سىز لاياقەتلىك ئائىلە باشلىقىمۇ؟

uyboys

	سىز لاياقەتلىك ئائىلە باشلىقىمۇ؟ئۆزىڭىزنىڭ بۇ جەھەتتە قانداق ئىكەنلىكىڭىزنى بىلگۈڭىز كېلەمدۇ؟ئۇنداقتا،ئۆزىڭىزنى سىناپ كۆرۈڭ. تۆۋەندىكى تەلەپ مۇنداق:ئەگەر ئۇرۇندىيالىغان بولسىڭىز،ھەربىر تۈر ئۈچۈن 2نۇمۇر قۇيۇڭ،ئەگەر تاساددىبىي ئۇرۇنداپ قالسىڭىز 1نۇمۇر قۇيۇڭ؛ئۇرۇندىمىغان بولسىڭىز0نى قۇيۇڭ؛ئاخىرىدا ئېرىشكەن نۇمۇرلىرىڭىزنى قۇشۇڭ.ئېرىشكەن ئۇمۇمىي نۇمۇرىڭىز 40تىن ئاشسا،سىز ئاساسىي جەھەتتىن لاياقەتلىك ئائىلە باشلىقى بولغان بولىسىز،ئەگەر بۇسانغا يەتمىسە،تىرىشىشىڭىزغا توغرا كېلىدۇ. ئاتا-ئانىلارنىڭ ئۆز-ئۆزىنى سىناش تۈرلىرى: 1.بالىڭىز مەغلۇبىيەتكەيۇلۇققاندا،سوغۇق سۇ چاچمايسىز. 2.ئەگەر ئۆزىڭىزدە خاتالىق بولسا،بالىڭىز ئالدىدا ئېتراپ قىلالايسىز. 3.باشقىلار ئالدىدا بالىڭىزنى ئەيىبلىمەيسىز. 4.بالىڭىز سورىغان «نىمە ئۈچۈن»لەرگە بىلسىڭىز بىلىمەن،بىلمىسىڭىز بىلمەيمەن دەپ جاۋاپ بىرىپ،ئاندىن بىلمىگەن مەسلىنى ھەل قىلىسىز. 5.ھەركۈنى بالىڭىز بىلەن پاراڭلىشىدىغان ۋاقتىڭىز بار . 6.ھەر كۈنى بالىڭىزغا ئەركىن پائالىيەت قىلىدىغان ۋاقىت،بوشلۇق بېرىسىز. 7.بالىڭىزنىڭ نىمىنى ياخشى كۆرىدىغانلىقىنى بىلىسىز. 8.باشقىلار بالىڭىزنىڭ كەمچىلىگىنى دىگەندە،يان باسمايسىز. 9.دائىم دىگۈدەك بالىڭىز بىلەن تۈرلۈك مەسىللەر توغرۇلۇق سۆھبەتلىشىپ تۇرىسىز. 10.بالىڭىزنىڭ قۇربى يەتكۈدەك ئۆي ئىشىنى قىلىشىغا يول قويىسىز. 11.بالىڭىزغا نىسبەتەن مەيلى قانداق چاغدا بولمسۇن،تۇلۇپ- تاشقان ئۈمىددە بولىسىز. 12.بالىڭىزنى تەنقىدلىگەندە،ئۇنىڭ ئۆزىنى ئاقلىشىغا،رەددىيە بىرىشىگە يول قويىسىز. 13.بالىڭىز ئائىلىنى ناھايىتى كۆڭۈللۈك دەپ قارايدۇ. 14.بالىڭىز تەشەببۇسكارلىق بىلەن قىلغان ئىشىدا،مەغلۇبىيەتكە ئۇچىرسىمۇ،سىز ئۇنى ئەيىبلىمەيسىز. 15.بالىڭىزنىڭ ئۆز تاپشۇرىقىنى ئۆزى تەكشۈرىشىگە يول قويىسىز. 16.بالىڭىزغا:«قارا،پالانچىنىڭ بالىسىغا،ھەر قېتىمدا سەندىن ئۈستۈن تۇرىسۇ»دېمەيسىز. 17.بالىڭىزغا:«قارا،دۆتلىكىڭنى،ھەممە ئىشنى قاملاشتۇرالمايسەن»،دېمەيسىز. 18.بالىڭىزغا بۇيرۇق چۈشۈرمەيسىز،ئۇنىڭغا تاللاش پۇرستى بېرىسىز. 19.بالىڭىز بىلەن كونا ھېساب-كىتابنى قىلىپ ئولتۇرمايسىز. 20.بالىڭىزنى ئۇرۇپ –تىللىمايسىز. 21.بالىڭىزنى ھەر دائىم رىغىبەتلەندۈرۈپ تۇرىسىز. 22.بالىڭىزنىڭ سىزگە دەيدىغان گېپى بولسا،ھەرقانچە ئالدىراش بولسىڭىزمۇسەۋىرچانلىق بىلەن ئاڭلايسىز. 23.بالىڭىزغا ۋەدە بەرگەن ئىشنى چوقۇم ئورۇندايسىز. 24.بالىڭىزنىڭ روھىي ھالىتىدىكى ئۆزگىرىشلەرگە دىققەت قىلىسىز. 25.بالىڭىزنىڭ دوستلىرىنىڭ ئۆيىڭىزگە كېلىشىنى قارشى ئالىسىز. 26.بالىڭىزنىڭ ئۆگىنىش ئەھۋالىنى دائىم سۈرۈشتۈرىسىز. 27.بالىڭىزنىڭ مەكتىپى،ئوقۇتقۇچىسى بىلەن دائىم ئالاقىلىشىپ تۇرىسىز. 28.بالىڭىزنىڭ ئالدىدا مۇئەللىمىنڭ يامان گىپىنى قىلمايسىز. 29.بالىڭىزنىڭ ئالدىدا ئۇرۇش-جېدەل قىلمايسىز. 30.ئائىلىڭىزنىڭ ئىشلىرىدا بالىڭىزنىڭ پىكرىنى ئالىسىز. مەنبە: http://www.akillar.com/bbs/thread-9514-1-1.html

