تەڭرىتاغ يانفۇن گېزىتى ھەققىدە

SORINTO

	مىنىڭ يانفۇنۇمغا ئاچتۇرغان ، ئىشلەتكىلى ئىككى ئاي بولدى لىكىن ھەق تۇتۇپ باقمىدى ، كۆچمە خەۋەرلىشىش مۇلازىمەت زالىدىكىلەر ماڭا چۈشەندۈرگەندىمۇ ھەقسىز دىگەن راسلا ھەقسىزكەن .   كۈندە .ىككى ۋاخ كىلىدۇ ، ھەممىسى دىگۈدەك يىڭى خەۋەرلەر كىلىدۇ ، بىر خەۋەرنىڭ ئىككى قىتىم تەكرارلىنىپ باققىنى كۆرمىدىم .

fathullah

	چوڭايتقىلى بولىدۇغۇ؟چاپاقلىشىپمۇ كەتمەيدۇ.ماڭا بىر يىلدىن ئاشتى ئېشلىتىۋاتقانغا

ap~qilam

	ئۆتكەندە يانفۇنلارغا كېلىدىغان پايدىلىنىش ئۇچۇرلىرىنىڭ پۈتۈنلەي بەسەيچە كېلىدىغانلىقى توغرىلىق ھۆكۈمەتىڭ بۇنىڭغا قارىتا ھىچقانداق ئىپادىسىنى بىلدۈرمىگەنلىكىنى شەرىھلەپ بىر ئۇچۇر بەرگنىدىڭىز ،ئۇنداقتا بۇ يانفۇن گېزىتىنىڭ ئېلان قىلىنىشى شۇ بوشلۇقنى تولدۇرۇشنىڭ ئاچقۇچى دېسەك بولامدۇ

tohotur

	ap~qilam يوللىغان ۋاقتى  2013-7-15 04:06 PM ئۆتكەندە يانفۇنلارغا كېلىدىغان پايدىلىنىش ئۇچۇرلىرىن ... ياق بۇ يانفۇن گېزىت دىگەن ھۆكۆمەت يانفۇن ئاگاھلىرىنىڭ ئىزىنى باسالمايدۇ ، قەتئى باسالمايدۇ ، ئېيتايلۇق ، جامائەت خەۋىپسىزلىك ئىدارىسنىڭ يالغانچىلىقتىن ساقلىنىش ئاگاھلاندۇرۇشلىرى ، سەھيە نازارىتىنىڭ كومىلاچ يىيشى ۋە باشقا جىددى دىققەت قىلىش مۇداپىئەلىنىش ئاگاھلاندۇرۇشلىرى ، باشقا ھۆكۆمەت تارماقىلىرنىڭ  يانفۇن ئاگاھلىرى ، بۇ ھۆكۆمەت يانفۇن ئاگاھلىرى ۋاقىتچانلىققا ئىگە ، نوپۇزغا ئىگە ، كەڭ خەلىقنىڭ جانىجان جىددى مەنپەئەتىگە بېرىپ تاقىشىدۇ ، تەڭرىتاغ يانفۇن گېزىتى بولسا پەقەت سىز بىزنىڭ پايدىلنىشىمىز ئۇچۇنلا چىىقىرىلغان ،ئۇنىڭ ھۆكۆمەت يانفۇن ئاگاھ ئۇچۇرلىرىدەك ئۇنداق نوپۇزى يوق ، ئۇنداق  ۋاقىت دەللىكى يوق ، ئۇنداق قايىل قىلىش ئىشىنىش كۇچى يوق . بۇ ئايرىم ئايرىم ئىككى ئۇقۇم ، ھۆكۆمەت چوقۇم ئۇيغۇر تىلىدىمۇ خەنسوچە ئاگاھلاندۇرۇش ئۇچۇرلىرىغا ئوخشاش ، بىر ۋاقىىتتا قوش تىلدا ئاگاھلاندۇرۇش بىرىپ ئۇيغۇرلارنىڭ بىلىش ھوقۇقىغا تولۇق ھۆرمەت قىلىشى كېرەك  ئىدى ،

ap~qilam

	tohotur يوللىغان ۋاقتى  2013-7-15 08:14 PM ياق بۇ يانفۇن گېزىت دىگەن ھۆكۆمەت يانفۇن ئاگاھلىرىنى ... ئۇنداقتا بۇ گېزىتنىڭمۇ تايىنى يوق ئوخشايدۇ، يانفۇن گېزىتى يېڭى چىققان چاغلاردا  قىزىقىپ مۇشتەرى بولغان ئۇ چاغلاردا خېلى ئوبدان نەرسىلەرنى ئەۋەتەتتى، ھازىرچۇ  ئۇسىغاندا شۇ ئىچىڭ، قورساق ئاچسا تاماق يەڭ دېگەندەك نەدىكى پىسپاس نەرسىلەر كېلىدۇ، شۇ سەۋەپتىن كىشىلەرنىڭ ئاتالمىش ئۇيغۇرچە يانفۇن گېزىتىگە بولغان قارشى تۆۋەنلەپ كەتتى، شۇڭا بىكالىق قىلغان  گەپ بۇنى ، بىكالىق قىلىشتىن ئاۋال خەلىقنىڭ كۆڭلىگە ياققۇدەك ئىشلىيەلىدۇقمۇ دېگەننى ئويلاپراق ئىش قىلسا بولاتتى،

