رۇسىيە ئىقتىسادىنىڭ كەلگۈسى قانداق بولىدۇ؟

sardor0908

	مېللىي ئۆچمەنلىكنى دەپ پۇتېن ۋە روسىيەنىڭ ھازىرقى ئەھۋالىنى ئۇنداق ناچار-بۇنداق ناچار دەپ كەتمەيلى قىرىنداشلار .روسىيە كىرزىستا ،بۇ كىرزىستا دەپ يۇرىمىز ،روسىيە زادى نىمە كىرىزىستا ؟روسىيە يىنىڭ -ئىغىر سانائېتى چەتئەل تىخنىكىسىغا تايانمايدۇ .ھەربىي ئىشلاردا ئالدىنقى ئورۇندا ،يىزا-ئىگىلىك ،چارۋىچىلىقتا ئۆزىنى -ئۆزىنى قامدايدۇ .روسىيە كىرزىستا ئەمەس بەلكى ئامىرىكا باشچىلىقىدا ياۋروپا دۆلەتلىرى ئىقتىسادى جازا بىرىمىز دەپ روسىيە دۆلەت ئىچىگە ،ئاددى پۇقرالارغا قۇرقۇنۇش سىلىپ ،ھاكىمىيەتچە پارتىيەنى ،پۇتېننى تەخىتتىن چۈشۈشكە قىستاش ئىلىپ بارماقچى .ئەگەر دۆلىتىمىزدەك چەتئەلنىڭ تىخنىكىسىدىن پايدىلىنىپ ،بۇيرۇتما سانائەتكە يۆلۈنۈپ قالغان دۆلەت بولسا ھەيۋىدىن قۇرقسا .ئىسىڭلاردا بارمىكىن ئامىرىكا مىسىر پىرىزدىنتى مۇبارەكنى قانداق تەخىتتىن چۈشۈرگىنى .روسىيە دىگەن ھەرقانداق ئىشتا ئۆزىنى قامدايدىغان دۆلەت .دۆلەت ئىچىدە ھۆكۈمەت ۋە پۇتېنغا بولغان ئېشەنچ تەۋرەنمىسىلا ھىچقانداق روسىيە يىقىتقۇدەك كىرىزىس بولمايدۇ .ئەگەر ئامىرىكا شۇنداق يامان بولغان بولسا ئاللا بۇرۇن سۈرىيەنى لىۋىيە،ئىراقتەك قىلىپ بولغان ئىدى .سۈرىيەنىڭ كەينىدە رەسىيە بار .    ئەلۋەتتە ،خەلقئارا بىسىم سەۋەبى روسىيە دۆلەت ئىچىدە ئازتولا تەۋرىنىش بولىۋاتقان بولسىمۇ بۇ كونتىروللۇقتا .ياۋروپا مۇناسىۋەتلىك دۆلەتلەردىن روسىيەگە بولغان ئىقتىسادى جازانى بوشاشتۇرۇشقا دەۋەت قىلىپتۇ.مېىرىكىل باشلامچى بولۇپ خەلقئاراغا روسىيەگە بولغان ئىمبارگۇنى توختۇتۇشقا مۇراجەت قىلدى .چۈنكى گىرمانىيەمۇ ئوخشاش روسىيەنىڭ ئىقتىسادى ھەراھى ،روسىيە ئىقتىسادى چىكىنسە گىرمانىيە ،فىرانسىيە تۈركىيە ،سەئۇدى....خىلى كۆپ دۆلەتلەر بۇ پاتقاققا پىتىپ قالىدۇ .

