مانان (مىسرانىم مۇكاپاتلىق ئەسەر پائالىيىتىگە)

UYGRAF

	kamiljantohti يوللىغان ۋاقتى  2014-8-8 07:58 PM شۇنداق ياخشى رەتلەپ يوللىسام، بەت، قۇر ئارلىقلىرى ئ ... ئاشۇنداق بولىۋالىدىكەن، مىسرانىملىقلار قوش پەش( ”“)  بىلەن قوش تىرناق («» )نى پەرقلەندۈرۈشنىڭ ئامالىنى قىلسا  بولاتتى. مىسرانىمغا ئەسەر يازسا قوش پەش پەقەت چىقمايدۇ، شۇڭا بەزى گەپلەرنىڭ مەنىسى ئۆزگۈرۈپ، باشقىلاردا خاتا چۈشەنچە پەيدا بولىدۇ. ئەسىرىڭىز مۇكاپاتقا ئېرىشكەي.

kamiljantohti

	soygum يوللىغان ۋاقتى  2014-8-9 05:39 PM بەزى گەپلەرنى يازمىسىڭىز  بولاتتى بۇنىچلا تەپسلى قىلى ...       بۇ 1990-يىلدىن 2000-يىلىغىچە بولغان ياشلارنىڭ تۇرمۇشى. بەلكىم شۇ «قۇم-بورانلار» ئارىسىغا باشقىچە مەنىلەر يۇشۇرۇنغاندۇ!؟!.... بەزىدە ئەخلەت-چاۋارلار ئىچىدىنمۇ لازىملىق نەرسىلەر ئۇچراپ قالىدۇ كىشىگە.       ئىشقىلىپ يېزىپ ئوتتۇرغا تاشلاندى، باھا بېرىش سىزلەردىن.       باھا بەرگىنىڭىزگە كۆپ رەھمەت!!!

kamiljantohti

	ئاقار يوللىغان ۋاقتى  2014-8-8 10:17 PM مەمەتئىمىن ھوشورنىڭ «قىرلىق ئىتاكان»ھىكايىسدەك چىقىپ ...      ياشلارنىڭ بۇنداق تۇرمۇشى ئەمدى كەلمەسكە كەتتى. 90-يىللاردىن 2000-يىللارغىچە بولغان چاغلاردىكى ياشلار شۇنداق ئىدى. بەلكىم شۇ چاغلاردا ياشلىقىنى ئۆتكۇزگەنلەر بۇنى ھىس قىلىپ يېتىشى مۇمكىن. 2000-يىلدىن كىيىن ھەممە ئۆزگەردى، ئىتىقاد كۈچەيدى، ياشلار تۇرمۇشى بۇرۇنقىغا ئوخشىمايدىغان بولدى، كۆپلىگەن ياشلار تورغا دۇم چۇشتى ياكى زەھەرگە ئۆگەندى، مۇھاببەت ساپلىقتىن ساختىلىققا ئۆزگەردى، مۇقىملىق ساقلاش كۈچەيدى، يېزىلاردا كېچىللىرى كوچا-كويلاردا ناخشا توۋلاش تارىخقا ئايلاندى. ئەمدى سەھرالاردىكى ناخشا ئاۋازىنى پەقەت باشقىلار قەلىمىدىكى ئەسەرلەردىنلا ئاڭلىيالايمىز،خالاس. ھاراق ئىچىش ناچار ئادەت ئەلۋەتتە. لىكىن سەھرالاردا كېچىللىرى ناخشا توۋلاش، مۇڭلۇق ساز چېلىش...بىر خىل سىھىر ئىدى. ئەمدى سەھرالاردا نىمە قالدى؟ سۆرەتكە ئېلىنىشلا مەقسەت قىلىنغان شەكىلۋاز مەدەنىي پائالىيەت قالدى.

