮔﻪ ﺩﻩﭖ ﺑﻪﺭﺳﻪ ﺳﯩﺰ ﻳﺎﻗﯩﯖﯩﺰﻧﻰ ﭼﯩﺸﻠﻪﭖ ﻫﻪﻳﺮﺍﻥ ﻗﺎﻟﻐﯘﺩﻩﻙ، ﺋﻪﻗﯩﻠﮕﻪ ﺳﯩﻐﻤﯩﻐﯘﺩﻩﻙ ﺑﯩﺮﻩﺭ ﻗﺎﻧﯘﻧﻨﻰ ﺗﺎﭘﻤﺎﻕ ﺗﻪﺱ. ﺋﯘ ﺋﻮﻣﯘﻣﻪﻥ ﺗﯘﺭﻣﯘﺷﻘﺎ ﻳﯧﻘﯩﻦ ﺗﯜﺯﯛﻟﮕﻪﻥ. ﻗﺎﻧﯘﻥ ﻫﻪﺗﺘﺎ ﺋﻪﺧﻼﻕ، ﺋﯚﺭﭖ-ﺋﺎﺩﻩﺗﻨﯩﻤﯘ ﺋﯧﺘﯩﺮﺍﭖ ﻗﯩﻠﯩﺪﯗ. (ﺋﻪﺧﻼﻕ- "ﺟﯘﯕﺨﯘﺍ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ ﺋﺎﺳﺎﺳﯩﻲ ﻗﺎﻧﯘﻧﻰ"ﻧﯩﯔ 53- ﻣﺎﺩﺩﯨﺴﻰ، "ﻫﻪﻕ ﺗﻪﻟﻪﭖ ﻗﺎﻧﯘﻧﯩﻨﯩﯔ ﺋﻮﻣﯘﻣﻰ ﻗﺎﺋﯩﺪﯨﺴﻰ"7- ﻣﺎﺩﺩﯨﺴﻰ ؛ ﺋﯚﺭﭖ-ﺋﺎﺩﻩﺕ- ﺋﺎﺳﺎﺳﯩﻲ ﻗﺎﻧﯘﻧﻨﯩﯔ 4- ﻣﺎﺩﺩﯨﺴﻰ) ﻣﯘﻧﺪﺍﻗﭽﻪ ﺩﯦﮕﻪﻧﺪﻩ، ﻫﻪﻕ ﺗﻪﻟﻪﭖ ﺗﺎﻻﺵ-ﺗﺎﺭﺗﯩﺸﯩﺪﺍ، ﻗﺎﻧﯘﻥ ﯞﻩ ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺗﺘﯩﻦ ﺋﺎﺳﺎﺱ ﺗﺎﭘﺎﻟﻤﯩﻐﺎﻧﺪﺍ، ﺋﺎﺩﻩﺕ ﯞﻩ ﺋﯩﺠﺘﯩﻤﺎﺋﯩﻲ ﺋﻪﺧﻼﻗﻘﺎ ﺋﺎﺳﺎﺳﻪﻥ ﻫﯚﻛﯜﻡ ﭼﯩﻘﯩﺮﯨﺸﻘﺎ ﺑﻮﻟﯩﺪﯗ. ﭼﯜﻧﻜﻰ ﻫﻪﺭ ﺋﯩﻜﻜﯩﺴﻰ ﻗﺎﻧﯘﻥ ﭼﯩﻘﯩﺮﯨﺸﻘﺎ ﺋﺎﺳﺎﺱ ﺑﻮﻟﻐﺎﻥ.
ﻳﯘﻗﯩﺮﯨﻘﯩﻼﺭﻧﻰ ﺩﯦﻴﯩﺸﺘﯩﻦ ﻣﻪﻗﺴﻪﺕ ﺷﯘﻛﻰ، ﺳﯩﺰ ﺗﻪﺳﻪﯞﯞﯗﺭﻏﺎ ﺗﺎﻳﯩﻨﯩﭗ ﺋﻪﻗﯩﻠﮕﻪ ﻣﯘﯞﺍﭘﯩﻖ ﺑﯩﺮ ﺟﺎﯞﺍﺑﻨﻰ ﺗﺎﻟﻠﯩﺴﯩﯖﯩﺰ، ﺋﯘ ﺗﻮﻏﺮﺍ ﭼﯩﻘﯩﺸﻰ ﻣﯘﻣﻜﯩﻦ، ﭼﯜﻧﻜﻰ ﻗﺎﻧﯘﻥ ﺋﻪﻗﯩﻠﮕﻪ ﻣﯘﯞﺍﭘﯩﻖ ﻗﯩﻠﯩﭗ ﺗﯜﺯﯛﻟﮕﻪﭼﻜﻪ ﯞﻩ ﺗﯘﺭﻣﯘﺷﻘﺎ ﻳﯧﻘﯩﻦ ﺑﻮﻟﻐﺎﭼﻘﺎ.
ﻟﯧﻜﯩﻦ ﺗﻪﭘﻪﻛﻜﯘﺭ ﯞﻩ ﺗﻪﺳﻪﯞﯞﯗﺭ ﻳﻪﻧﯩﻼ ﻗﺎﻧﯘﻥ ﻣﺎﺩﺩﯨﻠﯩﺮﯨﻨﻰ ﺋﯚﮔﯩﻨﯩﺶ ﺋﺎﺳﺎﺳﯩﺪﺍ ﺑﻮﻟﯘﺷﻰ ﻛﯧﺮﻩﻙ. "ﻣﯧﻨﯩﯔ ﺗﻪﭘﻪﻛﻜﯘﺭﯗﻡ ﺳﺎﺯ، ﺗﻪﺳﻪﯞﯞﯗﺭﯗﻡ ﻣﻮﻝ" ﺩﻩﭖ ﭘﯘﺧﺘﺎ ﺋﯚﮔﯩﻨﯩﺶ ﻗﯩﻠﻤﯩﺴﺎ ﻳﻪﻧﯩﻼ ﻧﻮﻣﯘﺭ ﺋﺎﻟﻐﯩﻠﻰ ﺑﻮﻟﻤﺎﻳﺪﯗ. ﺋﻪﺩﻟﯩﻴﻪ ﺋﯩﻤﺘﯩﻬﺎﻧﻰ ﻗﯩﻴﯩﻦ، ﺋﯘﻧﺪﺍﻗﺘﺎ ﺯﺍﺩﻯ ﻗﺎﻧﺪﺍﻕ ﻳﯧﺮﻯ ﻗﯩﻴﯩﻦ؟ ﻣﻪﻥ ﺋﯚﺯ ﺋﻪﻣﻪﻟﯩﻴﯩﺘﯩﻤﺪﯨﻦ ﻣﯘﻧﺪﺍﻕ ﺑﯩﺮ ﻳﻪﻛﯜﻧﻨﻰ ﭼﯩﻘﺎﺭﺩﯨﻢ: ﺑﯩﺮﻯ، ﺋﻪﺩﻟﯩﻴﻪ ﺋﯩﻤﺘﯩﻬﺎﻧﯩﺪﯨﻜﻰ ﺳﯘﺋﺎﻟﻼﺭﻧﯩﯔ ﻛﯚﭖ ﻗﯩﺴﻤﯩﺪﺍ ﻗﺎﻧﯘﻥ ﻣﺎﺩﺩﯨﻠﻠﯩﺮﻯ ﺑﯩﯟﺍﺳﯩﺘﻪ ﺳﯩﻨﺎﻟﻤﺎﻳﺪﯗ. ﻳﻪﻧﻰ "ﭘﺎﻻﻧﻪ ﻗﺎﻧﯘﻧﻨﯩﯔ ﻣﺎﻧﭽﯩﻨﭽﻰ ﻣﺎﺩﺩﯨﺴﯩﺪﺍ ﻧﯧﻤﻪ ﺩﯦﻴﯩﻠﮕﻪﻥ" ﺩﯦﮕﻪﻧﺪﻩﻙ ﺳﯘﺋﺎﻟﻼﺭ ﺑﻮﻟﻤﺎﻳﺪﯗ، ﺑﻪﻟﻜﻰ ﻛﯩﭽﯩﻜﻜﯩﻨﻪ ﺑﯩﺮ ﺳﯘﺋﺎﻟﺪﺍ ﺑﯩﺮﻧﻪﭼﭽﻪ ﻗﺎﻧﯘﻥ، ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺗﻨﯩﯔ ﺑﯩﺮ ﻧﻪﭼﭽﯩﺴﻰ ﻣﺎﺩﺩﯨﺴﯩﻐﺎ ﺩﺍﺋﯩﺮ ﻣﻪﺯﻣﯘﻧﻼﺭ ﺗﻪﯕﻼ ﺳﯩﻨﯩﻠﯩﺪﯗ. ﻳﻪﻧﻰ، ﺳﯩﺰ ﺋﯘ ﺳﯘﺋﺎﻟﻐﺎ ﺗﻮﻏﺮﺍ ﺟﺎﯞﺍﺏ ﺑﯧﺮﯨﺶ ﺋﯜﭼﯜﻥ ﻫﻪﻡ ﺟﯩﻨﺎﻳﻰ ﺋﯩﺸﻼﺭ ﻗﺎﻧﯘﻧﯩﻨﯩﯔ ﻣﻪﻟﯘﻡ ﻣﺎﺩﺩﯨﺴﯩﻨﻰ ﻫﻪﻡ ﺷﯘ ﻣﺎﺩﺩﯨﻐﺎ ﺩﺍﺋﯩﺮ ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺗﻨﻰ ﻫﻪﻡ ﺟﯩﻨﺎﻳﻰ ﺋﯩﺸﻼﺭ ﺩﻩﯞﺍ ﻗﺎﻧﯘﻧﯩﻨﯩﯔ ﻣﻪﻟﯘﻡ ﻣﺎﺩﺩﯨﺴﯩﻨﻰ ﺑﯩﻠﯩﺸﯩﯖﯩﺰﮔﻪ، ﺷﯘ ﺳﯘﺋﺎﻟﻐﺎ ﺗﻪﺩﺑﯩﻘﻠﯩﺸﯩﯖﯩﺰﻏﺎ ﺗﻮﻏﺮﺍ ﻛﯧﻠﯩﺪﯗ. ﻫﻪﺗﺘﺎ ﺑﯘ ﻣﻪﺳﯩﻠﻪ ﻣﯘﺭﻩﻛﻜﻪﭘﻠﯩﺸﯩﭗ ﺟﯩﻨﺎﻳﻰ ﺋﯩﺸﻼﺭ ﺩﻩﯞﺍ ﻗﺎﻧﯘﻧﯩﻐﺎ ﺩﺍﺋﯩﺮ ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺗﻘﺎ ﭼﯧﺘﯩﻠﯩﭗ ﻗﯧﻠﯩﺸﯩﻤﯘ ﻣﯘﻣﻜﯩﻦ. ﺩﯦﻤﻪﻙ، ﺑﯘﻧﺪﺍﻕ ﭼﺎﻏﺪﺍ "ﻫﻪﻣﻤﯩﻨﻰ ﭘﯘﺧﺘﺎ ﻛﯚﺭﯛﺵ" ﺋﻪﺳﻘﺎﺗﯩﺪﯗ. ﺋﯩﻜﻜﯩﻨﭽﯩﺴﻰ، ﺋﻪﺩﻟﯩﻴﻪ ﺋﯩﻤﺘﯩﻬﺎﻧﯩﻐﺎ ﭼﯩﻘﻘﺎﻥ ﺑﻪﺯﻯ ﺳﯘﺋﺎﻟﻼﺭﻧﯩﯔ ﺗﯚﺕ ﺗﺎﻟﻼﺵ ﺟﺎﯞﺍﺑﻰ ﺑﯧﺮﯨﻠﮕﻪﻥ ﺑﻮﻟﯩﺪﯗ، ﺗﻪﻟﻪﭘﺘﻪ "ﭘﻪﻗﻪﺕ ﺑﯩﺮﻧﯩﻼ ﺗﺎﻟﻼﯓ" ﺩﯦﻴﯩﻠﮕﻪﻥ ﺑﻮﻟﯩﺪﯗ. ﻟﯧﻜﯩﻦ ﺳﯩﺰ ﻗﺎﺭﯨﺴﯩﯖﯩﺰ ﺑﯘﻻﺭﻧﯩﯔ ﻫﻪﻣﻤﯩﺴﻰ ﺗﻮﻏﺮﺍ! ﻧﯧﻤﯩﺸﻘﺎ؟ ﭼﯜﻧﻜﻰ ﺑﯧﺮﯨﻠﮕﻪﻥ ﺟﺎﯞﺍﺑﻼﺭ ﺷﯘ ﺳﯘﺋﺎﻟﺪﺍ ﺩﯦﻴﯩﻠﮕﻪﻥ ﻣﻪﺯﻣﯘﻧﻐﺎ ﻳﯧﻘﯩﻨﻼ ﺑﯩﺮ ﻣﻪﺳﯩﻠﯩﻨﯩﯔ ﺗﻮﻏﺮﺍ ﺟﺎﯞﺍﺑﻰ ﺑﻮﻟﻐﺎﻥ ﺑﻮﻟﯩﺪﯗ. ﺋﺎﺩﺩﯨﻲ ﻗﯩﻠﯩﭗ ﺋﯧﻴﺘﻘﺎﻧﺪﺍ "ﺗﯚﺕ ﻛﯧﺰﻩﻙ ﻣﻪﺳﯩﻠﻪ"ﻧﯩﯔ ﺑﯩﺮﯨﻨﻰ ﺳﯘﺋﺎﻟﻐﺎ ﭼﯩﻘﯩﺮﯨﭗ، ﺟﺎﯞﺍﺑﯩﻐﺎ ﺷﯘ "ﺗﯚﺕ ﻛﯧﺰﻩﻙ ﻣﻪﺳﯩﻠﻪ"ﻧﯩﯔ ﻫﻪﻣﻤﻪ ﺗﻮﻏﺮﺍ ﺟﺎﯞﺍﺑﯩﻨﻰ ﺗﯩﺰﯨﭗ ﻗﻮﻳﻐﺎﻥ. ﺑﯘ ﺋﺎﺭﯨﺪﺍ ﭘﻪﻗﻪﺕ "ﻗﯩﻠﭽﯩﻠﯩﻚ" ﻻ ﭘﻪﺭﻕ ﺑﺎﺭ. ﻣﻪﺳﯩﻠﻪﻥ، ﺑﯘ ﻳﯩﻠﻠﯩﻖ ﺋﻪﺩﻟﯩﻴﻪ ﺋﯩﻤﺘﯩﻬﺎﻧﻰ 4- ﻗﻪﻏﻪﺯﻧﯩﯔ 2- ﺳﯘﺋﺎﻟﻰ ﻣﻪﻳﻠﻰ ﺋﻪﻣﻪﻟﯩﻴﻪﺗﺘﻪ ﻳﺎﻛﻰ ﺗﻮﺭﺩﺍ ﻧﺎﻫﺎﻳﯩﺘﻰ ﻛﯚﭖ ﺗﺎﻻﺵ-ﺗﺎﺭﺗﯩﺶ ﭘﻪﻳﺪﺍ ﻗﯩﻠﺪﻯ. (ﺳﯘﺋﺎﻟﻨﯩﯔ ﺋﯚﺯﻯ：http://www.legalinfo.gov.cn/misc/2007-09/16/content_699092.htm) (ﺋﯘﻳﻐﯘﺭﭼﯩﺴﻰ www.kanun.cn) ﺋﻪﯓ ﺗﺎﻻﺷﻠﯩﻖ ﻧﯘﻗﺘﺎ " ﺧﺎﻟﯩﻘﻨﯩﯔ ﺋﻮﺳﻤﺎﻧﻨﻰ ﺗﯘﺗﯘﯞﯦﻠﯩﭗ ﺋﯘﻧﯩﯖﺪﯨﻦ 100 ﻣﯩﯔ ﻳﯜﻩﻥ ﺗﻪﻟﻪﭖ ﻗﯩﻠﻐﺎﻥ ﻗﯩﻠﻤﯩﺸﯩﺪﯨﻦ ﻗﺎﻧﺪﺍﻕ ﺟﯩﻨﺎﻳﻪﺕ ﺷﻪﻛﯩﻠﻠﯩﻨﯩﺪﯗ؟ ﻧﯧﻤﻪ ﺋﯜﭼﯜﻥ؟" ﺩﯦﮕﻪﻥ ﺳﯘﺋﺎﻟﺪﯨﻦ ﺋﯩﺒﺎﺭﻩﺕ.  ﻣﻪﻥ ﺑﯘ ﺳﯘﺋﺎﻟﻨﻰ ﻛﯚﺭﮔﻪﻧﺪﯨﻦ ﻛﯧﻴﯩﻦ ﻣﯘﻧﺪﺍﻕ ﺋﯩﻜﻜﻰ ﺧﯩﻞ ﻗﺎﺭﺍﺷﻘﺎ ﻛﻪﻟﺪﯨﻢ:
1- ﺑﯘ ﺳﯘﺋﺎﻟﺪﺍ ﺗﯩﻠﻐﺎ ﺋﯧﻠﯩﻨﻐﺎﻥ ﺟﯩﻨﺎﻳﻰ ﻗﯩﻠﻤﯩﺸﻨﯩﯔ ﺷﻪﻛﻠﻰ ﺗﯘﺗﻘﯘﻥ ﻗﯩﻠﯩﺶ ﺟﯩﻨﺎﻳﯩﺘﯩﮕﻪ ﺗﺎﻣﺎﻣﻪﻥ ﺋﻮﺧﺸﺎﭖ ﻛﯧﺘﻪﺗﺘﻰ. ﺷﻪﻛﻠﻰ ﺗﯘﺗﻘﯘﻥ ﻗﯩﻠﯩﺶ ﺟﯩﻨﺎﻳﯩﺘﯩﮕﻪ ﺋﻮﺧﺸﯩﻐﺎﻥ ﺑﯩﺮ ﺳﯘﺋﺎﻟﻨﻰ ﺋﺎﺗﺎﻳﯩﻦ ﭼﯩﻘﯩﺮﯨﭗ، ﻳﻪﻧﻪ ﻧﯧﻤﯩﺸﻘﺎ "ﻗﺎﻧﺪﺍﻕ ﺟﯩﻨﺎﻳﻪﺕ ﺷﻪﻛﯩﻠﻠﯩﻨﯩﺪﯗ؟" ﺩﻩﭖ ﺳﻮﺭﺍﺷﻨﯩﯔ ﺋﯚﺯﻯ ﻗﺎﻧﺪﺍﻕ ﻣﻪﻧﺘﯩﻘﻪ؟ ﻳﻪﻧﻪ ﻛﯧﻠﯩﭗ ﺳﯘﺋﺎﻟﻨﯩﯔ ﺋﯚﺯﯨﺪﯨﻤﯘ "ﺗﯘﺗﻘﯘﻥ ﻗﯩﻠﯩﯟﯦﻠﯩﭗ" ﺩﯦﮕﻪﻥ ﺳﯚﺯ ﺑﺎﺭ، ﺩﯦﻤﻪﻙ، ﺳﯘﺋﺎﻝ ﭼﯩﻘﺎﺭﻏﯘﭼﯩﻨﯩﯔ ﺑﺎﺷﻘﺎ ﺑﯩﺮ ﻣﯘﺩﺩﯨﺌﺎﺳﻰ ﺑﺎﺭ. ﻳﻪﻧﻰ ﺋﻪﮔﻪﺭ ﺑﯘ ﺗﯘﺗﻘﯘﻥ ﻗﯩﻠﯩﺶ ﺟﯩﻨﺎﻳﯩﺘﻰ ﺑﻮﻟﺴﺎ، ﺑﯘ ﺳﯘﺋﺎﻟﻨﻰ ﭼﯩﻘﺎﺭﻣﯩﻐﺎﻥ ﺑﻮﻻﺗﺘﻰ. ﺳﯘﺋﺎﻝ ﭼﯩﻘﺎﺭﻏﯘﭼﻰ ﺋﯩﻨﺘﺎﻳﯩﻦ ﻧﺎﺯﯗﻙ ﺑﯩﺮ ﻣﻪﺳﯩﻠﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﺋﯩﻤﺘﯩﻬﺎﻥ ﺑﻪﺭﮔﯜﭼﯩﻨﯩﯔ ﻛﯩﭽﯩﻜﻜﯩﻨﻪ ﺑﯩﺮ ﻳﯧﺮﯨﻨﻰ ﺳﯩﻨﺎﯞﺍﺗﯩﺪﯗ. ﺷﯘﯕﺎ ﺑﯘ ﺗﯘﺗﻘﯘﻥ ﻗﯩﻠﯩﺶ ﺟﯩﻨﺎﻳﯩﺘﻰ ﺋﻪﻣﻪﺱ، ﭼﯜﻧﻜﻰ ﺑﯘ ﺋﯩﻤﺘﯩﻬﺎﻧﻤﯘ ﺋﺎﺩﻩﺗﺘﯩﻜﻰ ﻗﺎﻧﯘﻥ ﺳﺎﯞﺍﺗﻠﯩﺮﯨﻨﻰ ﺋﻮﻣﯘﻣﻼﺷﺘﯘﺭﯗﺵ ﺋﯩﻤﺘﯩﻬﺎﻧﻰ ﺋﻪﻣﻪﺱ.
2- ﮔﻪﺭﭼﻪ ﻣﻪﻥ ﻳﯘﻗﯩﺮﯨﻘﻰ ﺧﯩﻴﺎﻟﻨﻰ ﻗﯩﻠﻐﺎﻥ ﺑﻮﻟﺴﺎﻣﻤﯘ، ﻟﯧﻜﯩﻦ ﻳﻪﻧﯩﻤﯘ ﺑﯩﺮ ﻗﻪﺩﻩﻡ ﺋﯩﻠﮕﯩﺮﯨﻠﻪﭖ، ﺑﯘ ﻗﺎﺭﯨﺸﯩﻤﻨﻰ ﻗﺎﻧﯘﻥ ﻣﺎﺩﺩﯨﻠﯩﺮﻯ ﺑﯩﻠﻪﻥ ﺋﯩﺴﭙﺎﺗﻼﺷﻘﺎ ﺗﯩﺮﯨﺸﺘﯩﻢ. ﺑﯘ ﻗﺎﻧﯘﻥ ﻣﺎﺩﺩﯨﻠﯩﺮﯨﺪﺍ ﺑﯩﯟﺍﺳﯩﺘﻪ ﺋﻪﻛﯩﺲ ﺋﻪﺗﻤﻪﻳﺪﯗ، ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺗﻼﺭﺩﺍ ﻛﯚﺭﯛﻟﯜﺷﻰ ﻣﯘﻣﻜﯩﻦ. ﻣﯧﻨﯩﯔ ﻛﺎﻟﻼﻣﻐﺎ "ﺗﯘﺗﻘﯘﻥ ﻗﯩﻠﯩﺶ ﺑﯩﻠﻪﻥ ﺑﯘﻻﯕﭽﯩﻠﯩﻖ ﺟﯩﻨﺎﻳﯩﺘﯩﻨﯩﯔ ﭘﻪﺭﻗﯩﻨﯩﯔ ﺑﯩﺮﻯ، ﺋﻪﮔﻪﺭ ﻗﯩﻠﻤﯩﺸﭽﻰ ﺑﯩﺮﺍﯞﻧﻰ ﻗﺎﻧﯘﻧﺴﯩﺰ ﺗﯘﺗﯘﯞﯦﻠﯩﭗ، ﺋﯜﭼﯩﻨﭽﻰ ﻛﯩﺸﯩﺪﯨﻦ ﻣﺎﻝ-ﻣﯜﻟﯜﻙ ﺗﻪﻟﻪﭖ ﻗﯩﻠﺴﺎ، ﺗﯘﺗﻘﯘﻥ ﻗﯩﻠﯩﺶ ﺑﻮﻟﯩﺪﯗ، ﺋﯚﺯﯨﺪﯨﻦ ﺗﻪﻟﻪﭖ ﻗﯩﻠﺴﺎ ﺑﯘﻻﯕﭽﯩﻠﯩﻖ ﺑﻮﻟﯩﺪﯗ" ﺩﯦﮕﻪﻥ ﻫﯚﻛﯜﻡ ﺑﻮﻟﺪﻯ. ﻣﻪﻥ ﺑﯘ ﻫﯚﻛﯜﻣﻨﻰ ﺟﯩﻨﺎﻳﻰ ﺋﯩﺸﻼﺭ ﻗﺎﻧﯘﻧﯩﻨﯩﯔ ﻳﯧﺸﯩﻤﯩﺪﻩ، ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺗﺘﺎ ﻳﺎﻛﻰ 万国 <http://www.wanguoschool.net>(http://www.wanguoschool.net) ﻧﯩﯔ ﻛﯩﺘﺎﺑﯩﺪﯨﻜﻰ ﺗﻪﻫﻠﯩﻠﻠﻪﺭﺩﻩ ﻛﯚﺭﮔﻪﻧﻠﯩﻜﯩﻤﻨﻰ ﺋﻪﺳﻠﯩﻴﻪﻟﻤﯩﺪﯨﻢ، ﻧﯧﻤﯩﻼ ﺑﻮﻟﻤﯩﺴﯘﻥ، ﺷﯘﻧﺪﺍﻕ ﺑﯩﺮ ﻫﯚﻛﯜﻡ ﺧﺎﺭﺍﻛﺘﯧﺮﻟﯩﻚ ﺗﻪﻫﻠﯩﻠﻨﻰ ﻛﯚﺭﮔﻪﻧﻠﯩﻜﯩﻢ ﺋﯧﺴﯩﻤﺪﻩ، ﺷﯘﻧﯩﯔ ﺑﯩﻠﻪﻥ ﻣﻪﻥ ﺋﯘﻧﯩﯔ ﺧﺎﺭﺍﻛﺘﯧﺮﯨﻨﻰ "ﺑﯘﻻﯕﭽﯩﻠﯩﻖ" ﺩﻩﭖ ﺑﯧﻜﯩﺘﺘﯩﻢ، ﺑﯘ ﺟﺎﯞﺍﺑﯩﻢ ﺑﯩﻠﻪﻥ ﻣﯩﻨﯩﺴﺘﯩﺮﻟﯩﻚ ﭼﯩﻘﺎﺭﻏﺎﻥ ﺋﯚﻟﭽﻪﻣﻠﯩﻚ ﺟﺎﯞﺍﺏ ﺑﯩﺮﺩﻩﻙ ﺑﻮﻟﯘﭖ ﭼﯩﻘﺘﻰ. ﻟﯧﻜﯩﻦ ﺑﯘ ﺟﺎﯞﺍﺏ ﻳﻪﻧﯩﻼ ﻧﯘﺭﻏﯘﻥ ﻛﯩﺸﯩﻠﻪﺭﻧﯩﯔ ﻛﺎﻟﻠﯩﺴﯩﺪﯨﻦ ﺋﯚﺗﻤﻪﻛﻠﯩﻚ.
ﺋﻪﺩﻟﯩﻴﻪ ﻣﯩﻨﯩﺴﺘﯩﺮﻟﯩﻜﻰ ﻫﻪﺭﻳﯩﻠﻰ 3-ﺋﺎﻳﻼﺭﺩﺍ "ﺋﻪﺩﻟﯩﻴﻪ ﺋﯩﻤﺘﯩﻬﺎﻥ ﺗﯩﺰﯨﺴﻰ" ﻧﺎﻣﻠﯩﻖ ﺑﯩﺮ ﻛﯩﺘﺎﺏ ﭼﯩﻘﯩﺮﯨﺪﯗ، 6- ﺋﺎﻳﻼﺭﺩﺍ ﺋﯘﻳﻐﯘﺭﭼﯩﻐﺎ ﺗﻪﺭﺟﯩﻤﻪ ﻗﯩﻠﯩﻨﯩﺪﯗ. ﺑﯘ ﻫﯚﻛﯜﻣﻪﺕ ﺗﻪﺭﻩﭖ ﺗﻪﻣﯩﻨﻠﻪﻳﺪﯨﻐﺎﻥ ﺑﯩﺮﺩﯨﻨﺒﯩﺮ ﭘﺎﻳﺪﯨﻠﯩﻨﯩﺶ ﻣﺎﺗﯧﺮﯨﻴﺎﻟﻰ ﺑﻮﻟﯘﭖ، ﺋﯘﻧﯩﯖﺪﯨﻦ ﺑﺎﺷﻘﺎ ﺑﯩﺮﻩﺭ ﻛﯩﺘﺎﺏ-ﻣﺎﺗﯧﺮﯨﻴﺎﻝ ﭼﯩﻘﺎﺭﻣﺎﻳﺪﯗ ﯞﻩ ﺗﻪﯞﯨﺴﯩﻴﻪ ﻗﯩﻠﻤﺎﻳﺪﯗ. 2007-ﻳﯩﻠﻰ ﺑﯘ ﻛﯩﺘﺎﺑﻨﯩﯔ ﺋﯘﻳﻐﯘﺭﭼﯩﺴﻰ ﭼﻮﯓ 16 ﻛﻪﺳﻠﻪﻣﺪﻩ 406 ﺑﻮﻟﯘﭖ ﭼﯩﻘﺘﻰ. ﺩﯦﻤﻪﻙ، ﺋﻪﺩﻟﯩﻴﻪ ﺋﯩﻤﺘﯩﻬﺎﻧﻰ ﺑﯧﺮﯨﺶ ﺋﯜﭼﯜﻥ ﺋﯚﮔﯩﻨﯩﺪﯨﻐﺎﻥ ﻣﺎﺗﯧﺮﯨﻴﺎﻟﻼﺭﻧﯩﯔ ﻣﯘﻧﺪﻩﺭﯨﺠﯩﺴﻰ 406 ﺑﻪﺗﻠﯩﻚ ﺑﯩﺮ ﻛﯩﺘﺎﺏ ﺑﻮﻟﺪﻯ ﺩﯦﮕﻪﻥ ﮔﻪﭖ!  ﺋﻪﮔﻪﺭ ﻣﻮﺷﯘ ﻛﯩﺘﺎﺑﺘﺎ ﺗﯩﺰﯨﻠﻐﺎﻥ ﻣﺎﺗﯧﺮﯨﻴﺎﻟﻼﺭﻧﻰ ﺑﯩﺮ-ﺑﯩﺮﻟﻪﭖ ﺗﯩﺰﺳﯩﯖﯩﺰ، ﺑﻪﻟﻜﯩﻢ ﻛﯩﺸﯩﻨﻰ ﭼﯜﭼﯜﺗﯩﺪﯨﻐﺎﻥ ﺑﯩﺮ ﺳﺎﻥ ﺑﻮﻟﯘﺷﻰ ﻣﯘﻣﻜﯩﻦ. ﻟﯧﻜﯩﻦ ﺋﻪﻧﺴﯩﺮﻩﺷﻨﯩﯔ ﻫﺎﺟﯩﺘﻰ ﻳﻮﻕ. ﺑﯘ "ﺗﯩﺰﯨﺲ" ﻗﺎ ﺗﯩﺰﯨﻠﻐﺎﻥ ﻣﺎﺗﯧﺮﯨﻴﺎﻟﻼﺭﻧﯩﯔ ﻫﻪﻣﻤﯩﺴﯩﻨﻰ ﻛﯚﺭﯛﭖ ﭼﯩﻘﯩﺶ ﺗﻪﺱ، ﻫﻪﻡ ﻫﺎﺟﯩﺘﯩﻤﯘ ﺑﻮﻟﻤﯩﺴﺎ ﻛﯧﺮﻩﻙ. ﻣﯘﻫﯩﻤﻰ- ﻧﯘﻗﺘﯩﺴﯩﻨﻰ ﺗﯘﺗﯘﺵ. ﻣﻪﻥ ﺑﯘ ﺋﯩﻤﺘﯩﻬﺎﻧﻐﺎ ﺗﻪﻳﻴﺎﺭﻟﯩﻖ ﻗﯩﻠﻐﯘﭼﯩﻼﺭﻏﺎ ﻳﻪﻧﯩﻼ 万国 ﻧﯩﯔ ﻳﯜﺭﯛﺷﻠﯜﻙ ﻛﯩﺘﺎﺑﻠﯩﺮﯨﻨﻰ ﺗﻪﯞﯨﺴﯩﻴﻪ ﻗﯩﻠﯩﻤﻪﻥ، ﺑﯘ ﻛﯩﺘﺎﺑﻼﺭ ﻫﻪﻗﯩﻘﻪﺗﻪﻥ ﻗﺎﻟﺘﯩﺴﻜﻪﻥ! ﺋﯘﻧﯩﯖﺪﺍ ﺳﯩﺰﻧﯩﯔ ﺋﻪﺩﻟﯩﻴﻪ ﺋﯩﻤﺘﯩﻬﺎﻧﯩﻐﺎ ﺗﻪﻳﻴﺎﺭﻟﯩﻖ ﻗﯩﻠﯩﺸﯩﯖﯩﺰ ﺋﯜﭼﯜﻥ ﻫﻪﻣﻤﻪ ﻧﯧﻤﻪ ﺑﺎﺭ ﺩﯦﺴﯩﻤﯘ ﺋﺎﺭﺗﯘﻕ ﻛﻪﺗﻤﻪﻳﺪﯗ. ﻣﻪﻥ ﻛﯚﺭﮔﻪﻥ ﺧﻪﻧﺰﯗﭼﻪ ﻧﯘﺳﺨﯩﺴﯩﻨﯩﯔ ﺋﯩﺴﻤﻰ: 2007年国家司法考试专题讲座系列
ﺑﯘ ﻛﯩﺘﺎﺏ ﺑﯘﻟﺘﯘﺭ ﺋﯘﻳﻐﯘﺭﭼﯩﻐﺎ ﺗﻪﺭﺟﯩﻤﻪ ﻗﯩﻠﯩﻨﯩﭗ ﺗﺎﺭﻗﯩﺘﯩﻠﺪﻯ، ﺟﻪﻣﺌﯩﻲ 10 ﻛﯩﺘﺎﺏ. ﺗﻪﺭﺟﯩﻤﯩﺴﯩﺪﻩ ﻗﯘﻣﺪﻩﻙ ﺧﺎﺗﺎﻟﯩﻘﻼﺭ ﺳﺎﻗﻼﻧﻐﺎﻥ! ﻣﯘﻧﺪﺍﻗﭽﻪ ﺩﯦﮕﻪﻧﺪﻩ، ﺳﯩﺰ ﻫﻪﺭ ﺑﯩﺮ ﺑﻪﺗﺘﯩﻦ 10 ﺩﯨﻦ ﺋﺎﺭﺗﯘﻕ ﺋﯩﻤﻼ ﺧﺎﺗﺎﻟﯩﻘﻰ، ﺑﯩﺮﺩﯨﻦ ﺋﺎﺭﺗﯘﻕ ﻣﻪﺯﻣﯘﻥ ﺧﺎﺗﺎﻟﯩﻘﯩﻨﻰ ﺗﺎﭘﺎﻻﻳﺴﯩﺰ. ﺑﻪﺯﻯ ﺟﺎﻳﻼﺭﺩﺍ ﻗﺎﻧﯘﻥ ﻣﺎﺩﺩﯨﻠﯩﺮﯨﻤﯘ ﺧﺎﺗﺎ ﺑﯧﺴﯩﻠﻐﺎﻥ، ﻣﻪﺳﯩﻠﻪﻥ، "ﺟﯩﻨﺎﻳﻪﺕ ﺑﻮﻟﯩﺪﯗ" ﺩﯦﮕﯩﻨﻰ "ﺟﯩﻨﺎﻳﻪﺕ ﺑﻮﻟﻤﺎﻳﺪﯗ" ﺩﻩﭖ ﺑﯧﺴﯩﻠﯩﭗ ﻗﺎﻟﻐﺎﻥ. ﻟﯧﻜﯩﻦ ﺋﻪﺳﻠﻰ ﻛﯩﺘﺎﺑﻨﯩﯔ ﻗﯘﺭﯗﻟﻤﯩﺴﻰ ﻳﺎﺧﺸﻰ ﺑﻮﻟﻐﺎﭼﻘﺎ، ﻣﻮﺷﯘ ﺧﺎﺗﺎﻟﯩﻘﻼﺭﻧﻰ ﺗﯜﺯﻩﺗﺴﯩﻼ ﻳﺎﺧﺸﻰ ﺑﯩﺮ ﻣﺎﺗﯧﺮﯨﻴﺎﻝ ﺑﻮﻻﻻﻳﺪﯗ. ﻣﻪﻥ ﺑﺎﺷﺘﺎ ﺑﯘ ﺋﯘﻳﻐﯘﺭﭼﻪ ﻛﯩﺘﺎﺏ ﺑﯩﻠﻪﻥ ﻗﺎﻧﯘﻥ ﻣﺎﺩﺩﯨﻠﯩﺮﻯ ﺑﯧﺴﯩﻠﻐﺎﻥ ﺑﺎﺷﻘﺎ ﺑﯩﺮ ﻣﺎﺗﯧﺮﯨﻴﺎﻟﻨﻰ ﺳﯧﻠﯩﺸﺘﯘﺭﯗﭖ ﻛﯚﺭﯛﭖ ﺋﯘ ﺧﺎﺗﺎﻟﯩﻘﻼﺭﻧﻰ ﺗﯜﺯﻩﺗﺘﯩﻢ، ﻛﯧﻴﯩﻦ ﺧﻪﻧﺰﯗﭼﯩﺴﻰ ﺋﻪﻛﻪﻟﺪﯛﺭﯛﭖ، ﺧﻪﻧﺰﯗﭼﯩﺴﯩﻐﺎ ﺳﯧﻠﯩﺸﺘﯘﺭﺩﯗﻡ، ﺑﻪﺯﻯ ﺟﺎﻳﻼﺭﻧﻰ ﭘﯜﺗﯜﻧﻠﻪﻱ ﺧﻪﻧﺰﯗﭼﯩﺪﯨﻦ ﻛﯚﺭﺩﯛﻡ. ﺋﯘﺳﯘﻟﯘﻡ:
ﻣﯩﺴﺎﻝ: ﺟﯩﻨﺎﻳﻰ ﺋﯩﺸﻼﺭ ﻗﺎﻧﯘﻧﻰ
1-    ﺋﺎﯞﯞﺍﻝ ﺟﯩﻨﺎﻳﻰ ﺋﯩﺸﻼﺭ ﻗﺎﻧﯘﻧﯩﻨﯩﯔ ﺩﻩﻝ ﺋﯚﺯﯨﻨﻰ ﻣﺎﺩﺩﯨﻼﺭ ﺑﻮﻳﯩﭽﻪ ﭘﯘﺧﺘﺎ ﺋﻮﻗﯘﭖ ﭼﯩﻘﺘﯩﻢ.
2-    "ﺟﯩﻨﺎﻳﻰ ﺋﯩﺸﻼﺭ ﻗﺎﻧﯘﻧﯩﻨﯩﯔ ﻳﯧﺸﯩﻤﻰ" ﺩﯦﮕﻪﻥ ﻛﯩﺘﺎﺑﻨﻰ ﺗﻪﭘﺴﯩﻠﯩﻲ ﺋﻮﻗﯘﭖ ﭼﯩﻘﺘﯩﻢ.
3-    "ﺟﯩﻨﺎﻳﻰ ﺋﯩﺸﻼﺭﻏﺎ ﺩﺍﺋﯩﺮ ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺗﻼﺭ ﺗﻮﭘﻠﯩﻤﻰ" ﻧﺎﻣﻠﯩﻖ ﻛﯩﺘﺎﺑﺘﯩﻦ ﻣﻪﻣﻠﯩﻜﻪﺗﻠﯩﻚ ﺧﻪﻟﻖ ﻗﯘﺭﯗﻟﺘﯩﻴﻰ، ﺋﺎﻟﯩﻲ ﺳﻮﺕ، ﺋﺎﻟﯩﻲ ﺗﻪﭘﺘﯩﺶ، ﺝ ﺥ ﻣﯩﻨﯩﺴﺘﯩﺮﻟﯩﻜﻰ، ﺋﻪﺩﻟﯩﻴﻪﻣﯩﻨﯩﺴﺘﯩﺮﻟﯩﻜﻰ ﻗﺎﺗﺎﺭﻟﯩﻖ ﺋﻮﺭﯗﻧﻼﺭﻧﯩﯔ ﻣﯘﻧﺎﺳﯩﯟﻩﺗﻠﯩﻚ ﺋﯩﺰﺍﻫﺎﺗﻠﯩﺮﯨﻨﻰ ﺗﻪﭘﺴﯩﻠﯩﻲ ﻛﯚﺭﯛﭖ ﭼﯩﻘﺘﯩﻢ.
4-    ﺟﯩﻨﺎﻳﻰ ﺋﯩﺸﻼﺭ ﻗﺎﻧﯘﻧﯩﻨﯩﯔ ﻣﺎﺩﺩﯨﻠﯩﺮﯨﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﻛﯚﺭﯛﭖ ﭼﯩﻘﺘﯩﻢ.
5-    ﻳﯘﻗﯩﺮﯨﻘﻰ 10 ﻛﯩﺘﺎﺑﻨﯩﯔ ﻣﻮﺷﯘﻧﯩﯖﻐﺎ ﻣﯘﻧﺎﺳﯩﯟﻩﺗﻠﯩﻚ 3 ﻛﯩﺘﺎﺑﯩﻨﻰ ﻛﯚﺭﯛﭖ ﭼﯩﻘﺘﯩﻢ ﯞﻩ ﺑﯘ ﺋﺎﺭﯨﺪﺍ ﺟﯩﻨﺎﻳﻰ ﺋﯩﺸﻼﺭ ﻗﺎﻧﯘﻧﯩﻨﯩﯔ ﺑﻪﺯﻯ ﻣﺎﺩﺩﯨﻠﯩﺮﯨﻨﻰ ﻳﻪﻧﻪ ﻛﯚﺭﺩﯛﻡ. ﺋﻪﻣﻪﻟﯩﻴﻪﺗﺘﻪ ﺑﯘ ﻛﯩﺘﺎﺑﺘﯩﻤﯘ ﻣﯘﻫﯩﻢ ﻣﺎﺩﺩﯨﻼﺭ ﻧﻪﻗﯩﻞ ﺋﯧﻠﯩﻨﻐﺎﻥ.
ﺑﯘ ﺧﯩﻞ ﺋﯚﮔﯩﻨﯩﺸﻜﻪ ﺧﯧﻠﻰ ﻛﯚﭖ ﯞﺍﻗﯩﺖ ﯞﻩ ﺯﯦﻬﯩﻦ ﻛﯧﺘﯩﺪﯗ، ﺷﯘﻧﺪﺍﻗﺘﯩﻤﯘ ﭘﯘﺧﺘﯩﺮﺍﻕ ﺑﻮﻟﯩﺪﯨﻜﻪﻥ. ﻣﯧﻨﯩﯖﭽﻪ ﺑﺎﺷﻘﺎ ﻗﺎﻧﯘﻧﻼﺭﻧﯩﻤﯘ ﺷﯘﻧﺪﺍﻕ ﺋﯚﮔﻪﻧﺴﻪ ﺑﯩﺮ ﻗﻪﺩﻩﺭ ﻳﺎﺧﺸﻰ ﺋﯚﮔﻪﻧﮕﯩﻠﻰ ﺑﻮﻟﯩﺪﯗ. ﺑﻮﻟﯘﭘﻤﯘ ﻫﻪﻕ ﺗﻪﻟﻪﭖ ﻗﺎﻧﯘﻧﯩﻨﻰ.
ﺑﯘ 10 ﻛﯩﺘﺎﺏ (ﻳﺎﻛﻰ ﺧﻪﻧﺰﯗﭼﻪ ﻳﻪﺗﺘﻪ ﻛﯩﺘﺎﺏ) ﻧﯩﯔ ﻗﯘﺭﯗﻟﻤﯩﺴﻰ ﻣﯘﻧﺪﺍﻕ:
ﻣﯩﺴﺎﻝ: ﺷﯩﺮﻛﻪﺕ ﻗﺎﻧﯘﻧﻰ
1- ﺋﺎﻧﺎ ﻗﺎﻧﯘﻥ ﻣﺎﺩﺩﯨﻠﯩﺮﻯ:
ﻛﯩﺘﺎﺑﻨﯩﯔ ﺷﯩﺮﻛﻪﺕ ﻗﺎﻧﯘﻧﯩﻐﺎ ﻣﯘﻧﺎﺳﯩﯟﻩﺗﻠﯩﻚ ﻗﯩﺴﻤﯩﺪﺍ، ﺷﯩﺮﻛﻪﺕ ﻗﺎﻧﯘﻧﯩﺪﯨﻜﻰ ﺋﻪﯓ ﻣﯘﻫﯩﻢ ﺩﻩﭖ ﻗﺎﺭﺍﻟﻐﺎﻥ ﻣﺎﺩﺩﯨﻼﺭ ﻣﻮﺷﯘ ﺗﯧﻤﺎ ﺋﺎﺳﺘﯩﺪﺍ ﻧﻪﻗﯩﻞ ﺳﯜﭘﯩﺘﯩﺪﻩ ﺑﯧﺮﯨﻠﯩﺪﯗ. ﺑﯘ ﺋﺎﺩﻩﺗﺘﻪ ﺑﯩﺮ ﻧﻪﭼﭽﻪ ﻣﺎﺩﺩﺍ ﺑﯩﻠﻪﻧﻼ ﭼﻪﻛﻠﯩﻨﯩﺪﯗ.
2- ﻣﯘﻧﺎﺳﯩﯟﻩﺗﻠﯩﻚ ﻗﺎﻧﯘﻥ ﻧﻪﺯﻩﺭﯨﻴﯩﺴﻰ:
ﺑﯘ ﻗﯩﺴﯩﻤﺪﺍ ﺷﯩﺮﻛﻪﺕ ﻗﺎﻧﯘﻧﯩﻨﻰ ﭼﯩﻘﯩﺮﯨﺸﻨﯩﯔ ﻧﻪﺯﻩﺭﯨﻴﻪ ﺋﺎﺳﺎﺳﻰ ﺳﯚﺯﻟﯩﻨﯩﺪﯗ. ﺑﯘﻣﯘ ﺋﺎﻧﭽﻪ ﻛﯚﭖ ﺑﻮﻟﻤﺎﻳﺪﯗ، ﻟﯧﻜﯩﻦ ﻧﯘﻗﺘﯩﻠﯩﻖ، ﻣﯧﻐﯩﺰﻟﯩﻖ ﻣﻪﺯﻣﯘﻧﻼﺭ ﺑﻮﻟﯩﺪﯗ.
3- ﺑﯩﻠﯩﻢ ﻧﯘﻗﺘﯩﻠﯩﺮﻯ ﯞﻩ ﺋﻪﻣﻪﻟﯩﻲ ﻣﯩﺴﺎﻟﻼﺭ:
ﺑﯘﻧﯩﯖﺪﺍ ﻧﻪﺯﻩﺭﯨﻴﯩﻤﯘ، ﻗﺎﻧﯘﻥ ﻣﺎﺩﺩﯨﻠﯩﺮﻯ، ﻣﯩﺴﺎﻝ، ﺗﻪﺩﺑﯩﻘﻼﺵ، ﺋﯩﻤﺘﯩﻬﺎﻧﻐﺎ ﺗﺎﻗﺎﺑﯩﻞ ﺗﯘﺭﯗﺵ... ﻗﺎﺗﺎﺭﻟﯩﻖ ﻣﻪﺯﻣﯘﻧﻼﺭ ﺗﻮﻟﯩﻤﯘ ﺳﯩﺴﺘﯧﻤﯩﻠﯩﻖ، ﺗﻪﭘﺴﯩﻠﯩﻲ ﺋﺎﻧﺎﻟﯩﺰ ﻗﯩﻠﯩﻨﯩﺪﯗ.
4- ﺑﺎﻻ ﻗﺎﻧﯘﻥ ﻣﺎﺩﺩﯨﻠﯩﺮﻯ:
ﺷﯩﺮﻛﻪﺕ ﻗﺎﻧﯘﻧﯩﻨﯩﯔ "ﺋﺎﻧﺎ ﻗﺎﻧﯘﻥ ﻣﺎﺩﺩﯨﻠﯩﺮﻯ" ﺩﯦﮕﻪﻥ ﻗﯩﺴﻤﯩﻐﺎ ﺋﯧﻠﯩﻨﻤﯩﻐﺎﻥ، ﺧﯧﻠﻰ ﻣﯘﻫﯩﻢ ﺩﻩﭖ ﻗﺎﺭﯨﻐﺎ ﻣﻪﺯﻣﯘﻧﻠﯩﺮﻯ، ﻣﯘﻧﺎﺳﯩﯟﻩﺗﻠﯩﻚ ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺗﻼﺭﻧﯩﯔ ﻣﯘﻫﯩﻢ ﻧﯘﻗﺘﯩﻠﯩﺮﻯ ﺑﯘ ﺟﺎﻳﻐﺎ ﺑﯧﺮﯨﻠﯩﺪﯗ.
ﻣﯘﻧﺪﺍﻗﭽﻪ ﺩﯦﮕﻪﻧﺪﻩ، ﺳﯩﺰ ﻳﯘﻗﯩﺮﯨﻘﻰ ﺗﯚﺕ ﺑﯚﻟﻪﻛﻠﯩﻚ ﻟﯧﻜﺴﯩﻴﻪ ﺋﺎﺭﻗﯩﻠﯩﻖ ﺷﯩﺮﻛﻪﺕ ﻗﺎﻧﯘﻧﻰ ﻫﻪﻗﻘﯩﺪﻩ ﺋﻪﺗﺮﺍﭘﻠﯩﻖ ﭼﯜﺷﻪﻧﭽﯩﮕﻪ ﺋﯩﮕﻪ ﺑﻮﻟﯩﺴﯩﺰ. ﻟﯧﻜﯩﻦ ﻣﻪﻥ ﺷﯘﻧﻰ ﻳﻪﻧﻪ ﺗﻪﻛﯩﺘﻠﻪﻳﻤﻪﻧﻜﻰ، ﺑﯘ 10 ﻛﯩﺘﺎﺏ ﺑﻮﻟﺴﯘﻥ ﻳﺎﻛﻰ ﺧﻪﻧﺰﯗﭼﯩﺴﻰ ﯞﻩ ﻳﺎﻛﻰ ﺑﺎﺷﻘﯩﺴﻰ ﺑﻮﻟﺴﯘﻥ، ﺷﯘ ﻛﯩﺘﺎﺑﻨﻰ ﻗﻮﻟﻐﺎ ﺋﯧﻠﯩﺸﺘﯩﻦ ﺑﯘﺭﯗﻥ ﭼﻮﻗﯘﻡ ﺋﻪﺳﻠﻰ ﻗﺎﻧﯘﻥ ﻣﺎﺩﺩﯨﻠﯩﺮﻯ ﯞﻩ ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺗﻼﺭﻧﻰ ﺋﯩﻨﺘﺎﻳﯩﻦ ﺋﻪﺳﺘﺎﻳﯩﺪﯨﻞ ﻛﯚﺭﯛﺵ، ﺋﺎﻧﺪﯨﻦ ﺑﺎﺷﻘﺎ ﭘﺎﻳﺪﯨﻠﯩﻨﯩﺶ ﻣﺎﺗﯧﺮﯨﻴﺎﻟﻠﯩﺮﯨﻨﻰ ﻛﯚﺭﯛﺵ ﻛﯧﺮﻩﻙ.
万国 ﻧﯩﯔ ﻳﯘﻗﯩﺮﯨﻘﻰ ﺧﻪﻧﺰﯗﭼﻪ ﻛﯩﺘﺎﺑﯩﻨﯩﯔ ﻛﻪﻳﻨﯩﺪﻩ ﻳﻪﻧﻪ ﺑﺎﺷﻘﺎ ﻛﯩﺘﺎﺑﻼﺭﻧﯩﯔ ﺗﯩﺰﯨﻤﻠﯩﻜﯩﻤﯘ ﺑﺎﺭ ﻳﺎﻛﻰ ﺳﯩﺰ ﺑﯘ ﺗﻮﺭ ﺑﻪﺗﺘﯩﻦ ﻣﯘﻧﺎﺳﯩﯟﻩﺗﻠﯩﻚ ﺋﯘﭼﯘﺭﻻﺭﻏﺎ ﺋﯧﺮﯨﺸﻪﻟﻪﻳﺴﯩﺰ:
http://www.wanguoschool.net

