ھاياتلىق ئىلمى پەنلىرى دوكتۇرى بىلگەجان بىلەن سۆھبەت

ehrami

	بۈگۈن يەنە بىر دوكتۇرىمىز بىلەن تونۇشتۇق مانا

archa

	بىلگەجاننىڭ تېرىشچانلىقىغا قايىلمەن. ئۇنىڭ شۇنچە ياش تۇرۇپ مۇنچىلىك نەتىجە قازانغىنى ئۇنىڭ كېيىنكى پۇرسىتىنىڭ تېخىمۇ كۆپ ئىكەنلىكىنى بىلدۈرىدۇ.    بۇ سۆھبەتنى ئوقۇپ بىلگەجاننىڭ ياشلاردىن كۈتكۈن ئۈمىدى ۋە كەلگۈسى پىلانىنى بىلگەندىن كېيىن يەنە بىر يورۇق يۇلتۇزنى كۆرەلىگەندەك بولدۇم...   بىلىم چەكسىز، تېرىشىش مەڭگۈلۈك، ھەمكارلىق ئورتاق، ئېرىشىش تاتلىق بولىدۇ. بىلىمنىڭ قىممىتىنى بىلىملىكلەر بەكرەك چۈشىنىدۇ، ئىختىزاسلىقلارنىڭ قەدىر - قىممىتى چوڭ يەردە بەكرەك بولىدۇ. گەرچە خىيال شىرىن بولسىمۇ تۆۋەنگە چۈشكەندىن كېيىنكى ئەمىلىي شارائىتنىڭ خىيالدىكىدەك بولۇشى ناتايىن، بىلىمنى ھەرگىزمۇ بۈلۈمسىزلەرنىڭ قولىدا خارلاشقا بولمايدۇ، نادانلار ھەرقانچە دەبدەبىلىك گەپ قىلسىمۇ بۈلۈمسىزلەرنىڭ قولىدا بىلگىنىنى تولۇق جارى قىلدۇرماق قىيىن... گەپلرىمنى بىلگەجان بەلكىم چۈشۈنۈپمۇ بولغاندۇ.     ئاخىرىدا بىلگەجاننىڭ ۋەتەنگە قايتىپ كەلگەندىن كېيىنكى پىلاننى(خىزمەت ئورنى) بەكمۇ پۇختا تۈزۈشىنىڭ مۇھىملىقىنى تەكىتلەيمەن، كېيىنكى مۇۋاپىقىيىتىگە ئاسانلىق تېلەيمەن، ھەممىدىن مۇھىمى ئۇنىڭغا ساغلاملىق ۋە مەڭگۈلۈك خاتىرجەملىك تېلەيمەن! ئىقتىدار ئىسراپچىلىقى پۇل ئىسراپچىلىقىدىن مىڭ ھەسسە يامان، ئالتۇننىڭ قەدرىنى پەقەت زەگەر بىلىدۇ!

bilgejan

	archa يوللىغان ۋاقتى  2013-10-19 02:02 PM بىلگەجاننىڭ تېرىشچانلىقىغا قايىلمەن. ئۇنىڭ شۇنچە ياش ... ياخشى باھا، سەمىمىي تىلەكلىرىڭىزگە كۆپتىن-كۆپ رەھمەت ئارچا خانىم! كۆپ مەمنۇن بولدۇم. دىگەنلىرىڭىزنى چۈشەندىم ۋە پۈتۈنلەي قوشۇلىمەن. مەن ئۈچۈن باش قاتۇرۇپ مۇھىم ئىشلارنى ئېسىمگە سالغىنىڭىزغا رەھمەت، مەن چوقۇم ئوبدان ئويلىشىمەن.

