دىن كىشەن ئەمەس(كۆك ھىلال)

بىكتەر

	مىژگان يوللىغان ۋاقتى  2013-3-4 12:20 AM ئىدراكلىق تەپەككۇرىڭىزنى ياقتۇردۇم ھەمدە يازمىدا ئو ... ئەگەشتىم

jiuxing

	مۇلاھىزىڭىز كىشىنى تولىمۇ قايىل قىلىدىكەن ھەمدە چوڭقۇر ئويلىنىشقا سالىدىكەن..... ئىنتايىن توغرا تەھلىل يۈرگۈزۈپسىز.... ماۋۇ بىزنىڭ بىر قىسىم ئادەملىرىمىز نەزىر بىرىشنى بىدئەتكە چىقىرىپ بۇنىمۇ يوقۇتۇشقا ئورىنىۋاتقان ئىدى تەھلىل يۈرگۈزسەم نەزىرگە ئاساسەن پولو ئېتىلگەچكە كۆپىنچە ئاخۇنۇملار زىيادە سەمرىپ كېتىش،  قان بېسىم كېسىلى تۈپەيلىدىن ئۇلار   پولونى يىيەلمەي باشقىلارنىڭ يىيىشىگە چىدىماي چىقارغان پەتىۋاسىكەن.....

abdurrahman

	ئەلۋەتتە، مۇنبەردە ھەر كىمنىڭ ئۆز پىكرىنى سۆزلەش ھوقۇقى بولىدۇ. ئەمما ئويلاپ باقايلى، بىر مۇسۇلمان بولۇش سۈپىتى بىلەن تىمىغا يېزىلغانلىرىغا ئىنساپ بىلەن قاراپ باقايلى. مەن قانداقتۇر بىر قارىلىغۇچى ئادۇكات ئەمەس، .ئەمما بەزى جايلار ھەقىقەتەن تىما يازغۇچى قېرىندىشىمىزنىڭ ئوي-پىكرىدىكى بىر تەرەپلىمىلىكنى ئاشكارىلاپ قويغان. بۇ بىر تەرەپلىمىلىكلەر كالامۇللاھ( ئاللاھنىڭ سۆز) بولغان قۇرئانغا ئائىت بولغانلىقى ئۈچۈن، قېرىنداشلىرىمنىڭ قۇرئانغا تۇتقان بۇ پوزىتسىيىسى ئەھلى مۇسۇلمان كىشىگە يات بولغانلىقى ئۈچۈن، پېقىرمۇ ئىككى ئېغىز سۆز قىلىشنى راۋا كۆردۈم. بۇ تىمىدا قۇرئاننى ئوقۇش-يادىلاش ۋە قۇرئاننى چۈشىنىشتىن ئىبارەت ئىككى خىل ئىلىمنىڭ بىرسى چۈشۈرۈلۈپ يەنە بىرسى يۇقىرى ئورۇنغا قويۇلغان. ئەمىلىيەتتە بۇ ئىككى خىل ئىلىم ئوخشاش بولمىغان ئىككى خىل رولغا ۋە ھىكمەتكە ئىگە بولۇپ ئۇلارنى سېلىشتۇرۇش خۇددى ئوخشاش بولمىغان ئىككى خىل نەرسىنى سېلىشتۇرۇپ قويغانغا ئوخشايدۇ.مەسىلەن: شوتا بىلەن ئورۇندۇق ياكى پىچاق بىلەن قوشۇق دىگەندەك. ئاپتۇر تىمىسىدا ئاساسلىق ئىككىنجى خىل ئىلىمنىڭ رولىنى بايان قىلغان. بۇ ئۇنىڭ قۇرئاننى چۈشىنىش دىگەن بۇ ئىلىمنى ناھايىتى ياخشى چۈشەنگەنلىكىدىن دىرەك بىرىدۇ. ئەمما بۇنىڭلىق بىلەن بىرىنجى خىل ئىلىم يەنى قۇرئاننى يادىلاشنى قانداقتۇر قارىسىغا يادىلاش دەپ نامۇۋاپىق سۆزلەر بىلەن سۈپەتلىشى ئۇنىڭ بۇ خىل ئىلىمنىڭ ئەھمىيىتىنى ۋە ئۇنىڭ ئىچىدىكى ھىكمەتنى چۈشەنمىگەنلىكىدىن دىرەك بىرىدۇ. قۇرئان سۆزىنىڭ سۆز تومۇرى سۈرە ئەلەقنىڭ 1-ئايىتىدىكى «ئىقرائ»(ئەرەبچە ئاھاڭ تەرجىمىسى) بولۇپ، «ئىقرائ» نىڭ مەنىسى يادىلاش بولغاچقا، «قۇرئان» دىگەن سۆزنى ئۇيغۇرچىغا تەرجىمە قىلغاندىكى تەخمىنى مەنىسى «يادىلاق» بولىدۇ. قۇرئاننى يادىلاشتىن مەقسەت شۇكى، ئاللاھ بۇ ئارقىلىق قۇرئاننى ئۆزگەرتىلىپ كىتىشتىن ساقلايدۇ. يەنى ئىسلام دىن دۈشمەنلىرى، قۇرئان يېزىلغان ۋاراقلارنى كۆيدۈرۈپ ياكى ئۆزگەرتىپ كىتىشلىرى مۇمكىن، ئەمما ئەگەر سىز قۇرئاننى يادىلىغان بولسىڭىز، ئۇلارنىڭ قىلغانلىرى يەنىلا نۆلگە تەڭ بولىدۇ. مۇنبەردە بەزىلەر ئىنجىل(ئۆزگەرتىلپ كەتكىنى) ۋە ياكى باشقا كىتابلارنىڭ ھاياتى كۈچى توغۇرلۇق توختىلىپتۇ. ئويلاپ باقايلى مەسىلەن: بارلىق مۇسۇلمان بىلەن بارلىق ناسارالار بىر يەرگە يىغىلىپ ئۆز كىتابلىرىنى سۇغا تاشلاشقا كىلىشسۇن. ناسارالار تا بۈگۈنگىچە ھەتتا ئىنجىلنىڭ كۆپلىكى ۋە مەزمۇنلىرىنىڭ ئوخشىماسلىقى تۈپەيلى ئىنجىلنىڭ ئېنىقلىمىسىنىمۇ بىرەلمەيدىغانلىقى ئۈچۈن سۇغا تاشلىغاندىن كىيىن قايتا بىر يەرگە كىلەلىشى مۇمكىن ئەمەس. ئەمما مۇسۇلمانلارغا كەلسەك، خالىغان دۆلەتتىن 10 نەپەر قۇرئاننى يادىلىغان  ۋە بىر-بىرىنى تونۇمىغان كىشىنى چاقىرىپ قۇرئاننى يادىلاتقىنىمىزدا ئۇ قىسقىغىنە ۋاقىت ئىچىدە ئېقى قەغەز قارىسى سىياھ ھالەتتە قايتىدىن كۆز ئالدىمىزدا پەيدا بولىدۇ. مانا بۇ قۇرئاننى يادىلاشنىڭ پەزىلىتى ۋە ئۇنىڭدىكى ھىكمەت.

