2013-يىللىق رامىزان توغرىسىدا ئەڭ يىڭى ئوچۇر

uyghur05

	سوئال: رامىزاننىڭ باشلىنىشى ۋە ئاخىرلىشىشى ھېساب بىلەن بەلگىلىنەمدۇ ياكى ئاينىڭ كۆرۈنۈشى بىلەنمۇ؟ بۇنىڭغا ئاساسەن 2013- يىلى رامىزان ئېيى قايسى كۈن باشلىنىدۇ ۋە ھېيت قايسى كۈنى بولىدۇ؟ جاۋاب: دىنى كۈنلەر ھېساب بىلەن بەلگىلىنىدۇ. ئاللاھ تەئالا مۇنداق دەيدۇ: «ئاي ۋە كۈن بىر ھېساب بىلەندۇر»- رەھمان 55/5. «ئاللاھ كۈننى زىيا، ئاينى نۇر قىلغان زاتتۇر. ئاللاھ بۇنى يىللارنىڭ سانىنى ۋە ھېسابنى بىلىشىڭلار ئۈچۈن قىلدى. ئاللاھ ئۇ زىياغا مەنزىللەر بەلگىلىدى. ئاللاھ بۇلارنى ھەق بىلەن ياراتتى. ئاللاھ ئايەتلەرنى بىلىدىغان قەۋم ئۈچۈن تەپسىلىي بايان قىلىدۇ»- يۇنۇس 10/5. زىيا كۈننىڭ شولىسى، نۇر ئىنساننى بىئارام قىلمايدىغان يورۇقلۇق دېگەن بولىدۇ. كۈننىڭ ئۆزىنى كۆرەلمەيمىز، بىزنىڭ كۈن دېگىنىمىز كۈندىن كەلگەن شولىلاردۇر. بىز ئاينى كۆرەلمەيمىز. بىزنىڭ كۆرىدىغىنىمىز ئايغا چۈشكەن كۈن شولىلىرىنىڭ بىزگە ئەكس ئەتكەن قىسمىدۇر. بىز ئۈچۈن ئاي مانا بۇ قىسىمدۇر. ئەكس ئېتىشتىكى تارىيىش ۋە كېڭىيىشلەرگە قارىتا ئۇنىڭغا ھىلال ئاي، يېرىم ئاي ۋە تولۇن ئاي دەيمىز. مۇناسىۋەتلىك ئايەتلەردىن بىر مۇنداق: «بىز ئايغا مەنزىللەر (زىيا چۈشىدىغان يەرلەر) بەلگىلىدۇق. ئۇ ئاخىرى قۇرۇق خورما شېخىغا ئوخشاپ قالىدۇ»- ياسىن 36/39. قەمەرىيە ئاينىڭ بىرىنچى كۈنى كۈننىڭ پېتىشىدىن كېيىن ھىلال ئاي كۆرۈنگەن كۈننىڭ ئەتىسىدۇر. ئۇ ئاي رامىزان بولسا ئۇنى روزا تۇتۇپ ئۆتكۈزۈش كېرەك. ئاللاھ تەئالا مۇنداق دەيدۇ: «… سىلەردىن كىم رامىزان ئېيىدا ھازىر بولسا (يەنى ياشىسا) ئۇنى روزا تۇتۇپ ئۆتكۈزسۇن»- بەقەرە 2/185. يۇقىرىدىكى ئايەتلەرگە ئاساسەن قەمەرىيە ئايلارنىڭ ھېساب بىلەن بەلگىلىنىشى لازىم. لېكىن پەيغەمبەر ئەلەيھىسسالام، يېنىدا بۇ ھېسابنى قىلىدىغان بىر كىشى بولمىغانلىقى ئۈچۈن مۇنداق دېگەن: «بىز ئۇممىي بىر جامائەدۇرمىز، يازالمايمىز، ھېسابلىيالمايمىز»، ئاندىن 10 بارمىقىنى ئۈچ قېتىم ئېچىپ، ئۈچىنچىسىدە باش بارمىقىنى يۇمۇپ تۇرۇپ: «ئاي شۇنداق، شۇنداق ۋە شۇنداقتۇر» دېگەن (29 كۈنگە ئىشارەت قىلغان). ئاندىن: «ئاي شۇنداقتۇر، شۇنداقتۇر ۋە شۇنداقتۇر» دېگەن، 30 كۈننى چۈشەندۈرمەكچى بولغان. (مۇسلىم، سىيام 1080). پەيغەمبىرىمىز قەمەرىيە ئاينىڭ 29 كۈندىن ئاز، 30 كۈندىن ئارتۇق بولمايدىغانلىقىنى ئەنە شۇنداق ئىشارەت تىلى بىلەن چۈشەندۈرگەن. پەيغەمبىرىمىزنىڭ مۇناسىۋەتلىك بىر سۆزى مۇنداق: ھىلال ئاينى كۆرگەن چېغىڭلاردا روزا تۇتۇڭلار، قايتا كۆرگەن چېغىڭلاردا ئېغىز ئېچىڭلار، ھاۋا بۇلۇتلۇق بولغاندا ئاينى ئوتتۇز