ئاشىق كۈلسۇن (شېئىرلار)

nazigul8

	سېغىنىش ئۇيقۇ قاچتى كۆزۈمدىن بۈگۈن، سېغىنىشتا يالتىراپ كۆزلەر. ھىچ ئېسىمدىن كەتمىدى يەنە، يۈرىكىڭدىن سەن قىلغان سۆزلەر. كۆرەلمىدىم كۆزلىرىڭ نىچۈن، سەنسىز ئاسمان ماڭا بولدى تار. چۈشەنمدىدم تەغدىر قىسمىتى، نىچۈن قىلار بىر ۋىسالغا زار. ۋىسالسىزلا تەغدىر ئايرىسا، ئىللىتالماس قەلبىمنى قۇياش. مۇز ئوكياندا ياشايدۇ يۈرەك، قېتىپ قالار كۆزلىرىمدە ياش. تەغدىر بىلەن ئېلىشىپ سۆيگۈ، ئىزلەر يۈرەك سەن قەيەردە دەپ. قىيناپ يۈرەك ۋىسالسىز سۆيگۈ، سېغىنىشلار كەتتىغۇ ئەدەپ. يۈرەك سېنى ئىزدەۋاتىدۇ سۆزلىرىڭنى سۆزۈم دەپ بىلىپ، كۆزلىرىڭنى كۆزۈم دەپ بىلىپ، ئاسىيلىقنى ئۆلۈم دەپ بىلىپ، بارلىقىڭنى جېنى دەپ بىلىپ، يۈرەك سېنى سۆزلەۋاتىدۇ. زىمىستاننى ئىللىتقان چاغلار، يۈرەك كۈلگەن كۈلدۈرگەن ئايلار، مېھىرلەردە كۆكلىگەن باغلار، يۈرەككىلا يېزىلغان بۇلار، يۈرەك سېنى سېغنىۋاتىدۇ. چېھرى قۇياش ئۇ يۈزلەر قېنى، مېھىر بېرەر ئۇ كۆزلەر قېنى، ئابىھايات ئۇ سۆزلەر قېنى، بىرگە سوقار ئۇ يۈرەك قېنى، يۈرەك سېنى ئىزدەۋاتىدۇ. يۈرەك سېنى سۆزلەۋاتىدۇ، يۈرەك سېنى سېغنىۋاتىدۇ، يۈرەك سېنى ئىزدەۋاتىدۇ، يۈرىكىنى ئىزدەۋاتىدۇ، بىرگە سوقار ئۇ يۈرەك قېنى؟ ئاشىق كۈلسۇن قەلبىڭنى بەر مېھرىڭنى بىرگە، چۆللەر كېزىپ قالمىسۇن ئاشىق. مۇھەببەتنىڭ گۈزەل بېغىدا، كۈلسۇن مەڭگۈ بۇ گۈزەل ياشلىق. سۇغۇرۇپ تۇر گۈلۈڭنى يەنە، سۇغا قانسۇن سۆيگۈدە قەلبى. رىشتەڭ گۈلگە باغلانسۇن مەھكەم، يىلتىز تۇپراق ئايرىلماس كەبى. مۇھەببەتتىن گۈزەلدۇر دۇنيا، ئاشىق كۈلسۇن بەختى ئېچىلىپ. كۈلسۇن قۇياش ئاشىق چېھرىدە، يولغا يورۇق نۇرلار چېچىلىپ. مەنبە: گاللاشقان قەلىمىمدىن. 2013-يىل 8-ئاينىڭ 31-كۈنى

uyol

	شېئىرلىرىڭىز ئېسىل چىقىپتۇ

narkas

	ئىلھاملىرىڭىز ئۈزۈلمىگەي ، بەرىكەتلىك بولغايسىز .

miskin1314

	ياخشى يىزىلىپتۇ ، قەلىمىڭىز ھارمىغاي .

nazigul8

	uyol يوللىغان ۋاقتى  2013-8-31 10:06 PM شېئىرلىرىڭىز ئېسىل چىقىپتۇ رەھمەت! سىزمۇ شېئىرلارنى ياخشى يازىسىزكەن، مەنمۇ كۆرگەنتىم يازغانلىرىڭىزنى.

nazigul8

	narkas يوللىغان ۋاقتى  2013-8-31 10:18 PM ئىلھاملىرىڭىز ئۈزۈلمىگەي ، بەرىكەتلىك بولغايسىز . رەھمەت! مەنمۇ سىزنىڭ شېئىرلىرىڭىزنى ياقتۇرۇپ ئوقۇيمەن. سىزنىڭمۇ قەلىمىڭىزگە ئۇتۇق يار بولسۇن!

nazigul8

	miskin1314 يوللىغان ۋاقتى  2013-8-31 10:47 PM ياخشى يىزىلىپتۇ ، قەلىمىڭىز ھارمىغاي . رەھمەت!

uyol

	nazigul8 يوللىغان ۋاقتى  2013-9-1 07:10 AM رەھمەت! سىزمۇ شېئىرلارنى ياخشى يازىسىزكەن، مەنمۇ كۆر ... ياقەي،دېدەك ياخشى ئەمەس. مەن پەقەت ھەۋەسكار!!

Janbar

	ئۇيقۇ قاچتى كۆزۈمدىن بۈگۈن، سېغىنىشتا يالتىراپ كۆزلەر. ھىچ ئېسىمدىن كەتمىدى يەنە، يۈرىكىڭدىن سەن قىلغان سۆزلەر. ئاخىرقى مىسرادا يۈرىكىڭدىن بولغاندىكىن سەننى ئالماي «يۈرىكىڭدىن قىلغان شۇ سۆزلەر' دەپ ئالساق بولغۇدەك دەپ قالدىم. سۇغۇرۇپ تۇر گۈلۈڭنى يەنە، سۇغا قانسۇن سۆيگۈدە قەلبى. بۇ يەردىكى قەلبى ئەمەس بەلكى قەلبىم ئدىغۇ دەيمەن. شېئىرلىرىڭىزنى شۇنداق ياقتۇرۇش ئىچىدە ئوقۇپ چىقتىم. داۋاملىق يېزىپ تۇرۇڭ، ئۇتۇقلار يار بولسۇن دوستۇم.

nazigul8

	Janbar يوللىغان ۋاقتى  2013-9-1 12:17 PM ئۇيقۇ قاچتى كۆزۈمدىن بۈگۈن، سېغىنىشتا يالتىراپ كۆزلە ... مۇشۇنداق ئىنكاسلارنىمۇ كۆرگىلى بولدىكەن-ھە، بەكلا خوش بولدۇم، ئەستايىدىل ئىنكاس يازغىنىڭىزغا رەھمەت! مەنمۇ سىز دىگەندەك شۇ بىر مىسرانى خېلى ئويلاشقان، يۈرىكىڭدىن سەن قىلغان سۆزلەر. دىكى  سەننى سەل ئۇرغۇلۇق چىقىدىكەن دەپ سەن دەپ ئالغان ئىدىم، سىز دىگەندەك ئالساقمۇ بولىدىكەن. ئاندىن قەلبى دىگىنىم ئەسلى شۇ قەلبىم ئىدى، بۇندىن كېيىن شەخس ئۆزگۈرۈشىگە دىققەت قىلاي. ئاخىرىدا سىزنىڭمۇ شېئىرلىرىڭىزنى دائىم كۆرۈپ تۇرساق دەيمەن.