ئۇيغۇرلاردا دوپپا

kulak

	13397119178 يوللىغان ۋاقتى  2014-5-25 10:50 PM ئەرەپلەرنىڭ ئەمەس ،مۇسلىمە قىز-ئاياللارنىڭ.    ئۇيغۇر ... بۇنداقلار بىلەن گەپ تالاشماڭ . ئۇلارنىڭ ۋەزىپىسى دەل شۇ .ئەڭ ياخشىسى ئۆزىمىزنىڭ ئىشىغا پۇختا بولايلى

uyol

	ياخشى يېزىپسىز ئىنىم، شېئىرىيەت ساھەسىدە چاقنىغان يۇلتۇز بۇلىشىڭىزغا تىلەكداشمەن

deris

	ئۇيغۇر دوپپىلىرىنىڭ تۈرلىرى ئۇيغۇرلار ئەزەلدىن باش كىيىمىگە ناھايىتى ئەھمىيەت بېرىپ كەلگەن بولۇپ بۇ جەھەتتىن ئۆزىگە خاس باش كىيىم مەدەنىيىتى ئەنئەنىسى ۋە تارىخىغا ئېگە. باش كىيىملىرىنىڭ تۈرىنىڭ كۆپلۈكى ھەم ئۇيغۇر باش كىيىملىرىنىڭ گۈزەللىكى جەھەتتە ئۇيغۇرلارغا يېتىدىغان مىللەت بولمىسا كېرەك!....     تۆۋەندە ئۇيغۇر باش كىيىملىرىدىن دوپپىنىڭ تۈرلىرى ھەققىدە قىسقىچە توختىلىمىز:     (1) گۈل غۇنچە دوپپا-بۇ بالىلارغا خاس تۆت تالالىق دوپپا بولۇپ، گۈللىرى قېنىق يېشىل يىپەك يىپ بىلەن ،يوپۇرماقلىرى سۇس يېشىل يىپ بىلەن تىكىلىدۇ     (2) بادام مارجان دوپپا.چوكان ۋە ئوتتۇرا ياشلىق ئاياللارغا خاس تۆت تالالىق، گۈللىرى پىستە بادام شەكلىدە يوغان-يوغان قىلىپ چېكىلىدۇ.ھەم يىپقا تىزىلغان مارجان بىلەن بېزىلىدۇ.     (3) ئەرەنچە چىمەن دوپپا.ئەرلەرگە خاس ،ئىسمى جىسمىغا لايىق تولىمۇ چىرايلىق بېزىلىپ تىكىلىدۇ.دوپپا دۈگىلەك شەكىلدە بولسىمۇ تۆت تالاسى توق يېشىل يىپەك يىپ بىلەن ئاجىرىلىپ تۇرىدۇ.دوپپىنىڭ تېگى يېشىل يىپ بىلەن تىكىلىپ، گۈل غۇنچىلىرى قوشماق بادام بىلەن سىزىلىدۇ.     (4) گۈلشەن چىمەن دوپپا.ياش يىگىتلەر ۋە ئوتتۇرا ياشلىق ئەرلەرگە خاس.تۆت تالالىق بولۇپ، گۈللىرى ناھايىتى ئوچۇق رەڭلىك يىپەكلەردىن تىكىلىدۇ.دوپپىنىڭ تېگى ئاق رەخىتتىن بولۇپ، گۈللىرى ئۈچ لىنىيىگە بۆلۈپ ئورۇنلاشتۇرۇلىدۇ.     (5) گۈل قىياق دوپپا.ئەرلەرگە خاس ،دۈگىلەك شەكىلدە بولۇپ، سۇس يېشىل رەڭلىك تەگلىككە ھەر خىل يىپلاردىن گۈل تىكىلىدۇ.گۈللىرى قارا يىپەك چېكىتلەر بىلەن تۆت تەرەپكە ئايرىلىپ تۇرىدۇ.     (6) چىمەنگۈل دوپپا.تۆت تالالىق ئەرلەرگە خاس دوپپا بولۇپ، سۇس يېشىل ،مايسىرەڭ تەگلىككە ھەر خىل گۈل غۇنچىلار چېكىلىدۇ.گۈللىرى جىيىكى ئاق ،قارا يىپلار بىلەن گويا ھەرىنىڭ چىشىغا ئوخشاش ئاجىرىلىپ سىزىلىدۇ.     (7) قىزىل گۈل دوپپا.تۆت تالالىق،يىگىتلەر ۋە ئاياللار كىيىشكە بولىدۇ.توق يېشىل تەگلىك،ئاق، ساغۇچ يىپ بىلەن گويا ئۆمۈچۈك تورىدەك بېزىلىدۇ.     (8) توقۇلما گۈللۈك دوپپا.تۆت تالالىق قۇمۇل ،تۇرپانلاردا كەڭ ئومۇملاشقان تۈر بولۇپ،گېلەمگە ئوخشايدۇ، ھەممە يېرىگە چىرايلىق رەڭلىك يىپلار بىلەن گۈل چېكىلىدۇ.     (9) گۈللۈك مانچىستىر دوپپا.بۇخىل دوپپا ھەر خىل رەڭدىكى مەخمەل مانچىستىرلاردىن تىكىلىدۇ.گۈللىرى قىزىل ،كۆك، ھال،يوپۇرماقلىرى يېشىل، غۇنچىلىرى ئوچۇق شاپتۇل چېچىكى رەڭلىك يىپلار بىلەن تىكىلىدۇ.     (10) مارجانگۈل دوپپا.تۆت تالالىق،ئەرلەر ،قىزلار ۋە چوكانلارغا خاس .تېگى ئاق رەختتىن بولۇپ، گۈللىرى يوغان -يوغان ،دانە-دانە قىلىپ چېكىلىدۇ.ئۆزىگە خاس ئالاھىدىلىكى:پۈتۈن گۈل يوپۇرماقلارنىڭ ئەتراپى ئاق سەدەپ مارجان بىلەن چۆرىدىلىپ بىر قاتاردىن تىكىلىدۇ.     (11) سەدەپ يۇلتۇز گۈللۈك دوپپا.دۈگىلەك شەكىلدە بولۇپ، قىزلارغا خاس.كۆك مەخمەل تەگلىككە توق سېرىق يېكەك يىپ بىلەن گۈللەر پۈتۈن، يوغان سىزىلىپ، ئاندىن ئۇنىڭ ئۈستى ئاق سەدەپ مارجان بىلەن بېزىلىدۇ.     (12) ئانار گۈللۈك مارجان دوپپا.دۈگىلەك شەكىلدە بولۇپ تېگى قېنىق بېغىررەڭ مەخمەلدىن،گۈللىرى توق سېرىق ئالتۇنرەڭ يىپتا ،ئاق ئۇششاق سەدەپ مارجاندا چېكىلىدۇ.     (13) چەكمە قىزىلگۈل دوپپا.دۈگىلەك شەكىلدە ،قىزلار ۋە چوكانلارغا خاس. توق سېرىق زەر رەختكە باشقا دوپپىلارغا گۈل تىكىش قائىدىسىدىن ئالاھىدىرەك قىلىپ، يوغان قىزىل گۈللەر چۈشۈرۈلىدۇ.     (14) ئاق گۈلچىمەن دوپپا.تۆت تالالىق،ئەرلەرگە خاس.گۈللىرى ئاق گۈل-غۇنچىلاردىن تەركىب تاپىدۇ.چوڭ گۈللىرى بېغىررەڭ يىپتا، قالغان گۈل-غۇنچىلىرى ھاۋارەڭ يىپتا چېكىلىدۇ.     (15) گۈل يوپۇرماقلىق چىمەن دوپپا.تۆت تالالىق ئەرلەرگە خاس بولۇپ،كۈلرەڭ تەگلىك رەختكە ئاق يىپ بىلەن سىزىقلار چېكىلىدۇ.     (16) گۈل دوپپا.تۆت تالالىق، ياش بالىلار ۋە يىگىتلەرگە خاس دوپپا بولۇپ،كۆك مەخمەلدىن تىكىلىدۇ،ئۈستىگە بىرلا يەرگە گۈل چېكىلىدۇ.     (17) ئاي دوپپا. ئۇيغۇرلار ئەزەلدىن ھىلال ئاينى ياخشى كۆرۈپ كەلگەن. شۇڭا مەسچىتلەر مېھرابى ۋە دوپپىلارغا ھىلال ئاي شەكلىنى چىقىرىپ ئۇنىڭدىن ئۆزىگە خۇشاللىق تاپقان.     ئۇيغۇر دوپپىلىرىنىڭ تۈرى بۇنىڭ بىلەنلا چەكلەنمەيدۇ ئەلۋەتتە ،تەرەققىياتقا ئەگىشىپ نۇرغۇن دوپپىلارنىڭ پاسۇنى ئالاھىدىلىكىدە ئىسلاھات ئېلىپ بېرىلىپ،زامانغا ماسلاشتۇرۇلسا، يەنە بىر قىسىملىرى سەپتىن چۈشۈپ قېلىۋاتىدۇ.     ئەنئەنىۋىي كىيىملەرنى ساقلاپ قېلىش بىز بىر ئەۋلاد ياشلارنىڭ زىممىسىگە يۈكلەنگەن مۇقەددەس ھەم شەرەپلىك بۇرچ. شۇڭا بىز ئەنئەنىۋىي كىيىم-كېچەكلىرىمىزنى قوغدىشىمىز،،ئەۋلادلارغا يەتكۈزۈشىمىز كېرەك.