قىلىپ تاماملاڭلار»- (مۇسلىم، سىيام 1081). ھېسابنى قىلىدىغان مۇتەخەسسىس بولمىغاندا بىرلا چارە ھىلال ئاينى كۆزىتىشتۇر. پەيغەمبەر ئەلەيھىسسالام بۇنى ئېيتقان ۋە قىلغان. ھازىر مۇتەخەسسىسلەر بولغانلىقى ئۈچۈن بىر جاينى مەركەز قىلىپ قۇرئان كەرىم ئەمر قىلغان ھېسابقا ئۆتۈش لازىم. روزا سۈبھى سادىقتىن باشلانغانلىقى ئۈچۈن ئۇممۇلقۇرا بولغان مەككىنى مەركەز ئېلىش كېرەك، شۇنداق مەككىدە سۈبھى سادىق بولغانغا قەدەر دۇنيانىڭ ھەر قانداق بىر يېرىدە كۈننىڭ پېتىشىدىن كېيىن ھىلال ئاي كۆرۈنسە يېڭى قەمەرىيە ئاينىڭ باشلىنىشى لازىم. قەمەرىيە ئاينىڭ باشلىنىشى ۋە ئاخىرلىشىشىنى ھېساب بىلەن قىلىش، قۇتۇپ رايونىدا ياشاۋاتقان مۇسۇلمانلار ئۈچۈنمۇ بىر زۆرۈرىيەتتۇر. چۈنكى ئۇ يەردە بەزى چاغلاردا كۈن چىقمايدۇ، بەزى چاغلاردا بولسا كۈن پاتمايدۇ. كۈن پاتمىغان چاغلاردا ھىلال ئاينى كۆرۈش مۇمكىن ئەمەس. قۇرئان-ھەدىس پۈتۈنلۈكى بۇ ئىشنى ھېساب بىلەن قىلىشىمىزنىڭ لازىم ئىكەنلىكىنى ئوتتۇرىغا قويىدۇ. شۇنىڭ بىلەن ھەر جايدا ئەينى كۈندە روزىغا باشلاش ۋە ئەينى كۈندە ھېيت قىلىش ئىمكانىيىتىگە ئېرىشكەن بولىمىز. ئاسترونوم پىروفېسسور، دوكتور ئادنان ئۆكتەن بەگنىڭ ئېنىقلىمىسىغا ئاساسەن، ئاينىڭ ئىنسان كۆزى بىلەن كۆرۈنۈشى ئۈچۈن بەلگىلەنگەن كۈندىن 8 گرادوس ئېچىلىش ۋە ئۇپۇقتىن 5 گرادوس يۈكسەكلىكتە بولۇش شەرتى 2013- يىلى، 8- ئىيۇلدا جەنۇبى ئامېرىكىنىڭ غەربىي ساھىللىرىدە ئەمەلىيلىشىدىغانلىقى ئۈچۈن 2013- يىلى، 9- ئىيۇل رامىزان ئېيىنىڭ بىرىنچى كۈنىدۇر. ھېيتنىڭ ھىلال ئېيى 7- ئاۋغۇستتا ئافرىقىنىڭ جەنۇبىدا كۆرۈنىدۇ. ماداغاسقاردا ياشايدىغانلار ئۇ كۈنى كۈننىڭ پېتىشىدىن كېيىن ھىلال ئاينى كۆرەلەيدىغانلىقى ئۈچۈن 8- ئاۋغۇست پەيشەنبە روزا ھېيتتۇر. تۈركىيە دىيانەت ئىشلىرى باشقارمىسى بۇ ھەقتە توغرا ئىش قىلماقتىدۇر. قۇرئان كەرىم ھىلال توغرىسىدا ھېسابلاشقا ئەمر قىلغانلىقى ئۈچۈن قەمەرىيە كالېندارىنى ئۆز ساھەسىدە ئىلىم ئەربابلىرى ھەيئىتى تەرىپىدىن ئېلىپ بېرىلغان ھېسابلار بىلەن تۈزمەكتىدۇر. ھېچبىر ئايەتتە ھىلال ئاينى كۆزىتىشىكە ئەمىر قىلىنمىغان. ئەكسىچە ئىنسانلار ھېسابقا يۆنەلدۈرۈلگەن. ھېسابنى قىلىدىغان كىشىلەر بولمىغاندا پەيغەمبىرىمىزنىڭ بىردىنبىر چارە سۈپىتىدە قىلغان، ھىلال ئېيىنىڭ كۆز بىلەن كۆرۈنۈشىدىن ئىبارەت تەتبىقاتىنى بىر بۇيرۇق دەپ چۈشىنىش قوبۇل قىلغىلى بولىدىغان بىر ئىش ئەمەس. مەنبە: پروفېسسور، دوكتور ئابدۇئەزىز بايىندىر، «2013- يىلى رامىزان ۋە بايرام ھىلالى تەسبىتى»، كىتاب ۋە ھېكمەت ژۇرنىلى ، 1- يىل، 2- سان، 2013 (ئىيۇل-سېنتەبىر) 14-16- بەتلەر.

