ۋەسىيەت(ئۇمۇن)

iltebir

	خېلى مەنىسى چۇڭقۇر يازما ئىكەن . تىل ئىشلىتىش ئۇسۇلىغا قاراپلا بۇ يازمىنى يېزىشقا خېلى كۈچىگەنلىگى بىلىنىپلا تۇرىدۇ.

nazigul8

	ئۆزۈمنى ئۇزاق سەپەر يولىغا مەھكۇم قىلىۋەتكەن ئاشۇ چاغ، سىرلىرىمنى يوغان تاشلارغا چوڭقۇر-چوڭقۇر ئويۇۋەتكەن ئاشۇ چاغ، ئۆلىۋاتقان ئۆزۈمگە مۆلدۈرلىگەن كۆزۈمگە، ئاغرىپ كەتكەن ئىدى يېشىمنىڭ ئىچى ئۆكسۈپ-بوغۇلۇپ. تۇنجى كۆرگەن چۈشتىلا قالغىنىمدەك ئازاپقا تۇغۇلۇپ. * * * ئۆزۈمنى ئۆزۈمنىڭ كۈنلىرىگە تىرىك پېتى كۆمۈۋەتكەن ئاشۇ چاغ، ئۆلۈپ كەتكەن ئىدى ئۆكسۈشلەر كانىيىمدا تۇنجۇقۇپ، زېرىككەندەك نىدالاردىن زورۇقۇپ. * * * ئازاپلاردىن نەپەس ئېلىپ ھارغاندا، دىلىمنىڭ قۇملۇقىغا كۆمۈلۈپ قالغاندا، ئۇزاتقان ئىدى يۈرىكىم قولىنى سۇنۇپ، مەن رەھىمسىز تاشلىدىم قانلار يۇتۇپ يۈرەكنى يۇلۇپ سېلىپ زىمىستاندىن قۇلۇپ. * * * سانجىلماقتا شۇندىن بېرى زىمىستاننىڭ جۇدلۇق نەشتىرى، ئۈن چىقارماي يىمەكتە مېنى كۈنلىرىمنىڭ كۈن-تۈن لەشكىرى، ئاجرىماقتا تېنىممۇ ئاستا مەۋجۇتلۇقتىن تانغاندەك يوقۇلۇپ، پەرۋاز قىلىپ روھىممۇ ئاستا ئاپپاق قار ئۈستىدە ئىزلىرىنى يوقۇتۇپ. * * * پەرۋاز قىلماقتا روھىم ئۆزىنى بەزلەپ، ئۇ يوق جايلارنى كۆزلەپ، يوقۇتۇپ قويغان مېنى ئىزلەپ. بۇ ئەسىرىڭىزنى ئوقۇپ، بۇ خىل يېزىش ئۇسلۇبىڭىزغا قىزىقىپ قالدىم، شۇڭا تۇنجى قېتىم مۇنۇ ئۇسلۇپتا يېزىپ باقتىم، بۇ يازمام ئەدىبىياتنىڭ بىرەر تۈرىگە كىرەمۇ-يا، بىلدىغانلار زاڭلىق قىلماي دەپ بەرسەڭلار. ئاندىن ئوشۇق ياكى كام يەرلىرىنى تۈزۈتۈشىپ بەرسەڭلار، مۇشۇ بانادا مەنمۇ مۇشۇندا يېزىشنى ئۈگۈنىۋالسام بولاتتى.

nazigul8

	پويىز ماڭماقتا مەن پويىز ئىچىدە مەنمۇ ماڭماقتىمەن، خۇددى پويىز بىلەن بەسلەشكەندەك. *** پويىز ماڭماقتا لىققىدە قاچىلاپ، ھەر خىل ئادەملەرنى، ھەر خىل چىرايلارنى، شۇنچە ئالدىراش خۇددى جەڭگە ماڭغاندەك. *** ھاياتمۇ ئۆتمەكتە ئاپتاپتا يامغۇردا بوراندا ھەتتا زىمىستان قىشتا، خۇددى پويىز بىلەن بەسلەشكەندەك. *** پويىز ماڭماقتا ھاياتنى توشۇپ، ئىشلەۋاتقان ۋاقىراۋاتقان ئۇخلاۋاتقان ھەممىنى توشۇپ، ھاياتقا مەنالار قوشۇپ. خۇددى ئادەملەر بىلەن بەسلەشكەندەك. *** مەنمۇ ماڭماقتىمەن پويىز بىلەن بەسلەشكەندەك، يەتكەندە مەنزىلگە مەن پويىز ئىچىدە، مەنزىل سورىدى: كىم يەڭدى؟ مەن پويىزدىن چۈشكەندە...