ﺋﻪﻣﺪﻯ ﻛﻮﻧﻜﯩﺮﯨﺖ ﻣﻪﺯﻣﯘﻧﻼﺭﻏﺎ ﻛﯧﻠﻪﻳﻠﻰ. "ﺗﯩﺰﯨﺲ" ﺗﺎ ﻛﯚﺭﺳﯩﺘﯩﻠﮕﻪﻥ ﭘﻪﻧﻠﻪﺭ ﻣﯘﻧﺪﺍﻕ:
ﻗﺎﻧﯘﻥ ﻧﻪﺯﻩﺭﯨﻴﯩﺴﻰ ﺋﯩﻠﻤﻰ، ﻗﺎﻧﯘﻧﭽﯩﻠﯩﻖ، ﺋﺎﺳﺎﺳﯩﻲ ﻗﺎﻧﯘﻥ، ﻣﻪﻣﯘﺭﯨﻲ ﻗﺎﻧﯘﻥ ﯞﻩ ﻣﻪﻣﯘﺭﯨﻲ ﺩﻩﯞﺍ ﻗﺎﻧﯘﻧﻰ، ﺟﯩﻨﺎﻳﻰ ﺋﯩﺸﻼﺭ ﻗﺎﻧﯘﻧﻰ، ﺟﯩﻨﺎﻳﻰ ﺋﯩﺸﻼﺭ ﺩﻩﯞﺍ ﻗﺎﻧﯘﻧﻰ، ﻫﻪﻕ ﺗﻪﻟﻪﭖ ﻗﺎﻧﯘﻧﻰ، ﻫﻪﻕ ﺗﻪﻟﻪﭖ ﺩﻩﯞﺍ ﻗﺎﻧﯘﻧﻰ، ﺳﻮﺩﺍ ﻗﺎﻧﯘﻧﻰ، ﺋﯩﻘﺘﯩﺴﺎﺩﯨﻲ ﻗﺎﻧﯘﻥ، ﺧﻪﻟﻘﺌﺎﺭﺍ ﻗﺎﻧﯘﻧﻰ، ﺧﻪﻟﻘﺌﺎﺭﺍ ﺧﯘﺳﯘﺳﯩﻲ ﻗﺎﻧﯘﻥ، ﺧﻪﻟﻘﺌﺎﺭﺍ ﺋﯩﻘﺘﯩﺴﺎﺩ ﻗﺎﻧﯘﻧﻰ، ﺋﻪﺩﻟﯩﻴﻪ ﺗﯜﺯﯛﻣﻰ ﯞﻩ ﻗﺎﻧﯘﻥ ﻛﻪﺳﯩﭗ ﺋﻪﺧﻼﻗﻰ ﻗﺎﺗﺎﺭﻟﯩﻖ 14 ﭘﻪﻥ.
ﺑﯘﻻﺭ ﻫﻪﻗﻘﯩﺪﻩ ﺑﯩﺮ-ﺑﯩﺮﻟﻪﭖ ﺗﻮﺧﺘﯩﻠﯩﻤﯩﺰ:
1- ﻗﺎﻧﯘﻥ ﻧﻪﺯﻩﺭﯨﻴﯩﺴﻰ ﺋﯩﻠﻤﯩﻲ ﯞﻩ ﻗﺎﻧﯘﻧﭽﯩﻠﯩﻖ:
ﺑﯘ - ﻧﻪﺯﻩﺭﯨﻴﻪ ﻗﯩﺴﻤﻰ. ﺑﯘ ﻫﻪﻗﺘﻪ ﻣﻪﻥ ﺗﺎﺯﺍ ﻳﺎﺧﺸﻰ ﻣﺎﺗﯧﺮﯨﻴﺎﻝ ﺗﯧﭙﯩﺸﻘﺎ ﺋﯜﻟﮕﯜﺭﻩﻟﻤﻪﻱ ﻗﺎﻟﺪﯨﻢ. ﭘﻪﻣﯩﻤﭽﻪ، ﺑﯘﻧﯩﯖﻐﺎ ﺩﺍﺋﯩﺮ ﻣﺎﺗﯧﺮﯨﻴﺎﻟﻼﺭ ﺋﺎﻟﯩﻲ ﻣﻪﻛﺘﻪﭘﻠﻪﺭﻧﯩﯔ ﻗﺎﻧﯘﻥ ﻛﻪﺳﯩﭙﻠﯩﺮﻯ ﺩﻩﺭﺳﻠﯩﻜﻠﯩﺮﯨﺪﻩ ﺑﻮﻟﯘﺷﻰ ﻣﯘﻣﻜﯩﻦ. ﻣﻪﻥ 10 ﻛﯩﺘﺎﺏ ﯞﻩ ﺧﻪﻧﺰﯗﭼﯩﺴﻰ ﺑﻮﻟﻐﺎﻥ 7 ﻛﯩﺘﺎﺑﻨﻰ ﻛﯚﺭﺩﯛﻡ. ﺋﯩﻤﺘﯩﻬﺎﻥ ﺑﻪﺭﮔﯜﭼﯩﻠﻪﺭ ﺋﻪﯓ ﻳﺎﺧﺸﯩﺴﻰ ﺩﻩﺭﺳﻠﯩﻜﺘﯩﻦ ﻳﺎﺧﺸﯩﺮﺍﻕ ﻗﺎﻧﯘﻥ ﻧﻪﺯﻩﺭﯨﻴﻪ ﻛﯩﺘﺎﺑﯩﻨﻰ ﺋﺎﯞﯞﺍﻝ ﻛﯚﺭﮔﯩﻨﻰ ﺗﯜﺯﯛﻙ.
ﻣﻪﻥ ﮔﻪﺭﭼﻪ ﻗﺎﻧﯘﻥ ﻧﻪﺯﻩﺭﯨﻴﯩﺴﻰ ﯞﻩ ﺧﻪﻟﻘﺌﺎﺭﺍ ﻗﺎﻧﯘﻧﻨﻰ ﭘﯘﺧﺘﯩﺮﺍﻕ ﺋﯚﮔﯩﻨﯩﺸﻜﻪ ﺗﯩﺮﯨﺸﻘﺎﻥ ﺑﻮﻟﺴﺎﻣﻤﯘ، ﻟﯧﻜﯩﻦ ﻣﻪﻥ ﻗﻮﻟﻐﺎ ﺋﺎﻟﻐﺎﻥ ﯞﺍﻗﯩﺖ ﺋﯩﻤﺘﯩﻬﺎﻧﻐﺎ ﺋﺎﺯﻻ ﻗﺎﻟﻐﺎﻥ ﺑﯩﺮ ﻧﻪﭼﭽﻪ ﻛﯜﻥ ﺑﻮﻟﺪﻯ، ﺑﯘ ﻣﻪﺯﮔﯩﻠﺪﻩ ﺟﯩﺪﺩﯨﻴﻠﯩﺸﯩﭗ ﻗﺎﻟﺪﯨﻢ، ﺋﯘﻧﯩﯔ ﺋﯜﺳﺘﯩﮕﻪ ﻣﻪﻥ ﺟﯘﯕﮕﻮﺩﺍ ﺋﯚﺗﻜﻪﻥ ﺳﯘﻻﻟﯩﻠﻪﺭﻧﯩﯔ ﻧﺎﻣﻠﯩﺮﯨﻨﻰ ﺑﯩﻠﺴﻪﻣﻤﯘ، ﻟﯧﻜﯩﻦ ﺗﺎﯓ، ﭼﯩﯔ ﻗﺎﺗﺎﺭﻟﯩﻖ ﺑﯩﺮﻧﻪﭼﭽﯩﺴﯩﺪﯨﻦ ﺑﺎﺷﻘﯩﺴﯩﻨﯩﯔ ﺋﯩﻠﮕﯩﺮﻯ- ﻛﯧﻴﯩﻨﻠﯩﻚ ﺗﻪﺭﺗﯩﺒﯩﻨﯩﻤﯘ ﺑﯩﻠﻤﯩﮕﻪﭼﻜﻪ، ﺑﯘ ﺳﯘﺋﺎﻟﯩﻼﺭ ﺩﻩﯞﺭﯨﺪﯨﻜﻰ "ﺗﯚﺕ ﺋﻪﻫﻜﺎﻡ، ﺑﻪﺵ ﺋﻪﺭﻛﺎﻥ" ﺩﯦﮕﻪﻧﺪﻩﻙ ﺋﺎﺗﺎﻟﻐﯘﻻﺭﻧﻰ ﺯﺍﺩﯨﻼ ﺋﯧﺴﯩﻤﺪﻩ ﺗﯘﺗﺎﻟﻤﯩﺪﯨﻢ. ﻫﻪﻣﻤﯩﺪﯨﻦ ﺑﻪﻙ ﺋﻪﻧﺴﯩﺮﯨﮕﯩﻨﯩﻢ، 10 ﻛﯩﺘﺎﺑﺘﯩﻦ ﺋﯚﮔﯩﻨﻪﻱ ﺩﯦﺴﻪﻡ، ﺋﯘﻻﺭ ﺷﯘ ﺋﺎﺗﺎﻟﻐﯘﻻﺭﻧﻰ ﺧﺎﺗﺎ ﺗﻪﺭﺟﯩﻤﻪ ﻗﯩﻠﯩﭗ ﻗﻮﻳﻐﺎﻥ ﺑﻮﻟﺴﺎ، ﺋﯩﻤﺘﯩﻬﺎﻧﺪﺍ ﺋﺎﻟﻤﺎﺷﺘﯘﺭﯗﭖ ﻗﻮﻳﺎﺭﻣﻪﻧﻤﯘ، ﺩﯦﺪﯨﻢ، ﺧﻪﻧﺰﯗﭼﻪ 7 ﻛﯩﺘﺎﺑﺘﯩﻦ ﺋﯚﮔﯩﻨﻪﻱ ﺩﯦﺴﻪﻡ، ﺑﯘ ﻗﻪﺩﯨﻤﯩﻲ ﺧﻪﻧﺰﯗﺗﯩﻠﯩﺪﯨﻜﻰ ﺋﺎﺗﺎﻟﻐﯘﻻﺭﻧﻰ ﺋﯘﻳﻐﯘﺭﭼﯩﻐﺎ ﺋﯚﺭﯛﺵ، ﺋﯩﻤﺘﯩﻬﺎﻥ ﺳﯘﺋﺎﻟﯩﺪﯨﻜﻰ ﺗﻪﺭﺟﯩﻤﯩﺴﻰ ﺑﯩﻠﻪﻥ ﺑﯩﺮﻟﻪﺷﺘﯜﺭﯛﺷﻨﯩﯔ ﺋﯚﺯﻯ ﺑﯩﺮ ﻗﯩﻴﯩﻦ ﻣﻪﺳﯩﻠﻪ ﺋﯩﻜﻪﻥ، ﺷﯘﻧﺪﺍﻕ ﻗﯩﻠﯩﭗ ﻣﻪﻥ ﺗﻪﯞﻩﻛﻜﯘﻝ ﻗﯩﻠﯩﭗ، ﯞﺍﺭﺍﻗﻼﭖ ﺩﯦﮕﯜﺩﻩﻙ ﺋﯚﺗﯜﭖ ﻛﻪﺗﺘﯩﻢ. ﺑﯘ ﺩﺍﺋﯩﺮﯨﺪﯨﻜﻰ ﺳﯘﺋﺎﻟﻼﺭ ﺧﻪﻧﺰﯗﭼﻪ ﺋﯩﻤﺘﯩﻬﺎﻥ ﻗﻪﻏﯩﺰﯨﺪﻩ ﻛﯚﭖ ﺑﻮﻟﺴﯩﻤﯘ، ﻟﯧﻜﯩﻦ ﺋﯘﻳﻐﯘﺭﭼﯩﺴﯩﺪﺍ ﺋﯘﻻﺭﻧﻰ ﺋﺎﻟﻤﺎﭘﺘﯘ!
ﻟﯧﻜﯩﻦ ﻗﺎﻧﯘﻧﭽﯩﻠﯩﻘﻘﺎ ﺩﺍﺋﯩﺮ ﻣﺎﺗﯧﺮﯨﻴﺎﻟﻼﺭﻧﻰ ﻳﺎﺧﺸﻰ ﻛﯚﺭﯛﺵ ﻛﯧﺮﻩﻙ. ﻣﻪﻥ ﺗﺎﺯﺍ ﻳﺎﺧﺸﻰ ﻛﯚﺭﻣﯩﮕﻪﻧﻠﯩﻜﯩﻢ ﺋﯜﭼﯜﻥ، 4- ﺋﯩﻤﺘﯩﻬﺎﻥ ﻗﻪﻏﯩﺰﯨﻨﯩﯔ ﺑﯩﺮﯨﻨﭽﻰ ﺳﯘﺋﺎﻟﯩﺪﺍ ﺩﻩﻝ ﻧﯘﻗﺘﯩﺴﯩﻨﻰ ﺗﯧﭙﯩﭗ ﺟﺎﯞﺍﺏ ﻳﺎﺯﺍﻟﻤﯩﺪﯨﻢ. ﺋﺎﯕﻠﯩﺴﺎﻡ ﺑﯘ ﺳﯘﺋﺎﻟﻐﺎ ﺳﻮﺕ، ﺗﻪﭘﺘﯩﺸﺘﯩﻜﯩﻠﻪﺭ ﺧﯧﻠﻰ ﻳﺎﺧﺸﻰ ﺟﺎﯞﺍﺏ ﺑﯧﺮﯨﭙﺘﯘ، ﭼﯜﻧﻜﻰ ﺋﯘﻻﺭ ﻛﻪﺳﭙﯩﻲ، ﺳﯩﻴﺎﺳﯩﻲ ﺋﯚﮔﯩﻨﯩﺸﻠﻪﺭﺩﻩ ﺩﺍﺋﯩﻢ ﺋﯚﮔﻪﻧﮕﻪﻧﯩﻜﻪﻥ.
2- ﺋﺎﺳﺎﺳﯩﻲ ﻗﺎﻧﯘﻥ:
ﺑﯘ ﻳﻪﺭﺩﯨﻜﻰ "ﺋﺎﺳﺎﺳﯩﻲ ﻗﺎﻧﯘﻥ" ﺩﯦﮕﻪﻥ ﺋﯘﻗﯘﻣﻨﻰ "ﺋﺎﺳﺎﺳﯩﻲ ﻗﺎﻧﯘﻧﻼﺭ"، "ﺗﯜﭖ ﻗﺎﻧﯘﻧﻼﺭ" ﺩﻩﭖ ﭼﯜﺷﯩﻨﯩﺶ ﻣﯘﻣﻜﯩﻦ. ﺋﯘ ﺋﯚﺯ ﺋﯩﭽﯩﺪﯨﻦ ﺋﺎﺳﺎﺳﯩﻲ ﻗﺎﻧﯘﻥ، ﺷﺎﯕﮕﺎﯓ، ﺋﺎﯞﻣﯩﻨﻼﺭﻧﯩﯔ ﻧﯧﮕﯩﺰﻟﯩﻚ ﻗﺎﻧﯘﻧﻰ، ﺋﺎﭘﺘﻮﻧﻮﻣﯩﻴﻪ ﻗﺎﻧﯘﻧﻰ، ﺗﻪﯞﻩﻟﯩﻚ ﻗﺎﻧﯘﻧﻰ ... ﻗﺎﺗﺎﺭﻟﯩﻖ ﻗﺎﻧﯘﻧﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ. ﺑﯘﻻﺭﻧﯩﯔ ﺳﺎﻧﻰ ﻛﯚﭖ ﺋﻪﻣﻪﺱ، ﻟﯧﻜﯩﻦ ﺳﺎﻧﻰ ﻛﯚﭖ ﺑﻮﻟﻤﯩﻐﺎﻥ ﺑﯩﻠﻪﻥ ﺋﯩﻤﺘﯩﻬﺎﻧﻐﺎ ﭼﯩﻘﯩﺪﯗ. ﻟﯧﻜﯩﻦ ﺑﯘﻻﺭﻧﻰ ﺋﯚﮔﯩﻨﯩﺶ ﺑﯩﺮ ﻗﻪﺩﻩﺭ ﺋﺎﺳﺎﻥ. ﻣﻪﻥ ﺷﺎﯕﮕﺎﯓ، ﺋﺎﯞﻣﯩﻨﻼﺭﻧﯩﯔ ﻧﯧﮕﯩﺰﻟﯩﻚ ﻗﺎﻧﯘﻧﻠﯩﺮﯨﺪﯨﻦ ﺳﯘﺋﺎﻝ ﭼﯩﻘﻤﺎﺳﻤﯩﻜﯩﻦ ﺩﻩﭖ ﺋﻮﻳﻠﯩﻐﺎﻥ، ﻟﯧﻜﯩﻦ ﺳﯘﺋﺎﻝ ﭼﯩﻘﺘﻰ. ﻳﻪﻧﻪ ﺋﺎﺳﺎﺳﯩﻲ ﻗﺎﻧﯘﻧﻼﺭﻧﯩﯔ ﺑﺎﺷﻘﯩﻠﯩﺮﯨﺪﯨﻨﻤﯘ ﺳﯘﺋﺎﻟﻼﺭ ﭼﯩﻘﺘﻰ.
ﺑﯘ ﻗﺎﻧﯘﻧﻼﺭﻧﻰ ﺧﻪﻟﻖ ﻗﯘﺭﯗﻟﺘﯩﻴﯩﻨﯩﯔ ﭘﺎﻳﺪﯨﻠﯩﻨﯩﺶ ﻣﺎﺗﯧﺮﯨﻴﺎﻟﻠﯩﺮﯨﺪﯨﻨﻤﯘ ﺗﺎﭘﻘﯩﻠﻰ ﺑﻮﻟﯩﺪﯗ ﻳﺎﻛﻰ ﺧﻪﻧﺰﯗﭼﻪ-ﺋﯘﻳﻐﯘﺭﭼﻪ ﺳﯧﻠﯩﺸﺘﯘﺭﻣﺎ ﺷﻪﻛﯩﻠﺪﯨﻜﻰ 4 ﻗﯩﺴﯩﻤﻠﯩﻖ ﻗﺎﻧﯘﻧﻼﺭ ﺗﻮﭘﻠﯩﻤﯩﺪﯨﻦ ﭼﯩﻘﯩﺪﯗ. 150 ﻳﯜﻩﻧﻠﯩﻚ ﺑﯩﺮﻻ ﻗﯩﺴﯩﻤﻠﯩﻖ ﻗﺎﻧﯘﻥ ﺗﻮﭘﻠﯩﻤﯩﺪﯨﻤﯘ ﺑﺎﺭ.
ﺋﯚﮔﯩﻨﯩﺸﻨﯩﯔ ﻣﯘﻫﯩﻢ ﻧﯘﻗﺘﯩﻠﯩﺮﻯ: ﺧﻪﻟﻖ ﻗﯘﺭﯗﻟﺘﯩﻴﻰ ﺑﯩﻠﻪﻥ ﺧﻪﻟﻖ ﻗﯘﺭﯗﻟﺘﯩﻴﻰ ﺩﺍﺋﯩﻤﯩﻲ ﻛﻮﻣﯩﺘﯧﺘﯩﻨﯩﯔ ﺧﯩﺰﻣﻪﺕ ﺗﻪﻗﺴﯩﻤﺎﺗﻰ، ﯞﻩﻛﯩﻠﻠﻪﺭ ﺳﺎﻻﻫﯩﻴﯩﺘﻰ، ﯞﻩﺯﯨﭙﻪ ﺋﯚﺗﻪﺵ ﻣﯘﺩﺩﯨﺘﻰ، ﻧﯧﮕﯩﺰﻟﯩﻚ ﻗﺎﻧﯘﻧﺪﯨﻜﻰ ﻛﯩﻤﻨﻰ ﻛﯩﻢ ﺑﺎﺷﻘﯘﺭﯗﺵ ﻣﻪﺳﯩﻠﯩﻠﯩﺮﻯ....
3- ﻣﻪﻣﯘﺭﯨﻲ ﻗﺎﻧﯘﻥ ﯞﻩ ﻣﻪﻣﯘﺭﯨﻲ ﺩﻩﯞﺍ ﻗﺎﻧﯘﻧﻰ
ﻣﻪﻣﯘﺭﯨﻲ ﻗﺎﻧﯘﻥ ﻫﯚﻛﯜﻣﻪﺕ ﺋﻮﺭﮔﺎﻧﯩﻠﯩﺮﯨﻐﺎ ﻣﯘﻧﺎﺳﯩﯟﻩﺗﻠﯩﻚ. ﻣﻪﻣﯘﺭﯨﻲ ﺩﻩﯞﺍ ﻗﺎﻧﯘﻧﻰ ﻫﯚﻛﯜﻣﻪﺕ ﻳﺎﻛﻰ ﻫﯚﻛﯜﻣﻪﺕ ﺧﯩﺰﻣﯩﺘﻰ ﺗﯜﭘﻪﻳﻠﻰ ﺗﺎﻻﺵ-ﺗﺎﺭﺗﯩﺶ ﻛﻪﻟﺘﯜﺭﮔﻪﻥ ﻫﯚﻛﯜﻣﻪﺕ ﺧﯩﺰﻣﻪﺗﭽﯩﻠﯩﺮﻯ ﺋﯜﺳﺘﯩﺪﯨﻦ ﺑﻮﻟﯩﺪﯨﻐﺎﻥ ﺩﻩﯞﺍ ﻗﺎﻧﯘﻧﯩﺪﯗﺭ. ﺟﯘﯕﮕﻮﺩﺍ ﻗﺎﻧﯘﻥ ﺑﯩﺮ ﻧﻪﭼﭽﻪ ﻳﯜﺯ، ﺩﻩﯞﺍ ﻗﺎﻧﯘﻧﻰ ﺋﯜﭺ . ﺑﯘﻧﻰ ﻗﺎﻧﯘﻧﻰ ﺋﺎﺗﺎﻟﻐﯘ ﺑﯩﻠﻪﻥ ﺳﻮﺑﯩﺴﺘﺎﺗﺴﯩﻴﻪ ﯞﻩ ﺗﻪﺭﺗﯩﭗ ﺩﻩﭖ ﺋﺎﺗﺎﻳﺪﯗ. ﺟﯩﻨﺎﻳﻰ ﺋﯩﺸﻼﺭ، ﻣﻪﻣﯘﺭﯨﻲ ﺩﻩﯞﺍﺩﯨﻦ ﺑﺎﺷﻘﯩﻠﯩﺮﻯ ﻫﻪﻕ ﺗﻪﻟﻪﭖ ﺩﻩﯞﺍ ﻗﺎﻧﯘﻧﻰ ﺑﻮﻳﯩﭽﻪ ﺑﻮﻟﯩﺪﯗ. ﺑﯘ ﻳﻪﺭﺩﯨﻜﻰ "ﺩﻩﯞﺍ ﻗﺎﻧﯘﻧﻰ" ﺩﯦﮕﯩﻨﻰ ﺷﯘ ﺩﻩﯞﺍﻧﻰ ﻗﺎﻧﺪﺍﻕ ﺗﻪﺭﺗﯩﭙﺘﻪ ﺋﯧﻠﯩﭗ ﺑﯧﺮﯨﺶ ﻫﻪﻗﻘﯩﺪﻩ ﺳﻮﺗﭽﻰ، ﺗﻪﭘﺘﯩﺶ، ﺋﺎﺩﯞﯗﻛﺎﺕ، ﺳﺎﻗﭽﻰ ﯞﻩ ﺋﺎﻻﻗﯩﺪﺍﺭﻻﺭﻧﯩﯔ ﺩﻩﯞﺍ ﻫﻪﺭﯨﻜﯩﺘﯩﻨﻰ ﻗﯧﻠﯩﭙﻼﺷﺘﯘﺭﯨﺪﯨﻐﺎﻥ ﺗﻪﺭﺗﯩﭙﻨﻰ ﻛﯚﺭﺳﯩﺘﯩﺪﯗ. ﺩﻩﯞﺍ ﻗﺎﻧﯘﻧﻠﯩﺮﻯ ﺑﯩﺮ ﻗﻪﺩﻩﺭ ﻣﯘﺭﻩﻛﻜﻪﭖ ﺑﻮﻟﯩﺪﯗ. ﺋﻪﯓ ﺑﺎﺷﻨﻰ ﻗﺎﺗﯘﺭﯨﺪﯨﻐﯩﻨﻰ ﺳﯜﺭﯛﻙ! ﺑﯘﻻﺭﻧﻰ ﺑﯩﺮ-ﺑﯩﺮﯨﮕﻪ ﺳﯧﻠﯩﺸﺘﯘﺭﯗﭖ ﺋﯚﮔﻪﻧﮕﻪﻥ ﻣﯘﯞﺍﭘﯩﻖ، ﺟﻪﺩﯞﻩﻝ ﺗﯜﺯﯛﯞﺍﻟﺴﺎ ﺗﯧﺨﻰ ﻳﺎﺧﺸﻰ.
ﻣﻪﻣﯘﺭﯨﻲ ﻗﺎﻧﯘﻥ: ﺩﯙﻟﻪﺕ ﻣﻪﻣﯘﺭﻟﯩﺮﻯ ﻗﺎﻧﯘﻧﻰ، ﻣﻪﻣﯘﺭﯨﻲ ﻗﺎﻳﺘﺎ ﻗﺎﺭﺍﭖ ﭼﯩﻘﯩﺶ ﻗﺎﻧﯘﻧﻰ، ﻣﻪﻣﯘﺭﯨﻲ ﺟﺎﺯﺍ ﻗﺎﻧﯘﻧﻰ... ﯞﻩﻫﺎﻛﺎﺯﺍﻻﺭ. ﺑﯘﻻﺭﻧﯩﻤﯘ ﻳﯘﻗﯩﺮﯨﻘﻰ ﻛﯩﺘﺎﺑﻼﺭﺩﯨﻦ ﺗﺎﭘﻘﯩﻠﻰ ﺑﻮﻟﯩﺪﯗ.
ﺋﯚﮔﯩﻨﯩﺶ ﻧﯘﻗﺘﯩﻠﯩﺮﻯ: ﻣﯧﻨﯩﯔ ﺋﯧﺴﯩﻤﺪﻩ ﻗﺎﻟﻐﺎﻥ ﻣﯘﻫﯩﻢ ﻧﯘﻗﺘﺎ - ﺋﺎﯞﯞﺍﻝ ﻣﻪﻣﯘﺭﯨﻲ ﻗﺎﻳﺘﺎ ﻗﺎﺭﺍﭖ ﭼﯩﻘﯩﺸﻘﺎ ﺳﯘﻧﯘﭖ، ﻗﺎﻳﯩﻞ ﺑﻮﻟﻤﯩﺴﺎ ﺋﺎﻧﺪﯨﻦ ﻣﻪﻣﯘﺭﯨﻲ ﺩﻩﯞﺍ ﻗﯩﻠﯩﺪﯨﻐﺎﻥ ﺩﯨﻠﻮﻻﺭ ﺑﯩﻠﻪﻥ ﺑﯩﯟﺍﺳﯩﺘﻪ ﻣﻪﻣﯘﺭﯨﻲ ﺩﻩﯞﺍ ﻗﯩﻠﺴﺎ ﺑﻮﻟﯩﺪﯨﻐﺎﻥ ﺩﯨﻠﻮﻻﺭ، ﺳﯜﺭﯛﻙ ﺩﯦﮕﻪﻧﻠﻪﺭ ﺑﯩﺮ ﻗﻪﺩﻩﺭ ﻣﯘﻫﯩﻢ. ﺋﯘﻧﯩﯖﺪﯨﻦ ﺑﺎﺷﻘﺎ ﻣﻪﻣﯘﺭﯨﻲ ﺩﻩﯞﺍﻧﯩﯔ ﺗﻪﺭﺗﯩﭙﯩﺪﻩ، ﭘﯘﻗﺮﺍ ﻫﯚﻛﯜﻣﻪﺗﺘﯩﻦ ﺋﺎﺟﯩﺰ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ، ﭘﯘﻗﺮﺍﻏﺎ ﻗﻮﻻﻳﻠﯩﻖ، ﻫﯚﻛﯜﻣﻪﺗﻜﻪ ﻗﻮﻻﻳﺴﯩﺰ ﺑﻪﺯﻯ ﺗﻪﺭﺗﯩﭙﻠﻪﺭﻣﯘ ﺑﺎﺭ، ﻣﻪﺳﯩﻠﻪﻥ، ﻣﻪﻣﯘﺭﯨﻲ ﺋﻮﺭﯗﻧﻨﯩﯔ ﺩﻩﻟﯩﻞ ﺋﯩﺴﭙﺎﺕ ﺗﻮﭘﻼﺵ ﭼﻪﻛﻠﯩﻤﯩﺴﻰ ﺩﯦﮕﻪﻧﻠﻪﺭ.
4- ﺟﯩﻨﺎﻳﻰ ﺋﯩﺸﻼﺭ ﻗﺎﻧﯘﻧﻰ
ﺟﯩﻨﺎﻳﻰ ﺋﯩﺸﻼﺭ ﻗﺎﻧﯘﻧﻰ ﯞﻩ ﺟﯩﻨﺎﻳﻰ ﺋﯩﺸﻼﺭ ﺩﻩﯞﺍ ﻗﺎﻧﯘﻧﯩﺪﯨﻦ ﺳﯘﺋﺎﻝ ﺋﻪﯓ ﻛﯚﭖ ﭼﯩﻘﯩﺪﯨﻐﺎﻥ ﻳﻪﻛﻜﻪ ﻗﺎﻧﯘﻥ ﺩﻩﭖ ﻗﺎﺭﺍﻳﻤﻪﻥ. ﻣﯘﻧﺪﺍﻗﭽﻪ ﺋﯧﻴﺘﻘﺎﻧﺪﺍ، ﺋﯩﻤﺘﯩﻬﺎﻥ ﺑﻪﺭﮔﯜﭼﻰ ﮔﻪﺭﭼﻪ ﺟﯩﻨﺎﻳﻰ ﺋﯩﺸﻼﺭ ﻗﺎﻧﯘﻧﻰ ﻳﺎﺩﯨﻼﭖ ﺑﯧﺮﻩﻟﻤﯩﺴﯩﻤﯘ، ﻟﯧﻜﯩﻦ ﻧﯧﻤﯩﻨﯩﯔ ﺟﯩﻨﺎﻳﻪﺕ، ﻧﯧﻤﯩﻨﯩﯔ ﺟﯩﻨﺎﻳﻪﺕ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﯧﻨﯩﻖ ﺑﯩﻠﻪﻟﯩﺸﻰ، ﻫﻪﺭﺧﯩﻞ ﺟﯩﻨﺎﻳﻪﺗﻠﻪﺭﻧﯩﯔ ﺑﯩﺮ-ﺑﯩﺮﯨﮕﻪ ﺋﯚﺯﮔﯩﺮﯨﭗ ﻛﯧﺘﯩﺸﻰ ﯞﻩ ﺋﻮﺯﺋﯩﭽﯩﮕﻪ ﺋﯧﻠﯩﭗ ﻛﯧﺘﯩﺸﯩﺪﯨﻜﻰ ﺋﯩﻨﭽﯩﻜﻪ ﻫﺎﻟﻘﯩﻼﺭﻧﻰ ﺋﯧﻨﯩﻖ ﺑﯩﻠﻪﻟﯩﺸﻰ،  ﻗﺎﻳﺴﻰ ﺟﯩﻨﺎﻳﻪﺗﻜﻪ ﻗﺎﻧﭽﯩﻠﯩﻚ ﺟﺎﺯﺍ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﻣﯚﻟﭽﻪﺭﻟﯩﻴﻪﻟﯩﺸﻰ ﻛﯧﺮﻩﻙ.
ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺕ ﻣﻪﺳﯩﻠﯩﺴﻰ:
ﺟﯩﻨﺎﻳﻰ ﺋﯩﺸﻼﺭ ﻗﺎﻧﯘﻧﻰ 1997-ﻳﯩﻠﻰ ﻳﯧﯖﯩﻼﻧﻐﺎﻥ. ﺗﺎ ﻫﺎﺯﯨﺮﻏﯩﭽﻪ ﺑﯩﺮ ﻧﻪﭼﭽﻪ ﻗﯧﺘﯩﻢ ﻛﯩﭽﯩﻚ ﺗﯜﺯﯨﺘﯩﺸﻠﻪﺭ ﺑﯧﺮﯨﻠﺪﻯ، ﻟﯧﻜﯩﻦ  ﻳﯧﯖﻰ ﯞﻩﺯﯨﻴﻪﺕ، ﻳﯧﯖﻰ ﺋﯚﺯﮔﯩﺮﯨﺸﻠﻪﺭ ﺟﻪﺭﻳﺎﻧﯩﺪﺍ ﺟﯩﻨﺎﻳﻪﺕ ﯞﻩ ﺟﺎﺯﺍﻧﯩﯔ ﺋﻪﻫﯟﺍﻟﯩﺪﺍ ﻛﯚﭘﻠﯩﮕﻪﻥ ﺋﯚﺯﮔﯩﺮﯨﺸﻠﻪﺭ ﭘﻪﻳﺪﺍ ﺑﻮﻟﺪﻯ، ﺷﯘﯕﺎ ﻗﺎﻧﯘﻥ ﻗﺎﻳﺘﺎ ﺗﯜﺯﯛﻟﻤﯩﮕﻪﻥ، ﺩﺍﺋﯩﻢ ﺗﯜﺯﯨﺘﯩﻠﻤﯩﮕﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﻳﯧﯖﻰ ﺋﻪﻫﯟﺍﻟﻼﺭﻏﺎ ﺋﺎﺳﺎﺳﻪﻥ ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺗﻼﺭ ﺩﺍﺋﯩﻢ ﭼﯩﻘﯩﭗ ﺗﯘﺭﯗﯞﺍﺗﯩﺪﯗ. ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺕ ﭼﯩﻘﯩﺮﯨﺸﻨﯩﯔ ﻳﻪﻧﻪ ﺑﯩﺮ ﺯﯙﺭﯛﺭﯨﻴﯩﺘﻰ ﺷﯘﻛﻰ، ﺑﯩﺮ ﻗﯩﺴﯩﻢ ﺋﯚﺯﮔﯩﺮﯨﺸﭽﺎﻥ ﺋﻪﻫﯟﺍﻟﻼﺭﻧﻰ ﺋﯘﺯﯗﻧﻐﯩﭽﻪ ﺋﯚﺯﮔﻪﺭﻣﻪﻳﺪﯗ ﺩﻩﭖ ﺗﯜﺯﮔﻪﻥ ﻗﺎﻧﯘﻧﻐﺎ ﻛﯩﺮﮔﯜﺯﯛﭖ ﻗﻮﻳﺴﺎ، ﻧﯘﺭﻏﯘﻥ ﺋﺎﯞﺍﺭﭼﯩﻠﯩﻘﻼﺭ ﻛﯧﻠﯩﭗ ﭼﯩﻘﯩﺪﯗ، ﺷﯘﻧﯩﯔ ﺋﯜﭼﯜﻥ ﺑﻪﺯﻯ ﺋﯚﺯﮔﯩﺮﯨﺸﭽﺎﻥ ﺋﻪﻫﯟﺍﻟﻼﺭﻧﻰ ﻗﺎﻧﯘﻧﺪﺍ ﺋﻪﻣﻪﺱ، ﺑﻪﻟﻜﻰ ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺗﻼﺭﺩﺍ ﺋﻪﻛﯩﺲ ﺋﻪﺗﺘﯜﺭﯛﺷﻜﻪ ﺗﻮﻏﺮﺍ ﻛﯧﻠﯩﺪﯗ. ﺗﯚﯞﻩﻧﺪﯨﻜﻰ ﻣﯩﺴﺎﻝ ﺋﺎﺭﻗﯩﻠﯩﻖ ﺑﯘﻧﻰ ﭼﯜﺷﻪﻧﺪﯛﺭﯨﻤﯩﺰ:
(ﺟﯩﻨﺎﻳﻰ ﺋﯩﺸﻼﺭ ﻗﺎﻧﯘﻧﻰ) ﺟﺎﻣﺎﺋﻪﺗﻨﯩﯔ ﯞﻩ ﺷﻪﺧﺴﻠﻪﺭﻧﯩﯔ ﭘﯘﻝ-ﻣﺎﻟﻠﯩﺮﯨﻨﻰ ﻛﯚﭘﺮﻩﻙ ﻳﺎﻛﻰ ﻛﯚﭖ ﻗﯧﺘﯩﻢ ﺋﯘﻏﺮﯨﻠﯩﻐﺎﻧﻼﺭﻏﺎ ﺋﯜﭺ ﻳﯩﻠﺪﯨﻦ ﺗﯚﯞﻩﻥ ﻣﯘﺩﺩﻩﺗﻠﯩﻚ ﻗﺎﻣﺎﻕ ﺟﺎﺯﺍﺳﻰ، ﺗﯘﺗﯘﭖ ﺗﯘﺭﯗﭖ ﺋﻪﻣﮕﻪﻛﻜﻪ ﺳﯧﻠﯩﺶ ﺟﺎﺯﺍﺳﻰ ﻳﺎﻛﻰ ﺭﯦﺠﯩﻢ ﺟﺎﺯﺍﺳﻰ ﺑﯧﺮﯨﻠﯩﺪﯗ، ﻗﻮﺷﯘﻣﭽﻪ ﻳﺎﻛﻰ ﺋﺎﻳﺮﯨﻢ ﺟﻪﺭﯨﻤﺎﻧﻪ ﻗﻮﻳﯘﻟﯩﺪﯗ؛ ﻣﯩﻘﺪﺍﺭﻯ ﻧﺎﻫﺎﻳﯩﺘﻰ ﻛﯚﭖ ﻳﺎﻛﻰ ﻗﯩﻠﻤﯩﺸﻰ ﺋﯧﻐﯩﺮ ﺑﻮﻟﻐﺎﻧﻼﺭﻏﺎ ﺋﯜﭺ ﻳﯩﻠﺪﯨﻦ ﻳﯘﻗﯩﺮﻯ، ﺋﻮﻥ ﻳﯩﻠﺪﯨﻦ ﺗﯚﯞﻩﻥ ﻣﯘﺩﺩﻩﺗﻠﯩﻚ ﻗﺎﻣﺎﻕ ﺟﻔﺰﺍﺳﻰ ﺑﯧﺮﯨﻠﯩﺪﯗ، ﻗﻮﺷﯘﻣﭽﻪ ﺟﻪﺭﯨﻤﺎﻧﻪ ﻗﻮﻳﯘﻟﯩﺪﯗ؛ ﻣﯩﻘﺪﺍﺭﻯ ﭘﻪﯞﻗﯘﻟﺌﺎﺩﺩﻩ ﻛﯚﭖ ﻳﺎﻛﻰ ﺑﺎﺷﻘﺎ ﭘﻪﯞﻗﯘﻟﺌﺎﺩﺩﻩ ﺋﯧﻐﯩﺮ ﻗﯩﻠﻤﯩﺸﻰ ﺑﻮﻟﻐﺎﻧﻠﯩﺮﯨﻐﺎ ﺋﻮﻥ ﻳﯩﻠﺪﯨﻦ ﻳﯘﻗﯩﺮﻯ ﻣﯘﺩﺩﻩﺗﻠﯩﻚ ﻗﺎﻣﺎﻕ ﺟﺎﺯﺍﺳﻰ ﻳﺎﻛﻰ ﻣﯘﺩﺩﻩﺗﺴﯩﺰ ﻗﺎﻣﺎﻕ ﺟﻔﺰﺍﺳﻰ ﺑﯧﺮﯨﻠﯩﺪﯗ، ﻗﻮﺷﯘﻣﭽﻪ ﺟﻪﺭﯨﻤﺎﻧﻪ ﻗﻮﻳﯘﻟﯩﺪﯗ ﻳﺎﻛﻰ ﻣﺎﻝ-ﻣﯜﻟﻜﻰ ﻣﯘﺳﺎﺩﯨﺮﻩ ﻗﯩﻠﯩﻨﯩﺪﯗ؛ ﺗﯚﯞﻩﻧﺪﯨﻜﻰ ﺋﻪﻫﯟﺍﻟﻨﯩﯔ ﺑﯩﺮﯨﻨﻰ ﺳﺎﺩﯨﺮ ﻗﯩﻠﻐﺎﻧﻼﺭﻏﺎ ﻣﯘﺩﺩﻩﺗﺴﯩﺰ ﻗﺎﻣﺎﻕ ﺟﺎﺯﺍﺳﻰ ﻳﺎﻛﻰ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﻠﯩﺪﯗ، ﻗﻮﺷﯘﻣﭽﻪ ﻣﺎﻝ-ﻣﯜﻟﻜﻰ ﻣﯘﺳﺎﺩﯨﺮﻩ ﻗﯩﻠﯩﻨﯩﺪﯗ:
(1) ﭘﯘﻝ ﻣﯘﺋﺎﻣﯩﻠﻪ ﺋﺎﭘﭙﺎﺭﺍﺗﯩﺪﯨﻦ ﺋﻮﻏﺮﯨﻠﯩﻐﺎﻥ ﺳﻮﻣﻤﯩﺴﻰ ﭘﻪﯞﻗﯘﻟﺌﺎﺩﺩﻩ ﻛﯚﭖ ﺑﻮﻟﻐﺎﻧﻼﺭ؛
(2) ﻗﯩﻤﻤﻪﺗﻠﯩﻚ ﻣﻪﺩﻩﻧﯩﻴﻪﺕ ﻳﺎﺩﯨﻜﺎﺭﻟﯩﻘﻠﯩﺘﯩﻨﻰ ﺋﻮﻏﺮﯨﻼﺵ ﻗﯩﻠﻤﯩﺸﻰ ﺋﯧﻐﯩﺮ ﺑﻮﻟﻐﺎﻧﻼﺭ.
(ﻣﯘﻧﺪﺍﻕ ﻗﺎﻧﯘﻥ ﻣﺎﺩﺩﯨﻠﯩﺮﯨﻨﻰ ﻛﯚﺭﮔﻪﻧﺪﻩ ﻳﯘﻗﯩﺮﻯ ﺟﺎﺯﺍ ﺑﯩﻠﻪﻥ ﺗﯚﯞﻩﻥ ﺟﺎﺯﺍﻧﻰ ﺋﻪﺳﺘﻪ ﺗﯘﺗﯘﯞﯦﻠﯩﺶ ﻛﯧﺮﻩﻙ. ﺑﯘ ﻣﺎﺩﺩﯨﺪﯨﻜﻰ ﺑﯩﺮ ﺋﯚﺯﮔﯩﭽﯩﻠﯩﻚ ﺋﻮﻏﺮﯨﻠﯩﻖ ﺟﯩﻨﺎﻳﯩﺘﯩﮕﯩﻤﯘ ﺋﯩﻜﻜﻰ ﺧﯩﻞ ﺋﻪﻫﯟﺍﻟﺪﺍ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﻠﯩﺪﯨﻐﺎﻧﻠﯩﻘﻰ، ﻟﯧﻜﯩﻦ ﺋﻮﻏﺮﯨﻠﯩﻘﻨﯩﯔ ﺑﻪﺯﻯ ﺗﯜﺭﻟﯩﺮﯨﮕﻪ ﻳﻪﻧﻪ ﺋﺎﻳﺮﯨﻢ ﻣﺎﺩﺩﺍ ﭼﯩﻘﯩﺮﯨﻠﻐﺎﻥ)
ﻳﯘﻗﯩﺮﯨﻘﻰ ﻗﺎﻧﯘﻥ ﻣﺎﺩﺩﯨﺴﯩﺪﯨﻜﻰ "ﻛﯚﭘﺮﻩﻙ" "ﻛﯚﭖ ﻗﯧﺘﯩﻢ"، " ﻣﯩﻘﺪﺍﺭﻯ ﻧﺎﻫﺎﻳﯩﺘﻰ ﻛﯚﭖ"، "ﻗﯩﻠﻤﯩﺸﻰ ﺋﯧﻐﯩﺮ"، "ﻣﯩﻘﺪﺍﺭﻯ ﭘﻪﯞﻗﯘﻟﺌﺎﺩﺩﻩ ﻛﯚﭖ"، "ﻗﯩﻠﻤﯩﺸﻰ ﭘﻪﯞﻗﯘﻟﺌﺎﺩﺩﻩ ﺋﯧﻐﯩﺮ" ﺩﯦﮕﻪﻧﻠﻪﺭﻧﻰ ﻗﺎﻧﯘﻧﺪﺍ ﺋﯧﻨﯩﻖ ﺑﯧﻜﯩﺘﯩﭗ ﻗﻮﻳﯘﺵ ﺋﯩﻨﺘﺎﻳﯩﻦ ﻗﯩﻴﯩﻦ، ﭼﯜﻧﻜﻰ ﺑﯩﺮﻯ، ﺩﯙﻟﯩﺘﯩﻤﯩﺰﺩﯨﻜﻰ ﺭﺍﻳﻮﻧﻼﺭﻧﯩﯔ ﺋﯩﻘﺘﯩﺴﺎﺩﯨﻲ ﭘﻪﺭﻗﻰ ﭼﻮﯕﺮﺍﻕ، ﻳﻪﻧﻪ ﺑﯩﺮﻯ، ﺟﻪﻣﺌﯩﻴﻪﺕ ﺗﻪﺭﻩﻗﻘﯩﻴﺎﺗﯩﻐﺎ ﺋﻪﮔﯩﺸﯩﭗ ﺋﻪﻫﯟﺍﻝ ﺋﯚﺯﮔﯩﺮﯨﭗ ﺗﯘﺭﯨﺪﯨﻐﺎﻧﻠﯩﻘﻰ ﺋﯜﭼﯜﻥ ﺋﯘﻧﻰ ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺗﻼﺭﺩﺍ ﺑﻪﻟﮕﯩﻠﻪﺷﻜﻪ ﺗﻮﻏﺮﺍ ﻛﯧﻠﯩﺪﯗ، ﺑﯘ ﻣﺎﺩﺩﺍ ﻫﻪﻗﻘﯩﺪﯨﻜﻰ ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺗﻼﺭﺩﯨﻤﯘ ﭘﻪﻗﻪﺗﻼ ﻣﯘﻧﭽﯩﺪﯨﻦ ﻣﯘﻧﭽﯩﻐﯩﭽﻪ ﺩﻩﭖ ﺑﻪﻟﮕﯩﻠﻪﭖ، ﻣﻮﺷﯘ ﺩﺍﺋﯩﺮﯨﺪﻩ ﺋﯚﻟﻜﻪ، ﺋﺎﭘﺘﻮﻧﻮﻡ ﺭﺍﻳﻮﻥ، ﺷﻪﻫﻪﺭﻟﻪﺭﻧﯩﯔ ﺑﯧﻜﯩﺘﯩﺸﯩﮕﻪ ﻗﺎﻟﺪﯗﺭﻏﺎﻥ.
  ﺟﯩﻨﺎﻳﻰ ﺋﯩﺸﻼﺭ ﻗﺎﻧﯘﻧﯩﻨﯩﯔ ﺋﯩﻤﺘﯩﻬﺎﻧﺪﯨﻜﻰ ﻗﯩﻴﯩﻦ ﻧﯘﻗﺘﯩﻼﺭﻧﯩﯔ ﺑﯩﺮﻯ ﻣﺎﻧﺎ ﻣﻮﺷﯘ ﺋﯩﺰﺍﻫﺎﺗﻼﺭﺩﯗﺭ! ﭼﯜﻧﻜﻰ ﺑﯘ ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺗﻼﺭ ﺋﻪﺳﻠﯩﺪﻩ ﺧﻪﻟﻖ ﻗﯘﺭﯗﻟﺘﯩﻴﻰ، ﺋﺎﻟﯩﻲ ﺳﻮﺕ، ﺋﺎﻟﯩﻲ ﺗﻪﭘﺘﯩﺶ ﻗﺎﺗﺎﺭﻟﯩﻘﻼﺭﻧﯩﯔ ﮔﯧﺰﯨﺖ، ﮊﯗﺭﻧﺎﻟﻠﯩﺮﯨﺪﺍ ﺋﯧﻼﻥ ﻗﯩﻠﯩﻨﻐﺎﻥ، ﺧﺎﻟﯩﻐﺎﻧﻼﺭ ﺋﯘﻧﻰ ﺗﻮﭘﻼﭖ ﺗﺎﺭﻗﺎﺗﻘﺎﻥ. ﺗﻮﺭﺩﯨﻦ 刑法与司法解释 ، 刑法司法解释， ﺩﻩﭖ ﺋﯩﺰﺩﯨﺴﯩﯖﯩﺰ ﻣﯘﻛﻪﻣﻤﻪﻝ ﺗﻮﭘﻼﻣﻐﺎ ﺋﯧﺮﯨﺸﻪﻟﻪﻳﺴﯩﺰ. ﺋﯘﻳﻐﯘﺭﭼﻪ "ﺟﯩﻨﺎﻳﻰ ﺋﯩﺸﻼﺭ ﻗﺎﻧﯘﻧﯩﻐﺎ ﺩﺍﺋﯩﺮ ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺗﻼﺭ ﺗﻮﭘﻠﯩﻤﻰ" ﺩﻩﭖ ﺋﯩﻜﻜﻰ ﻗﯩﺴﯩﻤﻠﯩﻖ ﻛﯩﺘﺎﺏ ﺑﺎﺭ (ﺑﯘ ﻛﯩﺘﺎﺏ ﻫﺎﺯﯨﺮ ﻗﻮﻟﯘﻣﺪﺍ ﺑﻮﻟﻤﯩﻐﺎﭼﻘﺎ، ﺋﯩﺴﻤﯩﻨﻰ ﺧﺎﺗﺎ ﻳﺎﺯﻏﺎﻥ ﺑﻮﻟﯘﺷﯘﻡ ﻣﯘﻣﻜﯩﻦ) ﺑﯘ ﻛﯩﺘﺎﺑﻘﺎ ﻛﯩﺮﮔﯜﺯﯛﻟﻤﻪﻱ ﻗﺎﻟﻐﺎﻥ ﻳﯧﯖﻰ ﺋﯩﺰﺍﻫﺎﺗﻼﺭﻧﻰ ﺗﻮﺭﺩﯨﻦ ﺗﺎﭘﺎﻻﻳﺴﯩﺰ. ﺷﯘﻧﻰ ﻗﺎﻳﺘﺎ-ﻗﺎﻳﺘﺎ ﺋﻪﺳﻜﻪﺭﺗﯩﺶ ﻛﯧﺮﻩﻛﻜﻰ، ﻧﻪﻕ ﺗﻮﭘﻼﻡ ﺑﻮﻟﯘﭖ ﭼﯩﻘﻘﺎﻥ ﻗﺎﻧﯘﻥ ﻣﺎﺩﺩﯨﻠﯩﺮﯨﻨﻰ ﻫﻪﺭﻗﺎﻧﺪﺍﻕ ﺋﺎﺩﻩﻡ ﺋﯩﮕﯩﻠﯩﯟﺍﻻﻻﻳﺪﯗ، ﺩﻩﯞﺍﮔﻪﺭﻣﯘ ﺑﯧﺸﯩﻐﺎ ﻛﯜﻥ ﻛﻪﻟﮕﻪﻧﺪﻩ ﺟﯩﻨﺎﻳﻰ ﺋﯩﺸﻼ ﻗﺎﻧﯘﻧﻰ، ﺗﻮﺧﺘﺎﻡ ﻗﺎﻧﯘﻧﻰ ﺩﯦﮕﻪﻧﻠﻪﺭﻧﻰ ﺋﺎﺳﺎﻧﻼ ﺋﯩﺰﺩﻩﭖ ﺗﯧﭙﯩﭗ ﺋﯚﺯﯨﮕﻪ ﻣﯘﻧﺎﺳﯩﯟﻩﺗﻠﯩﻚ ﻣﻪﺯﻣﯘﻧﻼﺭﻧﻰ ﺋﯩﮕﯩﻠﯩﯟﺍﻻﻻﻳﺪﯗ، ﻟﯧﻜﯩﻦ ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺕ ﻛﯚﭘﯩﻨﭽﻪ ﺋﺎﺩﻩﻣﻠﻪﺭﮔﻪ ﺳﻪﻝ ﻗﺎﺭﺍﯕﻐﯘ ﺑﯩﺮ ﺗﻪﺭﻩﭖ، ﺷﯘﯕﺎ ﺑﯘ ﻣﻪﻳﻠﻰ ﺋﻪﺩﻟﯩﻴﻪ ﺋﯩﻤﺘﯩﻬﺎﻧﻰ ﻳﺎﻛﻰ ﺳﻮﺕ ﺋﻪﻣﻪﻟﯩﻴﯩﺘﯩﺪﻩ ﺑﻮﻟﻤﯩﺴﯘﻥ، ﻛﯩﺸﯩﻠﻪﺭﻧﯩﯔ ﻗﺎﻧﯘﻥ ﺑﯩﻠﯩﻤﯩﻨﻰ ﺳﯩﻨﺎﻳﺪﯨﻐﺎﻥ ﻣﯘﻫﯩﻢ ﺑﯩﺮ ﻧﯘﻗﺘﺎ ﻫﯧﺴﺎﺑﻠﯩﻨﯩﺪﯗ. ﺷﯘﯕﺎ ﺋﯩﺰﺍﻫﺎﺗﻼﺭﻧﻰ ﻳﺎﺧﺸﻰ ﺋﯚﮔﯩﻨﯩﺶ ﻛﯧﺮﻩﻙ.
ﺟﯩﻨﺎﻳﻰ ﺋﯩﺸﻼﺭ ﻗﺎﻧﯘﻧﯩﺪﯨﻜﻰ ﺑﯩﺮﻗﻪﺩﻩﺭ ﻗﯩﻴﯩﻦ ﻧﯘﻗﺘﺎ ﺋﯩﻨﺘﺎﻳﯩﻦ ﻳﯧﻘﯩﻦ ﻛﯧﻠﯩﺪﯨﻐﺎﻥ ﺑﻪﺯﻯ ﺟﯩﻨﺎﻳﻪﺗﻠﻪﺭﻧﯩﯔ ﭼﻪﻙ-ﭼﯧﮕﯩﺮﯨﺴﯩﻨﻰ ﺑﯩﻠﯩﺸﺘﯩﻦ ﺋﯩﺒﺎﺭﻩﺕ. ﻣﻪﺳﯩﻠﻪﻥ، ﺋﻮﻏﺮﯨﻠﯩﻖ- ﺗﺎﺭﺗﯩﯟﯦﻠﯩﺶ- ﻗﺎﻗﺘﻰ-ﺳﻮﻗﺘﻰ ﻗﯩﻠﯩﺶ، ﺑﯘﻻﯕﭽﯩﻠﯩﻖ، ﺗﯘﺗﻘﯘﻥ ﻗﯩﻠﯩﺶ- ﺋﯧﻠﯧﻜﺘﯧﺮ ﺋﯜﺳﻜﯜﻧﯩﻠﯩﺮﯨﮕﻪ ﺑﯘﺯﻏﯘﻧﭽﯩﻠﯩﻖ ﻗﯩﻠﯩﺶ- ﺑﯘﻻﯕﭽﯩﻠﯩﻖ ﻗﯩﻠﯩﭗ ﺋﺎﺩﻩﻡ ﺋﯚﻟﺘﯜﺭﯛﺵ- ﺋﺎﺩﻩﻡ ﺋﯚﻟﺘﯜﺭﯛﭖ ﺑﯘﻻﯕﭽﯩﻠﯩﻖ ﻗﯩﻠﯩﺶ- ﺑﺎﺳﻘﯘﻧﭽﯩﻠﯩﻖ ﻗﯩﻠﯩﭗ ﺋﺎﺩﻩﻡ ﺋﯚﻟﺘﯜﺭﯛﺵ- ﺋﺎﺩﻩﻡ ﺋﯚﻟﺘﯜﺭﯛﭖ ﺑﺎﺳﻘﯘﻧﭽﯩﻠﯩﻖ ﻗﯩﻠﯩﺶ-.... ﺩﯦﮕﻪﻧﺪﻩﻙ. ﺑﯘﻻﺭﻧﻰ ﭘﻪﺭﻕ ﺋﯧﺘﯩﺸﻨﻰ ﺋﯚﮔﯩﻨﯩﺶ ﺋﯜﭼﯜﻥ ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺗﻼﺭﺩﯨﻦ ﺑﺎﺷﻘﺎ، ﺟﯩﻨﺎﻳﻰ ﺋﯩﺸﻼﺭ ﻗﺎﻧﯘﻧﯩﻨﯩﯔ ﻳﯧﺸﯩﻤﻰ ﯞﻩ ﻣﯘﻧﺎﺳﯩﯟﻩﺗﻠﯩﻚ ﻣﯩﺴﺎﻟﻼﺭﻧﻰ ﭘﯘﺧﺘﺎ ﺋﯩﮕﯩﻠﻪﺵ ﻛﯧﺮﻩﻙ. ﻗﺎﻧﯘﻥ ﻣﺎﺩﺩﯨﺴﻰ ﺑﯩﻠﻪﻥ ﺋﻪﺩﯨﻠﻴﻪﻟﯩﻚ ﺋﯩﺰﺍﻫﺎﺗﻨﻰ ﺑﯩﺮﻟﻪﺷﺘﯘﺭﯗﭖ ﻛﯚﺭﯛﺷﻜﻪ ﺋﺎﻻﻫﯩﺪﻩ ﺩﯨﻘﻘﻪﺕ ﻗﯩﻠﯩﺶ ﻛﯧﺮﻩﻙ.

