ئۇيغۇر جەمىئيىتى ئۈچۈن ئەڭ مۇھىم پەن قايسى

baywetqe

	ئۇيغۇرئۈچۈن قايسى پەن مۇھىم ئەمەس؟؟؟

kulpat

	kokboraa يوللىغان ۋاقتى  2013-6-21 05:13 PM بۇ قانداق گەپ ئەمدى؟  خۇددى ،ئادەمگە  قايسى تاماق بەك م ... توغرا دىننى ئۇنتۇپ قالدۇق..... 、ئاللاھنىڭ ئوقۇ دىگەن ئايىتىنى ئۇنتۇپ قالدۇق .... ئاللاھنىڭ زىممىننى گۈللەندۈرۈش ئۇچۇن خەلىپە قىلىپ ياراتتىم دىگىننى ئۇنتۇپ قالدۇق ... ئوقۇمۇدۇق زىمننى گۈللەندۈرۈش ئۈچۈن نىملەرنى قىلدىغىنىمزنى ئۇنتۇپ قالدۇق..... يەنە نۇرغۇن نەرسىلەرنى ئۇنتۇپ قالدۇق.....

Gvljahan

	بىزگە بارغۇ تەرەققى قىلغان ئەللەردە مۇھىم دەپ قارىلىۋاتقان پەنلەرنىڭ ھەممىسى مۇھىم  ، ھەممىدىن مۇھىم ئۆزلۈكسىز كىتاپ ئۇقۇش ، يەنە  كىتاپ ئۇقۇش ، ئەڭ ياخشى ، ئەڭ ساغلام  ، كىتاپلارنى تاللاپ ، ئىزدەپ تېپىپ ، ئۇقۇش مۇھىم ، بالىلارنى قانداق تەربىيىلەشنى ئۆگىتىدىغان پىداگۇكىلىق ئىلىملەرنى ، پىسخكىلىق ئىلىملەرنى ئۆگىتىدىغان پەنلەر لازىم  ، ھىچكىم جۇغراپىيە بىلەن گئولۇگىيەنى ئاغزىغا ئېلىپمۇ قويماپتۇ ، بۇنى ئالى مەكتەپتە ئۇقۇپلا چۈشۈپ ، يەنە يادلىغانلىرىنى مۇنبەردە سەبىلەرگە يادلاپ بەرسىلا ھىساپ ئەمەس ، ئۇنى ئىشلىتىدىغانغا كاللا كېرەك ، ۋاي بولدىلا قالغان گەپنى  كۆپچىلىكمۇ دىگەي ، مىنىڭ كەسپىم بىئولۇگىيە ،  كەسپى مەيدانىدىن قارىغاندا بىئوخېمىيە ئۇيغۇرلار تۇرمۇشىدا كام بولسا بولمايدىغان پەن ، بوتانىكىمۇ شۇنداق  ، دىيارىمىزنى دۇنيانىڭ پانىدىكى جەننىتى دىسىمۇ بولىدۇ  ، دىيارىمىزدا تېخى ئسۈشۈملۈكلەرنىڭ ھايۋاناتلارنىڭ گېن ئامبىرى قۇرۇلغىنى يوق ، تېخى گېن ئامبىرى قۇرۇشقا ئىرادە قىلىۋاتقانلار يوق ! لىكىن ئادەملىرىمىزنىڭ گېن خەرىتىسى ئاللىبۇرۇن سىزىلىپ «دىيارىمىز كىشىلىرىگە ماس كىلىدىغان ھەرخىل گىرىم بۇيۇملىرى ، داۋالاش دورىلىرى ،ساغلاملىق مەھسۇلاتلىرى   » ئىشلىنىپ بازارلارغا سېلىنماقتا  ، ھايۋانلىرىمىز ئۆزىدىكى ئىلغار يەرلىك ئالاھىدىلىكنى چارۋۇچىلىق ئىلمى كاتىگورىيىسىدە جارى قىلدۇرۇپ ، خەلقارا بازارلاردا تۇنۇلماي تۇرۇپلا شالغۇتلاشتۇرۇلماقتا  ، سۆزلەپ كەلسە گەپ جىق ....خەقنىڭ نەزىرىدە بۇيەردىكى يەرلىك ئالاھىدىلىكنىڭ ھەممىسى «قالاقلىق » ، تەبىئى خۇسۇسىيەتنىڭ ھەممىسى ئوتتۇرا ئەسىردە قالغانلىق  ، قايسى كۈنى بىر ساراڭ ماقالىسىدە «باشقىلار 2-3- ئايدا   تېخنىكىغا تايىنىپ مىۋە پىشۇرۇپ سېتىۋاتسا ، بىز قايسى جاھاندا يۈرىۋاتىمىز ؟ قاچانغىچە ئەنئەنىۋى ئىشلەپچىقىرىشنىڭ بۇيۇنتۇرىقىدىن قۇتۇلمايمىز ؟» دەپ تىلىنى چايناپ كىتىپتۇ ، ساختا پەن تېخنىكىدىن ھەزەر ئەيلەش كېرەك ، ساختا پەن تېخنىكىنى ئىنسانغا پايدىلىق  ھەقىقى ئىلىم -پەندىن پەرىقلەندۈرۈشنى بىلىش كېرەك ، بولمىسا ئۇ ئادەمنى زەھەرلەيدىغان نەرسىدىن باشقىسى ئەمەس  ، ئەڭ ئاۋال  : بالىلىرىمىزنى قانداق قىلىپ مۇشۇ رىقابەتكە تولغان ، خىرىسقا تولغان ماكاندا ياخشى تەربىيەلەرگە ئىگە قىلىمىز ، قانداق قىلساق باللارغا ئىنسانى قەدر قىممەتنىڭ نىمىلىكىنى ئۇقتۇرالايمىز ، قانداق قىلساق بالىلارغا قىيىن ئۆتكەللەردىن دادىل ئۆتەلەيمىز ، قانداق قىلىپ ئەقىل پاراسىتىمىزنى قارى قىلدۇرالايدىغان پۇرسەتلەرنى تۇتالايمىز ...شۇنىلارنى بىر ئۆگتىشكە تىرىشايلى ، ئۆزىمىزدىن باشلاپ ، قىلىۋاتقان ئۆنەر ئىلمىمىزدە ، كەسپىمىزدە نەتىجە يارىتىشقا تىرىشساق ، ۋىجدانىمىزغا خىلاپ ئىشلارنى قىلمىساق  ، توختاۋسىز ئۆگىنىش روھىنى يەھۇدىلارغا ئوخشاش مىللەت بويلاپ يىتىلدۈرۈشكە تىرىشساق كىيىنكى ئىشلاردىن ئەنسىرەشنىڭ ھاجىتى يوق ....يەھۇدىلارنىڭ ئىككىنجى دۇنيا ئۇرۇشىدىن كىيىن قانداق تىرىلىپ - تىرمىشىپ ، ئورنىدىن دەست تۇرۇپ كەتكەنلىكىنى ئۇنتىمايلى ، بۇنداق دىسەم «سەن بىزنى يەھۇدىلاردىن ئۆگنىشكە دەۋەت قىلىپ نىمە دىمەكچى ؟ » دەپ كۆكىرىپ كەتمەڭلەر بەزىڭلار ، شۇلارنىڭ ئىچىدىكى ناننى ئەقلىگە يىمەي ، دۈمبىسىگە يەيدىغانلار بىزنىڭ ئارىمىزدىمۇ بار ، بىزدىكى ئاقىل ، ئىجىتىھاتلىق ، ئالىم كىشىلەر ئۇلاردىمۇ بار ، لىكىن دۇنيا ئىتىراپ قىلمىسىمۇ ئامالسىز ئىتىراپ قىلىدىغان بىر ھەقىقەت شۇكى پۈتۈن مىللەت بويلاپ ئۆگىنىشنى ئائىلىگە قەدەر ئىزچىللاشتۇرۇپ ئادەتكە ئايلاندۇرىۋاتقان خەلىقتىن يەھۇدىلاردىن باشقىسى ئاز ،ئۇلارنىڭ ئىلمدارلىرى  دۇنيانىڭ قەيىرىدىن سورىسا شۇ يىرىدىن  جاۋاب بىرىشنى بىلىدىكەن ، چۈنكى ئۇلار سەرسان سەرگەردان ، ۋەتەنسىز لىكنىڭ دەردىنى 2000يىللاپ تارتىپ يۈرۈپمۇ ، كۈمۈلۈپ يوقاپ كىتەي دەپ قالغان ئانا تىلىنى تىرىلدۇرۈش داۋامىدا ، ئادەم بۇلۇش ئىلمىنى بەك ياخشى ئۆگىنىپتىكەن ، شۇڭا بىزگىمۇ زۆرۈر پەنلەرنىڭ بىرى قانداق ياشاشنى ، قانداق ئادەم بۇلۇشنى ئۆگىنىدىغان پەنلەرنىڭ بىرى بەك زۆرۈر ! تامام .......