Submarine

	روسىيە دۇنيادىكى ئەڭ كۆپ زىمىنغا ئىگە چوڭ دۆلەت ، 22 مىليون كۇۋادىرات كېلومېتىرلىق بۇنداق يەردە كان بايلىقلىرى ئىنتايىن مول ، روسلار شۇ كان بايلىقلىرىنى شۇ پېتى ياكى يېرىم پىشىقلانغان ھالەتتە سېتىپ ئۇنۇڭدىن كىرگەن كىرىمنى ئۇزۇن يىلغىچە يېتىپ يىسىمۇ تۈگۈمەيدۇ . بۇغۇنىڭ مۈڭگۈزى ئۆزىگە دۈشمەن بولغىنىدەك بۇن قانونيەتنى روسلار ئوبدان بىلىدۇ ، شۇڭا ئۇلارنىڭ كاللىسىدا قورال ئارقىلىقلا بۇ بايلىقلارنى ئۈنۈملۈك ساقلاپ قالغىلى بولۇدۇ دىگەن قاراش مەھكەم ئورناپ كەتكەن . يېقىنقى زامان تارىخقا قارايدىغان بولساق روسلار ، تۈرۈكلەرنىڭ ، فرانسوزلارنىڭ ، ئارىئانلارنىڭ دەھشەتلىك ئۇرۇشلىرىغا دۇچ كېلىپ ھەر قېتىمقىسىدا غەلىبىگە ئېرىشتى ، ئەمما ئۆزلىرى ناھايىتى زور بەدەل تۆلەش بەدىلىگە . ئۇلار بۇنداق قانلىق ئۇرۇشلاردىن زىمىنىنى ، ئەڭ بۈيۈك مەنپەئەتىنى پەقەتلا قورال ئارقىلىقلا ساقلاپ قالغىلى بولىدىغانلىقىنى ناھايىتى ئېنىق تونۇپ يەتتى ، شۇندىن ئىتىبارەن قورال جابدۇق سانائىتىنى بار كۈچ بىلەن ئىلگىرى سۈرۈش ، ئۇلارنىڭ ئوڭىدىمۇ ، چۈشىدىمۇ چوقۇم ئويلىمىسا بولمايدىغان ئىشقا ئايلاندى ، مىسالغا ئالساق AK47 نى ھەممىمىز بىلىمىز ، بۇ قورال گەرچە يېنىك تىپتىكى ئاپتومات بولسىمۇ لېكىن ئۇنۇڭ ئىككىنچى دۇنيا ئۇرۇشىدىكى ئوينىغان رولى بەكلا چوڭ بولغان ، بۇ قورال ، يېنىك ، چىداملىق ، ئېتىلىش مۇساپىسى ئۇزۇن ، كاشىلا كۆرۈلۈش نىسبىتى تۆۋەن بولۇشتەك ئارتۇقچىلىغى بىلەن دۇنياغا مەشھۇر ، بۇنداق قورال ھازىر دۇنيادا 500 مىليوندىن ئاشىدىكەن . شۇڭا روسلارنىڭ قورالغا بولغان مۇھەببىتى ھەرقانداق بىر ئەلنىڭكىدىن ئالاھىدە يۇقۇرى تۇرىدۇ ، ھەتتاكى ئۇلار بۇنى بىر خىل ئەنئەنىگە ئايلاندۇردى . قىرىم ۋەقەسىدىن كېيىن ئامېرىكا ۋە ئۇنۇڭ ئىتىپاقداشلىرى روسىيەگە قورال كۈچىدىن بەتەررەك ئىقتىساد كوزۇرىنى ئىشقا سالدى  ، دېمىسىمۇ  ئىقتىساد ئامىلى روسلارنىڭ ئۇزۇندىن بېرى يولۇقىۋاتقان قىيىن مەسلىلىرىنىڭ بىرى ئىدى ، نەتىجىدە روسىيە بۇ نۆۋەت مىسلى كۆرۈلمىگەن دەرىجىدىكى ئىقتىساد كىرىزىسىغا دۇچ كەلدى ، نېفىت ئېكىسپورتىغا قاتتىق تايىنىدىغان روسىيە ھەر تەرەپلىمە كەلگەن نېفىت ئىمبارگۇسىغا بەرداشلىق بېرەلمەي قالدى ، 400 مىليارد دوللارلىق تاشقى پېرىۋوت زاپىسى روسلارنىڭ بىردىن بىر ئۈمۈدىگە ئايلانغان بولسىمۇ ، لېكىن ئۇنى قالايمىقان ئىشلىتىۋىتىشكە بولمايدۇدە ؛ روسىيەدىن ئىبارەت بۇ كۈلرەڭ ئېيىق بىر توپ بۆرىلەرنىڭ ئىچىدە قالدى ، بۆرىنىڭ تەبىئىتىدە ئۇ ئوۋنى ئاسنلىقچە بولدى قىلىۋەتمەيدۇ ، بۇ بىر مەيدان قاتتىق ئېلىشىشنىڭ قانداق ئاخىرلىشىشىنى ھازىرچە پەرەز قىلىش قىيىن ، بۇنىڭغا پەقەت ۋاقىتلا ھۆكۈم بېرەلەيدۇ .

