مەن ئامرىكىدا چوڭ بولدۇم(يېڭى يۈسۈپ - زىلەيھا قىسىسى )

postikan

tohtihan1

	ئىشەنگۈم كەلمىدى . مەن ئۆزۈم شۇ كۆك كۆزلەر بىلەن بىللە يۈرىۋاتقىلى 8 يىل بوپ قالاي دېدى . ئەمما ماڭا بىرەيىنىڭ زورلۇق بىلەن قالايمىقان نىيەتتە بولغىنىنى بىلمەيمەن . بولمىسا مەن شۇلار بىلەن چوڭ بىر ئۆينى ئىجارىگە ئېلىپمۇ تۇرغان . ئۇلار راستلا بەك ئوچۇق ، بىز چوڭ بىلگەن ئىپپەت دېگەن نەرسىلەر ئۇلار ئۈچۈن مۇھىم ئەمەس ، بىراق ، سىز ئۆزىڭىزگە چىڭ بولسىڭىزلا خەق سىزگە چېقىلمايدۇ . ئاندىن چەتنىڭ مەكتەپلىرىدە سىلەر ئويلىغاندەك ياكى كىنولاردا كۆرگەندەك ئەخلاقسىز ئىشلار ئاساسىي جەھەتتىن مەۋجۇت ئەمەس . مەۋجۇت بولسا ۋەتەندىمۇ ئوخشاشلا ، ئىلگىرىكى تولۇق ئوتتۇرىدا بىللە ئوقىغان ساۋاقداشلىرىم بىلەن شىنجاڭ ئۇنۋېرستىتىنىڭ كۆلىگە كەچلىك مەنزىرە كۆرگىلى بارغاندا ئۆزۈمنىڭ مەكتىپىدىنمۇ ئۆتە ھاياسىزلىقلارنى كۆرگەنمەن . شىنجاڭ ئۇنۋېرستىتىدا ئوقۇغانلار ئەسلەپ بېقىڭلار شۇ كۆلۈڭلارنىڭ كەچلىك ‹‹ بېلەتسىز ئويۇن ›› لىرىنى . ئەمىلىيەتتە ئوخشاش . ئاندىن ئوغۇللارنىڭ ھاياسىز كىيىنگەن قىزلارغا ھاياسىز گەپ قىلىشى تەبىئىي ئىش دەپ قارايمەن ، چۈنكى ‹‹ شامال چىقمىسا دەرەخ لىڭشىمايدۇ ›› . بىراق ، ئادەتتىكىدەك كىيىنگەن قىزلارغىمۇ ھاياسىز سۆزلەرنى قىلغان كۆك كۆزلەرنى تولا ئۇچىراتمىدىم ، شەخسەن ماڭا 8 يىلنىڭ ياقى سانىۋالغۇدەكلا ئۇچىرىدى ، يەنە كېلىپ ئۇلار بىر بولسا مەس ، بىر بولسا ئىت يېتىلىۋالغان تىلەمچى ( ئىت باقسا ھۆكۈمەت پۇل بېرىدۇ شۇڭا تىلەمچىلەرنىڭ ئۆزى بىلەن تەڭ تىلەمچىلىك قىلىشىپ بېرىدىغان ئىتلىرى بار ) . ماڭا ھەممىدىن بەك كۆزۈمگە سەت كۆرۈنۈپ كەتكىنى ھەم چەتتىكى مەيلى ئۇيغۇر ياكى باشقا يەرلىك قىزلار بولسۇن كۆرسە بەدەر قاچىدىغىنى يەنىلا ياۋروپادىكى بېكار تەلەپ ئەرەبلەر ( ھەممىسى دېمىدىم ، بېكار تەلەپلەر دېدىم ). ھەر قېتىم ھالال گۆش ئالغىلى ئەرەب مەھەللىسىگە بارغاندا شۇنچىلىك قېلىن كىيىنىپ ، يۈزۈمنىڭ يېرىمىغا كەلگۈدەك قارا كۆزئەينىكىمدىن تارتىپ تاقاپ بارىمەن يۇ، يەنىلا زاڭ پاراڭ ، ئالدىمنى توسۇپ تېلفۇن نومۇرنى ئۇدۇل سوراشتىن قېچىپ قۇتۇلالمايمەن . (قىزلىرى خېلى ھايالىق لېكىن ). شۇڭا چەتتىكى ئۇيغۇرلارنىڭ ‹‹ تۈركلەرنىڭ گۆشخانىسى بارمىدۇ ›› دەپ ئىزدىشى بېكار ئىش ئەمەس . مۇسۇلمانلارنى چەتكە قېقىش دېگەنگە كەلسەك ، مەن ئۆزۈمنىڭ مۇسۇلمانلىقىمنى دېگەندىن كېيىن توڭلاتقۇدا چوشقا