شىخودىكى چىغلىق كەنت مەھەللىسى

abaytarim

	شىخودىكى چىغلىق كەنت مەھەللىسى ئۇيغۇر ئاھالىسى زىچ ئولتۇراقلاشقان ئاساسلىق قەدىمىي  مەھەللىلەرنىڭ بىرى . ئادەتتە 1 –ئەترەت دەپمۇ ئاتىلىدۇ . بۇ مەھەللىدىكى ئاھالىلەرنىڭ كۆپ قىسمى دېھقانچىلىق،  چارۋىچىلىق ۋە باشقا قوشۇمچە ئىگىلىك بىلەن شۇغۇللىنىدۇ . مېنىڭ ھاياتىمىنڭ ھازىرغىچە بولغان يېرىم بۆلىكى خەلقى ئاقكۆڭۈل ، مېھماندوست ، توي –مەرىكىلىرى ئۆزگىچە قىزىيدىغان ، مىللىتىمىزنىڭ ئەنئەنىۋېي ئۆرپ – ئادەتلىرى خېلى ياخشى ساقلانغان ، تەبىئەتنىڭ ئەسلى گۈزەللىگى يوقالماي ساقلىنىپ قەلبىمدە بىر ئۆمۈر ئەسلىگۈدەك مەزمۇنلارغا تولغان بىر سۆيۈملۈك ماكاندۇر . بىزنىڭ ئۆيلىرىمىزنىمۇ مۇشۇ مەھەللىدىكى سۆيۈملۈك دېھقانلار خالس ياردەملىشىپ سېلىۋەتكەنىدى . ( بۇنداق ھەقسىز ياردەم پۈتۈنلەي ئاخىرلاشقان مۇشۇ كۈنلەردىمۇ بۇ مەھەللىدە بۇنداق خالىسانە ئەمگەكلەرنىڭ ئايىغى ئۈزۈلۈپ قالغىنى يوق .)  مېنىڭ بالىلىقىمنىڭ مەزمۇندار بابلىرى دەل مۇشۇ مەھەللىدە يېزىلغانىدى . ئۇ چاغلاردا پۈتۈن مەھەللىدىكى بالىلار بىرلىشىپ كالا باقاتتۇق . ھازىر ئويلىساممۇ شۇ كۈنلەرنىڭ لەززىتى قەلبىمنى ئاجايىپ ھېسلارغا چۆمۈلدۈرىدۇ . چۈشلۈك يەيدىغان يېمەكلىكلىرىمىزنى ئېلىۋېلىپ سەھەردىلا بىر – بىرىمىزنى توۋلىشىپ مەھەللىمىزنىڭ ئاياغ تەرىپىدىكى لاڭۋازىگۇ ( بورە ئۇۋىسى بار جىلغا ، ئىلگىرى چوڭلاردىن شۇنداق دېيىلىدىغانلىقىنى ئاڭلىغانىدىم ، شۇڭلاشقا شۇ پېتى ئالدىم . ) دېگەن يەردە باقاتتۇق . مەن ئۇ جىلغىغا تۇنجى قېتىم بارغاندىكى تۇرقۇمنى ھازىرغىچە ئۇنتۇيالمايمەن . دۆڭدىن پەسكە شۇنداقلا قارىسىڭىز كۆز ئالدىڭىزدا بىر يېشىللىق دېڭىزى زاھىر بولاتتى . كالىلار ئالدىمىزدا ماڭغاچمىكىن ئۇلار چۆپ ھېدىنى يىراقتىنلا سېزىشىپ يۈگۈرۈشۈپ يېشىللىققا ئۆزىنى ئاتاتتى . ياپيېشىل چۆپلەرنىڭ بويى كالىلارنىمۇ چۆكتۈرۋېتەتتى . ئاستى ساسلىق ، بۇلاقلار بولغاچقا خەتەرلىك كۆزلەرگە چۈشۈپ كېتىدىغان ئىشلارنىمۇ كۆرەتتۇق . ئاندىن ھەممىمىز يېمەكلىكلىرىمىزنى ئورتاق يەيتتۇق . ھازىرقى ھەپتىلەپ زور شتانكىلاردا قازسىمۇ سۇ چىقمايۋاتقان قۇدۇقلارنى كۆرگۈنۈمدە ئىككى قولىمىز بىلەنلا 20 ، 30 سانتېمىتىر قېزىپ بولغىچە سۈپسۈزۈك ، مۇزدەك سۇ ئېتىلىپ چىقىپ تۇرىدىغان شۇ يەرلەرنى ئويلىسام شۇنداقلا ئەشۇ يەرلەرنىڭ ھازىرقى تۇرقىنى سېلىشتۇرۇپ كۆزلىرىمگە ياش ئالغىنىمنى بۈگۈن ئېيتىۋاتىمەن . ماڭدامدا بىر ئۇچراپ تۇرىدىغان كەسلەنچۈك ، يىلانلار ، بەسلىشىپ يىلان ئۇۋىسى بار يەرلەرنى ئىزدەپ ئۇلارنىڭ تۇلۇق تاشلىغان قاسراقلىرىنى يېغىپ بولغاندىن كېيىنكى ياكى چوڭراق يوللارغا چىقىپ قالغان يىلانلارنى قورقماستىن ئۆلتۈرۋېتىپ مەغرۇرلىنىشىمىز ، ئېگىز جىلغىغا قوزۇق قېقىپ ئارغامچا باغلاپ يامىشىپ چىقىپ قۇش بالىلىرىنى كۆرۈش ، چۇڭقۇر ئېرىق سۈيىدە ئېقىپ يۈرگەنلىرىمىزدە يېنىمىزدىنلا باشلىرىنى چىقىرىپ ئۆتۈپ تۇرىدىغان