مەن سېنى سېغىندىم، ئانا سەھرايىم

guzal~yurtum

	مەن سېنى سېغىندىم ، ئانا سەھرايىم مەن سېنى سېغىندىم، ئانا سەھرايىم، ئەقلىم ۋە قەلبىمدىن چىقمىدىڭ بىردەم. تاۋلىنىپ تۇرىسەن كۆزۇمدە دائىم، پەخىرلىك ھېسلىرىم ساڭا مۇجەسسەم، ۋەسلىڭدىن بۆلمىگەي مېنى خۇدايىم، تىنىقىڭ پۇچۇلغان يۈرىكىمگە ئەم. يېلىقتىم بېقىيىت، باغرى تاشلىقتىن، شاۋقۇنلار باغرىمنى قىلىشتى ئوچاق. غەم بىلەن ئايرىلدىم غۈزەل ياشلىقتىن، ئالدىمدا كوھىقاپ ئاچتى كەڭ قۇچاق. ئاڭقىدى بەدبۇيلار قەلەم قاشلىقتىن، (ئېپىمىز كېلىشمەي، پىشمىدى پۇرچاق.) ئېسىمدە بۇلاقلار ئېيىتقان ناخشىلار، ئېسىمدەئۆرۇككە قونغان ھىلال ئاي، ئېسىمدە خىزىردەك چىنىدىن ياخشىلار، ئېسىمدە گۈللەرگە تولۇپ كەتكەن ساي، ئېسىمدە شورىلىق ئېسىل باغچىلار، ئېسىمدە ھەممىسى مۇھەببەتكە باي. يوللاردەك ئاددىي ۋە ناندەك ئۇلۇغۋار، ئەي ،مىنىڭ جانىجان قېرىنداشلىرىم. سىلەردە سۈپسۈزۈك روھىي ئالەم بار، ئويلىسام يوقىلار تېڭىرقاشلىرىم. بىرنى بىر دېگەنگە تەڭرىم مىڭ باقار، ھەق دېگەن ھەق دېدىم ،ئاقتى ياشلىرىم. بىزەكسىز تارايدۇ ئەكىس سادالار، ھەيرانمەن بۇ تاغلار نىمانچە ھالال. پۈركۈيدۇ ئىپارنى يىپەك يادالار، ياپراقلار لىۋىدىن تەپچىرەيدۇ بال. ئۇندا يوق ھەسەتتىن پۈتكەن خاتالار، ئاسمىنى زىمىنغا باقار دائىم لال. ئاجايىپ چىرايلىق ئۇندا ھەر سەھەر، ئىلھاملىق خورازلار ئاتقۇزغان چىللاپ. قاش يارما، قىزىلگۈل ياقۇت نەقەدەر ، قۇلاققا قىسىدۇ قىزچاقلار خىللاپ. ئېدىردىن ئەسكەن يەل پۇرقۇيدۇ كەۋسەر، پۇراقلار قىيام مەي ساقلانغان يىللاپ. سۆيگۇدەك بۇيۇكسەن، سۆيگۇدەك پاكىز، سۆيگۈنىڭ تەڭرىسى، ئەي تەڭرىم ئاتا. چاقنايدۇ يۈلتۈزدەك سەندىن قالغان ئىز، يۈزۈڭنى كۆرگەن تاش بولىدۇ دانا، سەن تۆككەن سەپقەتلەر مەڭگۇ مىننەتسىز، مىننەتسىز شەپقەتلەر مەڭگۈ باشپاناھ. دەريا بولۇپ ئاقىدۇ نۇردەك نىيەتلەر، جان ئۇچۇن تەسەددۇق ۋۇجۇدقا ھەرجان. تۆكۈلۈپ تۇرىدۇ دۇردەك ھىممەتلەر، شەپەقتەك توق قىزىل تومۇرلاردا قان، تاغ كۆچەر ، كۆچمەيدۇ ئەسلى قىممەتلەر، ئۆزەىچە تەقلىدتە بۇ يەردە جاھان. شېرىن بىر خىيالدەك چۈشىدۇ ئاخشام، تۇم قارا رەڭگىدە تىنار يۇمساق تۈن. ئانىنىڭ قارنىدا تىپتىنىچ ياتسام، ئاڭلىنىپ تۇرىدۇ پەرىلەردىن ئۈن. جەننەتتەك چۈش قوينى قىلار رام، جەننەتتە ئۆتكەندەك ئۆتىدۇ ھەر كۈن. ئورغايلار كۈيلىسە چىغلىق يانلاردا، ئۇپۇققا يارايدۇ كۈمۈش رەڭ مانان. قۇياشنىڭ جانلىرى باردۇر جانلاردا، ھەممەيلەن پەرىشتە ، ھەممەيلەن جانان. ئەسىرنىڭ ۋەزنى بار ئوتكەن ئانلاردا، تۇغۇلغان تۇيغۇلار سۆيگۈدۈر ھامان. مەن سېنى سېغىندىم،ئانا سەھرايىم، ئەقلىم ۋەقەلبىمدىن چىقمايسەن بىردەم. چەلەنگۈش رەڭلەردىن چېكىندى رايىم، پۇراقسىز گۈللەردىن رەنجىدى دىل ھەم، ئۇيقاشلىق يوق يەردە قىيامەت قايىم، سەن مېنىڭ مەدىنەم، سەن مېنىڭ مەككەم. ئاپتۇرى.....ئوسمانجان ساۋۇت. مەنبە.....ياشلار ئەدەبىيات ژورلىنىدىن ئېلىندى.

ئەجەل

	ئوخخو!ياشاپ كېتىڭ مۇشۇ شېئىر يامان لازىم ئىدى ماڭا!

saltanat

	ئاھ سەھرايىم مەنمۇ سىنى بەكمۇ سېغىندىم تىما ئىگىسىگە رەھمەت...بۇ تىمىنى ئوقۇپ بەكمۇ تەسىرلەندىم... يۇرتۇمنى بەكمۇ سېغىندىم............

azizgul

	ساپ ھاۋا ،كۆك ئاسمان ،ياپيېشىل ئېتىز -قىرلار . گۈزەل باغلار ........ شىئېرىڭىز ئەجەپمۇ سېغىندۇردى .

kabus0902

	شىئېرنى ئوقۇپ ھازىرلا ئانايۇتقا قاتقۇم كېلىۋاتىدۇ، ئاھ ئامال قانچە [s:166]

شىرىن

	رەھمەتلىك چۇڭ ئانامنىڭ ئۇيلىرى شۇ چاغدىكى بالىلىق ۋاقىتلىرىم ئىسىمگە كەپ قالدى [s:143]

TILSIMAT

	ئۆزگە يۇرتتا سۇلتان بولغىچە،ئۆز يۇرتۇڭدا ئۇلتان بول.

ئايچىن

	ھازىر ئەتراپىمىز  زاۋۇت بىنا ئۆي ئىمارەت بىلەن قاپلىنىپ ، ھەممە يەردە ماشىنا  قاتار- قاتار رەت بىنا  دىگەندەك بوپ كېتىپ بارىدۇ ، گۈزەل ئانا سەھرالار قەيەردىكىن؟ تاغنىڭ ئىچكىرىسىگە كەتتىمۇ يا ؟!:qiray11