شۇنداق ئانىلار تەربىيىلىگەن قىزنىڭ كەلگۈس

مارجان

	بۈگۈن دوستۇم ئۆزىنىڭ خىزمەتدىشى توغرۇلۇق مۇنداق بىر ئىشنى سۆزلەپ بەردى.     دوستۇمنىڭ خىزمەتدىشى يىللىق دەم ئېلىشىنى ئېلىپ يۇرتقا تۇققان يوقلىغىلى بېرىپتۇ، يولدىشى رۇخسەت ئالالمىغاچقا قىزىنى ئېلىپ بارغان ئىكەن، ئۇ ئايال ئەسلىمۇ ئويۇن دېسە قالمايدىغان، لېكىن خىزمەتنىمۇ قولدىن بەرمەيدىغان ئايال ئىكەن، يۇرتقا بارغاندىن كېيىنمۇ ئۇ يەر ـ بۇ يەرلەردە سورۇنلىرى كۆپرەك بولۇپ قاپتۇ، قىزىغا قارايدىغان ئادەم يوقمۇ ياكى قىزى ئەگىشىپ تۇرۇۋالغانمۇ نەگىلا بارسا شۇ بەش ياشلىق قىزىنى يېنىدىن ئايرىماپتۇ، ھەتتا بىر سورۇندا ئۈستەلگە ئىچىملىكلەرمۇ تېزىلىپ قاپتۇ، ئۇ ئايالمۇ خېلىلا ئىچىپ قويۇپتۇ، قىزىغا بولسا ماروژنا ئېلىپ بېرىپتۇ، كەچلىكى ئۆيگە قايتقان ۋاقتىدا خۇدىنى بىلمىگىدەك دەرىجىدە تەڭشىلىپ قاپتۇ، ئاخشىمى قىزى بىلەن بىر يەردە يېتىپتىكەن، بىر ۋاقىتتا قىزىنىڭ ئوتتەك قىزىپ كەتكەنلىكىنى سېزىپتۇيۇ، كەيىپچىلىكتە ئورنىدىن تۇرۇشقا ماجالى يەتمەپتۇ، شۇ ھالدا يېتىپ نەچچە سائەتنى ئۆتكۈزۋېتىپتۇ، يەنىلا مەستلىكى يېشىلمەپتۇ، تاڭ سەھەرگە يېقىن ھاممىسى «قىزىڭ قىزىپ ئوت بولۇپ ياتسا يەنە ياتىسەنغۇ» دەپ ۋارقىراپ ئويغىتىپتۇ، شۇنىڭ بىلەن ئورنىدىن تۇرۇپ قىزىغا دورا ئىچكۈزۈپتۇ، نەچچە سائەتتىن كېيىن دورا تەسىر قىلغانمۇ ياكى خۇدايىمنىڭ كىچىك، سەبىي قىزغا ئىچى ئاغرىغانمۇ قىزىتمىسى يېنىپتۇ. دوستۇمنىڭ ئۇ خىزمەتدىشى قايتىپ كېلىپ ئۇ ئىشلارنى دوستۇمغا دەپ بېرىپتىكەن، دوستۇم ھەيران قاپتۇ، ئۇلا ئەمەس، بۇ ئىشنى ئاڭلاپ مەنمۇ ھەيران قالدىم، توۋا دەيمەن، ئارىمىزدا مۇنداقمۇ ئانىلار بار ئىكەن دېسە، ھېلىغۇ مەستلىككەن، نۇرغۇنلىغان ئانىلار بارغۇ، بالىلىرىنىڭ سالامەتلىكى ئۈچۈن ئۆزلىرى كېسەل بولسىمۇ ئورنىدىن تۇرۇپ كېتىدىغان، يا بولمىسا مەستلىك بىلەن كېسەللىك سەۋەبىدىن يېتىپ قېلىش ئوخشىمامدۇ؟ بۇنىسى ماڭا قاراڭغۇ، لېكىن كاللامدىن ئۆتمىگىنى، شۇنداق ھاراق ئارىلىشىپ كەلگەن سورۇنغا كىچىككىنە قىزىنىمۇ باشلاپ بارغىنى، ئەگەر قىزلىرىمىز كىچىكىدىن باشلاپلا شۇنداق سورۇنلارنى كۆرۈپ چوڭ بولسا، شۇ ئىشلار بالىنىڭ ئىدىيىسىگە تەسىر قىلماسمۇ؟ چوڭ بولغاندىن كېيىن ئاپىسىدىن ئاشۇرۇۋېتىشى تامامەن مۇمكىنغۇ؟ ئەگەر ھازىرقى تەرەققىيات سەۋەبىدىن بالا تەربىيىلەشكە مۇشۇنداق سەل قارالسا، شۇنداق ئانىلار تەربىيىلىگەن قىزلارنىڭ كەلگۈسى قانداق بولار؟