يىلانلارغا بولغان قورقۇمسىز ھالىتىمىز ، يىلانلار چېقىۋالسىمۇ بالىلارنىڭ دەرھاللا بىر-بىرىنىڭ چىشلىۋېلىنغان يەرلىرىدىكى قانلىرىنى شۈمۈرۈپ ، تۈكۈرۈپ تاشلاپ ، لاي سۈركەپلا ساقايتىۋېتىشلىرى،كالىلارنىڭ قانداق چۆپلەرنى يېسە ئاسان تويىدىغان – تويمايدىغانلىقى ، كالىنىڭ مېڭىشىغا قاراپلا تويغان – تويمىغانلىقىنى بىلىش ، كالا بەدىنىگە چاپلىشىۋالغان كانىلارنى ئاغرىتماي ، جاراھەتلەندۈرمەي يوقىتىش ، قايسى يەرنى قازسا سۇ چىقىدىغانلىقى ، قايسى كالىنىڭ نەسلىنىڭ ياخشى – يامانلىقىنى ئايرىش  نۆۋەتلىشىپ كالا توسۇش ، يىغىش ،( ئالي مەكتەپكە ئىمتىھان بېرىدىغان بالىلارنىڭ كالىلىرىنى خالس بېقىپ ، توسۇپ قويۇش ،) قايسى چۆپلەرنىڭ كالا ئۈچۈن پايدىلىق ئىكەنلىگىنى ئايرىشتەك بىر قاتار چارۋا بېقىش ساۋاتلىرىنى ئۆزلىكىمىزدىن ، بىر – بىرىمىدىن ئۆگىنىپ بىلىۋالغان . تازا ئۇسساپ كەتكەنلىرىمىزدە ئىزدەشتۈرۈپ يۈرۈپ يىغىلىپ قالغان سۇلارنى غورتۇلدۇتۇپ ئىچىۋېتىپلا يوللىرىمىزنى داۋاملاشتۇرىۋېرەتتۇق . ئەنە دوستۇم ياسىنجان ، خېلىل مۇئەللىم ، ئابابەكرى مۇئەللىم ، روزاخۇن ياسىن، باشقىلاردىن ئابدۇقېيىم ، يۈسۈپ ، قۇربان ،ئابدۇغېنى ، شەمشىدىن ، روزاخۇن تۇردى ، ئابدۇسالاملارنىڭ نۇرغۇن ئۇنتۇلماس كۈنلەرنى بىرگە ئۆتكۈزگىنىمىز ، ھازىرمۇ يىغىلىشلىرىمىزدا شۇ چاغلاردىكى ئىتتىپاقلىقىمىز ، ھەمكارلىقىمىز ، بىر تۇرۇبىنىڭ سۈيىنى تالىشىپ ئىچىشىپ (ئۇ چاغدا ئەترەتنىڭ قازدۇرغان قۇدۇقىنىڭ سۈيىنى بىللە ئىشلىتەتتۇق ، كالىلىرىمىزنى سۇغۇراتتۇق .)  چوڭ بولغانلىقلىرىمىز سۆھبەتلىرىمىزنىڭ ئەڭ قىزىيدىغان ، مەزمۇندار جايلىرى بولۇپ كېلىۋاتقانلىقى بىزگە ئايان . قەلبىدە ئۇنتۇلماس بالىلىقى بولغان ئادەمنى بەختلىك ئادەم دەيمىز ، بىز ھەقىقەتەنمۇ چىغلىق مەھەللىسىنىڭ بەختلىك ئوغلانلىرى بولۇپ يېتىلدۇق . بۇ يەردە ئاتا – ئانىلىرىمىزنىڭ شادلىق كۈلكىلىرى بار ، قايغۇ – ھەسرەتلىرى بار ، جاپادىن كېيىنكى راھەتلىك كۈنلىرىنىڭ كۈلكىلىرى ، ھەر بىر ئېتىز يوللىرىدا ئۇنتۇلماس ئىز ، يارقىن سىيمالىرى بار . ئىزىنى بېسىپ مېڭىۋاتقان جەڭگىۋار ئەۋلادلىرى بار .  مېنىڭچە « 1 –ئەترەت دېگەن » دەرىجە سۈپەت مەنىسىدىكى قويۇلغىنىغا ئۇزۇن بولمىغان مەھەللە ئىسمىدىن ئەزەلدىنلا جۇغراپىيىلىك ئورۇن ، مۇھىتىغا ئاساسەن قويۇلغان « چىغلىق كەنتى » دېگەن مەھەللە ئىسمى تولىمۇ يېقىشلىق دەل جايىغا چۈشكەن قەدىمىي ، خاسلىقىنى ساقلىغان ئىسم ھېسابلىنىدۇ  دەپ قارايمەن . ھەم ئېغىز تىلىمىزدىمۇ ھەر ۋاقىت شۇنداق ئاتىلىشىنى تەۋسىيە قىلىمەن . ئويلاپ باقسام بىر قانچە مەھەللىدە ياشاپ چوڭ بولۇپتىمەن . ئەلۋەتتە « چىغلىق كەنت مەھەللىسى » توغرىسىدىمۇ بىرەر ئەسلىمە (گەرچە تولۇق دېگىلى بولمىسىمۇ ) يېزىپ قويۇشنى ھاياتلىق قەرزىم دەپ ئويلاپ بۇ پارچىنى يازدىم . ئەي چىغلىق مەھەللىسى مەن سەن تەرەپكە ماڭدىم ... مەنبە : بالىلىق ئەسلىمىلىرىم ، شەھىرى شىخو . 2014.5.1.

