«قەھرىماننى كىم ئۆلتۈردى» گە يانداشقان پىكىرلەر

tarimyigiti

	uzum-tal يوللىغان ۋاقتى  2015-1-23 11:57 PM توغرا پىكىر قىلدىڭىز  !  بىزنىڭغۇ كۆڭلىمىزنى ئازدۇر- ... قوللايمەن

mercury

	مەن ،  مەنلا  ئەمەس  ھەممە قىرىنداشلار  دىگۈدەك  تۆھپىكار ئەزىمەتلىرىمىزنى  ئۇنداق قىيىنچىلىقى بار دەپ ئويلىماپتۇق ،  ھەي  …… بۇ تىمىدا ئوتتۇرىغا قويۇلغان  مەسىلە  ھەممىمىزنىڭ نەچچە كۈن مۇنازىرە قىلىپلا ئۆتۈپ كىتىدىغان مەسىلە بولماسلىقى كىرەك ، ھەم بۇ  مۇنازىرە تەلەپ  قىلمايدىغان ھەقىقەت  . ھەممىمىز  نىيەت بىرلىكىدە  تۆھپىكارلىرىمىزغا ئەمەلىي كۆڭۈل بۆلەيلى . ئۆزىمىزنىڭ قىرىنداشلىرىنى ئۆزىمىز قەدىرلىمىسەك  بىزنى  يەنە نىمە دىگىلى بولسۇن ؟

pervaz

	قەھرىمانىمىز ئۇ شەرەپلەرنى كەلتۈردى ، دۆلەتنىڭ ، مىللەتنىڭ يۈزىنى يورۇق قىلدى دېگەن خەۋەرلەرنىلا كۆرۈپ ئۇنىڭ ھەقىقى ھاياتىنى بىزگە ھېچكىم بىلدۈرمىگەچكە ئۇنىڭ قېيىنچلىقلىرىدىن بىز خەۋەرسىز قاپتىمىز .... بۇنىڭغا ئەمدى نېمە دېگۈلۈك ؟!! ئىئانە توپلاش ، ياردەم قىلىش ئىشلىرى بولسا خەۋەردار قىلىڭلار ، ئەلۋەتتە بىزمۇ قاراپ تۇرمايمىز ...!!!