fathullah

	ئەگەر ئۇلارغا ئۆز ئىتقادىمىز بىلەن غالىب كەلمىسەك،ئۇلار بىزگە ئۆز كۈچلىرى بىلەن غالىب كىلىدۇ.     ئۆمەر ئىبىنى خەتتاب (ئەلفارۇق).

IZDAYMA

	ئۆملۈك بولماي تۇرۇپ تەرەققىيات بولمايدۇ .ئىش بىرلىكتە ،كۈچ ئۆملۈكتە . ئۆملۈك ،بىرلىك بولۇش ئۈچۈن مۇستەھكەم بولغان ئىتقادكىرەك . مۇقىم ئىتقادى بولمىغان مىللەت مەڭگۈ خار ۋە زەبۇن ھالەتتە قالدۇ . بارلىق ئىشلارنىڭ ئالدىنقى شەرتى ئىماندۇر .ئىمانىمىز مۇستەھكەم بولدىكەن يول بىز ئۈچۈن ئوچۇق   !!!!!!!!!!!!!!!!!!!!!!!!!  ئامىن !!!!!!!!!!!!!!!

مەھزۇن

	مىنىڭ پىكىرىم: ئۇيغۇرلار نىمە ئۆگەنسە، نىمە ئۆگەنگۈسى كەلسە شۇنى ئۆگەنسۇن. تەبىئىي پەنگەن قىزىقىدىغانلار تەبىئىي پەن ئۆگەنسۇن، ئىجتىمائىي پەنگە قىزىقىدىغانلار ئىجتىمائىي پەن ئۆگەنسۇن. دىن ئۆگەنگەنلەر ئوبدان مەلۇمات ئېلىپ بولۇپ پەننىمۇ ئوبدان ئۆگەنسۇن، پەننى ئۆگەنگەنلەرمۇ دىننى ئوبدان ئۆگەنسۇن. لىكىن ئارتىسلىقنى ئۆگەنمىسۇن. مايمۇندەك ئويۇن كۆرسىتىپ پۇل ئېلىپ ياشاشنى ئۆگەنمىسۇن. ئۆزىدە بارنى كۆرسىتىپ ماختىنىشنى ئەمەس، ئۆزىدىكى بىرنى ئىككى قىلىپ ماختىلىشنى ئۆگەنسۇن. ئۇيغۇرنىڭ مەسىلىسىنى پەقەت كىتاب ھەل قىلىدۇ. نادانلىق ۋە ئىتتىپاقسىزلىقنىمۇ بىلىم تۈگىتىدۇ. مەسىلە پەقەت: ئۆگەنگەن بىلىمنى ئىشلىتىش ۋە ئەمەل قىلىشتا.

kizzik99

	sardor يوللىغان ۋاقتى  2013-6-21 04:30 PM ئۇيغۇرغا كىرەك بولىدىغىنى قايسى بىر پەن بولماستىن ،بى ... ئىنكاسنىڭ چىرايلىقى ماۋۇ.

