باغداش تورى پۈتۈنلەي نورمال ئېچىۋىتىلدى.

زاغرا

	سىزنىڭ بىرەر مەنپەتىڭىزگە تاقىشىۋاتامدۇ يا مىسرانىمنىڭ مەۋجۇت بولۇپ تۇرىشى؟ ھەقىچان مۇنبەر تاقالسا بىكەت باشلىقىغا بىرەر ئىش بولسا يوقلاشقىمۇ ۋاختىڭىز يوق بۇنى بىلىمەن.چىتىلىپ قىلىشتىن قورقىسىز. جەرىمانە تۆلىسە 10 كوي چاغلىق تۆلىشىپ بەرمەيسىز نىمە دەپ سىلەرنىڭ رايىڭلارغا باققۇدەك بىر مۇنبەرگە ئەجىر قىلغان ئادەم مۇنبەرنى قانداق باشقۇرسا ئۆزىنىڭ ھوقوقى. خالىسا تاقىۋەتسىمۇ بولاۋىرىدۇ.

asma0996

	بەزىلەرنىڭ سەزگۈرلىگى بەك ئېشىپ كەتتىمۇ قانداق؟   مەن، مېنىڭ رايىمغا باقسۇن دىمىدىمغۇ؟  مۇنبەرنى تاقامدۇ ئاچامدۇ، مېنىڭ نىمە كارىم؟  ئۆتكەندە، خوتەندىكى ئۆت اپىتى بولغان چاغدا، ئۆز ئارا ياردەم قىلىش توغرىدىكى تېمىنى تاقاپتىكەن، ۋە باشقۇرغۇچىلارمۇ، ياردم قىلمىسىمۇ بولىدىغانلىغى، كومپارتىيەنىڭ قاراپ تۇرمايدىغانلىغى، ياردەم قىلىمىز دەپ ئوشۇق ئىش قىلىشنىڭ ئورنى يوقلۇغى توغرۇلۇق، ئىنكاس يېزىپتىكەن، كىيىن قارىسام يۇيىۋېتىپتۇ!   بۇ تېمىنىڭ ھىچقانداق سەزگۈر تەرەپلىرىمۇ يوق ئىدى. يەنە نۇرغۇن تېمىلارمۇ ھەم شۇنداق تاقالغان ۋە ئۆچۈرۈلگەن!   دىمەكچى بولغۇنۇم، شېئىرى قوشاقلار، كۈلدۈرگە ئېتوتلار، ئۇسۇل- تاڭسىلار دىگەندەك تېمىلار ئاسان تەستىقلىنىلىدۇ. تەربىيىۋى- ئەھمىيەتكە ئىگە ،مىللەتنى جۇشقۇن روھقا ئىگە قىلىدىغان تېمىلار، بەزى سىياسىغا ئائىت خەۋەرلەر، گەرچە تېلىۋېزورلاردا  قويۇلغان بولسىمۇ،بۇ مۇنبەرگە چىقارسا، ئۆچۈرۈلىدىكەن!  يەنە بىر ئىش ، مۇنبەردە ئۇرۇش- تالاشلار بەك كۆپكەن!  ئېغىزدىن چىققان بىنورمال سېسىق گەپلەرگە چىداپ تۇرغىلى بولمايدىكەن!  باشقۇرغۇچىلار، ئۇرۇش قوزغاپ ، باشقىلارغا تىل سالغانلارنى ئالدىدا بىر تەرەپ قىلماي، ھاقارەتكە ئۇچراپ ، چىدىماي بىرەر ئىككى ئېغىز سۆزلەپ قويغانلارنى چەكلەشكە ئاران تۇرىدىكەن! باشقا مۇنبەرلەردە، شۇنداق ياخشى مۇنازىرە قوزغىغان تېمىلار بۇ مۇنبەردە، جىدەل- ماجرا قوزغاپ ، تېمىنىڭ تاقىلىشى، ئەزالارنىڭ چەكلىنىشى بىلەن ئاخىرلىشىدىكەن.  