abdurrahman

	ئەلۋەتتە، تارىخى جەھەتتىن تەھلىل قىلغاندا خەلقىمىز ئىچىدە قۇرئاننى يادىلاش ئىلمى قېپ قېلىپ، قۇرئاننى چۈشىنىش ئىلمى بەزى كىشىلەرنىڭ مەنپەئەتىگە تاقاشقانلىقتىن ئانچە ئومۇملىشىپ كىتەلمىگەن. ئاللاھ خالىسا بۇمۇ ئالدىرىماي بولۇپ قالار. لىكىن، بۇ قۇرئاننى يادىلاش ئىلمىنىڭ خاتالىقى ئەمەس، بۇ تارىخىمىزدىكى بىر قىسىم نەپسىگە ئەگەشكەن ساختا ئۆلىمالارنىڭ خاتالىقى.

abdurrahman

	jiuxing يوللىغان ۋاقتى  2013-3-4 02:14 AM مۇلاھىزىڭىز كىشىنى تولىمۇ قايىل قىلىدىكەن ھەمدە چوڭقۇ ... سىز ھېچقانداق دەلىل ئىسپاتسىز خەقنىڭ پەتىۋاسىغا بەرگەن مۇنداقلا ئويلاپ چىقارغان يەكۈنىڭىز توغرىمۇ يا خەقنىڭ دەلللىك ھالدا چىقارغا پەتىۋاسى توغرىمۇ؟ ئۇنىڭ ئۈستىگە سىزنىڭ يەكۈنىڭىزدە دىنىزاتلارغا بولغان كەمسىتىش بار. دىننى ئۆگىنىش ئۇنچىۋالا ئوڭاي بىر ئىش ئەمەس، ئالدىراپ باشقىلارغا موزا كەيدۈرمەيلى. نەزىر مەسىلىسى توغۇرلۇق موللاملارنىڭ نىمىشقا شۇنداق دىگەنلىكىنى بىلمەكچى بولسىڭىز، مۇنداقلا ئويلاپ قالايمىقان سۆزلىمەي، بېرىپ شۇ موللاملاردىن ئاساسىنى سوراڭ. كىمنىڭ توغرىلىقى شۇ ۋاقىتتا مەلۇم بولىدۇ. بۇ ھەرگىزمۇ مۇنداقلا ئويلاپ دەۋالىدىغان گەپ ئەمەس.