5-    ﻫﻪﻕ ﺗﻪﻟﻪﭖ ﻗﺎﻧﯘﻧﻰ، ﻫﻪﻕ ﺗﻪﻟﻪﭖ ﺩﻩﯞﺍ ﻗﺎﻧﯘﻧﻰ
ﻫﻪﻕ ﺗﻪﻟﻪﭖ ﻗﺎﻧﯘﻧﻰ ﺋﻪﺩﻟﯩﻴﻪ ﺋﻪﻣﻪﻟﯩﻴﯩﺘﯩﺪﻩ ﺋﻪﯓ ﻛﯚﭖ ﺋﯘﭼﺮﺍﻳﺪﯨﻐﺎﻥ ﻗﺎﻧﯘﻥ، ﺋﻪﺩﻟﯩﻴﻪ ﺋﯩﻤﺘﯩﻬﺎﻧﯩﺪﯨﻤﯘ ﺯﻭﺭ ﺳﺎﻟﻤﺎﻗﻨﻰ ﺋﯩﮕﯩﻠﻪﻳﺪﯗ، ﻟﯧﻜﯩﻦ ﺟﯘﯕﮕﻮﺩﺍ ﻫﺎﺯﯨﺮﻏﯩﭽﻪ "ﻫﻪﻕ ﺗﻪﻟﻪﭖ ﻗﺎﻧﯘﻧﻰ" ﺩﻩﭘﻼ ﺋﺎﺗﯩﻠﯩﺪﯨﻐﺎﻥ ﻗﺎﻧﯘﻥ ﻳﻮﻕ. ﺋﯘ "ﻫﻪﻕ ﺗﻪﻟﻪﭖ ﻗﺎﻧﯘﻧﯩﻨﯩﯔ ﺋﻮﻣﯘﻣﯩﻲ ﻗﺎﺋﯩﺪﯨﺴﻰ" ﻧﻰ ﭼﯚﺭﯨﺪﯨﮕﻪﻥ ﻫﺎﻟﺪﺍ ﺑﯩﺮﻣﯘﻧﭽﻪ ﻗﺎﻧﯘﻧﻼﺭﻏﺎ ﺑﯚﻟﯜﻧﯜﭖ ﻛﻪﺗﻜﻪﻥ. ﺑﯘ ﺧﯩﻞ ﻫﺎﻟﻪﺗﻤﯘ ﺑﯘ ﻗﺎﻧﯘﻧﻨﻰ ﺋﯩﮕﯩﻠﻪﺷﺘﻪ ﺑﻪﻟﮕﯩﻠﯩﻚ ﻗﯩﻴﯩﻨﭽﯩﻠﯩﻖ ﭘﻪﻳﺪﺍ ﻗﯩﻠﯩﺪﯗ. ﺩﯨﻘﻘﻪﺕ ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﺑﯩﺮ ﻧﯘﻗﺘﺎ ﺷﯘﻛﻰ، ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯧﺮﻯ ﻫﻪﻕ ﺗﻪﻟﻪﭘﻜﻪ ﺋﺎﺋﯩﺖ ﻗﺎﻧﯘﻧﻼﺭ ﺗﻮﺧﺘﯩﻤﺎﻱ ﭼﯩﻘﯩﯟﺍﺗﯩﺪﯗ، ﺑﯘ ﻗﺎﻧﯘﻧﻼﺭﻧﯩﯔ ﺑﻪﺯﻯ ﻣﺎﺩﺩﯨﻠﯩﺮﻯ "ﻫﻪﻕ ﺗﻪﻟﻪﭖ ﻗﺎﻧﯘﻧﯩﻨﯩﯔ ﺋﻮﻣﯘﻣﯩﻲ ﻗﺎﺋﯩﺪﯨﺴﻰ" ﮔﻪ ﺯﯨﺘﻤﯘ ﺑﻮﻟﯘﯞﺍﺗﯩﺪﯗ. ﻟﯧﻜﯩﻦ ﺑﯘ ﻫﻪﻗﺘﻪ ﺋﺎﻳﺮﯨﻢ ﺋﯩﺰﺍﻫﺎﺕ ﻛﻪﻣﭽﯩﻞ. ﻣﺎﻧﺎ ﺷﯘﻧﺪﺍﻕ ﺋﻪﻫﯟﺍﻝ ﺋﺎﺳﺘﯩﺪﺍ "ﻳﯧﯖﯩﺴﻰ ﻛﻮﻧﯩﺴﯩﺪﯨﻦ ﺋﯜﺳﺘﯜﻥ ﺗﯘﺭﯗﺵ" ﭘﺮﯨﻨﺴﯩﭙﻰ ﺑﻮﻳﯩﭽﻪ، ﻳﯧﯖﻰ ﻗﺎﻧﯘﻧﻼﺭﻧﻰ ﺋﯚﻟﭽﻪﻡ ﻗﯩﻠﯩﺶ ﻛﯧﺮﻩﻙ. ﻟﯧﻜﯩﻦ ﺑﯘﻧﯩﯔ ﺋﯜﭼﯜﻥ ﺋﺎﻻﻫﯩﺪﻩ ﺑﺎﺵ ﻗﺎﺗﯘﺭﯗﭖ ﺋﯩﺰﺩﻩﭖ ﻳﯜﺭﯛﺷﻨﯩﯔ ﻫﺎﺟﯩﺘﻰ ﻳﻮﻕ. ﺋﺎﺩﻩﺗﺘﻪ ﺑﯘﻧﺪﺍﻕ ﻣﻪﺳﯩﻠﯩﻠﻪﺭﻧﻰ ﯞﻩﻧﮕﻮ ﻧﯩﯔ ﻛﯩﺘﺎﺑﻠﯩﺮﯨﺪﺍ ﺗﻪﭘﺴﯩﻠﯩﻲ ﺳﯚﺯﻟﻪﻳﺪﯗ.
2007- ﻳﯩﻠﻰ "ﻧﻪﺭﺳﻪ ﻫﻮﻗﯘﻗﻰ ﻗﺎﻧﯘﻧﻰ" ﺑﯩﺮ ﻗﯩﺰﯨﻖ ﻧﯘﻗﺘﺎ ﺑﻮﻟﺪﻯ. ﻣﻪﻥ ﺗﻮﺭﺩﯨﻦ ﺋﻪﯓ ﻳﯧﯖﻰ ﻣﺎﺗﯧﺮﯨﻴﺎﻟﻼﺭﻧﻰ ﭼﯜﺷﯜﺭﯛﭖ، ﺑﯘ ﻗﺎﻧﯘﻧﻨﻰ ﻧﺎﻫﺎﻳﯩﺘﻰ ﺋﻪﺳﺘﺎﻳﯩﺪﯨﻞ ﺋﯚﮔﻪﻧﺪﯨﻢ. ﻧﻪﺗﯩﺠﯩﺪﻩ ﺧﻪﻧﺰﯗﭼﻪ ﺋﯩﻤﺘﯩﻬﺎﻥ ﺳﯘﺋﺎﻟﻠﯩﺮﯨﺪﺍ ﺑﯘ ﻫﻪﻗﺘﯩﻜﻰ ﻣﻪﺯﻣﯘﻧﻼﺭ ﻛﯚﭖ ﺳﺎﻟﻤﺎﻗﻨﻰ ﺋﯩﮕﯩﻠﯩﮕﻪﻥ ﺑﻮﻟﺴﯩﻤﯘ، ﺋﯘﻳﻐﯘﺭ ﺗﯩﻞ-ﻳﯧﺰﯨﻘﯩﺪﺍ ﺑﯘ ﺗﻮﻏﺮﯨﻠﯩﻖ ﻣﺎﺗﯧﺮﯨﻴﺎﻟﻼﺭﻧﯩﯔ ﻛﻪﻣﻠﯩﻜﻰ ﻳﺎﻛﻰ ﺑﺎﺷﻘﺎ ﺳﻪﯞﻩﺑﻠﻪﺭﻧﻰ ﻛﯚﺯﺩﻩ ﺗﯘﺗﻘﺎﻧﻤﯘ ﻗﺎﻧﺪﺍﻕ، ﻧﻪﺭﺳﻪ ﻫﻮﻗﯘﻗﻰ ﻗﺎﻧﯘﻧﯩﻐﺎ ﺩﺍﺋﯩﺮ ﻛﯚﭘﻠﯩﮕﻪﻥ ﻣﻪﺯﻣﯘﻧﻼﺭ ﺋﯘﻳﻐﯘﺭﭼﻪ ﺳﯘﺋﺎﻟﺪﯨﻦ ﭼﯩﻘﯩﺮﯨﯟﯦﺘﯩﻠﯩﭙﺘﯘ. ﻧﻪﺭﺳﻪ ﻫﻮﻗﯘﻗﻰ ﻗﺎﻧﯘﻧﻰ ﻫﻪﻕ ﺗﻪﻟﻪﭖ ﻗﺎﻧﯘﻧﻠﯩﺮﻯ ﺋﯩﭽﯩﺪﯨﻜﻰ ﺋﻪﯓ ﻣﯘﻫﯩﻢ ﺑﯩﺮ ﻗﺎﻧﯘﻥ ﺑﻮﻟﯘﺵ ﺳﯜﭘﯩﺘﻰ ﺑﯩﻠﻪﻥ 2008- ﻳﯩﻠﻠﯩﻖ ﺋﯩﻤﺘﯩﻬﺎﻧﺪﺍ ﻳﻪﻧﯩﻼ ﺑﻪﻟﮕﯩﻠﯩﻚ ﺳﺎﻟﻤﺎﻗﻨﻰ ﺋﯩﮕﯩﻠﯩﺸﻰ ﻣﯘﻣﻜﯩﻦ، ﺷﯘﻧﯩﯖﺪﻩﻙ "ﺋﻪﻣﮕﻪﻙ ﺗﻮﺧﺘﺎﻡ ﻗﺎﻧﯘﻧﻰ" ﻏﺎ ﺋﻮﺧﺸﺎﺵ ﻗﯩﺰﯨﻖ ﻧﯘﻗﺘﺎ ﺑﻮﻟﯘﯞﺍﺗﻘﺎﻥ ﻳﯧﯖﻰ ﻗﺎﻧﯘﻧﻼﺭﻣﯘ ﺳﯩﻨﯩﻠﯩﺸﻰ ﻣﯘﻣﻜﯩﻦ. ﺗﻪﻛﯩﺘﻠﻪﺷﻜﻪ ﺗﯧﮕﯩﺸﻠﯩﻚ ﺑﯩﺮ ﻧﯘﻗﺘﺎ ﺷﯘﻛﻰ، ﻣﻪﻟﯘﻡ ﺑﯩﺮ ﻗﺎﻧﯘﻥ ﮔﻪﺭﭼﻪ ﻳﯩﻞ ﺑﯧﯩﺸﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ، ﻳﯩﻞ ﺋﺎﺧﯩﺮﯨﺪﺍ ﻳﻮﻟﻐﺎ ﻗﻮﻳﯘﻟﯘﺷﻰ ﺑﻪﻟﮕﯩﻠﻪﻧﮕﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﯘ "ﭘﺮﻭﮔﺮﺍﻣﻤﺎ"ﻏﺎ ﻛﯩﺮﮔﯜﺯﯛﻟﮕﻪﻥ ﺑﻮﻟﺴﯩﻼ، ﻗﺎﭼﺎﻥ ﻳﻮﻟﻐﺎ ﻗﻮﻳﯘﻟﯘﺷﯩﺪﯨﻦ ﻗﻪﺗﺌﯩﻴﻨﻪﺯﻩﺭ ﺋﯩﻤﺘﯩﻬﺎﻧﺪﺍ ﺳﯩﻨﯩﻠﯩﺸﻰ ﻣﯘﻣﻜﯩﻦ. ﺷﯘﯕﺎ ﻳﯧﯖﻰ ﻗﺎﻧﯘﻧﻼﺭﻏﺎ ﺩﯨﻘﻘﻪﺕ ﻗﯩﻠﯩﺶ ﻛﯧﺮﻩﻙ. ﻳﯧﯖﻰ ﻗﺎﻧﯘﻧﻼﺭﻧﻰ ﭘﯘﺧﺘﺎ ﺋﯩﮕﯩﻠﻪﺷﻨﯩﯔ ﺋﻪﯓ ﻳﺎﺧﺸﻰ ﺋﯘﺳﯘﻟﻰ - ﻗﺎﻧﯘﻥ ﻣﺎﺩﺩﯨﻠﯩﺮﯨﻨﻰ ﺋﻪﺳﺘﺎﻳﯩﺪﯨﻞ ﻛﯚﺭﮔﻪﻧﺪﯨﻦ ﺑﺎﺷﻘﺎ، ﺗﻮﺭﺩﯨﻦ ﻣﻮﺷﯘ ﻫﻪﻗﺘﯩﻜﻰ ﻣﯘﺗﻪﺧﻪﺳﯩﺴﻠﻪﺭﻧﯩﯔ ﺗﻪﻫﻠﯩﻠﻠﯩﺮﯨﻨﻰ ﺗﯧﭙﯩﭗ ﺑﯩﺮﻟﻪﺷﺘﯜﺭﯛﭖ ﻛﯚﺭﯛﺷﺘﯩﻦ ﺋﯩﺒﺎﺭﻩﺕ.
ﻫﻪﻕ ﺗﻪﻟﻪﭖ ﻗﺎﻧﯘﻧﯩﺪﯨﻜﻰ ﻣﯘﻫﯩﻢ ﻧﯘﻗﺘﺎ ﻗﺎﻧﯘﻥ ﻣﺎﺩﺩﯨﺴﯩﺪﯨﻦ ﻗﺎﻟﺴﯩﻼ ﻫﻪﻕ ﺗﻪﻟﻪﭘﻜﻪ ﺩﺍﺋﯩﺮ ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺗﻼﺭﺩﯨﻦ ﺋﯩﺒﺎﺭﻩﺕ. ﺑﯘ ﺋﯩﺰﺍﻫﺎﺗﻼﺭﻧﯩﯔ ﻛﻮﻧﯩﺴﯩﻨﻰ "ﻫﻪﻕ ﺗﻪﻟﻪﭖ ﻗﺎﻧﯘﻧﯩﻐﺎ ﺩﺍﺋﯩﺮ ﺋﯩﺰﺍﻫﺎﺗﻼﺭ" ﻧﺎﻣﻠﯩﻖ ﻛﯩﺘﺎﺑﺘﯩﻦ، ﻳﯧﯖﯩﺴﯩﻨﻰ ﺗﻮﺭﺩﯨﻦ ﺗﺎﭘﻘﯩﻠﻰ ﺑﻮﻟﯩﺪﯗ.
ﺑﯘ ﻳﻪﺭﺩﻩ ﺩﯨﻘﻘﻪﺕ ﻗﯩﻠﯩﺪﯨﻐﺎﻥ ﺑﯩﺮ ﻧﯘﻗﺘﺎ ﺷﯘﻛﻰ، ﻫﻪﻕ ﺗﻪﻟﻪﭖ ﺩﻩﯞﺍ ﻗﺎﻧﯘﻧﻰ ﺑﯩﻠﻪﻥ ﻣﻪﻣﯘﺭﯨﻲ ﺩﻩﯞﺍ ﻗﺎﻧﯘﻧﯩﻨﯩﯔ ﻛﯚﭖ ﻗﯩﺴﯩﻢ ﺟﺎﻳﻠﯩﺮﻯ ﺋﻮﺧﺸﺎﭖ ﻛﯧﺘﯩﺪﯗ. ﺷﯘﯕﺎ ﺑﯘ ﻧﯘﻗﺘﯩﻼﺭﻧﻰ ﻛﯚﯕﯜﻟﮕﻪ ﭘﯜﻛﯜﭖ ﻗﻮﻳﯘﺵ ﺑﯩﻠﻪﻥ ﺑﯩﺮﮔﻪ، ﺋﻮﺧﺸﯩﻤﺎﻳﺪﯨﻐﺎﻥ ﺋﯩﻨﭽﯩﻜﻪ ﻧﯘﻗﺘﯩﻠﯩﺮﯨﻐﺎ ﺩﯨﻘﻘﻪﺕ ﻗﯩﻠﯩﺶ ﻛﯧﺮﻩﻙ. ﺋﯘﻧﯩﯖﺪﯨﻦ ﺑﺎﺷﻘﺎ ﺑﯩﺮ ﻗﯩﺴﯩﻢ ﻛﻮﻧﻜﯩﺮﯨﺖ ﻗﺎﻧﯘﻧﻼﺭﻣﯘ ﺑﯩﺮ-ﺑﯩﺮﯨﮕﻪ ﺋﻮﺧﺸﺎﭖ ﻛﯧﺘﯩﺪﯗ. ﻣﻪﺳﯩﻠﻪﻥ، ﺳﻮﺗﭽﯩﻼﺭ ﻗﺎﻧﯘﻧﻰ ﺑﯩﻠﻪﻥ ﺗﻪﭘﺘﯩﺸﻠﻪﺭ ﻗﺎﻧﯘﻧﻰ. ﺑﯘﻧﺪﺍﻕ ﻗﺎﻧﯘﻧﻼﺭﻧﻰ ﺋﯚﮔﻪﻧﮕﻪﻧﺪﻩ، ﺑﯩﺮﻧﻰ ﺑﯩﻠﯩﺶ ﺋﺎﺭﻗﯩﻠﯩﻖ ﻳﻪﻧﻪ ﺑﯩﺮﻧﯩﻤﯘ ﺑﯩﻠﯩﯟﺍﻟﻐﯩﻠﻰ ﺑﻮﻟﯩﺪﯗ.
6-    ﺳﻮﺩﺍ ﻗﺎﻧﯘﻧﻰ، ﺋﯩﻘﺘﯩﺴﺎﺩﯨﻲ ﻗﺎﻧﯘﻥ
ﻗﺎﻧﯘﻧﻼﺭ ﺋﯩﭽﯩﺪﻩ ﺳﻮﺩﺍ، ﺋﯩﻘﺘﯩﺴﺎﺩﯨﻲ ﻗﺎﻧﯘﻧﻼﺭﻧﻰ ﺋﯩﮕﯩﻠﻪﺵ ﺑﯩﺮ ﻗﻪﺩﻩﺭ ﻗﯩﻴﯩﻦ، ﺑﻮﻟﯘﭘﻤﯘ ﻣﻪﺧﺴﯘﺱ ﺳﻮﺩﺍ-ﺋﯩﻘﺘﯩﺴﺎﺩ ﺑﯩﻠﻪﻥ ﺷﯘﻏﯘﻟﻠﯩﻨﯩﺪﯨﻐﺎﻧﻼﺭﺩﯨﻦ ﺑﺎﺷﻘﯩﻼﺭﻏﺎ، ﺑﯘ ﺗﯜﺭﺩﯨﻜﻰ ﻗﺎﻧﯘﻥ ﺋﺎﺗﺎﻟﻐﯘﻟﯩﺮﻯ ﺑﯩﺮ ﻗﻪﺩﻩﺭ ﻣﯘﺭﻩﻛﻜﻪﭖ ﺗﯘﻳﯘﻟﯩﺪﯗ. ﻳﯧﻘﯩﻨﺪﯨﻦ ﺑﯘﻳﺎﻥ ﺷﯩﺮﻛﻪﺗﻨﻰ ﭼﯚﺭﯨﺪﯨﮕﻪﻥ ﻗﺎﻧﯘﻥ-ﻧﯩﺰﺍﻣﻼﺭ ﺋﻪﺩﻟﯩﻴﻪ ﺋﯩﻤﺘﯩﻬﺎﻧﯩﺪﺍ ﻛﯚﭖ ﺳﯩﻨﯩﻠﯩﯟﺍﺗﯩﺪﯗ. ﺷﯩﺮﻛﻪﺗﻜﻪ ﺩﺍﺋﯩﺮ ﻗﺎﻧﯘﻧﻼﺭﻧﻰ ﺋﯩﮕﯩﻠﻪﺷﺘﯩﻜﻰ ﺑﯩﺮ ﻣﯘﻫﯩﻢ ﻧﯘﻗﺘﺎ ﺷﯘﻛﻰ، ﺋﻮﺧﺸﯩﻤﯩﻐﺎﻥ ﺷﯩﺮﻛﻪﺗﻠﻪﺭﻧﯩﯔ ﺋﻪﯓ ﺗﯚﯞﻩﻥ ﺗﯩﺰﯨﻤﻐﺎ ﺋﺎﻟﺪﯗﺭﯗﺵ ﻣﻪﺑﻠﯩﻐﻰ ﻗﺎﺗﺎﺭﻟﯩﻖ ﻣﻪﺳﯩﻠﯩﻠﻪﺭﺩﯨﻦ ﺋﯩﺒﺎﺭﻩﺕ. ﺑﯘ ﺗﯜﺭﺩﯨﻜﻰ ﻗﺎﻧﯘﻧﻼﺭ ﻳﯧﻘﯩﻨﻘﻰ ﺑﯩﺮ-ﺋﯩﻜﻜﻰ ﻳﯩﻞ ﺋﯩﭽﯩﺪﻩ ﺋﻮﻣﯘﻣﻴﯜﺭﻟﯜﻙ ﻳﯧﯖﯩﻼﻧﺪﻯ، ﺷﯘﯕﺎ ﺋﯘﻳﻐﯘﺭﭼﻪ ﺋﻪﯓ ﻳﯧﯖﻰ ﻣﺎﺗﯧﺮﯨﻴﺎﻟﻼﺭﻧﻰ ﺗﺎﭘﺎﻟﻤﯩﻐﺎﻥ ﺗﻪﻗﺪﯨﺮﺩﻩ، ﻳﻪﻧﯩﻼ ﺗﻮﺭﺩﯨﻦ ﺋﻪﯓ ﻳﯧﯖﻰ ﻗﺎﻧﯘﻧﻼﺭﻧﻰ ﻛﯚﺭﮔﻪﻥ ﺗﯜﺯﯛﻙ. ﺑﯘ ﻳﯧﯖﯩﻠﯩﻨﯩﺸﻼﺭﺩﯨﻜﻰ ﺑﯩﺮ ﻳﯜﺯﻟﯩﻨﯩﺶ ﺷﯘﻛﻰ، ﺩﯙﻟﻪﺕ ﺑﺎﺭﻏﺎﻧﺴﯩﺮﻯ ﺷﯩﺮﻛﻪﺕ ﻗﯘﺭﯗﺵ ﭼﻪﻛﻠﯩﻤﯩﺴﯩﻨﻰ ﻛﻪﯓ ﻗﻮﻳﯘﯞﯦﺘﯩﺶ، ﺷﯩﺮﻛﻪﺕ، ﻛﺎﺭﺧﺎﻧﺎ ﻗﯘﺭﯗﺷﻘﺎ ﺭﯨﻐﺒﻪﺗﻠﻪﻧﺪﯛﺭﯛﺵ ﺗﻪﺭﻩﭘﺪﺍﺭﻯ ﺑﻮﻟﯘﯞﺍﺗﯩﺪﯗ. ﺷﯘﯕﺎ ﻳﯧﯖﻰ ﺷﯩﺮﻛﻪﺕ ﻗﺎﻧﯘﻧﯩﺪﺍ ﭘﺎﻱ ﭼﻪﻛﻠﯩﻚ ﺷﯩﺮﻛﯩﺘﯩﻨﯩﯔ ﺗﯩﺰﯨﻤﻐﺎ ﺋﺎﻟﺪﯗﺭﯗﺵ ﻣﻪﺑﻠﯩﻐﻰ ﺑﯘﺭﯗﻧﻘﻰ 10 ﻣﯩﻠﻴﯘﻥ ﻳﯜﻩﻧﺪﯨﻦ ﺑﻪﺵ ﻣﯩﻠﻴﯘﻥ ﻳﯜﻩﻧﮕﻪ ﺗﯚﯞﻩﻧﻠﯩﺪﻯ. ﺩﯦﻤﻪﻙ، ﺋﯩﻤﺘﯩﻬﺎﻥ ﺑﻪﺭﮔﯜﭼﻰ ﮔﻪﺭﭼﻪ ﺑﯘﻧﺪﺍﻕ ﺗﻪﭘﺴﯩﻼﺗﻼﺭﻧﻰ ﺋﯧﺴﯩﺪﻩ ﺗﯘﺗﺎﻟﻤﯩﻐﺎﻥ ﺗﻪﻗﺪﯨﺮﺩﯨﻤﯘ، ﻟﯧﻜﯩﻦ ﻳﯘﻗﯩﺮﯨﻘﻰ ﻳﯜﺯﻟﯩﻨﯩﺸﻨﻰ ﺋﯧﺴﯩﺪﻩ ﺗﯘﺗﯘﯞﺍﻟﺴﺎ، ﺷﯩﺮﻛﻪﺕ ﻗﯘﺭﻏﯘﭼﯩﻐﺎ ﺑﯩﺮ ﻗﻪﺩﻩﺭ ﻗﻮﻻﻳﻠﯩﻖ ﺑﻮﻟﻐﺎﻥ ﺟﺎﯞﺍﺑﻨﻰ ﺗﺎﻟﻠﯩﺴﺎ ﺗﻮﻏﺮﺍ ﭼﯩﻘﯩﺪﯗ.
7- ﺧﻪﻟﻘﺌﺎﺭﺍ ﻗﺎﻧﯘﻥ، ﺧﻪﻟﻘﺌﺎﺭﺍ ﺧﯘﺳﯘﺳﯩﻲ ﻗﺎﻧﯘﻥ، ﺧﻪﻟﻘﺌﺎﺭﺍ ﺋﯩﻘﺘﯩﺴﺎﺩ ﻗﺎﻧﯘﻧﻰ
ﺑﯘ ﻫﻪﻗﺘﯩﻜﻰ ﻣﻪﺯﻣﯘﻧﻼﺭ ﺋﯘﻳﻐﯘﺭ ﻳﯧﺰﯨﻘﯩﺪﯨﻜﻰ ﺳﯘﺋﺎﻟﺪﺍ ﻛﯚﭖ ﺋﯘﭼﺮﯨﻤﯩﺪﻯ.
8- ﺋﻪﺩﻟﯩﻴﻪ ﺗﯜﺯﯛﻣﻰ ﯞﻩ ﻗﺎﻧﯘﻥ ﻛﻪﺳﯩﭗ ﺋﻪﺧﻼﻗﻰ
ﺋﻪﺩﻟﯩﻴﻪ ﺋﯩﻤﺘﯩﻬﺎﻧﻰ ﺑﯘ ﻣﻪﺯﻣﯘﻧﻼﺭﻧﻰ ﻧﯘﻗﺘﯩﻠﯩﻖ ﺳﯩﻨﺎﻳﺪﯗ. ﺋﻪﺩﻟﯩﻴﻪ ﺗﯜﺯﯛﻣﻰ ﻣﻪﺳﯩﻠﯩﺴﻰ ﻗﺎﻧﯘﻥ ﻣﺎﺩﺩﯨﻠﯩﺮﯨﺪﺍ ﺋﻪﻛﯩﺲ ﺋﻪﺗﻜﻪﻧﺪﯨﻦ ﺑﺎﺷﻘﺎ، ﻛﯚﭘﯩﻨﭽﯩﺴﻰ ﻧﻪﺯﻩﺭﯨﻴﯩﯟﯨﻲ ﺑﯩﻠﯩﻢ ﺷﻪﻛﻠﯩﺪﻩ ﺋﯘﭼﺮﺍﻳﺪﯗ. ﺑﯘﻻﺭﻧﻰ ﯞﻩﻧﮕﻮﻧﯩﯔ ﻛﯩﺘﺎﺑﻠﯩﺮﯨﺪﯨﻦ ﺋﯩﮕﯩﻠﯩﮕﯩﻠﻰ ﺑﻮﻟﯩﺪﯗ. ﻗﺎﻧﯘﻥ ﻛﻪﺳﭙﻰ ﺋﻪﺧﻼﻗﻰ ﺳﻮﺗﭽﯩﻼﺭ ﻗﺎﻧﯘﻧﻰ، ﺗﻪﭘﺘﯩﺸﻠﻪﺭ ﻗﺎﻧﯘﻧﻰ، ﺋﺎﺩﯞﯗﻛﺎﺗﻼﺭ ﻗﺎﻧﯘﻧﻰ ﻗﺎﺗﺎﺭﻟﯩﻖ ﻗﺎﻧﯘﻧﻼﺭﺩﯨﻦ ﺑﺎﺷﻘﺎ ﻧﯩﺰﺍﻡ، ﻗﺎﺋﯩﺪﻩ، ﺑﻪﻟﮕﯩﻠﯩﻤﻪ ﺷﻪﻛﻠﯩﺪﯨﻤﯘ ﺑﯧﻜﯩﺘﯩﻠﮕﻪﻥ ﺑﻮﻟﯩﺪﯗ. ﺋﯩﻤﺘﯩﻬﺎﻥ ﺑﻪﺭﮔﯜﭼﯩﻠﻪﺭ ﻳﯘﻗﯩﺮﯨﻘﻰ ﻛﻪﺳﯩﭗ ﺑﯩﻠﻪﻥ ﺷﯘﻏﯘﻟﻼﻧﻐﯘﭼﯩﻼﺭﺩﯨﻦ ﻣﯘﻧﺎﺳﯩﯟﻩﺗﻠﯩﻚ ﻣﺎﺗﯧﺮﯨﻴﺎﻟﻼﺭﻧﻰ ﺋﯩﺰﺩﻩﭖ ﺗﺎﭘﺎﻻﻳﺪﯗ. ﻟﯧﻜﯩﻦ ﻛﯚﭘﯩﻨﭽﻪ ﺳﯘﺋﺎﻟﻼﺭ ﻳﻪﻧﯩﻼ ﺋﯘﻧﭽﻪ ﻣﯘﺭﻩﻛﻜﻪﭖ ﺑﻮﻟﻤﺎﻳﺪﯗ.