soygum

	kamiljantohti يوللىغان ۋاقتى  2014-8-17 01:14 AM ياشلارنىڭ بۇنداق تۇرمۇشى ئەمدى كەلمەسكە كەتتى. 90-ي ... ئىنكاسىڭىزدىن قارىغاندا ،شۇ چاغلارنى ۋە شۇچاغدىكى شوخلىقتىن تارتىپ بارلىق تۇرمۇشنى سېغىنغان ئوخشايسىز،مەن سەھرانى ئوبدان بىلىمەن،ھازىر تۈزۈلۈپ خېلى مەدەنىيلىشىپ قالدى،كەڭ يېزلىرىمىزنىڭ مۇشۇنچلىك تۈزۈلۈپ قالغانلىقىغا شۇكىر قىلساق بولىدۇ.  .دۆلتىمىزدە ھازىر شەھەر نوپوس،يېزا نوپوس دېگەنلەرنى ئەمەلدىن قالدۇرماقچى ئىكەن،بۇنىڭدىكى مەقسەتمۇ شەھەر بىلەن يېزىنىڭ پەرىقىنى تۈگىتىش،يېزىلارمۇ خۇددى شەھەرلىكلەر نېمدىن بەھرىمان بولسا شۇنىڭغا ئېرشەلەيدىغان شارائىتقا ئىگە قىلىش ئۈچۈن،ئاڭلىساق كورىيەنىڭ يېزلىرىغا بارسا مەدەنىيەت جەھەتتىن شەھەرلەردىن قېلشمايدىكەن،مۇشۇ مسرانمىدا قازاقستاندىكى بىر زامانىۋى يېزا كەنت توغرسىدا سۈرەتلىك تېما تۇرىدۇ. 2000-يىللاردا بىزمۇ ياپياشلا بالىلار ئىدۇق.شۇ ۋاقىتلاردىكى ئىشلارنى ئەسلىسەك ئەپسۇسلۇق ئىشلارنىڭ كۆپرەك ئىكەنلىكىنى ھېس قىلىمىز.ئۇ چاغلاردا ئىچىدىغان چىكىدىغان ئىشلار خۇددى نورمال تۇرمۇشتەك ئىدى.شۇڭلاشقا ئۇنىڭ ئەسلىگۈدەك نەرى بولسۇن؟ئۇنى قانداقمۇ سېغىنغىلى بولسۇن؟ سىز تىلغا ئالغان ۋاقىتلارنى بەدىۋى ياۋايلىققا تولغان دەپ قارايمەن،چۈنكى بالىلار شەھەرلىك بالىلار يېزىغا ئويناپ بارسا بىكاردىنلا ئۇراتتى،،قىزلارنى يوللاردا توساپ ‹تەلەپ›قويدىغان ئىشلار بارئىدى.. يەنە مۇشۇ ئاپقاچتۇق دەپ نىكاھنى كۆزگە ئىلمايدىغان ئىشلارمۇ يېزلاردا كۆپرەك بولاتتى،،،ئىشقىلپ بۇ بالىلار بىر توپ لۈكچەكلەرگىلا ئوخشايتتى....ھازىر خوشنسىڭ ئۆيگە توخو كەپتەر ئوغرلايدىغان ئىشلار، بىراۋنىڭ قىزىنى بىكاردىنلا ئەپقاچىدىغان ئىشلار يوق،،،قاراملىق ئەزقاتمايدىغان مەدەنىي دەۋىر يېزىلارغا يۈزلەنمەكتە،،،يېزىلاردا ئىگىلىك تىكلەش،مول ھوسولغا ئالدىراش بولىۋاتسا ھېلىقى كېچىچە ناخشا توۋلاپ ،ناخشا ساز بىلەن ۋاقىت ئىسراپ قىلىدىغان مەشرەپ ئوينايمىز دەپ ھەپتىلەپ ئۆيگە كىرمەيدىغان ئىشلار يوق ئاتا-ئانىلار خاتىرجەم بولۇپ قالدىمكىن دەيمەن. ئەسەردە ساختلىق يوق  ،چىنلىق بار،لىكىن بۇ چىنلىق ئارقىلىق ئۇنى قامچىلاش  ئەمەس بىر خىل ھېسداشلىق سىڭشىپ كەتكەن،،،شۇڭلاشقا مۇشۇ جەھەتتىن پىكىر بېرشكە توغرا كەلدى. بىزنىڭ ئاقكۈڭۈل. يازغۇچىلىرىمىز رومانلىرىدا تەسىرگە بەك ئەھمىيەت بەرگەن، ئۇلار نېمنى يېزىشقا قارىغاندا قانداق يېزىشقا بەكرەك كۈچىگەن.شۇڭلاشقا  ئۇلار تەسۋىرلگەن دېھقانلار بولسا بىر دەرىجە يۇقىرى كۆتۇرۇلگەن نەمۇنلىك يېزىلىقلار  بولۇپ ياخشى تەرەپلەرنى كۈيلەپ ،جاپاكەش، مېھنەتكەش دېھقان ئوبرازلىرى قەد كۆتۇرۇپ   كەڭ يېزا تۇرمۇشىدىكى   قاراڭغۇ تەرەپلەر  ئېچىپ  بېرەلمىگەن. ئەسەرنى چىنلىق جەھەتتىن  بۇ قاراڭقۇلۇقلارنى ئېچىپ تاشلىغان بولسا ھەقىقەتەن قالتىس  ياخشى بولاتتى.لىكىن   بۇ ناچار تەرەپلەرنى ئاقلاش ،سېغىنش ئەسلەش ھېسياتىدا بولغاچقا سەل كايىپ قويدۇق خالاس.ئەسەر بىرىنچى شەخس تىلدا ئەمەس ئۈچىنچى شەخىس تىلىدا يېزلغان بولسا بەلكىم بۇنداق يېقىنچلىقتىن ساقلانغىلى ئېچىپ تاشلىغىلى بولاتتى. ئەلۋەتتە بۇ ئاپتورنىڭ قەلەم ئەركىنلىكى،بىز پەقەت ئۆز پىكىرىمىزنى بەرگۈچى خالاس،بەلكىم بىز ئويلىمىغان باشقا نۇقتىلار بولۇشى مۇمكىن. تۇرمۇشتىكى چىنلىق تەپسىلاتلارنى تېخىمۇ ھەقىقى يورۇتۇپ نادىر ئەسەرلەرنى مەيدانغا كەلتۇرۇشىڭىزگە تىلەكداشمەن،قەلىمىڭىز بەرىكەتلىك بولغاي!