گۆشى كۆرۈپ باقمىدىم . مەكتەپتە بولكىنىڭ ئىچىگە گۆش تىقىپ قويغانلارنى ئۇقماي ئالىمەن دېسەم ‹‹ بۇنى يېسەڭ بولمايدۇ ›› دەپ قويىدۇ . ياتىقىمىزدا يىغىلىش قىلساق ماڭا ھاراق قۇيمايدۇ ، ئەمما ۋەتەنگە قايتىپ ‹‹ قىزلارنىڭ ھارىقى ›› دەپ زورلىنىپ باققان . ( ئۇلار مۇسۇلمانلا ئەمەس ، ھەمجىنىسلارنىڭ ئادىتىگىمۇ ھۆرمەت قىلىدۇ . )    ئۆيلا ئەمەس ، ھەتتا دېسكوخانا قاۋاقخانىلاردىمۇ تاماكا چېكىش چەكلەنگەن . قۇرامىغا يەتمىگەنلەرنىڭ تاماكا - ھاراق سېتىۋېلىشى چەكلەنگەن . ( بەزى دۆلەتلەردە ھاراق ئىچىش يېشى 25 ياش ، 18 ئەمەس .)   تېلۋىزوردا قويۇلىدىغان فىلىملا ئەمەس ، ھەتتا ئېلانغىمۇ 7-، 10- ، 12- ، 16- ، 18- قىلىپ بەلگە قويۇپ ، ‹‹ مانچە ياشتىن تۆۋەنلەر كۆرمىسۇن ›› دەپ ئالدىن ئۇقتۇرۇش قىلىدۇ ، ئاندىن بەك ھاياسىز ياكى قورقۇنۇچلۇق ، جىنايەت فىلىملىرى بولسا ئېكراندا ‹‹ مەخپىي نومۇر كىرگۈزۈڭ ›› دەپ خەت چىقىدۇ . ئۇ مەخپىي نومۇرنى ئاتا-ئانىلار ئەلۋەتتە بالىلىرىغا دەپ بەرمەيدۇ . بەزى قىزىل چىراق كوچىلىرىدا قۇرامىغا يەتمىگەنلەر بولۇپ قالسا ، شۇ يەردىكى ‹‹ سودىگەر ›› جېنىدا ساقچى چاقىرىپ قويىدۇ ( ئەمما بۇنداق بالىلار يالغۇز يۈرىدىغان ئىشلار يوق دېيەرلىك. ) دېسكوخانىغىمۇ كىچىك چىراي بولسىڭىز كىملىكىڭىزنى كۆرمىگۈچە ئەسلا كىرگۈزمەيدۇ . گەپنىڭ قىسقىسى ، ئامېرىكا ياكى ياۋروپا بولۇپ قالغانلىقى ئۈچۈنلا سىز كىنودا كۆرگەن ھاياسىز ئىشلار كۆز ئالدىڭىزدا نامايەن بولۇپ تۇرمايدۇ . ئۇلارنىڭ ئىپپەت قارىشى بولمىغىنى بىلەن ، خەقنى ھۆرمەت قىلىش ، خەقنىڭ پىكىرىنى ھۆرمەت قىلىش ، سىلىق -سىپايە تەكەللۇپ بىلەن سۆزلەش ... دېگەنلەردە بىزدىن ئېشىپ چۈشىدۇ . سىز چەتكە چىقىپ ئۆزىڭىزنىڭ ئىشتان بېغىڭىزغا چىڭ بولسىڭىزلا بولدى . زورلاش - ئۇلار ئۈچۈن خەقنىڭ پىكىرىنى كۆزگە ئىلماسلىق ، ئىنتايىن ئەخلاقسىز قىلمىش. مىللەت، دىن ئايرىماي ئەخلاق نۇقتىسىدىن ئويلاپ باقساڭلارلا ئەمىلىيەتتە ھەممە كىشىنىڭ ئوخشاشلىقىنى ، پەقەتلا ‹‹ تەربىيە كۆرگەنمۇ يوق ›› دېگەن ئارقىلىقلا ئايرىلىدىغىنىنى بىلىۋالالايسىلەر . ياشلارغا تەربىيە قىلىش يولى، غەربنى ‹‹ شىمالىي كورىيەسىمان ( چاۋشىيەن ) ›› تىللاپ قارغاپ تۇرۇپ ئۆزىنى كۆتۈرۈش ، ياكى ئۆزىدىكى ئەيبنىڭ ھەممىنى ئېچىپ خەقنى كۆتۈرۈش ئەمەس . بۇ ئىنتايىن تەربىيە كۆرمىگەندەكلا بىر ئىش . ماقالە يازايلى ، ئەمما بۇنداق تەربىيە خارەكتېرلىك ماقالىلەر چىنراق بولسۇن .

