ئېلىپبە دەرسى ھەققىدە

sutbulak

	چىرايلىق خەت يىزىشنى  دەسلەپتە بىرىنچى قەدەم بولغان  ئىلىپبە ھەرىپلىرىنى ئۈگەندە پىششىق ئۈگۈنۈش كىرەك ئىكەن

ipar1

	ئېلىپبە دەرسىدە ئوقۇۇچىلارنىڭ ساۋادىنى چىقىرىش ھەقىقەتەن ئوقۇتۇش تەجرىبىسى تەلەپ قىلىدىغان ئىش.ئەگەر ياخشى ھەم ئۈنۈملۈك ئۇسۇل  قوللىنىلمىسا ئوقۇتقۇچىمۇ ئوقۇغۇچىمۇ كۆپ جاپا تارتىدىغان ،تارتقان جاپاغا چۇشلۇق ئۈنۈمى تۆۋەن بولۇپ قالىدىغان ئىش چىقىدۇ. مېنىڭچە سىزنىڭ دەسلەپتە دەرسنى سوزۇق تاۋۇشتىن باشلىماقچى بولغانلىقىڭىز ۋە شەكلى ئوخشاپ كېتىدىغان ھەرپلەرنى بىر يەرگە ئەكىلىپ ئۆتمەكچى بولغانلىقىڭىز توغرا بوپتۇ.سىزدىن سوراپ باقسام سىز ساۋادىنى چىقارماقچى بولغان ئوقۇغۇچىلار ئەمدىلا مەكتەپكە كىرگەن ئوقۇغۇچىمۇ،ياكى ئىلگىرى خەنزۇ تىلىدا ئوقۇپ ھازىر ئۇيغۇر تىلىدا ساۋات چىقىرىدىغان ئوبىكتىلارمۇ؟ چۈنكى ئاتا-ئانىلار خەنزۇ مەكتەپتە ئوقۇغان بالىلىرىنى تەتىل مەزگىلىدە ئوقۇتۇپ ئۇيغۇر تىلىدا ساۋات چىقىرىدىغانلار بار.ئەگەر ئوقۇغۇچىلىرىڭىز مۇشۇ خىلدىكى بالىلار بولسا ساۋادىنى چىقىرىش بىرئاز ئاسان توختايدۇ.ئەگەر ئەمدىلا مەكتەپ يېشىغا توشۇپ،يېڭىلا قەلەم تۇتشنى ئۈگەنگەن بالىلار بولسا تۆۋەندىكى ئۇسۇلنى قوللىنىپ بېقىشىڭىزنى تەۋىسىيە قىلىمەن،ئەلۋەتتە بۇنى ئۈنۈمى يۇقۇرى دەپ ئېيتالمىساممۇ ئۆزەم قوللانغان ئۇسۇلنى سۆزلەپ بېرىشنى توغرا تاپتىم: 1.ئاۋال قول كۆندۈرۈش مەشقىدىن باشلاڭ،بولۇپمۇ ،ئەمدىلاھەرپ ئۈگىنىشكە باشلىغان بالىلارغا بەزى ھەرپلەرنى ئۆلچەملىك ئۈگىتىش بەك تەس توختايدۇ.خۇددى خەنزۇ يېزىقىدا بىخۇا  تەرتىپى بولغانغا ئوخشاش ئۇيغۇر يېزىقىدىمۇ ئاساسى خەت شەكىللىرى ۋە ئۇنىڭ قائىدىسى بار ،يەنى باش تىك، ئوڭ تىك،سول تىك،ئەگمە،ئەمزە دېگەندەك.ئەگەر مۇشۇلارنى ياخشى ئۈگىتىۋالسىڭىز كېيىنكى قەدەمدە ئوقۇغۇچىلارنىڭ سىز ئۈگەتكەن ھەرپلەرنى يېزىشنى ئۈگىنىشى ئاسانغا توختايدۇ. 2.قول كۆندۈرۈش مەشقىنى ئۆتۈپ بولغاندىن كېيىن ئۆزىڭىز ئويلىغاندەك سوزۇق تاۋۇش ھەرپلىرىنى ئۆتسىڭىز بولىدۇ.ھەرپلەرنى يېزىشنى ئۈگەتكەندە چوقۇم ئوقۇغۇچىلار بىر تەرەپتىن ئوقۇپ بىر تەرەپتىن يېشىنى ئىشقا ئاشۇرۇشى كېرەك.ئوقۇش بىلەن يېزىش مەشقىنى تەڭ تۇتۇشىڭىز كېرەك. 3.سوزۇق تاۋۇش ھەرپلىرىنى ئۈگىنىپ بولغاندىن كېيىن ئوقۇغۇچىلار ئۈزۈك تاۋۇش ھەرپلىرىنى تەبىئى ھالدا خېلى ئاسان ئۈگىنىۋالالايدۇ.ئۈزۈك تاۋۇش ھەرپلىرىنى ئۆتۈشتە ئېلىپبەدىكى ھەرپلەرنىڭ تەرتىپى بويىچە ئۆتسىڭىزمۇ بولىۋېرىدۇ