ﺋﯩﻤﺘﯩﻬﺎﻥ ﺗﻪﻳﻴﺎﺭﻟﯩﻘﻰ ﯞﻩ ﺋﯩﻤﺘﯩﻬﺎﻥ ﺑﯧﺮﯨﺶ
ﻫﺎﺯﯨﺮﺩﯨﻦ ﺑﺎﺷﻼﭖ ﻫﯧﺴﺎﺑﻠﯩﻐﺎﻧﺪﺍ ﺋﻪﺩﻟﯩﻴﻪ ﺋﯩﻤﺘﯩﻬﺎﻧﯩﻐﺎ ﻳﻪﻧﻪ 8 ﺋﺎﻱ ﯞﺍﻗﯩﺖ ﺑﺎﺭ. ﮔﻪﺭﭼﻪ ﺑﯘ ﯞﺍﻗﯩﺖ ﺧﯧﻠﻰ ﻛﯚﭖ ﺋﯩﻤﺘﯩﻬﺎﻧﻼﺭ ﺋﯜﭼﯜﻥ ﻳﯧﺘﻪﺭﻟﯩﻚ ﯞﺍﻗﯩﺖ ﺑﻮﻟﺴﯩﻤﯘ، ﻟﯧﻜﯩﻦ ﺋﻪﺩﻟﯩﻴﻪ ﺋﯩﻤﺘﯩﻬﺎﻧﻰ ﺋﯜﭼﯜﻥ ﺋﯘﻧﺪﺍﻕ ﺋﻪﻣﻪﺱ، ﺳﯩﺰ ﺑﯘ ﻳﯩﻞ 9- ﺋﺎﻳﺪﺍ ﺗﻪﻳﻴﺎﺭﻟﯩﻘﻨﻰ ﺑﺎﺷﻼﭖ ﺋﻪﺳﺘﺎﻳﯩﺪﯨﻞ ﺋﯚﮔﻪﻧﺴﯩﯖﯩﺰﻣﯘ، ﻟﯧﻜﯩﻦ ﻛﯧﻠﻪﺭ ﻳﯩﻠﻰ 9- ﺋﺎﻳﺪﺍ ﺋﯩﻤﺘﯩﻬﺎﻧﻐﺎ ﺋﺎﺯ ﻗﺎﻟﻐﺎﻧﺪﺍ ﻳﻪﻧﻪ ﺋﯚﮔﯩﻨﯩﺸﻜﻪ ﺗﯧﮕﯩﺸﻠﯩﻚ ﺑﯩﺮﻣﯘﻧﭽﻪ ﻣﻪﺯﻣﯘﻧﻼﺭﻧﯩﯔ ﻗﯧﭙﻘﺎﻟﻐﺎﻧﻠﯩﻘﯩﻨﻰ ﻫﯧﺲ ﻗﯩﻠﯩﺴﯩﺰ. ﺷﯘﯕﺎ ﻳﻪﻧﯩﻼ ﯞﺍﻗﯩﺘﻨﻰ ﭼﯩﯔ ﺗﯘﺗﯘﭖ، ﭘﯩﻼﻧﻨﻰ ﺋﯧﻨﯩﻖ ﺗﯜﺯﯛﭖ ﯞﻩ ﻗﺎﺗﺘﯩﻖ ﺋﻪﻣﻪﻝ ﻗﯩﻠﯩﭗ ﺋﯚﮔﯩﻨﯩﺶ ﻗﯩﻠﻐﺎﻥ ﺗﯜﺯﯛﻙ. ﺋﯚﺯﯛﻣﻨﯩﯔ ﺗﻪﺟﺮﯨﺒﯩﺴﯩﻨﻰ ﺋﺎﻟﺴﺎﻡ، ﻣﻪﻥ ﺋﺎﻳﻼﺭﻏﺎ ﺋﻮﻣﯘﻣﯩﻲ ﭘﯩﻼﻥ ﺗﯜﺯﮔﻪﻧﺪﯨﻦ ﺑﺎﺷﻘﺎ، ﻫﻪﺭ ﺑﯩﺮ ﻛﯜﻥ ﺋﯜﭼﯜﻧﻤﯘ ﭘﯩﻼﻥ ﺗﯜﺯﮔﻪﻥ ﺋﯩﺪﯨﻢ. ﻣﻪﺳﯩﻠﻪﻥ، ﻣﻪﻟﯘﻡ ﺑﯩﺮ ﻛﯜﻧﺪﻩ ﯞﻩﻧﮕﻮﻧﯩﯔ ﻛﯩﺘﺎﺑﻰ (10 ﻗﯩﺴﯩﻤﻠﯩﻖ ﺋﯘﻳﻐﯘﺭﭼﯩﺴﻰ ﯞﻩ ﻳﻪﺗﺘﻪ ﻗﯩﺴﯩﻤﻠﯩﻖ ﺧﻪﻧﺰﯗﭼﯩﺴﻰ) ﺩﯨﻦ 100 ﺑﻪﺕ ﺗﯜﮔﯩﺘﯩﺶ (ﺑﯘ ﻳﻪﺭﺩﯨﻜﻰ 100 ﺑﻪﺕ ﺋﯘﻳﻐﯘﺭﭼﻪ 100 ﺑﻪﺕ ﺗﯜﮔﯩﺘﯩﭗ، ﺧﻪﻧﺰﯗﭼﯩﺴﻰ ﺑﯩﻠﻪﻥ ﺳﯧﻠﯩﺸﺘﯘﺭﯗﺵ، ﺧﻪﻧﺰﯗﭼﯩﺴﯩﺪﯨﻜﻰ ﺋﻮﺧﺸﯩﻤﯩﻐﺎﻥ ﻣﻪﺯﻣﯘﻧﻼﺭﻧﻰ ﻛﯚﺭﯛﺷﻨﻰ ﻛﯚﺭﺳﯩﺘﯩﺪﯗ) ﺑﯘﻻﺭﻧﻰ ﻛﯚﺭﯛﺵ ﺟﻪﺭﻳﺎﻧﯩﺪﺍ ﺷﯘ 100 ﺑﻪﺕ ﺋﯩﭽﯩﺪﯨﻜﻰ ﻣﻪﺯﻣﯘﻧﻐﺎ ﻣﯘﻧﺎﺳﯩﯟﻩﺗﻠﯩﻖ ﻗﺎﻧﯘﻥ ﻣﺎﺩﺩﯨﻠﯩﺮﻯ، ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺗﻼﺭﻧﻰ ﻛﯚﺭﯛﺵ، ﺑﺎﺷﻘﺎ ﺗﻪﻫﻠﯩﻞ ﻣﺎﺗﯧﺮﯨﻴﺎﻟﻠﯩﺮﻯ ﺑﻮﻟﺴﺎ ﺷﯘﻧﯩﻤﯘ ﻗﻮﺷﯘﭖ ﺗﯜﮔﯩﺘﯩﺸﺘﯩﻦ ﺋﯩﺒﺎﺭﻩﺕ.
ﻗﺎﻳﺴﯩﻨﻰ ﺋﺎﯞﯞﺍﻝ ﺋﯚﮔﯩﻨﯩﺶ ﻣﻪﺳﻠﯩﺴﯩﮕﻪ ﻛﻪﻟﺴﻪﻙ، ﻣﯧﻨﯩﯖﭽﻪ ﺑﯘ ﺋﺎﻧﭽﻪ ﻣﯘﻫﯩﻢ ﺑﻮﻟﻤﯩﺴﺎ ﻛﯧﺮﻩﻙ، ﺷﯘﻧﺪﺍﻗﺘﯩﻤﯘ ﺋﺎﻟﺪﻯ ﺑﯩﻠﻪﻥ ﺗﯚﯞﻩﻧﺪﯨﻜﻰ ﺗﻪﺭﺗﯩﭗ ﺑﻮﻳﯩﭽﻪ ﻛﯚﺭﮔﻪﻥ ﻣﯘﯞﺍﭘﯩﻖ:
ﻗﺎﻧﯘﻧﺸﯘﻧﺎﺳﻠﯩﻖ ﻧﻪﺯﻩﺭﯨﻴﯩﺴﻰ
ﺋﺎﺳﺎﺳﯩﻲ ﻗﺎﻧﯘﻥ
ﺟﯩﻨﺎﻳﻰ ﺋﯩﺸﻼﺭ ﻗﺎﻧﯘﻧﻰ
ﺟﯩﻨﺎﻳﻰ ﺋﯩﺸﻼﺭ ﻗﺎﻧﯘﻧﯩﻨﯩﯔ ﻳﯧﺸﯩﻤﻰ
ﺟﯩﻨﺎﻳﻰ ﺋﯩﺸﻼﺭ ﺩﻩﯞﺍ ﻗﺎﻧﯘﻧﻰ
ﺟﯩﻨﺎﻳﻰ ﺋﯩﺸﻼﺭﻏﺎ ﺩﺍﺋﯩﺮ ﺋﻪﺩﻟﯩﻴﯩﻠﯩﻚ ﺋﯩﺰﺍﻫﺎﺕ
ﯞﻩﻧﮕﻮﻧﯩﯔ ﻣﻮﺷﯘ ﻫﻪﻗﺘﯩﻜﻰ ﻛﯩﺘﺎﺑﻠﯩﺮﻯ
ﻫﻪﻕ ﺗﻪﻟﻪﭘﻜﻪ ﺩﺍﺋﯩﺮ ﻗﺎﻧﯘﻧﻼﺭ
.....
ﺋﯘﻧﯩﯖﺪﯨﻦ ﻛﯧﻴﯩﻨﻜﯩﺴﯩﻨﯩﯔ ﺗﻪﺭﺗﯩﭙﻰ ﺋﺎﻧﭽﻪ ﻣﯘﻫﯩﻢ ﺋﻪﻣﻪﺱ. ﺑﯘ ﻳﻪﺭﺩﻩ ﺗﻪﺭﺗﯩﭗ ﺑﺎﺭ ﺩﯦﻴﯩﻠﺴﻪ ﻗﺎﻧﯘﻥ ﻫﻪﻗﻘﯩﺪﻩ ﺋﺎﺳﺎﺳﯩﻲ ﭼﯜﺷﻪﻧﭽﯩﮕﻪ ﺋﯩﮕﻪ ﺑﻮﻟﯘﺵ، ﺗﯜﭖ ﻗﺎﻧﯘﻧﻼﺭﻧﻰ ﺋﺎﻟﺪﻯ ﺑﯩﻠﻪﻥ ﺋﯚﮔﯩﻨﯩﭗ، ﺗﺎﺭﻣﺎﻕ ﻗﺎﻧﯘﻧﻼﺭ، ﻛﯚﭖ ﺋﯘﭼﺮﯨﻤﺎﻳﺪﯨﻐﺎﻥ ﻗﺎﻧﯘﻧﻼﺭ ﺋﯜﭼﯜﻥ ﺋﺎﺳﺎﺱ ﺳﯧﻠﯩﺸﺘﯩﻦ ﺋﯩﺒﺎﺭﻩﺕ.
ﺋﯩﻠﮕﯩﺮﯨﻜﻰ ﺋﯩﻤﺘﯩﻬﺎﻥ ﺳﯘﺋﺎﻟﻠﯩﺮﯨﻨﻰ ﯞﻩ ﺋﻪﯓ ﻳﯧﯖﻰ ﺗﻪﻗﻠﯩﺪﯨﻲ ﺋﯩﻤﺘﻬﺎﻥ ﺳﯘﺋﺎﻟﻠﯩﺮﯨﻨﻰ ﺋﯩﺸﻠﻪﺷﻨﯩﯔ ﺋﯚﮔﻪﻧﮕﻪﻥ ﺑﯩﻠﯩﻤﻠﯩﺮﯨﻨﻰ ﭘﯩﺸﺸﯩﻘﻼﺷﻘﺎ ﯞﻩ ﺋﯩﻤﺘﯩﻬﺎﻧﻐﺎ ﺗﺎﻗﺎﺑﯩﻞ ﺗﯘﺭﯗﺵ ﻛﯜﭼﯩﻨﻰ ﺋﺎﺷﯘﺭﯗﺷﻘﺎ ﺯﻭﺭ ﺋﻪﻫﻤﯩﻴﺘﻰ ﺑﺎﺭ.
ﺑﯘ ﺋﯩﻤﺘﯩﻬﺎﻧﻐﺎ ﺗﻪﻳﻴﺎﺭﻟﯩﻖ ﻗﯩﻠﯩﺶ ﺋﯜﭼﯜﻥ ﻛﯚﭘﻠﯩﮕﻪﻥ ﻗﺎﻧﯘﻧﻼﺭﻧﻰ ﺋﯚﮔﯩﻨﯩﺸﻜﻪ ﺗﻮﻏﺮﺍ ﻛﯧﻠﯩﺪﯗ. ﻗﺎﻧﯘﻥ ﻣﻪﻟﯘﻡ ﺑﯩﺮ ﻳﯧﺘﻪﻛﭽﻰ ﺋﯩﺪﯨﻴﻪ ﯞﻩ ﺗﻪﺭﺗﯩﭗ ﺑﻮﻳﯩﭽﻪ ﺗﯜﺯﯛﻟﯩﺪﯗ. ﺑﯩﺮ ﺩﯙﻟﻪﺗﻨﯩﯔ ﻗﺎﻧﯘﻥ ﭼﯩﻘﯩﺮﯨﺸﺘﯩﻜﻰ ﺗﯜﭖ ﺋﯩﺪﯨﻴﯩﺴﻰ ﯞﻩ ﻳﯜﺯﻟﯩﻨﯩﺸﻰ ﺑﻮﻟﯩﺪﯗ. ﺋﯚﮔﻪﻧﮕﻪﻧﺪﻩ ﻗﺎﻧﯘﻥ ﻣﺎﺩﺩﯨﻠﯩﺮﻯ ﺋﯩﭽﯩﮕﻪ ﻳﯘﺷﯘﺭﯗﻧﻐﺎﻥ ﻣﺎﻫﯩﻴﻪﺕ ﯞﻩ ﻳﯜﺯﻟﯩﻨﯩﺶ ﻣﻪﺳﯩﻠﯩﺴﯩﮕﻪ ﺩﯨﻘﻘﻪﺕ ﻗﯩﻠﯩﺶ ﻛﯧﺮﻩﻙ. ﻣﻪﺳﯩﻠﻪﻥ، ﻗﺎﻧﯘﻧﺪﺍ ﺋﺎﺟﯩﺰﻻﺭ ﺗﻮﭘﯩﻐﺎ ﻫﯧﺴﺪﺍﺷﻠﯩﻖ ﻗﯩﻠﯩﺶ ﺋﯩﭙﺎﺩﯨﻠﻪﻧﮕﻪﻥ ﺑﻮﻟﯩﺪﯗ. ﭘﯘﻗﺮﺍﻧﯩﯔ ﻣﻪﻣﯘﺭﯨﻲ ﺋﻮﺭﮔﺎﻥ ﺑﯩﻠﻪﻥ ﻗﯩﻠﻐﺎﻥ ﺩﻩﯞﺍﺳﯩﺪﺍ ﻗﺎﻧﯘﻥ ﻣﻪﻣﯘﺭﯨﻲ ﺋﻮﺭﮔﺎﻧﻐﺎ ﺑﻪﺯﻯ ﻗﺎﺗﺘﯩﻖ ﺗﻪﻟﻪﭘﻠﻪﺭﻧﻰ ﻗﻮﻳﺴﯩﻤﯘ، ﭘﯘﻗﺮﺍ ﻣﻪﻣﯘﺭﯨﻲ ﺋﻮﺭﮔﺎﻧﻐﺎ ﻗﺎﺭﯨﻐﺎﻧﺪﺍ ﭘﺎﺳﺴﯩﭗ ﻳﺎﻛﻰ ﺋﺎﺟﯩﺰﺭﺍﻕ ﺋﻮﺭﯗﻧﺪﺍ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ، ﭘﯘﻗﺮﺍﻏﺎ ﻗﯘﻻﻳﻠﯩﻖ ﺑﻪﻟﮕﯩﻠﯩﻤﯩﻠﻪﺭﻧﻰ ﭼﯩﻘﯩﺮﯨﺪﯗ، ﻣﻪﺳﯩﻠﻪﻥ، ﺋﯩﺴﭙﺎﺕ ﺗﻮﭘﻼﺵ ﭼﻪﻛﻠﯩﻤﯩﺴﻰ ﻗﺎﺗﺎﺭﻟﯩﻘﻼﺭﺩﺍ ﻣﻪﻣﯘﺭﯨﻲ ﺋﻮﺭﮔﺎﻧﻐﺎ ﻗﺎﺗﺘﯩﻖ ﺳﯜﺭﯛﻙ ﺑﯧﻜﯩﺘﯩﻠﮕﻪﻥ ﺑﻮﻟﯩﺪﯗ. ﻳﻪﻧﻪ ﻣﻪﺳﯩﻠﻪﻥ، ﺋﻪﻣﮕﻪﻛﭽﻰ ﺑﯩﻠﻪﻥ ﺋﺎﺩﻩﻡ ﺋﯩﺸﻠﻪﺗﻜﯜﭼﻰ ﺋﻮﺭﯗﻥ ﺋﻮﺗﺘﯘﺭﯨﺴﯩﺪﯨﻜﻰ ﺗﺎﻻﺵ-ﺗﺎﺭﺗﯩﺸﺘﯩﻤﯘ ﺋﻪﻣﮕﻪﻛﭽﯩﮕﻪ "ﺋﯧﺘﯩﺒﺎﺭ ﺑﯧﺮﯨﺶ" ﮔﻪﯞﺩﯨﻠﻪﻧﮕﻪﻥ ﺑﻮﻟﯩﺪﯗ. ﻣﺎﻧﺎ ﻣﻮﺷﯘﻧﺪﺍﻕ ﻧﯘﻗﺘﯩﻼﺭﻧﻰ ﭼﯜﺷﯩﻨﯩﭗ ﻳﻪﺗﻜﻪﻧﺪﻩ، ﺋﯩﻤﺘﯩﻬﺎﻥ ﺑﻪﺭﮔﻪﻧﺪﻩ ﺷﯘ ﻗﺎﻧﯘﻥ ﻣﺎﺩﺩﯨﺴﻰ ﺋﻪﺳﺘﻪ ﻗﺎﻟﻤﯩﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﻗﺎﻧﯘﻥ ﭼﯩﻘﯩﺮﯨﺶ ﻣﯘﺩﺩﯨﺌﺎﺳﻰ ﯞﻩ ﻳﯚﻧﯩﻠﯩﺸﯩﻨﻰ ﺑﯩﻠﺴﻪ، ﺗﻮﻏﺮﺍ ﺗﺎﻟﻼﺵ ﺋﯩﻤﺘﯩﻬﺎﻧﻰ ﻛﯚﭘﺮﻩﻙ ﺑﻮﻟﯩﺪﯗ.
ﺋﻪﺩﻟﯩﻴﻪ ﺋﯩﻤﺘﯩﻬﺎﻧﯩﺪﺍ ﺑﺎﺷﻘﺎ ﺋﯩﻤﺘﯩﻬﺎﻧﻼﺭﺩﯨﻜﯩﺪﻩﻙ "ﺋﯘ ﺩﯦﮕﻪﻥ ﻧﯧﻤﻪ؟ ﺑﯘ ﺩﯦﮕﻪﻥ ﻧﯧﻤﻪ؟ ﭘﺎﻻﻧﻪ ﻗﺎﻧﯘﻧﻨﯩﯔ ﻣﺎﻧﭽﯩﻨﭽﻰ ﻣﺎﺩﺩﯨﺴﯩﺪﺍ ﻧﯧﻤﻪ ﺩﯦﻴﯩﻠﮕﻪﻥ" ﺩﯦﮕﻪﻧﺪﻩﻙ ﺳﯘﺋﺎﻟﻼﺭ ﭼﯩﻘﻤﺎﻳﺪﯗ. ﺷﯘﯕﺎ ﺋﯘﻧﻰ ﻳﺎﺩﯨﻼﺵ ﻫﺎﺟﻪﺗﺴﯩﺰ. ﻳﺎﺩﯨﻼﺵ ﻫﺎﺟﻪﺗﺴﯩﺰ ﺑﻮﻟﻐﺎﻥ ﺗﻪﻗﺪﯨﺮﺩﯨﻤﯘ، ﭼﻮﻗﯘﻡ ﭼﯘﯕﻘﯘﺭ ﭼﯜﺷﯩﻨﯩﺶ ﺷﻪﺭﺕ. ﻣﯘﻧﺪﺍﻗﭽﻪ ﺋﯧﻴﺘﻘﺎﻧﺪﺍ، ﺳﯩﺰ ﻣﻪﻟﯘﻡ ﺑﯩﺮ ﻗﺎﻧﯘﻧﻨﻰ ﻣﺎﺩﺩﯨﻤﯘ -ﻣﺎﺩﺩﺍ ﻳﺎﺩﻗﺎ ﺑﯩﻠﺴﯩﯖﯩﺰﻣﯘ، ﻟﯧﻜﯩﻦ ﺷﯘ ﻣﺎﺩﺩﯨﻼﺭﻧﻰ ﭼﯘﯕﻘﯘﺭ ﭼﯜﺷﯩﻨﯩﭗ ﻳﯧﺘﻪﻟﻤﯩﮕﻪﻥ ﺑﻮﻟﺴﯩﯖﯩﺰ، ﺋﯩﻤﺘﯩﻬﺎﻧﺪﯨﻜﻰ ﺷﯘ ﻣﺎﺩﺩﯨﻼﺭﻏﺎ ﺩﺍﺋﯩﺮ ﭼﯩﻘﯩﺮﯨﻠﻐﺎﻥ ﺳﯘﺋﺎﻟﻼﺭﻏﺎ ﭘﻪﻗﻪﺗﻼ ﺟﺎﯞﺍﺏ ﺑﯧﺮﻩﻟﻤﻪﺳﻠﯩﻜﯩﯖﯩﺰ ﻣﯘﻣﻜﯩﻦ، ﭼﯜﻧﻜﻰ ﺳﯩﺰﺩﯨﻦ ﺳﯩﻨﯩﻠﯩﯟﺍﺗﻘﯩﻨﻰ ﺷﯘ ﻣﺎﺩﺩﯨﻨﻰ ﺋﻪﻳﻨﻪﻥ ﻳﯧﺰﯨﭗ ﺑﯧﺮﯨﺶ ﺋﻪﻣﻪﺱ، ﺑﻪﻟﻜﻰ ﺗﻪﺩﺑﯩﻘﻼﺷﺘﯩﻦ ﺋﯩﺒﺎﺭﻩﺕ. ﻳﻪﻧﻪ ﺑﯩﺮﻯ، ﻣﻪﻟﯘﻡ ﺑﯩﺮ ﺟﯩﻨﺎﻳﻪﺗﻜﻪ ﻗﺎﻧﭽﻪ ﻳﯩﻠﺪﯨﻦ ﻗﺎﻧﭽﻪ ﻳﯩﻠﻐﯩﭽﻪ ﺟﺎﺯﺍ ﺑﯧﺮﯨﻠﯩﺪﯨﻐﺎﻧﻠﯩﻘﻰ ﺷﯘ ﭘﯧﺘﻰ ﺳﯩﻨﺎﻟﻤﺎﻳﺪﯗ، ﺑﯘﻧﻰ ﻳﺎﺩﯨﻼﺵ ﻫﺎﺟﻪﺗﺴﯩﺰ، ﺷﯘﻧﺪﺍﻗﺘﯩﻤﯘ ﺟﺎﺯﺍ ﺩﺍﺋﯩﺮﯨﺴﯩﻨﻰ ﺋﯩﮕﯩﻠﻪﺵ ﻛﯧﺮﻩﻙ.
ﺋﻪﮔﻪﺭ ﻳﺎﺩﯨﻼﺵ ﻫﺎﺟﻪﺕ ﺩﯦﻴﯩﻠﺴﻪ، ﺳﯜﺭﯛﻙ ﻣﻪﺳﯩﻠﯩﺴﯩﺪﯨﻦ ﺋﯩﺒﺎﺭﻩﺕ. ﻫﻪﺭﻗﺎﻳﺴﻰ ﺩﻩﯞﺍ ﻗﺎﻧﯘﻧﻠﯩﺮﯨﺪﺍ ﺗﯜﺭﻟﯜﻙ ﺳﯜﺭﯛﻛﻠﻪﺭ ﺋﻮﺧﺸﺎﭖ ﻛﻪﺗﻤﻪﻳﺪﯗ، ﺑﯘﻧﺪﺍﻕ ﺋﻮﺧﺸﯩﻤﺎﺳﻠﯩﻘﻼﺭ ﺋﯩﻤﺘﯩﻬﺎﻥ ﺳﯘﺋﺎﻟﯩﺪﺍ ﺋﻪﻛﯩﺲ ﺋﻪﺗﻜﻪﻥ ﺑﻮﻟﯩﺪﯗ. ﺷﯘﯕﺎ ﺋﻪﯓ ﻳﺎﺧﺸﯩﺴﻰ ﻫﻪﻕ ﺗﻪﻟﻪﭖ، ﻣﻪﻣﯘﺭﯨﻲ، ﺟﯩﻨﺎﻳﻰ ﺋﯩﺸﻼﺭ ﺩﻩﯞﺍ ﻗﺎﻧﯘﻧﯩﺪﯨﻜﻰ ﺗﯜﺭﻟﯜﻙ ﺳﯜﺭﯛﻛﻠﻪﺭﻧﻰ ﺑﯩﺮ ﺟﻪﺩﯨﯟﻩﻟﮕﻪﻥ ﺭﻩﺗﻠﯩﻚ ﺗﯩﺰﯨﯟﯦﻠﯩﭗ، ﺳﯧﻠﯩﺸﺘﯘﺭﯗﭖ ﻳﺎﺩﯨﻠﯩﯟﺍﻟﺴﺎ ﺋﯩﻤﺘﯩﻬﺎﻧﺪﺍ ﻛﯚﭖ ﭘﺎﻳﺪﯨﺴﻰ ﺑﻮﻟﯘﺷﻰ ﻣﯘﻣﻜﯩﻦ.
ﺋﻪﻣﻪﻟﯩﻴﻪﺗﺘﯩﻦ ﺋﯚﺗﻜﯜﺯﯛﺵ ﻣﻪﺳﯩﻠﯩﺴﻰ
