دوكتور ئابدۇرېھىم تۇرسۇن ۋاپات بولدى

musilina

	ياتقان يېرى جەننەتتە بولسۇن،ياشلا كېتىپتۇ... ئالىم ۋاپات بولدى،بىر يورۇق يۇلتۇز ئۆچتى...

يەر

	دوكتۇر ئابدۇرېھىم تۇرسۇن ، ئۇيغۇر ئالىمى، دوكتۇر نەبىجان تۇرسۇننىڭ قېرىندىشى ، مۇمكىن بولمىغان شەكىلدە يۈرەك قوزغىلىپ قېلىپ ئۆلۈپ كەتمەيدۇ، بولۇپمۇ 7-ئاينىڭ 7-كۈنىدە. بىزنى ئاشۇنداق شەرمەندە يالغان گەپلەرگە ئىشىنىدىغان ، ئاخماق خەلق دەپ بىلىشىپ قېلىشما ، بىز نىمە ئىش بولغانلىقىنى بىلىمىز.

bozqir

	بۇ مۇسبەت خەۋىرىنى ئاڭلاپ كۆڭلۈم بەك يېرىم بولدى ھەم ھاياتىمدا تۇنجى  بولۇپ بىر ئۇيغۇر دوكتورى بىلەن تونۇشقان ۋە ئىلمىي مۇلاقەتلەردە بولغان چاغلار ئېسىمدىن كەچتى :   2004-يىلى ئەتىيازدا « جۇڭگو مىللەتلىرى » ژۇرنىلىدا ئىشلەۋاتقان كۈنلىرىمدە تەھرىر بۆلۈمىگە ماقالە ئەكەلگەچ مېنى ئىزدەپ كەلگەن ئابدۇرەھىم تۇرسۇن بىلەن    تۇنجى تونۇشقانىدىم.تۇنجى كۆرۈشۈشتىلا  مەرھۇمنىڭ كىچىك پېئىل ، كەمتەر ۋە سەمىمىيلىكى مەندە چوڭقۇر تەسىر قالدۇرغانىدى.شۇندىن كېيىن بىز  نەچچە رەت دىدارلىشىپ ئىلمىي مۇلاقەتلەردە بولغانىدۇق. دوكتۇر مېنىڭ ئۇيغۇر بۇددىزم ساھەسىدىكى ئىزدىنىشلىرىمگە بولۇپمۇ بۇددا مۇتەپەككۇرى كۇماراجىۋا ھەققىدىكى مەخسۇس كىتابىمغا ياخشى باھا بېرىپلا قالماي يەنە بۇ ساھەدىكى ئىزدىنىشلىرىمنىڭ يەنىمۇ چوڭقۇرلۇشىشىغا ئىلھام ۋە بەزى تەكلىپ پىكىرلەرنى بەرگەن ، ئۆزىدە بار جىددىي ئېھتىياجلىق بەزى ماتېرىيال مەنبەلىرى بىلەن تەمىنلەشكە ھەر ۋاقىت تەييار ئىكەنلىكىنى   ھەم مۇشۇ ساھەدە ھەمكارلىشىشنى خالايدىغانلىقىنى بىلدۈرگەنىدى. شۇندىن كېيىن بىز دائىم ئۇچرىشىپ پىكىر ئالماشتۇرۇپ تۇرغانىدۇق.     مەن، دوكتۇر ۋە  شائىر ئوسمانجان ساۋۇت بىلەن بولغان بىر قېتىملىق سۆھبەتتە ئوسمانجان ساۋۇت ئاكىنىڭ ئابدۇرەھىم تۇرسۇن دوكتۇرنىڭ  قولىنى تۇتۇپ تۇرۇپ داڭلىق ئۇيغۇر شائىرلىرىنىڭ نادىر شېئىرلىرىنى روس تىلىغا تەرجىمە قىلىپ ،« ئۇيغۇر پوېزىيىسى»  نامىدا  نەشىر قىلدۇرغان ئىلمىي ئەمگىكىگە ئاجايىپ يۇقۇرى باھالارنى بەرگەنلىكى ھازىرقىدەك يادىمدا تۇرۇپتۇ. بۇلتۇر كۈزدە شىنجاڭ تېلېۋېزىيىسى 5-قانىلىنىڭ « مەدەنىيەت بوستانى » پىروگرامما گۇرۇپپىسى نىمشېھىت تېمىسىدا بىر پروگرامما ئىشلىدى.  پروگرامما گۇرۇپپىسى ۋە نىمشېھىت ئائىلە تاۋابىئاتلىرىنىڭ تەكلىپى بويىچە مەنمۇ شۇ پائالىيەتكە  داخىل بولۇپ قالدىم. بۇ ئىشلارنىڭ ئالدى -كەينىدە نىمشېھىتنىڭ قىزى - شائىرە بۈۋھەجەر ئارمىيا ئېلىنىڭ ئاغزىدىن دادىسى نىمشېھىتنىڭ بىر قىسىم شېئىرلىرىنىڭمۇ داڭلىق ئۇيغۇر شائىرلىرىنىڭ شېئىرلىرى قاتارىدا ئابدۇرەھىم تۇرسۇن ۋە نەبىجان تۇرسۇنلارنىڭ قولىدا رۇس تىلىغا تەرجىمە قىلىنىپ، «ئۇيغۇر پوئېزوسىيىسى» نامىدا نەشىر قىلىنغانلىقىدىن نەچچە يىللار بۇرۇن خەۋەر تاپقانلىقىنى ، بۇ مۇناسىۋەت بىلەن ئەشۇ ئاكا-ئىنى ئىككى ئالىمدىن چەكسىز مىننەتدار ئىكەنلىكىدىن ۋاقىپلانغانىدىم. شۇ چاغلاردا مېنى ئەڭ ئويلاندۇرغىنى بىر نەچچە تىلنى پىششىق ئىگىلىگەن ، پەلىسەپە پەنلىرىدە دوكتۇرلۇق ئۇنۋانىغا ئېرىشكەن ياش ھەم يېتۈك بىر دوكتۇرنىڭ ئۆزىگە خاس بىرەر تەتقىقات ئورنى ياكى ئالىي مەكتەپلەردە خىزمەت قىلىش پۇرسىتىگە ئېرىشەلمىگەنلىكى ئىدى. يەنە كېلىپ ئۇ چاغلاردا ئۇيغۇر دوكتۇرلىرى بارماق بىلەن سانىغۇدەك دەرىجىدە ئاز ۋاقىتلار ئىدى.