bilgejan

	aksiya يوللىغان ۋاقتى  2013-10-18 11:02 AM چاتاق يوق ، ھازىر باراڭ پۇل ئەمەس قاپاق پۇل بولىدىغان  ... دىگىنىڭىزدەك بولسىغۇ ياخشىتى، قېرىندىشىم. ئامرىكىدا ئادەتتە SCI غا كىرمەيدىغان ژورناللار يوق دىيەرلىك، ھەم ئۇنداق ژورناللاردا ماقالە ئېلان قىلمايمىز چۈنكى بۇ تەرەپتىكى مۇتلەق كۆپ ساندىكى تەتقىقاتلار سۈپەتلىك ئىلمىي ماقالىلەرنى بارلىققا كەلتۈرىدۇ، شۇڭا جۇڭگودىكىدەك SCI دىگەن سۆز تىلىغىمۇ ئېلىنمايدۇ، پەقەت شۇ ساھەدىكى قانچىلىك ياخشى ژورنالغا ئېلان قىلىنغانلىقىغا قارايدۇ. چەتئەللەردە ياخشى ئوقۇپ «قاپاق»قا ئىگە بولۇپ قايتقانلارنىڭمۇ ئۆزىگە لايىق خىزمەتلەرگە ئېرىشەلمىگىنىنى ئاڭلاپ تۇرىدىغان بولغاچقا، گەرچە «قاپاق» خېلى ئوبدان بار بولسىمۇ جۇڭگودا «باراڭ» پۇل بوپ قالامدىكىن دەپ ئەنسىرەپ قالىدىغان ئىشكەن، بولۇپمۇ ئۇيغۇر ئاپتونوم رايونىدا. ئامرىكىدا كولۇمبىيە ئۇنىۋىرستىتىدەك دۇنياۋى مەكتەپلەرنىڭ خىزمەت تەكلىپىگە ئېرىشىپ كەسكىن رىقابەتكە تولغان ئامرىكا ئاكادىمىيە ساھەسىدە ئۈزۈپ چىقىۋاتقان يەردە، «قاپاق» يوق بولۇشتىن ئەنسىرىمەيمەن. مېنىڭ ېېيجىڭغا ئەمەس ئۈرۈمچىگە قايتقۇم بار. ئەگەر بېيجىڭغا قايتسام تەكلىپ قىلىدىغانلارنىڭ ھەر ۋاقىت چىقىدىغىنغا ئىشىنىمەن. پىكىر بەرگىنىڭىزگە رەھمەت. مەنمۇ ماگىستىرلىقتا ئوقۇۋاتقان مەزگىلدە ھايۋانلارنى قوغداش بىئولوگىيىسى تەتقىقاتى بىلەن شۇغۇللانغان، ھازىر يۆنىلىشىمنى ئۆزگەرتىپ ئالقىشقا ئېرىشىۋاتقان بىئو-مىدىتسىنا ساھەسىدە تەتقىقات ئىلىپ بىرىۋاتىمەن. شۇنداقتىمۇ قوغداش بىئولوگىيسى بىر قىزىقارلىق كەسىپ دەپ ئويلايمەن. پىكىر ئالماشتۇرۇپ تۇرساق بولىدۇ. مەن تۆۋەنگە بىر قسىم ماقالىلىرىمنى يوللاپ قوياي، يىقىندا يەنە بىر پارچە ماقالەم(PNAS) تە ئېلان قىلىنىپ قىلىشى مۇمكىن. كۆرۈپ بىقىڭ. خالىسىڭىز سىزنىڭ ماقالىلىرىڭىزنىمۇ كۆرۈپ باقاي. http://ajpendo.physiology.org/co ... /ajpendo.00117.2013 http://www.ncbi.nlm.nih.gov/pmc/articles/PMC3658881/ http://www.ncbi.nlm.nih.gov/pmc/articles/PMC3330774/ http://www.expert-reviews.com/doi/pdf/10.1586/eem.13.14

TILSIMAT

	ئەسسالامۇ ئەلەيكۇم، ئۇيغۇر دېگەن نامغا يۈز كېلىپ ياشاۋاتقان بىلگە قېرىندىشىم، كېچىكىپ بولسىمۇ سىزنىڭ ئۇلۇغ قۇربان ھېيتىڭىزنى تەبرىكلەيمەن!   سىزنىڭ ‹بىز› ئۈچۈن قىلغانلىرىڭىزغا كۆپ تەشەككۇر! ئۇلۇغ ئاللاھ ئەجرىڭىزگە ئىككى ئالەمدە ھەسسىلەپ  ساۋاپ بەرگۈسى!!!   مەيلى قەيەردە بولسۇن يۈرىكىدە ئۇيغۇر ئۈچۈن تۆھپە قوشۇشنى نىيەت قىلىپ ياشاۋاتقان بارلىق قېرىنداشلىرىمىزگىمۇ سالام!   ئىقتىدارلىق باشقۇرغۇچىمىز مارشالنىڭ بۇ جەۋھەر تېمىسىنى كۆرۈپ بەك خۇرسەن بولدۇم. رەھمەت سىزگە! ئۆزىمىزنىڭ نېمە ئۈچۈن تۇغۇلۇپ نېمە ئۈچۈن ياشاۋاتقانلىقىمىزنى گاڭگىرالماي ھاياتىمىزنى مەنىسىز ئۆتكۈزۈۋاتقان بۈگۈنكى كۈنلەردە بىلگەجاننىڭ شۇنچە كىچىك تۇرۇپ ئۇيغۇر ئۈچۈن قوشقان تۆھپىسى بىزنى چوڭقۇر ئويلاندۇرۇشى كېرەك. مەيلى قەيەردە بولىشىمىز، نېمە ئىش بىلەن شۇغۇللىنىشىمىزدىن قەتئىينەزەر ھەربىرىمىز زەررىچىلىك ئىشلاردىمۇ ۋىجدانىمىزغا يۈز كېلىپ ياشىيالىساق ئاندىن كەلگۈسىدىكى ئاۋۇ قارا كۆزلەرگە يۈز كېلەلەيمىز.