abdurrahman

	دىن كىشەنمۇ؟ كىشەن=بىراۋ خالىمىغان ھالدا بىراۋغا قويۇلغان چەك. دىن= بىراۋ ئۆزى خالىغانلىقتىن قوبۇل قىلغان چەك. دىن بىلەن كىشەننىڭ ئوخشاشلىقى ھەر ئىككىلىسىدە چەك بار، ئەمما دىندىكى چەك بولسا، كىشىلەر خالىغانلىقتىن قوبۇل قىلغان چەك. ئۇنداقتا دىندا نىمە ئۈچۈن چەك بولىدۇ؟ جاۋاب: دىن ئاللاھنىڭ بۇيرۇقى بولۇپ ئۇ بىزگە ناھايىتى مىھرىبان بولغانلىقتىن ۋە بىز بىلمەيدىغان نەرسىلەرنى ۋە بىزگە ئاشكارا ۋە يوشۇرۇن بولغان بارلىق زىيان پايدىنى بىلگەنلىكى ئۈچۈن، بىزگە مۇئەييەن چەكلەرنى قويۇش ئارقىلىق ئۆزىنىڭ ئەمەس بەلكى بىزنىڭ پايدىمىزنى كۆزلەيدۇ مانا شۇنىڭ ئۈچۈن دىندا چەك بولىدۇ. ئويلايلىكى، ئاللاھ قۇدرەتلىك بىر زاتتۇر، ئۇ بىزنى بىزنىڭ پايدىمىز تەرەپدارى بولغان دىنى چەكلەرگە مەجبۇرى قىلىپ قويغان بولسىمۇ بىز ئىنسانلار ھېچ قانداق زىيان تارتمايتۇق. ئەمما ئاللاھ بۇ چەكلەرنى مەجبۇرى قىلىپ قويۇلسا مانا ھازىرقىدە دىننى كىشەن دەپ ئويلىۋىلىپ ئۆزىگە ئىددىيە جەھەتتىن زۇلۇم قىلىۋىلىشىمىزنى بىلگەنلىكتىن، ئۇنى بىزنىڭ ئىختىيارىمىزغا قويغان. بۇ ئاللاھنىڭ ئادىل ۋە مىھرىبانلىقىنىڭ ئىپادىلىنىشى. ئاددىيسى بالىسىغا مىھرىبان ئانا بالىسىنى كىيىمنى كىر قىلىۋەتكەنلىكتىن ئۇرىدۇ. ئەجىبا بۇنى ئانىنىڭ بالىسىغا كۆيۈنگەنلىكى دەپ چۈشۈنۈپ نىمە ئۈچۈن ياراتقۇچى بولغان نۇقسانسىز بۈيۈك زاتقا ياخشى نىيەتتە بولمايمىز؟

saltanat

	ئاللاھ ھەممىمىزگە ھىدايەتنىڭ دەۋازىسىنى كەڭرى ئاچالىشىمىزغا نىسىپ ئەتكەي........ پىتنە ئېغۋادىن يىراق قىلغاي.........ئامىن....

sabirjan

	يازمىڭىز خېلى ئەتراپلىق يېزىلغان بولسىمۇ ئۈستۈكى قەۋەتتىكى abdurrahman ئىسىملىك توردىشىمىزنىڭ پىكىرلىرىمۇ ناھايىتى ئەتراپلىق ئىكەن. تېمىڭىزغا قارىتا تولۇقلاش بولۇپتۇ دەپ ئويلىدىم. مۇنازىرىنىڭ داۋامىغا دىققەت قىلىپ تۇراي! تور موللىلىرى سىزگە قارشى قوپقاندا ھەمدەمدە بولىمەن.