kamiljantohti

	soygum يوللىغان ۋاقتى  2014-8-17 12:45 PM ئىنكاسىڭىزدىن قارىغاندا ،شۇ چاغلارنى ۋە شۇچاغدىكى شو ...     ھەركىمنىڭ كۆز قارىشى ئوخشىمايدۇ.   ئەشۇ يىللاردا سىلەرنىڭ يۇرتلاردا شۇنداق ئېغىر ۋەقەلەر يۇز بەرگەنلىكى پۇتۇن ئۇيغۇر جەمئىيىتىگە ۋەكىللىك قىلالىشى ناتايىن. ئەگەر سىزگە شۇ چاغلار ئېغىر تەسىر قىلغان بولسا قەلەم تەۋرىتىپ باقسىڭىز بولىدۇ. جەمئىيىتىمىزنىڭ ھەر بىر باسقۇچى بىر تارىخى ئەسلىمىدىن ئىبارەت. ئۇنىڭ بىر ئۆتكۈنچى ۋاقىت ئىكەنلىكى ۋە ياكى سەلبىيلىكىنىڭ كۈچلۈك بۇلىشى بىلەن ئۇنى پۇتۇنلەي يوققا  چىقىرىۋېتىشكە بولمايدۇ. سېغىنغانلارمۇ بولىدۇ، ئەسلەيدىغانلارمۇ بولىدۇ،ھەتتا تىللايدىغانلارمۇ بولىدۇ. مەقسەت ئەشۇ ۋەقەگە ئېسىلىۋېلىش ئەمەس. قانداق چۇشىنىش ھەركىمنىڭ ئۆزىگە باغلىق.   شەھەرلىشىش دەپ قالدىڭىز. بىزنىڭ شەھەرلىشىشىمىزنى  كورىيە ۋە باشقا دۆلەتلەرنىڭ شەھەرلىشىشى بىلەن سېلىشتۇرۇپ بولماس. بىزنىڭ دېھقانلىرىمىز شەھەرلىشىشنىڭ دەردىنى يەتكىچە تارتتى ھەم تارتىدۇ. چېقىپ كۆچۇرۇشتىن كىيىنكى ئىگىز-پەسلىكلەر، پۇل ئۈچۈن ئۆز يېرىنى بېرىۋېتىپ ھېچنىمىسى يوقلارنىڭ ئاينىۋاتقانلىقى ئېنىق ئىسپات. چۈنكى بىزنىڭ شەھەرلىشىشىمىز نۇرغۇن يوقىتىش ھېسابىغا بولىۋاتىدۇ. شەھەرلەشسىلا مەدىني بولىدۇ،دىگىلى بولامدۇ؟ شەھەردىكى بىكار تەلەپلەر، ئاقچىلار، نىشە چەككۇچىلەر،تىلەمچىلەر،بۇزۇقچىلىق قىلىۋاتقانلار،ئازغىنە پۇل ئۈچۈن بالا ئوغرىلاپ، بۇلاپ سېتىۋاتقانلار.......ئېيتىپ بولغۇسىز ...لەر.     مەيلى شەھەرلىشىشكە قاراپ يۈزلەنسۇن، لىكىن يېزىنىڭ، يېزىلىقلارنىڭ  ئەسلىدىن بار بولغان ئادەت-ئۇدۇمى يوقاپ كەتمەسلىكى كېرەك.     يۇقۇرقىلار پەقەت مېنىڭ كۆز قارىشىم.     ياخشى گەپلەرنى قىپسىز خوش بولدۇم. مەن مۇشۇنداق مۇنازىرە بولىشىنى ياخشى كۆرىمەن.     سىزگە رەھمەت!!!