ئابدۇرېھىم زۇنۇن: مۇنبەر ئەلا ماڭا تەختتىن

sayf

	ئىلمىڭ نۇرى پاكلار دىللار دېغىنى، تاڭ قۇياشى زەر تارى سەن، مۇئەللىم. بەرجەس تۇرساڭ سۈبھى كۈلەر ئەگىشىپ، ئەۋلادلارنىڭ بىدارى سەن، مۇئەللىم. زەر-گۆھەرىڭ يوق، مەنىۋى غېنى-باي ـــ زەردارلارنىڭ زەردارى سەن، مۇئەللىم. كۈلدى ھۆرمەت كۆكىدە ئەل قۇياشى، ھەقدارلارنىڭ ھەمكارى سەن، مۇئەللىم. بەك بەك  ياردى

qaraxani

	مەرھابا ئۇستاز ،ئوقۇتقۇچىلار بايرىمىڭىزغا مۇبارەك بولسۇن،قەسىدىنڭ جېنى بار ئىكەن،ئەقىدىنىڭ   ھەم...

5uyghur

	مىللەتنىڭ ئۇمۇدى مۇئەللىم!!!

abaytarim

	ئۇسسىغان ، چاڭقىغان يەرگە باردى شېئىرىڭىز ، مىسرانىمدا ئەسىرىڭىزنى ئۇچراتقانلىقىمدىن بەك خۇشالمەن ...

korlaayxamsadir

	ئۇستاز سىزنىڭمۇ بۇ مۇنبەرگە كىرگىنىڭىزدىن بەك خوش بولدۇم. ئۇستازلارنى  تەرىپلەپ يازغان  دۇردانىڭىزدىن سۈيۈندۈم.

korlaayxamsadir

	مەرھابا !ئۇستاز ئابدۇرېھىم  مۇئەللىم، خۇش كىپسىز !

مارشال

	ئەسسالامۇ ئەلەيكۇم ھۆرمەتلىك ئۇستاز ئابدۇرېھىم زۇنۇن مۇئەلللىم،مىسرانىم مۇنبىرىگە كەلگەن قەدەملىرىگە مۇبارەك بولسۇن. 9-ئاينىڭ 2-كۈنى ئۆمەر مۇھەممەتئىمىن كىرۇراننىڭ ئەدەبىي ئىجادىيىتى ئىلمىي مۇھاكىمە يىغىنى ئاخىرلىشىپ،كەچلىك سورۇندا سىز بىلەن بىر مەكتەپتە خىزمەت قىلىۋاتقان خىزمەتداشلىرىڭىزدىن ئابدۇللا سۇلايمان،ئەنۋەر ھۇشۇر مۇئەللىملەر بىلەن بىرگە بىر داستىرخانغا جەم بولدۇق.ئۇلار بىلەن قىزغىن پاراڭلىشىپ ھەمسۆھبەتتە بولدۇق ھەمدە سىزنىڭ،نۇرمۇھەممەت توختى ئاكىلارنىڭ ئەھۋالىنى سوراپ قىلغان ئىدۇق.ئۇلارمۇ ئەزىزانە ئۇدۇن دىيارىنىڭ ئوتلۇق سالامىنى ئەكەلگەچ سىلىنىڭ ئەزىز تەنلىرىنىڭ سالامەت تۇرۋاتقانلىقىنى،ئىشلىرىنىڭ ياخشى كېتىۋاتقانلىقىنى بىزلەرگە دېگەن ئىدى.بۈگۈن مۇنبەردە بۇ شېئىرىڭىزنى ئوقۇپ تولىمۇ مەمنۇن بولدۇم. خوتەن دىيارىدا ئابدۇللا سۇلايمان مۇئەللىم،نۇرمۇھەممەت توختى،سىز ھەمدە ئەنۋەر ھوشۇر مۇئەللىمللەرنىڭ تېنىنىڭلارنىڭ سالامەت،خىزمىتىڭلارنىڭ ئۇتۇقلۇق،كۈنلىرىڭلارنىڭ خوشال-خورام ئۆتۈشىگە تىلەكداشمەن.

mehriya

	ئەسسالامۇ -ئەلەيكۇم . ئالدى بىلەن ئوقۇتقۇچىلار بايرىمىڭىزغا مۇبارەك بولسۇن ، ئاندىن قالسا مۇنبەرگە باسقان قەدەملىرىڭىزگە مەرھابا ! بۇندىن كىيىنكى ئىجادىيىتىڭىزگە ئۇتۇق تىلەش بىلەن بىرگە بارلىق ئوقۇتقۇچىلارنىڭ بايرىمىنى تەبرىكلەيمەن .