moysipit

	پەرزەنت تەربىيلەش توغرىسىدىكى ئېسىل تەجرىبىلەر ئىكەن ئاتا ئانىنىڭ تەربىيسى پەرزەنتنىڭ كەلگۈسىدىكى تەقدىرى بىلەن مۇناسىۋەتلىك

RUNAK

	مەن  ھازىرچە  ئائىلە  باشلىقى  ئەمەس  ساقلىۋالدىم  ياخشىكەن

motewar

	مەن بۇنى دادامغا ئوقۇتسام بولغىدەك .

izbasar

	مەن تىخى توي قىلمىغان؟ [s:121]

gherip

	ساپلا ئۇششاق بالىلار كىرىۋاپتىغۇ ؟  [s:123]  [s:134] مەن لاياقەتلىك ئىكەنمەن

دانىش

	بۇنى  ياخشىراق   كۆرسەم  بولغۇدەك  ....كەلگۈسىدە  دادا  بولغاندا ،،،،،پايدىلانغۇدەكمەن

KONDUZ

	مەنمۇ لاياقەتلىك ئىكەنمەن.بالا تەربىيىلەش ئەڭ مۇھىم ئىش.بۇنى ھەر بىر  ئاتا-ئانا بولغۇچى تولۇق تونۇپ يەتسە نەقەدەر ياخشى بولاتتى -ھە! چۈنكى بالا تەربىيىلەش ئىزچىللىقنى تەلەپ قىلىدۇ.شۇڭا ئازراق كۈچ سەرپ قىلىش بىلەن ئىش پۈرمەيدۇ.

moghal

	مەن ھەر ھالدا لاياقەتلىككەنمەن، بىزدىكى ئاساسلىق مەسىلە بەلكىم لاياقەتلىك ئاتا- ئانىلارنىڭ كۆپ بولماسلىقىدا بولىشى مۇمكىن،كۆپلىرىمىز بالىلارنى'' ھەيۋە'' مىز بىلەن باشقۇرىمىز،ياكى بەك ئەركىلىتىۋىتىمىز، بالىلار پەقەت گىپىمىزنى ئاڭلىسىلا بولدى،بىرسىدىن ئاڭلىشىمچە ئۇنىڭ ئامىرىكىدا ئولتۇراقلىشىپ قالغان ئاكىسى ىككى .وغلىنى بەك قاتتىق باشقۇرۋەتكەچكە ساقچىخانا ئۇنى بىر ھەپتە سولاپ قۇيۇپتۇ، دىيارىمىزدا تۇغۇلغان ئىككى ئوغلى ئۇ يەرنىڭ مائارىپ تەربىسىنى ئالغاندىن باشلاپ بەكمۇ "شوخ" بوپ كىتىپتۇ، بىر كۇنى بۇ ئىككى بالىنىڭ شوخلىقىغا چىدالماي ، باللىرىنى شاپىلا قلاپ قويۇپتىكەن، بالىلارنىڭ يىغا ئاۋازىنى  ئاڭلىغان  خوشنىسى ساقچىغا تېلپۇن قىپ قويۇپتىكەن، ساقچىلار بالىلارنىڭ دادىسىنى بىر ھەپتە سولاپ قويۇپتۇ، بىزدە بالىلارنى ئۇرۇش ئادەتتىكى ئىشقۇ.

alafasy

	مەنمۇ ئائىلە ئەزاسى، تېخى ئەڭ كىچىكى، يەنىلا ساقلىۋېلىپ كىيىن لازىم بولغاندا ئوقارمەن