ﻣﻪﻥ ﺋﯩﻤﺘﯩﻬﺎﻥ ﺗﻪﻳﻴﺎﺭﻟﯩﻘﻰ ﺟﻪﺭﻳﺎﻧﯩﺪﺍ ﺳﻮﺗﭽﻰ، ﺗﻪﭘﺘﯩﺶ، ﺋﺎﺩﯞﯗﻛﺎﺗﻼﺭ ﺑﯩﻠﻪﻥ ﻛﯚﭖ ﺋﯘﭼﺮﺍﺷﺘﯩﻢ ﯞﻩ ﺋﯘﻻﺭﻧﯩﯔ ﺗﻪﻟﯩﭙﻰ ﺑﻮﻳﯩﭽﻪ ﺑﯩﺮﻣﯘﻧﭽﻪ ﻗﺎﻧﯘﻥ ﻫﯚﺟﺠﻪﺗﻠﯩﺮﯨﻨﻰ ﺗﻪﺭﺟﯩﻤﻪ ﻗﯩﻠﺪﯨﻢ. ﮔﻪﺭﭼﻪ ﺳﻮﺕ ﺋﻪﻣﻪﻟﯩﻴﯩﺘﯩﻨﻰ ﻛﯚﭘﺮﻩﻙ ﻛﯚﺭﮔﯜﻡ ﺑﻮﻟﺴﯩﻤﯘ، ﻟﯧﻜﯩﻦ ﻫﺎﺯﯨﺮ ﺋﯩﺸﻠﻪﯞﺍﺗﻘﺎﻥ ﺧﯩﺰﻣﯩﺘﯩﻢ ﺋﺎﻟﺪﯨﺮﺍﺵ ﺑﻮﻟﻐﺎﭼﻘﺎ، ﻳﯧﺘﻪﺭﻟﯩﻚ ﯞﺍﻗﯩﺖ ﭼﯩﻘﺮﯨﭗ ﺳﻮﺕ ﺋﺎﯕﻠﯩﻴﺎﻟﻤﯩﺪﯨﻢ. ﺑﯘﻧﯩﯖﻐﺎ ﺳﻪﻝ ﺧﯘﺭﺳﯩﻨﯩﻤﻪﻥ. ﺷﯘﯕﺎ ﺋﯩﻤﺘﯩﻬﺎﻥ ﺑﻪﺭﮔﯜﭼﯩﻼﺭ ﺋﺎﻣﺎﻝ ﺑﻮﻟﺴﺎ، ﻣﻪﻟﯘﻡ ﺑﯩﺮ ﺗﯜﺭﺩﯨﻜﻰ ﻗﺎﻧﯘﻧﻨﻰ ﺋﯚﮔﯩﻨﯩﭗ ﺑﻮﻟﻐﺎﻧﺪﯨﻦ ﻛﯧﻴﯩﻦ ﺷﯘﻧﯩﯖﻐﺎ ﻣﯘﻧﺎﺳﯩﯟﻩﺗﻠﯩﻚ ﺳﻮﺗﻨﻰ ﺋﺎﯕﻼﭖ ﺑﺎﻗﻘﯩﻨﻰ ﺗﯜﺯﯛﻙ. ﻟﯧﻜﯩﻦ "ﻣﻪﻥ ﺋﯚﮔﻪﻧﮕﻪﻥ ﺗﻪﺭﺗﯩﭙﻠﻪﺭ ﺳﻮﺗﺘﺎ ﮔﻪﯞﺩﯨﻠﻪﻧﻤﻪﻱ ﻗﺎﻟﺴﺎ ﺋﯜﻣﯩﺪﺳﯩﺰﻟﯩﻨﯩﭗ ﻗﺎﻟﻤﺎﻱ" ﺩﯦﮕﻪﻥ ﺧﯩﻴﺎﻟﺪﯨﻦ ﻗﯘﺗﯘﻻﻟﻤﺎﻳﺪﯨﻐﺎﻧﻼﺭ ﺋﯜﻟﮕﯩﻠﯩﻚ ﺳﻮﺗﻼﺭﻧﯩﻼ ﺋﺎﯕﻠﯩﺴﯩﻤﯘ ﺑﻮﻟﯩﺪﯗ، ﺑﯘﻧﺪﺍﻕ ﺳﻮﺗﻼﺭﻏﺎ ﻗﺎﺗﻨﯩﺸﯩﺶ ﭘﯘﺭﺳﯩﺘﻰ ﺑﻮﻟﻤﯩﻐﺎﻧﺪﺍ، ﺗﯧﻠﯧﯟﯨﺰﯗﺭﺩﯨﻦ ﺷﯘﻧﺪﺍﻕ ﺳﻮﺕ ﺋﻪﻣﻪﻟﻴﯩﺘﻰ ﺋﯧﻠﯩﻨﻐﺎﻥ ﻓﯩﻠﯩﻤﻠﻪﺭﻧﻰ ﻛﯚﺭﺳﯩﻤﯘ، ﺗﻮﺭﺩﯨﻦ ﻳﺎﻛﻰ ﺑﺎﺯﺍﺭﺩﯨﻦ ﺷﯘﻧﺪﺍﻕ ﻓﯩﻠﯩﻤﻠﻪﺭﻧﻰ ﺗﯧﭙﯩﭗ ﻛﯚﺭﺳﯩﻤﯘ ﺋﻮﺧﺸﺎﺵ ﺋﯜﻧﯜﻣﮕﻪ ﺋﯧﺮﯨﺸﻜﻠﻰ ﺑﻮﻟﯩﺪﯗ. ﻗﯩﺴﻘﯩﺴﻰ، ﺋﯩﻤﺘﯩﻬﺎﻥ ﺗﻪﻳﻴﺎﺭﻟﯩﻘﻰ ﺟﻪﺭﻳﺎﻧﯩﺪﺍ ﻗﺎﻧﯘﻥ ﺳﯩﺴﺘﯧﻤﯩﺴﯩﺪﺍ ﺋﯩﺸﻠﻪﯞﺍﺗﻘﺎﻧﻼﺭ ﺑﯩﻠﻪﻥ ﻛﯚﭘﺮﻩﻙ ﺋﺎﻻﻗﻪ ﻗﯩﻠﯩﺶ، ﻣﯘﻣﻜﯩﻦ ﺑﻮﻟﺴﺎ ﻣﻮﺷﯘ ﺋﯩﻤﺘﯩﻬﺎﻧﺪﯨﻦ ﺋﯚﺗﻜﻪﻥ، ﺗﻪﺟﺮﯨﺒﯩﺴﻰ ﻣﻮﻝ ﺑﯩﺮﻩﺭﺳﯩﻨﻰ ﺋﯘﺳﺘﺎﺯ ﺗﯘﺗﯘﭖ، ﻳﻮﻟﯘﻗﻘﺎﻥ ﻣﻪﺳﯩﻠﯩﻠﻪﺭﻧﻰ ﻣﯘﺯﺍﻛﯩﺮﻩ ﻗﯩﻠﯩﭗ ﺗﯘﺭﻏﺎﻥ ﻳﺎﺧﺸﻰ. ﺑﯘﻧﺪﺍﻕ ﺑﯩﺮ ﺋﻪﻣﻪﻟﯩﻴﻪﺗﺘﯩﻦ ﺋﯚﺗﻜﯜﺯﯛﺵ ﺑﻮﻟﻤﯩﺴﺎ، ﺋﯚﮔﻪﻧﮕﻪﻥ ﻧﻪﺯﻩﺭﯨﻴﯩﯟﯨﻲ ﺑﯩﻠﯩﻤﻠﻪﺭﻧﻰ ﭘﯘﺧﺘﯩﻼﺵ، ﺋﻪﺳﺘﻪ ﺳﺎﻗﻼﺵ ﺗﻪﺳﻜﻪ ﺗﻮﺧﺘﺎﻳﺪﯗ.
ﻣﯧﻨﯩﯔ ﺋﯚﮔﯩﻨﯩﺶ ﺟﻪﺭﻳﺎﻧﯩﺪﯨﻜﻰ ﺑﯩﺮ ﺗﻪﺟﺮﯨﺒﻪﻡ ﺷﯘﻛﻰ، ﺑﯩﺮﻩﺭ-ﺋﯩﻜﻜﻰ ﺳﺎﺋﻪﺗﻠﯩﻚ ﺑﯧﺮﯨﻠﯩﭗ ﺋﯚﮔﯩﻨﯩﺸﺘﯩﻦ ﻛﯧﻴﯩﻦ ﻛﺎﻟﻼ ﭼﺎﺭﭼﺎﻳﺪﯗ، ﺋﻪﮔﻪﺭ ﺳﯩﺰﻧﯩﯔ ﻳﻪﻧﯩﻼ ﺋﯚﮔﯩﻨﯩﺶ ﻧﯩﻴﯩﺘﯩﯖﯩﺰ ﺑﻮﻟﺴﺎ، ﻫﻪﻡ ﺋﺎﺭﺍﻡ ﺋﯧﻠﯩﺶ ﻫﻪﻡ ﺋﯚﮔﯩﻨﯩﺸﻨﯩﯔ ﺋﻮﺭﻧﯩﺪﺍ "ﻣﯘﺭﻩﻛﻜﻪﭖ ﻣﻪﺯﻣﯘﻥ ﺋﺎﺭﯨﺴﯩﺪﺍ ﺋﺎﺩﺩﯨﻲ ﻣﻪﺯﻣﯘﻧﻨﻰ ﻛﯚﺭﯛﭖ ﺋﺎﺭﺍﻡ ﺋﯧﻠﯩﺶ" ﺋﯘﺳﯘﻟﯩﻨﻰ ﻗﻮﻟﻼﻧﺴﯩﯖﯩﺰ ﺑﻮﻟﯩﺪﯗ. ﻳﻪﻧﻰ، ﺷﯩﺮﻛﻪﺕ ﻗﺎﻧﯘﻧﯩﺪﻩﻙ ﻣﯘﺭﻩﻛﻜﻪﭖ، ﺑﺎﺷﻨﻰ ﺋﺎﻏﺮﯨﺘﯩﺪﯨﻐﺎﻥ ﻗﺎﻧﯘﻧﻨﻰ ﻛﯚﺭﯛﯞﺍﺗﻘﺎﻧﺪﺍ ﭼﺎﺭﭼﺎﺵ ﻫﯧﺲ ﻗﯩﻠﺴﯩﯖﯩﺰ، ﺑﺎﻳﺮﺍﻕ ﻗﺎﻧﯘﻧﻰ، ﺗﻪﯞﻩﻟﯩﻚ ﻗﺎﻧﯘﻧﻰ .... ﺩﯦﮕﻪﻧﺪﻩﻙ ﺑﯩﺮ ﻗﻪﺩﻩﺭ ﺋﺎﺩﺩﯨﻲ ﻗﺎﻧﯘﻧﻼﺭﻧﻰ ﻛﯚﺭﯛﭖ، ﺋﺎﻧﺪﯨﻦ ﻳﻪﻧﻪ ﻣﯘﺭﻩﻛﻜﻪﭖ ﻣﻪﺯﻣﯘﻧﻼﺭﻧﻰ ﻛﯚﺭﮔﻪﻧﺪﻩ، ﻫﻪﻡ ﯞﺍﻗﯩﺘﻨﻰ ﺗﯧﺠﯩﮕﯩﻠﻰ ﻫﻪﻡ ﺋﺎﺭﺍﻡ ﺋﺎﻟﻐﯩﻠﻰ ﺑﻮﻟﯩﺪﯗ.
ﺋﻪﺩﻟﯩﻴﻪ ﺋﯩﻤﺘﯩﻬﺎﻧﻰ ﻣﻪﻣﻠﯩﻜﻪﺕ ﺑﻮﻳﯩﭽﻪ ﺑﯩﺮ ﺗﯘﺗﺎﺵ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ﺑﯧﻴﺠﯩﯔ ﯞﺍﻗﺘﻰ ﻗﻮﻟﻠﯩﻨﯩﻠﯩﺪﯗ، ﻳﻪﻧﻰ ﺋﯜﺭﯛﻣﭽﻰ ﯞﺍﻗﺘﻰ ﺋﻪﺗﯩﮕﻪﻥ ﺳﺎﺋﻪﺕ 6:30 ﺩﺍ ﺑﺎﺷﻠﯩﻨﯩﺪﯗ، ﭼﯜﺷﺘﯩﻦ ﻛﯧﻴﯩﻨﻜﯩﺴﻰ ﺑﯩﺰﻧﯩﯔ ﭼﯜﺷﻠﯜﻙ ﺩﻩﻡ ﺋﯧﻠﯩﺸﻘﯩﺮﺍﻕ ﺗﻮﻏﺮﺍ ﻛﯧﻠﯩﺪﯗ. 9- ﺋﺎﻳﻐﺎ ﻧﯩﺴﺒﻪﺗﻪﻥ ﺋﻪﺗﯩﮕﻪﻥ ﺳﺎﺋﻪﺕ 6:30 ﺧﯧﻠﯩﻼ ﺑﺎﻟﺪﯗﺭ. ﺷﯘﯕﺎ ﻫﺎﺭﭘﺎ ﻛﯜﻧﯩﺪﯨﻜﻰ ﺩﻩﻡ ﺋﯧﻠﯩﺶ، ﺋﯘﺧﻼﺷﻘﺎ ﺩﯨﻘﻘﻪﺕ ﻗﯩﻠﯩﺶ ﻛﯧﺮﻩﻙ. ﻣﻪﻥ ﻫﺎﺭﭘﺎ ﻛﯜﻧﻰ ﻳﻪﻧﻪ ﺑﯩﺮﻣﯘﻧﭽﻪ ﻗﺎﻧﯘﻧﻼﺭﻧﻰ ﺋﯚﮔﯩﻨﯩﭗ ﺑﻮﻻﻟﻤﯩﻐﺎﻧﻠﯩﻘﯩﻤﻨﻰ ﻫﯧﺲ ﻗﯩﻠﺪﯨﻢ، ﺋﺎﻧﺪﯨﻦ ﺑﯩﺮﻧﻪﭼﭽﻪ ﺋﺎﻳﺪﯨﻦ ﺑﯘﻳﺎﻧﻘﻰ ﺟﺎﭘﺎﻟﯩﺮﯨﻤﻨﻰ ﻫﯧﺲ ﻗﯩﻠﺪﯨﻢ، ﻣﻪﻥ ﺑﯩﻠﻪﻥ ﺑﯩﻠﻠﻪ ﺋﯚﮔﯩﻨﺶ ﻗﯩﻠﻐﺎﻥ 13- ﻗﯧﺘﯩﻢ ﺋﯩﻤﺘﯩﻬﺎﻥ ﺑﻪﺭﮔﻪﻥ ﺑﯩﺮ ﺩﻭﺳﺘﯘﻣﻨﯩﯔ ﺋﻪﻧﺴﯩﺮﻩﺷﻠﯩﺮﻯ ﻛﺎﻟﻼﻣﻐﺎ ﻛﯩﺮﯨﯟﺍﻟﺪﻯ، ﺋﺎﻧﺪﯨﻦ "ﺑﯜﮔﯜﻥ ﭼﻮﻗﯘﻡ ﺋﯘﺧﻠﯩﻴﺎﻟﯩﺸﯩﻢ ﻛﯧﺮﻩﻙ" ﺩﻩﭖ ﺋﻮﻳﻠﯩﯟﺍﻟﺪﯨﻢ، ﺷﯘﻧﯩﯔ ﺑﯩﻠﻪﻥ ﺯﺍﺩﯨﻼ ﺋﯘﺧﻠﯩﻴﺎﻟﻤﯩﺪﯨﻢ، ﺋﻪﺗﯩﺴﻰ 24 ﺳﺎﺋﻪﺕ ﺋﯘﻳﻘﯘﺳﯩﺰ ﻫﺎﻟﺪﺍ ﺋﯩﻤﺘﯩﻬﺎﻧﻐﺎ ﻗﺎﺗﻨﺎﺷﺘﯩﻢ. ﻣﺎﻧﺎ ﻣﻮﺷﯘﻧﺪﺍﻕ ﺋﯩﺸﺘﯩﻦ ﺳﺎﻗﻠﯩﻨﯩﺶ ﻛﯧﺮﻩﻙ.
ﺋﯩﻤﺘﯩﻬﺎﻧﻐﺎ ﻳﯧﺘﻪﺭﻟﯩﻚ ﯞﺍﻗﯩﺖ ﺑﯧﺮﯨﻠﯩﺪﯗ، ﺋﺎﻟﺪﯨﻨﻘﻰ ﺋﯜﭺ ﺋﯩﻤﺘﯩﻬﺎﻧﻐﺎ 3 ﺳﺎﺋﻪﺗﺘﯩﻦ، ﻛﯧﻴﯩﻨﻜﻰ ﺑﯩﺮﯨﮕﻪ 3 ﻳﯧﺮﯨﻢ ﺳﺎﺋﻪﺕ ﯞﺍﻗﯩﺖ ﺑﯧﺮﯨﻠﯩﺪﯗ. ﺑﻪﺯﻯ ﺩﻭﺳﺘﻼﺭ ﯞﺍﻗﯩﺖ ﻳﯧﺘﯩﺸﻤﯩﮕﻪﻧﻠﯩﻜﯩﻨﻰ ﺋﯧﻴﺘﺘﻰ، ﻟﯧﻜﯩﻦ ﯞﺍﻗﯩﺘﻨﻰ ﭼﯩﯔ ﺗﯘﺗﺴﺎ ﺋﯩﻜﻜﻰ-ﻗﯧﺘﯩﻤﺪﯨﻦ ﻛﯚﺭﯛﭖ، ﺋﯩﺸﻠﻪﭖ ﭼﯩﻘﻘﯩﻠﯩﻤﯘ ﺑﻮﻟﯩﺪﯗ. ﺷﯘﯕﺎ ﺋﺎﺭﺗﯘﻗﭽﻪ ﺟﯩﺪﺩﯨﻴﻠﯩﺸﯩﺸﻨﯩﯔ ﻫﺎﺟﯩﺘﻰ ﻳﻮﻕ. ﺑﯩﻠﮕﻪﻧﻠﯩﺮﯨﻨﻰ ﺩﻩﺭﻫﺎﻝ ﺗﺎﻟﻼﺵ، ﺑﯩﻠﻤﯩﮕﻪﻧﻠﯩﺮﯨﻨﻰ ﻛﯧﻴﯩﻦ ﺋﺎﻟﺪﯨﺮﯨﻤﺎﻱ ﺋﻮﻳﻠﯩﻨﯩﭗ ﻳﯧﺰﯨﺶ ﻛﯧﺮﻩﻙ. ﺋﯩﻤﺘﯩﻬﺎﻥ ﺋﺎﺧﯩﺮﻟﯩﺸﯩﭗ 2 ﻛﯜﻥ ﺋﯩﭽﯩﺪﻩ ﺋﯚﻟﭽﻪﻣﻠﯩﻚ ﺟﺎﯞﺍﺑﻰ ﺋﯧﻼﻥ ﻗﯩﻠﯩﻨﯩﺪﯗ، ﺷﯘﯕﺎ ﺗﺎﻟﻠﯩﻐﺎﻥ ﺟﺎﯞﺍﺑﻨﻰ (ﺑﻪﻟﮕﯩﻠﯩﻤﯩﮕﻪ ﺧﯩﻼﭖ ﺑﻮﻟﻤﯩﻐﺎﻥ ﺋﻪﻫﯟﺍﻝ ﺋﺎﺳﺘﯩﺪﺍ) ﻛﯚﭼﯜﺭﯛﯞﺍﻟﻐﺎﻥ ﺗﯜﺯﯛﻙ. ﺋﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ ﺳﯘﺋﺎﻝ ﻗﻪﻏﯩﺰﻯ ﺑﯩﻠﻪﻥ ﺟﺎﯞﺍﺏ ﻗﻪﻏﯩﺰﻯ ﺋﺎﻳﺮﯨﻢ-ﺋﺎﻳﺮﯨﻢ ﺑﻮﻟﻐﺎﭼﻘﺎ، ﺑﻪﺯﻯ ﮔﯘﻣﺎﻧﻠﯩﻖ ﻧﯘﻗﺘﯩﻼﺭﻧﻰ ﺳﯘﺋﺎﻝ ﻗﻪﻏﯩﺰﯨﮕﻪ ﻗﯧﺮﯨﻨﺪﺍﺵ ﺑﯩﻠﻪﻥ ﺑﻪﻟﮕﻪ ﺋﯘﺭﯗﭖ ﻛﯧﻴﯩﻦ ﺋﺎﻟﺪﯨﺮﯨﻤﺎﻱ ﺗﻪﻫﻠﯩﻞ ﻗﯩﻠﺴﺎ، ﻛﯧﻴﯩﻦ ﺋﯘ ﺑﻪﻟﮕﯩﻨﻰ ﭘﺎﻛﯩﺮ ﺋﯚﭼﯜﺭﯛﯞﻩﺗﺴﻪ ﺑﻮﻟﯩﺪﯗ. ﺋﺎﻻﻫﯩﺪﻩ ﺩﯨﻘﻘﻪﺕ ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﻳﯧﺮﻯ ﺷﯘﻛﻰ، ﺋﺎﻟﺪﯨﻨﻘﻰ ﺋﯜﭺ ﻗﻪﻏﻪﺯﻧﻰ ﻛﻮﻣﭙﻴﯘﺗﯧﺮ ﺗﻪﻛﺸﯜﺭﯨﺪﯗ، ﺋﯘﻧﯩﯖﺪﺍ ﻗﻪﻟﻪﻡ ﺑﯩﻠﻪﻥ ﻳﺎﺯﯨﺪﯨﻐﺎﻥ ﺋﯩﺴﯩﻢ-ﺋﺎﺩﺭﯦﺴﻼﺭ، ﻗﯧﺮﯨﻨﺪﺍﺵ ﺑﯩﻠﻪﻥ ﺑﻮﻳﺎﻳﺪﯨﻐﺎﻥ ﻛﺎﺗﻪﻛﭽﯩﻠﻪﺭ ﺑﻮﻟﯩﺪﯗ. ﺋﻪﮔﻪﺭ ﺑﯘﻻﺭﻧﻰ ﺧﺎﺗﺎ ﻳﺎﺯﺳﯩﯖﯩﺰ ﻳﺎﻛﻰ ﺋﺎﻟﻤﺎﺷﺘﯘﺭﯗﭖ ﺑﻮﻳﺎﭖ ﻗﻮﻳﺴﯩﯖﯩﺰ، ﺳﯩﺰﮔﻪ ﻳﻪﻧﻪ ﺑﯩﺮ ﭘﺎﺭﭼﻪ ﻗﻪﻏﻪﺯ ﺑﯧﺮﯨﻠﯩﺸﻰ ﻧﺎﺗﺎﻳﯩﻦ، ﺗﺎﻟﻼﺵ ﺳﯘﺋﺎﻟﻠﯩﺮﻯ ﺋﺎﻟﻤﺎﺵ ﺑﻮﻳﯩﻠﯩﭗ ﻗﺎﻟﺴﺎ، ﺳﯩﺰ ﺑﺎﻳﻘﯩﻤﯩﺴﯩﯖﯩﺰ، ﻧﻪﺱ ﺑﺎﺳﻘﯩﻨﻰ ﺷﯘ. ﺑﯘ ﻗﯧﺘﯩﻢ ﺑﯩﺮ ﺩﻭﺳﺘﯩﻤﯩﺰ ﻗﻪﻟﻪﻡ ﺑﯩﻠﻪﻥ ﺟﺎﯞﺍﺏ ﻳﺎﺯﯨﺪﯨﻐﺎﻥ 4- ﻗﻪﻏﻪﺯﺩﻩ 4- ﺳﯘﺋﺎﻟﻐﺎ ﺑﯧﺮﯨﻠﯩﺪﯨﻐﺎﻥ ﺟﺎﯞﺍﺑﻨﻰ 3- ﺳﯘﺋﺎﻟﻨﯩﯔ ﺟﺎﯞﺍﺑﯩﻨﻰ ﻳﺎﺯﯨﺪﯨﻐﺎﻥ ﺋﻮﺭﯗﻧﻐﺎ ﻳﯧﺰﯨﭗ ﻗﻮﻳﻐﺎﻥ. ﻛﯧﻴﯩﻦ ﺑﯩﻠﯩﺸﯩﻤﯩﺰﭼﻪ، 4- ﻗﻪﻏﻪﺯﻧﻰ ﺗﻪﻛﺸﯜﺭﯨﺪﯨﻐﺎﻥ ﭼﺎﻏﺪﺍ ﺳﯘﺋﺎﻟﻼﺭ ﺑﻮﻳﯩﭽﻪ ﺋﺎﺟﺮﯨﺘﯩﭗ، ﻫﻪﺭ ﺑﯩﺮ ﺳﯘﺋﺎﻟﻨﻰ ﺋﺎﻳﺮﯨﻢ ﺗﻪﻛﺸﯜﺭﯨﺪﯨﻜﻪﻥ، ﺩﯦﻤﻪﻙ، 3- ﺳﯘﺋﺎﻟﻨﻰ ﺗﻪﻛﺸﯜﺭﮔﯜﭼﻰ ﺋﯘ ﻳﻪﺭﮔﻪ ﻳﯧﺰﯨﻠﻐﺎﻥ 4- ﺳﯘﺋﺎﻟﻨﯩﯔ ﺟﺎﯞﺍﺑﻰ ﺑﯩﻠﻪﻥ ﻛﺎﺭﻯ ﺑﻮﻟﻤﺎﻳﺪﯨﻜﻪﻥ، ﺑﯘﻧﺪﺍﻕ ﺑﻮﻟﻐﺎﻧﺪﺍ ﺋﯘ ﺟﺎﯞﺍﺑﺘﯩﻦ ﭘﻪﻗﻪﺗﻼ ﻧﻮﻣﯘﺭ ﺋﺎﻟﻐﯩﻠﻰ ﺑﻮﻟﻤﺎﻳﺪﯗ، ﺩﯦﮕﻪﻥ ﮔﻪﭖ.
ﺋﺎﻻﻫﯩﺪﻩ ﺗﻪﻛﯩﺘﻠﻪﺷﻜﻪ ﺗﯧﮕﯩﺸﻠﯩﻚ ﻳﻪﻧﻪ ﺑﯩﺮ ﻧﯘﻗﺘﺎ ﺷﯘﻛﻰ، ﺋﻪﺩﻟﯩﻴﻪ ﺋﯩﻤﺘﯩﻬﺎﻧﯩﺪﺍ ﻛﯚﭼﯜﺭﮔﯩﻠﻰ ﺑﻮﻟﻤﺎﻳﺪﯗ، ﺗﯜﺯﯛﻣﻨﯩﯔ ﺑﻪﻙ ﭼﯩﯔ ﺑﻮﻟﻐﺎﻧﻠﯩﻘﯩﺪﯨﻦ ﺑﺎﺷﻘﺎ، ﻛﯚﭼﯜﺭﯛﺷﻜﻪ ﯞﺍﻗﯩﺘﻤﯘ، ﺋﯩﻤﻜﺎﻧﯩﻴﻪﺗﻤﯘ ﺑﻮﻟﻤﺎﻳﺪﯗ، ﺷﯘﻧﺪﺍﻗﻼ "ﺋﺎﺭﻗﺎ ﺋﯩﺸﯩﻚ" ﻣﯘ ﺋﺎﻗﻤﺎﻳﺪﯗ. ﺷﯘﯕﺎ ﺋﯩﺸﻨﯩﯔ ﺑﯧﺸﯩﺪﯨﻼ ﺗﯜﺭﻟﯜﻙ ﺧﺎﻡ ﺧﯩﻴﺎﻟﻼﺭﺩﯨﻦ ﺧﺎﻟﯩﻲ ﺑﻮﻟﻐﺎﻥ ﺗﯜﺯﯛﻙ.
ﺗﯜﺭﻟﯜﻙ ﺳﻪﯞﻩﺑﻠﻪﺭ ﺗﯜﭘﻪﻳﻠﯩﺪﯨﻦ ﺑﯘ ﺗﻪﺳﯩﺮﺍﺕ ﺋﻪﺗﺮﺍﭘﻠﯩﻖ ﺑﻮﻟﻤﺎﻱ ﻗﺎﻟﺪﻯ، ﻛﻮﻧﻜﯩﺮﺕ ﻣﻪﺳﯩﻠﯩﻠﻪﺭ ﺑﻮﻟﺴﺎ ﻛﯜﭼﯜﻣﻨﯩﯔ ﻳﯧﺘﯩﺸﯩﭽﻪ ﺟﺎﯞﺍﺏ ﺑﯧﺮﯨﺸﻨﻰ ﺧﺎﻻﻳﻤﻪﻥ. ﻣﻪﻥ ﺑﯘ ﺗﯧﻤﯩﻨﯩﯔ ﺋﺎﺳﺘﯩﻐﺎ ﭼﯜﺷﻜﻪﻥ ﺳﯘﺋﺎﻟﻼﺭﻏﺎ ﯞﺍﻗﺘﻰ-ﯞﺍﻗﺘﯩﺪﺍ ﺟﺎﯞﺍﺏ ﺑﯧﺮﻩﻟﻤﻪﺳﻠﯩﻜﯩﻢ ﻣﯘﻣﻜﯩﻦ، ﺷﯘﯕﺎ ﺋﯧﻨﯩﻘﺴﯩﺰ ﻧﯘﻗﺘﯩﻼﺭ ﺑﻮﻟﺴﺎ ﻳﺎﻛﻰ ﻳﺎﺭﺩﯨﻤﯩﻢ ﻻﺯﯨﻢ ﺑﻮﻟﺴﺎ ﺗﯚﯞﻩﻧﺪﯨﻜﻰ ﺧﻪﺕ ﺳﺎﻧﺪﯗﻗﯩﻐﺎ ﻳﺎﻛﻰ QQ ﻏﺎ ﻳﻮﻟﻠﯩﺴﯩﯖﯩﺰ ﺑﻮﻟﯩﺪﯗ:

81095241@QQ.com
QQ: 81095241
(ئېلخەت ئادرېسى تەتۈر چىقىۋالدى، ئوڭشىيالمىدىم، ئەسلىدە  @81095241تىن كېيىنQQ.com كېلىشى كېرەك ئىدى)

ﺋﻮﻣﯘﻣﻪﻥ ﺑﯩﺮﻧﻪﭼﭽﻪ ﻗﯘﺭﺩﯨﻦ ﺋﯧﺸﯩﭗ ﻛﻪﺗﻜﻪﻥ ﻻﺗﯩﻦ ﺋﯘﻳﻐﯘﺭ ﻳﯧﺰﯨﻘﯩﺪﯨﻜﻰ ﺧﻪﺗﻠﻪﺭﻧﻰ ﺗﻪﭘﺴﯩﻠﯩﻲ ﺋﻮﻗﯘﭖ ﭼﯩﻘﺎﻟﻤﺎﻳﻤﻪﻥ، ﺷﯘﯕﺎ ﺋﯘﺯﯗﻧﺮﺍﻕ ﺧﻪﺗﻠﻪﺭﻧﻰ ﻛﻮﻧﺎ ﻳﯧﺰﯨﻖ (Unicode) ﺗﺎ ﻳﯧﺰﯨﭗ، Word ﻗﻮﺷﯘﻣﭽﻪ ﻫﯚﺟﺠﯩﺘﻰ ﺷﻪﻛﻠﯩﺪﻩ ﻳﻮﻟﻠﯩﻐﺎﻳﺴﯩﺰ.  ﺋﻪﮔﻪﺭ ﺋﯘﻳﻐﯘﺭﭼﻪ ﻳﯧﺰﯨﻖ ﻛﯩﺮﮔﯜﺯﯛﺵ ﻳﯘﻣﺸﺎﻕ ﺩﯦﺘﺎﻟﻰ ﺑﻮﻟﻤﯩﺴﺎ، ﺗﯚﯞﻩﻧﺪﯨﻜﻰ ﺋﺎﺩﺭﯦﺴﺘﯩﻦ ﻳﺎﺭﺩﻩﻣﮕﻪ ﺋﯧﺮﯨﺸﻪﻟﻪﻳﺴﯩﺰ.
http://www.anatilim.com/soft
ﺋﯩﻤﺘﯩﻬﺎﻥ ﺑﻪﺭﮔﯜﭼﯩﻠﻪﺭﻧﯩﯔ ﻳﺎﺧﺸﻰ ﻧﻪﺗﯩﺠﯩﮕﻪ ﺋﯧﺮﯨﺸﯩﺸﯩﮕﻪ ﺗﯩﻠﻪﻛﺪﺍﺷﻤﻪﻥ!