sardor0908

	Submarine يوللىغان ۋاقتى  2015-1-16 09:27 PM روسىيە دۇنيادىكى ئەڭ كۆپ زىمىنغا ئىگە چوڭ دۆلەت ، 22 مىل ...      سىىزچە گىرمانىيە باشلىق ياۋروپادىكى ئۈچ چوڭ دۆلەت ئامىرىكا بۈركىتىگە ئەگىشىپ  ئالپىىس كۆك بۆرىسىدەك بۇ كۈل رەڭ ئىيىققا خىرىس قىلارمۇ ؟      ئەگەر روسىيە خالىسا گىرمانىيە ۋە فىرانسيىگە قېرىم مەسىلىسىدەك بىرقانچە سەزگۈر چىگرا تالاش تارتىسى بار Région Alsace بولسا گ-ف ئىككى دۆلەت ئۇزاق تارىختىن بۇيان ئىككى دۆلەتنىڭ زىمىنى بولۇپ كەلدى .تارىختا بۇ رايوننى گىرمانىيە كونتىروللىقىدا كۆپ تۇرغان .ئىككىنچى دۇنيا ئۇرۇش ئاخىرلاشقاندىن كىيىن ئىتىپاقداش دۆلەتلەر  بىرلەشمىسى Région Alsaceنى فىرانىسيە ۋاكالىتەن باشقۇرۇشقا بەرگەن چۈنكى بۇ رايون گىرمانىيەنىڭ ۋە ياۋروپادىكى ئەڭ چوڭ ئىغىر-سانائەت ،ۋە پۇلات-تۆمۈر بازىسى .ئىككى گىرمانىيە بىرلەشكەندىن كىيىن گىرمانىيە ئىزچىل Région Alsaceقا نىسبەتەن ئېگىلىك ھوقۇقىنى تەلەپ قىلىپ كىلىۋاتىدۇ .ئەلۋەتتە بۇ تەلەپ ئەينى ۋاقىتتىكى ئىتىپاقداش دۆلەتلەر تەرىپىدىن رەت قىلىنماقتا .شۇنى بىلىشىمىز كىرەككى روسىيە ئەينى ۋاقىتتى ئىتىپاقداش دۆلەتلەردىكى ئەڭ چوڭ سۆز قىلىش ھوقۇقىغا ئېگە دۆلەت .بۇيىل دۇنيا فاشىسىزىمغا قارشى ئۇرۇش غەلبىسىنىڭ 70يىللىقىنى خاتېرلەش پائالىيىتى قىزىل مەيداندا ئۆتكۈزىلىدۇ .بۇنىڭدىن بۇرۇن پۇتېن مېركىل بىلەن سۆزلىشىپ Région Alsaceرايونىغا بولغان ئېگىلىك ھوقۇقىنى قانۇنلىق ھەم قوللاش پوزىتسىيىنى بىلدۈرگەن .بۇ مەسىلە ھەقىقى پارتىلىسا گىرمانىيە ،فىرانسىيە ،ئىتالىيە ،تۈركىيە ،ئەنگىلىيە قاتارلىق دۆلەتلەرنىڭ بۇنىڭغا ئوخشاش زىمىن تالاش-تارتىشى بىراقلا پارتىلاپ چىقىدۇ .بۇنى ياۋروپادا گىرمانلاردىن باشقا ھىچقانداق دۆلەت خالىمايدۇ .شۇڭا ياۋروپا بۇ بۆرە بولالماسمىكىن دەيمەن .

kixan

	sardor0908 يوللىغان ۋاقتى  2015-1-16 09:19 PM مېللىي ئۆچمەنلىكنى دەپ پۇتېن ۋە روسىيەنىڭ ھازىرقى ئەھ ... سىز روسيە بولمىغان بولسا ئامرىكا سۈرىيەنى  ئىراق ئۇرشىدىكىدەك  قىلۋىتەتتى دەپسىز ، ھازىرقى سۈريەنىڭ ئىچكى ئۇرشى ئىراق ئۇرشىدىنمۇ بەتتەرغۇ دەيمە ، بەشىرگە روسيەنىڭ قولى بولمىسا بۇ چاققىچە گۇمران بوپ بولا بولغىيتى