sabdax678

	uyghur05 يوللىغان ۋاقتى  2013-7-12 03:53 PM ۋاي بۇرادەر چۈشتە قىلغاننى ئىپتار دىمەيمىز روزىنى بۇ ... لىكىن بۇ قىتىمقى رامىزاندا ئىختىلاپ بەك كۆپ  بوپ كەتتى . بىرسى ئاي كۆدۈم دىسە يەنە بىرسى كۆمىدىم دەپ مەسجىت ئىچىدە بىر-بىرى بىلەن ئىختىلاپ لىشىېۋاتقان. ئىمامغا ئىشىنىلى دىسەك ئىمام ياخشى ئەمەس  ئاخىرى شۇنداق قىلىشقا مەجبۇر بوپ قالدۇق . ئاللاھ قىلغانلىرمىزنى كەچۇرە ئىنشا ئاللاھ!

sabdax678

	asma0996 يوللىغان ۋاقتى  2013-7-12 02:32 PM ... بىر يىلدا بىرەر ئاي رامىزان تۇتۇپ قويۇپ، ياكى يىلدا  ... جۇمە كۈنى روزا تۇتسا بولمايدۇ دەپسىز  ئەگەر مۇمكىن بولسا مۇشۇ توغۇرلۇق ھەدىسنى يېزىپ قالدۇرۇپ قويغان بولسىڭىز مەن سەل گاڭگىراپ قالدىم. چۇنكى بەزىدە جۇمە كۇنى رامىزان كەلسە روزىنى قانداق قىلدىغان گەپ؟ ئەمدى  بۇنىڭغا ئالىملارنىڭ پەتىۋاسى نىمە دەيدۇ ؟ شۇنىمۇ قوشۇپ يېزىپ قويۇڭ مۇمكىن بولسا