abdulla350

	مانا رەسىملىرى

tohotur

	تەڭرىتاغ يانفۇن گېزىتى بولسا سىز بىز  مۇشتەرى بولۇپ ئاندىن ئۇچۇر كىلىدۇ ، شىنجاڭ ئۇيغۇر ئاپتۇنۇم رايۇنىنىڭ ھۆكۆمەت يانفۇن ئاگاھلىرى بولسا تېلفۇنى بارلىكى ئادەمنىڭ ھەممىسىگە كىلدىغان بىر خىل ھۆكۆمەتنىڭ ھۆججەت خاراكتىرلىك جىددى ئاگاھلاندۇرۇشلىرىنى يەتكۇزدىغان ئالاھىدە ئۇچۇر يەتكۇزۇش شەكلى ئۇيغۇرچىسى ھازىرغىچە بولۇپ باقمىدى ........................ سىزنىڭ بۇ ھۆكۆمەت يانفۇن ئاگاھلىرىغا مۇشتەرى بولۇشىڭىزنىڭ زەرۇريىتى يوق ،ھەم بولالمايسز ،ئۇ  ئۆزلىگىدىن يانچۇقىڭىزغا كىرىدۇ ، تېلفۇنىڭىز بولىسلا ئەمما ئۇيغۇرچىسى ھازىرغىچە بولۇپ باقمىدى ،

0999uyghurkizi

	مەنغۇ بۇ گېزىتكە مۇشتەرىي بولغىنىم يوق ، ئەمما ئۆزلۈكىدىن پەيدا بولۇپ قالدىغۇ -تاڭ .  بۇلتۇر يەنە بىر گېزىت بار ئىدى «رىشتە يانفۇن گېزىتى » دەپ   ، ئۇمۇ ئۆزلۈكىدىن كېلىپ يەنە ئۆزلۈكىدىن يوقاپ كەتتى  .  «ئۆزۈڭ كېلىپ ، ئۆزۈڭ كەتتىڭ كېرەك يوق » دەپ يۈرىۋەردىم .

ئەلشاھ

	تەڭرىتاغ يانفۇن گېزىتى شىجاڭ كۆچمە خەۋەرلىشىش ئابونتلىرى ھەقسىز ئىشلىتەلەيدۇ. ئىشلىتىش ھەققى ئېلىنمايدۇ. كۆپ ئېقىم خوراشنىڭ ئالدىنى ئېلىش ئۈچۈن  رەسىم سەل كىچىك. بىراق تېمىدىكىدەك تىرناقچىلىق ئەمەس. تىرناقچىلىك كۆرۈنگەن بولسا تېلفۇن تەڭشىكىدىكى مەسىلە بولىشى مۇمكىن. نورمال ئەھۋالدا ئادەتتىكى كۇنۇپكىلىق يانفۇنلاردا ئىكرانغا لىق كېلىدۇ. 2.4، 2.7دىيۇمغىچە ئىكرانلاردا . ئاندىروئىد يانفۇنلاردىمۇ 2.7دىيۇمدىن 3دىيۇمغىچە كۆرۈنىدۇ.