tewelgha

	abdurrahman يوللىغان ۋاقتى  2013-3-4 08:42 AM دىن كىشەنمۇ؟ كىشەن=بىراۋ خالىمىغان ھالدا بىراۋغا قويۇ ... مۇلاھىزىڭىز ھەقىقەتەن ئورۇنلۇق بولۇپتۇ. قورئاننى يادىلاشقا كەلسەك ،ئاللاھ  ئۆزى ياراتقان ئىنسانلارنىڭ ھەر خىل تىلدا سۆزلىشىدغانلىغىنىمۇ بىلىدۇ. ئەينى ۋاقىتتا (مائارىپ ۋە يېزىق تېخى ئوموملاشمىغان ) ئۇلارنى ئەرەپ تىلى ئۆگىنىشكە زورلاش نۇرغۇن مەسىلىلەرنى كەلتۇرۇپ چىقارغاچقا،قۇرئاننى  يادىلاشنى راۋا كۆرگەن بولىشىمۇ مۈمكىن .بىراق كۆك ھېلالنىڭ ئىسلام ئارقىلىق مىللەتنىڭ كەلگۈسىنى يارىتىش دېگەن ئىدىيىسىنىڭ خاتاسى يوق .ھازىر زامان بۇندىن مىڭ تۆتيۈز يىل بۇرۇنقى زامان بىلەن ئوخشىمايدۇ ،ھەر مىللەتنىڭ ئۆز تىلى -يېزىغىدا قۇرئاننى ئوقۇش چۈشۈنىش، ئىمكانىيىتى بار بولدى.مانا مۇشۇنداق شارائىتتىمۇ بەزى دىن تارقىتىشقا روخسەت قىلىنغان كىشىلىرىمىز (ئىماملىرىمىز ) يەنىلا ئۈلۈك ھالدا يادىلاشنى تەرغىپ قىلىۋاتىدۇ .ئەسلىدە، يادىلاش بىلەن مەنەسىنى چۈشۈنۈشنى تەڭ تەكىتلەش ۋە ئالاھ قورئانغا يېزىۋەتكەن پەلەسەپەۋى بىلىملەر  بىلەن تەبىئەتكە يېزىۋەتكەن پەلەسەپەۋى بىلىملەرنى باشقىلارغا يېشىپ چۈشەندۇش كېرەك ئىدى.دەل مۇشۇ كامچىللىق بىزنى 1000يىل نادانلىقتا قويدى ،ھەق يولغا تەشنا ئۇيغۇر بولۇش سۈپۈتۈم بىلەن ئەمدى بولسىمۇ .ياش دىننى زاتلىرىمىزنىڭ بۇ خاتالىقلارنىڭ ئورنىنى تولدۇرۇپ كېتىشىنى ئۈمۈت قىلىمىز .