soygum

	بۇنداق شېئىرلارنى چۈشنىش تەھىلىل قىلنسا كاللىڭىز ئېلشىپ ھېچنىمنى بىلەلمەيسىز،بىر ئاسان ئۇسۇل بار،mtvكۆرگەنمۇ؟ھە شۇنىڭدەك ھېس قىلسىڭىز چۈشنىۋالسىزكەن،بولمسا قايمۇقۇپ نېمە دېمەكچى ئىكەنلىكىنى بىلەلمەيسز,بەك مۇرەككەپ ئويلاپ كەتمەي گەپنى گەپ بويچىلا چۈشنىڭ تەبىئەت بىلەن ئويلغانلىرىنى بىرلەشتۇرگەن.

hijirany

	ئومۇن ئاغام ئۆز نۆۋىتىدۇ ئۇشبۇ شاھۇ خانلاردىن تەۋەرۈك ئۇيغۇر مەدىرىسخانىسىنىڭ تاكامماللاشقان زامانىۋى سۆھبەت سورۇنىغا قايتا ئىشتىراك ئەيلىمەيدىغانلىقىنى كەمنىە - بۇرادەرلەرگە يۇشۇرۇن تىل-تەسۋىرەر بىلەن بىشارەت ئەتكەن چىغى بار!

okyan2014

	yulhun45 يوللىغان ۋاقتى  2015-1-18 11:00 PM شۇ شۇ شۇنى دەيمەندە گاچا قىزنىڭ تىلىنى ئانىسى چۇشىنىدۇ ... مانا بۇ ھەقىقىي ئۆگىنىشكە يېتەكلەشتۇر...چۈشەنمىگەندىكى تېخىمۇ ئۆگىنىش كېرەك. بۇ تېخى خېلى ئاددىي شىئېر ئىكەن.

uzum-tal

	nazigul8 يوللىغان ۋاقتى  2015-1-20 10:49 AM پويىز ماڭماقتامەن پويىز ئىچىدە مەنمۇ ماڭماقتىمەن،خۇد ...    ئوغرى نۇسقىسى ئايرۇپىلان ئۇچماقتا مەنمۇ ئىچىدە . لىيۇتچىكنىڭ بىشى كەتمەسمۇ ؟ مۇشۇنداق زۇلمەت مۇدھىش كىچىدە ؟ **************** ئايرۇپىلان ئۇچماقتا ئىچىگە لىق قاچىلاپ ئارزۇ-ئىستەك قوغلاشقانلارنى ئىرىق ئايرىماي ئەر-ئاياللارنى ***************** ئارزۇ-ئىستەكلەر ئۆتمەكتە رىئالىزىم ئىچىدە تىپىك-پەشۋا يەپ. شۇندقتىمۇ يىقىلماس ھەرگىز تىرىكلەرگە ئەگىشىپ ئۈنسىز ******************* ئايرۇپىلان ئۇچماقتا قار-يامغۇردا پارلىغان قۇياش ئاستىدا ئاۋازى بىلەن ئويغىتار كۈچلۈك بىغەم يىتىپ ئۇخلاپ قالغاننى ****************** ئايرۇپىلان تاشلاپ بىزلەرنى ئورتاق بىر مەنزىلگە   ئۆزىگە ئۈمۈت باغلاپ تۇرغانلار ئۈچۈن قايتىپ كەتتى ئارقىغا تامان تامان ھەققىدە ئويلىسام ئۇزاق مەندەك خەقنىڭ ئىجادىيتىنى دورسا يامان . مۇنبەر خىزىرلىرنىڭ پۇتىغا بىر دەسسەپ باقاي دەپ شېئىرىڭىزنى ئۆزۈمچە شاخلىتىپ باقتىم . ئاڭلسام خىزىرنىڭ رەنجىشى دۈشمەننىڭ سوغۇق كۈلكىسىدىنمۇ يىقملىق ئىمىىش !

Abdul

	ئاددى يېزىش كىچىك بالىنىڭ قولىدىنمۇ كېلىدۇ ، مۇرەككەپ يېزىش خالىغان ئادەمنىڭ قولىدىن كەلمەيدۇ ، بۇ شىېئرلاردىن ئەدەبىيياتنىڭ گۈزەللىكىنى ھېس قىلغىلى بولىدۇ ، ئەدەبىياتنىڭ ئادەتتىكى « گەپ » لەردىن پەرقلىنىدىغانلىقىنى ھېس قىلغىلى بولىدۇ