ئانا يۇرتۇم -مەكىت (ساياھەت ۋە دۇنيا )

amarjan133

	رەھمەت سىزگە قېرىندىشىم g-0 مەن مەقسىدىمنى ئېنىق ئىپادىلىيەلمىدىممۇ ياكى قانداق بۇنى بىلمىدىم . لىكىن تەلىم بەرگىنىڭىزگە تەشەككۈر ئېيتماي تۇرالمايمەن. ئەمدى مىنىڭ مەقسىدىمگە كەلسەك :- مەيلى مەكىتلىك بولايلى ۋە ياكى خوتەنلىك ، ئاقسۇلۇق ، تۇرپانلىق بولايلى ھەممىمىزنىڭ ئالدى بىلەن مىللىتىمىز بىر ، تىلىمىز بىر . مەن ھېلىقى ئالىي مەكتەپ باللىرى ئېيتقان ئاقسۇلۇقكەن ئۈزىڭىز كاۋا چىراي يۈزىڭىز ..... قەشقەرلىك كەن ئۈزىڭىز گەپ سېتىپلا يۈرىسىز .... مانا مۇشۇنىڭغا ئوخشاش سىز ئېيتقاندەك يۇرتۋازلىق ھازىرقى جەمىيەتتىلا ئەمەس قەدىم - قەدىمدىن داۋاملاشقان ئىكەن . لىكىن مەن ئۇنداق ئويلىمايمەن. بۇنىڭغا قارىتا قەشقەردىكى ياشلىرىمىز يېزىپ چىققان ‹‹ قەشقەرلىك ›› شىئېرى مىسال بولالايدۇ. بەلكىم تېمىدىن چەتنەپ كەتكەن بولىشىم مۇمكىن ، لىكىن مىنىڭ ئەسلى مەقسىتىم بولسا ‹‹ ئادەم ئەڭ ئالدى بىلەن كىندىك قېنى تۆكۈلگەن يۇرتىنى سۆيۈشنى بىلمىسە ئۆزگە يۇرتنى سۆيەلمەيدۇ ، ھەم شۇنداقلا بۇ دۇنياغا ئارتۇقچە يۈك بولۇپ ياشايدۇ ›› قالغىنىغا كۆپ سۆزلەپ بېشىڭلارنى ئاغرىتىپ قويدۇم ، ئەيىپكە بۇيرۇمىغايسىلەر قېرىنداشلار