رەخمەت سىزگە  مەنمۇ ئىمتىھان بېرىشنى ئويلىشىۋاتقان ئىدىم  ،تەسىراتلىرىڭىز  ماڭا خېلىلا ئەزقاتتى....
  ھارمىغايسىز````````````!!!!!!!!!!!!!!!!!!!!!!!!!!!!

                                                                                                                                                                                                                                                                  ياخشى يىزىپسىز ~~~~ياردەم~~~~ تۇلۇق_ئوتتۇرنى پۈتتۈرگەنلەرنىڭ بۇ ئىمتھىانغا قاتنىشىش سالاھىتى بارمىدۇ؟؟؟؟؟؟؟؟    شۇنى بىلمەكچىدىم  ،،،

ماقالىنى ناھايتى ياخشى يېزىپسىز ،ھارمىغايسىز ،مەن ئالدىنقى يىلى بۇ ئىمتاھاندىن ئۆتكەن ، تەسىراتىڭىز مىنىڭچە باشقا  ئىمتاھان بەرگۈچىلەرگە چۇقۇم ئەس قاتىدۇ ،

بۇ ئىمتاھاننىڭ قىيىنلىق دەرىجىسى ماڭا مەلۇم ، سىزنىڭ ئىمتاھان مەيدانىدىكى تەپەككۇرىڭىز  بۇلىدىكەن ، بۇ ھەر بىر ئىمتاھان بەرگۈچىلەرگە چۇقۇم ئەس قاتىدۇ ،مۇشۇ ھەقتە سىز داۋاملىق توختۇلۇپ تۇرسىڭىز ، جەمىيەتتتىكى ئىشسىسزلار ئىمتاھاندىن ئۆتۈپ قالسا ئەجەپ ئەمەس.   

يۈسۇپ ئېلى ياسىن ، سىز ئالاقىلىشىش تېلغۇن نومېرنڭىزنى ئېيتىپ بىرەلەمسىز ؟ دىمەكچى بولغىنىم مەن تەپتىش سېپىدە ئىشلەيمەن ، 2006-يىلى ئەدلىيە ئىمتاھاندىن ئۆتكەن ، شۇڭا ئۆزئارا پىكىر ئالماشتۇرشۇپ باقساقمىكىن دىگەن ، سىزچە قانداق؟؟؟

راسىت دەيسىز !

kaxla:
تولۇق ئوتتۇرىنى پۈتتۈرگەنلەرنىڭ قاتنىشىش سالاھىيىتى بولمايدۇ، لېكىن ئالىي مەكتەپنى تاماملاشقا ئاز قالغاندا قاتنىشىش ئىمكانىيىتى بولىدۇ. ئوقۇش تارىخى شەرتى ھەققىدە مەن يازمامدا تەپسىلىي توختالغان، ئەستايىدىل ئوقۇڭ.
Toghrak731:
سىزگە كۆپ رەھمەت. تور دۇنياسىدا سالام دۇنيا (helloworld) ئىسىملىك بىرەيلەن بار، لېكىن ئۇ مەن ئەمەس، مېنىڭ بۇ ئىسمىم - سالام ھايات.
darmani:
كۆپ رەھمەت! پىكرىڭىزگە قوشۇلىمەن، مەن تېلېفون نومۇرۇمنى مۇنبەردىكى ئىسمىڭىزغا ئۇچۇر قىلىپ يوللىدىم.

مەنمۇ 2007-يىلى ئەدلىيە ئىنتىھامىغا قاتناشقان ئىدىم،لىكىن نەتىجەم ئىنتايىن تۆۋەن.شۇنداقتىمۇ مەن ئۇمۇتسىزلەنمىدىم،چۇنكى ئۇ چاغدا دوسلىرىم چۇقۇم ئۇتەلمەيسىز دىگەچكە ماتىرىيال كۆرمەيلا تەلىيىمنى سىناپ بىقىش مەقسىتىدە قاتنىشىپ باققان.بۇ يىلمۇ چۇقۇم قاتنىشىمەن.سىزنىڭ بىر ئۇقۇتقۇچى تۇرۇپ ئەدلىيە ئىنتىھامىدىن بۇنچە كۆپ نۇمۇر ئالغىنىڭىزدىن بەكمۇ تەسىرلەندىم ،چۇقۇم تىرىىشپ بۇ ئىنتىھامدىن ئۆتكىچە بىرىمەن.رەخمەت سىزگە.

ئەجرىڭىزگە، مىننەتسىز مېھنىتىڭىزگە رەھمەت..مەن  قاراڭغۇدىن يورۇققا چىققاندەك بولدۇم.. ئاللا خالىسا 2008- يىللىق ئەدىلىيە ئىمتىھانىغا چوقۇم قاتنىشىمەن..ھە راسىت ، بۇ يەردە   قانۇن كەسىپ بويىچە ئۆزلىگىدىن ئۆگىنىپ تولۇق كۇرۇسنىڭ ئوقۇش پۈتتۈرۈش گۇۋاھنامىسى بولسا بولامدۇ؟ ئەسكەرتىلمەپتىغۇ؟ مەخسۇس كۇرىس دېپلۇمى باشقا كەسىپنىڭ بولۇپ، تولۇق كۇرىسنى قانۇن پەنلىرى بويىچە ئۆزلىگىدىن ئۆگەنگەنلەر بولارمۇ؟

دۆلەت ئېتىراپ قىلسىلا بولىدۇ. سىزنىڭ بۇ سۇئالىڭىزنى توردىن ئىزدىسەم «بولىدۇ» دېگەن جاۋاب چىقتى. تەپسىلاتى مۇنداق:
司法考试报名条件：
（1）具有中华人民共和国国籍；
（2）年满二十三岁；
（3）拥护中华人民共和国宪法；
（4）有良好的政治、业务素质和良好的品行；
（5）身体健康；
（6）高等院校法律专业本科毕业或者高等院校非法律专业本科毕业具有法律专业知识，从事法律工作满二年，其中担任省、自治区、直辖市人民检察院、最高人民检察院检察官，应当从事法律工作满三年；获得法律专业硕士学位、博士学位或者非法律专业硕士学位、博士学位具有法律专业知识，从事法律工作满一年，其中担任省、自治区、直辖市人民检察院、最高人民检察院检察官，应当从事法律工作满二年。
相关司法考试放宽地区名单：http://www.zzdzx.com

ﺋﯩﻤﺘﯩﻬﺎﻥ ﺑﻪﺭﮔﯜﭼﯩﻠﻪﺭﻧﯩﯔ ﻳﺎﺧﺸﻰ ﻧﻪﺗﯩﺠﯩﮕﻪ ﺋﯧﺮﯨﺸﯩﺸﯩﮕﻪ ﺗﯩﻠﻪﻛﺪﺍﺷﻤﻪﻥ!

پايدىلىنىش قىممىتى يۇقىرىكەن، رەخمەت.

[quote]بۇ مەزمون 11 - قەۋەتتىكى HelloLife نىڭ 2008-01-16 11:40 دە يوللىغان يازمىسى“”:


سىزگە كۆپ رەھمەت. تور دۇنياسىدا سالام دۇنيا (helloworld) ئىسىملىك بىرەيلەن بار، لېكىن ئۇ مەن ئەمەس، مېنىڭ بۇ ئىسمىم - سالام ھايات.
----------------------------------------------------

ئاپلا سالام ھايات ئەپەندى ئەپۇ قىلىڭ، مەنمۇسىزنى دەمەكچى ئىدىم يەنى سالام ھايات دەپ يازدىم دەپ سالام دۇنيا دەپ يىزىپ ساپتېمەن، ئىككىڭلارنىڭ ئسمى ئوخشۇشۇپ قالغاچقىمۇ ئالماشتۇرۇپ قويۇپتېمەن ، سالام دۇنيانىمۇ بۇ مەۋھۇم تور دۇنياسىدا كۆرمىگىلىمۇ ئۇزاق بولغان، يىقىننىڭىزى ئىزدىنىشقا كىرىپ تۇرۋاتىدۇ ھەم ئانچە مۇنچە بىرنەرسىلەرنى يىزىپ تۇرۋاتىدۇ .
ئەمما سىزنى بۇ مەۋھۇم تور دۇنياسىدا ئۈچراتمىغىلى ئۇزاق بولغاچقىمۇ ئاخشام مۇنبەردە يازمىڭىزنى كۆرۈپ، خۇشاللىقىمدىن ھاياتنى دۇنياغا ئالماشتۇرۇپ قويۇپتېمەن
ئىنكاس يازمىغا مۇناسىۋەتسىز بوپقالدى باشقىلار رەنجىمىگەي .

بالام قاتناشسا بولغۇدەك. ياخشى تىما يوللاپسىز . رەىمەت !

دىيارىمغا HelloLife تەك باشقۇرغۇچىلار كېرەك ئەسلىدە . ئىجادىيەت مۇنبىرى ، ئىزدىنىش ۋە ئانا تىلىم مۇنبىرىدە مەن ئەڭ ئاۋۋال كۆرىدىغىنى سالام ھاياتنىڭ تۇرمۇشقا يېقىن ، ئەمىليەتچانلىقى ۋە پايدىلىنىش قىممىتى يۇقۇرى بولغان يازمىلىرى . << چەتئەل كۆرگەن ئۇيغۇرلار >>  ناملىق يازمىسى ئارقىلىق  بۇ ئىسىمغا  (HelloLife ) باشقىچە ھۆرمىتىم ئاشقان ئىدى .  بۇ يەردە مەن  بىرەرىنى ماختاپ ئۇچۇرۇشنى مەقسەت قىلمىدىم ~ مەقسەت قىلغىنىم : HelloLife نىڭ دىيارىم مۇنبىرىگە باشقۇرغۇچى قىلىنغىنى بولدى . دىيارىم  مۇنبىرى مۇشۇنداق باشقۇرغۇچىلارغا مۇھتاج !
HelloLife قا ~ يىراقلاردىن سالام !

ياخشى،ياخشى        

رەھمەت..، مەن ئەمدى خاتىرجەم بولسام بولغىدەك..... 2007- يىلىلىق ئىمتىھانغا قانداق يول ئارقىىق تىزىملىتىشنى بىلەلمەي، ھەم كۆرگەن ماتېرياللىرىم بەكلا يۈزەكى بولغاچقا ئىشەنىچ قىلالماي قاتنىشالمىغان ئىدىم، ئەسلى 2007- يىلى يېشىممۇ توشمايدىكەنتۇق.. ..مانا ئەمدى يېشىممۇ، ئوقۇش تارىخىممۇئىشقىلىپ( ئىرادەمدىن باشقا) ھەممە شەرتىم توشىدىغان بوپتۇ...
سىزدىن باشقا ئىشلاردا يەنە داۋاملىق ياردەم سورىسام بولامدۇ؟سالام ھايات؟

يولداش يۈسۈپئىلى ياسىن
مۇبارەك بولسۇن . تىماڭلار دىيارىم مۇنبىردە ياخشى ''ئىنكاس'' ۋە '' باھا'' غا ئىرىشىپتۇ .
بۇندىن كىيىنمۇ دىيارىم تورىنى قوللاپ ياخشى تىماڭلارنى ''يوللاپ '' تۇرۇڭلار  بولامدۇ ؟
ئىجادىيەت مۇنبىرنىڭ '' سىرلىرىم ''سەھىپىسىگە مەن ئەسەر ئەۋەتەي .

بەك تەپسىلى توختىلىپسىز .万国نىڭ كىتاۋىنى مەنمۇ بىر يۈرۈش سېتىۋالدىم،  ھەقىقەتەن تەرجىمىسىدە خاتالىق كۆپكەن.  بۇ يىل ئىنتاھانىغا قاتنىشىمەن .

بۇ تېمىنى ياخشى يوللاپسىز. سىزگە رەھمەت. مەنمۇ ئۆز تەسىراتلىرىمنى دەپ باقاي.
يەڭگەم 2005-يىلى ئەدلىيە ئېمتىھانىدىن 365نومۇر بىلەن ئۆتۈپ [ئا] كىنىشكا ئالغان ئىدى. مەن ئالىي مەكتەپتە يەڭگەمگە ئوخشاش سىياسى مائارىپ كەسپىدە ئوقىغان، ئوقۇش پۈتتۈرۈپ خىزمەت ئىزدەپ باقتىم، ئاخىر يەڭگەمنىڭ قىزىقتۇرۇشى بىلەن 2007-يىلى 5-ئاينىڭ 1-دىن باشلاپ ئۇنىڭ ماتېرىياللىرىنى پۈتۈنلەي ئېلىپ تەييارلىقنى باشلىدىم. يەڭگەم پۈتۈنلەي خەنزۇ تىلى بويىچە ئۆگەنگەن، شۇڭا مەنمۇ ئۇنىڭ ماتېرىياللىرى ۋە بىر دانە ئۇيغۇرچە-خەنزۇچە قانۇن لوغىتى بىلەنلا ئۆگىنىش قىلدىم. ۋەنگونىڭ كىتابلىرىنى مېنىڭچە ئەدلىيە ئېمتىھانى بەرمەيدىغانلارمۇ بىر كۆرۈپ قويسا دەيمەن، چۈنكى ئۇ كىتابلاردىن ھەقىقەتەنمۇ باشقىچە بىر تەپەككۈر ئۇسۇلىنى ھېس قىلغىلى بولىدۇ. يەڭگەمنىڭ ئېيتىشىچە ئۇيغۇرچە كىتابلار بەكلا ئارقىدا قالغانىكەن، تەرجىمىسىمۇ ياخشى ئەمەسكەن.
شۇنداق قىلىپ 4 ئاي ئۆلگىدەك كۆردۈم، لېكىن پەقەتلا جىنايى ئىشلار قانۇنىدىن 40 لىكسىيە، بىلەن ھەق تەلەپ قانۇنىدىن 69لىكسىيەنى تەپسىلى كۆرۈشكە ئاران ئۈلگۈردۈم. قالغانلىرىنى بىر قېتىم كۆز يۈگۈرتۈپ ئېمتىھانغا كىرىپلا كەتتىم، دەرۋەقە ئۆگەنگىنىمنىڭ ئۈنۈمى بوپتۇ، كىتابتا كۆرگەنلىرىمنىڭ بەزىلىرى ئەينەن چىققىنىغا ھەيران قالدىم، جىنايى ئىشلار قىسمىدىن ئەڭ كۆپ نومۇر ئاپتىمەن.جەمئىي  250 نومۇر ئاپتىمەن. بىراق ئۈمىدسىزلەنمىدىم، چۈنكى مەن پەقەتلا شۇ نۇمۇرغا لايىقلا ئۆگىنەلىگەن. ئۇ ئىمتىھاننى بىر قېتىملا بېرىپ ئۆتۈپ كېتەلەيمەن دەپ كېسىپ ئېيتقىلىمۇ بولمايدۇ.ئۇ ھەقىقى بىلىم ۋە ئىقتىدار تەلەپ قىلىدىغان ئىمتىھان ، سىزنىڭ ئۆگىنىش ئۇسۇلىڭىزغا قاراپ ھەقىقەتەن مەنمۇ توغرا ئۇسۇل قوللىنىپتىمەن دەپ ئويلىدىم، بۇ قېتىم چوقۇم تېخىمۇ تەپسىلى كۆرۈشكە تىرىشىمەن.
غەيرەت قىلايلى، سەۋەب قىلساڭ سېۋەتتە سۇ توختايدۇ!

مەن سىزنى تەبرىكلەپ قويۇشنى ئۇنتۇپتىمەن. سىزگە مۇبارەك بولسۇن! خۇدا بۇيرىسا داڭلىق ئادۋوكات بولۇپ يېتىشىپ چىققايسىز!
بىز ئالدى بىلەن مۇشۇنداق [جۇڭگو بويىچە بىرىنچى ئىمتىھان] غا ئوخشاش قىيىنلىق دەرىجىسى يۇقىرى بولغان ئىمتىھان ۋە كەسپلەرگە يۈرۈش قىلىشىمىز، ئۆزىمىزنى ياخشى قوراللاندۇرىشىمىز لازىم.
ھەرگىزمۇ ئۆگەنمەي، ئىزدەنمەي تۇرۇپ باشقىلاردىن ئاغرىنماسلىقىمىز كېرەك.

توغرا~ھەققەت شۇكى <تىرشساڭ نەتىجە چوقۇم بار>بۇنى ھەر كىمنىڭ ھاياتى تالاي قېتىم ئىسپاتلايدۇ~

مەن قانۇن كەسپىنى سۆيۈپ تاللاپ بىراق يېتەرلىك بەدەل تۆلىمگەچكە بىرىنچى قېتىمدىلا ئۆتەلمىدىم~

گەرچە مەن ياخشى ئوقۇمىغان شۇڭا يېڭلگۈچى بولساممۇ ھاياتلىقنىڭ ئىجتىھات يولىدىكى نەتىجىنڭ تىرشقانلارغا

(يەڭگۈچىلەر) مەنسۇپ بولدىغان قانۇنيتىدىن  بەك خۇرسەن بولىمەن~

ئۇيغۇردا قانچە داڭلىق ئادۇۋكات بار دەيمىز~!؟

خۇدايىم  تىرشىپ ياشايدىغان تالانتىنى قورۇقماي ئاشۇرالايدىغان يېرىم يولدا مەندەك ھېرىپ قالمايدىغان ئاشۇ

قېرىنداشلىرىمزنىڭ ئۆمۈرنى ئىنسابىنى تىلەيمەن~!!!!!

مەنمۇ بۇ يىل بۇ ئمتاھاننى بىرىشنى ئۇيلاشقان ئىدىم ،يازمىلىرىڭىز ھەقىقەتەن ماڭا ئلىھام بۇلدى رەخمەت سىزگە !

دوستمىز يۇسۈپئەلىنىڭ ئەدلىيە ئىنتىھانىغا تەييارلىق قىلىش ھەققىدىكى پىكىر-مەسلىھەتلىرىگە قوشۇلىمەن،بۇ ئىنتىھانغا ھەقىقەتەن توغرا بىر ئۈگۈنۈش ئۇسۇلى بولمىسا بولمايدۇ،مەنمۇ 2007-يىللىق ئەدلىيە ئىنتىھانىغا قاتنىشىپ گەرچە 400نۇمۇر ئېلىش ئارزۇيۇمغا يىتەلمىگەن بولساممۇ 370نۇمۇر بىلەن« ئا »كىنىشكەئېلىشقا ئىلتىماس قىلدىم،مىنىڭ تەجىربەممۇ يۈسۇپئەلىنىڭكىگە ئاساسەن ئوخشىشىپ كىتىدۇ .بېيجىڭ 万国نىڭ يۇرۇشلۈك لىكسىيە كىتابى ئەدلىيە ئىنتاھانىغا تەييارلىق قىلىشتىكى ھەقىقى ياخشى ماتىرىيال،ياخشى ياردەمچى.مىنىڭ تەجىربەم
يۇكسەك غايە+ئوتلۇق قىزىقىش+ئۈگىنىشتىكى چىدامچانلىق(ئىزچىللىق)+توغرا ئۈگىنىش ئۇسۇلى=ئەدلىيە ئىنتاھانىدىن ئۆتۈش.
تېلېفون نومۇرۇم 0991-2094994