ipar1

	يەنە بىر گەپ ھەرپلەرنى ئۆتكەندە رەسىم بىلەن بىرلەشتۈرۈشنى ئۇنۇتماڭ. ئۇنىڭدىن باشقا يەنە بىر گەپ.ئوقۇغۇچىلارنى ئېرىنمەي كۆپ ماختاڭ،بۇنى دىمىسەممۇ بىلەتتىڭىز ،چۈنكى سىزمۇ ئوقۇتقۇچى.بىراق كىچىك بالىلارنى ماختاشنىڭ ئۈنۈمى چوڭراق باللارنى ماختاشقا قارىغاندا تېخىمۇ يۇقۇرى. ھازىرچە مۇشۇلارنى دەپ يۇراي،داۋامىنى ۋاقىت چىقىرىپ يازاي.ئەگەر تورداشلارنىڭ بۇنىڭدىنمۇ ياخشى ئۇسۇللىرى بولسا شۇنى قوللانسىڭىز بولىدۇ

ipar0996

	ئېلىپبە دەرىسى تولىمۇ سەۋىرچانلىق ۋە ئەستايىدىللىقنى تەلەپ قىلىدۇ...مېنىڭ كوپ يىللىق تەجىرىبەمگە ئاساسەن ساۋات چىقىرىش ۋەزىپىسىنى ئۈستۇگە ئېلىۋاتقان ئوقۇتقۇچىلارغا شۇندااق ئىلتىماس قىلىمەن:1.ئالدى بىلەن ئاساسى ماھارەت دەرىسىنى يەنى،ھەرپ قۇرۇلما بەلگىس ۋە سىزىقلىرىنى پىششىق تۇنۇتۇش كېرەك.بۇ ئوقوغۇچىلارنىڭ كىيىنكى ھۆسىنخەت ۋە ئىملا نىڭ ئاساسى. 2.ھەرپ تۇنۇتۇشقا كەلسەك،ئوقوغۇچىلارنىڭ قىزىقىشى ۋە خەت يېزىش ھەۋىسىنى ،ئانا تىلغا بولغان ياخشى كۇرۇش شۇنداقلا زىرىكتۇرمەسلىك ئۈچۇن ئالدى بىلەن سەككىز سۇزۇق تاۋۇشىنى ئۆگۈتۈۋېلىپ،ئاندىن،ئۈزۇك تاۋۇش ھەرىپى بىلەن بۇغۇم تۇزەشنى بىرلەشتۇرگەندە ھەرپ بىلەن خەت تۇنۇشنى بىراقلا ئىشقا ئاشۇرغىلى بولىدۇ...‹بۇ سىزنىڭ ئوقۇتۇش ماھارىتىڭىز بىلەن مۇناسىىۋەتلىك› 3-ئوقۇغۇچىلارنىڭ ئىملاسىنىڭ توغرا، كوركەمىلىكىگە ئالاھىدە ئىتىبار بىرىش كېرەك. 4.يېڭىدىن ساۋات چىقىرۋاتقانلارنى كوپرەك ئىلھاملاندۇرۇش كېرەك.