mahatjan

	ئابدۇرېھىم زۇنۇن مۇئەللىمنىڭ مىسرانىم مۇنبىرىگە كەلگەنلىكىدىن بەك خۇرسەن بولدۇم.ئۆزلىرىنى تۆۋەندىكى سۆز ئويونى ئارقىلىق قارشى ئالىمەن؛- مائارىپ مۇنبىرىدىكى مۇقەددەس مەشئەل (سۆز ئويۇنى) مۇئەللىم :ــ مائارىپ مۇنبىرىدىكى مۇقەددەس مەشئەل. مەۋجۇداتلار ماكانىدىكى مەرتىۋىلىك مەدەتكار،مۇئەللەقتىكى مىھرىبان مالاھىكە، مەدەنىيەت مۇساپىسىدىكى موتۇرلۇق ماشىنا، مائارىپ مۇناسىۋىتىنىڭ مەركىزىدىكى مۇستەھكەم موما. مۇئەللىم مىڭلىغان مىليونلىغان مۇرەككەپ مەۋجۇداتلارنىڭ، مەسلەن:ــ مىدىرلىماس ماددىلارنىڭ ، مىدىرلايدىغان مەخلۇقلارنىڭ ماۋجۇتلۇق ماھىيتىنى مۇقۇملاشتۇرۇپ، مەزمۇن مۇناسىۋەتلىرىنى ماسلاشتۇرىدىغان ماھارەتلىك مارشال. مىھرى ـ مۇھەببەت مۇناسىۋىتىنىڭ مەڭزىگە مىخلانغان مىھىرلىك مارجان. مىڭىمىزگە مەرىپەت مىۋىسىنىڭ مىغىزىنى مەركەزلەشتۈرگۈچى مەرگەن.مەدەنىيتىمىزنىڭ مۇشۇ مەزگىلدىكى مۇساپىسىنىڭ مۇناسىۋەتلىرىنى ماسلاشتۇرۇپ، ماشىنىلىشىش مۇسابىقىسىنى مەقسەتلىك مەنزىلگە ماڭدۇردىغان ماھىر مەدەتكار. مەدەنىيەت مىراسلىرىمىزنىڭ ماھىتىدىن مەلۇمكى : ماشىنا موتۇرسىز ، موتۇر مايسىز ماڭالمىغاندەك، مەيلى ماددى مەدەنىيتىمىز مەيلى مەنىۋى مەدەنىيتىمىز مائارىپقا، مائارىپ مۇئەللىمنىڭ مىڭىسىنىڭ مەھسۇلاتلىرىغا ماشلاشمىسا، مارىسقا ماڭغان موتۇرلۇق ماشىنا ،مەقسەتلىك، مۇستەھكەم ماڭالمايدۇ. مائارىپ:ــ مەدەنىيەت مۇھىتىدىكى مارىسقا ماڭىدىغان(مەنزىل) ماركىلىق ماشىنىدۇر. مۇئەللىم:ــ مەنزىل ماركىلىق ماشىنىنىڭ مەركىزىدىكى مۇكەممەل مۇقۇملاشتۇرۇلغان مەرۋايىت ماركىلىق موتۇردۇر، مۇئەللىمنىڭ مىڭىسىدىكى مەرىپەت مىۋىللىرىنىڭ مىغىزى ‹مەنزىل› ماركىلىق ماشىنىنىڭ مەڭگۈلۈك ماي مەنبەسىدۇر. مىسرانىم مۇنبىرىدىكى مۆتىبەرلەر ، مۇھەررىرلەر، مۇخبىرلار ، مويسىپىتلار،مارشاللار مۇئەللىملەرنى مۇكاپاتلايدىغان مىغىزلىق ماقالىلەرنى مىسرانىم مۇنبىرىگە ماڭدۇرۇپ، مائارىپنىڭ ، مۇئەللىمنىڭ مەدەنىيەت مۇنبىرىدىكى مەسئۇلىيەت مەجبۇرىيەتلىرىنى مۇكەممەل مۇقۇملاشتۇرۇپ، مائارىپ مۇناسىۋەتلىرىنى مەنىلىك ماسلاشتۇرۇپ،مەملىكىتىمىزنىڭ مەدەنىيەت مەنبەلىرىنى ماشىنىلىشىش مۇھىتىغا ماڭدۇرايلى. مەنمۇ مۇشۇ مەقسەتتە مۇشۇ ماقالەمنى مىسرانىم مۇنبىرىنىڭ ماھىر ماشىنىسىدا مەدەنىيەت مۇھىتىغا ماڭدۇردۇم. مۇناسىۋەتلىك مەسىلىلەردە مەقسەتلىك مەسلەھەتلىشەيلى.   مەنمۇ مۇئەللىم. مۇئەللىمنىڭ مىۋىسى. مەن مەيلى مۇشۇ ماقالامدە، مەيلى مۇنبەردىكى مۇساپەمدە مۇئەللىمنى مەڭگۈ مەدىھلەيمەن.                             مەنبە:مەخەت مۇئەللىمنىڭ مەخسۇس ماقالىسى

akkani

	ئابدۇرېھىم زۇنۇن مۇئەللىمنىڭ مىسرانىم مۇنبىرىمىزگە قەدەم قويغانلىقىدىن ئىنتايىن خۇش بولدۇم.ئېسىل ئەسەرلىرىدىن بەھرىمەن بوپ تۇرغايمىز.