uyghur05

	sabdax678 يوللىغان ۋاقتى  2013-7-12 04:13 PM جۇمە كۈنى روزا تۇتسا بولمايدۇ دەپسىز  ئەگەر مۇمكىن بو ... جۈمە كۈنى تۇتسا بولىدۇ . لېكىن رامىزان ئەمەس ئايلاردا جۈمە كۈنى تۇتماقچى بولسا چوقۇم پەيشەنبە كۈنى تۇتىشى كېرەك . بەلكىم بۇ قېرىندىشىمىزمۇ شۇنداق دىمەكچىدۇ

ULKER-RIZA

	qayan0999 يوللىغان ۋاقتى  2013-7-11 07:44 PM http://www.moonconnection.com/moon_phases_calendar.phtml     بىلىمخۇمار ئاكىمىز ئ ... بۇنىڭدىكى ئاي كۆرۈلۈش ئەھۋالىغا قارىغاندا،10-ئىيۇل چارشەنبەدىن باشلاپ تۇتقىنىمىز توغرا بوپتۇ.9-ئىيۇل ئاي ئاسماندا تولۇق كۆرۈنمىگەن ئىكەن. ئىشقىلىپ، بۇنداق مەسىلىلەردە ئۆلچەملىك خەلقئارالىق بىرلىككە كەلگەن ئىسلام ئۇيۇشمىلىرىنىڭ تەكلىپ تەۋسىيەسى بويىچە ئىش قىلغىنىمىز ياخشى. سەئۇدى ئەرەبىستان ۋە مىسىردا مەخسۇس مۇشۇ مەسىلىلەرنىلا تەتقىق قىلىدىغان نۇرغۇن ئالىملار بار. ئۇلارمۇ قوڭىغا ئۇرۇپلا گەپ تاپمايدۇ-ئەلۋەتتە. ئاينىڭ قايسى كۈنى چىقىپ قايسى كۈنى ئۆچىدىغانلىقى مۇتلەق ئېنىق توغرا بىلگىلى بولىدىغان ئىشمۇ ئەمەس. بۇ خۇددى 15 كۈندىن كېيىن ھاۋارايىنىڭ قانداق بولىدىغانلىقىنى تەخمىنەن بىلگەنگە ئوخشاش ئىش. شۇڭا سەئۇدى پەتىۋا ۋە دىن ئىشلىرى كومىتىتىمۇ رامىزاننىڭ كىرىشىنى ئاينى كۆزىتىپ بىر كۈن ياكى نەچچە سائەت قالغاندا ئېنىق جاكارلايدۇ. بىريىل بۇرۇن تۈزىۋلغان كالىندارنىڭ توغرا بولۇپ كېتىشى ناتايىن. شۇڭا بۇندىن كېيىنكى يىللاردا ئالدىرماي سالماقلىق بىلەن رامىزاننى كۈتىۋالايلى.خەلقئارالىق ئۇچۇر سېستىمىسى ۋە ئېنتېرنىت شۇنچىلىك قولايلىقلاشقان بۈگۈنكى كۈندە شۇلاردىن ياخشى پايدىلىنالىساق كۆپ پايدىغا ئېرىشىمىز.

qayan0999

	ULKER-RIZA يوللىغان ۋاقتى  2013-7-12 07:01 PM بۇنىڭدىكى ئاي كۆرۈلۈش ئەھۋالىغا قارىغاندا،10-ئىيۇل چا ... مەن بۇ كۆز قارىشىڭىزغا قوشۇلىمەن ،بۇ يىل مانا پارتىيەنىڭ كۆرسەتمىسى بويىچە روزىنى بىر كۈن بۇرۇن تۇتۇپ،ھىيىتنى بىركۈن بۇرۇن ئۆتكۈزىدىغان بولدۇق.....