شرئەلى118

	ھەممە تېمىغا كىردىكەن دەيمە ، بەزى خوتۇن قىزلىرىنىڭ يالىڭاچ يۈرۈشىنى ئويلايدىغان  پەسەندىلە

بەرگى

	hujayin1 يوللىغان ۋاقتى  2014-5-25 09:04 PM ھىجاپ ئەرەپلەرنىڭ مىللىي كىيىملىرى. ئەرەبلەرنىڭ ئەمەس مۇسۇلىمانلارنىڭ كىيمى قېرىندىشىم ،

بەرگى

	شىراق يوللىغان ۋاقتى  2014-5-25 06:17 PM توغرا ،ئەمما ياتلاردىن پەرىقى بولۇش ئۈچۈنمۇ ئۇلا ... ئىنشاھ ئاللاھ ، شۇ كۈنلەرمۇ كېلەر .

بەرگى

	شرئەلى118 يوللىغان ۋاقتى  2014-5-26 02:41 PM ھەممە تېمىغا كىردىكەن دەيمە ، بەزى خوتۇن قىزلىرىنىڭ يا ... چارلاپ يۈرمىسە خىزمىتىدىن ئايرىلىپ قىلىشتىن ئەنسىرەيدۇ . باشقا ئىش قىلسا ئاللاھنىڭ يەنىلا ھالال رىزىق بىردىغانلىقىنى بىلمىسە كېرەك .

13397119178

	kulak يوللىغان ۋاقتى  2014-5-25 03:10 AM بۇنداقلار بىلەن گەپ تالاشماڭ . ئۇلارنىڭ ۋەزىپىسى دەل  ... بۇ دېگىنىڭىزمۇ  توغرا. ئۆزىنىمىزنىڭ مەھرەملىرمىزنى ياخشى يىتەكلەش ئاۋالقى ۋەزىپە.