Taxnayurak005

	tohtihan1 يوللىغان ۋاقتى  2014-2-7 08:06 AM ئىشەنگۈم كەلمىدى . مەن ئۆزۈم شۇ كۆك كۆزلەر بىلەن بىللە  ... ناھايىتى ئەتراپلىق چۈشەنچىلەرنى بېرىپسىز، ۋاقتىڭىز بولسا مۇشۇ توغرىسىدا ئايرىم بىر تېما يوللىشىڭىزنى ئۈمۈد قىلىمەن!

gayur1

	مەيلى نەدە بولايلى, ئاللاھ ئمانىمىزنى مۇستەھكەم قىلسۇن.

.0102

	tohtihan1 يوللىغان ۋاقتى  2014-2-7 08:06 AM ئىشەنگۈم كەلمىدى . مەن ئۆزۈم شۇ كۆك كۆزلەر بىلەن بىللە  ... سىزنىڭ ئىشەنمىگىنىڭىز توغرا !!!!! مەن ئامرىكىغا يا بېرىپ باقمىسام بۇنى نەدىن بىلەي ،، مىنىڭ بىلىدىغىنىم ئاشۇ داڭلىق ھوللىۋود    ئۇلارمۇ بىزىڭ كىنونى كۈرۈپ بىزگە باھا بىرىدۇ،  توغرا سىز مۇسۇلمان ئوخشايسىز ، شۇڭا سىزگە ئۇچقۇمايدۇ.... مىنىڭ ئۇنداق ئىشلار بار ياكى يوق دەپ تالاشقىنىم ئەمەس ، پەقەت بۇ شەكىلدە باشقىلارغا نەسھەت قىلدىم توغرا چۈشۈنۈڭ ، ئامرىكىغا بارمىغانلار بۇ ھىكايىنى راسكەن،ياكى بەك ئوبدان چىقىپتۇ دىيىشى مۇمكىن ،ئۇلارمۇ خاتالاشمىدى ، پەقەت ئادەملەرنىڭ يۇرىكى تەسۋىرلەندى ، سىز ئاق رايۇندا يۈرۈپ كۆك رايوننى كۆرمەپسىز .... ياكى مەن ئاشۇر ۋەتكەندىمەن،  ئەمما بۇ ۋەتەن ۋوللىۋود نىڭ ئۈزى ....    قالغىنىنى بىزنىڭ خاتا چۈشەن چىمىزنى سىزلەر توغۇرلاڭلا.... ئەركىنكاممۇ ياپونلار توغۇرلۇق سۆزلىدى ،ئۇلارنىڭ قىزى بىلەن يالىڭاچ مۇنچىغا چۈشىىدىغانلىقىنى ..... بەلكىم مەن كىچىك كىلىپ چۈشەنمىگەندىمەن ... چۈشەندۈرۈپ ئۆتۈڭلار ... پاقىلار ئاسمانغا تەلپۈنمەكتە

ئەلبەگ01

	تەپەككۇرى كۈچلۈك  ياخشى چىقىپتۇ

guljetin

	ماڭا خىلى تەسىر قىلدى ،ياخشى تەربىيۋى ئەھمىيىتى بىلەن  ئاپتۇرنىڭ شۇ  ۋەقەلىك ئىچىدىكى مۇرەككەپ ئوي پىكىر ئوبدان يۇرۇتىلىپتۇ

altun

	ئامىرىكىدىكى بالىلار ياخشى ھايات ھىكايىلىرىنى يېزىۋاتىدۇ ، داۋاملاشتۇرۇڭلا بۇرادەرلەر ، ھاياتنىڭ يەنە بىر كارتىنىسىنى كۈرۈپ باقايلى بىزمۇ.

ziba1982

	سىزگە ئاپىرىن ،ئوز ھىسىياتىنى كونتۇرول قىلالىغان ئادەم ئەقللىق ئادەمدۇر

zubayda0997