saptilak

	ipar1 يوللىغان ۋاقتى  2014-1-22 06:11 PM ئېلىپبە دەرسىدە ئوقۇۇچىلارنىڭ ساۋادىنى چىقىرىش ھەقىق ... ئوقۇتۇش ئۇسۇللىرى ھەققىدە شۇنداق تەپسىلى تۇختالغىنىڭىزغا رەھمەت. مەن ئۇ ىۇسۇسىي مەكتەپتە پەقەتلا 25 كۈن دەرس ئۆتىمەن. دەرس ئۆتۈش ۋاقتى بەك قىسقا بولۇپلا قالماي شۇ 25 كۈن ئىچىدە ئاساسىي جەھەتتىن ساۋادىنى چىقىرىپ بولىشىم كېرەك. چۈنكى ئۇلار مېنى شۇنداق قىلالايدۇ دەپ تەكلىپ قىلغان چىغى. ئوقۇغۇچى قاتلىمىغا كەلسەك، ياش جەھەتتىن بەش ياشتىن تارتىپ 15تەخمىنەن  ياشقىچە بار. بۇلار ئىككىگە بۆلۇنگەن. يەنى تەيارلىق سىنىپ ئوقۇغۇچىلىرىدىن 3-سىنىپقىچە بىر گۇرۇپا، 3-سىنىپتىن يۇقىرىلا بىر گۇرۇپا. سىز دېگەندەك ھەقىقەتەن تەس بولۋاتىدۇ. ‹ بولدىلا، نېمە بولسا بولا› دەپ قول ئۇچۇدىلا ئىش كۆرگىم كەلمىدى. بىرىنجى گۇرۇپىدىكى بالىلارنىڭمۇ سەۋيىسى ئوخشاش ئەمەس، ھەتتا قەلەم تۇتۇشنىمۇ بىلمەيدىغان بالىلار بولغاچقا ئۇنداقلارغا قول كۈندۇرۇش مەشىقى بىلەن ئېلىپبە جەدىۋىلىدىكى ھەرىپنى تونىتىشنى ئاساس قىلۋاتىمەن، 1-3-سىنىپقىچە بولغان بالىلارغا ئالدىغا سۇزۇق تاۋۇشنى ئۆتۈپ بولدۇم، كەينىگە ‹ئو› ھەرىپىگە كەلدىم. سىز دېگەن ئۇسۇلنىمۇ قوللىنىپ بېقىشقا تىرىشىمەن.

saptilak

	ipar0996 يوللىغان ۋاقتى  2014-1-22 07:14 PM ئېلىپبە دەرىسى تولىمۇ سەۋىرچانلىق ۋە ئەستايىدىللىقنى  ... سەمىمىي مەسلىھەتىڭىزگە رەھمەت، قىرىندىشىم.

saptilak

	sadakat7224 يوللىغان ۋاقتى  2014-1-22 10:29 AM سىلىمۇ ساۋات چىقىرىپ باقسىلا قېنى ئاسانمىكەن.سىنىپتىك ... كاللىڭىزنى ھەرە چىقىۋالمىغاندۇ ھە قىرىندىشىم؟ مەسلىھەتىڭىز بولسا يولى بىلەن قىلىڭ، بولمىسا سىزدە ئىنكاس ۋەزىپىسى بولمىغاندىن كېيىن گەپ قىلمىسىڭىزمۇ بولىدۇ. گەپ قىلمىسىڭىز سىزنى بىرسى گاچا دىمەيدۇ.

sardor0908

	ئۇيغۇر تېلى گىرامماتىكىسىنى ئايرىم پەن قىلىپ ئۆتېشىنى كۈچلۈك تەۋسىيە قىلىمەن .

گۆزەل

	تازىمۇ ياخشى تىمىنى يۇللاپسىز ، مەنمۇ تەتىلدىن پايدىلنىپ ئۇغلۇمنىڭ ساۋادىنى چىقىرىشنى ئۇيلىغان، ھەم قىلىۋاتىمەن.بىراق بەكمۇ قىيلىنىپ قىلىۋاتىمەن . ئۇغلۇم   قىزىقىۋاتىدۇ بىراق سەل چىچىلاڭغۇ، بەزىدە سەۋىر قىلالماي قالىمەن ، قانداق قىلسام بۇلار، سىزگە يازغان ئىنكاسلاردىن بىرگە پايدىلناي بۇلمىسا ھە.

gvlzarim

	مېنىڭچە ئىملانىمۇ چىڭ تۇتۇش كېرەك، ئەمما ئۇقۇتۇشقا سەل قارىماڭ! ئۈنلۈك ئوقۇشنىڭ شۇ ھەرىپلەرنى ئەستە تۇتۇشتا رولى چوڭ. ھەرىپلەرنى توغرا ئوقۇيالمىسا، ياكى ئالماشتۇرۇپ قويسا، كىيىن ئىملاسىدىن چاتاق چىقىدۇ.