سەكراتتا ياتقىنىمدا

erpan521

	سەكراتتا ياتقىنىمدا سەكراتتا ياتقىنىمدا بالىلىرىم ، يېغلاپ ھەرگىز تۆكۈلمىسۇن يېشىڭلار . پەريات ئۇرۇپ مۇسىبەتتە بىمەھەل ، قايغۇ بىلەن ئىگىلمىسۇن بېشىڭلار . ئەگەر مېنى رازى بولسۇن دېسەڭلار ، ئېسىڭلاردا چىڭ تۇتۇڭلار لەۋزىمنى . ئىشىنىڭلار ھاياتىمدا بالىلىرىم ، ئادا قىلدىم چىن ئىنسانلىق قەرزىمنى . سەكراتتا ياتقىنىمدا بالىلىرىم ، خان تەڭرىگە قارىتىڭلار يۈزۇمنى . ئانام كەبى بۇيۈك تاغقا ھۆرمەتتە ، تىكىۋالاي ئاخىرقى رەت كۆزۇمنى . ئاشۇ بولغاچ قانات چىقتى تېنىمگە ، قۇۋۋەت ئالدى جىسمىم ئۇنىڭ جىسمىدىن . تەلىم بەردى بۈركۇت كەبى ياشاشقا ، ئۇلۇغلىقى نامايەندۇر ئىسىمدىن . سەكراتتا ياتقىنىمدا بالىلىرىم ، ئاغزىمغا تۇرۇڭلار سۇ تېمىتىپ . ئانا يۇرتنىڭ زۇمرەت سۈيى_شەربىتى ، يۈرىكىمگە لەززەت بەرسۇن ئىللىتىپ. ئەجەپ ئەمەس ئانا يۇرتنىڭ زەمزىمى ، شىپا بولسا ۋۇجۇدۇمغا، دىلىمغا. ھەر قەترىسى تومۇرلارغا قان بۇلۇپ ، جان قوشىدۇ ھاياتىمغا، جېنىمغا . سەكراتتا ياتقىنىمدا بالىلىرىم ، نالە قىلىپ ئولاشماڭلار قېشىمغا . كۆرۈپ ياتاي ئانا يۇرتنىڭ ھۆسنىنى ، قويۇپ بېرىڭلار ئېگىز تەكى بېشىمغا . ۋەتەن مېھرى يۈرىكىمگە تۇتاشقان ، ئۈزۇلمەيدۇ توختىغىچە نەپەستىن . جىسمىم مۇشۇ پاك تۇپراقتىن جاي ئالار ، كۆز يۇمۇلۇپ ئايرىلسا جان قەپەزدىن . سەكراتتا ياتقىنىمدا بالىلىرىم ، قاراپ ياتاي چەكسىز يىراق ئۇپۇققا . سەجدە قىلاي ئۇلۇغلاپ بۇ زېمىننى ، ئىنتىلگەندەك پەرۋانىلەر يورۇققا . قايسى ئىنسان يارالمىغان زېمىندىن ، ئادەم ئاتا، ھاۋا ئانا ھەممىسى . قايسى شۆھرەت تارالمىغان ئۇنىڭدىن ، دېمەك زېمىن مەۋجۇتلىقنىڭ تەڭرىسى . سەكراتتا ياتقىنىمدا بالىلىرىم ، پۇراپ ياتاي ئانا يۇرتنىڭ ھىدىنى . ئابى ھاۋا بەرگەن ماڭا ئېزىز جان ، ئايرىمىسۇن مەندىن ئۇنىڭ مېھرىنى . نۇمۇس ماڭا جان ئۈزەردە زارلىنىش ، ئەلگە تۆھپە قىلدىم نەۋرە ،چەۋرەمنى . كېرەك ئەمەس ماڭا بۈيۈك ئابىدە ، ھەشەمەتلىك ياسىماڭلار قەبرەمنى . سەكراتتا ياتقىنىمدا بالىلىرىم ، كەپتۇ دەڭلار دادىمىزنىڭ ئۇيقۇسى . ئۆلسەم مېنى شۇ تۇپراققا كۆمۈڭلار ، ئۇچۇپ تۇرسۇن شاماللاردا توپىسى . ئاتاقلىق شائىر ھەسەن تېلىۋالدىنىڭ <ياشلىقىمنى بەرگىن قايتۇرۇپ >دىگەن كىتابتىن ئېلىندى

kuzum

	بۇ شىئىرنى ئۇقۇپ مەرھۇم  ئاتا- ئانام ئىسىمگە كىلىپ قالدى

kmran

	مەزمۇنى بەك چوڭقۇرلقدىن مىنىڭ ئانا يۇرتۇمغا بولغان سىغنشىمنى كۇچەيتېۋەتتى

erpan521

	ئەپەندىم  شېئردا ئېنىق قىلىپ .. سەكراتتا ياتقىنىمدا ..دەپ تۇرسا   ئۆلگەندە  قىبلىگە قاراتماتماسلىق توغرىمۇ دەپسىز ...بۇ  كوپلىت شېئرنىڭ قىسقىچە مەنىسىنى ەەپ بېرەي...   بۇ كوپلىت شېئىردا قانداقتۇر ئۆلگەن ۋاقتىمدا يۇزۇمنى خان تەڭرىگە قارىتىڭلار ئەمەس ،ھاياتىمنىڭ ئاخىرقى دەملىرىدە بولسىمۇ ئانا يۇرتىمدىكى مۇقەددەس تاغنى كۆرۇپ ياتاي دىگەنلىكتەك ئاپتورنىڭ ئانا يۇرتقا بولغان چوڭقۇر مېھىر _مۇھەببىتى ئىلگىرى سۈرۇلگەن ..ئەمدى  ھازىر بىلمىدىم يېڭى قائىدە چىققان بولسا ئۆلمەي تۇرۇپ  سەكراتتىكى ۋاقتىدىلا  يۈزىنى قىبلىگە قارىتىپ قويامدۇ يا...