uzum-tal

	ئاللاھ !  ھىلىقى قىز ئالاقىلىشىش ئۇچۇرىنى دەپ بىرىشنى . كىلەر ھەپتە دەم ئالغاندا يوقلاپ بىرىش خىيالى بارلىقىنى ئىيتقاندا چىرايلىق رەت قىلغان خانىم تەكلىماكان مەلىكىسى دەپ نام ئالغان ....خانىم شۇ بولغىيمىدى . باياتتىن باغداش مۇنبەرىدە شۇ خانىمنىڭ ئىز-دىرەكسىز يوقاپ كەتكىننى بىر ئىنكاستىن كۆرۈپ ھىلىقى خانىم ئىسىمدىن كەچتى . بۇرۇن ئىگىزگە چىقىپ كىيىن چۈشمەكنىڭ تەسلىگىدىن نۇمۇس قىلغانمىدۇ. پەقەت ۋە پەقەت غۇرۇلۇق ۋە نۇمۇس تۇيغۇسى كۈچلۈك  كىشىلەرلەر قان يۇتسىمۇ ، جان بەرسىمۇ ئۆزىنىڭ مۇدھىش ۋە چارىسىزلىق ئىچىدە كۈن كەچۈرۋاتقىننى ئۆزىدىن باشقا ئادەمگە بىلدۈرۈشنى غۇرۇرى كۆتۈرمەيدۇ .   ئاھ خۇدا !  مەن ھەيران قىلۋاتقان ئىش . بىر ئادەم قىيىنچىلىق تارتىڭ. ئىككى ئادەم قىيىنچىلىق تارتىڭ . ئۈچ ئادەم قىيىنچىلىق تارتىڭ ......يەتتە -سەككىز ئادەمنىڭ تەڭ قىينچىلىق تارتىپ قىلىشنى ھىچ بىر قوبۇل قىلالمايۋاتىمەن .     مىجىت ئاكىمىز - قەرزىنى تۆلەپ بولالماي ئۆزىنى ئۆلتۈرۋالسا تەكلىماكان مەلىكىسى - يولدىشى قازا قىلىپ كىتىشىگە ئارقىسىدىن ئايالى راك كېسىلى بولسا .   جۇرئەت ئاكىمىز -شان-شەرەپ قۇچۇپ كىلىپ يىنىدا تاكىسغا چىققىلى بەش يۈۋەن پۇل يوق ئىچى خرولۇق ۋە ئەلەمگە توشۇپ راڭپىزا ساتسا .   جۇڭگۇ بوكىس شاھى - يۇقسۇزچىلىق ئىچىدە كۈن كەچۈرۈپ ئالەمدىن ئۆتسە . بۇ ئاز كەلگەندەك 300 نەچچە مىڭ يۈۋەن ئۆي قەرزى ئىككى بالىسى بار ئىشسىز ئايالىغا قالسا . .................................... .....................................     بۇلار  ھىلھەممۇ شۇ ئۈرۈمچى دىگەن شەھەردە پۇلدار تونۇش-بىلىشلىرى  ئىچىدە قانچلىق روھى ئازاپ  ئىچىدە ياشاۋاتقانلىقىنى تەسسەۋۋۇر قىلىۋاتىمەن .   تۆۋە قىلدىم تۆۋە ! مۇشۇ چاققۇچە مىللىتىمىز ئىچىدىن چىققان بىرەر مىللەت سەركىسىنىڭ 60 ياشتىن ھالقىپ ئۆمۇر كۆرگىننى بىلمەيمەن . بىرسىنى بوغۇپ ئۆلتۈردۇ . بىرنى قەسلىنىپ ئۆلىدۇ . بىرسى ئالدىنىپ ئۆلىدۇ . بىرسى ياش تۇرۇپ ئۆلىدۇ . بىرسى نامرات ئۆلىدۇ ....دىگەندەك . مۇشۇ مىللەتكە ھىچ بىر مەنپەتى يوق دىبا-دىبادا ناخشا ئوقۇغان  ساڭگۇل-سۇڭگۇل ئەبجەش ناخشا ئوقۇيدىغان ناخشىكەش. ھەزىلكەش . جىنكەش . ھاراقكەش .....لەر  شۇنداق ئۇزۇن ئۆمۈر كۆرۈپ چىشلىرى چۈشۈپ كوماك بولۇپ ، چاچلىرى ئاقىرىپ ، ئوڭ تەرىپىدىن سول تەرىپىگە قاراشقىمۇ مادارى قالماي بەدىنى بىشى بىلەن تەڭ تولغاپ قارايدىغان بولۇپ قالغاندا ۋە دۇنيادىن ئۆزى بىزار بولۇپ كۆزىگە ئەزىرائىل گۈل بولۇپ كۆرۈنگەندە ئەزىرائىل جىننى ئالىدىكەن . مۇنداق مىللەت سەركىللىرىنىڭ جىنىنى  بولسا ياش- ياشلا ئالىدىكەن. يا ئاللاھنىڭ بۇ ئىشلاردا بىرەر ھېكىمىتى بار بولغىيمىدى دەپمۇ ئويلاپ قالىمەن بەزىدە ؟!

Elshad

	ناۋاتتەك  تىمىدىن بىرنى يىزىپسىز قىرىندىشىم  كىچىكىپ كۆرۈپ قالغانلىقىمدىن ئىچىنىۋاتمەن ئەگەر سىلەر ئويلىغاندەك بىر ئىش قىلىمىز دىسەڭلا مەن تۆت قولۇمنى كۆتۈرۈپ ئاكتىپ ئاۋاز قوشىمەن

مەھزۇن

	«ئۆلۈمدىن كېيىن ياسىن ئوقۇپ» دېگەن ئاۋۇ گەپ سەلبىي مەنىدە ئىشلىتىلىدۇ، بۇنداق ئالسا سەل غەلىتە تۇرامدۇ قانداق؟

izqel

	bezi nachar dostlar bar...hey...nimisini iytquluq.zeherhende aghiniler...tilida way cholpanimiz dep waqit otkende yoqap kitidighan chopchi bir nimiler....waderhha...