maripatsoft

	كىندىك  قېنى  تۆكۈلگەن  زىمىن __ ئادەمنىڭ تۇنجى ۋەتىنى . ۋەتەننى سۆيگەنلىك  _ مىللەتنى  سۆيگەنلىك . ئۆز  يۇرتىدىن  پەخىرلىنىشنى  بىلىش __ ئەڭ  ئەقەللى  ۋەتەن سۆيگۈسىدۇر ، مەكىتتىكى  ئاشۇ  تارىخى  مەدەنىيەت  جەۋھەرلىرىدىن  پەقەت مەكىتلىك  قېرىنداشلىرىمىزلا   ئەمەس ،  بەلكى باشقا  يۇرتتىكىلەرمۇ  پەخىرلىنىۋاتقان  يەردە ،  ئاشۇ  مەدەنىيەتنىڭ يۇرت  ۋارسلىرى  نىمىشقا   پەخەرلەنمىگۈدەك  ؟ مەملىكەتنى  سۆيۈشنتىن  بۇرۇن ،  ۋەتىنىڭىزىنى  سۆيۈڭ ، ۋەتەنىڭىزنى  سۆيۈشتىن  بۇرۇن  يۇرتىڭىزنى  سۆيۈڭ  ، يۇرتىڭىزنى  سۆيۈشتىن  بۇرۇن  كىندىك  قېنىڭىز  تۆكۈلگەن  تۇپراقنى  سۆيۈڭ . مىللەتنى  سۆيۈشتىن  بۇرۇن ، يۇرتداشلىرىڭىزنى  سۆيۈڭ .  يۇرتداشلىرىڭىزنى  سۆيۈشتىن  بۇرۇن  ، ئەل _جامائەت ، تونۇش - بىلىشلىرىڭىزنى  سۆيۈڭ ، ئۇنىڭدىنمۇ  ئاۋال ئائىلىڭىزدىكىلەرنى  __ئاتا -ئانىڭىز ، قان -قېرىنداشلىرىڭىزنى  سۆيۈڭ ... ئىشلار  دىگەن  مۇشۇ  تەرتىپتە  ماڭسا ، ئاندىن  ۋەتەن  سۆيگۈسى ۋە  مىللەت  سۆيگۈسى  رىئاللىققا   ئايلىنىدۇ . ئۆز  يۇرتىدىن  پەخىرلەنگەن  ئادەمنى  چىشلەپ تارتقانلىق __  بۇ  توغرا  قىممەت  -قاراش  ئەمەس . مىللەت  دىگەن  چوڭ  ئۇقۇم .   ئۆز  يۇرتىنى  ، ئۆز  قەۋمى -قېرىنداشلىرىنى سۆيۈشنى  بىلمىگەن كىشىنىڭ   بىر  پۈتۈن  مىللەتنى سۆيىمەن  دىيىشى  ئەقىلغە  مۇۋاپىق  ئەمەس .   ئېسىڭىزدە  بولسۇنكى ،  ئۇيغۇر  تارىخى __ئەجدادىمىز  ياشاپ  ئۆتكەنلىكى  ھەر  بىر  يۇرتنىڭ  تارىخىنىڭ  بۈيۈك  بىرلەشمىسى . مەن  بەك  مۇرەككەپ ئۇقۇملار  ئارقىلىق  ، كۆز  -قارشلىرىمغا  زىننەت  بېرىشنى  خالىمىدىم  ،  شۇڭا  تەپسىلى   نەقىلمىىساللار  بىلەن  ئىزاھلاپمۇ  كەتمىدىم . شۇڭا ،  بۇ  تېمىدىكى  ئىنكاسلارغا   يۇرتۋازلىق  قالپىقىنى  كىيگۈزۈشنىڭ  ھېچقانداق  مەتقىلىق  ئاساسسى  بولمىسا  كېرەك . ئۇيغۇر  تارىخىدىكى سەئىدىيە خاندانلىقى ، 12  مۇقام  تارىخى توغرىسىدا يەكەن -  مەكىتنى ؛  قارا خانىلار   خاندنلىقى تارىخىدا  قەشقەر  -ئاتۇشنى ، موغۇلىستان  تارىخىدا   " ئالتە شەھەر " ( تۇرپاندىن  -خوتەنگىچە  بولغان  تارىم  ئويمانلىقى  ۋادىسى ) نى ؛ قۇچۇ   ئۇيغۇر  خاندنلىقىدا   تۇرپاننى ،  ئىسلامىيەتتىن  ئىلگىرىكى  ئۇيغۇر  بۇددا  مەدەنىيەت  مەركەزلىرى چەمبىرىكىدە   تۇرپان  -كۇچا -باي  نى ؛ يېقىنقى  زامان ئۇيغۇر  دېموكىراتىك  ئىنقىلاپلىرىدا    تۇرپان  -قۇمۇل ،  ئىلى -ئالتاي -تارباغاتاينى   تىلغا  ئالماي  ئۆتـۈش  مۈمكىنمۇ ؟ يۇرتنىڭ  ئىسمىنى  تىلغا  ئالسا  ۋە  ئۆز  يۇرتىدىن  پەخىرلەنسە __سىزنىڭچە  يۇرتۋازلىق قىلغان  بولىمىزمۇ ؟ ____________ دىمەكچى  بولغىنىم ___ھەر  بىر   يۇرتنىڭ  تارىخى  مەدەنىيەت  جەۋھەرلىرىدىن كۆپرەك  خەۋەردار  بولۇپ  تۇرايلى ،  ھەم  يۇرتلىرىمىزدىن  پەخىرلىنەيلى ....

mahmut0996

	مەكىت بولامدۇ ، خېجىڭ بولامدۇ ، ھەممىسى بىز شىنجاڭلىقلارنىڭ ئانا يۇرتى ، فىلىم ئارقىلىق مەكىت توغۇرلۇق خېلى چوڭغۇر چۇشەنچىگە ئىگە بولدۇم ، رەھمەت .