mawjutluk

	ئەسسالاممۇئەلەيكۇم،بىلگەجان ئاكا.ئالدى بىلەن سىزگە ھىيتلىك سالام يوللايمەن،ئاندىن چەكسىز مىھرىبان ئاللاھتىن ئىشلىرىڭىزغا ئىككى دۇنيالىق ئەجىر سورايمەن.مىنىڭ بۇ تىمىغا قىزىقىپ قىلىشىپ مىنىڭمۇ دەل سىز ئوقۇغان شۇ مەكتەپتە شۇ كەسىپتە ئوقۇۋاتقانلىقىم كۆپەرەك تۈرتكە بولدى دەپ قارايمەن.مەندە ھەقىقەتەن بۇ كەسىپكە سىز ئوقۇۋاتقان مەزگىللەردىكىدەك ئوتتەك قىزىقىش بولغان،ھەم ھازىرمۇ يوق ئەمەس.دەل سىز تىلغا ئالغان شۇ ئوقۇتقۇچىلارنىڭ دەرىسىنى ئەڭ ئالدىدا ئولتۇرۇپ،ھاياجان بىلەن ئاڭلاپ-ئاڭلاپ قانمىغان.ئۇلاردەك بىلىم ئىگىلىرى بولۇشنى پىلانلاپمۇ قويغان تىخى...لېكىن كېيىن مەلۇم سەۋەپلەر تۈپەيلىدىن ئوقۇشتىن رايىم قايتىشقا باشلىدى،لېكىن بىلىمگە بولغان ئىشتىياقىم ئازراقمۇ سۇسلاپ باقمىدى،ھىلىھەم بولسا بۇ كەسىپنى تاللىگىنىمندىن ئازراقمۇ پۇشايمان قىلمايمەن.مەن تىخى ئۈزۈمنى كۆمۈلۈپ قالغان تالانت ئىگىسىدەك ھېس قىلىدىغان چاغلىرىممۇ بار.گەپكە كەلسەك،دەل مۇشۇنداق قايسى يولنى تاللاشنى بىلمەي تۇرغان پەيتلىرىمدە سىزنىڭ ئىش-ئىزلىرىڭىز تەسۋىرلەنگەن بۇ ماكالىنى كۈرۈپ يىڭى بىر نىشاننى كۆرگەندەك بولدۇم،ھەم ئوقۇپ بولۇپلا سىنىپداشلىرىمغا ئوقۇشنى تەۋسىيە قىپ قويدۇم.ئاللاھ رەھمەت قىلسۇن،سىزنىڭ مۇشۇنداق كىشىنى يىتەكلىگۈدەك تىرىشچانلىقىڭىزنىڭ سىزنى ئاللاھ خالىسا ئىنسانلارنىڭ يارىتىلىش مەقسىتىگە يىتەلىشىڭىشگە ئىلىپ بارالىشىنى تىلەيمەن...

mawjutluk

	مۇنداق بىر فورمۇلا بار.ئىسىمگە كىلىپ قالدى.تىرىشچانلىق+تالانت=نەتىجە.مىنىڭچە ھازىر بىز ئۇيغۇر ياشلىرىدا كەمچىل بولۇۋاتقىنى دەل تىرىشچانلىق...

barimtay

	bilgejan يوللىغان ۋاقتى  2013-10-20 06:59 AM دىگىنىڭىزدەك بولسىغۇ ياخشىتى، قېرىندىشىم. ئامرىكىدا  ... رەھمەت بىلگەجان ، مەن شىنجاڭدا، مىنىڭ ئۈمۈت قىلىدىغىنىم ئۆز يۇرت ماكانىمىز ئۈچۈن تۆھپە قوشالىساق بەك ساۋاپ بولىتى دەپ ئويلايمەن

YAZR

	ھاياتلىق ئىلىمى مەن ئەڭ قىزىقىدىغان پەنلەرنىڭ بىرى ، ئوقۇغان كەسپىم باشقا بۇلۇپ قالدى ، مۇشۇ يولدا ھارماي ماڭغان مۇشۇ پەننىڭ ھالال نېنىنى تېپىپ يەپ مېڭىۋاتقان بارلىق قېرىندىشىمىزغا  سالامەتلىك تىلەيمەن . بىلگەجان تېخى ياپياشكەن ، نەتىجىلىردىن قانائەتلىنىپ قالماي ، تېخىمى يۈكسىلىشىنى ئۈمۈد قىلىمەن ، بولسا نوبىل مۇكاپاتىدىن بىرەنى ئالسىڭىز

ashqin

	بىلگەجاننىڭ ئىشلىرىغا ئۇتۇق تىلەيمەن، سىلەردەك ياشلارنىڭ ئىش پائالىيەتلىرى ئاڭلىسام شۇنچە ھاياجانلىنىمەن.  مارشالغىمۇ رەھمەت.