rawajtap

	ئەسسالامۇ ئەلەيكۇم، مەن بۇ ھەقتە ئازراق چۈشەنچە بېرىۋېتەي: مەزكۇر تېمىدا تىلغا ئېلىنغان تەڭرىتاغ يانفون گېزىت ھەققىدە چۈشەنچە تەڭرىتاغ يانفون گېزىتى ئاپتونوم رايونلۇق تەشۋىقات بۆلۈمىنىڭ بىۋاسىتە نازارەتچىلىكىدە، تەڭرىتاغ ئۇيغۇرچە تورى ئاز سانلىق مىللەتلەر سىمسىز تور ئىشلىرى مەركىزىنىڭ يانفون گېزىتى بۆلۈمى تەرىپىدىن چىقىرىلىدىغان گېزىت بولۇپ، مەزكۇر گېزىت بۇلتۇر بىر مەزگىل سىناق قىلىنغاندىن كېيىن، بۇ يىل (2013-يىلى) 3-ئايدىن باشلاپ رەسمىي ھالدا ئاپتونوم رايونىمىزدىكى 880مىڭدىن ئارتۇق يانفون ئابونتچىلىرىغا ھەقسىز تارقىتىلىپ كېلىۋاتىدۇ. تەڭرىتاغ يانفون گېزىتى ئاساسلىقى ئاساسىي قاتلامدىكى دېھقان چارۋىچىلارغا قارىتىلغان بولۇپ، گېزىت مەزمۇنى: دېھقانچىلىق بىلىملىرى، چارۋىچىلىق بىلىملىرى، باغۋەنچىلىك بىلىملىرى، ساغلاملىق بىلىملىرى، قانۇن بىلىملىرى، ئىقتىساد بىلىملىرى، تەرمىلەر، پىسخىكا بىلىملىرى، تۇرمۇش ئۈگۈتلىرى، يۇمۇر قاتارلىق تېمىلارنى ئاساس قىلىدۇ. يانفون گېزىتى ئۈچ خىل خەۋەرلىشىش شىركىتىنىڭ بېكىتىپ بەرگەن ئۆلچىمى (ئومۇمىي سىغىم ۋە ھەر بىر بەت مەزمۇن سىغىمى) بويىچە ئىشلىنىدىغان بولۇپ، ئۈچ خىل نەشرىنىڭ چوڭ-كىچىكلىكى جەھەتتە سىزنىڭ ئىشلىتىۋاتقان كارتىڭىزنىڭ قايسى خەۋەرلىشىش شىركىتىگە تەۋە ئىكەنلىكىگە قاراپ ئوخشىمايدۇ. جۇڭگو تېلېگراف شىركىتىنىڭ بەلگىلەپ بەرگەن ئۆلچىمى ئەڭ چوڭ بولۇپ، جۇڭگو تېلېگراف شىركىتى ئابونتچىلىرى ئانچە قىينالمايلا خەۋەردار بولالايدۇ. جۇڭگو بىرلەشمە خەۋەرلىشىش شىركىتىنىڭ بەلگىلەپ بەرگەن ئۆلچىمى ئوتتۇرىھال بولۇپ، ھەر ھالدا يامان ئەمەس، مەزمۇننى كۆرۈشتە ئانچە قىينالمايسىز، ئەمما جۇڭگو كۆچمە خەۋەرلىشىشىنىڭ بەلگىلەپ بەرگەن ئۆلچىمى ئەڭ كىچىك بولۇپ، بەلگىلەپ بېرىلگەن ئۆلچەم زىيادە كىچىك بولغانلىقتىن، بىر جەھەتتىن مەزمۇننى پاتقۇزغىلى بولمايدۇ يەنە بىر جەھەتتىن ھەر بىر بەتنىڭ سىغىمىنى (چوڭلۇقى) نى كونترول قىلىش ئۈچۈن، رەسىم ھۆججىتىنىڭ ئېنىقلىقى ئالاھىدە تۆۋەنلىتىلىدۇ.  بۇنداق بولۇشنىڭ سەۋەبى دەل يېزا-قىشلاقلاردىكى تېلېفونى ئىنتايىن ئاددىي بولغان دېھقان-چارۋىچىلارنىڭ تېلېفونىدىمۇ كۆرۈنىدىغان نورمال كۆرۈنۈشنى ئىشقا ئاشۇرۇش، چۈنكى ئاشۇ يىراق يېزا-قىشلاقلاردىكى دېھقانلارنىڭ تېلېفونىنىڭ ئەقلىي ئىقتىدارلىق ۋە ياكى يۇقىرى ئىقتىدارلىق بولۇشى ناتايىن. تەڭرىتاغ يانفون گېزىتى ئىقتىدار تىپىدىكى يانفونلار (功能机) نىڭ ئېكرانىنى ئاساس قىلغان، شۇڭا ئەقلىي يانفونلارنىڭ ئېكران ئېنىقلىق دەرىجىسى زىيادە يۇقىرى، گېزىت مەزمۇنىنىڭ بولسا ئېنىقلىقى زىيادە تۆۋەن بولغاچقا تەڭرىتاغ يانفون گېزىتى ئەقلى يانفونلاردا كۆرۈشكە تازا ماس كېلىپ كەتمەيدۇ، ئەلۋەتتە ئەگەر سىزنىڭ كارتىڭىز جۇڭگو تېلېگراف ۋە جۇڭگو بىرلەشمىسىنىڭ بولسا، ھەر ھالدا بولۇپ قالىدۇ. شۇڭا سىز ئەقلى يانفون ئىشلىتىۋاتقان بولسىڭىز، ئەڭ ياخشىسى تەڭرىتاغ گېزىتىنىڭ يانفون تېرمىنالىنى چۈشۈرۈپ پايدىلانغايسىز. تەڭرىتاغ يانفون گېزىتى ھەر كۈنى ئەتىگەن ۋە كەچتە ئىككى سان يوللىنىدۇ. تەڭرىتاغ يانفون گېزىتى پۈتۈنلەي ھەقسىز بولۇپ، ئابونتچىلاردىن ھېچقانداق ھەق ئېلىنمايدۇ. تەڭرىتاغ يانفون گېزىتىغا قارىتا ھەر قانداق پىكىر تەكلىپ بولسا، بىز ئىمكانىيەت يار بەرگەن ئەھۋال ئاستىدا قوبۇل قىلىشقا تىرىشچانلىق كۆرسىتىمىز. تېما ئىگىسىنىڭ ئىشلىتىۋاتقىنى بەلكىم جۇڭگو كۆچمە خەۋەرلىشىشىنىڭ كارتىسى بولسا كېرەك، شۇڭا مەزمۇننى كۆرۈشتە قىينالغان ئوخشايدۇ.