بۇ مۇنبەردە بىلىمسىز، نادانلار كۆپمۇ ياكى بىلىمى تېشىپ ئۆتۈپ كەتكەنلەر كۆپمۇ ۋەياكى باشقۇرغۇچىلارنىڭ ساپاسى، بىلىم قۇرۇلمىسى ئانچە يېتەرلىك ئەمەسمۇ بىلمىدىم،  ئىشقىلىپ مېنى ھەيران قالدۇرغان ئەپسۇسلاندۇرغان ئىشلار كۆپ!  شۇڭا، باشقۇرغۇچىلارنىڭ بۇ مەسىلىنى ئويلۇشۇپ ، نىمە ئۈچۈن باشقا مۇنبەردە ئۇرۇش-جىدەل ئاز؟ مىسرانىمدا كۆپ دىگەننى ئويلاشقان ھالدا ، ئىنكاس يازغان ئىدىم! ئەپسۇس ؟ ئويلىماپتىمەن....! نارازىلىقنى ئىپادىلەشمۇ، مەسىلىنى سەل قىلىشنى ئىلگىرى سۈرىدۇ ئەمەسمۇ؟ تور بەت ئېچىشنىڭ مەقسىدى پۇل تېپىشلا بولمىغاندىكىن، خەلققە ئازراق ئىش قىلىپ بېرىپ، مەسىلىلەرنى تور ئارقىلىق بولسىمۇ ھەل قىلىش، خەلققە پايدىلىق ئىشلارنى قىلىپ بىلىمگە ئىگە قىلىشمۇ ياخشى ئىشقۇ؟ تور دۇنياسىدىن ئىبارەت بۇ مەۋھۇم دۇنيانى كۆڭۈل ئېچىش خاراكتىرىدىلا قىلىۋالماي، خەلققە نەپ يەتكۈزىدىغان ، خەلققە بىلىم ئېلىپ كېلەلەيدىغان يۆلۈنۈشكە ئۆزگەرتسە بولىدىغۇ.... بىز، ئىت-مۈشۈكتەك، قورقۇپ شۈمشۈيۈپ، تېما تاقاپلا يۈرمەي، نۇرغۇن ئىسىل، پايدىلىق قانۇنلار بولغاندىكىن، ئۆز ھوقۇقىمىزنى قوغداپ، قانۇن يول قويغان مەسىلىلەرنى ئايدىڭلاشتۇرۇپ، قالايمىقان چەكلىمىگە ئۇچراش ئىشلىرىنى ھەل قىلساق ياخشى ئەئەسمۇ؟ قانۇندا يولغا قويۇلغان نۇرغۇن مەسىلىلەر، توردا چەكلىنىپ،تۇرمۇشتىمۇ ئەمىلىلەشمەي، بەكاراق تىنىش پۇرسىتىدىنمۇ مەھرۇم قېلىۋاتىمىز! قانۇندا بار ئىشلارنى دادىللىق بىلەن ئوتتۇرىغا قويۇپ سۆزلىگەنلەرنى، چەكلەپ، گەپ قىلالماس قىلىپ قويدۇق! پەقەت ئۆزىمىزنىڭ مەنپەئەتىنى دەپ، تورنىڭ تاقىلىپ قالماسلىسى ئۈچۈن ، نۇرغۇن ياخشى تەرەپلەر سۆزلەنمەي، باشقىلارغا بىلىندۈرۈلمەي، باسۇرۇپ قويۇشلار بىلەنلا ئاياقلىشىۋاتىدۇ!   مۇشۇنداق ئۆزىمىزنىڭ ھوقۇقىنىمۇ قوغداشنى بىلمەي، ئۆتىۋېرىدىغان بولساك، كىيىنچە، ئوبۇرنىغا بارساقمۇ رۇخسەت سورايدىغان، يۇقۇرىدىن تەستىق چۈشكىچە، ئىشتانغا چىقىرىپ يۈرۈيدىغان ئىشلار  يۈز بېرىدۇ! بىز قانۇننى ،مۇققەددەس دەپ جار سالىمىز، لېكىن شۇ مۇققەددەس قانۇندىن پايدىلىنىپ، مەنپەئىتىمىزنى قوغداشنى خالىمايمىز!  خالايدىغانلارنى بولسا، قورقۇپ تىترەپ، تۇنجۇقتۇرۇپ تاشلايمىز!   