ھەتتا مەن ئابدۇرەھىم دوكتۇرنىڭ دوكتۇرلۇق ئوقۇش تارىخىنىڭ جۇڭخۇا خەلق جۇمھۇرىيىتى مائارىپ كومىتېتىنىڭ توللۇق ئېتراپىغا ئېرىشكەنلىك ئىسپاتنامىسىنىمۇ ئۆز كۆزۈم بىلەن كۆرگەنىدىم.    كېيىنچە تەقدىرنىڭ ئورۇنلاشتۇرىشى بىلەن مەن خىزمەت يۆتكەپ جەنۇبقا قايىتىدىغان بولدۇم . دوكتۇرمۇ تۇرمۇش ھەلەكچىلىكىدە رۇسىيە بىلەن چېگرا سودىسى قىلىدىغان ئىچكىردىكى بىر شىركەتكە رۇس تىلى تەرجىمانلىقىغا تەكلىپ قىلىنىدىغان بولدى. شۇنداق قىلىپ بىز ئايرىلىشقا كۆزىمىز قىيمىغان ھالدا خوشلاشتۇق.    كېيىنچە ، مەزكۇر مۇنبەردە ئېلان قىلىنىپ كۈچلۈك مۇنازىرە قوزغىغان « دېپلوم زاۋۇتلىرى ۋە بىراك ماللار كىرزىسى» ناملىق ماقالەمدە ئابدۇرەھىم تۇرسۇندەك بىر نەچچە تىلنى پىششىق ئىگىلىگەن ، پەلىسەپە پەنلىرىدە دوكتۇرلۇق ئۇنۋانىغا ئېرىشكەن ياش ھەم يېتۈك بىر دوكتۇرنىڭ ئۆزىگە خاس بىرەر تەتقىقات ئورنى ياكى ئالىي مەكتەپلەردە خىزمەت قىلىش پۇرسىتىگە ئېرىشەلمىگەنلىكىنى مەۋجۇت ئىجتىمائىي مەسىلىلەرنىڭ بىرى سۈپىتىدە ئالاھىدە تىلغا ئېلىپ ئۆتكەنىدىم. يېقىندا ئۈرۈمچىگە بىر ئىلمىي يىغىنغا قاتناشقىلى  بېرىپ مەرھۇمنىڭ ئانىسىنىڭ ۋاپاتى مۇناسىۋىتى بىلەن فاتىھە قىلغاچ كۆرۈشۈپ ئۆتۈپ كېتەي ، دەپ دوكتۇرنىڭ دېرىكىنى قىلسام بىر دوستىمىز ئابدۇرەھىم دوكتۇرنىڭ ئۆز ئالدىغا ئىگىلىك تىكلەش ئۈچۈن جەنۇبتىن يەر ئالغانلىقىنى ، ھازىر شۇ ئىشلار بىلەن ئالدىراشلىقىنى ئېيتقانىدى. بىر دوكتۇرنىڭ ئاخىر بېرىپ يەر تېرىيدىغان دېھقانغا ئايلىنىپ كېتىش ئالدىدا تۇرىۋاتقانلىقىنى ئاڭلاپ كۆڭلۈم بۇزۇلغانىدى. كەم ئۇچرايدىغان تالانىتلىق ئەدىب باتۇر روزىمۇ  يوقسۇزلۇقنىڭ تۆمۈر تىرناقلىرى ئارىسىدا تىتما-كاتاڭ بولۇپ ئاخىر كۈپكۈندۈزدە ئۈرۈمچى كوچىسىدىلا كىشىلەر ئايىغىدا جان بەرگەنىدى. ئاڭلاشلارغا قارىغاندا شۇ چاغدا ئۇنىڭ يېنىدىن ئاران 1 سوم پۇل چىققانىكەن.   دۇنيا نېفىت زاپىسىنىڭ ئۈچتىن بىرىنى ئىگىلەيدىغان ، باغرى سان-ساناقسىز مەدەنلەرگە تولغان ، قوينى كەڭ بۇ بىپايان زېمىننىڭ تالاي-تالاي ئادەملەرگە شىتات، ئازادە -يورۇق ئىشخانا ، ئاسايىشلىق تۇرمۇش يولى بېرەلىگەن بىلەن ئۆزىنى ئىلىم يولىغا ئاتىغان ئەشۇ تەمەسىز ئىلىم ئىخلاسمەنلىرىگە  ئۆز تالانتىنى جارىي قىلدۇرالىغۇدەك بىرەر مۇقىم خىزمەت شارائىتى بېرەلمىگەنلىكىنى ئويلاپ گېلىمغا ئاچچىق بىر نەرسە تۈرۈپ قالغاندەك بولۇپ، كۆز چاناقلىرىم ئىختىيارسىز نەملەشتى ... مەن ئۇلۇغ رامىزان ئايلىرىدا   ئاللاھتىن ئارمانلىرى دەرمان تاپالماي ئۇ دۇنياغا ۋاقىتسىز كېتىپ قالغان ياش ئالىمىمىز ئابدۇرەھىم تۇرسۇنغا جەننەت تىلەيمەن ۋە كەينى-كەينىدىن مۇسىبەت ياغقان پىشقەدەم زىيالىي تۇرسۇن بارات ئاكا  ئائىلىسنىڭ بارلىق تاۋابىئاتلىرىغا سەبرى تىلەيمەن.