noh

	tewelgha يوللىغان ۋاقتى  2013-3-4 05:05 PM مۇلاھىزىڭىز ھەقىقەتەن ئورۇنلۇق بولۇپتۇ. قورئاننى ياد ... قېرىندىشىم سىزنى ھېچ كىم قارىلىقتا ئۇقۇسۇن دىمىدى،ئۇقۇيمەن دىسىڭىزمۇ ھۇكۇمەتكام يول قويمايدۇ. قارىلىقتا ئۇقۇيدىغان كىشىلەر پەقەت ئاللاھ شۇنىڭغا نىسىپ قىلغان ناھايىتى ئاز كىشىلەرلا خالاس. سىلەر شۇنىمۇ چەكلىمەكچىمۇ؟ ئۇيغۇر تىلىدا يادلاشنى ئەمەس ئالدى بىلەن چۇشۇنۇپ ئوقۇشنى ئىگەلىۋالساڭلار شۇنىڭ ئوزى چوڭ ئىش. ناماز ئوقۇش ئۇچۇن 10 سۇرىنى ،قۇربىتىڭىز يەتسە كوپرەك يادلىۋالسىڭىز شۇ كۇپايە. سىلەرگە ئۇيغۇرنى دىندىن چىقىرىشتىن ئىبارەت ۋەزىپە يۇكلەنمىگەندۇ ھە؟ قۇرئان كەرىمنىڭ ئۇيغۇرچە تەرجىمىسىنى ئوزىنى مۇسۇلمان دەۋاتقان ئۇيغۇرلارنىڭ ئوقۇشى،چۇشىنىشى ،ئەمەل قىلىشى ياخشى ئىش ،ھەم شۇنداق قىلىشى كېرەك. ئەمىلىيەتتىمۇ شۇنداق بولىۋاتىدۇ. لىكىن سىز قانچە كۇچەڭ ئۇقىمايدىغان ئادەم يەنىلا ئۇقىمايدۇ ھەتتا ئاڭلاشنىمۇ خالىمايدۇ ،بۇنداقلارمۇ ھىلى ھەم كوپ سالماقنى ئىگەللەيدۇ. سىلەر قۇرئاننى ئۇيغۇرچە ئوقۇسا ئوقۇيدىغانلار جىق بولىشى ،ناماز ئوقۇيدىغانلارنىمۇ جىق بولىشى مۇمكىن دەپ ئويلايدىغانسىلەر ،ئۇخلاپ چۇش كورۇپسىلەر. بۇنىڭ ئاقىۋىتى ئۇيغۇرنى دىندىن چىقىرىشقا سەۋەپ بولىشتىن باشقا پايدا مەنپەت بەرمەيدۇ.مىنىڭ شەخسەن پىكىرىم ئالدى بىلەن سىلەر ئوزەڭلاردا سىناق قىلىڭلار،سىناقتىن ئوتسە بىزگە تەۋسىيە قىلىڭلار بولامدۇ؟ تولا بىزنى قايمۇقتۇرماڭلار. ئاللاھ نىڭ دىننى قوغداشقا كۇچى يېتەرلىكتۇر. سىلەر باش قاتۇرمىساڭلارمۇ بولىدۇ. سىلەر بەكمۇ نادانكەنسىلەر،شۇ قۇرئاننىڭ ئەرەپچىسىنى ئۇقۇيالايدىغانلارنىڭ ھەممىسى دىگۇدەك قۇرئاننىڭ ئۇيغۇرچە تەرجىمىسىنى ئۇقۇيدۇ. ئەرەپچىسىنى ئۇقاممايدىغان ئۇيغۇرلىرىمىز  قۇرئاننىڭ ئۇيغۇرچە تەرجىمىسىنى ئاساسەن ئۇقىمايدۇ،سىتىۋالغان تەغدىردىمۇ كىتاپ جازىسىغا تىزىپ قويىدۇ. سىلەر يوق ئىشقا باش قاتۇرماي،قولۇڭلاردىن كەلسە قۇرئاننى ئەرەپچە ئۇقۇشنى ئۇگۇنۇڭلار،ئۇنۇڭغا قۇربۇڭلار يەتمىسە تەرجىمىسىنى چۇشۇنۇپ ئوقۇڭلار ھەم ئۇنى ئوزەڭلارغا يىتەكچى قىلىڭلار.ئىشنىڭ توغرىسى شۇ. سىلەر ئويلاپ باقتىڭلارمىكىن ھازىر ھۇكىمەت بىزنىڭ قارىلىقتا ئوقۇشىمىزغا چەك قويماقتا.ئەگەر ھەممە ئىش سىلەرنىڭ دىگىنىڭلاردىكىدەك بولسا بۇنىڭ ئاقىۋىتى: 1-ھوكۇمەت ئىنىقلا ئۇيغۇر يېزىقىنى  ئۇگۇنۇشنى چەكلەيدۇ. بىز ئوخشاشلا كوزلىگەن مەقسەتكە يىتەلمەيلا قالماستىن  ئانا تىل-يېزىقىمىزنى  ئۇگۇنۇش ۋە ئىشلىتىشتىنمۇ مەھرۇم قالىمىز. 2-قۇرئان كەرىمنى ۋە نامازلارنى ئۇيغۇرچە ئوقۇش بىزنى دىندىن چىقىشقا ئېلىپ بارىدۇ.   قېرىنداشلار بىز جوڭگودا ياشاۋاتىمىز. پارتىيىمىز دىنغا ئىتىقات قىلمايدىغان ئاممىدىن تەشكىل تاپقان.سىلەردە مۇكەممەل بولغان  قۇرئان كەرىمنىڭ ئۇيغۇرچە تەرجىمىسى بارمۇ؟بار بولسىمۇ ئىزچىل ئوزگەرمەي ئوز ھالىتىدە ساقلىنىپ قېلىشىغا ھوددە قىلالامسىلەر؟ 3-ئۇزاققا قالمايلائەۋلاتلىرىمىز بىلىپ بىلمەيلا بەش ۋاق نامازلىرىدا ماركىس-ئېنگىلىس ،ماۋزېدوڭ ئەسەرلىرىنى ئايەت ئورنىدا ئوقۇشقا باشلايدۇ. تەكلىۋىم. بۇنى قوللىغۇچىلار،ئالدى بىلەن ئوزەڭلار ئەمەل قىلىڭلار،ئاندىن باشقىلارغا تەۋسىيە قىلىڭلار. ھېچ چۇشەنمىدىم  سىلەرنىڭ مەقسىتىڭلار دىننىلا ئەمەس مىللەتنىمۇ يوق قىلىشمۇ؟