دىمەكچى بولغۇنۇم، سەل ئەركىنرەك بولساق، ئۆزىمىز ئۈچۈن بولمىسىمۇ، كىيىنكى پەرزەنتلىرىمىز ئۈچۈن، ئۇلارغا ئەركىنرەك نەپەس ئالىدىغان مۇھىت يارىتىپ بېرىدىغان شارائىت ھازىرلاش ئۈچۈن بولسىمۇ،  مەركەزنى ،ناخشا-ئۇسۇلغالا مۇجەسسەملىۋالماي، قانۇن- تۈزۈم توغرۇلۇق، تەنتەربىيە، ساقلىقنى ساقلاش.. دىگەندەك تېمىلار كۆپرەك بولسا... دىمەكچى! مىسرانىم ھەقىقەتەن، ئەزاسى كۆپ بولغان گىگانت مۇنبەر! مىسرانىم ، باشقا تور بەتلىرىدە بولمىغان ئەزاسى كۆپ بولۇشتەك ئەۋزەللىكنى جارى قىلدۇرۇپ، ساننى ئاساس قىلماي، سۈپەتنى ئاساس قىلىپ، مىللەت ئۈچۈن ئازراق تۆھپە قوسسا... دىمەكچى!   تور بەت قۇرغۇچىسىنىڭ تومۇرىدا ئېقىۋاتقىنى ساپ ئۇيغۇرنىڭ قېنى!  يەنە كېلىپ، ئۇيغۇرلارنىڭ سەركەردىسى چىقىدىغان ، ئالىملارنىڭ ماكانى  قەدىمى شەھەر ، قەشقەر ئوغلانى!  شۇڭا بۇ  تەكلىپ پىكىر ئاساسىدىكى ئىنكاسنى يازغانمەن! باشقىلارنىڭ، ئىنكاسىمنى نەقىل ئېلىپ بۇنچىۋالا چالۋاقاپ كېتىشىنى ئويلىماپتىمەن!  .............  بەك ئەپسۇس!    ئازراق، بىز ياقتۇرمايدىغان ئىنكاسلارنى يازغان  قېرىنداشلىرىڭلارنى ھاقارەت قىلىپ كەتمەڭ ئۇيغۇرۇم! شۇ سىز ياقتۇرمىغان ئىنكاسنىيازغان توردىشىڭىز، سىزنىڭ مىللەتدېشىڭىز، دىندېشىڭىز!  ۋاختى سائىتى كېلىپ قالغا، سىز ياقتۇرمىغان شۇ توردىشىڭىز ، سىز بىلەن بىر يولدا، بىر سەپتە بولۇپ، سىزگە ھەمنەپەس بولۇپ قېلىشى مۈمكىن!  كىم يازغانكىن ئېسىمدە قالماپتۇ،   مۇنۇ مىسرالار بىلەن سۆزۈمنى تامام قىلاي:            پەخىرلەنسەك ئەرزىيدۇ بىز ئەسلىمىز ئۇيغۇر،     ئەجداتلارنىڭ ۋارىسى بىز نەسلىمىز ئۇيغۇر.      چىن تۆمۈردەك ئۇيغۇرلارنىڭ، باتۇرلارنىڭ پۇشتى بىز ئۇيغۇر،      ئىناق ئۆتۈپ شات ياشايلى، چۈنكى بىز ئۇيغۇر!!!                                                         پەخىرلەن! ئەي ئۇيغۇر، ئەجدادىڭ ئوغۇز،                                                         تۆھپىسىز كۆز يۇمساڭ قىلمامسەن نومۇس!                                                          ئىلىم-پەن كۆكىدە شان-شەرەپ قۇچساڭ،                                                          مىللىتىڭ كۆرمەيدۇ زىمىستان- تومۇز!