Acura

	قوڭور ئېيىق بۆرىلەرنىڭ ئارىسىدا قاپتۇ ، ئېيىق چوڭ ھەم كۈچتۇڭگۈر لېكىن ھەركىتى ئاستا ، كالامپاي ، بۆرە كىچىك  چەبداس ، قەتئىي ، توپلۇشۇپ تۈزۈم ئاستىدا ئوۋ ئوۋلايدۇ . ھەر ئىككىلا تەرەپ يامان ، شۇڭا قايسىسىنىڭ ئۇتۇپ چىقىشىغا بىر نىمە دىيىش كىيىن .

azrat705

	رۇسىيە بەلكىم ئەمدى چاۋشىيەن ئىرانلار بىلەن مۇناسىۋىتىنى قۇيۇقلاشتۇرۇش،ھەربىي مانۋىر ئۆتكۈزۈش،ياۋرۇپاغا چىگىر رايۇنلىرىغا باشقۇرۇلىدىغان بومبا ئورۇنلاشتۇرۇش،بەك بولمىسا ئوكرائىنا قاتارلىق ياۋرۇپا دۆلەتلىرىنى تەبئىي گاز بىلەن تەمىنلەشنى توختىتىمىز دەپ قورقاق سېلىش ئارقىلىق ئامېرىكىنىڭ بېسىمىغا بېسىم قىلىشى مۇمكىن ، رۇسىيە ھەرگىز ئامېرىكىلىقلارغا باش ئىگىدىغان ئىشنى قىلمايدۇ

Acura

	جاھاندىكى ھاياتلىق كەسكىن رىقابەت ئىچىدە تۇرىدۇ ، رىقابەتتە يول قويۇش ئەسلا مەۋجۇت ئەمەس ، رىقابەتتە ئۇتۇپ چىقساڭ جاھان سېنىڭ ، ئۇتتۇرۇپ قويدۇڭ ، ئاجىز كەلدىڭ رىقابەتچىڭ يەلكەڭگە دەسسەيدۇ ، نىمىنى قىل دېسە رائىشلىق بىلەن شۇنى قىلىسەن ، نەتىجىدە كۈلپەت بېشىڭغا چۈشۈدۇ . روسىيە يۇقارقىدەك ئىنسانىيەت ھاياتلىق قانونيىتىنى ئوبدان بىلىدۇ ، قانداق قىلىش كېرەك ؟ روسلار بۇنۇڭغا جان تىكىپ تاقابىل تۇرىدۇ ، روسلار ئۇرۇش قىلىشقا ماھىر خەق ، لېكىن بۇ نۆۋەتلىك تىركىشىش ئىلگىركىدەك تانكا ، زەمبىرەك بىلەن بولۇدىغان تىركىشىش ئەمەس ، بۇ بەلكى ئىس تۈتەكسىز ھالەتتىكى ئىقتىساد جېڭى  ، ئەمما جەڭنىڭ تۈپكى ماھىيىتى قانلىق ئۇرۇشنىڭكى بىلەن ئوخشاش ، روسلار قورال ياساشقا قالتىس بولغىنى بىلەن ئىقتىساد مەسىلىسىدە ئامېرىكانلارغا يەتمەيدۇ ، بۇ ئۇلارنىڭ ئاجىزلىقى ، تىركىشىش ئۇزۇنغا داۋاملىشىدۇ ، دۆلەت ئاساسىنىڭ پۇختلىغى ھەر ئىككى تەرپنى سىنايدىغان ئۆلچەم  ............... ھەممىگە ئەڭ ياخشىسى ۋاقىت جاۋاب بەرسۇن !