uygurjan09

	بىرەر پارچە رەسىمى بولغان بولسا  ئىدى     ئەپسۇس بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @4 n5 [% U' O  y7 ^ بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @" S7 C) c5 k1 {+ V' D0 l: t

Yatmix

	ئاباي تارىم ئەپەندى بولسا مۇشۇ شىخۇنىڭ تارىخىنى ،نېمە مەنىدە ئىكەنلىكى بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @; y2 S7 I* m) qيېزا-بازار ناملىرى،ئىقتىساد ئەھۋالى،ئۇيغۇرلارىنڭ مۇپۇسى،قازاقلارنىڭ نۇپۇسى توي-تۆكۈن،ئۆلۈملۈك ئەھۋللىرىدىن خەۋەردار قىلسىڭىز؟ مۇشۇشخىۇ پىۋىسىنىڭ ئورنى قانداق دېمەكچى شۇنچە داڭلىقمۇ؟ بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @0 Y3 J, F/ ~( mھۆكۈمەت ئورگانلىرىدا ئۇيغۇر باشلىقلار قانچىنچى ئۇرۇندا تۇرىدۇ؟

hujayin1

	شىخۇ پىۋىسى دەپ داڭلىق ماركا ئوبرازى تىكلىگەن ناھىيە ئىكەنغۇ ئۇ؟ شۇنىڭغا قاراپ ئۇ يۇرتلاردا ئۇيغۇر ئازمىكىن دەپ ئويلىغانتىم. بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @! |( i  |6 C5 P. J8 {8 C ئەسلىمە خاراكتىرلىق تېتىملىق ئەسەر بوپتۇ،ھارمىغايسىز.

Nighthawk

	مېنىڭ ئانام  شىخودا چوڭ بولغان ،  شۇنۇڭ ئۈچۈنمىكى شىخو ماڭا نىسبەتەن تولۇمۇ تونۇش ، تېمىدا ئېيتىلغىنىدەك بىرسى ئۆي سالماقچى بولسا خولۇم قوشنا ، دوست بۇراەر گۈررىدە كېلىپ نەچچە كۈندىلا ئۆينى سېلىپ پۈتتۈرىۋىتىدۇ ، بۇ ، بۇ سۆيۈملۈك  يۇرت ئەھلىنىڭ ئىناق ئىجىل ، كۆيۈمچانلىقىنىڭ نەتىجىسى .... مېھرى ئىللىك شىخو گۈللەنگىن ، ئەمگەكچان ئوغۇل قىزلىرىڭ سېنى مەڭگۈگە گۈللەرگە پۈركۈگۈسى!

karluq02

	يۇرتلىرىمىزنىڭ ئەسلى نامىنى يېڭىسىغا ئالماشتۇرۇپ قوللىنىش بىزنى خېلى جىق نەرسىدىن قۇرۇق قويۇۋاتىدۇ، جۇمۇ...

malika123

	ھسدھس

گۆزەل

	بالىلىق ئۇنتۇلماس ئەسلىمىگە تۇلغان ۋاقىت.يۇرتىڭىزغا تىىخىمۇ ئاسايىشلىق تىلەيمەن.