lawa0998

	زاغرا قېرىندىشمىزغا شۇنى تەۋىسيە قىلغۇم كېلىدۇ-----جىنايەتسىز قۇرقۇش قانۇنى ئۇقۇم ئەمەس. باغداش ھىچنىمە بولمىدى. ئەنە ئوچۇق تۇرمامدۇ؟ مىسرانىمنىڭمۇ ئەلۋەتتە ئەۋزەللىكى بار، لېكىن يۈكسىلىش تەرەققىيات ياساش تەشەببۇس قىلىنىپ كېلىۋاتقان رىئاللىقىمىزدا-مەۋجۇتلۇقنىڭ بىر خىل تۇرغۇنلىقى ھىچنىمىدىن دېرەك بەرمەيدۇ .

nazila998

	راستىنلا خۇش - خەۋەركەن ، لىكىن بۇ ياخشى خەۋەرنى كىچىكىپ كۆرۈپتىمەن

ئەرك099

	بۇ بىر ياخشى خەۋەركەن ،رەخمەت

akyda007

	tafakkur يوللىغان ۋاقتى  2013-9-8 10:49 PM سىز مىسرانىمغا ئامراقمۇ ياكى ياخشى تىمىلارغىمۇ؟          ... ئەلۋەتتە ياخشى يارتىلغان ئەسەرلەرگە

xatuti

	باغداشنىڭ ئېچىلغانلىغىدىن ناھايىتى خوشال بولدۇم،چۈنكى مەن ئۇ يەرگىمۇ ئەزا...... لېكىن مەن يەنىلا مىسرانىمنى بەكلا ياخشى كۆرىمەن،بەلكىم مىسرانىمغا بۇرۇنراق ئەزا بولغانلىغىم سەۋەپلىكتۇ.....!؟ مىسرانىمغا گەرچە تېما ھەم ئىنكاسلارنى بەك جىق يوللىمىساممۇ،لېكىن كۈندىلا كىرىپ تېما ھەم ئىنكاسلارنى تەپسىلى كۆرۈپ چىقىپ كېتىمەن.......مەن ئۈچۈن ھەممىڭلار ماڭا تونۇش ھەتتا يېقىنلىرىمدەك بولۇپ كەتتىڭلار...بەزىدە نەچچە كۈن ھەتتا نەچچە ئاي ئنكاس ياكى تېماڭلارنى كۆرمىسەم سىلەرنى سېغىنىپ قالىمەن...نىمە بولغاندۇ؟كىملەردىن كۆڭلى ئاغرىپ رەنجىپ كىرمەيۋاتقاندۇ دەپ سىلەرنىڭ غېمىڭلارنى يەپ كېتىمەن.... توۋا كۈلكىلىكمىكەنمەن...ئويلاپ باقسام مىسرانىم مېنىڭ ئائىلەمدەكلا بولۇپ قاپتۇ.... ئائىلەمدىكى سىلەرنىڭ ساق سالامەت بولۇشۇڭلارنى تىلەيمەن....گېپىم بەك ئۇزۇراپ كەتتى........سەل ھاياجانلىنىپ قالدىممۇ قانداق

akyda007

	مىسىرانىم قۇرغۇچىسى ئابابەكرى مۇختەرنىڭ نى جاپالاردا مۇشۇنچىلىك ھالەتكە كەلگەنلىكىنى بىلگەن ئادەم بۇنداق ئۇنداق دەپ يۈرمەيدۇ  ،،،،ئابابەكرى مۇختەر ئاكىمىزنىڭ ئائىلىسىمۇ بەش ۋاخ ناماز ئۇقۇيدىغان ئائىلە ياخشى خېلى ياخشى،،،،،،مۇمكىن بولسا بۇ مۇنبەرگە  تەسىرى بولمايدىغان ئەسەرلەرنى كۆپ يازغان ياخشى،،،،،بىراق نىم جاپا تەپسىمۇ تەۋېرمەيدىغان ئادەملەرنئۈچۈن شۇلارنى  كۆرسۇن دەپ يازغان مىللىي كېملىك سۆزلەرنى دەپ ئۆزىنى تۇتۇپ بەرگەندىن كۆرە ئەڭ ياخشىسى كۆپەرەك ئۇقۇپ ئەۋلات تەربىيلىگەن تۈزۈك ئەمەسمۇ؟ ئابابەكرىنىڭ مىللىي ۋىجدانى خېلى كۈچلۈك،،،،،،،بۇنى تۇنۇشساڭلار بىلىسىلەر......

akyda007

	ھازىر مىسىرانىملا ئەمەس ‹ئىزدىنىش‹جۇلامۇنبىرى›‹ ئانا تۇپىراق ›......ۋە باشقىلار ھەممىسى ئوخشاشلا .كۆرۈپ بېقىڭلار

zanjir36

	مۇبارەك بولسۇن ، مىسرانىم باغداش قول تۇتۇشۇڭلار