orkixi

	sardor0908 يوللىغان ۋاقتى  2015-1-16 09:48 PM سىىزچە گىرمانىيە باشلىق ياۋروپادىكى ئۈچ چوڭ دۆلەت  ... ھېچكىم رۇسىيەگە ئۆچمەنلىك قىلمىدى قېرىندىشىم .بىراق پاكىت رۇسىيەنىڭ 6 ئايدىن بۇيان ئىقتىسادىي كىرىزىسقا دۇچار بولۇۋاتقىننى ئىسپاتلىدى .ئىشەنمىسىڭىز ،بۇ خەۋەرنى تەپسىلىي ئوقۇڭ :                                  غەرب نېمىشقا بۇ ۋاقىتنى تاللاپ رۇبلىغا زەربە بەردى؟                                                        ئەرقال تاراتقۇسى تەرجىمە قىلدى                                                  مەنبە : ۋاڭيى تورى | يوللىغان ۋاقىت : 23-12-2014 2014-12-23 09:29 چىقىرىش چۈشۈرۈش (33.6 KB) 12-ئاينىڭ 15-كۈنى رۇسىيە رۇبلىسىنىڭ قىممىتى %13 كە يېقىن چۈشۈپ، 1999-يىلىدىن بۇيانقى بىر كۈنلۈك ئەڭ چوڭ چۈشۈش رېكورتىنى ياراتتى. ئەتىسى سەھەردە، رۇسىيە مەركىزى بانكىسى جىددىي ھەرىكەت قوللىنىپ، تۈپ ئۆسۈم نىسبىتىنى %10.5 تىن %17 كە ئۆستۈرىدىغانلىقىنى ئېلان قىلدى. لېكىن رۇبلىنىڭ قىممىتى 12-ئاينىڭ 16-كۈنى يەنىلا شىددەت بىلەن %11 چۈشتى. رۇبلى قىممىتىنىڭ بىرقانچە كۈن ئىچىدىلا تۈز سىزىق بويىچە چۈشۈشىنىڭ سەۋەبى توغرىسىدا، ئەنگلىيە «ئىقتىسادشۇناس» گېزىتى جامائەت پىكرى توپلاپ، رۇسىيەدىكى نۇرغۇن مەسىلىلەرنى كۆرسىتىپ بەردى—بەزىلەر رۇسىيەنىڭ ئىچكى قىسمىدىكى چىرىكلىكنى تىلغا ئالسا، يەنە بەزىلەر غەربنىڭ ئۇزۇنغا سوزۇلغان نېفىت باھاسىنى تۆۋەنلىتىۋېتىش تەدبىرىنى تىلغان ئالدى. لېكىن، رۇسىيەنىڭ ئىچكى مەسىلىسىگە ئۇزۇن بولدى، ئۇكرائىنا مەسىلىسىگىمۇ خېلى كۈنلەر بولدى، نېفىت باھاسىنىڭ چۈشۈۋاتقىنىغىمۇ خېلى ئۇزۇن بولدى، ئۇنداقتا، رۇبلىنىڭ قىممىتى نېمىشقا يىل ئاخىرىغا بارغاندا ئاندىن شىددەت بىلەن چۈشىدۇ؟ كۆپلىگەن كىشىلەر بۇنىڭدا غەربنىڭ پەردە ئارقىسىدىكى قولى بار دەپ قارايدۇ، لېكىن «ئىقتىسادشۇناس» گېزىتىنىڭ ماقالىسى تېخىمۇ ئىلگىرىلىگەن ھالدا بەزىبىر سىرلارنى ئاشكارىلىدى: رۇسىيە كارخانىلىرى 2015-يىلى چوقۇم 100 مىليارد ئامېرىكا دوللىرى قىممىتىدىكى تاشقى قەرزنى قايتۇرۇشى كېرەك. يىل ئاخىرىدا رۇبلى قىممىتىنىڭ شىددەت بىلەن چۈشۈشى رۇسىيەنى تېخىمۇ ئالاقزادە قىلىۋەتتى. غەرب رۇسىيەنىڭ سەۋەبىدىن ئۇكرائىنا كىرىزىسىغا قول تىقىپ جازالاش تەدبىرى يولغا قويۇپ، رۇسىيە ئىقتىسادىغا زەربە بەردى، لېكىن كارخانا ساھەسىدىكى ئەندىشە بۇ بىرقانچە كۈندىكى داۋالغۇشنىڭ ئاساسلىق سەۋەبى. 