taymas02

	ئاللاھ ياتقان يېرىنى جەننەتتە قىلسۇن! پەرزەنتلىرىنى ئەنە شۇنداق تەربىيلەپ چىققان ئاتا-ئانىسىغا چەكسىز رەھمەتلەر ياغسۇن!!!

ablimitt

	ap~qilam يوللىغان ۋاقتى  2013-7-13 06:23 PM دوكتۇر نەبىجان تۇرسۇننىڭ يازمىلىرىدا ئاندا-ساندا ئىسم ... بۇنداق ئىشلاردا دۆلىتىمىزدە خىزمەت ئورنى مىراس قالىدىغان ئىشلار يەنىلا بار. شۇڭا دۆلىتىمىزدىكى يۇقىرى-يىڭى تېخنىكىلارنى دۆلەت تەتقىقات ئاپراتلېرى ئەمەس، پۇخراۋى كارخانىلار بارلىققا كەلتۈرىدۇ.

ablat45

	يەنە 10يىل ياشالىغان بولسا ....بەلكىم نۇرغۇن ئەمگەك مىۋىللىرىنى سۇنغان بۇلار ئىدى ~~~ياتقان يىرى جەننەتتە بولسۇن .

مەشئەل520

	ئىننا لىللاھى ۋە ئىننا ئىلەيھى راجىئۇن

almas114

	ئاللاھ ياتقان يېرىنى جەننەت قىلغاي (ئامىن)

muhsin0997

	Kongl Allah     ahiratligini     yahxi     kilsun     .   Konglum     bak    yerim    boldi       alimning       olumi        alamning       olumidur     .tursunjan     barat      aka        ailisi      nima      digan       barkatlik       mol     husulluk      aila    ha  .     Bir      ailidin         ikki          doktur       yitixip        qikiptu  .     Allahti n         ailisiga          tehimu      yahxi      urunbasarni         qikirip         birixini      tilayman          .      Kaqurunglar        tilpunda         muxundak        yezip     kaldim