رازۋېدكا خاتىرىسى— بىنادىن تاشلىنىش دېلوسى (6)

xamal1124

	گۆزەل يوللىغان ۋاقتى  2014-2-15 10:56 AM ھەي،بىزنى دەپ يەنە جاپا تارتىدىغان بۇلدىڭىز، غەيرەت ق ... ھېچقىسى يوق ھەدە.   ئەتىگەندىن بېرى قايتا ئۇرىۋاتىمەن، ئازلا قالدى. بىر سائەت ئىچىدە ئىنكاس شەكلىدە يوللاپ قويىمەن.

faruh193

	ئالدىيىسلا قارىم  سەت ساقلاپ كەتتۇك ئەينا

تەقدىر07

	مەن بەك قىزقىپ ئوقۇۋاتىمەن .رەھمەت سىزگە.

xamal1124

	بىراق چىن چىمىڭ مۇ چۈشىنىپ يەتتى. ئۇ ئاسانلىقچە فاسەينىڭ دامىغا چۈشمەيدىغاندەك قىلاتتى. «مېنىڭ تاللىغان كەسىپلىرىمنىڭ نەتىجىسى ئىزچىل ياخشى» دېدى ئۇ. «دېمەك بۇ سېنىڭ باشقا پەنلەردە بولمايدىغانلىقىڭنى چۈشەندۈرۈپ بېرىدۇ. » فاسەي ئۇنىڭ گېپىدىكى يوچۇقنى بايقاپ قالغان ئىدى.لېكىن ئۇ جى لىڭ گې ئويلىغاندەك ئۇنىڭ بۇ مەكتەپكە قانداق كىرگەنلىكىنى سورىماستىن بەلكى «قارىماققا داداڭ سېنىڭ ئۆگىنىشىڭگە تازا كۆڭۈل بۆلمەيدىكەن» دېدى. بۇ گەپنى چىن چىمىڭ ئىقرار قىلىشى كېرەكمۇ؟ ئەگەر ئىقرار قىلسا، ئەگەر ئىقرار قىلسا چىن جوڭ يۈەن تېخىمۇ گۇمانلىق بوپ قېلىشى مۈمكىن. چۈنكى ئوغلىنىڭ ئۆگىنىشىگە كۆڭۈل بۆلمىسە، چوقۇم بېرىپ باشقا ئىش قىلىدۇ. ئەگەر ئىقرار قىلسا، ئۇچاغدا قانداق جاۋاپ بېرىشى كېرەك؟ ئۇ ئامال تاپتى. «ئۇ كىچىكىمدىن ماڭا بەك كۆڭۈل بۆلىدىغان. ھازىر چوڭ بولدۇم. شۇڭا ئۇنچىلىك ئەنسىرەش بىھاجەت. » «ئوۋ ...ئەمىسە سەن قاچاندىن باشلاپ چوڭ بولدۇڭ؟ داداڭنىڭ قاچاندىن باشلاپ سەن بىلەن كارى بولمايدىغان بولدى؟ » «18 ياش چوڭ بولغانلىق ھېسابلىنامدۇ؟ » فاسەي دەرھال بېشىنى بۇراپ جى لىڭ گې دىن سورىدى: «ئىككى يىل بۇرۇن، شۇنداقمۇ؟ دەل  ئىككى يىل بۇرۇنغۇ؟» «ھە؟ ...ھەئە! توغرا،توغرا ...»دېدى جى لىڭ گې مۇ دەرھال ماسلىشىپ. «ئىككى يىل بۇرۇن ...دېلونىڭ ۋەقەلىكىگە نەقلا چۈشىدىكەن ...»دېدى فاسەي ئويلانغان قىياپەتتە. بۇ گەپتىن چىن چىمىڭ چۆچۈپ كەتتى. دېلونىڭ ۋەقەلىكىگە ماس كېلىدىكەن؟ ئۆزى بىر نېمىنى خاتا دەپ قويدىمۇ؟ ئىككى يىل بۇرۇن نېمىش يۈز بەرگەن؟ «چىن چىمىڭ، سەن داداڭنىڭ ئىككى يىلدىن بۇيان سەن بىلەن كارى بولمايۋاتقىنىنى جەزىملەشتۈرەلەمسەن؟ » چىن چىمىڭ ئىككىلەندى. چۈنكى ئۇمۇ ئېنىق قانچە يىل ئىلگىرى ئىكەنلىكىنى بىلمەيتتى! شۇ تاپتا ئۇنىڭ كاللىسىدا پەقەتلا ئىككى يىل بۇرۇن نېمىش يۈز بەرگەن دېگەن سوئاللا بار ئىدى. ئۇ ئويلاپ يۈرۈپ، ئاخىرى گېپىنى ئۆزگەرتىشنى ئەلا بىلدى. «ياق، ياق، ياق، تۆت يىل بولدى! »دېدى ئۇ جەزىملەشتۈرگەن قىياپەتتە . «تۆت يىل؟ خىڭ خاۋ گورۇھنىڭ قۇرۇلغان ۋاقتىغۇ بۇ ؟ » فاسەي دەرھال جى لىڭ گې نى خاتىرىلەشكە بۇيرۇدى. چىن چىمىڭنىڭ بېشى قايمۇقتى. ئۇ جىلە بولغىنىچە دېدى: «ھەي! دادامنىڭ ماڭا قانداق مۇئامىلە قىلىشى بىلەن دېلورىڭلارنىڭ نېمە ئالاقىسى؟بۇ ئىككىسىنىڭ مۇناسىۋىتى يوققۇ؟!  » «ئۇنداق ئەمەسقۇ؟ داداڭنىڭ ئۇ.ئىشلارنى قىلغان ۋاقتى دېلونىڭ تەرەققىياتى بىلەن ماس كېلىدىكەن. ئۇ ئۇ ئىشلارنى قىلىمەن دەپ سەن بىلەن ئاناڭغا كۆڭۈل بۆلگىدەك ۋاقىت چىقىرالماپتۇ» «مۈمكىن ئەمەس! ھېلىقى نېمە بىرنىمە گورۇھى دېگىنىڭلارنىڭ دادام بىلەن قىلچىلىك ئالاقىسى يوق! » «ئوۋ ... سەن دەرۋەقە داداڭغا چاپان يېپىۋېتىپسەن. » بۇنى گەپنى ئاڭلىغان چىن چىمىڭ ھاڭۋېقىپ تۇرۇپ قالدى. «ئەجىبا داداڭ ساڭا ئۆزىنىڭ نېمە قىلغىنىنى بىر - بىرلەپ سۆزلەپ بېرەمتى؟ ئەگەر سەن بىملسەڭ بىزدىن نېمە ئىش يۈز بەرگەنلىكىنى سورىشىڭ كېرەك ئىدى. لېكىن سېنىڭ دېگىنىڭ <ھەرگىزمۇ مۈمكىن ئەمەس >بولدى. ئۇنىڭ ئۈستىگە بايىقى ئىپادەڭ ۋە ھەرىكەتلىرىڭدىن سېنىڭ ئېنىقلا داداڭنى قوغداۋاتقىنىڭنى بىلگىلى بولىدۇ. » «لېكىن ..لېكىن ھېلىقى نېمە گورۇھى دېگىنىنىڭ دادام بىلەن ...» «كەچۈرگىن، ئۇنداق گورۇھ مەۋجۇت ئەمەس. ئىككى يىل بۇرۇنمۇ، تۆت يىل بۇرۇنمۇ ھېچنىمە يۈز بەرمىگەن. » ئۇ پەقەتلا بىر ئورا كولاپ چىن چىمىڭنىڭ ئىنكاسىنى سىناپ باقماقچى بولغانىدى. ئاقىۋەت چىن چىمىڭ ئورەككە چۈشمەيمەن دەپ شۇنچە چۆرگىلەپ ئاخىرى يەنە چۈشۈپ كەتتى. «سەل.راستچىلراق بولۇڭ، دادىڭىزنى قوغدايمەن دېمەڭ. ھەرگىز قالايمىقان ئويلىماڭ. بولۇپمۇ كۆڭۈلنىڭ كەينىگە كىرىپ ئىش تۇتماڭ» دېدى جى لىڭ گې. چىن چىمىڭ شۇتاپتا پەقەت سۈكۈتتىلا تۇرالايتتى. «ئۇنداقتا، ئەمدى نەق سوئالنى سورايمەن.—دېدى فاسەي— ئەمدى داداڭغا چاپان ياپىمەن دەپ ئاۋارە بولما» چىن چىمىڭنىڭ ئىچى سىقىلدى. قارشى تەرەپ تېخى نەق سوئالنى سورىماستىلا ئۆزىنىڭ دامغا چۈشۈپ بولغىنى نېمىسى؟ فاسەي ئۇنىڭدىن «سەن داداڭنىڭ يوشۇرۇن سۆيگىنىنىڭ بارلىقىنى بىلەمسەن؟ »دەپ سورىغاندا، ئۇ ئاندىن ئۇلارنىڭ سورىماقچى بولغىنىنىڭ پارە يېيىش مەسىلىسى بولماستىن، بەلكى كۆڭۈل ئىشى مەسىلىسى ئىكەنلىكىنى بىلدى. ئۇ كېسىپلا ئېيتتى: «بىلمەيمەن، ھەم بىلىشنىمۇ خالىمايمەن. ئۇ ئانامغا شۇنداق ياخشى مۇئامىلە قىلىدىغان تۇرسا ...» «قانداق دەيسەن؟ » «ئادەتتە باشقا ئىشى بولمىسا، ئۇ ئۆيگە بۇرۇن قايتىپ كېلىدۇ. بەزىدە تېخى تاماقمۇ ئېتىدۇ ...» «توختا، توختا! باشقا ئىشى بولمىسا؟— فاسەي چىرايىدىن بىرخىل رەزىللىك چىقىرىپ، سوغۇق كۈلۈپ تۇرۇپ ئېيتتى.— شۇ ئانىڭ بىلەن قىلىدىغان باشقا ئىشىدۇ؟ » فاسەي يەنە ئورا كولاۋاتامدۇ؟ بۇ سوئالغا چىن چىمىڭ خاتا جاۋاب بەرمىدى. «ئادەتتە شۇ رەھبەرلىرى ياكى خىزمەتداشلىرى ياكى قول ئاستىدىكىلىرى بىلەن قىلىدىغان ئىشلىرى بولمىسا ..» «توغرا ئەمەسقۇ؟ مەن ساڭا دېسەم، ئۇنىڭ خىزمەتداشلىرى، قول ئاستىدىكىلرىنىڭ ھەممىسى ھېلىقىنى تونۇيدىكەن. تېخى ھەممىسى ئىسمىنى لومەن دەيدۇ. ئۇنداقتا ئۇ باشقا ئىشىنى ئۇنىڭ بىلەن بىللە قىلىدىكەن - دە؟ » خىزمەتداشلىرى بىلەن قول ئاستىدىكىلىرىنىڭ ھەممىسى تونۇيدۇ؟ ئۇ ئەزەلدىن ئاڭلاپ باقمىغانغۇ؟ بۇ ئېنىقلا جۆيلۈگەنلىك! ئالدىدىكى بۇ ئادەم چوقۇم يەنە يالغان گەپ قىلىپ مېنى قىلتاققا دەسسەتمەكچى! «مۇنداق دېۋىدىڭىز، مەن ھەقىقەتەن يېقىندا دادامنىڭ بىر ناتونۇش ئايال بىلەن بىللە تۇرغىنىنى كۆرگەن ئىدىم» «ئىم؟! » بۇ گەپتىن جى لىڭ گې بىلەن فاسەي دەرھال دىققىتىنى يىغدى. چىن چىمىڭ داۋاملىق دېدى: «بىر ئايال دادام بىلەن ماشىنا ئىسكىلاتىدا يوشۇرۇنچە كۆرۈشكەن ئىدى. » جى لىڭ گې نىڭ دەرھال ئۇنىڭدىن ئۇ ئايالنىڭ تەقى— تۇرقىنىڭ قانداق ئىكەنلىكىنى، قانداق ئالاھىدىلىكىنىڭ بارلىقىنى سورىغۇسى كەلدى. چۈنكى چىن چىمىڭ لومەننى كۆرگەن بولسىلا ئۇ پاكىتقا ئېرىشىدۇ ئەمەسمۇ! بىراق، بۇ ۋاقىتتا ئۇ يەنە چىن چىمىڭنىڭ چىراي ئپادىسىنىڭ توغرا ئەمەسلىكىنى بايقاپ قالدى. ئۇ تۇرۇپ قالدى. ئەجىبا ئۇ بايا ...يالغان سۆزلىدى؟ ئۇنېمىشقا يالغان سۆزلەيدۇ؟ ئەگەر ئۇنىڭدىن ھازىر  «چوقۇم شۇ ئايال شۇ، ئۇنىڭ تەقى - تۇرقى قانداقراقكەن؟ »دەپ ئۇ ئايالنىڭ تەقى - تۇرقىنى سورىسا، ئۇ چوقۇم: «سەن مېنى ئالداۋاتىسەن! نېمە قول ئاستىدىكىلەر، خىزمەتداشلىرى ھەممىسى تونۇيدۇ؟ ھەممىسى يالغان! »دەيدۇ. توغرا، ئۇ مۇشۇنداق قىلىپ فاسەينىڭ يالغان سۆزلىگىنىنى ئېچىپ تاشلىيالايدۇ! دېمەك، ئۇنىڭ بۇ سۆزلىرى ....ئورا كولىغانلىق؟! ئۇ قانداقسىگە شۇنچە تېزلا ئورا كولاشنى ئۆگىنىۋالدى؟! ئۇ مەغرۇرلانغان ھالدا ئىچ - ئىچىدىن خۇش بوپ كەتتى. شۇتاپتا ئۇ.يەنە فاسەينىڭ قانداق جاۋاپ بېرىشىنى كۈتمەكتە ئىدى ... (6 ـ قىسمى تۈگىدى )

xamal1124

	faruh193 يوللىغان ۋاقتى  2014-2-15 11:16 AM ئالدىيىسلا قارىم  سەت ساقلاپ كەتتۇك ئەينا يوللاپ قويدۇم مەنمۇ شۇنچە ئالدىراپ، ئوقۇسىلا ئەينا

xamal1124

	تەقدىر07 يوللىغان ۋاقتى  2014-2-15 11:17 AM مەن بەك قىزقىپ ئوقۇۋاتىمەن .رەھمەت سىزگە. ئەرزىمەيدۇ. قوللىغىنىڭىزغا تەشەككۈر

گۆزەل

	يەنە ساقلاپ قالدۇق .

yultuzay0997

	داۋامىغا تەشنا بىز

xamal1124

	گۆزەل يوللىغان ۋاقتى  2014-2-15 12:05 PM يەنە ساقلاپ قالدۇق . شۇڭا چۈشلۈك ئارام ئېلىشتىن كەچتىم

xamal1124

	yultuzay0997 يوللىغان ۋاقتى  2014-2-15 12:11 PM داۋامىغا تەشنا بىز ئۇزاققا سۈرمەيمەن