2015-يىلى، رۇسىيە كارخانىلىرى چوقۇم 100 مىليارد ئامېرىكا دوللىرى قىممىتىدىكى تاشقى قەرزنى قايتۇرۇشى كېرەك. لېكىن رۇبلى قىممىتىنىڭ چۈشۈشى بىلەن، ئامېرىكا دوللىرىنى قايتۇرۇش تېخىمۇ تەسلىشىپ كەتتى. رۇسىيە دۆلەتلىك نېفىت شىركىتى (Rosneft) ئىزچىل ھالدا كېرىمىل سارىيىغا تايىنىپ مەبلەغ ئۇيۇشتۇرۇپ كەلگەن ئىدى. بۇ يىلنىڭ بېشىدا، مەزكۇر شىركەت كېرىمىل سارىيىدىن 44 مىليارد دوللار ياردەم مەبلىغى تەلەپ قىلغان؛ 12-ئاينىڭ 12-كۈنى، رۇسىيە مەركىزى بانكىسى 7 مىليارد ئامېرىكا دوللىرى قىممىتىدىكى رۇبلى بىلەن باھا ھېسابلىنىدىغان زايوم ياردىمى بىلەن قىيىنچىلىقتىن قۇتۇلدۇرغان ئىدى. بۇ قېتىملىق سودا رۇبلى ئارقىلىق ئامېرىكا دوللىرىنى سېتىۋېلىشتىن باشقا نەرسە ئەمەس بولۇپ، رۇبلىنى تېخىمۇ ئاجىزلاشتۇرۇۋەتكەن. رۇسىيەدىكى پۇل كىرىزىسى تېخىمۇ چوڭىيىپ بانكا كىرىزىسىغا ئايلاندى. خەلق بەلكىم رۇسىيە بانكىلىرىدىكى پۇلىنى چىقىرىۋېلىشى مۇمكىن. شۇنداقلا كارخانىلارنىڭ ۋەيران بولۇش دولقۇنى كېرىمىل سارىيىنى چوڭ دائىرىدىكى زايوم كىرىزىسىغا دۇچار قىلىشى مۇمكىن. رۇسىيە ھۆكۈمەت تەرەپنىڭ مۆلچەرىچە، كېرىمىل سارىيىنىڭ تاشقى پېرېۋوت زاپىسى تەخمىنەن 370 مىليارد ئامېرىكا دوللىرى بولسىمۇ، لېكىن ئەمەلىيەتتە بۇنىڭدىن كۆپ ئاز بولۇپ، خەلق ئاممىسىنىڭ بارغانسېرى ئۈمىدسىزلىنىشى ئەجەبلىنەرلىك ئەمەس. كېرىمىل سارىيى مەجبۇرى ھالدا زايوم قايتۇرۇش مۇددىتىنى ئۇزارتالىغان بىلەن، بۇ رۇسىيەگە مەبلەغ سالىدىغان چەتئەللىك مەبلەغ سالغۇچىلارنى قاچۇرۇپ قويىدۇ. كېرىمىل سارىيى يەنە كاپىتال باشقۇرۇش تەدبىرىنى سىناپ، كاپىتالنىڭ سىرتقا ئېقىشىنى توسۇشى مۇمكىن، لېكىن بۇنداق قىلغاندا ئەكس تەسىر كۆرسىتىشتەك ئەھۋالى يۈز بېرىپ، كاپىتالنىڭ تېز سۈرئەتتە سىرتقا قېچىشىنى كەلتۈرۈپ چىقىرىشىمۇ مۇمكىن. ئەمدى، رۇسىيە ئەستايىدىل ھالدا ئىسلاھات ئېلىپ بېرىپ، تەدبىر قوللىنىپ ئۇكرائىنا ۋەزىيىتىنى تىنچلاندۇرۇشى كېرەك، بولمىسا ئىقتىسادتىكى پاراكەندىچىلىك يەنىلا داۋاملىشىدۇ. مەنبە: http://www.erqal.com/uyghur/html/2014/1223/2798-40.html

asking

	ۋاقىت ھەممىنى ھەل قىلىدۇ، لېكىن، سوۋىتلەر ئىتتىپاقى يوق بولغاندا ھېلىقى ئىسىل قوراللاردىن بىرەر پاي ئوقمۇ ئېتىلمىغان، روسلار قۇرالغا تايىنىپ ئاشۇ شان-شۆھرىتىنى ساقلاپ قالالمىغان ئىكەن، قارىغاندا، تارىخ دىگەننىڭ ئۆزىگە خاس بىر چاقى بولسا كېرەك، ئۇنىڭدا بىركۈن قوينىڭ قۇزىسى سەكرىسە يەنە بىركۈنى ئۆچكىنىڭ ئوغلىقى سەكرەيدۇ، قېنى، قاراپ باقمايمىزمۇ، يەنە نىمە ئىشلار بولىدۇ

guljanat

	تاشقى سودىغا چوڭ تەسىرى بولدى،