لوپنۇرى

	قەھرىمانلىرىمىزنىڭ مۇشۇنداق ئېغىر كۈنلەرگە دۇچار بولىشىغا كۆپىنچىلىرىمىزنىڭ ئەقلى يەتمەيدۇ، ئۇلار دۇنيا سەھنىلىرىدە مىدال ئالسا پۇلغا كۆمۈلىدۇ، دەپ ئويلىشىمىز تەبىئىي. بۇنداق قىسمەتلەرنىڭ بارلىققا كېلىشىگە ئاددىي ئاۋام خەلقلا ئەمەس، ئەينى ۋاقىتتا مۇشۇلارنىڭ تۆھپىسى بىلەن ئىپتىخارلانغان ھۆكۈمەتنىڭ فونكىسىيىلىك تارماقلىرىمۇ مەسئۇل بولىشى كېرەك. قەھرىمان كىم ئۈچۈن كۆرەش قىلىدۇ؟ ئەلۋەتتە خەلقى ئۈچۈن، ئانا يۇرتى ئۈچۈن، ۋەتەن ئۈچۈن. بىز بىلمىگەن ئاشۇ قىيىنچىلىقلارنى شۇلارنىڭ ئىدارىلىرى بىلمەي قالمايدۇ. ئەپسۇس، ئۇلارنىڭ كۆپىنچىسى كۆرسىمۇ كۆرمەسكە سالىدۇ. تۈگەپ كەتكەندە، يالغاندىن ۋايسىشىپ، ئىككى خالتا گۈرۈچ بىلەن بىر تۇڭ ياغنى كۆتۈرۈپ ئائىلە تاۋاباتلىرىدىن ھال سوراشقا بارىدۇ. ھۈكۈمەتنىڭ پۇلىغا كەلگەن ئاشۇ بويۇملارنى بېرىپ بولدىمۇ، ئاستا-ئاستا ئۇنتۇشقا باشلايدۇ. ئىككى كۈننىڭ ئالدىدا مەركىزى تېلېۋىزىيە ئىستانسىنىڭ بىر پروگراممىسىدا مەلۇم جايدىكى يەر تەۋرەشتە نۇرغۇن ئادەمنى قوتقۇزۇپ قالغان بىر كونا ئەسكەر ھازىر مەلۇم بىر ئامانلىق ساقلاش شېركىتىدە ئېيىغا 1300 يۇەن مائاش ئېلىپ جان بېقىۋاتقانلىقىنى سۆزلىدى. ئەمەلىيەتتە ئۇ راستىنلا بىر قەھرىمان ئىدى. ئەمما ئۇنىڭ كېيىنكى تەقدىرى شۇنچىلىك ئېچىنىشلىق ھەم جاپالىق بولدى. ئابدۇراھمان كەبى قەھرىمانلىرىمىزنىڭ تەقدىرىمۇ مۇشۇنىڭ بىلەن ئوخشاش دەپ ئويلىدىم. بۇنىڭغا نېمە دېيىش كېرەك، ھازىر ئىككى يىغىن ئېچىلىۋاتىدۇ، بىرەر ۋەكىلىمىز مۇشۇ ھەقتە ھۆكۈمەتكە بىرەر تەكلىپ-پىكىر سۇنۇپ باقسا، تۆھپىكارلارنىڭ ياكى قەھرىمانلىرىمىزنىڭ كۈرەش سەھنىسىدىن چېكىنگەندىن كېيىن ئۇلارنىڭ تۇرمۇشىنىڭ ياخشىراق كاپالەتكە ئىگە بولىشىغا تۈرتكە بولۇپ قالسا ئەجەپ ئەمەس، دەپ ئويلايمەن. ئەلۋەتتە، بىزگە ئوخشاش ئاددىي خەلقمۇ بۇنىڭغا ھە-ھۇ دېيىشتىن باش تارتمايمىز. تېما ئىگىسىنىڭ ئوتتۇرغا قويغان تەكلىپ-پىكىرلىرىنى ئاكتىپلىق بىلەن قوللايمەن ۋە ئاۋاز قوشىمەن.