ogdulmux

	مەنمۇ سەيشەنبە باشلىدىم ،ھىيت نامىزى دىيارىمىزدا قاچان ئوقۇلسا مەنمۇ شۇ كۇنگە بوسۇنۇپ شۇ كۇنى ھىيت نامىزىنى ئوقۇيمەن ،ئەرەبىستان بىلەن بىزنىڭ ۋاقىت پەرقىمىز با ،بەزەنلە 10- چىسلا رۇزا تۇتۇدىكەنمىز دەپ تۇتقان رۇزۇڭىزنى بۇزۇۋىتىڭ دەپ نۇرغۇن رۇزا تۇتقانلارنىڭ رۇزۇسىنى بۇزغۇزىۋىتىپتۇ ،بۇنىڭ گۇنايىنى كىم تارتىدۇ ،بىر كۇن ئۇشۇق تۇتسا نىمە بوپتۇ ،تۇتالماي قالغان كۇنلىرىگە كاپارات بولسا ئەجەپ ئەمەس دەپ قارايمان ،ھەممىدىن ئىختىلاپ يامان ،

xaban010

	نىمىسنى  تالاش تارتىش قىلىسىلەر  بىر كۈن بۇرۇن تۇتقان بولساڭلار  بىر كۈن ئارتۇق  ساۋاپ دىگەن شۇ،،ئايدا 3كۈن تۇتىدىغان روزىنى ئۈزۈلدۈرمەي تۇتىۋاتقانلار بارمۇ،،بىر كۈن بۇرۇن روزا تۇتۇپ قويساق خۇددى،باشقىلارغا قەرز تولىگەندە،ئارتۇقراق قايتۇرۋەتكەندەك،،ئويلىمايلى،بىر ئايلاپ روزا تۇتىۋاتقانلارمۇ بار ئىچىمىزدە،،بۇ تېمىنى ئاخىرى پىتنىگە سۆرەپ ئاپارمايلى،،كىچىككىنە،بىر ئىشنى نىمە قىلىمىز تالاش تارتىش قىلىپ  ،ئارتۇق تۇتساق ساۋابىمۇ ئارتۇق دىگەن گەپ

ULKER-RIZA

	qayan0999 يوللىغان ۋاقتى  2013-7-12 07:15 PM مەن بۇ كۆز قارىشىڭىزغا قوشۇلىمەن ،بۇ يىل مانا پارتىيە ... ياق، ئۇنداق بولمايدۇ. ئىسلام كالىندارىدا بىر ئاي كۈن سانى 29 ياكى 30 كۈن بولىدۇ. بۇ رامازان 29 كۈنلۈك بولۇپ كېلىدىكەن. مۇشۇ ئىنكاسلار ئارىسىغا يېزىلغان ئامېرىكا ناسانىڭ ئاي ئۆزگۈرۈش ئەھۋال دوكلاتى توربىتىدىن كۆرەلەيمىزكى، 10-ئىيۇل يېڭى ئاي كۆرۈلدى. ئىنشائاللاھ 8-ئاۋغۇست يەنە بىر يېڭى ئاي چىقىدۇ. دېمەك مۇشۇ بويىچە ھېساپلىغاندا بۇ رامازان 29 كۈن بولۇپ ھېيت كۈنى 8-ئاۋغۇست بولىشى توغرا.

qayan0999

	ULKER-RIZA يوللىغان ۋاقتى  2013-7-13 07:45 PM ياق، ئۇنداق بولمايدۇ. ئىسلام كالىندارىدا بىر ئاي كۈن  ... شۇنداقكەن ،مەن دېققەت قىلماپتىمەن ،8-ئاينىڭ 8-كۈنى يەنە يىڭى بىر ئاي كۆرۈنىدىكەن ،شۇ بويىچە بۇ يىل روزا ئەسلى 29كۈن تۇتۇلىدىكەن .8-چىسلا ھىيىت بولغىنى توغرا ئىكەن .....