تەڭ سوقامدۇ يۈرەك(شېئىر)

nazigul8

	تەڭ سوقامدۇ يۈرەك باھار ئىدىم ھىسلىرىم يېشىل، سەن ناخشىغا ئايلانغان پەسىل. كۈلگەن ئىدىم تاتلىق بەك تاتلىق، سېلىپ ئىگىز سۆيگۈڭدىن سېپىل. قورقمىغانتىم سوغۇق قىشتىمۇ، ساقلىغاچقا قەلبىمدە باھار. ئۈزمىگەنتىم ئۈمىتنى بىرگە، خالىماستىن ئۇنتۇشنى زىنھار. ئەمدى كەلمەس سېنىڭدىن سادا، مۇزلىماقتا يازدىمۇ يۈرەك. لېكىن يۈرەك ئۇنتالماس سېنى، سىغدۇرمىغاچ بىر سەندىن بۆلەك. ئەزدى باغرىم ئۈنسىز تەنھالىق، چۆكتى ئۈنسىز بىر تالاي ئارمان. ئەللەيلىتىپ يۈرسىمۇ ھىجران، ھۆكۈم سۈردۈڭ قەلبىمدە ھامان. قېنى ئېيت! تەڭ سوقامدۇ يۈرەك، چىن سۆيگۈدىن كەتمە يىراقلاپ. بارمۇ ئورۇن قەلبىڭ قېتىدا، يۈرۈكىڭنى باققىن ۋاراقلاپ. مەنبە: نازىگۈل

Gvlbargi0999

	ئاپىرىن نازىگۈل، لىرىكىڭىز ياخشى چىقىپتۇ.

kakkuk11

	ئەسسالامۇ ئەلەيكۇم نازىگۈل لىرىكىڭىز بەك مۇڭلۇق چىقىپتۇ . شېئىرىڭىزنى ئوقۇپ يىراقتىكى جاناننى ئىختىيارسىز ئەسكە سېلىپ قويدىڭىز. ئىجادىيەتلىرىڭىزگە ئۇتۇق تىلەيمەن .

Gvlbargi0999

	kakkuk11 يوللىغان ۋاقتى  2013-9-15 11:52 PM ئەسسالامۇ ئەلەيكۇم نازىگۈل لىرىكىڭىز بەك مۇڭلۇق چىقىپ ... پاھ كاككۇكجان، جانان يىراقتىكەندە،                    غەم قىلمىغىن كاككۇكجان،                   كېلەر بىر كۈن جانانىڭ.                   يوللار يىراق بولسىمۇ،                   ئەسكە ئالار شۇ يايرىڭ.

kakkuk11

	باھار ئىدىم ئىللىغان جاھان ، سەن شېئىرغا ئايلانغان چاغدا . مۇزلىماقتا تەڭ سوققان يۈرەك ، سېغىنىشلار قورشىغان تاغدا . شېئىرىڭىزنى ئوقۇپ دەھشەت ئىلھاملار كەلگەن ، ئاران بىرنى يازدىم دېسە.

kakkuk11

	Gvlbargi0999 يوللىغان ۋاقتى  2013-9-15 11:59 PM پاھ كاككۇكجان، جانان يىراقتىكەندە،                    غەم قىل ... مەن چۈشىمەن  يارىم بەيگىگە ، مەن ساقلايمەن ئۇ ساقلىتىدۇ . نەپەس ئالسام ئۇ بولۇر ئۆپكەم ، ھاياتىمنى ئۇ چاقنىتىدۇ . ھى ھى شۇڭا ئۇ بىزنىڭ زەينەپ ماركىلىق بىزنىڭ زەينەپ ھەدە ھى ھى

kulgan-parexta

	ھەقىقەتەن ياخشى چىقىپتۇ

Gvlbargi0999

	kakkuk11 يوللىغان ۋاقتى  2013-9-16 12:09 AM مەن چۈشىمەن  يارىم بەيگىگە ، مەن ساقلايمەن ئۇ ساقلىتى ... ھا ھا ھا...... ما گەپ كەپتۇ ھە!

uyol

	راسلا ياخشى يېزىپسىز