سوغىتىڭ (سۈرەتلىك شېئىر)

nazigul8

	سوغىتىڭ سۈرەت ( نازىگۈل8 )   كىرگەن ئىدىڭ شېئىرغا بىرچاغ، مىسرالاردا قەلبىمنى چېكىپ. كىرگەن ئىدىڭ خىيالىمغا ھەم، يۈرۈكىمگە ئوتلارنى يېقىپ. يانغان پۈتۈن يوللىرىڭ ئۈچۈن، ياندۇرغان ھەم يۈرەكنى پۈتۈن. كەتتىم بۈگۈن چاراسلاپ سۇنۇپ، سۇندى يۈرەك، سۇندۇردىڭ نىچۈن. كىرپىكىمدە تۈنەيدۇ ھىجران، ئاستا-ئاستا مۇزلار قاتۇرۇپ. تۇنجى سۆيگۈم كەتمەكتە يىراق، ھىجرانلارغا تۈگەل پاتۇرۇپ. بۈگۈن كېچە يۇلتۇزسىز كېچە، تۆكـتۈم سىرىم تۈننىڭ قوينىغا. يۈرەك ئاچچىق قاپتۇ ئېسىلىپ، تىپىرلىغاچ ھىجران بوينىغا. ئەتتىم بۈگۈن كۆڭلۈم ئاۋازى، كۆمىۋەتتىم ئۆتكەن كۈنلەرگە. بەختىم كەتتى، كۈلكەممۇ ھەم، چىدا يۈرەك ئۆتۈپ كەتكەنگە. قۇلۇپ سالدىم يۈرەككىمۇ ھەم، ئارمانلارغا ئۈن-تۈنسىز چۆكۈپ. كەتسۇن ئارمان مەن بىلەن پەقەت، ھايات شامىم قالغىچە ئۆچۈپ. مەن ياشايمەن تېخى بەك ئۇزاق، ھايات ئەمەس پەقەت ئۆزۈمنىڭ. لېكىن ماڭا مەنسۇپ سۆرەت بار، قارچۇقىدا مەڭگۈ كۆزۈمنىڭ. مەنبە: شېئىر مەزمۇنى تېما ئىگىسى بىلەن مۇناسىۋەتسىز، بىرەر ئەسەرئوقۇغاندا، تەسىر قىلسا مۇشۇندا يېزىپ قويىمەن.

326ayixa

	بەك مۇڭلۇق لىرىكا ئىكەن ، كۆچۈرىۋالسام بۇلامدۇ ؟

sardor0908

	ياخشى شىئىر ئىكەن ھارماڭ شىئىر ۋە كىرىشتۈرۈلگەن رەسىم مەزمۇنلار ئىنتايىن زىللىق بىەن ئورۇنلاشتۇرۇلىپتۇ .ئەگەر توي قىلىپ بولغان بولسىڭىز ئىرىڭىز شۇنداق تۇرمۇش زىل قارايدىغان ،ئىنچىكە،ئىدىتلىق ،ئەقىللىق ئايالى بار بەخىتلىك ئەر بولسا كىرەك. توي قىلمىغان بولسىڭىز ................بىرئائىلە،كىيىنكى ئەۋلادلارغا كىرەكلىك بولىدىغان ئۆلچەملىك ئانا بولغۇدەك ،تاشقۇرغاندىن تارتىپ ئەكەلگۇدەك ياخشى قىز ئىكەنسىز (چاقچاق) ....

TAXNAI2

	بەك ھىسياتلىق يېزىپسىز .....ياقتۇردۇم.....

axek13999649893

	رەھمەت  جۇمۇ سىزگە

mehriya

	ئۇماقنىڭ شېئرلىرىنى ياقتۇرىمەن . ھارماڭ جانىم .

ئەرك886

	[color=Red]بەختىم كەتتى، كۈلكەممۇ ھەم،.. بۇ مىسرادا ئازراق مەسىلە بارمۇ قانداق ؟؟

asrari

باشتۇغ

	مېنى ، مەڭگۈ ئۇنتۇپ كېتەي دەپ ، يۈرىگىڭگە سېلىپسەن قۇلۇپ . مېنى ئۇنتۇپ كەتكىنىڭ بىلەن ، كېتەلەمسەن سۆيگۈمنى ئۇنتۇپ . قارچۇقىدا مەڭگۈ كۆزۈڭنىڭ ، سۆرەت بۇلۇپ ياشايمەن ئۇزاق . تاشلاپ كەتتى دىمىگىن جېنىم ، يوللىرىڭدا بۇلىمەن چىراق . بۈگۈن كېچە ، يۇلتۇزسىز كېچە ، سېغىنىمەن مەنمۇ يىراقتا . ئىشەن جېنىم ،ئىشەنگىن جېنىم ، ئەمەس مېنىڭ بۇسۆيگۈم ساختا . خوش دىمەستىن تاشلاپ كەتتى دەپ ، رەنجىمىگىن مېنىڭدىن ھەرگىز ، ئالدىراپلا ئۈزمە ئۈمۈتنى ، مەن بارىمەن كەلگەندە ئەگىز . شىېئېرىڭىز شۇنداق ياخشى چىقىپتۇ ، ئىلھاملىرىم تېشىپ ئازراق ياندىشىپ قويدۇم ، توغرا چۈشنەسىز .

nazigul8

	ئەرك886 يوللىغان ۋاقتى  2014-8-5 12:54 PM بەختىم كەتتى، كۈلكەممۇ ھەم،.. بۇ مىسرادا ئازراق مەسىلە ... ھە ئە، 8 بوغۇم بوپ قاپتۇ، شۇنى دەيسىزغۇ دەيمەن، ئاۋۇ ھەم دىگەن خەتنى ئېلىۋېتىپ، بىرگە دىگەن خەتنى قوشسام، نەق 9 بوغۇم بولدىكەن، بىۋاستە مۇنبەرگىلا يازغاچقا، دىققەت قىلماي قاپتىمە، كۆرسۈتۈپ بەرگىنىڭىز رەھمەت! يەنە شېئىر يېزىش توغرىسىدا پىكىر-تەكلىپلەر بولسا بەك قارشى ئالمەن!