ۋەتەن سۆيگۈسى ( غەزەل)

99sahrayi99

	ۋەتەن سۆيگۈسى ئەلەم مامۇت سەھرايى كېزىپ دۇنيانى، ئالەمنى ۋەتەننى بىباھا كۆردۈم، ماڭا ئاق سۈت بېرىپ باققان ئانامدەك ئەتىۋا كۆرۈم. قۇياش- ئاينىڭ نۇرى چەكسىز يۇرۇتقاي پۈتۈن ئالەمنى، ۋەتەن ئالدىدا كۈن- ئاينى ساپالدەك بىزىيا كۆردۈم. ۋەتەننى ئوتقا ئوخشاتسام، ئۆزۈم ئىشقىدا پەرۋانە، ئەگەر بىر يارغا ئوخشاتسام، ئۆزۈمنى ئاشىنا كۆردۈم. ۋەتەننى باغقا ئوخشاتسام، ئىچى گۈللەرگە لىق تولغان، ئۇرۇپ بۇلبۇل كەبى خەندان ئۆزۈمنى خۇشناۋا كۆردۈم. ۋەتەن سۆيمەك، ئىمان- ئىسلام جۈملىسىدىن ئەگەر بىلسەڭ، سۆزىدۇر سەرۋەرى ئالەم مۇھەممەد مۇستەپا كۆردۈم. ئەگەر بىر يارنى كۆپ سۆيسەڭ بولۇر ئون كۈن ساڭا ھەمرا، ۋەتەندىن باشقىىنى بۇدەم كۆڭۈلسىىز بىۋاپا كۆردۈم. بىلىملىككە نادامەت يوق، بىلىمسىزگە سائادەت يوق، بۇ دۇنيادا بىلىمسىزلىك تۈپەيلى زور بالا كۆردۈم. ئىلىم- ئىرپان، پاراسەتتىن كىشى بولسا ئەگەر مەھرۇم، داۋلانسا ئەگەر مىڭ رەت ساقايماس بىر ۋابا كۆردۈم. ۋەتەن سۆيمەك مېنىڭ ئەھدىم بۇ سۆز قەلبىم جاكاسىدۇر، ئەگەر يانسام شۇبۇ سۆزدىن ئۆزۈمنى رۇسىيا كۆردۈم. مەنبە: ئۆزۈم بۇ غەزەل« قەشقەر ئەدەبىياتى»  ژۇرنىلىنىڭ 2001-  يىللىق 5— سانىدا  ئېلان قىلىنغان.

99sahrayi99

	رۇسىيا-- قارا يۈز دېگەن مەنىدە رۇ-- يۈز، سىياھ --قارا مەنىسىدە رۇياب-- سۇ يۈزى مەنىسىدە، ئەمما ھازىرقى ئىستىمالدا ئاشكارا بولدى، مەيدانغا كەلدى دېگەندەك كۆچمە مەنىلەردە قوللۇنۇپ كېلىۋاتىدۇ. رۇبىرۇ-- يۈزمۇ- يۈز دېگەن مەنىدە..

turmux.net

	ياخشى شېئىركەن، رەھمەت .

قورغان

	ياخشى غەزەلكەن، مۇشۇنداق غەزەللىرىڭىزدىن بەھىرلەندۈرۈپ تۇرغايسىز...

hadrat

	مەزمۇنىمۇ شۇنداق ياخشى،رۇسىيا دىگەنگە ئىزاھات بەرمىگەن بولسىڭىز چۈشەنمەسكەنمەن.قەلىمىڭىزگە بەرىكەتلەر ياغسۇن.

99sahrayi99

	hadrat يوللىغان ۋاقتى  2014-12-28 04:30 PM مەزمۇنىمۇ شۇنداق ياخشى،رۇسىيا دىگەنگە ئىزاھات بەرمىگ ... ياقتۇرغىنىڭزغا رەھمەت!..

jelwa

	بوپ  قويىدىكەنغۇ   ،  قەلەم  تۇلپارىڭىز  ھارمىغاي !