دوپپا (شېئىر)

nazigul8

	دوپپا نۇر چاقناتقان سەنئەت بابىدا، ئۇيغۇرۇمنىڭ گۈل تاجى دوپپا. ئەكىس ئەتتى ئۇيغۇر قولىدا، چىن تەبىئەت ئوبرازى دوپپا. قول-ھۈنەرۋەن ئۇيغۇر سەنئىتى، چىۋەرلىكنىڭ ئىسپاتى دوپپا. تەبىئەتنى سۆيگەن ئۇيغۇرنىڭ، مەدەنىيەت مىراسى دوپپا. ئەنئەنىدۇر ئەجدات قالدۇرغان، ۋەكىل بولماس مەنسەپ ئورۇنغا. بەخش ئېتەر ئىللىق كەيپىيات، ماس كېلىدۇ بارچە سورۇنغا. زەپ يارىشار ئۇيغۇرغا دوپپا، دىنىي زاتقا، قېرى-ياشقىمۇ. يەنە جەنۇپ شىمال ئايرىماس، كىيەلەيدۇ باھار قىشتىمۇ. تېپىلمايدۇ جاھاندا ئەسلا، قېرى-ياشقا ئورتاق كەلگىنى. مۇجەسسەملەپ بارچە گۈزەللىك، سەنئەت كەبى تۇيغۇ بەرگىنى. ئۇيغۇر دوپپا ئۇيغۇر كىملىكى، ۋەكىل بولار مىللىي خاسلىققا. دوپپا-ئەتلەس ئۇيغۇرغا خاستۇر، ئۇيغۇر قىزى ئۇزۇن چاچلىققا. ئەجداتلىرىم قالدۇرغان دوپپا، ئۇيغۇرۇمنىڭ شانلىق پەخىرى. ھۈنەرۋەنلىك كەسپىدە پىشقان، ئەجدادىمىز ئەقىل جەۋھىرى. چىۋەر ھۈنەر گۈزەل دوپپىلار، چەكتى ئۇيغۇر يۈرەك تارىسى! بۇ ھاياتتا ئارمىنىم پەقەت، بولۇش ئۇيغۇر دوپپا ۋارىسى! مەنبە: بارلىق ئۇيغۇر قېرىنداشلارنىڭ دوپپا بايرىمىغا مۇبارەك بولسۇن! نازىگۈل 2013-يىل 5-ئاينىڭ 5-كۈنى

ümütqilimen

	دەل ۋاقتىدا تەييارلانغان، مەزمۇنلۇق ناھايىتى ياخشى تېما ئىكەن. بۇ تېمىغا ئەجىر سىڭدۈرۈپ تەييارلىغۇچىغا رەخمەت.     بۇ تېما بەكمۇ ياخشى، چىرايلىق تەييارلىنىپتۇ.

ap~qilam

	ياقتۇردۇم ،بولۇپمۇ ئەڭ ئاخىرقى كۇبلىت بەك ئوبرازلىق چىقىپتۇ ، ئىجادىيىتىڭىزگە ئۇتۇق تىلەيمەن.

maynur727

	مەزمۇنلۇق ناھايىتى ياخشى تېما ئىكەن. بۇ تېمىغا ئەجىر سىڭدۈرۈپ تەييارلىغۇچىغا رەخمەت.

dolanbalsi

	بۇ شېئىر بەك ياخشى يېزىىپ سىز ! بۈگۈنكى  دوپپا بايرىمى دۆلەت تەرپىدىن ئەنگە ئېلنىپ بېكتىلگەن مۇ ؟  ئەگەر بۇنىڭغا ئالاقىدار ماتىرىياللار بولسا كەڭ تورداشلارنىڭ ئېۋەتىپ بىرشنىي سورايمەن

nazigul8

	دوپپا كىيدۇق بۈگۈن بارچە، بولغاچ ئەجدات مىراسى دوپپا،    ئەنئەنىگە ۋەكىل بولغاچ،    مەدەنىيەت مىراسى دوپپا.    گۈزەللىكنى نەقىش ئەتكەن، تەبىئەتنىڭ ئوبرازى دوپپا، مىللىي كىملىك بەلگىسىدۇر، ئۇيغۇرۇمنىڭ گۈل تاجى دوپپا. ئانچە ياخشى چىقمىغان بولسىمۇ ياقتۇرۇپ كۆرگەن تورداشلارغا رەھمەت!

kakkuk11

	ئەسسالامۇ ئەلەيكۇم قېرىندىشىم دوپپىنى كۈيلىگەن شېئىرىڭىز بەك ياخشى چىقىپتۇ... قوللىرىڭىزغا دەرت كەلمىسۇن... قەلمىڭىزگە بەركەت تىلەيمەن....

kakkuk11

	مەن دوپپامنى سۆيىمەن ، يارنى سۆيگەن يۈرەكتە . زەينەپ بىلەن ئۇچارمەن ، دوپپا كېيىپ بىرلىكتە .

nazigul8

	kakkuk11 يوللىغان ۋاقتى  2013-5-6 12:27 AM مەن دوپپامنى سۆيىمەن ، يارنى سۆيگەن يۈرەكتە . زەينەپ بى ... دوپپا كېيىپ بىرلىكتە، تەبرىكلەيلى بايرامنى. غەزەللەردىن ئېيتىشىپ، بۇلبۇل كەبى سايرايلى! دوپپا ئۈچۈن ياندىشىپ توقۇقىغان قوشىقىڭىزغا رەھمەت!

XERHAN

	nazigul8 يوللىغان ۋاقتى  2013-5-5 10:57 PM دوپپا كىيدۇق بۈگۈن بارچە، بولغاچ ئەجدات مىراسى دوپپا، ... نەچچە ۋاقىت بولدى دوپپا بازىرىغا بېرىپ بىر تال دوپپا ئېلىپ بولالمىدىم ، مۇنۇ شىئىرىڭىزنى كۆرۈپ ئەتىلام بىرتال دوپپا ئېلىپ كىلىشنى ئويلىشىپ قويدۇم . بۇندىن كىيىن ھەم دائىم دوپپا كىيىپ يۈرۈشنى ئويلىدىم ، تالا - تۈزگە چىقىپ قالساممۇ يالاڭباش چىققىنىمنى ئويلىسام خۇددى بىر يەرلىرىم ئوچۇق قېلىپ  باشقىلار ئالدىدا خجالەت بولۇپ قالغاندەك ھىساىياتقا كىلىپ قالىدىغان بولۇپ قالدىم . تىمىڭىزغا رەھمەت !....