ohho~duqu

	بۇنداق ئاياللارنى ھازىر نەگە بارسىڭىز بېلەت ئالماي ئۇچراتقىلى بولىدۇ

musilina

	بۇنداق ئانىلار تەربىيلىگەن قىز مېنىڭچە ياخشى  تەربىيىگە ئىگە بولمايدۇ، كېيىنچە ئانىسىنىڭ تەربىيىلىرىنى قوبۇل قىلماس، ئانىسىنى ككزگە ئىلماس بولۇپ قالىدۇ..... ئەڭ ياخشىسى كىچىك بالىلارنى چوڭلارنىڭ سورۇنىلىرىغا ئېلىپ بارماسلىق،بولۇپمۇ  ئاياللار   پەرزەنتىلىرىنىڭ ئالدىدا ھاراق ئىچىپ مەس بولۇپ قالماسلىقى كېرەك، بالىلىرىغا سەلبىي تەسىر بېرىپ قويۇشتىن ساقلىنىشى كېرەك.....

شىرىن

	بۇنداق ئانىلار كۇپىيىپ كىتىۋاتىدۇ ھەيييييييييييييي بۇنى سىزگە سۇۋغا قىلاي مارجان

bujahan

	بالىلارنى ياخشى تەربىيلىسە كەلگۈسى ياخشى بولاتتى.

weten

	ھاراق شاراپ بىلەنلا ئۆتەمدۇ بىزنىڭ كۈنلىرىمىز. [s:119]  [s:94]

پالۋان

	قانداق بولماقچى ئىدى، شۇ ۋەيرانچىلىق ۋە گۇمراھلىق بولىدۇ.

xahnur777r

	ئۇنداق ئاياللارنىڭ ئانا بولۇش سالاھىيتى يوق 。 ئىسىت شۇلارغا بەرگەن بالا 。

sargarda

	ئايالدىن  بەكرەك  ئېرىگە  ئاچچىقىم  كىلۋاتدۇ ...

مارجان

	شېرىن، ماڭا سوۋغا قىلغان رەسىملىرىڭىزگە رەھمەت، شۇنداق ياقتۇردۇم

YELAN

	ئەرلەرنى تۇسۇپ بۇلالمايۋاتساق ماۋۇ ئايالىرمىزغا نېمە كەپتۇ ھەلەق ئېچىپ ،،، تۇۋا دېمسە بىكا...

yulhun

	بۇنىڭغا بىر نىمە دىگىلى بولمايدۇ ، بەلكىم قىزى ئانىسىدىن بىر ئۆمۈر يىرگىنىپ ئۆتۈشى مۇمكىن .

GiLTaGH

	ياراتقۇچى  ئىگىمىز  ھەربىر ئازغۇنلىكتىكى كشىلىرىمىزنىڭ كۆڭلىگە ئىنساپ تەۋپىق ئاتا قىلسۇن . بۇندا كىشىلىرىمىز ئاز ئەمەس  دېسە ، كۆپ سۆزلىگەننىڭ پايدىسى يوق ، ياخشى نىيەتلىرىمىزنى دۇئالىرىمىزدا تىلەيلى .  تۆۋبىنى قوبۇل قىللغۇچىمىز پەقەت ۋە پەقەت بىردۇر .