شىنجاڭ ئاياللار كوماندىسى چىمپىيۇنلۇقتىن مەھرۇم قالدى

waskitbol0903

	ئۇيغۇر ۋاسكېتبول تورىنىڭ 8-مارت  خەۋىرى: 2016-يىلى 3-ئاينىڭ 8-كۈنى كەچ، 2015- 2016 – يىللىق مۇسابىقە مەزگىلى جۇڭگو ئاياللار ۋاسكېتبول بىرلەشمە مۇسابىقىسى (WCBA)نىڭ پەسىلدىن كىيىنكى ئۇمۇمى ھەل قىلغۇچ مۇسابىقىسىنىڭ 4- مەيدان مۇسابىقىسىدە،  شىنجاڭ تەڭرىتاغ ئىلاھىي بۇغا ئاياللار ۋاسكېتبول كوماندىسى مىھمان كوماندا سۈپىتىدە بىيجىڭ ئاياللار ۋاسكېتبول كوماندىسى بىلەن مۇسابىقىلەشتى. بۇ مەيدان مۇسابىقىدە شىنجاڭ تەڭرىتاغ ئىلاھىي بۇغا ئاياللار ۋاسكېتبول كوماندىسىنىڭ ئەزاسى پەخىرلىك ئۇيغۇر ۋاسكېتبولچىمىز دىلارە دىلشات  ئالدىنقى مەيداندا ئىغىر يارلانغانلىقى سەۋەبىدىن مۇسابىقىگە قاتناشمىغان چەتئەللىك ياردەمچى ماھىرى  تىنا چارلېسنىڭ ئورنىغا مەيدانغا چىقىپ باشتىن-ئاخىرى مۇسابىقە ئوينىدى،  ئىككى كوماندا كەسكىن مۇسابىقىلىشىش ئارقىلىق ئاخىرى شىنجاڭ تەڭرىتاغ ئىلاھىي بۇغا ئاياللار ۋاسكېتبول كوماندىسى  63-85 نەتىجە بىلەن بىيجىڭ ئاياللار ۋاسكېتبول كوماندىسىغا ئۇتتۇرۇپ قويۇپ ئۇمۇمى نۇمۇردا  1-3 نەتىجە بىلەن چىمپىيۇنلۇقنى بىيجىڭ ئاياللار ۋاسكېتبول كوماندىسىغا تارتقۇزۇپ قۇيۇپ چىمپىيۇنلۇقتىن مەھرۇم قالدى.  شىنجاڭ تەڭرىتاغ ئىلاھىي بۇغا ئاياللار ۋاسكېتبول كوماندىسى گەرچە ئۇتتۇرۇپ قويغان بولسىمۇ،  كوماندا قۇرۇلغان تۇنجى يىلدىلا WCBA ھەل قىلغۇچ مۇسابىقىسىگە كىرىشتەك مۆجىزە ياراتتى. بۇ نەتىجە شىنجاڭدىكى ھەر مىللەت توپ مەستانىلىرىنىڭ ئىتراپ قىلىشىغا ئىرىشدۇ. بۇ مەيدان مۇسابىقىدە شىنجاڭ كوماندىسىدىن ئۈچ ئەزا قوش خانىلىق نۇمۇر ئالدى؛ مازىڭيۈ 21 نۇمۇر ئالدى، 2 قىتىم ياردەمچى پاس بەردى، 2 قىتىم پاس يولىنى ئۈزىۋالدى؛ چىيۇسىيۇ 15 نۇمۇرئالدى، 11 قېتىم گاردىن قايتقان توپ ئالدى، 3 قىتىم ياردەمچى پاس بەردى، 2 قىتىم پاس يولىنى ئۈزىۋالدى؛ خۇۋالىن 13 نۇمۇر، 3 قېتىم گاردىن قايتقان توپ ئالدى، 2 قىتىم ياردەمچى پاس بەردى، 1 قىتىم پاس يولىنى ئۈزىۋالدى؛  پېڭ شىچىڭ 8 نۇمۇرئالدى، 5 قېتىم گاردىن قايتقان توپ ئالدى. بىز ئۇيغۇر ۋاسكېتبول توپ مەستانىلىرى شىنجاڭ كوماندىسىنىڭ بۇ پەسىلدىكى تەجىربە ساۋاقلىرىنى ياخشى يەكۈنلەپ، كىيىنكى مۇسابىقە پەسلىگە ياخشى تەييارلىق قىلىشنى ئۈمۈت قىلىمىز، بىز شىنجاڭ كوماندىسىنى مەڭگۈ قوللايمىز. خەير-خوش شىنجاڭ كوماندىسى كىلەر پەسىللىك مۇسابىقىدە كۈرۈشەيلى. ئەسلى مەنبە؛ ئۇيغۇر ۋاسكىتبول مۇنبىرى؛  http://waskitbol.com/forum.php

kepanogrisi

	پۇخادىن چىقىۋاپتۇ، ئۇتتۇرغان بولسىمۇ مەيداندا تۇلۇق ئويناپ