ANSWER

	‏ئەڭ مۇھىمى دەل بىزنى ئەزىز قىلغان ، ئاخىرەتكە خۇش نەزەر بىلەن قارىيالايدىغان قىلغان ، بىزنى ھايۋاندىن ، لەنەتكە دۇچار بولغۇچى قەۋمدىن پەرقلىق قىلغان ۋە مۆمىنلەرنىڭ ئەمرى ئىنسانلارنىڭ ئەڭ ئەزىزى بولغان مۇھەممەد ( س ئە ۋ ) نىڭ ئۈممىتى قىلغان ، رەببىمىزنى تونۇيدىغان قىلغان ئۇلۇغ دىنىمىز ئىسلامنى ئۈگۈنۈش ، ئەمەل قىلىش ، يامانلىقتىن توسۇپ ياخشىلىققا دەۋەت قىلىش ، ئىككى دۇنيالىق بەختكە ئىرىشىشتىن ئىبارەت ! شۇڭا قۇرئاندىمۇ ئەڭ ئاۋال نازىل بولغان ئايەت دەل « ئوقۇ ! » دەپ كەلگەن . بىزگە قۇرئاندىنمۇ چوڭ بىلىم يوق ! ئاللاھنىڭ ئارغامچىسىغا چىڭ ئىسىلايلى ۋە ئاللاھتىن بىزگە پايدىلىق ئىلىم ئاتا قىلىشنى تىلەيلى ! ئۇيغۇر پەقەت ئىسلام بولغانلىقى ئۈچۈن ئۇيغۇر !

مەھزۇن

	sardor يوللىغان ۋاقتى  2013-6-21 04:30 PM ئۇيغۇرغا كىرەك بولىدىغىنى قايسى بىر پەن بولماستىن ،بى ... «تەۋرەنمەس ئېتىقاد» دىگەن سۆزىڭىزدىكى ئېتىقاد دىگەننى ئىنتىلىش دەپ ئالساق تىخىمۇ مۇۋاپىق بولارمۇ؟ ئىلىم پەنگە نىسبەتەن ياكى ئىلمىي نەزەرىيەلەرنى ھەقىقىي چۈشىنىپ، ئىلىم-پەن پاكىتلىرى ھەققىدە ئەتراپلىق پىكىر يۈرگۈزگۈدەك سەۋىيە بولسا بولىدۇ، ياكى پەقەت چۈشەنمىسە ئەمما پايدىلانسا بولىدۇ. ئەمما ئىككىسىنىڭ ئارلىقىدا قېپقالغاندىن كىيىنلا ئىلىم-پەن قالپىقى كەيدۈرۈلگەن ساختا پەلسەپىلەرگە ئالدىنىپ قېلىشى ئىھتىمالغا بەك يىقىن. مىنىڭچە ئىجتىمائىي ۋە سىياسىي مۇھىتنىڭ تەلىپىمۇ شۇ. ئىزدىنىش ئۆزىدىكى بىلىمنى يېتەرسىز دەپ قاراپ، كەمتەرلىك بىلەن داۋاملىق چوڭقۇرلاپ كېرىش بولسا، ئېتىقاد ئۇلۇغلاپ چوڭ كۆرۈش، بىردىنبىر ھەقىقەت دەپ بىلىش، ياكى ئۆزىنىڭكىنى باشقىلارنىڭكىدىن يۇقىرى ئورۇنغا قويۇشنى كۆرسىتىدۇ. بىزنىڭ پۇتىمىزنى چۈشەيدىغىنى دەل مۇشۇنداق يەكچەشمە ئېتىقاد. ئىلىم-پەن ھەقىقەتەن مۇھىم قورال، ۋە ھەقىقەتكە يېتىشنىڭ يولى بولسىمۇ ئۇنىڭدىن قانائەت ھاسىل قېلىش ياكى (يالغان قالپاقلىق پەلسەپىلەرگە) ئالدىنىپ قېلىش ھالاكەتنى كەلتۈرۈپ چىقىرىدۇ. مىنىڭچە ئەڭ مۇھىمى: توختىماي ئىزدىنىش ۋە قانچىلىك بىلسە شۇنچىلىك ئىشلىتىش.

مەھزۇن

	fathullah يوللىغان ۋاقتى  2013-6-21 05:32 PM ئەگەر ئۇلارغا ئۆز ئىتقادىمىز بىلەن غالىب كەلمىسەك،ئۇل ... ئەگەشتىم!