مەھزۇن

	ماڭا شۇنداق ئېسىل كىشىلىرىمىز بىلەن تونۇشۇش ئىمكانىيىتى بولغان بولسا، ھالىدىن بىللە خەۋەر ئېلىپ، مۇسۇلماندارچىلىقنىڭ ھەققىنى ئادا قىلغان بولاتتىم، شۇلارنىڭ يېنىدا تۇرۇپ مۇشۇنداق قوش مۇسىبەتكە ئۈندىمەي تۇرالىغانلار قانداق ئادەملەردۇ؟

hokumran

	https://uyghur-archive.com/misranim/thread-134147-4-1.html ئادرىس 38-قەۋەتتىكى تېمىدىكى ئىنكاسىڭىزغا جاۋاب: سىزگە دەيدىغىنىم، ئەلسۈيەر ئۇكام: بىلمىگەن ئىشلار ئۈچۈن ئۆزۈڭىزنى جۇۋىتىپ يۈرمەڭ! سىز بۈگۈن بىلگەننى مەن ئۆتمۈشتە بىلىپ بولغان دېسەم ياخشى بولمايدۇ. چۈنكى جۈرئەت بىلەن بولغان پاراڭ، ۋە ئاقسۇدىكى پىشقەدەملەر بىلەن سۆھبەتنىڭ شاھىدى ئەمەسسىز. ئۇنى بىلىشكە ئەسلا قادىر ئەمەسسىز.  ئېغىزىنى ‹‹باشقۇرالمايدىغان››مەندەكلەرنىڭ كۆپىنچىسى ‹‹نادان›› كېلىدۇ. خۇددى سىز مېنىڭ ئىنكاسىمنى نەقىل ئېلىپ يازغاندەك. چۈنكى سىزدەك كاتتا ‹‹مۇخبىر››غا ئىشىنىدىغانلار بىزدەك ئاددى پۇخراغا ئىشىنىدىغانلاردىن كۆپ ئەمەسمۇ؟ شۇڭا ماڭا نەقىل ئالىمەن دەپ ئاۋارە بولماڭ! ئەلۋىدا ئىنىم، سىز ئۆلۈپ كەتسىڭىزمۇ ‹‹قانۇنچىلىق گېزىتى›› يەنىلا چىقىۋېرىدۇ. شۇڭا ئىنكاسىمنىڭ مەنىسىنى(توۋا دەيمەن، تۆنۈگۈن مېنى تەنقىدلىگەن ئادەم، بۈگۈن شۇ ئىنكاسىمنى ياقلاپ تېما يازغىنى قىزىق.)چۈشىنىپ ئىنكاس قايتۇرۇڭ!!!!! ھازىر ئۈرۈمچىدە ھۆرمەتلىك ئاتىمىز مۇھەممەت سالىھ قارى ھاجى(قۇرئان كەرىمنى تۇنجى قېتىم ئۇيغۇرچىگە تەرجىمە قىلغان)، غۇلجىدا ئەل سۆيگەن شائىرىمىز مۇھەممەتجان راشىدىن ئاكىمىز، ئاقسۇدا يازغۇچى، شائىر ئەخمەد ۋاھىدى، ئېزىز ساۋۇت ئاكىمىز، قەشقەردە ھاجى مىرزا زاھىد كېرىمى ئاكىمىز، خوتەندە نۇرمەھەممەت توختى ئاكىمىز ھاياتىنىڭ كېيىنكى مەزگىلىنى ئۆتكۈزمەكتە. بەزىلىرى ئېغىر كېسەل. لېكىن شۇلار ئۈچۈن بىرەر ئېغىز سۆزلەيدىغانلار، بىرەر قېتىم يوقلايدىغانلار بەكمۇ ئازساندا.راستىنى دېسەم ئىككى يىلدىن بۇيان ئېچىلالمىدىم. ھېبى، ھېسامكام كەتتى، يەنە بىر نەچچە ئېسىل كىشىلىرىمىز ئالەمدىن ئۆتتى. شىنجاڭنىڭ ھەرقايسى جايلىرىدىكى تورداشلار؛ ئۆز يۇرتۇڭلاردىكى ئالىم-ئولىما، يازغۇچى، شائىرلارنى يوقلاپ تۇرۇڭلار.